قصائد اشعار حامد زيد كامله - قصائد اشعار حامد زيد مكتوبه - Zaid Hamid complete poems قصائد اشعار حامد زيد كامله - قصائد اشعار حامد زيد مكتوبه - Zaid Hamid complete poems قصائد اشعار حامد زيد كامله - قصائد اشعار حامد زيد مكتوبه - Zaid Hamid complete poems قصائد اشعار حامد زيد كامله - قصائد اشعار حامد زيد مكتوبه - Zaid Hamid complete poems قصائد اشعار حامد زيد كامله - قصائد اشعار حامد زيد مكتوبه - Zaid Hamid complete poems قصائد اشعار حامد زيد كامله - قصائد اشعار حامد زيد مكتوبه - Zaid Hamid complete poems قصائد اشعار حامد زيد كامله - قصائد اشعار حامد زيد مكتوبه - Zaid Hamid complete poems قصائد اشعار حامد زيد كامله - قصائد اشعار حامد زيد مكتوبه - Zaid Hamid complete poems قصائد اشعار حامد زيد كامله - قصائد اشعار حامد زيد مكتوبه - Zaid Hamid complete poems



الذهب
يا كثر ما رافقت خلان واحباب
ويا كثر ما في شدتي هملوني
على كثر ما أعدهم ستر وحجاب
على كثر ما احتجتهم واتركوني
من صارت الخوه ثمن حفنة تراب
نفس الوجيه اللي نصوني... نسوني
من غير ذكر فروق، وعروق، وأنساب
كانوا ثلاثة ...والثلاثة جفوني
علمتهم وشلون الأهداف تنصاب
ولما سواعدهم قوت... صوبوني
عشاني أصغرهم عمر صاروا أحزاب
عشاني اصدقهم قصيد اظلموني
اللي نجاح اسمي زرع فيهم أنياب
حتى النصيحة ما بغوا ينصحوني
دام العطايا عندهم دين وأتعاب
والله لو أطلب ذنبهم ما عطوني
طالب نصيحة، كني طالب أرقاب
وهي نصيحة؟!كيف لو زوجوني؟
كنت أكتب لنفسي مشاريه وعتاب
ولا ادري إن اللي قروني... قروني
تضاربت من دوني عقول وألباب
واجد بغوا غيري... وواجد بغوني
أقفل هدب... تسهر على شعري أهداب
كني حبست إرقادهم في جفوني
لو شفتهم واحد... يشوفوني اسراب
من وين مالدوا نظرهم لقوني
أثري وجودي بينهم محرق أعصاب
ومزعل بعضهم من بعض لو طروني
يا كبري بعيني وأنا توني شاب
واهم كتاب الشعر حاربوني
حتى ولو يهوي على نجمي شهاب
يكفيني إن إسمي كبير بعيوني
كد قال ابوي: ان هبتهم قول: ما هاب
لو يقدرونك قول: ما تقدروني
مادام قبري محتضن راس مرقاب
على كثر ما تقدرون ادفنوني
لو ماني بذيب إنهشت عظمي ذياب
لو ما عرفت اثبت وجودي لغوني
لو ما سكنت وجيههم مت بغياب
لو ما قدرت أمحي ورقهم محوني
أصبحت الأصعب لأنهم كانوا اصعاب
جننتهم مثل ما جننوني
ماجيت أبدبل كبدهم شعر وخطاب
لين أدبلوا كبد الذي خلفوني
يا ويل وجهي كن للدمع مخلاب
ما جف ماه ولا استحى من طعوني
كل ما طرالي منظرمريب وأرتاب
كان الوحيد اللي يحرك شجوني
قبلة صلاة،وذكر، وخشوع، وكتاب
وأمي على سجادة النور دوني
تدعي لي الله يفتح بوجهي أبواب
تتوسله بالشده يكون عوني
من كثر ما خفاقها بالدعاء ذاب
صارت تحس إن زملاي اكرهوني
بشرتها: يمه معي ربع وأصحاب
ماني لحالي واجد اللي يبوني
من يوم ما حاز قلمي كل الالقاب
قلطتهم في دفتري واحفظوني
الله وهبنيهم بني عم وأجناب
من يوم جيت اعجبتهم واعجبوني
واعجابهم فيني ما هو بأيه اعجاب
باسلوبي، بشرحي، بطرحي، بلوني
لوقلت عن نفسي( بشر)..صرت كذاب
لو قلت : ( دمي من ذهب) صدقوني
لو بكيفهم كان ازرعوا دربي أعشاب
لوبيدهم يتشبهون اشبهوني
من كثر ما صاروا من طبوعي اقراب
حتى بلبسة شمغهم قلدوني
واجد دعوني واغلقوا دوني الباب
واكثار ناس أبكي لهم ما بكوني
لوطالوا لهدمي مناسيب وأطناب
كان وغلاتك من زمان اهدموني
مدام حطوا فيني عيوب وسباب
جنبت عنهم مثل ماجنبوني
أصلا لو أن بخوتي شي ينعاب
ذبحت نفسي قبل لايذبحوني
أنا يدي لو ماكست متني ثياب
نذر ٍ على لقطع يدي من متوني
موعيب أجي مدعو ولا أشوف ترحاب
العيب لو إني رجعت إن دعوني
مادمت اجي ولا يحسبون لى حساب
حرمت اروح اذا يبوني يجوني
ـــــــــــــــــ



الليال السرمديه
من عرفت العلم وانتي يالليالي سرمديه
والوصول أغلى طموحات الفتى بأول شبابه
والمهابه ماتهادت غير لنفوسٍ رديه
ليت في قلب الليالي للفتى قدر ومهابه
دنيةٍ تجمع صفاتين الخجل والعنجهيه
كنها بنت يزود بحسنها ثقل وذرابه
يوم جتني تمتحني في زمان الجاهليه
جيتها رجلٍ تحلى في تقاليد الصحابه
بالعطا تبخل علي وبالعذاب تموت فيه
عشتها قلب شجاع يكره الضيم ويهابه
بس ابدري وش نهاية وصلها وأخر هديه
وهو صحيح ان القصايد للجريح أول عذابه
ومن عرف لك يالليالي وانتي اكثر من هويه
ومن تلحف في ترابك مقتنع باللي جرا به
من قدر طموحه في زمان المعمعيه
مَن مِن الناس يتجرا يتركك وانتي ترابه
السؤال يعيد نفسه والاٍ جابه مبدئيه
والقلوب اللي تخالف ودها صارت تشابه
والخلايق ماتسوي طيبها جود وحميه
كلنا نضحك بوجهِ مبتسم للغدر نابه
لو يصير الموت راعي .. كلبونا له رعيه
لو زعل نزعل ونرضى لا رضى حضرة جنابه
والله اني مانويت اكشف ملفات القضيه
لكن اني شفت شيٍ يفقد العاقل صوابه
ياالحياه انتي غديتي بالغرابيل اجوديه
كنك اللي مايميز بالخطا غير ارتكابه
ماعطيتي غير جرح ولعنبوها من عطيه
والله انك ما عطيتي خير للقلب وصوابه
خاينه .. ما انتي عزيزة خافقي ياالأجنبيه
جنبي عني وأجنب من مداخيل الغرابه
وأخذ بدربٍ يدرك للقى روحه وجيه
يايموت الدرب ولا بدفن القلب بضبابه
وان ذبحتني تمني رجعتي وابكي عليه
لين تملين المحاجر بالبكا حزن وكآ به
وادفنيني بين ظلك والخيوط العسجديه
لو لقيتي بعد موتي واحد بنفس الصلابه
شاعرٍ قدم قصيده لاغلب أيامك ضحيه
بين ناسٍ مايطيقون القرايه والكتابه
يازماني لو بقى للشعر في صدري بقيه
بكتبه وارسم خيالي بالورق وأروي سرابه

وكان ردت للعناد وعودت للمقدريه
والله أني ما اتنازل لين اعديه السحابه
يازمانٍ مبتلي به وابتلى فيني بليه
لاتلوم اللي يخونك كان له عقل ولبابه
بقفل القلب المشقى عن هبايبك العتيه
ودق بابه من بعدها لو قدرت تدق بابه
الحياه اللي تسمي لعبة الشاطر خطيه
ماتساوت في عيوني مع جناحين الذبابه
أذكر أني كنت عايش بالليال الاوليه
وأذكر أني كنت عايش وقتها باحضان غابه
ماعرفت إلا عبارة مثلها مثل الوصيه
عيش عمرك ذيب
ــــــــــــــــــــــــ


التمثال

عفالله عن خطر قدر خناجر و ضلوع ابطال بسامح و بتركك تحت ضلام الحالك الحال

.......................دخيلك وفر دموعك ترى هذل الدموع اذلال ترى مافي احد يصبر مثل صبري بغربالك

انا عيب علي ينقط كلامي ورجال افعال اذا قلت بقطع احبالك تراني بقطع احبالك

................علشان اكسب هدب عينك تجرعت العذاب اشكال و ليتك ترأف باحالي علشان ارأف ابحالك

مسوي في حياتي شي مايذكر ولا ينقال حشى حتى العدو هو العدو مايعمل اعمالك

.......................تمسيني على الهم وتصبحي على غربالك تقلطني فناجيلك و تقصر علي ادلالك

تحملت تعب لجلك وانا حملي يهد اجبال رحلت من العذاب ماوقفت الا على جالك

......................علامك كل ماجيتك متواضع تجيني تقتال معاك الى متى بصبر وصبري معك يحلالكـ

مثل ماقبلت لعيونك لزوم تلدني بقبال مثل قد حشمتك حس و احشم قلبي اشوالك

.......................انا ماحد مجابرني اساير معك هالمنوال ترى لاني تبيع لك ولاني اصغر اعيالك

انا جيت اعشقك نبض ومشاعر ماعشقك تمثال انا جيت اسكنك وحياك و بقى فيك و بقالك

...................انا جيت بضمه عاشق تعب يطرد صراب بلال انا جيت استفز ارضاك من فرقاك والجالك

انا ماهنت ابك عاقل انا كنت اعشقك بخبال انا ماكنت احبك حي انا كنت اعشقك هالك

....................تخيل من كثر ماخاف تلقى لزعل مدخال اخاف اخطي على طيفك وادوس برجلي اضلالك

تبعتك والعرب تتبع رعود البارق الهمال وانا شفت المطر يتبعك في حلك وترحالك


................كأن ان الي خلق حسنك خلقني مع جسد اضلال صرت اقرب جسد يمشي معك بكفاك وقبالك

ابي قلبك يسح انه فقد بمحبته رجال ملكته من هدب عين و خسرته ارضاه بهمالك

...........صحيح ان الفراق اقسى ولا كن اوصال امحال وانا صعبن علي يضري غرورك و اضعف اقبالك

بعد ماحققت عيني فبعدك للرقاد امال عود للسهر ياخوي فال الله ولا فالك

................ببدل نظرتك فيني وجيلك كل يوم ابحال بكون اقرب من اثيابك عليك ولا تهيالك بلمك وانثرك

وجمعك وارجع انثرك بهمال بخونك و ازعلك و ارضيك وازعل منك وارضالك

.....................وبرسم بس ترى وجهك و بدفن صورتك برمال ابشكي للعرب فرقاك وضحك عند عذالك

ابهديك اوصال فراق و اهديك الفراق اوصال بسوي مثل مااشوف تسوي وفعل افعالك

....................علشان تعرف من فينا زعول و من فينا وسيع البال ابيك تذوق فنجالي وانا بذوق فنجالك

نصيحه احتفظ فيها قصر معك الزمن او طال ابيك تسمع كلامي زين و تحطه على بالك

..........................اذا حبك اهبال اطفال لك عندي هبال اطفال لا وابشر بعد بهبال حب ماهو بهبالك

اذا قصدك تهين اسمي علشان تشمعت العذال حشى لا انت ولا غيرك ولا عشره من اشكالك



القصيده :الأم
قصيدتي زاد بعيوني جمالها
واخذت أنقي بالمعاني جزالها
واكتب معانيها من الشوق والغلا
لأمي وأنا اصغر شاعر ٍمن عيالها
كتبتها في غربتي يوم رحلتي
لما طرالي بالسفر ماطرالها
امي وانا بوصف لها زود حبها
وان ماحكيت لها قصيدي حكالها
امي لها بالقلب والجوف منزله
مكانة ماكل محبوب نالها
اقرب من ظلالي وانا وسط غربتي
وانا تراي اقرب لها من ظلالها
ماشافت اعيوني من الناس غيرها
ولا خلق رب الخلايق مثالها
اغلا بشر في جملة الناس كلهم
واكرم من ايدين المزون وهمالها
اتبع رضاها ورتجي زود قربها
واللي طلبته من حياتي وصالها
الصدق مرساها والاشواق بحرها
والعطف واحساس الغلا راس مالها
اهيم فيها وابتسم يوم قلبها
يسأل وانا قلبي يجاوب سؤالها
وان اطلبتني شي فزيت مندفع
اموت أنا واحمل تعبها بدالها
واصبر على الدنيا والاحزان والتعب
واحمل على متني فطاحل جبالها
واسهر اعذب راحة القلب بالشقا
واعيش اعاني بس يرتاح بالها
تربية ابوي اللي على الطيب بذكرة
اللي وهبني الحياه ومجالها
نور لي ادروبي وانا طفل مبتدي
حتى تركني واحد من رجالها
الوالدين اولى بالاحسان لجلهم
وأولى بتكريم النفوس وعدلها
اقولها وانا على الله متكل
والله عليم بقدرتي واحتمالها
ياكلمة اغلى من الناس كلهم
ياشمس بقلبي بعيد زوالها
يافرحة تملي لي الكون باكمله
ياشجرة تكبر ويكبر ظلالها
تضحك لي الدنيا ليا شفت زولها
مثل السما تزها بطلة هلالها
والبعد عنها ياهل العرف ماقدره
لاشك ناري زايدة بشتعالها
ماعيش ببلاد ولاهيب بأرضاها
ولابي عيوني كان ماهي قبالها
أرض ٍ تدوس امي بالاقدام رملها
اموت فيها واندفن في رمالها



أنتي ولا شي
والله وصرتي تستهينين فيني
وانا الذي سويت لك قدر بيدي
تدرين وش كنتي قبل تعرفيني
ان قلت لك: كنتي ولا حاجة.. شوي!
اانا الذي فرشت لك رمش عيني
وعملت منك شي وانتي ولا شي
جيت اعشقك ما جيت لك تحقريني
جيت اسكنك بسمة ما هو با اسكنك غي
ما دمت عاملك قدر.. قدريني
ترى الكرامة صفحة ما لها طي
ان كان ما جيتي غلا.. لا تجيني
نار الفراق ارحم من الذل بالفي
والله لا اهجرك قبل لاتهجريني
اجل تبيعني.. واجي لك برجلي؟
يا تتركين الكبر يا تتركيني
لان المحبة شي.. والمهزلة شي
لاصارت الدعوة غلاي وحنيني
يمكن يزول الحقد ويشعشع الضي
لكن حكاية ينحني لك جبيني
في ذمتي ما ينحني لك وانا حي

المصدر: منتديات عالم الزين