عرض مشاركة واحدة
  1  
عالم الزين
قصائد رثاء ، اشعار رثاء ، مجموعة قصائد اشعار رثاء مكتوبة جميلة ، Poems lament قصائد رثاء ، اشعار رثاء ، مجموعة قصائد اشعار رثاء مكتوبة جميلة ، Poems lament قصائد رثاء ، اشعار رثاء ، مجموعة قصائد اشعار رثاء مكتوبة جميلة ، Poems lament قصائد رثاء ، اشعار رثاء ، مجموعة قصائد اشعار رثاء مكتوبة جميلة ، Poems lament قصائد رثاء ، اشعار رثاء ، مجموعة قصائد اشعار رثاء مكتوبة جميلة ، Poems lament قصائد رثاء ، اشعار رثاء ، مجموعة قصائد اشعار رثاء مكتوبة جميلة ، Poems lament

سلطان المنصوري:

ياليت يافيصل يرد القـدر شـي
كان اشترينا مايرد القدر عنـك


لكن هذي دبرة الواحـد الحـي
يالله عسى في جنة الخلد مسكنك



--------------------------------------


عادل ابن مدلج الميزاني

أكبـر حـزن خيـم بـعـام الثلاثـيـن
القصف في غزه وموت
الرياحي

يـاالله يامعبـود تنـصـر فلسطـيـن
وترحم فقيد المرجلـه والكفاحـي


-----------------------------------------

رزنامة الأيام مـع مـرّ الأيـام
ترزم وتدفعهـا هبـوب الرياحـي
ترمي سهمها كل ما طيرها حـام
وطير السعد منها كسير الجناحـي
يا مرتجين الخير من مطلع العـام
الشر زاد وساد .. والخير ماحـي
لو بثّت الأخبار معها النباء الهـام
يا ليت ما بثّـت وفـاة الرياحـي
أوّ ليتها كانت من حساب الأوهـام
لاشكّ علم الموت ما بـه مزاحـي
دقّات قلبي عند تحطيـم الأرقـام
تسطي ويبطي خاطري ما أستراحي
لا والله إلاّ مات فـدّاح الأخصـام
اللي عليه الشعّـر جـرّ المناحـي
علم وفرقه بان عن كـلّ الأعـلام
رفرف .. وصابته المنايا وطاحـي
بيطار عدّ وردّ .. شامـخ ومقـدام
جبل محصّن من جميـع النواحـي
حاكم شعر .. مدام للشّعـر حكـام
كم زاح حكمه حاكم ٍ ما يزاحـي
له سيرة ٍ بيضاء وله سيف صـرّام
وإليا جرح يصرف علاج الجراحي
مدات كفّه بالوفـاء حظهـا قـام
ماهيب مدّات الكفـوف الشحاحـي
من عزوة ٍ تجمع عزيزن وكـرام
أهل المراجـل مبعديـن الشباحـي
فـي حبّهـم والله مانيـب منـلام
والحبّ ما بيـن القبايـل مباحـي
أعزّي الأصحاب من قلب منضـام
يا كبر همّك يا القلوب الصحاحـي
وأعزي الشعّار من كـلّ الاقـوام
في فقد طير ٍ من طيور الفلاحـي
عساه بالفردوس في ظل الإسـلام
من رحمة الله لا بس ٍ له وشاحـي
يآرد على حوض النبي خير الأنـام
مثواه في الجنّه .. وشربه قراحـي


للشــاعر ســداح


----------------------------------

من الهاتف الجوال والصبح من باح
اول رساله غيرتلـي صباحـي
منها احس الكون في خاطري صاح
مدري انا من صاح كل النواحي
كن الخبر في طيته شلف ورمـاح
اثخن عليه من كثيـر الجراحـي
وفاة من عدى على الرجم ماطـاح
فيصل ابن منصور نعم الرياحي
بيت الكرم والجود كساب الامـداح
عد الرهى طيب النباء والمشاحي
ذكره يشابه طيـب العـود لافـاح
والعود من طيبه لبسله وشاحـي
مرحوم يافصل عـدد بـارقِ لاح
وعداد مافي الكون مدن وضواحي
وعداد ماتجمـع محبيـن الاربـاح
وعداد من يزرع ويرج الصلاحي


----------------------------------


عبد الله بن عتقان السلمي


مرحوم ياشيخ فريـدة سجايـاهمرحوم ياعز البقـوم وفخرهـا
فيصل ومن يقدر يسوي سوايـاهاللي طويلات الدروب اختصرها

بالمعرفه والشعر والفعل والجاهياما وياما من صروح عمرهـا
واليوم فيصل رمزنا أللي فقدنـاهتبكي عليه عيوننا مـن قهرهـا

لكن وش ينفع لـو إنـا بكينـاههذي هي الدنيـا وهـذا قدرهـا
ندعو له الغفران من عند مولاهعساه بالفردوس يقطف ثمرهـا


--------------------------------------

خولان بن عامر

احسن الله عزاء الشعار والشعر كله
واحسن الله عزانا كلنا في الرياحي
شاعرٍ هيبته في وقفته تنحسب له
اشهد ان الرياحي راح والسد باحي
دمع عيني من اللي صار قامت تهله
سامح الله من جاب الخبر ما استراحي
جاب لي علم مادري كيف جابه وشله
قام يطرق على الباب تسعه صباحي
يوم سبتِ عسى لاعاده الله وعله
يوم سته محرم نجم دوّى وطاحي
حان وقت الوداع وكلها حكمةالله
كل نفسٍ على ميعادها والمراحي
رحمة الله على نجم فقدنا محله
وقفي يادموعي واسكني ياجراحي
اشهد انه رقى بين النجوم المطله
شامخ العز والهامات ودّع وراحي
ياعلم ياهرم ياشعر يامجد قله
قله انه فقيده من جميع النواحي
كن في القلب نار وكن في العين سله
من مواقيف اهل غزه وموت الرياحي

----------------------------------------------


فهد بن شعلان

يالبقوم اهل المغارب والمشـارق
ويا صدقا بو بدر في كل النواحي
عظم الله أجركم دعوات صـادق
في فقيد المرجله رمز النجاحـي
غاب عملاقٍ من حساب العمالق
وطاح حظ الشعر كله يوم طاحي
كل حفلة شعر تزهـو بالبيـارق
مايجفف دمعهـا كثـر النياحـي
الكفوف اللي على الساحه تصافق
مايبرد حرهـا غيـر الرياحـي
لحتمى الميدان والجـو المراهـق
وضيّق حلوق الجماهير الصياحي
إيتقدم لابدى الخصـم إيتفاهـق
بالقصيد اللي مثل زرق الرماحي
معنوياتـه مثـل زاد البـنـادق
من كثر شجاعته ماهوب صاحي
اسكنه يـارب جنـات الحدايـق
واغسله بالثلج والمـي القراحـي



-------------------------------------

عبدالله بن شايع

المـوت لبـن أدم مقـدّر ومحتـوم
والعمر مهما طال عجـل المراحـي
والدايم الله وإن بكت عينـي اليـوم
حزينـةٍ تبكـي وفـاة الريـاحـي
مرحوم يابو بدر مرحـوم مرحـوم
عساك في الجنه مع أهـل الفلاحـي
أبكي على النادر لونه مـن القـوم
وشلون مابكي فيصلٍ يـوم راحـي
عزيز في قلبي وغالـي ومحشـوم
راعي الشهامه والكرم والسماحـي
له بالوفاء والطيب منهج ومرسـوم
على الضفر والمرجلـه والكفاحـي
حرٍ رقاء بالعز فـي كـل مزمـوم
تشهد لـه العالـم بكـل النواحـي
في ساحة أهل الشعر فارس وزيزوم
خـدم وقـدّم خدمتـه برتيـاحـي
للشعر والموروث تبقى على الـدوم
مكانته وسـط القلـوب الصحاحـي
وإن مرّ بالساحه صواكيـك وثلـوم
أكبـر مصايبهـا ممـات الرياحـي


---------------------------------------


سعود الدهيمي

حزنٍ من الخرمه تزبَـر مخيلـه
سنّـد لـدار مكمليـن المعانـي
على تربه صقعه ووقعه وسيلـه
وصواعقه تنسد عنهـا الاذانـي
يبكون اهلها اليوم الاسود وليلـه
حزنٍ على فرقا عريب المجانـي
فجيعـة علـى القبيلـه مهيـلـه
لاانهد حصنٍ من حصون المباني
أأأواااه يافيصل ونعـم الفصيلـه
سعد الرفيق وسعد من جاه عانـي
هاك الحصان اللي ينومس صهيله
اللي مامثله فالمحافـل حصانـي
اللـي لياقابـل عميـلٍ عميـلـه
يضرب بحد السيف والعمر فانـي
والله لنبطـي مالقيـنـا بديـلـه
ووالله لنبطي من غيابـه نعانـي
عساه في جنات عـدن الظليلـه
ينعم ويهنى فـي نعيـم الجنانـي
اخذ من الدنيـا العلـوم الجميلـه
الوجه الابيض وانطلاق اللساني
وشجاعةٍ يندر بهـا بيـن جيلـه
يشهد بها لاذكر قاصـي ودانـي
تنكس له اعلام العلوم الاصيلـه
المرجلـه والمعرفـه والمعانـي
احدٍ مايونس حزنـه الاّ الحليلـه
ماهوب لاهادم ولاهـوب بانـي
واحدٍ مثل فيصل يشيـل الثقيلـه
يبكي على موته ربوع وعوانـي
وعينٍ ماتبكي موت فيصل بخيلـه
ابو بدر حلـو النبـا المرحبانـي
والله ماكنه مـن اقصـى القبيلـه
ماكنـه الاّ واحـدٍ مـن خوانـي


-----------------------------------

عبدالرحمن المرخان

عساها مجابه دعوتك من ولـي الجـود
اعزي وانا اللي فيك منهـو يعزينـي ؟
عسى جسمك الطاهر ابد مايجيه الـدود
اخاطبك والبرزخ حجز بينـك وبينـي
رحمك الله الباري وهذا هـو المقصـود
ابدعي لربي 00 وارفع لربـي يدينـي
وباب السماء ماهو عن اهل الدعا مردود
ويدعي معي شعـار قسـم النداوينـي
عساها شهاده يوم شاهـد وذا مشهـود
وتارد على الكوثـر وظـل البساتينـي
وتقطف ثمر ما لاق وطلع النخل منضود
وثوب ٍ من استبرق وحـور ٍ مزايينـي
نهل الدمـوع وجونـا معتلـج بـارود
على نار غزه صارت النـار نارينـي
ومن مات مثلك حي لو هيكلـه مفقـود
وكم ناس بين احيـاء ولاهـم بحيينـي
تفتح لك الجنـه وبـاب اللهب مسـدود
اقوله وانا دمعي علـى خـدي وعينـي
عليك الشعر يبكي ويلطم عليـك خـدود
وانا ابكي وابي يبكي معي تركي الفيني
عسى الله عزانا يجبره والكبـد ملهـود
الا وينك انت اليوم ؟ وانا بعد وينـي

------------------------------------------


جمال الجابري

يا الدمعه اللي وسط عيني مايفيد البوح
هاذي هي الدنيا كذب من قال فيها مستراحي
ياقلب من عقب الـرياحـي زاودتـك جـروح
روح وهـو تحت الـثرى مـن دون موعـد للمراحي
أكتب قصيدي بالقلم مع صوتي المبـحـوح
حتى الـقـلم ذاب بيدي دامه كتب اسم الرياحي
لاتنـوح ياخـاطـر صـدى ياخـاطـري لاتـنـوح
هو انوضع تحت الثرى وأسمه سطع بالعال لاحي
ماأنساك لين الروح تعلن في خروج الروح
وانـت الـذي مـجـتـاح فـكـري يالـطـيف الاجتياحي
أدعيلك ابسجدت مصلي في صدر مشروح
مع الـسـلامـه جـعـلك ابـقـبـرك تـعـيش الارتياحي


-------------------------------------------------


حسن المسعودي


نهار السبت فاجونـي بعلـم مايسـر البـال
عسى الله مايعيد اللحظه اللي ضيقـت بالـي
نهار السبت خمسه من شهر واحد بعام حـال
ثلاثين السنه بعد اربع اميه وألـف عزالـي
مكدر خاطري بسبـاب غـزه والكـدر لازال
بعد ماوصلني علـم فجعنـي عبـر جوالـي
خبر وأسوى خبر خلى همومي والحزن تجتال
تحت حدب الضلوع اصبح لها رجف وزلزالي
يقولون الرياحي مات عـزالله رحـل رجـال
وانا اقول الرياحي مايعوض باألـف رجالـي
لكن الحكم لله والقضاء يسبق علـى الأمـال
عسى الله ينزلك يابو بدر في خيـر منزالـي
عسى قبرك من ارياض الجنان بساعة المنزال
وتسلم وحشة القبر وعساك بدفء وضلالـي
زميل وصحبتك كنت اعتبرها مثل رأس المال
وبعد ماممت تبقـى خالـده ماهـي بتنزالـي
من الصعب انها تنسى ومن ينساك فيه اهبال
ياخبل اللي يبي ينسى عريب الجد والخالـي
جمعنا الشعر وعلوم الرجال بخـوة الابطـال
وفجعنا الوقت فيهم فجعة يبكي بها السالـي
فمان الله يارجال المكـارم مضـرب الأمثـال
فمان الله ياللـي نذكـرك بيـن اول وتالـي
فمان الله ياتاج الشموخ اللي عليـك ايحـال
صعيب العلم لابحلوا بـه وقالـوا مانحتالـي
فمـان الله يارمـز الأصالـه متعـب العيـال
لاعالوا في ميادين النبط تصليهـم الصالـي
فمـان الله ياديـوان شعـر يحتـوي لمثـال
حوى الشعر وجزيل الشعر مثل السكر الحالي
اودعك الوداع اللي ماعقبـه روحـة واقبـال
وداعا فيصـل العيـه وداع الدمـع لاسالـي
وانا ياناشدي لاعاد تنشد وش جـرى للحـال
بعنزها على الرب الكريـم ويلطـف بحالـي
ولامني ذكرت ابو بدر جريـت للـي مـوال
تخالطه العبار وسجت في جو الخلا الخالـي
حزين ولايلام اللي عليه الحزن صال وجـال
يونسه الخلا اللي مايدوجه كـل مـن زالـي
هذا حالي وأسال اللي بيـده خاتمـة لاجـال
يجمعنا على حـوض النبـي يـاالله ياوالـي


----------------------------------------------


المواضيع المتشابهه: