رواية غرام، وأنتقام2012،

رواية غرام، وأنتقام2012،


رواية غرام، وأنتقام2012،


رواية غرام، وأنتقام2012،

رواية غرام وأنتقام


الكاتبه : نسايم نجد


((1))



حبيت انقل لكم روايه قريتها وشدتني كثيرررررررر فكرتها مختلفه كثير عن غيرها

اسم الروايه / غرام وانتقام

الكاتبه / نسايم نجد

اللهجه / سعوديه


ابراء لذمه لم انقلها لكم الا بعد ماخلصت كتابتها وسمحت للجميع بنقلها لانه كانت حصريه للمنتداء الي كانت تكتب فيه

نبداء بما خططت يدها

غرام وانتقااام


ـ احب ان اطرح بين يديكم مولودتي الاولى واتمنى ان تنال رضاكم لقد تناولت في روايتي بعض من المبادى

_ لقدت تناولت الطيبه وحسن النيه ويقابلها الاستغلال للوصول الى المال والشهره على اكتاف الغير من غير مراعاة الحلال والحرام وان هناك من يدفع الثمن بالمستقبل

_ تناولت الحقد الدفين بقلوب صغيره يكبر ويزاد مع الزمن وهدفها الانتقام ممن اساء الى اعز انسان لها وان عقول الاطفال لاتنسى ماحدث بصغرهم

_ ان الحب والعطاء والحنان لا يكمل بالاهل الحقيقين بل ممكن يتعداهم للاسره المربيه

_الصداقه الحقيقيه التي تستمر على مر السنين من الاباء للابناء وتثبيت الصداقة بالنسب

ـدخلت لحدود العلاقة بين الزوجين من المحبه والموده

_ بطلتي هند مجموعه من المتضادات حنونه حقوده قويه ضعيفه متواضعه مغروره

كان للماضي اثر في تركيب شخصيتها المعقده هي اقرب لشخصيه الرجاليه بالصلابه والقوة والقساوة والتضحيه والتفكير والقياده



السؤال / هل تتغير هند اذا وجدت الحب الحقيقي من رجل حبها حب صادق وعشقها حتى الجنون


اترككم مع الروايه لاينكشف بين طياتها شخصية بطلتنا ( ممكن البعض يتعاطف معها ويحبها والبعض يحقد عليها ويكرهه فهذي وجهات نظر )


احب ان انوه ان روايتي خياليه لا تمت بالواقع باي صله








البارت الاول






البـــــــــــــــــــداية




بداية عمر كانت عطر

عم الفرح وضحك القدر

افتكرت اني فهمت الحياة

وحسافة مخبى فيها الغدر

ليالي كانت كلها فرح

وربيعها كلو زهر

كنت حاسب حبي ملاك

وما يتغير بظروف الدهر

وبلحظة غدر خاينة

تخلى عن عشرة عمر

تركني بهالعالم وحيد

اصارع اعمال القدر

خلت قلب صاير شريد

يحمل اضغان البشر

وجمد بالدم الوريد

وخلت قلب يعصر عصر

منقول




في بيت راشد


بطلتنا هند عمرها 7 سنوات واقفه في زاوية الصالة تبكي وترتجف من الخوف بسبب صراخ ابوها العالي على امها الحنونه ابوها انسان قاسي استغلالي استغل امها بنت العز والاموال بنت انسان معروف بالمنطقة من كثر الثراء توفي ماعنده الا ساره وعبدالرحمن وورثت الشي الكثيرررررررر من الاموال والعقارات والشركات ولكن بعض الاموال اخفتها عن زوجها لانها كانت تخاف من استيلائة عليها لانه اخذ الكثير منها فعندما ظن انها لم تعد تملك ريال واحد وان الدجاجه الي تبيض ذهب لم تعد تبيض اصبح يفتعل المشاكل ونكشف على حقيقته






ساره حامل بشهر السابع وفرحانه بحملها كثير بعكسه كاره الحمل اقتنع بحملها الول لانه يخاف من زعلها لانه بيفقده العز الي عايش فيه

ساره غلبت عليها عاطفة الامومه وكررت بعد سنوات الحمل وطلب منها تسيقيطه لكنها رفضت




ساره قمه بالجمال والانوثه والدلع واضح عليها اثر العز بكل تصرفاتها كانت طيبه حنونه محبوبه من الجميع


وكان الصراخ هذه المره لتوضيح الحقائق التي طالما كانت خايفه وتتهرب منها


راشد / بصوت عالي وبصراخ / اموالك نقلتها كله بسمي بالتوكيل الي اخذته منك وانت الحين شحاااااااااذه ههههههههههههههه


ساره من الصدمه/ ..........


راشد / ليه ساكته ليه ماتتكلمين


ساره/ ماصدق انك سويتها ياراشد وانا الي حبيتك وتحديت العالم وتزوجتك وانت فقير تقدم لي الكثير وتجاار وخترتك انت وهذا جزاتي


راشد / انا ماتزوجتك حبن فيك ولا لسواد عيونك تزوجتك لفلوسك ولا هذا الوجه احد يتحمل يطالعه روحي شوفي وجهك بالمرايه اصحي انا عمري محبيتك انتي جسر علشان اوصل للمال ووصلت له والجسر خلاص مايلزمني لاني تزوجت عليك


ساره/ شتقول تزوجت علي


راشد / ايه تزوجت بنت عمي الي اعشقها من يوم كانت صغيره وهي محيره لي


ساره / حرام عليك يا راشد ليه خدعتني انا حبيتك تعرف اش معنى حبيتك


راشد بسخريه / هههههههههههه انا حبيت فلوسك يقولون خذ القرد لمااله راح المال بقى القرد على حاله


ساره بحزن / مافكرت ببنتك ولي ببطني


راشد / اعتبريها مكافاة نهاية الخدمه متنازل عنهم ومتبري منهم مراح يرثون مني ريال واحد


ساره / انت ظالم ما تخاف ربك وش ذنبهم ياحسافة على ضياع احلى ايام عمري عند انسان مثلك استامنتك على مالي وحلالي انت انسان حقييييييير ونذل ياخسارة حبي لك ياخساره الله ينتقم منك يارشد واشوف فيك يوم


دفها راشد بقوه طاحت على الارض وداس برجله على وجهها وضحك باستحقار ههههههههه هذا قدرك عندي والحين جهزي اغراضك ان جيت بعد العشاء ولقيتك ماطلعتي من بيتي حذفتك انتي وبنتك بالشارع


ساره / هههههههههه بيتك من متى


راشد / يامدام نسيت لاقولك سجلته باسمي وانتي مكانك الشارع ولا روحي لخوك الحنون واذا ماضفك روحي للمساجد اشحذي وخذي بنتك معك


ساره / مراح تسلم مني ياحرامي وبنتقابل في المحاكم


راشد بقوه / هههههههههه اعلى مافي خيلك اركبيه القانون لا يحمي المغفلين وانتي مغفلة


ساره تتوجع وهي بالياله تتنفس بسبب اوجاع بظهرها بسبب الطيحه لكنها تكابر ماتبي راشد يضيع الباقي من كرامتها ويتشفى بوجعها


هند جت تركض بسرعه لابوها وصارت تضربه على فخذه وتقول انا اكرهك انت حرامي ليه تضرب ماما ان بكره ان كبرت بضربك ودوس وجهك برجلي زي ماسويت لماما


صعق راشد من كلام بنته ولكن من قسوته ضربها وصرخ عليها صوته ارعب هند انخشت وراء ظهر امها الملقاه


راشد / انا طالع بجيب عروستي معي بعد العشاء الاقي بيتي نظيف منكم يالحثاله


وقبل لا يطلع التفت على زوجته الطايحه على الارض قال لها انتي طالق طالق طالق


ساره سمعت الكلمات حست بظلام وفقد الوعي وغمي عليها


وطالع وسكر الباب باقوى ماعنده مما سبب الفزع لهند




ناظرت هند امها المغمي عليها خافت وعلى طول راحت المطبخ نادت الشغاله لما شفتها الشغاله خافت وجابت ماء وغسلت وجه ساره لكن لا مجيب وطلبت من هند تروح تجيب عباية امها ركضت هند لغرفت امها وخذت العباية ولبست الشغاله ساره وحاولت بكل ماتقدر تسندها الى ان وصلت لسياره السواق وطلبت منه بسرعه يروح للمستشفى




وبعد قائق وصلو المستشفى ودخلوها الطوارئ الممرضة منعت هند من الدخول وهي تبكي بهسترياء تبي تدخل ولصغر حجمها شالتها الممرضه تطمنها تسالها


الممرضه / وين بابا


هند بحزن / بابا مات طلعت عفويه من هند بسبب كرها لابوها الي حرمها من حنانه بسبب اطماعه


في هالحظه طلع الدكتور وقال وين ولي امر المريضه اجابت هند انا طالعها الدكتور باستغرب من الطفلة الواضح عليها الذكاء


الدكتور / بابا لازم واحد كبير ماما لازم تولد الحين ولاز م احد يوقع على اوراق ضروري علشان نولدها بسرعه


هند / انا اوقعها انا اعرف اوقع انا بدرس انا كبيره


الدكتور / انتي شاطر بس لازم تعطيني رقم احد كبير اتفاهم معه


على طول هند عطتهم رقم خالها عبدالرحمن




في بيت عبد الرحمن




متزوج من بنت عمه نوره


عبدالرحمن 35 سنه وسيم وحنون وطيب وله هيبه ورزه وشخصيته قويه


نوره 30 نوره انسانه حنونه وعطوفه وذكيه تحب هند كثرررررر وهند تحبها لانها امها الثاني ونوره وام هند مثل الخوات اسرارهم عند بعض هي الي اشارات على ساره انها تخبي عن راشد ممتلكاتها وشركاتها الي كانت تديرها ساره بالخفاء وكانت




تجي عند اخوها لمشاركتها ببعض ارائه لانه له باع طويل بالتجاره والشركات ساره كتبت كل شركاتها واملاكها باسم بنتها الغالية هند


خالد 7 سنوات اخو هند بالرضاعه رضعت مع خالد يوم امها سوت عملية المراره فضطرت نوره ترضعها مع خالد


محمد / 5 سنوات


وفهد / شهرين


نوره من الصباح وقلبها مقبوض عندها احساس وقلق ان صاير شي او بصير شي وقلبها مقبوض من هند لها يومين ماكلمتها ماهي من عوايدها


اول ماسمعت صوت جرس التلفون على طول ركضت من ثاني رنه ردت


/ الو


نوره / هلا


/ هذا بيت عبدالحمن فهد .......


نوره / ايه نعم من معي


/ اختي ممكن اكلم عبد الرحمن ضروري


نوره / لحظه


وركضت لغرفتها كان عبد الرحمن بالغرفه بياخذ قيلوله بعد الغداء فتحت عليه الغرفة قالت له حبيبي فيه واحد على التلفون يبيك ضروري


عبدالرحمن / كان قلتي نايم


نوره بخوف / يارجال قوم انا من اصبحت وقلبي مقبوض


عبدالرحمن / اللهم اجعله خير انا اخاف من احساسك


بسرعه نزل عبد الرحمن ورد على التلفون


عبدالرحمن/ الو هلا من معي


/ انا دكتور من مستشفى ....... ياليت تتفضل ضروري


عبدالرحمن بقلق / ممكن اعرف من عندكم مريض


الدكتور / بخصوص اختك ساره


عبدالرحمن مصدوم ورد وهو خايف / حالتها كيف


الدكتور / تعال المستشفى وانت تعرف


بسرعه ركض عبد الرحمن من غير مايغير لبسه هذي اخته الوحيده الغاليه الي يفداها بعمره طلع وهو يدعي يارب اجعله خيررررررر


ركب سيارته يسوق بسرعه جنونيه لين وصل للمستشفى






يتبع







في المستشفى


ركض عبدالرحمن في الاسياب يبحث عن غرفة اخته وشاف من بعيد هند واقفه تروع من حالت صغيرته هند دلوعته بالمستشفى ببجامة البيت وشكلها مبهذل من غير احذيه استغرب انه يشوفها وحيده يسال نفسه وينه راشد


شافته هند وحست بالامان ركضت وضمته بابا ضرب ماما وماما ماتت


سالها عبدالرحمن / هنوده من جابكم هنا


هند / السواق مع ريتا الشغاله


انفجع عبدالرحمن من كلامها وفي نفسه يهدد ويتوعد راشد شلون يتركهم في الظروف هذي بس الحين لازم يتطمن على ساره


راح لرسبشن يسال عن الدكتور المشرف على حالتها فدلته الممرضه على غرفته دق الباب سمع الدكتور يطلب منه الدخول دخل وهو مرتبك ومرعوب خاف ينصدم من الكلام الي بيقوله وهو حاط يده على قلبة


عبدالرحمن / انا اخو المريضه ساره فهد ....


الدكتور / اختك تعرضت لصدمه عصبية وللاسف اصيبت بجلطه ولازم نولدها بعمليه قيصره ضروري لانه ممكن يتوفى الجنين ويتسمم جسمها وفيه خطر على حياتها


عبدالرحمن فتح فمه منفجع وغصب عنه دمعت عينه / ان لله وانا اليه راجعون طيب ونتيجة الجلطه كيف بتقوم منها سليمه


الدكتور بحزن لما شاف حالة عبدالرحمن / يؤسفني ابلغك ان الجلطة اثرت على اختك واصابها شلل بتجلس طول عمرها على كرسي متحرك وبصعوبة بالكلام


عبد الرحمن / مافيه امل تتشافى انا مستعد اسفرها للعلاج برا باكبر مستشفيات العالم

الدكتور / خل املك بالله كبير برا مثل هنا لكن احتمال معدوم انها تمشي مره ثانيه


عبدالرحمن بحزن / والمطلوب الحين مني


الدكتور / توقع على اوراق العملية قيصريه


عبدالرحمن اخذ الاوراق ووقعها


وعلى طول طلعو ساره من غرفة العنايه قدام عيونه بسريرها مغطاه بشرشف ابيض اخذوها لغرفة العمليات وتقدم لها وباس جبهتها ودعاء لها تقوم بسلامه دخلوها وسكرو عليها الباب حاول الدخول لكن امنعوه جلس قدام الغرفة وهموم الدنيا على راسه ورجلينه ماتشيله من الخوف انه يفقدها


ويسال نفسه ساره وش الي صار لها وسبب انهيارها وبسبه انجلطت انا اعرف ساره نادر ماتعصب او تزعل وهي عمرها ماخبت شي عني

التفت شاف هند شكلها يكسر الخاطر ماتتحمل تجلس بالمستشفى


نادى الشغاله قال لها تاخد هند مع السواق ويرجعونها للبيت لان هند واضح عليها التعب والارهاق


رفضت هند تسمع الكلام تبي تشوف امها لانها متعلقه كثيررررر فيها جت الشغاله عنده وقالت ان هند معنده ماتبي تروح للبيت


راح لها باس راسها وضمها ويمسح على شعرها

عبدالرحمن / بابا ماما نايمه وانتي تعبانه من اليوم وانتي بالمستشفى وعد مني اذا قامت انا اجي اخذك تشوفينها ماما اذا درت انك هنا بتزعل عليك ترضين ماما تزعل عليك

هزت هند راسها بلا وستجابة لكلام خالها


مسكتها الشغالها بيدها لان الشغاله ثقة هي وزوجها السواق كانو عند ام ساره لما توفوا اهلها اخذتها عندها لان مالهم احد بديرتهم ويحبون امها وابوها لانهم عطوفين وحنونين عليهم ساكنين بملحق في بيت ساره وبيت ابوها قبلها




عند راشد

بعد ما نزل هند عندبيت خالها خايف من ردة فعل عبد الرحمن لانه يعرف انه رجال واصل ولا راح يرضى باليسواه باخته الغاليه متاكد لو شافه بيموته

طلب من صديقه يهتم بتاجيرالبيت لانه مستحيل يسكنه ويكون صيده سهله لعبدالرحمن

اخذ زوجته وسافرولديرتهم الي يجهل عبدالرحمن مكانها
سافر بسيارته مايبي عبدالرحمن يعرف طريقهلانه لو سافر بالطياره بيعرف مكانه عن طريق معارفه الي يشتغلون بالمطار ويعرف وينمتجه ويجيبه وهو مو قده لانه اجبن عن مواجهته

الديرته منطقه بعيد عن الرياض ومنطقه بدائية ناوي يهرب فيها فتره لين ينسى عبدالرحمن موضوعه وبعدين لكلحادث حديث

وهو يسولف مع موضي فرحان بالغنايم الي كسبها من وراء ساره فجئة انفجر كفر سيارته حاول يتحكم بالسياره لكن بدون فايده استسلم لمصيره ارتطمت سيارته بحاجز جداري



الكاتبه / نسايم نجد





























البارت الثاني

عند راشد

فجئة انفجرت كفره سيارته حاول يتحكم بالسياره لكن بدون فايده استسلم لمصيره ارتطمت سيارته بحاجز جداري

بعد دقائق من الحادث تجمع الناس حول السياره كان راشد غرقان بدمه وموضي كانت بوعيها تتوجع من ظهرها وبطنها



موضي وهي تتوجع شافها واحد من الناس وتاكد انها صاحيه

الرجال / اختي الحين بتجي سيارة الاسعاف ياليت تعطيني رقم احد من اهلكم

مدت جوالها بوجع / فيه رقم ابو جاسم اخو زوجي

وصلت الاسعاف ونقلتهم للمستشفى القريب من الديره
كلم الرجال ابو جاسم وقاله عن الي صار وقاله عن المستشفى



وصلوهم للمستشفى على طول انقلو راشد لغرفة العمليات وموضي دخلوها بغرفة الطواري لان فيها كدمات خفيفه

بعد اكثر من ساعتين وصل ابو جاسم ومعه ابوه ابو راشد للمستشفى

اسرعو لرسبشن اسئلو عن غرفة موضي وراشد

وابو راشد من كبر سنه ارجوله مو قادره تشيله من الخوف والكبر

وصلو لغرفة موضي طلعت لهم الدكتوره ووجها كله حزن ركض لها ابو جاسم وهو خايف

ابو جاسم بخوف / طمنينا على المريضه موضي

الدكتوره بحزن/ المريضه كانت حامل واجهضت والحين بينقلونها غرفة العمليات بيسون لها تنظيف

هز ابو راشد راسه بحزن نقلوها لغرفة العمليات بعد مابنجوها

توجهو لغرفة العمليات عند راشد جلسو وقت طويل وهم خايفين ينتظرون الدكتور يطمنهم عليه

ابو جاسم / يبه الله يهديك ماكنت ابيك تجي معي لاني مابيك تتعب لكن انت مصر اتعب نفسك

ابو راشد بعصبيه / وش قاعد تخربط اجلس وولدي مسوي حادث وهذا انت مجرب غلا الولد

ابو جاسم / الله يقومه بالسلامه

طلع الدكتور ركض له ابو جاسم وهو حاط يده على قلبه خايف من الي بيقوله الدكتور لان وجهه مايطمن

الدكتور / انتم تقربون للمريض راشد

ابو جاسم / ايه اشر لابوه هذا ابوه وانا اخوه طمنا يادكتور

الدكتور بحزن / الحمدلله على سلامته لكن احب ابلغكم ان الضربه كانت بالظهر وبسببها ابنكم بيصير غير قادر على الانجاب


الخبر كاصاعقه نزلت عليهم مصيبتين في نفس الوقت ابو راشد ماقدر يتحمل ارتفع عليه السكر واغمي عليه نادى الممرضات شالو ابوه لغرفة الطوارئ وهو يعتصر قلبه على حال اخوه كيف بيتحمل المصيبه هذي

ابو جاسم هز راسه بحزن / الله يكون بعونه

دخل على ابوه شاف توه صاحي ودموع نازله على خدوده الي حفر الزمن تجعيده عليها

ابو جاسم بحزن / يبه ارحم نفسك الله مع الصابرين وهذا قدره من يوم ربي خلقه مانقدر نعترض على حكمة ربي وانت انسان مؤمن وتعرف الصبر عند المصيبه الاولى

ابو راشد بحزن / ونعم بالله ان لله وان اليه راجعون





مر اسبوع على ابطالنا لا جديد في حياتهم نفس الاحداث


راشد عرف انه عقيم و تاثر كثير وانتشر الخبر بين اهله والكل تعاطف معه ومع موضي

موضي تاثرت من اجهاضها وخبر عقم راشد
وقررت تبقى معه لانها مستحي بتلقى احد تسيطر عليه مثل راشد وبعد الي صار له بتصير هي الاقوى بينفذ كل الي تبيه تعرف مكانتها عند راشد مستحيل انه يفكر يخسرها


في بيت عبدالرحمن


اليوم خروج ساره من المستشفى والكل مبسوط ينتظرها واولهم هند الي جالسه بغرفة امها بعد مجهزها خالها وجاب لمها ممرضه تهتم بصحتها وبتنام معها بالغرفه هند سمعت صراخ خالد يناديها

خالد / هنووووده عمه جت

ركضت هند بتستقبل امها طلعت لصاله اول مطلعت وشافت امها
انصدمــــــــــــــــــــــــــت

امها جالسه على كرسي متحرك كان فيه ازره يساعد ساره على الحركه بدون مساعدة احد كان وجهه ساره اصفر شاحب اول ما شافت بنتها مصدموه على طول راحت لها اشرت لها تسلم عليها على طول رمت هند نفسها بحضن امها وحضنتها بشوق كانت حزينه وهي تشوف امها ما تمشي وصدمها اكثر ان امها ما تتكلم

نوره / هنوده ماما بترتاح بغرفتها انتي روحي مع خالد فوق بغرفته
كانت متمسكه قوة بمها كانها خايفه تروح عنها

حست فيها نوره / بعد شوي تنزلين تلقين ماما قامت انا وصيت خالك يجيب كيكه لان امك طلعت من المستشفى

ابتسمت هند وبان على وجهها الرضاء وطلعو فوق

نوره / ساره لازم تنامي وترتاحين ولنا جلسه بعدماتنامين ياني مشتاق لك يا سارونه وجتها وضمتها ووصلتها غرفتها الي اعجبها ذوقهاالجدار
كان عنابي والاثاث بني عودي وفي كنبه طويلة على جنب خشبهاعنابي وقماشها مخمل عنابي مع ورود عنابيه من نفس اللون

وصلتها نوره لسريرها وساعدتها تنزل تدخل سريرها وبعدها غطتها وطفت الانوار وسكرت الباب وطلبت من الممرضه تنتبه لها وتعطيها علاجها

وطلعابتجهز اكل مغذي لساره لانها بمرحله نفاس تحتاج لتغذيه جهزت لها الاكل وطلبت من الممرضة اول ما تقوم ساره تخليها تاكل واذا ما قدرت فيها تناديها لان نوره كانت تعبانه ومن الفجر صاحيه تتجهز لاستقبالها بتاخذ قيلوله وبالعصر بتقوم


في غرفة ساره

جتها الممرضه عطتها دواها رفعت لها السرير ( نفس سرير المستشفيات ) عطتها عصير وطلبت منها تنام لان بعد ساعه لازم تتغدا عندها حبة لازم تاكلها بعد الاكل وبالمغرب بتغير على الجرح

اشرت ساره للمرضه انها تتركها لحاله طلعت الممرضه تبي تختلي بنفسها ورجع قدام عيونها شريط احداثها مع راشد ( وحطت اللوم على غبائها )

دخلت عليها هند لانها مشتاقه لامها كان سرير ساره عريض نادتها تبيها تنام مشتاقه لها فرحت هند ونامت جنب امها وهند متعوده ما تنام الا وامها تلعب بشعرها صارت تمسح على شعر هند لين نامت وجلست تتاملها وشايله همها متيتمه من ابوها وهو عايش ويمكن ما تعيش لهم لانها حاسه انها بتموت غصب عنها نزلت دمعه ساخنه على خدها وضمة هند وهي نايمه ومن التعب نامت


فوق في غرفة نوره


نوره / حبيبي انا قلت للعيال اليوم بنسوي حفله صغيره على قدنا وبعزم ام بسام تعرف ساره تحبها وابيك تجيب كيكه وشغلات للحفلة

عبدالرحمن / حبيبتي بدري على الحفلات ساره توها طالعه وباين ان نفسيتها تعبانها لكن تكابر هذي ساره اعرفها ماتبي تشيلنا همها

نوره / حبيبي انا متعمده اسوي الحفله الحين علشان نغير لها جو مابيها تختلي بنفسها وترجع همومها انا اعرف ساره مستحيل تنسى الي صار وبتحاتي بناتها ومع الجمعه بنحاول نفرفشها ونطلعها من حزنها

عبدالرحمن / شورك وهداية الله بعد الصلاه بروح وعلى المغرب كل شي جاهز

نوره / الله يعطيك العافيه ويطول لي بعمرك ياغلى زوج

عبدالرحمن / بس اغلى زوج مافي شي من منا منا
قامت وطبعت بوسه على خده

عبدالرحمن / الحين اقول امري تدللي يازوجتي الغاليه الله لايحرمني منك من غيرك مدري شلون تصير حياتي

نوره / ولا يخليني منك يانور حياتي يله بنام مابقى الا ساعه وياذن العصر



في غرفة ساره

دخلت الشغاله ريتا على ساره لانها ما شافتها يوم طلعت من المستشفى كانت طالعه برى تشتري اغراض لقتها نايمه

انصدمت لما شافت هند نايمه جنب امها

خافت ان هند توجع امها بالعمليه وتسبب لها ضرر على طول شالتها وحطتها على الكنبه الطويله بالغرفة وغطتها وطلعت



فوق بغرفة نوره

سمعت نوره صوت الاذان قامت التفتت على زوجها لقته غاط بنومه مسحت على شعره

نوره / قوم حبيبي بيقيم ياله قوم بلا كسل التفت عليه ومسك يدها وباسها خليني انام شوي بحضنك

وقفت وسحبته ودخلته الحمام ماتبيه يتاخر على الصلاه

طلع من الحمام وهو حاط فوطه على خصره ولقى ملابسه على السرير مجهزتها نوره لبس ونزل

نزلت نوره دخلت غرفة ساره طلت عليها لقتها نايمه سئلت الممرضه اكلت شي

الممرضة / لا صحيتها بس مو راضية تقوم عندها حبه لازم تاكلها الحين

طلبت من الشغاله تجهز اكل سارة واخذت الدواء معها دخلت الغرفه شغلت النور وقربت عند سريرها ومسحت على شعرها

نوره / سارونه ياله قومي وش هالنوم تغدي وكلي حبوبك اذا خلصتي بنطلع للحديقه الجو خيال مجهزه قهوه هناك فتحت عيونها ساره على صوت نوره

نوره / نوم العواف عندي مفاجئة لك هزت ساره راسها وهي مبتسمه كانها تقول شنهي المفاجئة

نوره / مراح اقولك لانها مفاجئة ان قلت ماصارت مفاجئة خلصي انا بروح اطل على العيال جت بتطلع مرت على الكنب شافت هند نايمه

نوره بابتسامه / ما شاء الله هنوده متى جت ونامت هنا ما عندها وقت ياحبي لها قربت عند الكنبه ورفعت عنها الحاف ومسحت على شعرها وباستها

نوره / هنوووووووده قوي حبيبيتي بتروحون مع خالك تشترون اغراض الحفله

على طول فزت واقفه

نوره / بسم الله عليك خوفتيني شوي شوي
روحي خذي لك شور وبدلي وخالك بيجي من الصلاه بسرعه وانتي طالعه مري على خالد وقولي له انه بيروح معكم

وطلعت هند لحقتها نوره على الدرج

نوره/ هنوده صديقتك غاده بتجي

فرحانه مو مصدقه هند بفرح / صدق خالتو

نوره بحب / ايه ياعيون خالتو بيجون بعد المغرب لا تتاخرون ويمكن بعد تنام الليله عندنا اشتري حلويات وشغلات تضيفين فيها غاده

هند / ان شاء الله

طلعت هند مرت على غرفة خالد كان يلعب بلاستيشن لحاله فتحت الباب وتمشي بشويش يوم قربت من عند خالد

هند بصوت عالي / بوووووووووووووو فز خالد متروع لان هند فاجئته وهو متحمس بالعبه ولحقها بيضربها

خالد / اوريك ياهند دخلت غرفتها وقفلت عليها وهو يطق عليها الباب

هند / مابي افتح روح تجهز خالو بيودينا مشوار عندنا حفله علشان ماما وبنشتري مع بعض الاغراض ترى غاده وبسام بيجون

بسام صديق خالد اكبر منه بسنتين عمره 9 وخالد عمره 7 قال

خالد / ياااااهو وناسه

وبسرعه دخل غرفته خذا شور ولبس بنطلون جنز وبلوزه من كوست لونها ابيض ومشط شعره

هند اخذت شور ولبست تنوره جنز لتحت الركبه مع بدي وردي وفوقه بلوزه بيضاء ولبست حذيان ورديه وخلت شعره مفتوح ومقسمه قذلتها قسمين وكل قسم رافعته بمشبك شعر وردي على شكل قلب ومنزله خصل قليله على جبهتها وطالعة قمه بالطفوله والاناقه

طلعت من غرفتها مرت على غرفة خالد طقت

هند / بسرعه خلود
فتح الباب طلع وهو نازل وماسك يد هند وانزلو تحت


يتبع








تحت

دخل عبدالرحمن البيت دخل المطبخ كانت نوره تشتغل وتجهز اغراض الحفله

عبدالرحمن / ساره وينها

نوره / تتغداء وبعد شوي بنطلع للحديقه بتجيناام بسام وجالسه اجهز القهوه والفطائر والحلويات وانا مجهزه الجلسه بالحديقه

عبدالرحمن / وين العيال

نوره / الحين نازلين انت انتظر بالصاله بجيب لك شوي حلى وشوي فطائر وتقهوى على بال ماينزلون


دخل الصاله وجلس على الكنب ولحقته بالقهوة شرب فنجال قهوه واكل قطعه حلى الا بنزلة هند وخالد

خالد / بابا تاخرنا بسرعه بسام بيجي نبي نلحق عليه قبل لايرجع بيتهم وبنشتري اغراض الحفله قاطعته نوره

نوره / بسام بينام هنا الليله اشتري اغراض تضيف فيها بسام انا قايله
لهند بتشتري لغاده

خالد / زين بابا بشتري شريط بلاستيشن جديد كل الي عندي قديمه

عبدالرحمن / بطريقنا نمر محلات العاب وتختار الي تبي

خالد / عاااااااااااااش بابا عااااااااش ضحك عبد الرحمن من ولده ومسكه بذنه

هند ضحكت عليه لما شافت خالها ماسكه باذنه

عبدالرحمن / يقليل الخاتمه عاش بابا علشان شريط

خالد / اسف بابا ماقصد كذا وباس ابوه على راسه

عبدالرحمن / سماح هالمره

تظاهر عبد الرحمن با لعصبيه

عبدالرحمن / يله اطلعو ان تاخرتو رحت وخليتكم ما كمل كلامه الا كلهم سبقوه عند السياره

بعد ماطلع عبد الرحمن دخل غرفة ساره تستعجلها على الطلعه للحديقة طقت الباب

ردت الممرضه / مدام انا اغير لجرح المدام

نوره / اذا خلصتي هاتيها برا في الحديقه او ناديني

خذت نوره القهوه وحطتها مع الفطائر والحلويات على الطاوله كان فوقها مظله والمكان كان كله ورود جوري وياسمين وفل وورد احمر من الي تحبهم ساره والمكان ريحته منعشه مهدي لنفس

سمعت صوت جرس الباب طلبت من الشغاله تفتحه وعلى طول داخلت ام بسام وجابتها الشغاله لمكان نوره قامت لها ورحبت فيها واخذن بعض بالاحضان

وجلست ام بسام على الكرسي وسالتها نوره عن عيالها

ام بسام / راحو مع ابوهم بيجون بعد المغرب غاده بتشتري هديه لغاده الصغيره وهي مصررررررره ما يشتريها الا هي تقول لانها على اسمي وبسام مرافق معهم

نوره / هههههههههه يحليلها غاده اجل فرحانه انها على اسمها والله هند الي مختاره الاسم ومسميته على غاده يحبي لهن

ام بسام / نوره كيفها ساره شلون نفسيتها

نوره / الله يكون بعونها الي هي فيها مو بسيط

ام بسام / من يتوقع يصير لساره كذا ساره كلن يحبها ما ضرت احد ماقول الا حسبي الله على الي ما يخاف الله طلق ساره وضيع بناته

نوره معصبه / وش ذا الكلام الي تقولينه والله لو ماعرفك زعلت عليك اجل حنا وين رحنا اذا ابوهم تخلى عنهم خالهن مراح يقصر عليهم والله انه يحب هند اكثر من عياله من زمان وهو يتمنى البنات وربي رزقه بهنوده والحين عندنا بعد غاده

ام بسام تعتذر / لا تاخذين بخاطرك انا ماقصدت الي فهمتيه السموحه ياختي الا كيفها غاده

نوره / اللهم لك الحمد وانا ودي ارضعها مع فهودي تصير اختهم ونصير عيله وحده

ام بسام / خير ما سويتي الا ماقالو لكم متى تطلع

نوره / على الاسبوع الجاي وان شاء الله عبدالرحمن بيسوي لها تماميم كبيره وانتي معزومه من الحين

ام بسام / ان شاء الله الا وينها ساره

نوره / عندها الممرضه تغير على جرحها والحين بتجي

التفت نوره الا تشوف الممرضه معها ساره جابتها عندهم على الطاوله

وطلبت نوره من الممرضه تجيب دفتر لساره تكتب الي بنفسها وتسولف معهم عن طريق الكتابه

قامت ام بسام واستقبلت ساروه وخذتها بالاحضان

ام بسام / الله يهديك يا سارونه شكلك بتشوفين غلاتك عندنا وربي انك غاليه يالغاليه وترى انا عازمتك بعد كم يوم عندي لا تقولين مالي خلق مابي مو بكيفك الجدار بالجدار مالك عذر يا لغاليه

ضحت ساره من كلام صديقتها وحبيبتها كانت ام ساره وام بسام صديقات والحين غاده وهند صديقات وامهاتهم صديقات وجداتهم صديقات

جلسن سوالف وضحك وساره شاركتهن بالكتابة لين اذن المغرب جت الشغاله

الشغاله / مدام باب يبغى انتي قامت نوره دخلت لزوجها داخل استقبلوها هند وخالد

كانو طالعين للحديقه ركضو عند ساره وام بسام لكن انصدمو ما شافو بسام وغاده طمنتهم ام بسام انهم جاين بطريق جلسو معهم

نورهداخل البيت دخلت لقت عبد الرحمن يكلم
الشغاله يطلب منها ترتب الاغراض الي جابهم دخلت عليه هند

نوره / لا تعبت حبيبي

عبدالرحمن / لاندمتي متى بتجهزون الطاولات الي برا

نوره / اصلن مافي احد جهزت طاولتين لنا انت بتبقى بالبيت ولا بتروح مع ابو بسام

عبدالرحمن / افهم من كلامك اني مطرود

نور / لا حبيبي ماقصد اذا بتبقون جهزنا طاولات لكم اذا بتروحن اكتفي بترتيب طاولاتننا

عبدالرحمن / ما ظن اني ببقى ودي امر الربع بالاستراحه مسوين عزيمه على سلامة ابو نواف سو حادث وتوه طالع من المستشفى وباخذ معي ابو بسام من زمان ماتجمعنا

ماشوفه الا بشركه ( ابو بسام شريك وصديق عبدالرحمن من ايام الثانويه )

وابو بسام لايقل غنى عن عبد الرحمن ومن حبهم لبعض تشاركو بشركه وصار عبد الرحمن المدير لشركه وابو بسام النائب لان عبد الرحمن اجدر منه بالاداره

نوره / ترى ام بسام وعيالها بينامون عندنا اليوم انا طالبه منها تنام بتغيير من حالة ساره وعلشان ينبسطون عيالنا من زمان ماطلعو ولا راحو

عبد الرحمن / الا كيفها ساره ان شاء الله مبسوطه بالجلسه معكم

نوره / الله يعافيها ام بسام عندها قدره بتلطيف الجو وحنا نعامل ساره مثل قبل مانبي تتغير معاملتنا لها تحسبنا متعاطفين ولا شفقانين عليها وهذ الي يدمر الواحد

عبدالرحمن / عفيه عليك حبيبتي هذا الي ما نبيه ابيها تعيش معنا رافعه راسها وتحس انها بقوتها ماتغير عليها شيئ

نوره / ان شاء الله

عبدالرحمن / حبيبتي روحي لضيوفك تاخرتي عليهم

نوره / رايحه لهم بس بطلع فوق اخذ شور وابدل ملابسي وانا موصيه ام بسام على ساره بتاخذها لغرفتها ياليت تطلع لمجلس الرجال علشان تاخذ راحتها واصلن ابو بسام على وصول مع عياله

عبدالرحمن / ليه اجل ماجو مع امهم

نوره / لا يحليلها غاده مصره الا تشتري هدي لغاده الصغيره علشان مسمينها على اسمها

عبدالرحمن هههههههههه مهب هينه النتفه هذي مشيه ابو بسام على كيفها

طلع عبدالرحمن للمجلس ونوره طلعت فوق لغرفتها

برا بالحديقه

ركضت هند وخالد عند ام بسام وانصدمو ماشافو بسام وغاده نادتهم ام بسام وضمتهم وقالت شكلكم بتسالوني عن بسام وغاده الحين جاين بطريق ارتحو لما دروا نهم بيجون

سمعو صورت الجرس على طول ركض خالد وفتح الباب وكان ابو بسام سلم علي
خالد

ودخلو غاد وبسام غاده كان معها كيس من محل مجوهرات غالي سئل ابو بسام خالد

ابو بسام / خالد وين ابوك

خالد / بالمجلس

دخل ابو بسام المجلس لقى عبد الرحمن منسدح قدام التلفزون طالع فيه ابو بسام

ابو بسام/ يالاخو جاك ضيوف تراه مجلس ليكون غلطان تحسبه غرفة نوم

عبدالرحمن يبتسم / ما تترك سوالفك على طول اكلتني قول السلام وسلم على عمك عبدالرحمن

ابو بسام / عمى بعينك قال عمي قال قوم فز من مكانك وسلم علي

ضحك عبد الرحمن / ههههههه ماينقدر فيك جعلني ماطيح بين ايدينك اكلتني

سلمو على بعض

عبدالرحمن / تخاويني للاستراحه

ابو بسام / ماعقلت ليكون تحسب عمرك بالعشرين تراك عجزت

عبدالرحمن / اصبر علي اكمل الربع مسوين عزينه لبو نواف علشان سلامته وانا بروح لهم

ابو بسام / والله متفشل من ابو نواف دخل وطلع المستشفى لا كلمته ولا زرته

عبد الرحمن / وش الي شاغلك عنه ترى خوينا

ابو بسام / انشغلت بالشركه كان فيها شوي مشاكل وانت لك كم يوم ساحب على الشركه وصار كل شي على راسي

عبدالرحمن / السموحه والله ان مرت علينا ظروف جعلها ماتمر عليك

ابو بسام / ما جاك خبر عن النذل راشد

عبد الرحمن /لا تذكرني وربي اني اغلي قهر ما خليت مكان ماسئلت عنه وموصي ناس ادور عليه ناوي عليه بس ماله اثر وسئلت عنه بالطيران الداخلي والخارجي مالقو اسمه جبان طول عمره جبان ما يواجه بس مصيره يطلع وين بيروح

ابو بسام / هو صدق طلق اختك

عبدالرحمن / الحقير طلقها بعد ماسرقها والمصيبه تزوج بنت عمه وقهر هند وطلب منها تجمع ملابسهم بكيس زباله شفت رده للجميل كيف والله يوم شفت ملابسهم بكياس الزباله حسيت بالمهانه والادهى والامر قاط بنته باليل عند بابنا ورامي الاكياس جنبها اه يالقهر اني ماقدرت اصيده ولا والله لاخذ فيه اعدام ماهمني ولا تنهان اختي

ابو بسام / الخسيس سواته ما يسويها رجال صاحي فيه مروه نسى ان هذي بنته ماخاف عليها من عيال الحرام

عبد الرحمن / على كلام الشغاله تقول انها سمعته يقول انه متبري منهم مايبيهم وعتبريهم مكافاة نهاية الخدمه تخيل صار يمن علينا بعد مانظفناه ولميناه من الشارع وربي ماكاسر ظهري الا بناته اخاف الناس ياخذونهن بسوايا ابوهن الخسيس وبعد عمري هند اول ليله يوم نامت خوفتنا بصراخها تحلم بالي سواه حسبي الله عليه الله لا يهنيه ولا يوفقه

ابو بسام / الناس لايدرون بسواياه اذا اسالوكم قول ان اختك الي ماتبيه وعايفته

عبدالرحمن / هذا الي بنقوله يله مشينا

نكمل سوالفنا بسياره تخاويني ولا اخاويك

ابو بسام / لا والله بخاويك كسلان مالي خلق لسواقه

عبد الرحمن/ هههههههه الله يقطع بليسك ماتترك عنك العجز والكسل الله يصبر ام بسام عليك

ابو بسام / ياله مشينا خلك من هسوالف
طلعو متجهين للاستراحه


في الحديقه

دخلت نوره على ساره وام بسام والعيال

نوره / هنوده خلود روحو خذو شور وتجهزو للحفله باقي ساعه وبحط كل شي ان تاخرتو راحت عليكم الحفله

ام بسام /حرام عليك نوره خوفتيهم شوفي شلون طارو حتى ما كملتي كلمك

نوره / علشان مايتاخرون لان لازم نخلص الحفله بدري لان ساره تعبانه لازم ترتاح الارهاق والجلسه الطويله ماهي زينه لها ولا نسيتي انها نفاس وبعمليه

ام بسام / لا والله مانسيت جعله تخفيف ذنوب وانا ختك الله اذا حب عبده ابتلاه

بعد صلاة العشاء كل شي جاهز الطاولات وعليها مفارش بلون الاحمر والابيض وفوق كل طاولة اكسسوارات قمه بالجمال مخلوط بين الون الاحمر والابيض وفيه على جنب بالحديقه بوفيه صغير متنوع فيه كل مالذ وطاب وفي وحده من الطاورلات كيكة دورين من الفراولة والفانيلا وعصاير طازجه من كل الانواع

جت نوره عند ساره / سارونه الحفلة على سلامتك كنا نبيها كبيره لكن علشانك توك طالعه من المستشفى قلنا نسويها مختصره بينا وبين ام بسام
والحفله الكبيره تمايم غدويه ابتسمت هند على طاري غدويه

نوره بمزح / على شرفك نبيك تقطعين الكيكة وتوزعينها

قربت من الكيكه قطعتها بمساعده هند وحطوها بصحون صغيره ووزعوها على الموجودين
بعد مخلصو اكل الكيك والعشاء تقدمت غاده بحياء لساره

مدة عليها كيس غاده / خالتو هذي هديه مني لغدوويه

ابتسمت ساره وضمتها باستها على خدها واشرت بعيونها يدل على شكرها له
ا

الساعه 10 خلصت الحفله وجت الممرضة عند نوره

الممرضه / مدام موعد علاج ساره ولازم تنام

نوره / خلاص عطيها العلاج وغيري لها ملابسها وانا جايه

الممرضه / حاضر مدام

خذت الممرضه ساره متجهه لغرفتها دخلت الغرفه عطتها الممرضه حبه مسكنه وحبة مضاده وبعدها احذت ملابس قطنيه خفيفه بتلبسها لساره بتكون بارده على الجرح وما تكتمه

طق الباب كان عبدالرحمن فتح الباب ودخل

عبدالرحمن / الحلوه نامت ولا باقي
كان من دقائق ساعدتها الممرضه نومتها على سريرها اول ماشافت عبدالرحمن اشرت للممرضه ترفع السرير بوضع الجلوس

جلس عبد الرحمن على طرف السرير جنب ساره وسالها عن اخبار الحفله واذا كانت مبسوطه كانت تاشر براسها بمعنى ايه واضح عليها التغير مكانها ساره الي اول ماطلعت من المستشفى

عبدالرحمن / سارونه وانا اخوك لا تشيلين هم بناتك انا ابوهن انتي تعرفيني احب البنات وربي رزقني بعيال بناتك بناتي والله ياساره ما ينضامن وانا راسي يشم الهواء

غصب عن ساره بكت كان هذا الكلام الي تنتظر تسمعه يطمنها على مصير بناتها

مسح لها دموعها بيده عبدالرحمن / ليه ياساره الدموع وربي كانهم خنجر يطعني بقلبي تكفين ياساره مابي اشوف دموعك مره ثانيه ترهم ضعفي وانا اخوك ماعاش من ينزل دموعك ياخت عبدالرحمن يا تاج راسي

ابتسمت من بين دموعها على حنية اخوها الي ماتغير على مر السنين

مر اليوم على خير والكل مبسوط وهند وغاده سهرنات بغرفة هند سوالف ولعب بغرفة الالعاب لين اتعبن ونامن

وفي غرفة خالد يلعب مع بسام بلاستيشن

ولعبهم وحماسهم استمر لساعه 2 دخلت نوره عليهم وغصبتهم على النوم



يتبع






في غرفة نوره


دخلت نوره على عبدالرحمن الساعه 2 كانت سهرانه مع ام بسام

دخلت غرفتها غيرت ملابسها لبست قميص نوم اسود دانتيل يوصل للفخذ كان خيال عليها


دخلت في سريرها كان عبدالرحمن نايم اول ماشم ريحة عطرها على طول

التفت وسحبها في حضنه وطبع بوسه وهي دفنت راسها على صدرع العاري وكملو نومهم



مر اسبوعين على ابطالنا لا جديد الا ا ن ام بسام عزمت ساره على عشاء مختصر


حضرت ساره مع نوره وعيالهم وعلى الساعه 9 رجعو بيتهم تاقلمت ساره مع وضعها الجديد والتأم جرحها


وهند تعلقت كثيرررررر بامها وصارت تنام معها بنفس السرير ماتنام الا بعد ماتمسح امها على شعرها


اليوم السبت الساعه 10 بتطلع غاده من المستشفى راح يجيبها عبدالرحمن ومعه نوره


والكل بالبيت ينتظرها على احر من الجمر وخاصه هند كل دقيقة تسال متى يجون


اول مانفتح باب الشارع الكل ركض متوجه
للباب وقف عبدالرجمن السياره ونزل ونزلت معه نوره وفي يدها طفله ملفوفه بقماش وري


دحلت داخل اول مادخلت توجهت لساره حطت غاده بحضن امها شالتها ساره بين ايدينها
وباحساس الامومه ضمتها وباستها


هند / ماما بشيلها اشرت ساره براسه بالنفي خايفه على بنتها تطيحها


نوره بحب / بعد اذنك ياساره انا خاطري ارضع غاده مع فهودي ابي يصيرون عيالي اخونها ونصير عايله ماتصير حواجز بين غاده وعيالي


ابتسمت ساره وهزت راسها بالموافقه ونزلت دمعه من عينها تدل على الشكر والامتنان لنوره


احذتها نوره وراحت لغرفت الضيوف رضعتهااااا وبكذا اصبحت غاده اخت لعيال عبدالرحمن



بعد يومين تمايم غاده الي اصر عبدالرحمن ونوره تصير كبيره


اليوم يوم التمايم



الكل كاشخ نوره لابسه جلابيه غاليه لونها على سماوي من الشيفون والشعل على حردة الصدر والجزام من السوار فسكي وطالعها عليها خيال والشعر لامته من قدام ومن وراء كيري ولابسه جزمه فضيه وحلق الماس حجمه كبير


ساره لابسه جلابيه ناعمه مرررره لونها زيتي والشغل بالاكمام والصدر


ام بسام لابسه فستان استرتش لونه عنابي ادرابيه على الصدر والكم كت مطلع جسمها خيال ولابسه حلق ذهبي وشعرها اسود لنص الظهر مستشورتها ام بسام مملوحه مرررره مو بجمال ساره ونوره لكن جذابة


هند لابسه فستان سكري فخم طالعه كانها عروسه وحلق فضي الماس ولابسه جزمه فضيه وشعرها مستشور ومسدول يوصل لنص ظهرها وكثير وحاطه على جنب شعرها ورده طبيعيه لونها سكري


غاده صديقة هند لابسه فستان طفولي لونه وردي وشعرها البوي لابسه طوق وردي وحلق لونه وردي من الالماس وجزمه لونها وردي


حضر ناس كثير اخوان نوره وصديقاتها وجاراتها ومعارفهم و اصدقاء عبدالرحمن كانت الحفلة قمه بالجمال الطاولات والتقديم كل شي كان مبهر غير الهديا شي فوق الوصف


وكانت غاده الصغيره مع المربيه في غرفة الاطفال بعد ماخلص العشاء وكلن راح بيته طلبت ساره من نوره عن طريق الكتابه انها تجيب سرير غاده بنتها لغرفتها لانها بتنام مع امها وتكون المربيه موجوده معها ( لان ساره حنونه وتحب الاطفال )



مر ثلاث اسابيع لاجديد في حياة ابطالنا


الا ان ساره طلعت من الاربعين ونوره تطلب من عبدالرحمن يروحون لشاليه الخاص فيهم في الشرقيه ويعزم ابو بسام واخوها بدر وحمد مع اهلهم بعد محاولات وافق على الطلعه هو خايف على ساره ان تغير الجو ياثر على صحتها


اليوم يوم السفره


قبلها بليله جهزت نوره كل الي يحتاجونه لطلعه مع ان الشاليه مجهز بكل الاغراض الضروريه



ركبو طيارتهم الخاصه وساره معها ممرضتها
اما هند وخالد وغاده فرحانين مره وشرو لهم
مايوهات جديده خاصه لطلعه والعاب رمل نفيخات وستر خاصة بالسباحه


وصلو لشاليهات بعد المغرب دخلو الشاليهات وصلو المغرب وبعدها جهزو العشاء وبعد ما تعشو حطو جلستهم عند البحر مع القهوه والشاهي والمكسرات لان الجو كان خيال والشباب والبنات والعيال تسبحو وانبسطو وكانت رحلة الشاليهات محتاجتها ساره لانها انبسطت كثير وتغيرت نفسيتها



اليوم الثاني كلهم قامو الصباح بدري افطرو بعد الفطورجلسو داخل الشاليهات سوالف ضحك والعيال والبنات يلعبون بالرمل عند البحر كانت الشمس بارده لان الجو الصباح بعد محمت الشمس
ادخلو داخل وكلو سندويشات خفيفة وعصيرات على مايجي وقت الغداء


الغداء عزمهم عبدالرحمن على مطعم بعد الغداء طلبت منه نوره يروحون لسوق وافقو

بسياره عبدالرحمن الحريم اما بسام وخالد وهند وغاده رجعو لشاليه لانهم تعبانين من الصباح قايمين اما غاده الصغيره فكانت في الشاليه ماطلعت جالسه معها المربيه والخادمه ريتا


خلصو من السوق بعد العشاء خذو معهم عشاء لشاليهات تعشو لما جت الساعه 11 كلن تعب ونام لانه يوم شاق عليهم


مرت ايام الشاليهات من اجمل الايام الي مرت على ابطالنا واليوم الرجعه لان مابقى عن المدارس الا يومين يبون يتجهزون ويشترون اغراض المدارس


داومت هند اول يوم لها بالمدرسه كان معها نوره وهند مبسوطه باول دوام لها بالمدرسه وكانت معها بنفس الفصل صديقتها غاده وتعرفت على بنات ( لان هند طبعها اجتماعي تكون صدقات بسرعه)


داوم خالد اول يوم دراسي له وكان معه
عبد الرحمن وكان مبسوط تعرف على اصدقاء وعند الطلعه تقابل مع بسام لانه ثالث ابتدائي وكان مستعجل خالد لرجعه للبيت يبي يسولف عن الي صار بيومه في المدرسه لهند


هند وخالد في ثالث ابتدائي وزاد تعلقهم في بعض

وغاده عمرها سنتين تعلقت هند فيها كثير حتى احيانا تصر على امها تغير ملابسها وترضعها وتنومه بحضنها واذا جت من المدرسه شرت شغلات تعطيهم لغاده وغاده تعلقت بهند كثير لان طول اليوم غاده مع هند تلاعبها او تاكلها ساره كانت فرحانه كثيررررر على تعلق وحب وهتمام هند لغاده تحاول محد يقرب لغاده ويلبي طلباتها غيرها



اليوم يعتبر يوم ما ساوي على ابطالنا


صحت نوره بدري كالعاده مع هند وخالد علشان يفطرون ويروحون للمدرسه بعد مافطرو طلعو لمدرستهم على الساعه ثمان نزل عبدالرحمن وطبع بوسه على خد نوره

عبدالرحمن / حبيبتي كيفها ساره

نوره بقلق / امس ماعجبتني وجهها شاحب وقلت لها بوديك المستشفى رفضت تقول الي فيها ارهاق دخلت عليها من دقائق لقيتها نايمه مابغيت ازعجها

على طول خاف عبدالرحمن عليها وراح لغرفتها دخل وقرب من سريرها جلس على طرف السرير ونادها
عبدالرحمن / ساره يخوك قومي فتحت عيونها بتعب

عبدالرحمن بخوف / يوجعك شي تحسين بشي
اشرت براسها بلا وكملت نومها وطلع متوجه لشركه

بعد الظهر جت هند وخالد من المدرسه على طول ركضت كالعاده لغرفة امها دخلت عليها شافت امها نايمه باست راس امها وستغربت امها ماتتحرك قومتها ماتتحرك

خافت هند وركضت عند نوره بالصاله وهي تبكي خالتو ماما ماتتحرك

خافت نوره وفزت مرعوبه وركضت على غرفة ساره اول مدخلت قربت من سريرها ونادتها لكن لا مجيب مسكت اطرفها مثلجه حطت اذنها على قلبها مافيه صوت صارت تبكي وتشاهق وكل هذا وهند واقفة خذت جواله اتصلت على عبدالرحمن

عبدالرحمن كان جالس مع ابو بسام بمكتبه
اول مادق الجوال وشاف المتصل نوره خاف لان مو من عادة نوره تزعجه بشغله بسرعه رد

عبدالرحمن / الو

سمع نوره تبكي وتشاهق و تخربط بالكلام

عبدالرحمن / نوره خير فيه شي تكلمي خوفتيني

نوره وهي تشاهق / الحق يا عبدالرحمن ساره ماتتحرك

على طاح الجوال من يده حس بخوف ورعب وصار يركض ووراه ابو بسام متروع من حال صديقه اول مره يشوفه كذا امسكه ابو بسام

ابو بسام / مستحيل اخليك تسوق وانت بالحاله هذي انا بوصلك وكمل اللهم اجعله خير

بثواني وصلو للبيت وعلى طول طار عبدالرحمن لغرفة اخته وكانت حالت هند

ونوره تحزن حاطه راسها على صدر ساره وتبكي وتشاهق وهند ضامه غاده وتبكي بكاء يهد الجبال وهي حاسه انها بتفقد امها وتصير وحيده بدون ام لانها كل ليلة وهي بحضن امها وتقول لها كل شي يصير لها بالمدرسه

قرب عبدالرحمن من سرير اخته وحاول انه يكون قوي لكن رغم عنه نزلت دموعه وصار يبكي كانه طفل فاقد امه ويمسح دموعه بشماغه

عبدالرحمن وهو يبكي / تعوذي من الشيطان ادعو لها برحمه وهو يبي من يعزيه كمل اكرام الميت دفنه

كلم الاسعاف انقلوها للمستشفى وهو لحقهم بسيارة ابو بسام وسو الاجرائات بيصلون عليها العصر وبيدفنونها



في بيت عبدالرحمن

انهيار كامل لنوره وهند وعندهم ام بسام كلمها ابو بسام لما درى عن الخبر علشان توقف مع نوره

ام بسام وهي تبكي / نوره حرام الي جالسه تسوينه بنفسك هذا اعتراض على المكتوب ماتدرين يانوره يمكن موتها اريح من حياتها

نوره بحزن / ونعم بالله انا ماقنطت بس انتي تعرفين مكانت ساره عندي هي الاخت والصديقه تربينا سوا ما اتخيل يمر يوم ماشوفها وصارت تبكي بوجع وحرمان

ام بسام / هي ماتحتاج للبكاء والنياح هي محتاجه لدعاء هي الحين بين يدين الي ارحم مني ومنك

نوره / الله يرحمها قاطع قلبي بناتها فقدن الابو وهو عايش والحين تيتمن من امهن

ام بسام / لهن الله مراح يضيعهن وانتي وخالهن فيكم الخير والبركه بتعوضونهن عن الي فقدنه وانا اعرفك مراح تقصرين مع بناتك لانك امهن الثاني

نوره / والله يام بسام ان غلاهن بقلبي غير عن عيالي لانهم من ريحة الغاليه الله يرحمها لكن كلنا نعرف ان الام مايجي احد بمكانها

ام بسام / هن صغيرات ماعاشن ولا تعلقن كثير بامهن بامكانك تصير الام بحنانك وطيبتك

نوره / الله يقدرني ويساعدني ولا اظلم هاليتيمات
قلبي يوجعني على حالت هند الايام الاخيره متعلقه بامها كثير ماتفارقها كانها حاسه نها بتفقدها والحين منطويه بغرفة امها ماسكه اختها عندها

ام بسام / انتي صيري قويه هند تحتاجك مابقى لها احد الا انتم انتي حالتك حاله وابو خالد منطوي هو الثاني وين تطلع من العزله وانتم هذي حالتكم

نوره / الله يصبرنا على فقدانها بحاول اطلعهم من الي هم فيه



في غرفة ساره

بغرفة امها تبكي وتشاهق وبيدها ثوب امها الي كانت لابسته فيه ريحتها تشمه وتضمه كانها تضم امها وكانت متمسكه بغاده بقوه كانها خايفه تفقدها حاولت المربيه تاخذها لكن كل ما قربت صرخت عليها هند واصارت المسئوله عنها استسلمو لطلبها لان الي فيها مكفيها مايبون يضغطون عليها ما صارت تطلع من غرفة امها معتكفه فيها وهي تبكي


مرت ايام العز كئيبه وحزينه عبدالرحمن كان منهار يحاول يكابر قدام المعزين ماطب الاكل فمه من يوم وفاة ساره عايش على الماء


مر اسبوعين والحال على ماهو عليه وعبد الرحمن الهم والحزن ذابحه ما صار يروح لشركه وصار بس من الغرفه للمسجد

دخلت عليه نوره / حبيبي حرام عليك الي تسويه بنفسك كلنا حزنانين على موت الغاليه بس الي تسويه بنفسك مراح يرجعها بالعكس بيعذبها بقبرها وين عبدالرحمن القوي

كملت / حبيبي من يوم ماتت ساره ماطب فمك اكل تبي تذبح نفسك وجلست تبكي تكفى يا عبدالرحمن صير قوي اكل علشاني وعلشان هند وغاده حنا محتاجينك هند حالتها ماتسر محمله نفسها هم اكبر من عمرها وربي قلبي يتقطع عليها تعرفها ماتسمع الا كلامك اقنعها تطلع معنا بالصاله حتى اختها غاده حابستها معها مقابلة سرير امها والكرسي وتنتحب من البكاء ان استمرت كذا اخاف تلحق امها ولا يصير شي لعقلها

اول ماسمع عبدالرحمن الكلام تذكر هند كيف نساها فز وخاف على بنات الغاليه الي باقين من ريحتها

عبدالرحمن بحزن والم / جهزي اكل لي ولهند

فرحت نوره وعلى طول ركضت تجهز لهم اكل



في غرفة ساره


كانت غاده نايمه بعد مارضعتها هند وغيرت لها حاطتها بسريرها
قربت من كرسي امها المتحرك وبسطت عليه ثوب امها وحطت راسها عليه كانها حاطه راسها بحضن امها ونامت


ماتت امي

جتني الاخبار في وسط السبوع
وانتهى فكري مع اخباري وضاع
كل قلبي محترق بين الضلوع
والسبب نار الحزن والألتياع
ماتت أمي وأنطفت ذيكِ الشموع
وابتدا حزني بأيامي وشاع
ماهنى لي زاد ورقاد وهجوع
عايشٍ في هم واكدار وصراع
المصايب جتني من كل نوع
بس موتك يا حياتي لي ضياع
كل ساعتي بعد موتك سبوع
والثواني كنها موت و وداع
بعد موتك هلت عيوني دموع
كل دمعي بحور وأحزاني شراع
صرتِ من دنياي يا يمه قنوع
دنيتي بعدك حسايف والتياع
أمي ساره يا بعد كل الجموع
في حشاي وفينك حصون وقلاع
يا قمر عمري يا شمس الطلوع
يا حنين القلب يا نور وشعاع
جعل ربي يرزقك ذيك الربوع
في جنان الخلد جناتٍ وساع
بين أنهار واغصان وفروع
عند ربي خالق الكون
منقوله ( احمد العجمي )



دخل عبد الرحمن عليها يوم شاف شكلها ماقدر يمسك نفسه بكى وجع والم من كل قلبه على حالت هند الي كبرها الهم فوق عمرها وانها تيتمت من ابوها وهو عايش وكملت وتيتمت من امها ياترى وش مخبيه لك الدنيا ياهند

وصل عبدالرحمن عند هند جلس على ركبته وصار يمسح على ظهرها وراسها حست فيه رفعت راسها اول ماشافته كانت محتاجته له من وفاة امها ماشافته رمت نفسها بحضنه وصارت تبكي وتشاهق مع كل شهقه يتقطع قلب عبدالرحمن

عبد الرحمن / حبيبة خالها الحين بتطلع مع خالها برا ونتغداء مع بعض

هند وهي تشاهق من البكي / خالو ماما ماتت وتركتني

عبدالرحمن / صحيح ماتت بس هي ان شاء الله بالجنه الحين لازم ندعي لها اذا بكيتي تزعل عليك تبين ماما تزعل

هند ببرائة طفوليه وهي تمسح دموعها / لا انا احب ماما مابيها تزعل بس انا مشتاقه لها

عبدالرحمن/ ان شاء الله نشوفها بالجنه لازم نتصدق لها وندعي لها هذا الي ماما تحتاجه

هند بحماس / خالو اليوم بتصدق لها

عبدالرحمن / ان شاء الله لكن الحين قومي معي نتغداء خالد مشتاق يلعب معك زعلان كثير انك ماتطلعين من غرفة ماما

حزنت على خالد لانها تعرف تعلق خالد فيها وكانهم توائم

سمعت كلام خالها وطلعت اول ماطلعت كان خالد ونوره جالسين بالصاله اول ماشافها خالد فز من مكانه قام وضمها وباسها

خالد وهو يبكي / ليه هنوده تركتيني لحالي كل يوم اقول هند بتلعب معي ادخل عليك الغرفة اشوفك تبكين اطلع غرفتي ابكي

كمل / هنوده انا شريت شريط بلاستيشن الي تحبينه تكفين هند العبي معي معندي احد يالعب معي من زمان ماقلت لك وش صار لي بالمدرسه

هند / طيب

فرح خالد مو مصدق ان هند ترجع مثل اول لها اسبوعين وهي منطويه معتكفه بغرفة امها

هند التفتت لخالها / خالو بكره بروح للمدرسه من زمان غايبه مابي اصير كسلانه

فرحت نوره من كلام هند لانها خذت لها اجازه من المدرسه بعد ماقالت لهم عن ظروفها

خالد بحب / انا بساعدك بالدروس والواجبات الي غبتي فيهم

هند / طيب بعد الغداء تساعدني بالواجبات
والعصر خالو بيطلعنا علشان بتصدق لماما واشتري اغرض لغاده من زمان ماشريت لها

خالد / طيب اليوم اربعاء بقول لبابا يودينا الملاهي

هند / طيب

نوره وعبدالرحمن مستمعين مبسوطين من التطورات الي صارت لهند وان شاء الله تمر من الازمه على خير

جابت الشغاله الغداء جلس عبدالرحمن وهند على الطاوله وبدو ياكلون لما خلصو اكل
طلعت هند لغرفتها وشافت غاده نايمه وبعدها اطلعت مع خالد لغرفته وكان خالد مبسوط لان هند جالسه تلعب معه

تحت

نوره / عبدالرحمن اليوم انا وام بسام بنجمع ملابس واغراض ساره ونرسلها لتبرعات

عبدالرحمن نزل راسه من شده الحزن

نوره / حبيبي اذا اغراض ساره موجوده مراح نقدر ننساها وبنتعذب ونعذب غيرنا وهند مراح تقدر تنسى امها والاغراض موجوده

عبدالرحمن / سوي الي تبينه وش بنسوي بالاغراض وصاحبتها راحت ونزلت دموعه

نوره / الله يصبرنا على فراقها لازم تطلع هند من البيت وحنا نجمع اغراض امها مابيها تتاثر وهي تشوفنا

عبدالرحمن / انا اليوم بطلع معها العصر مشوار وبناخذ خالد ومحمد معنا بنمر الملاهي وبعشيهم بمطعم

نوره / زين ماسويت تبي لها تغير جو لها اسبوعين حابسه نفسها في غرفة امها

بعد صلاة العصر دخل عبدالرحمن غرفة خالد وشافهم منسجمين باللعب

عبدالرحمن / خلصو لعب وغيرو لبسكم بنطلع الملاهي ونتعشى برا

خالد / طيب

هند / طيب خالو باخذ غاده معي

عبدالرحمن / لا هنوده خليها عند نوره والمربيه بينتبهون لها الملاهي خطره عليها وانا ابيك تنبسطين مابيك تنشغلين بغاده

هند / حاضر خالو وباسته على راسه

قامت وطلعت من غرفة خالد متوجه لغرفتها دخلت الحمام خذت شور وجهزت لها فستان خيوط جنز ولابسه فوقه جكيت قصير ابيض
ولبست جزمه بيضاء وشعرها سوته ذيل فرس ورابطته بربطه لونها ازرق ولبست حلق صغير من الالماس لونه ازرق

طلعت من غرفتها مرت على خالد الي لابس برمود ابيض وبلوزه سماوي مخطط بالابيض وصندل لونه ابيض

نزلو تحت لقو عبدالرحمن جالس مع نوره وعبدالرحمن بيده فهد يلاعبه ويدغدغه وفهد يضحك من لعب ابوه لان صار عمره سنتين وشهرين ونوره بحضنها غاده جالسه تاكلها لانها توها قايمه على طول ركضت هند لنوره واخذت اختها وضمتها على صدرها

هند / خالتو انا بطلع مع خالو انتبهي لغاده

نوره بحب / اش هالكلام ياهند غاده بنتي وانتي بعد بنتي ازعل عليك ان قلتي هالكلام

هند / تبتسمت وحبت راس نوره اسفه خالتو ماقصد بس اخاف عليها امي قبل ماتموت كاتبه بورقه انتي ام غاده لازم تهتمين فيها وتحافظين عليها وكاتبه انها امانه عندك ياهند بكت لانها تذكرت امها

نوره حزنت على هند انها تحملت المسئولية بدري

نوره / هنوده روحي انبسطي انتي وخلود وانا بمسك غاده لين تجين لا تنسين اشتري لها العاب واكل معكم

هند استانست / ان شاء الله

طلعو مع عبدالرحمن ركبو السياره خالد قدام وهند ومحمد وراء وكله سوالف واسئله

اول ماطلعو من البيت كلمت نوره ام بسام تطلب منها تجيها على الوعد

جتها تقهون وجلسن شوي يسولفون

نوره / يله خلينا نروح لغرفة ساره نجمع اغراضها ونخلص قبل لا تجي هند

ام بسام بحزن / والله مايطاوعني قلبي اجمع اغراض ساره انا للحين ماني بمصدقه انها خلاص راحت وجلست تبكي

نوره تيكي / الله يرحمها

دخلن غرفة ساره جمعو ملابسها بكراتين وعطورها ومكياجها بكراتين لتبرع
يوم وصلن عند الباب شافن كرسي ساره اخذنه معهن بيتبرعن فيه

طلبت نوره من الشغاله تحط الاغراض كلها بغرفة المستودع الي بالحوش لين بكره الصباح يرسلونها لمكتب التبرعات

رجعت نوره وام بسام لجلستهن وكملن شرب القهوه وعزمت نوره ام بسام للعشاء لانها لحالها لان عبدالرحمن والعيال بيتعشون برا

تعشت ام بسام وطلعت من عند نوره الساعه 10 على دخلت عبدالرحمن والعيال

دخلت هند غرفت امها وانفجعت يوم ماشافت ملابس امها والكرسي جلست تصارخ بشكل هستيري

عبدالرحمن ونوره لما سمعو صوتها جوها ركض اول ماشافتهم تبكي بشكل جنوني اول مره يشوفون هند بهذ الشكل

عبدالرحمن بخوف / هنوده حبيبتي وش فيك

هند تبكي وتشاهق / خالو ملابس ماما اغراض ماما ماهي موجوده

عبدالرحمن بحب / حبيبتي ارسلنها لجمعية البر للفقراء ويكون الاجر لامك وهي ميته

هند ببكاء موجع / والكرسي

عبدالرحمن بحزن / والكرسي بعد تبرعنا فيه


هند تصارخ / لااااااااااااااااااااا خـــــالو الا الكـــــــرسي الله يخليــــــك هاتـــــه امـــــــي راحـــــــت وصارت تبكي وتشاهق
خاف عليها عبدالرحمن وقربت من خالها تبوس بضعف ابي كرسي ماما لاتحرمني منه الله يخليك

تقطع قلب عبدالرحمن عليها وجها احمرررر من قوة الصراخ خاف يصير لها شي

عبدالرحمن بضعف / حبيبتي خلاص اهدي

طاحت بينهم مغمي عليها خافو عليها وعلى طول شالها عبدالرحمن ولحقته نوره لبست عباته

وركبو السياره وبسرعه وصلو للمستشفى دخلوها غرفة الطوارئ


طلب منهم الدكتو الخروج من الغرفه وهم ينتظرون برا الرفة طلع عليهم الدكتور منصدم

عبدالرحمن / طمنا يا دكتور

الدكتور/ انهيار عصبي انا مستغرب طفله بهالعمر تصاب بانهيار عصبي ماقد مر علي عطيتها ابره مهدئه بتستمر نايمه لبكره

تعال معي اخ عبدالرحمن عندي اسئله لازم تجاوبني عليه

استجاب عبدالرحمن لكلام لدكتور وتوجه معه لغرفته

الدكتور / ممكن اعرف شنو الشي الكبير الي صار كان السبب بانهيار طفله

عبدالرحمن بحزن / قال لدكتور كل شي من وفاة امها وقو علاقتها فيها كل شي قاله بالتفصل لين تبرعهم باغراض امها

تاثر الدكتور وحزن على حالت هند / ياخ عبدالرحمن مايكفي القدر حرمها من امها تكملون عليها وتحرمونها من الشيئ الي يذكرها فيها

لازم توفرون لها اسباب الراحه لا تنتكس حالتها ما ضمن لكم وش راح يصير لها

رجعو لها الكرسي طلبها جد بسيط مادامها تنازلت عن كل اغراض امها هذا يدل ان علاقتها بالكرسي الي كانت تجلس عليه امها علاقه قويه فهو يخفف عنها حرمانها من امها

عبدالرحمن وهو بقمه الحزن والهم على حال هند الحساسه والي صار لها

عبدالرحمن / ان شاء الله برجع لها كرسي امها
متى نقدر ناخذها للبيت

الدكتور / بكره بعد مانتطمن على صحتها والحين تقدرون تمشون




بيت عبدالرحمن

خالد يبيكي ويشاهق بكاء يقطع القلب ويقول هند ماتت والشغاله تحاول تهدي فيه لكن كل ماله والبكاء يزيد وهو يقول انا شفتها ميته

رجع عبدالرحمن مع نوره ودخلو البيت وانفجعو من شكل خالد

ركضت له نوره / حبيبي اش فيك

خالد / ماما هند ماتت صح

ضمته نوره على صدرها بقوه بتهديه

نوره / لا حبيبي بس شوي تعبانه بكره الصباح بتطلع وبتروح مع ابوك اطلعونها ولا تنسى تشتري لها ورد

خالد / طيب

قالت نوره روح نام بكره الصباح بقومك علشان ماتتاخر على هند

طلع خالد غرفته بعد ماطمنته امه عنها وراح لغرفته ولبس بجامته ونام



تحت عند عبدالرحمن ونوره


عبدالرحمن / نوره وين اغراض ساره

نوره بحزن / بالمستودع

عبدالرحمن / طلعي الكرسي ورجعيه لغرفتها ابي بكره لطلعت تلقاه قدامها

نوره / بس

عبدالرحمن / لابس ولا شي هذا كلام الدكتور ولا هند بتضيع منا

نوره / بسم الله عليها سو المناسب اهم شي عندنا هند كنت مسويه ذا الشي علشان مصلحتها مضنينت اني بسبب لها مشكله وربي ياعبدالرحمن انها اغلى من عيالي

عبدالرحمن / عارف يا لغاليه وعارف ان همك مصلحتها الله يخليك لنا

نوره / ويخليك لنا يله نطلع ننام بنام دايخه من قومة الصبح

طلعو فوق ودخلوا لغرفه ومن الارهاق والتعب نامو



يتبع






اليوم الثاني

الصباح بدري قام خالد من الحماس دخل الحمام اخذ شور وغير ملابسه وراح غرفته ابوه وطق عليهم الباب


في داخل الغرفة نوره وعبدالرحمن نايمين استغربو من الطق قامت نوره تفتح الباب استغربت ان خالد لابس وكاشخ طالعت بالساعه الي على الجدار توها الساعه خمس الفجر

نوره / اش عندك خلود ماصحينا بدري

خالد/ بروح للمستشفى انطلع هنوده

نوره / حبيبي بدري المستشفى مسكر مايفتحون الا ثمان

خالد / يوووووووه ماما انا من اليوم قايم علشان هنوده قومي بابا

نوره / ولا يهمك خلود انزل ا ذا جت الساعه 7 اقوم ابوك الحين يتنام يا تلعب بغرفتك لان ابوك تعبان وراه شغل اليوم بالمكتب

خالد بخيبة امل / طيب بروح لغرفتي

الساعه 8 قومت نوره عبدالرحمن لان وقت الزياره

نوره / حبيبي قوم تاخرت على هند

عبدالرحمن / ممممممممم

نوره / من الساعه 5 وخالد صاحي ينتظرك متحمس لزيارة هند

قام عبدالرحمن دخل الحمام اخذ شور وجهزت له نوره ملابسه

انزلت الصاله لقيت خالد ينتظر على جمر

خالد/ ماما بابا وين تاخرنا

نوره / خلودي بابا بالحمام شوي ونازل افطرت

خالد / ايه افطرت

نوره / وينه اخوك محمد

خالد / نايم مو راضي يصحى

نزلت المربيه ومعها فهودي وغاده ماسكه كل واحد بيد

المربيه / مدام نوره غاده ما نامت من البارح يمكن ساعه وحده الي نامتهم من اليوم تبكي مو راضيه تسكت متعوده على هند و تعرف لها

نوره / طيب لما شفتيها مانامت ليش ماتصلتي علي وخبرتيني

المربيه / اسفه مدام خفت يكون فيه ازعاج

اخذت نوره غاده وضمتها لصدرها وهي تبكي خذتها وحاولت تاكلها لكن ماهي راضيه

لما شاف فهد غاده مع امه ركض لامه غيران من غاده اخذته نوره وحطت كل وحد بجهه من حضنها

نزل عبدالرحمن اول ما شافه خالد استقبله بابا ياله تاخرنا

عبدالرحمن / انتظر خلني افطر وبشوف امك

خالد/ يووووه بابا بطول علي

تركه عبدالرحمن ودخل المطبخ ولقى نوره جالسه بحضنها غاده وفهد وغاده تبكي نزل راسه وباس نوره على خدها وباس غاده وضمها وباس فهد وضمه

نوره / حبيبي غاده امس تبكي باليل مانامت لانها متعوده على وجود هند

عبدالرحمن / الله يعينها هند حملت مسئوليه اكبر من عمرها

دخل خالد المطبخ / بابا يله تاخرنا

عبدالرحمن / جالس اشرب كافي باقي
شوي واخلصه صاير بلشه نشبت بحلقي

خالد / انا انتظرك عند السياره لاتتاخرعلي

عبدالرحمن / حاضر عمي خالد

خالد طلع ما سمع كلام ابوه لانه مستعجل

خلص عبدالرحمن قهوته ولحق خالد وهو طالع سالته نوره بتتغداء عندنا

عبدالرحمن / ماضن وراي اشغال كثيره بتغداء بمطعم الشركه

نوره / انتبه على نفسك حبيبي وسوق على مهلك

عبدالرحمن / ان شاء الله ياطيب واحن زووجه بالدنيا



بالمستشفى


هند صاحيه طفشت من المستشفى دخل عليها الدكتور وفحصها وشافها تحسنت

هند / دكتور فك المغذي طفشانه باتحرك
طلب الدكتور من الممرضه تفك المغدي

وعلى طول قامت وراحت لشباك الغرفه تتفرج على الرايحين والجاين وهي تبكي سمع الدكتور شهقاتها وجاء من وراها وحط يده على كتفها

الدكتور بحزن/ بابا ليش تبكين ترى كثر البكاء هو الي جابك عندنا بالمستشفى شكلك تبين تبقين عندنا

التفتت هند لدكتور ومسحت دموعها ووجهها احمر وعيونه منتفخه من كثر البكاء

هند / مابي ابكي انا مشتاقه لماما من يمسح شعري اذا بنام من اقوله الي يصير معي بالمدرسه صرت يتيمه وصارت تشاهق من البكاء

الدكتور ضمها لصدره وغصب عنه تاثر من كلامها اوجعه قلبه عليها لانه يعرف ضروفها الي قالها خالها

الدكتور / هنود انتي كذا تزعلين الناس الي يحبونك خالك يحبك وزوجته

امس يوم جيتي كانو كثيرخايفين عليك كانو بينامون عندك انا طلبت منهم يرجعون

على كلام الدكتور دخل خالد معه باقة ورد كبيره وعبدالرحمن معه علبة حلاو ودبدوب

الدكتور / شفتي ياهنود انهم يحبونك ولا يستغنون عنك

الله شوفي الورد اش حلوه ابيك تعطيني شكولاته ولا انتي بخيله

ابتسمت هند وباسها خالها وضمها وقال لها

عبدالرحمن / هنوده خوفتيني عليك وكرسي امك رجعناه
فرحت وبان على وجهها الفرح

الدكتور / وين حلاوتي هند
اخذت هند علبه الحلاوه وفتحت العلبه وقدمتها لدكتور اخذ قطعه

الدكتور / الحين تقدرون تاخذونها معكم لانها صارت تسمع الكلام

وياليت تسوي الي قلت عليه امس اهم شي الاهتمام بحالتها النفسية

طلعت هند مع خالها وطلبت من خالها يمر سوبرماركت بتشتري اغراض لغاده

اول مادخلت البيت دخلت تدور على غاده اول ماشافتها غاده ركضت لهند عطتها هند بعض الاغراض لانها شاريه اغرض لفهد والعاب له ولغاده

شالت هند غاده وضمتها وجلست معها على الكنبه شويات الا غاده ناااااايمه لانها حست بحنان هند

دخل عليهم عبدالرحمن ونوره وشافو غاده نايمه بحضن اختها

نوره / يقلبي ياغاده فرحانه باختها على طول نامت وانا من الصباح احاول انومها ماهي راضية

عبدالرحمن / الله يخليهم لبعض ويحنن قلوبهن على بعض

لما شافتها هند غاطه بالنوم دخلتها غرفتها الي كانت لامها سابق لانها انتقلت فيها من ايام العزاء حطت غاده بسريرها التفتت بتطلع شافت كرسي امها صارت تناقز من الفرحه نوره رجعت الكرسي الصباح

طلعت لهم هند في الصاله ركضت ورمت نفسها في حضن نوره وهي مبسوطه

هند / خالتووووو انا احبك

نوره عرفة سبب فرحت هند ان السبب وجود كرسي امها ولامت نفسها كيف تجرت وحرمتها من شي تحبه يذكرها بامها

نوره / وانا احبك كثيرر ياهنوده

عبدالرحمن / هنوده تحبين خالتو وماتحبين خالو

هند / احبكم ثنيناتكم

هند / خالتو انا جوعانه

نوره / ماعاش الجوع مسويه لك الاكل الي تحبينه روحي بدلي وانزلي بيكون الغداء جاهز
ترى غاده بتغداء عندنا انا عازمتها

هند بفرح / وناسه

نوره / لا طولين جايه بالطريق

هند / طيب

جت ام بسام ومعها غاده وبسام على طول طلع عند خالد وغاده جلست جنب امها تنتظر هند تنزل



في غرفة ساره


خذت شور ولبست فستان نعومي لونه وردي وشبشب وردي وشعرها طلبت من الشغاله تسوي لها ظفيرتنين وراء اذنها وتركت قصتها نازله على عيونها

نزلت هند تحت لقيت غاده جالسه بصاله مع امها

اول مادخلت سلمت على ام بسام وسلمت على غادة

نادتهم الشغاله على الغداء تغدو واخذت هند غاده لغرفتها كانت غاده الصغيره معهن بالغرفه اخذت هند لاختها غداء ودخلته بالغرفه وغدتها وهي تسولف مع غاده
شغلت لها توم جيري وصارت اطالع فيه لين نامت

جلست غاده عندهم لين الساعه 12 لان اليوم خميس وبكره ايجازات








نقلت لكم بارتات المرحله الاولى كامل من حياة البطله وهي صغيره والبارتات الجايه لها وهي كبيره

( بنظري ان المرحله الاولى كانت كثير بارده لكن المرحله الثانيه قمه بتشويق والاثاره )



























يتبع


مرت السنين ووراها سنين وكبرت هند وكبر معها حقدها لابوها وتتمنى يجي اليوم الي تنتقم منه



أكرهـك وأكـره كـل مـن جـاب طاريـك
وأكــره الدنـيـا يــوم تـحـلا لــك
أكـره اسمـك وأكـره أرض(ن) تحتويـك
روح عسـى مـا يــوم يصـفـا لــك
الله لايسهـل دربـك وتتعثـر بخطـاويـك
مثل ماصعـبـت دربــي بأفـعـالـك
ربـي يكفينـي شـر مـكـرك وبـلاويـك
يالـلـي ضيعتـنـي بليـلـك الـحـالـك
لـو تبـوس راسـي والله مـا اراعـيـك
بــردك محـتـرق وخـايـب(ن) فـالـك
أنـا كرامـتـي اكـبـر مــن مبـاديـك
وعـزة نفسـي ماتسمـح لــي إذلالــك
أدعـي علـيـك يخـيـب الله رجـاويـك
وكـل مـن تحبـه يغيـره عليـك عذالـك
قلبـي يصـرخ بعالـي الحـس مـا أبيـك
كـمـل طريـقـك بصحـبـة أنـذالــك
فـارق..لاتـجـيـنـي ولا أجــيـــك
كرهـت شوفـك وأكـره أقـعـد قبـالـك
أعزي كل قلـب(ن) صـار اليـوم يغليـك
واقولـه زهـب أكفانـك المـوت جـالـك
مثلـت لـي حـبـك ووفــاك وتفانـيـك
وانتهـى فلمـك بمـوت كــل أبطـالـك
جريمـة ارتكبتهـا بحقـي ربـي يجازيـك
على غدرك يغدربك كل من تطلبـه وصالـك
حطمـت أحلامـي عسـى تتحطـم أمانيـك
وماتهنا مع كل حبيب(ن) م بعـدي غدالـك
هنت قلبي..بس كرامتـي تمسهـا ماأخليـك
لهينك وأأدبك ليـن تنـدم وتغيـر أحوالـك
تظن كل من شافك يحبـك وميـت(ن) فيـك
(هــه)... مجنـون وغـرورك زاد خـبـالـك

هند 26 من اجمل البنات جمالها خرافي وجهها ابيض صافي عيونها حاده ممزوجه بنظرة التحدي والكبرياء والثقه والحزن

خشمها صغير واقف فمها صغير منفوخ لونه وردي بخدها غمازتين شعرها طويل وكثيف يوصل لتحت فخذها ناعم من كثر نعومته ماتمسكه البكله قاصه شعرهامن قدام مدرج ومن وراء على طوله لونه على طبيعته بني فاتح

تبهر كل من شافها كلها جاذبيه نااادر ماتنشاف ضحكتها لان وجهها كله حزن والم

جسمها ينطق نعومه وانوثه طاغيةوسط لاهي طويله ولا قصيره

شخصيتها قويه وجديه وجودهاطاغي تجبرالي قدامهايحترمهاويخاف منها فيها قساوة وجبروت مع الي يستاهل وحنونه وكريمه مع الي يستاهل تساعدماترد احد يبي منه مساعده

تميل لتواضع والغرور في نفس الوقت شخصيته قياديه مدبره

انسانه عامله ما تهتم بمظهرها كل لبسها رسمي ماتعرف شي اسمه مكياج دايما تكون على طبيعتها

معها دكتوراة في اداره الاعمال ماخذتها من بريطانيا باقصر مده لذكائها

سلمها خالها شركاتها وفي خلال سنوات قلبلة شركاتها كبرت وصارت معروفه لها فروع بالمملكه وحاليا فاتحه فرع ببريطانيا ماسك ادارته ولد خالها فواز لانه مستقر مع اهله هناك تسافر في السنه لها مره او مرتين تجلس شهر تطمن فيها على شركتها وبعده ترجع ويكون اخوها خالد او محمد معها

وبفضلها صار لشركاتها سمعه طيبه وتفكر تفتح فرع لشركتها بدبي لكنه مشروع مؤجل

فتحت فرع من فروع شركتها خاص لتسليف ومساعدة الشركات المنهاره الي تحتاج للمساعده تسلفهم بدون ارباح ربويه
صارت بمده قصيره اكبر مليارديره سعوديه تلاحقها وسائل الاعلام لان مشاريعها انتشرت بمده قياسيه

اعجب خالها بذكائها وصار يستشيرها بامور شركته

علاقتها قويه بخالد مايتفرقون ابد بفضله تعلمت السباحه والرمايه وركوب الخيل
ولما كانت في بريطانيا اخذت دروس في الرياضات القتاليه والدفاع عن النفس


غاده عمرها 19 جميله جمالها يختلف عن جمال هند جمالها طفولي كلها نعومه ورقه ودلع وجذابه بشكل كبير
شعرها لين كتوفها صابغته بني فاتح بخصل ثلجيه وزادها جمال فوق جمالها تدرس بالجامعه بثاني سنه طب

طيبه حنونه متعلقه بهند كثير تعتبرها امها
ما تقول لهند الا ماماتي لكن اذا زعلت وعصبت متهور افعالها تسبق تفكيرها


عائلة عبدالرحمن

عبدالرحمن عمره 60 شخصيته قويه له هيبه ورزه ووقار شخصيته تفرض على الكل يحترمه علاقته بهند كبيره وعند المشاكل تلجاء له وهو الوحيد الي يشوف دموعها وضعفها

نوره عمرها50طيبه وحنووونه ربت بيت تحب هند وغاده كانهم بناتها وهند تحبها وتقدرها وتحترمها كانها امها

خالد عمره 26 جميل وسيم اسمراني فيه شبه كبير من ابوه شعره قصير نازل لرقبته بقصه رجوليه ملامحه حاده شنب وعوارض جسمه رياضي لانه مداوم على الرمايه والسباحه وركوب الخيل دمه خفيف

نقطة ضعفه يشوف هند متضايقه عنده الحاسه السادسه يحس فيها قبل لا تشكي يحبها اكثر من اخوانه الباقين

درس نفس تخصص هند ومعه دكتوراه باداره الاعمال يشتغل مع هند بشركتها وبكل مكان معها ويحضر الاجتماعات ويسافر معها وهي محافظه على حجابها الكامل

هند صديقه خالد وخالد صديق هند اسرارهم كلها عند بعض هند ماتكون بشخصيتها الطبيعه الا قدامه

محمد عمره 23 حبوب طيوب يشبه خالد شخصيته مسالمه يستشير هند ببعض اموره الخاصه لانه يثق برايها يحترم هند ويحبها ويعاملها كام مو اخت فتحت هند له مكتب محاماه

فهد عمره 19 اكبر من غاده بشهرين علاقته بهند قويه ويعتبرها امه الثانيه يدرس بابريطانيا سياسه وعلوم اقتصاديه وهند تحبه وتعامله مثل غاده

عدنان اخر العنقود عمره 15 ثالث متوسط دلوع البيت لسانه طويل مناقر مع غاده يخاف من هند


عائلة ابو بسام

ابو بسام عمره 60 شخصيه طيب وحنون مع عياله خفيفة دم علاقته قويه مع عبدالرحمن كان يتمنى يربط علاقتهم مع بعض بنسب لكن ماصار لانه خطب هند لبسام وهند رفضته وقالت تعتبره مثل خالد

ام بسام عمرها 50 حبوبه تحب هند كانت تتمناها لبسام لانها تعرف ان بسام يحبها لكن على قولتها الزواج قسمه ونصيب

بسام عمره 29 مملوح كله رجوله يحب هند من يومه صغير انصدم من رفضها له لكن امه اصرت تزوجه بنت اختها

نجلاء حبوبه وطيبه قدرت تكسب قلب بسام والحين حامل بشهرها الرابع بدايه زواجهم كانت حياتهم كلها مشاكل وسكنت عند اهله لكن الحين ببيت الحالهم

غاده عمرها 26 تدرس تخصص طب نفس
صديقة هند الروح بالروح جميله لكنها سمرا كانها مكسيكه شعرها طبيعته كيري كشيخه وتهتم بالبس والموضه عكس هند وكشختها زادتها جمال فوق جمالها جسمها كله اغراء وفتنه

تحب خالد اخو هند وهو يبادله نفس الشعور لكن كل واحد يجهل مشاعر الثاني

غلا عمرها 7 سنوات اول ابتدائي دلوعة البيت مخربها ابو بسام بدلع كل اومرها مستجابها تحاول تقلد اختها بكل شي



عائلة راشد

ام راشد وضحى عمرها 92 ساكنه بالديره تبعد عن الرياض 4 ساعات

مريم خالة راشد ام موضي عمرها 90 ساكنه بالديره مع اختها

قاطعهن راشد بسبب زوجته موضي لانها مانعته من زيارتهن

جاسم صار مسئول عنهن وفر لهن خدامه وسواق وممرضه اذا اتعبن بغيابه
وصى عليهم جارهم ابو مطلق وولده يطلون عليهن بعد فتره وفتره لانه مشغول باشغاله بالرياض والاجازات يقضيها عندهن

يحبن جاسم ودايما يدعن له ومبلشاته بالزواج وكل رده ان شاء الله وبسرعه ينسن بسبب الكبر

راشد عمره 60 الي يشوفه يعطيه اكبر من عمره بسبب الضغط والسكر

رجع لقصر هند بعد ماتطمن ان عبدالرحمن نسى الي صار خسر امواله بسبب طلبات زوجته الكثيره

شركته خسرانه والبيت حاجز عليه البنك
مخبي على اهله ان متزوج وعنده بنت ماقال لهم خايف يحرمونه من بنت عمه لي يحبها ومحجوزه له

موضي الوحيده الي تدري بموضع زواجه وبنته و مخبيه عن الكل من مصلحتها ماحد يدري علشان مايشاركونها براشد

راشد لما تزوج ساره قال لاهلها ان اهله كلهم ميتين خاف من اهله يوصلون شي لساره ويخرب مخططه

موضي زوجته وبنت عمه وخالته عمرها 40 مهتمه بنفسها جمالها عادي وواضح عليها الكبر

طماعه وانانيه وتحب الفلوس وتتمنى الحصول عليها ايا كانت الطريقه ( هي السبب بضياع اموال راشد )

قاطعه بامها ما تزورها لان امها مو راضيه بفعايلها مع راشد وتنصحها
طلبت من راشد يقطع بامه تبيه يعيش لها لحالها ( علشان فلوسه )

من بعد الحادث استقوت اكثرعليه مايقدر يرفض لها طلب


عيال اخوه ويصيرون عيال اخت موضي

جاسم عمره 35 طبيب جراح تخصص جراحة قلب لكنه ترك الطب بسبب وفاة طفل كان مريض بالقلب وتوفي بين ايدينه وهو يسوي العمليه تاثر كثير لانها اول عمليه يفشل فيها تعقد وترك الطب

شخصيته قويه جميل ووسيم بشرته حنطيه فيه حبة خال في خذه محليته شنبه خفيف جسمه كله رجوله له هيبه ورزه

ماتزوج لانه مايبي يربط نفسه بزوجه تغثه يكره الحريم بسبب الي يشوفه من خالته لعمه لانه عارف ان خالته استغلاليه وهو ساكن معهم بالبيت وعلاقته قويه مع عمه

فيصل عمره 25 طيار اجمل من جاسم قريب من اخوه يعتبره صديقه دايما سهراتهم مع بعض ربع جاسم هم ربع فيصل سهراتهم وطلعتهم مع بعض عصبي اذا انفعل مايتحكم باعصابه مايخبي شي عن اخوه ونفس الشي اخوه

الجوهره عمرها 19 صديقة غاده ومعها بنفس الجامعه ونفس التخصص طب اسنان صديقتها الوحيده الجوهره وفيصل ساكنين عند امهم بقصرهم لانهم يعتبرون اغنياء لكن اقل مستوى من هند وهم مليونيره


عائلة ابو نواف

ابو نواف عمره 70صديق لعبد الرحمن ولابو بسام

زوجته فاطمه عمرها 60 اخت ام بسام

نواف عمره 35 صديق جاسم الروح بالروح يشتغل طبيب جراحه قلب بمستشفى خاص لابوه كان جاسم يشتغل معه بنفس المستشفى لكن ترك الطب

نجلا عمرها 23 جميلة وجذابه تصير زوجه بسام

صلاح عمره 19 ثاني سنه جامعه علوم سياسيه يدرس مع فهد بابريطانيا



في بيت ابو عبدالرحمن

في غرفة هند



كرسي امها موجود بالغرفه لازم قبل ماتنام تتكلم مع الكرسي وكانها تتكلم مع امها

قامت هند على صوت اذان الفجر دخلت الحمام توضت اخذت سجاتها وصلت الفجر وكانت غاده نايمه بحضنها كالعاده ما تنام الا بحضنها

قربت منها تبوسها على راسها / غدويه حبيبتي ماما قومي صلي الفجر بتطلع الشمس

غاده بنعاس/ ماما بنام شوي واقوم روحي قومي خالد ومحمد وبعدين تعالي تلقيني قايمه

هند/ خالتي وخالي بيقومنهم لانهم قايمين قبلي وتلقينهم راحوا للمسجد ووراك جامعه يادوبك تستعدين

قامت غاده ودخلت الحمام وتوضت وصلت وبعد الصلاه ضمت هند

غاده / ماما تعبانه بغيب اليوم ماشبعت نوم

هند بعصبية / غدويه لازم كل يوم على هالموال انتي تعرفين رايي بموضوع الغياب مافي ولا عاد اسمعك تطرين الغياب الطب مو سهل ابيك ترفعين راسي ويقولون هند عرفت تربي

غاده / خلاص ماماتي لا تزعلين مني توبه
معاد اطري الغياب ماماتي وش رايك قبل دوامك والجامعه نتجهز ونطلع نفطر برا

هند قرصتها بذنها خفيف / طيب بالبس وانتي البسي وبخلي خالد هالمره يودينا تعرفيني لازم الطلعات هذي معي خالد

غاده / انتي وخلود كانكم توئم سونامي ماتنفصلون

ضربتها على راسها هند / قولي ماشاءالله

غاده / ههههههههههه ماشاء الله عيني بارده

هند / بروح اقول لخلود فيما تتجهزين وتاخذين شور وبعدك بدخل اخذ شور على السريع بالبس أي شي القاه قدامي

غاده بحب / ماماتي ميته اشوفك بالمكياج اش رايك احط لك الحين قبل ماتروحين لشركه

هند / لا مخليه المكياج لك بشركه تصير اجتماعات بحضور رجال ونقابي علي مرتاحه لا اشوف احد ولا احد يشوفني

دخلت غاده الحمام تاخذ شور وتسعد للجامعه

طلعت هند لغرفة خالد مالقته موجود سمعت صوته على الدرج

هند / خلود انا بطلع مع غاده نفطر بمطعم وانت بتوصلنا وعازمتك تفطر معنا تعرفني ماحب الطلعات هذي من غيرك

خالد / كم مره اقولك لاتقولين خلود شنب وعوارض وتاليتها خلود شكلي بطيح بكبد اهلي بسبتك

هند / ههههههههههه لا تطمن مراح اطيح بكبد اهلك على ضمانتي فيه وحده دعت عليها امها وحبتك

خالد / الا داعيه لها امها ياله تجهزي خلي السوالف عنك

دخل خالد غرفته ودخلت غرفتها اول مادخلت غرفتها الا غاده طالعة من الحمام

دخلت واخذت شور طلعت من الحمام لقت غاده لابسه تنوره جنز وبلوزه بيضاء لبس الجامعه واقفه قدام التسريحه تستشور شعرها

فتحت دولابها وطلعت بدله رسميه لونه كحلي عباره عن جكيت وبنطلون ولبست بلوزه وردي تحت الجكيت بيحيث طالع قلابي القميص فوق الجكيت وجزمه واطيه لونها كحلي والشعر جففته ولمته بعضاضه لونه وردي

هند / غاده انا خلصت انتي للحين ماخلصتي

غاده / باقي احط قلوس

خلصت غاده وكان مكياجها ناعم مره علشان الجامعه

طلعو من الغرفة لقو خالد ونوره بالصاله

هند وغاده / صباح الخير لاغلى خاله

نوره / صبح النور ماشاء الله وش هالنشاط

هند / عازمتهم على الفطور قبل الدومات

غاده / خالتو وينه خالو ماشوفه

نوره / ياحبيبتي خالك نايم دوامه 8 والساعه الحين 6

هند / خاله اذا جيت من الشركه فيه موضوع ضروري ابي اكلمك فيه

نوره بخوف / عسى خير لا تعلقيني وتطلعين تعرفيني احاتي وافكر كثير

قربت منها وباستها على راسها هند / لا تحاتين يالغاليه ان شاء الله خير

بحاول اطلع بدري علشان ماطولين اتحاتين ولازم محمد يكون موجود هو وخالد

نوره / ان شاء الله بس وانا امك لا طولين علي

مسكت يدها وباستها هند/ ماعاش الي يضايقك

طلعت هند وخالد وغاده لمطعم جلسو على طاوله اخذو المنيوم اختارت هند كرسون بالزبده وكبتشينو

وغاده طلبت بانك كيك وعصير برتقال

وخالد طلب كرسون جبن وعصير برتقال

خلصو فطور اطلعو من المطعم ركبو السياره وصلو غادة للجامعه

وهند وخالد كملو طريقهم لشركه والجو بالسياره سوالف مر الوقت محسو فيه الا لما وصلو

دخلوا لشركه كان الوقت بدري باقي ساعه على الدوامات

دخلت هند مكتبها ودخل خالد معها نزلت عباتها ونقابها وعلقتها على علاقة ملابس بالمكتب محطوطه وراء مكتبها

كان مكتبها الجدران كلها خشب عودي والمكتب كان قمه بالفخامه وفيه غرفة داخليه خاصه للاجتماعات فيها طاوله كبيره للاجتماعات بنفس ديكور غرفتها لها بابين باب من مكتب هند وباب من برا وبجانب المكتب حمام صغير خاص لهند

عندها سكرتيره لبنانيه تحدد مواعيد الاجتماعات والصفقات وعشاء العمل الي تحضرها غالبا مع خالها لان له قدره وقيمته بالسوق

هند تحضر الاجتماعات بحجابها الكامل من عباه ساتره ونقاب ياله تبان عيونها وبحضور محرم اغلب الاحيان خالد اوخالها كل التجار يحبون التعامل معها لامانتها والتزامها بكلمتها بالسوق ولا ترضى بالغلط والصفقات المشبوهه ترفضها وبقوه ولا يهمها احد


بالجامعه

جالسه غاده مع الجوهره في كفتريا الجامعه سوالف وضحك

الجوهره / غاده انا مسويه عزيمه بعد اسبوع بنات خالتي بيجون من جده ودايما اتكلم عنك عندهم وابيهم يشوفونك انتي صديقتي الوحيده

غاده / ماقدر اوعدك ماضن ان ماماتي ترضى اني احضر الحفلات هذي

الجوهره / خليها تجي معك وتتعرف على امي انا متاكده بيصرن صديقات

غاده / ماضن ان ماماتي تحضر لانها ماتحب الاجتماعات هذي ماماتي كل اهتماماتها بالشغل لكن بحاول مع خالتي نوره تجي معي

الجوهره / طيب مو تقولين خالتي رفضت

غاده / لا اضمن موافقت خالتي اولا لانها اجتماعية وثانيا ماتحب ترفض لي طلب

الجوهره / خلاص انتظرك

غاده / يله بسرعه تاخرنا على المحاضره




في بيت بسام

نجلا / حبيبي قوم تاخرت بالنوم بتتاخر عن الدوام

بسام غمز بعينه / كله منك البارح سهرتيني مخليني انام بس احلى سهر سحبها لحضنه وضمها اليوم ماني بمداوم باخذ اجازه من ابوي

نجلاء حمرت خدودها / بسام خف علي ترى استحي

بسام / فديت الي يستحون انا وش الي مجنني غير الحياء والخدود المحمره ضمها بقوه

نجلا / خف شوي على ولدك خنقته

بسام / متى يجي واخذ راحتي على الاخر

نجلا / حبيبي حبيبي اش رايك نعزم خالتي وبيت ابو خالد واهلي للعشاء الليله عندنا لان من يوم سكنت البيت ماجوني اهلك الا مره وحده

بسام / الي تشوفينه بس خليها حريم تعب عليك لما يكون معاهم رجال بعزمهم بستراحتنا
وبعشيهم هناك لانك تعرفين الشياب لازم عشاهم بدري وينامون بدري

نجلاء / خلاص شورتك وهداية الله



في بيت عبدالرحمن


نوره جالسه على نار تنتظر هند الساعه 10 وللحين ماجت وكلمت محمد بيه يجي على طلب هند وصل وللحين ماجت

نوره / محمد كلم اختك شوف وينها تاخر

محمد / يمه هدي اعصابك الله يهداها هند المفروض تقولك على طول ماتخليك تحاتين

نوره / بعد قلبي قلبها ماهون عليها

سمعت الباب يفتح دخلت هند ومعها خالد

هند / يالغاليه اسفه كان عندي شغل ضروري وخلصته وجيتك طيران

نوره / يمه ادخلي بالموضوع من اليوم وانا على نار وانا انتظرك

هند / يمه ابي اسالك خالي بدر وينه

دمعت عيونها يوم ذكرت اخوها بدر لانها اصغر منها بسنه وعلاقتها معه قويه اكثر من اخوانها الباقين

نوره / يمك من سنتين منقطعه عنا اخباره اخواني ما تركو مكان ماسالو عنه وللحين ماندري وين ارضيه امي ماتت بحسرتها عليه وجلست تبكي

سلمت على راسها / يالغاليه لا تبكين انا مافتحت الموضوع علشان اشوف دموعك ومسحت دموع نوره بيدها

نوره / وش الي جاب طاري بدر بالموضوع

هند/ لاني عرفت مكانه

نوره بحماس / وينه فيه وين غايب كل هالغيبه

هند / يالغالية خالي بدر محبوس بحق خاص

نوره/ كيف حق خاص

هند / خالي بدر ذابح واحد بالمسدس بالخطا لكن اهل الميت رفضو يتنازلون كنت بتدخل واحل المشكله وطلع خالي طلعت السالفه معقده تحتاج لخوالي

نوره / كيف

هند / لازم جاها من كبار العايله يروحون لاهل
المتوفي ويشوفون طلاباتهم وان شاء الله يسقطون حقهم لو نضطر ندفع ثمن دم ولدهم

محمد / انا بحاول اصير المحامي لخالي لان ان شاء الله ضامن القضيه اذا ماتنازلو لانه قتل بالخطا والقتل الخطا يتطلب ديه

هند / الحين لازم خوالي يدرون وهذا عليك يالغاليه تعلمينهم لانهم هم الي بيجمعون الجاهه

نوره / ان شاء الله الحين بروح لهم وبقول لهم

هند / يالغاليه وسعي صدرك وطمني اهل خالي بدر وانه ان شاء الله راجع لهم
خالي بدر ذبحته وحشت السجن محدن درى عنه ولا احد زاره لازم يزورونه ماحتاج من يقويه بمصيبته يكفي سنتين بالحاله

نوره / سلمت على راس هند الله لا يحرمني منك ولله وعرفت اربي

هند بحب / اذا تبيني اروح معك انا حاضره والي تبينه مني بسويه انتي تامرين وانا انفذ

نوره / ياليت وانا امك اتشجع بوجودك معي

هند / ولا يهمك يالغاليه العصر اروح معك لبيت خالي سعود


في بيت راشد

راشد وجاسم وموضي جالسين يتغدون

راشد / جاسم وانا ابوك سمعت عن شركه هند الفهد

جاسم / ايه ياعمي اكبر الشركات بالخليج صاحبتها المليارديره هند

راشد / سمعت انها تعطي سلفية لشركات المبتدئة وتساعد الشركات الي طايحه بالسوق والسداد بدون ربا

جاسم / سمعت وصديقي نواف ابوه يعرفهم وله علاقة كبيره بشركتهم

راشد / انا ناوي اروح لشركتهم اخذ منها سلفيه اقوم فيها شركتي وتصير احسن من اول

جاسم / مدري ياعمي اخاف ماتقدر تسدد القرض وتحمل على نفسك ديون وتتطورط

راشد / انا خسران خسران مراح تضرني المحاوله اليوم كلم شركتها واحجز موعد نقابلها فيه والي سمعته ماترفض احد

جاسم / ان شاء الله عندك رقمهم

راشد / ايه ماخذ من واحد مساعدته هند

جاسم/ بكلمها الحين بحاول يكون الموعد بكره

راشد / خير البر عاجله

اتصل جاسم على مكتب هند ردت السكرتيره وطلبت منه ينتظر على التلفون


في الشركه

بعد ماقالت لخالتها سالفة خالها رجعت لشركه مع خالد

دخلت السكرتيره على هند السكرتيره / فيه مكالمه من واحد اسمه جاسم يبي موعد علشان يقابلك يبي سلفيه علشان شركته
هند حولي لي المكالمه
السكرتيره تكلم جاسم

السكرتيره / اخ جاسم لحظه احول المكالمه

جاسم / طيب انا انتظر

هند / الو مرحبا

جاسم خق على صوتها / انا جاسم املك شركه افلست وسمعت ان شركتكم تعطي قروض خاليه من الفوائد الربويه وهذا الي شجعني اتعامل معكم

هند / احنا تعاملنا بالطرق الاسلاميه ونتعامل بالعقود والاثباتات واذاعندكم شركه مفلسه لازم تحضرو اورق تثبت الملكيه لان كثير من اصحاب النفوس الضعيفه ياخذون القروض ولا يسددونها مما نضطر ان نرفع عليهم قضايا

جاسم / ان شاءالله نجي و معنا اوراق تثبت اننا نملك شركه كان لها وزنها بالسوق بسبب ظروف افلست

هند / خلاص باذن الله الاجتماع بكره الساعه 10 لان هذا الوقت مناسب لي اذا ماناسبكم كلم السكرتيره تحط لكم الموعد بالوقت الي يناسبكم

جاسم / الوقت مناسب كثير بكره باذن الله نكون موجدين بنفس الموعد

هند / باذن الله يله مع السلامه


جاسم / مع السلامه



في بيت راشد

جاسم / عمي كلمت الشركه عطتنا موعد بكره الساعه 10 ولازم نحضر اوراق تثيت ملكيتنا لشركه

راشد / خلاص بكره ان شاء الله نروح للموعد الاوراق عندي جاهزه


في بيت ابو بسام

ام بسام / حبيبي ترى نجلاء عازمتنا على عشاء احنا وبيت بو خالد

ابو بسام / بسام عزمنا بالاستراحه

ام بسام / انا بكلم نوره بوصل لها العزيمه
دقت ام بسام تلفون البيت على نوره


بيت عبدالرحمن

رن التلفون ردت نوره

ام بسام / السلام

نوره / وعليكم السلام

ام بسام / نوره صوتك مو عاجبني اش فيك

نوره/ متضايقه شوي

ام بسام / عسى ماشر

نوره / موضوع طويل اذا قابلتك قلت لك

ام بسام / ترى نجلا تعزمك على العشاء الليله

نوره/ اعتذري لها بنيابه عني ماقدر احضر مرتبطه اليوم بموعد ضروري

ام بسام / منتي بعاجبتني يانوره فيك شي وشي كبير بكره الصباح بجيك ماقدر ارتاح وانا ادري ان فيه شي مكدر عليك

نوره / حياك الله

ام بسام / ياله ماطول عليك مع السلام

نوره / مع السلامه


بالشركه

الساعه 4 العصر لبست هند عبادتها ونقابها ونزلت وركبت سيارة السواق عمران وهي بسياره كلمت نوره

هند / الو يالغاليه انا جاية بطريق تجهزي بنروح بيت خالي سعود كلمتيهم نبيه يكون موجود

نوره / ايه كلمته وقت الغداء ولقيته وقلت ضروري نقابله ولازم يجمع اخواني عنده

هند / زين نقول لهم الخبر جماعي

نوره / كذا احسن

هند / يله بمر غاده ودقايق وانا عندك فمان الله

نوره / فمان الله

وصلت هند للجامعه كلمت غاده

هند /الو غاده انا عند الجامعه اطلعي لا تتاخرين

غاده / حاضر

طلعت غاده من الجامعه وركبت السياره

وصلت للبيت نزلت غاده وركبت نوره السياره متجهات لبيت سعود


في بيت سعود


مجتمعين اخونها مستغربين من الموضوع الي جايه فيه نوره ومعها هند

دق الجرس دخلت عليهم نوره وهند سلمت على خوالها ونوره على خوانها جلسو على الكنب وبعد ماشربو القهو والشاهي

سعود / نوره انتي جمعتينا وقلتي عندك موضوع ضروري

نوره / ايه ولافضل ان هند الي تقوله لكم لانها هي الي قالته

كل العيون توجهت لهند ينتظرون الكلام الي بتقوله

هند / خبركم ان خالي بدر غاب فجئة وله سنتين غايب ولا احد يدري عنه ومن كم يوم جتني رساله على مكتبي من واحد مجهول يقول ان خالي بدر مسجون

سعود بستغراب / مسجون

هند / انا كذبت الموضوع وبطريقتي تاكدت من صحه الخبر وانه متهم بالقتل الخطا كان مع واحد من الربع بطلعة بر وكان خالي بدر معه مسدس وبالغلط رمى صديقه وعلى طول توفى وحبسو خالي واهل القتيل رفضو يتنازلون متهمين خالي بالقتل العمد وللحين ما نفذو القصاص بخالي لان فيه قصر ينتظرونهم يكبرون يمكن يتنازلون انا حاولت اني احل الموضوع بمعرفتي لكن طلع اكبر مني السالفه لازم جاهه يروحون لاهل الميت يشوفون وش طلباتهم وحنا مستعدين باي مبلغ يبونه مقابل تنازلهم

سعود / لاحول ولا قوة الا بالله خلاص بنسوي جاهه ونروح لاهل القتيل

هند / ياخوالي خالي بدر محتاج لزيارتكم يكفيه سنتين محد درى عنه ولا احد وقف معه ترى زيارتكم بتقويه بمصيبته

سعود / اليوم بنزوره وخلال يومين كل شي خالص باذن الله

نوره / ماتقصرون خذوني معكم ابي ازوره

سعود / بخليك تزورينه بزياره الحريم

هند / زرته مع خالد كنت بتاكد انه خالي بدر خفت يكون اشتباه بالاسم يوم شفناه تغير شكله اول ماشفته ماعرفته همومه كبرته كان فرحان بزيارتنا مو مصدق يشوف احد من اهله بعد كل هالسنين

سعود / الله يصبره على الي هو فيه

جلست هند مع نوره ومسك عليهم سعود للعشاء







يتبع


في بيت بسام


رن جرس البيت فتحت نجلا كانت عمتها و غاده لان اهلها عندها من العصر


نجلا / يحيا الله من جانا وهي تبوس خالتها


ام بسام / الله يحيك يابنتي


نجلاء / وش فيكم ياخاله تاخرتو


ام بسام / تعرفين غاده لازم تاخرنا


غاده / كانك نسيتيني يانجلاء


نجلا / وانا اقدر انسى طبيبتنا


غاده بمزح / اذا تعبت نفسيتك من بسام تعالي اعالجك


نجلا / اجل خلي علاجك لك


ام بسام / ترى خالتك ام خالد اعتذرت عندها موعد مهم وتتاسف منك وموعدتك بزياره ثانيه


نجلا / مسموحه


دخلو داخل سلمت على اختها وغاده جلست جنب نجلاء


غاده بتستفزهم / لو داريه انا الجمعه للعجائز كان ماجيت


ضربتها نجلاء على كتفها / يويلك لو يسمعنك من بيفكك منهن وانتي وذا الوجه ليش ماني ماليه عينك


غاده / انتي تعتبرين من العجايز


نجلاء / غديوووووه لايسمعك بسام يصدق


غاده / هههههههههههه هذا الي هامك الا شخباره غاده


نجلاء / منهي غاده


غاده / بنوتت اخوي الغالي


نجلا / انجنيت اسميها غاده تطلع ملسونه مثل عمتها


غاده / فديتني اجنن يابخت الي بصير من نصيبه


نجلا / ههههههههههه والله فاسخه الحياء يخوفي انتي الي تخطبين المعرس


غاده / ههههههههههههههههه ياليت علشان انقيه تنقايه


نجلاء / وينها خالتي عنك لو تسمعك كسرت ذا الراس


غاده / متى عشاكم تراني ميته جوع


نجلاء / همك دايما على كرشتك والمصيبه مايبين فيك


غاده / بسم الله علي من عيون الحاسدين




في بيت ام جاسم


الجوهره جالسه بغرفتها على لاب توبها عليها بحث تشتغل فيه طق الباب عليها كان فيصل جاي من رحله

له سبوع غايب عنهم


دخل ببدلة الطيران لما شافته فزت وركضت له وضمته مشتاقه له علاقتها قويه معه لانه اكبر منها بسنه


فيصل بحب/ شاخبار جوهرتنا


الجوهره بحب / مشتاقين لك انت اخبارك طولت هالمره


فيصل / وانا ميت شوق لكم الا جاسم وامي وينهم


الجوهره / امي نايمه وجاسم عند عمي


فيصل / اجل بكره بسلم على امي مابي ازعجها وخرب عليها نومها


الجوهر / امي تبي احد يوديها الديره مشتاقها لامها


فيصل / حتى انا مشتاق لهن مدام بكره الاربعاء نروح كلنا ونرجع الجمعه واذا رجعت من الديره بروح لعمي وخالتي اسلم عليهم على ان خالتك ماتستاهل من يوجبها وهي عاقه بامها ولا فكرت تزورها


الجوهره بفرح / وناسه احب جو الدير اصلن خالتي موضي عايشه لنفسه مسيطره على هالعم وساحبه الي وراه ودونه تدري ان شركته فلست وبيته البنك حاجز عليه


فيصل / ايه ادري قالي جاسم هذا الي نحصله من ورى الحريم ماوراهن الا الفقر


الجوهره بعصبيه / ما سمح لك مو كل الحريم خالتي موضي


فيصل / جاسم قالي انه بيروح شركة هند الفهد بياخذ منها قرض بيساعده علشان توقف شركته


الجوهره / تبون واسطه انا موجوده


فيصل / وش دخلك


الجوهره بغرور / انا صديقة غاده الفهد الروح بروح امها هند الفهد مدلعتها دلع ولا ترفض لها طلب


فيصل / طلعتي منتي بهينه


الجوهره / على فكره تراني عازمتها الخميس الجاي بتزورني بالبيت لان بنات خالتي بيجون ابي شي يبيض الوجه


فيصل / وانا اش دخلني بصديقاتك


الجوهره تتمسكن / ترضاها لختك حبيبتك تتفشل مع بنت الفهد اول مره تجي ببيتنا


فيصل بحب / مالك الله طيبت الخاطر كم الجوهره عندنا


ضمت اخوها / تسلم لي ياحلى اخو بالكون يلومني اني احب


فيصل / بدى دهن السير قلنا تحت امرك على ان بنات خالتك ماهن كفو واكيد بنت الفهد شايفه نفسها ما يعجبها العجب


الجوهره / حرام عليك الا غاده تصدق انها متوضعه واغلب صديقاتها من الطبقه الاقل من عاديه عليها اخلاق وجمال وتواضع موبنات خالتك شايفات انفسهن وعندهن الناس حشرات وهن ماجن ربع مستوى غاده


فيصل / الي يشوفك تمدحين فيها قدامي يقول بخطبها


الجوهره / وش المانع انك تخطبها وربي انت الكسبان


فيصل بكره / لا للحريم مضرب عن الزواج يله بروح انام


الجوهره / كالعاده اذا جت سيرت الزواج هربت حط في بالك ترى امي مخططه تزوجي الريم بنت خالتك


فيصل / هذا الي باقي بتصير علوم لو الي قلته صدق انا فيصل مانجبر على وحده مابيها


الجوهره / الله يقويك الريم شايفه نفسها وفيها شبه من خالتي موضي شكلن وفعلن


فيصل / لا والله صمت صمت وفطرت على ثومه


الجوهره / ههههههههههههههههههه اعجبني المثل الريم ثومه يويلك لو تدري هي شايفه نفسها فوق الكل وياخي العزيز المثل على انه حلو ولكن المثل ( صمت وافطرت على بصله )


فيصل وهو يتثاوب / يله تصبحين على خير


الجوهره / وانت من اهل الخير




بيت عبدالرحمن

هند وخالتها دخلن البيت الساعه 11 الكل مجتمع ينتظرون و متشوقين يعرفون ردت فعل خوالهم وكان بينهم عبدالرحمن قالت له نوره اول ماقالت لها هند واخذت رايه وكان رايه نفس راي هند وانه بيوقف معهم اذا احتاجوه ومعهم ابو نواف وابو بسام


عبدالرحمن / بشري وش صار


نوره / اسئل هند ريحتي الله يريحها دنيا واخره من مواجهت اخواني


هند / قالت لخالها كل الي صار حتى زيارتها لخالها في السجن


عبدالرحمن بعصبيه / اول مره تسوين شي من وراي ولا وترحين بعد لسجون وشرطه


باست راس خالها / السموحه ياغالي كنت ابي اتاكد لما تاكدت هذاني قلت لكم ماكنت لحالي معي محمد ولا ماتثق فيني وفي محمد


عبدالرحمن بجديه / هالمره سماح و السالفه موسالفت ثقة انتي تعرفين اني اثق فيك لانك تربيتي لكن ما حب اكون اخر من يعلم وتتصرفين من وراي


هند / خلاص توبه اخر مره وعد


عبدالرحمن / انا تعبان بروح انام من الصباح وانا شغال


هند / وانا بعد اليوم تعبانه ودايخه فيني النوم


دخلت غرفتها لقت غاده سابقتها على سريرها ونايمه دخلت الحمام اخذت شور وبدلت لبست بجامه قطنية رفعت الحاف ودخلت بالسرير وننسدحت جنب غاده بعد ماباستها على خدها

وهي منسدحه ركزت نظرها على كرسي امها الي طول هاسنين محافظه عليه اذا تضايقت تشكي له كانها تشكي لامها لما سافرت بريطانيا قفلت الغرفه خايفه على الكرسي وعطت المفتاح ريتا وطلبت منها تنظف الغرفة وتسكرها محد يدخلها غيرها خافت من نوره وخالها يتخلصون من الكرسي مثل المره الاولى وهي بتفكيرها من كثر الارهاق والتعب نامت


في بيت ابو بسام


دخلت غاده وامها البيت على الساعه 1 بكره ماعندها محاضرات


لقت اختها غلا عند التلفزون نايمه


غاده بعصبية / وبعدين مع غلا وش هالخراب كل يوم نشيلها لغرفتها


ام بسام / لا تحطين عقلك بعقلها بتكبر وتعقل


غاده / ماضن مادام انتي وبوي ادلعونها بتخرب زود


ام بسام / روحي لغرفتك انا اشيلها مايحتاج كل هالمحاضره


غاده / امري لله انا الي بشيلها تعرفين ما يطاوعني قلبي تشيلين هالدبه اخاف ينمصع فيك شي بسبتها


ام بسام / غديووووه اذكري ربك بسم الله بنتي


غاده / لاتخافين عليها مقاومه للعيون


ام بسام ضربتها على راسها / شليها وانتي ساكته مابي اسمع خرابطيك


غاده تستضعف / ياقلبي عليك ياغاده طاح سوقك من بعد غلاء لنا الله


ام بسام / كلن له مكانه بقلبي يله بطلع الصباح مواعده خالتك ام خالد ازورها


غاده / بكره ماعندي محاضرات ودي اطب فجئة على هند بالشركه


ام بسام / هذا اذا قمتي نومك ثقيل بقومك مره وحده قمتي ولا رحت وخليك


غاده / ان شاء الله بقوم


طلعت ام بسام فوق لغرفتها ونامت وغاده دخلت غلاء في سريرها وطفت النور وطلعت دخلت غرفتها غيرت ملابسها ونامت



في بيت بسام


بعد ماكلن رجع بيته دخلت غرفتها اخذت شور حطت على جسمها لوشن عطري ولبست شورت وردي من الحرير وشيال ابيض فيه خطوط بالوردي وحطت مكياج وردي وتعطرت بعطرها الي يعشقه بسام ولبست شبشبها الوردي

دخل بسام وصفر لما شاف جمالها ضمها من وراء ودفن وجهه بشعرها الي يفتنه يمسح على ظهرها وهو ذايب من عطرها


بسام / خفي علي شكلي بعد بكره مراح اداوم


نجلا سحبت نفسها منه / من بيفكك من عمي بكره


سحبها من يدها فكينا من عمك الحين خلينا فينا احنا نجلا وجهها حمر مستحيه من جرائته


بسام / اروح وطي مع ذ الخدود ويقرب منها ويطبع بوسه قويه من قوتها علمة على خدها


نجلا بعصبيه / حرام عليك اوجعتني وشوهت وجهي من وستك


بسام / مو ذنبي اني ماشبع من العسل


نجلاء / بسسسسسسسسسام


بسام / روح وقلب وعيون وكل بسام وش رايك انام ماقدر استحمل اكثر من كذا


نجلاء / نزلت راسها مستحيه


بسام / فديت الي يستحون سحبها لسرير و..............



في بيت ابو نواف


دخل نواف البيت الساعه 1بعد سهرته باستراحه ابو بسام لقى امه تنتظره استغرب بالعاده تنام بدري وش الي مسهرها


نواف / السلام


ام نواف / وعليكم السلام


نواف بحب / عسى خير الوالده سهرانه اليوم


ام نواف بحب / متى تريح قلب امك وتتزوج ابي افرح فيك ابي اشوف عيالك انت كبرت منت بصغير ومكون نفسك ماناقصك الا العروس


نواف بنفسه / هذا الكلام لازم اسمعه بعد كل عزيمه تحضرها اكيد شايفه لي عروس


نواف / يصير خير يام نواف وعلى العيال بتفرحين بعيال نجلاء


ام نواف بعصبيه / وبعدين معك ليش تتهرب من الزواج كان فيك مرض ولا بلى يمنعك من الزواج


نواف بستغراب / اش هالكلام الحمدلله انا بعافيه لكن ما اني قد مسئولية الزواج


ام نواف / متى ان شاء الله تصير قد المسئوليه لما يصك عمرك الخمسين ذاك الوقت من تبيك شايب


نواف بيمتص غضبها / يالغاليه ماتدرين يمكن قريب اجيك واقول يمه اخطبي لي


ام نواف / ان شاء الله المشكله انك رجال ولا كان غصبتك وزوجتك بالغصب


نواف / هههههه الحمدلله اني رجال مانغصب


ام نواف / نشوف اخرتها معك بعطيك مهله شهر اذا ماجيتني وقلت اخطبي لي ترى بغضب عليك ولاني امك ولا اعرفك


نواف بضعف / يالغاليه وش الكلام الي تقولينه


ام نواف / انت الي حديتني على هالكلام عمرك 35 وللحين منت بناوي تتزوج


نواف بستسلام / مالك الا طيبت الخاطر ان شاء الله قبل الشهر لا يخلص اجيك واقول اخطبي لي بس وسعي صدرك واهم شي عندي رضاك


ام نواف برضا / الله يرضى عليك دنيا واخره يله بروح انام


نواف / تصبحين على خير


راحت ام نواف لغرفتها وتركت نواف بحزنه وهمه من كلام امه راح لغرفته بعد كلام امه جافاه النوم لانه مايبي يتزوج يخاف يظلم بنت الناس معه ولايطاوعه ان امه تغضب ا عليه مايدري وش يسوي هرب من افكاره بالنوم

يتبع










اليوم الثاني

في بيت عبدالرحمن


قامت هند كالعاده دخلت الحمام اخذت شور وتوضت وصلت الفجر وقربت من السرير وتمسح على شعرها


هند / غاده قومي صلي


قامت بنشاط لانها نايمه بدري وشبعانه نوم


غاده / صباح الخير لاحلى ام


هند / ما شاء الله النفسيه تمام اليوم


غاده / شبعانه نوم نايمه بدري


باستها هند / دوم ان شاء الله النفسية تمام لاني برتاح من تقويمك ودلعك الصبح


غاده بزعل / ماماتي انا دلوعه


هند بحب / واحلى دلوعه يقلب ماماتك ياله قومي لا يفوت وقت الصلاه


قامت غاده ودخلت الحمام تاخذ شور وتتوضا وهند حاسة قلبها مقبوض كان فيه مصيبة بتصير


هند / اعوذ بالله من ابليس اللهم اجعله خير طلعت لخالد تطمن عليه لقته داخل غرفته


هند / خلود انت بخير


خالد / ايه الحمدلله


اخذت يد خالد وحطتها على قلبها هند بضيق / خالد تسمع ضربات قلبي حاسه بخوف من قمت وانا متضايقه


خالد ويده على قلبها ويحس بسرعه بدقاته وكانه بيطير من مكانه


خالد بخوف / بسم الله عليك هنوده وش صاير


هند بضيق / مدري احس قلبي كانه بيطير من ضلوعي


خالد ضمها على صدره يبي يخفف عليها لكن ضربات قلبها تزيد خالد خاف عليها شكلها مو طبيعي


خالد/ هنوده اوديك المستشفى


هند / لا مايحتاج بروح لخالتي


رحت هند لنوره طقت عليها غرفتها استغربت نوره ان هند عند الباب

هند بضيقه / خاله تسمحين لي ادخل


نوره بحب / يقلب خالتك ادخلي بدون استاذان


هند بضيق / خالتي مدري اش فيني من اصبحت وقلبي مقبوض وتاخذ يد نوره وتحطها على قلبها انصدمت نوره من سرعت دقات قلبها


هند مو من طبعها تشكي طبعها كتومه اول مره تلجا لنوره وهي تعترف بخوفها


نوره بقلق/ بسم الله عليك تعالي معي باقي وقت على دوامك لو ماتروحين احسن


هند / ماقدر عندي اجتماع وانتي تعرفيني عند الكلمه الي اعطيها لناس


اسحبتها نوره وجلست على الكنب وحطتها بحضنها وهي استسلمت لنوره كانها تدور الامان جلست نوره تقراء عليها قران وتنفث عليها لين هدت وخفت ضربات قلبها


قامت من حضن خالتها وباست ايدين نوره بحب وامتنان


هند بحب/ الله لا يحرمني منك يالغاليه جعل يومي قبل يومك


نوره / ولا يحرمني منك وانا امك خفي على نفسك من الشغل العمر يخلص والشغل مايخلص


هند / تامرين يالغالية


دخلت غرفتها لقت غاده لابسه وخالصه غاده / ماماتي لا تاخريني محاضرتي بدري اليوم


هند / ان شاء الله تحسبيني غاده اجلس ساعه لين اخلص كله البس واطلع


غاده / طيب انا بطلع افطر لين تخلصين


هند لبست تنوره جنز وبلوزه بيضاء وشعرها لامته بعضاضه وجزمه واطيه لونه ابيض


لبست عباتها ونزلت لقت غاده وخالد يفطرون جلست معهم


خالد / هنوده كيفك الحين اذا تعبانه ارتاحي انا احضر الموعد بدالك


هند / تسلم يالغالي لا الحمدلله بخير وانت بتكون معي بالاجتماع


خالد بخوف / اذا حسيتي زاد عليك التعب حلفتك تقولين لي


هند / ان شاء الله


غاده / ماماتي اش السالفه


هند / اتدلع على خلود بشوف غلاتي عنده


غاده / حركاااااااااات ماماتي وصرنا ندلع


خالد وهند / هههههههههههههههه


هند / ياله مشينا لا تتاخرين ويحسبون لك غياب


غاده / حاضر ماماتي بس البس نقابي


خالد/ بسبقكم لسياره لا طولون علي


طلع خالد ودقائق لحقته هند وغاده وفي السياره هدوء وصلو غاده للجامعه وكملو مشوارهم لشركه و
هندعلى غير العاده ساكته والضيقه مالها تزود


خالد بخوف / هند انا ماني مرتاح لحالتك اليوم


هند / لا تطمن مافيني الا كل خير يمكن سالفت خالي بدر ماثره فيني


خالد بشك / ياليت هذا السبب


وصلوا لشركه على الساعه 8 دخل خالد مكتبه ودخلت هند مكتبها نزلت عباتها لانها حاسه ماتقدر تتنفس من كثر الضيقه


اضغطت على جرس السكرتيره جتها بسرعه


هند / الله يعافيك ابي كافي


السكرتيره / حاضر انسه


دقائق وجابت السكرتيره الكفي شربته




بيت راشد




دخل راشد غرفة جاسم يصحيه ويذكره بالموعد


راشد / جاسم قوم تجهز موعدنا مع الشركه


جاسم فتح عيونه بكسل / كم الساعه ياعمي


راشد / الساعه ثمان ونص


جاسم / بدري باقي ساعه ونص


راشد / وراك لبس وفطور ولا تنسى الطريق الشركه ماهي قريبه يبينا فوق النص ساعه لين نوصلها


جاسم / خلاص قايم


طلع راشد من الغرفه نزل تحت وكانت موضي جالسه على طاولة الطعام


جاسم دخل خذا له شور ولبس ثوب ابيض وغتره ونزل لقى عمه وخالته جالسين يفطرون


جاسم / صباح الخير


موضي وراشد / صباح النور


جلس معهم وبدا يفطر والجو سكوت قطع عليهم صوت موضي


موضي / راشد عطني فلوس بروح لسوق فيه زواج اخر الاسبوع لبنت صديقتي بحضره


راشد / كم تبين


موضي / 5 الااف


جاسم جالس مستمع منقهر من خالته ومتاكد ان عمه بيعطيها لو يتسلف خالته ماترحمه صاير لها مثل البنك المتحرك جاسم وقف بيطلع يكره يكون بمثل هالمواقف


راشد / اذا جيت من الموعد مريت وسحبت لك الفلوس الي تبينها


جاسم / عمي انتظرك بالسياره


طلع جاسم وهو مولع قهر من خالته ومنقهر من سلبية عمه دقايق الا راشد ركب جنبه بطريقهم لشركه



في بيت بسام


قامت نجلاء وخذت شور ولبست بنطلون جنز وبلوزه حمل مزمومه من عند الصدر لونها وردي شيفون ورافعه شعرها بشكل فيضوي وحاطه مكياج صباحي وردي طالع شكلها رايق


نجلاء بدلع / بسومتي حبيبي قوم لا تتاخر على الدوام


بسام فتح عيونه وشاف نجلاء كاشخه


بسام بحب / شكلك اليوم ماتبيني اداوم وش هالزين على الصباح مو حرام اداوم واترك هالجمال واروح عند الوجيه الودره الي تسد النفس على الصباح


نجلاء بحب / تسلم حبيبي بس ياله قوم مابي عمي يزعل عليك ويقول ماخرب الا بعد ماتزوج ماترضاها لي

قام وضمها وباسها على خدها


بسام / اكيد مارضاها لك احد يرضى على روحه


شدت ضمته نجلا / بسومتي خف علي ماقدر على الكلام الحلو


بسام / ودي اعرف متى تخفين من ذا الحياء الي يدوخني


نجلاء سحبته بيده تقومه نجلاء / يله بسرعه لاني ودي ازور امي ما دامك بالشغل وانتغدا عندها لان امي طول النهار جالسه بالحالها


بسام / حاضرين يالحنونه الله لا يحرمني منك


نجلاء / ولا منك ياحبيبي


دخل الحمام ياخذ شور ونجلاء راحت تجهز الفطور


طلع من الحمام لبس ثوبه وشماغه ونزل لقى نجلا مجهزه الفطور افطرو وطلعو وصل نجلاء عند امها وهو كمل طريقه لشركه عند ابوه




في بيت ام بسام


الساعه 9 قامت ام بسام وقومت غاده بسرعه قامت ناويه تزور هند بالشركه من زمان عنها


راحت ام بسام لنوره الي كلمتها وقالت انها جالسه بالحاله


وغاده تجهزت والبست بسرعه وركبت مع السواق رايحه لشركه مرت على ستار بوكس وخذت كبتشينو وكرسون جبن اكلتهم بالسياره لان السياره مظلله وصلت لشركه ونزلت اسئلت عن غرفة هند ودلوها




في بيت ام نواف


نزل بسام نجلاء وكان معها مفتاح البيت فتحت ودخلت تفاجئت امها بزيارتها خافت


نجلا / السلا م


ام نواف بخوف / وعليكم السلام عسى خير وش هالزياره المفاجئة


نجلاء / افهمها طرده ماتبين زيارتي


ام نواف / انتي تعرفين الود ودي ماتتركيني بس خفت صاير بينك وبين بسام شي وذا زياره حياك الله توسعين صدري بدل جلستي لحالي


نجلاء / تسلمين يالغاليه اعرف غلاتي عندك زياره وعازمه بسام على الغداء عندك الله بالغداء السنع


ام نواف بحب / الله يحيك ويحيه والله معزته من معزت نواف ولدي ويبشر بالغداء


نجلاء / انا الي بطبخه انتي ارتاحي يالغاليه


ام نواف / الله لا يخليني منك


نجلاء / يمه وين فطورك تراني مافطرت مشتهيه افطر معك


ام نواف / الحين الشغاله بتجيبه بالعاده مافطر ماشتهي افطر بالحالي


نجلاء بحنان / يمه مايصير الله يطول بعمرك علشان خاطري كل يوم افطري علشان صحتك


ام نواف / ان شاء الله وانا امك


جابت الشغاله الفطور افطرن وتقهون


ام نواف / البارح كلمت نواف عن الزواج


نجلاء وهي ميته ان نواف يتزوج / ايه وش قال ليكون مثل العاده يتهرب


ام نواف / لا اصريت عليه ان ماقال اخطبي الي خلال شهر ولا ينسى ان له ام واني غضبانه عليه


نجلاء / قسيتي عليه يمه نواف مايستاهل انك تقسين عليه تعرفين غلاتك عنده


ام نواف / انا داريه انه مايقدر على زعلي علشان كذا قلت هالكلام من وراء قلبي بس لازم افرح فيه


نجلاء / الله يرزقه ببنت الحلال الي تبسطه وتعوضه حاطه احد ببالك


ام نواف / لا هو قال بيجيني ويقول اخطبي لي اذا جاء ذاك الوقت اخترنا العروس






في بيت عبدالرحمن


ام بسام ونوره افطرن وبعد الفطور دخلن في الصاله مجهزه نوره القهوه والحلى


ام بسام / امس لما كلمتك ماعجبتيني صاير شي بينك وبين ابو خالد


نوره / لا


ام بسام / اجل شنو الي ماغيرك لاتقولين ماصار شي لاني مراح اصدقك


نوره / قالت كل الي مضايقها


ام بسام / الله يهديك كل هذا شايلته وانا اخر من يدري انا اختك يانوره قبل لاكون صديقتك عمري ما تضايقت الا قلت لك الي مضايقني


نوره/ والله عارفه ماكنت ابي اقوله بالتلفون


ام بسام / صار خير الله يفرج كربته ويرده لزوجته وعياله


نوره / اللهم امين يقولون زوجته انهاااااارت يوم درت انه عايش المسكينه خذت العزا فيه


ام بسام / لا حول ولا قوة الا بالله الله يكون بعونهم والحين كيف حالها


نوره / حالتها ماتسر كلمت امس اختها تقول ضيقت صدورنا تقول ودوني اشوفه مانامت الا بالمستشفى عطوها ابره مهدئه وعلى كلامهم بيطلعونها اليوم العصر


ام بسام / محتاجين وقفتك معهم


نوره / اكيد الي اقدر عليه بسويه والباقي على ربك




في الشركه


كانت هند اطالع بساعتها باقي على الاجتماع اقل من ساعه طق الباب كانت غاده واقفه وراء الباب بتسوي مفاجئة


هند / تفضل


دخلت غاده المكتب غليها فرحت هند بشوفتها لانها من زمان عنها


غاده / قلت اطب عليك فجئة اليوم ماعندي محاضره


هند بحب / حياك الله الشركه منوره اثاريك زايرتنا وش تشربين


غاده / شكرا على الاطرا محد قدك مكتب شغل عدل وش رايك توظفيني سكرتيرتك بدال الشقراء الي برا خوفتني يوم شفتها تقول موضفين قطو


هند /ههههههههه ماتتركين سوالفك نزلي عباتك مراح يدخل احد مكتبي لان مضطره بعد 10 دقائق اتركك واحضر اجتماع



غاده بستهبال / ماينفع تاخذيني معك يمكن اشوف واحد من الي حاضرين الاجتماع مزيون واخطط عليه واحمي نفسي من العنوسه


هند / هههههههههه اثقلي اثقل زين وش تبين بالزواج


غاده / انا غاده ماني بهند انا ادور العرس دوره لكن عساهم العمى مايشوفون


هند / هههههههههههه منتي بصاحيه


وهي تسولف دخل خالد بسرعه بيقول لها عن وصول راشد وجاسم


انفجعت غاده لانها ماخذه راحتها بالمكتب وكاشفه ومنزله عباتها خالد عرف غاده حبيبته الي مانسى شكلها يكثر ماهو مشتاق لشوفتها وتحققت امنيه


هند بحزم / ليش مادخلت من الباب الثاني لغرفة الاجتماعات


خالد وعيونه مانزلت من على غاده المنصدمه


خالد/ محد قال ان عندك ضيوف


هند / طيب ادخل غرفة الاجتماعات وش فيك واقف


مشى من عندها و دخل غرفة الاجتماعات


هند / السموحه امسحيها بوجهي مكان يدري


غاده وخدودها محمره من الحياء مستحيه من الموقف


غاده بحياء / صار خير احضري الاجتماع وانا انتظرك هنا


هند / هههههههههه ترى على فكره الحياء مو لابق عليك


غاده / يالتبنه روحي احضري الاجتماع لاموتك بيدي


غرفة الاجتماعات لها بابين باب من مكتب هند وباب من برا للضيوف يدخلون منه وهند تدخل من مكتبها

لبست عباتها ونقابها وتسترت ودخلت للاجتماع



يتبع







يتبع


في الشركه



احذر من نار حقدي
وان اجعلك حطبا لموقدي
فانت سرقت امسي ولن تكون بغد
تركت لك حريه تركي لوحدي
وان ترحل وتختار بعدي
لكن اياك ان تقترب من لحدي
نعم ....فما بقي مني هو بلحدي
ذرفت دموعا حتى حفرت خدي
وتناقلتني الاشواق بين جمر و سهدي
ونار بقلبي ما بقي منه الا الرمد
وانا جمر تحت الثرى يتقد
فاحذرمن نار حقدي
آنت قاتل أيام هناءي وسعدي
وامل عمري نفذ ما بقي عندي
وانت اخترت خداعي فكن لي ند
ساقاتل بكل عزيمه وساقبل منك التحدي
هذه حياتي وساعلمك معنى التصدي
لا تهدء فانا لم اخض الحرب بعد
فليس لدي طائرات وبارجات وعتاد
ولكن لي كرامه ولي بها قوه وعند
فاحذر من نار حقدي
انت من افقدني صوابي ورشدي
ومن جعلني اسير بدروب التردي
وكنت كليله ماطرة اصابها برق ورعد
ساكون صاعقه ساحرقك بلا تردد
وان استطعت خلع قلبك بيدي
انت.....فلك قلب من الثلج ابرد
وبه قسوه رباه ما رائيتها باحد
فانت ما عرفت الحب يا جاحد
ولن تعرف معنى الحب السرمدي
فاحذرني واحذر نار قلبي وحقدي
وعلمتني معنى ان تكون ضدي
بسوط عذاباتك ادمنه جلدي
فلتشرب اليوم كاسا شرابه اسود
ولتعلم ان مت اخرج لك من المرقد
لانك كنت بالنسبه لي حظي الردي
فاحذر للمرة الاخيرة من نار حقدي

( منقوله )


لبست عباتها ونقابها وتسترت ودخلت للاجتماع شافت شايب وشاب بالثلاثنات والموظفين موجودين الي دايما يحضرون معها الاجتماعات وخالد الكل جالس ينتظرها دخلت بكل ثقه وهيبه ووجودها طاغي بالمكان


هند / السلام عليكم ورحمة الله وبركاته

الجميع / وعليكم السلام

جلست على الكرسي الخاص لها وهو في الصداره وعن يمينها خالد والكرسي اليسار فاضي مانعه أي احد يجلس قربها من الموظفين او المراجعين وبعد الكرسي الفاضي جاسم وجنبه عمه


راشد وجاسم متفاجئين من حضورها للاجتماع بحجابها الكامل كانو يتوقعو يشوفون وحده كاشفه ومتبرجه

هند بثقه وجديه / اعرفكم بنفسي انا هند الفهد

جاسم انبهر من وجودها الطاغي غصب تجبر الواحد يخافها ويحسب لها مليون حساب

تكلم بالنيابه عن عمه لانه متاكد ان عمه مستحيل يكون له هيبته وهيبتهاوحضورها مالي المكان اضطر يتكلم بالنيابه عنه


جاسم بهيبته تكلم بنفس اسلوبها الجدي / انا جاسم كلمتك بخصوص السلفيه وانتي طلبتي اثبات ان عندنا شركه خسرانه والشركه باسم عمي راشد وهو الي قدامك

هند رفعت عيونها براشد مشبهه عليه كانها قد شافته قبل ولانزلتها تحاول تتذكر وين شافته


هند ونظرها على راشد / استاذ جاسم عطني اوراق الثبوتيه


جاسم مد عليها الملف / تفضلي هذي الاوراق فيها كل التفاصيل


اول مافتحت الاوراق وشافت الاسم حست ببروده سرت بجسمها والدنيا ادور فيها وصار صدرها يرتفع وينزل وصار كل خليه بجسمها تنتفض


هند وصوتها فيه رجفه ما خفت عن خالد وبصوت عالي / لوسمحتو الكل يطلع مايبقى الا خالد وراشد وجاسم


طلعو الموظفين برا الغرفه وخالد استغرب من تصرفها وقفت هند وضربت بكل قوتها على الطاوله الكل انفزع من قو الضربه وخالد جالس متفاجئ


هند وهي تاشر باصبعها لراشد بسخريه / انت راشد ال........


راشد / ايه نعم

هند / وجاي شركتي تطلب سلفيه


راشد / ايه نعم


هند وبدا صوتها يعلى / وتنتظر مني مساعدتك


راشد مستغرب من تحقيقها / ايه وكان بينا اتصال وانتي الي حددتي الموعد


هند تصرخ في وجه راشد صرخه هزت المكان


هند بصراخ الم / انــت اخــــــر انســـــــان ينتظــــر انـــي اساعــــده ما يشـــرفنــــي اساعـــد حراميــــه مـــن مصاصيـــــن دمـــاء الاخـــريـــن وطالعيـــــــــــــن على اكتــــاف نـــاس وبـــــعدها دمــــروهم

انتظــــــــرت هــــذا اليــــــوم كثيـــــر لكـــنه طــــــــوووول امــنـيــتــــي اشــــوفــك تـشـحــــذ واشــوفـــك ذليـــــل جعـــلـك مــن فقـــر لفقـــر

طالعــت بالاوراق وشافت ان قصره مرهون للبنك

هند بضحكة استفزازيه وبصراخ / هههههههه حـــــلووووو قصـــر ســـــاره حـــاجــز عليــه البنـــــك ياللــــه ما تـــدري اش كثــــر فرحـــتي فيـــك يـاراشــــد

الكل منصدم وراشد منفجع من كلام هند وجاسم شك ان هند صاب عقلها شي


خالد ضم هند بقوه وقربها منه علشان يهديها لان حالتها ماهي طبيعية صار من قو ما تنتفض ينتفض معها خاف عليها يصير فيها شي من عصبيتها


راشد / يابنتي انا ماعرفك


لما قال يابنتي اخذت فازه فيها ورد ورمتها على الارض تكسرت الي صوتها هز المكان هز


هند بصراخ هستيري / لاتقـــــول بنتــــي انـــت انســــــان حـــــقيررررر تـفهـــم اش معنــــى حقيــــر

عصب جااااااااااسم منها ومن ضعف عمه وسلبيته بالرد صرخ فيها بصوت عالي


جاسم بصراخ / احتــــرمــي نفســـــك


هند بصراخ / انطــــــم وكـــــل تبــــــن مــابقـــى الا انـــت تــــوقــف بـــوجهــي وتعلمنـــي الاحتــــــرام


جاسم وهو يغلي من العصبيه / والله لو منتـــــي بحرمـــه كـــان عـــرفــت اتـعامــــل معــــك وعلمـتـــك قــــدرك ودفـنتـــك بمحلـــك

هند بعصبيه وصراخ / تعلمنــــي قــــدري وتـدفنـــــي بمحــــلي ورنـــي شطـارتـــك ياشـــاطـــر وكانت بيدها الاوراق رمتها بوجهه

كملت / مابقــــى الا هـالاشكـــال تعلمنـــي قــدري يالــه فـــارق وســـحــب عمـــك الحـــرامي معـــك وايــانــي وايـــاكــم اشــــوفـكـم مــــاريـن بجنـــــب شـــركتـــي الـــي مثلـكـــم يـــلوثــون المكـــــان الـــي يـــدخلـــونــه

راشد بضعف / فيه التباس بالموضوع فهميني

هند بنبره حزينه / القاتــــل ينســــى لكـــن المقتـــول ماينســـى


جاسم / والله والـــي خلقنـــي لاردهـــا لك ماعــــرفتـــي منـــو جـــاســـم

هند بنبرة احتقار / لا مــايشـــرفنــي اعــرف منــو جـــاســـم وتــــخســــــى تهـــــددنــي ههههههه مابقــى الا البـــزران يهــــددون اعـــلى ما فـــي خيـــلك اركبـــه والـــي ماطـــولـه بايـــدك وصـــلــه بـــرجـــــلك

جاسم انقهر ودمه فارررر منها لو طول اكثر من كذا بيقتلها والي فيها فيها


اخذ عمه وطلعو من المكتب وداخله كره وحقد لها وفي نفسه يهدد ويتوعد


ركب سيارته وجنبه عمه وهو يغلي من القهر التفت على عمه

جاسم باستفهام / وش بينك وبين هالحقيره


راشد بضعف / وانا عمك مثلي مثلك بسم الله علينا اكلتنا ماتركت لنا فرصه نفهم واضح انها شرانيه مستغرب العالم تمدحها بتعاملها الراقي ليش تعاملت معنا كذا علمي علمك

جاسم باستغراب / مدري الي يشوفها وهي تصارخ عليك يقولون ذابح ابوها ولا ماخذ حلالها في تعاملها معنا سر مافهمناه

راشد باحباط / مدري عنها وانا عمك كنت رابط فيها امالي لكن اه من ردات الحظ جاسم مر على البنك بصرف فلوس لخالتك

جاسم وهو منقهر / وبعدين معك عمي لمتى انت كذا مع خالتي كلنا ندري انها هي سبب خسارتك وهي للحين تطلب فلوس وهي عارفه انك مفلس عمي لازم توريها العين الحمراء علشان تحس فيك انت عمي وهي خالتي لكن تصرفاتها انانيه


راشد بنبرة حزن / خلها وانا عمك بالقلب تجرح انا خسرت كثير ليت الخساره بالمال تهون انا خسرت اعظم من المال والندم كاويني ونزلت دمعه من عينه مسحها مايبي جاسم يشوفها شاف دمعة عمه لكنه سكت مايبي يقلب المواجع على عمه



في غرفة الاجتماعات

كل الي صار فوق طاقتها وحتمالها وبذلت جهد كبير فجرتها شوفت راشد بعد كل هالسنين لما طلعو انهارت هند وطاحت بثقلها على الكرسي

خالد باستغراب/ وش سويتي ياهند

هند / اااااااااه ياخالد وصارت تبكي

خالد بخوف وحنان / سلامتك من الاه دخيلك يالغاليه لا تبكين ماعاش من من ينزل دموعك دموعك غاليه


هند وهي تبكي بوجع / الا عاش ياخالد يحرقت قلبي

خالد بخوف / لا ياهند تكفين لاتضعفين قولي وش سوى وربي لموته بيدي

صارت هند تنتفض جتها حاله هستيريه تصارخ وتصيح / اااااااااااااااااااااه ياخالد ااااااااااااااااه قلبـــي يـــوجعنـــي ياخـــالـــد ابـــــــــــــــي امــــــــي هــــــــاتوها


خالد مرعوب من حالتها صار يضمها وغصب دمعت عيونه لما طلبت امها متاكد ان فيه شي كبير وراء حالتها لكنه مو فاهمه



في مكتب هند

غاده تسمع صراخ هند من اول ماعصبت وكان بخاطرها تدخل خايفه يكون موقفها غلط يوم شافت هند تبكي ماقدرت تصبر لبست عباتها ودخلت

لقت هند تبكي بحضن خالد وهو متاثر من حالتها ركضت لها وهي متروعه خذتها من بين ايدين خالد وشالت النقاب عنها تبيها تتنفس وضمتها طلبت من خالد كاس ماء صب لها في كاس موجود على الطاوله مده لها خذته ورشت على وجهها حاولت تشربها لكنها رافضه جالسه تنتفض بقوة صارو مايسمعون الا شهقاتها

خالد اوجعه قلبه عليها بكى داخله على حالها هند القويه تنهار قدامه غصب عنه نزلت دمعه ساخنه على خده

غاده بخوف / خالد هند لازم تروح للمستشفى واضح ان معها انهيار عصبي

خالد بخوف / اش تقولين انهيار عصبي شنو السبب

غاده / ايه خلنا نلحق عليها قبل لا تتازم حالتها

وقف خالد هند وساندها على كتفه ساعده لين وصلو لسياره كلم البواب يقربها عند الباب فتح الباب الخلفي ركبها وسدحها ومن الجهه الثانيه كانت غاده حطت راس هند على فخذها وهي شبه مغمي عليها

وصلو المستشفى دخلوها الطوارئ كشف عليها الدكتور وقال ان معها انهيار عصبي زين جابوها بسرعه قبل لا تطور حالتها عطاها ابره مهدئة وهدت ونامت

غاده مستغربه / خالد شنو الي صار بالاجتماع يسبب لها الانهيار

خالد بستغراب اكبر / والله مدري شكلها بينها وبين الشايب الي كان موجود بالاجتماع شي من يوم قرت اسمعه بالاوراق وهي تنتفض ومنهاره

غاده نست نفسها وتكلمت بصوت عالي / يويلي لايكون

وانتبهت لنظرات خالد وسكتت خالد ينتظرها تكمل لكنها سكتت

خالد / لايكون من قولي

غاده / هاه ايه مدري

خالد بصرار/ قولي وش قاعده تخربطين طالبك تقولين اذا تعرفين لاتخليني على اعصابي والوساويس توديني وتجيبني


غاده بخوف / لا ماهو الي في بالك بس ماقدر اقول احسن هند الي تقولك

خالد بضعف / طلبتك ياغاده انك تقولين عمري ماطلبت احد هذي هند الغاليه

غاده من حبها لخالد ماقدرت تقسى عليه

غاده / خالد انا ماني متاكدة كله ظنون

خالد باصرار/ قولي وانا احكم لاني حاضر الاجتماع يمكن الي عندك خيط يوضح الي صار بالاجتماع

غاده قررت تقول شكوكها

غاده برتباك / انا شاكه انه راشد ابوها الي شافته بالمكتب لانه شوفته احتمال كبير هي الي تخلي هند تنهار

خالد بدا يراجع كلام هند وهي تقول انه حرامي وانها تنتظر من سنين انها تتشفى فيه تاكد انه ابوها راشد

خالد / اكيد ابوها راشد الحين فهمت الكلام الي كانت تقوله له صدق الدنيا صغيره سرق امها وجاي يبي هند تعطيه سلفيه يقوم بها شركة عمتي ساره اه يالقهر ياليت كنت داري كان خليته يطلع من المكتب محمل

غاده / بدال ماتعقل هند تساعدها تقسى عليه لا تنسى مهما كان ابوها

خالد بعصبيه / هند بنتنا ابوها مات

غاده / خالد انا مضطره اطلع للبيت تاخرت اذا فاقت هند خلها اطمني

خالد / ان شاء الله

طلعت غاده وخالد ابحر بعالمه وهو يفكر بحالة هند


دخل خالد يدينه بجيبه بيطلع جواله علشان يكلم اهله يقول لهم انهم بيتاخرون لكن مالقاه شكله نساه بالشركه



في بيت عبدالرحمن


طلعت ام بسام لبيتها جلست نوره في الصاله تنتظر العيال دق تلفون البيت الا غاده الي تتصل

غاده / الو

نوره / هلا غاده وينك تاخرتي

غاده / ماماتي وخالد ماجوني لي ساعه طالعه

نوره / كلمتيهم

غاده / ايه ماماتي جوالها مقفل وخالد مايرد

نوره بدت تخاف على هند وخالد وخافت اكثر على هند لان اليوم الصباح ماهي طبيعيه

غاده / خالتي وش اسوي من بيرجعني البيت

نوره / ماتقدرين تجين مع وحده من صديقاتك

غاده بشوف مافيه الا الجوهره يمكن اجي معها


سكرت نوره من غاده وتصلت على عبدالرحمن

نوره / الو

عبدالرحمن / هلا نوره


نوره بخوف/ عبدالرحمن هند وخالد ماصلو للبيت وتاخرو على غاده وهند جوالها مقفل وقلبي ماكلني عليهم لانها اليوم الصبح كانت تعبانه بس تكابر

عبدالرحمن بخوف/ يله مع السلامه بروح اشوف لسالفه

كان جالس مع ابو بسام جت ابو بسام مكالمه من بنته غاده وقالت له الي صار

جاء ابو بسام وهو يشوف عبدالرحمن يحاول يتصل بهند وخالد ومافيه امل هند مقفل وخالد ماير بدا يخاف

ابو بسام / على من تتصل من اليوم

عبدالرحمن بخوف / على خالد وهند

ابو بسام / هند وخالد بالمستشفى


فز عبدالرحمن من مكانه / وش صار يابو بسام

ابو بسام / هند تعبت شوي بشركه وخذها خالد للمستشفى تطمن غاده بنتي كانت معهم زايره هند ولا رجعت البيت الا بعد ماتطمنت عليها وكلمتني علشان اطمنك

عبدالرحمن بعدم صبر / أي مستشفى

ابو بسام / مستشفى ال ......





في الجامعه



كانت غاده واقفه برا مستحيه تطلب من الجوهره توصلها ماقد سوتها وركبت مع وحده توصلها دايما هند متكفله انها توديها وتجيبها وتحذرها ان احد يوصلها لكن الامر عند نوره عادي

غاده / الجوهره متفشله منك

الجوهره / خير غاده

غاده / ماماتي تاخرت وجوالها مقفل وخالد مايرد معليش توصليني البيت اذا مافيه كلافه

الجوهره بزعل / وش هالكلام وش تستحين انا لو احتجت من يرجعني للبيت ماخترت الا انتي احنا خوات

غاده / طيب انا قلبي ماكلني على ماماتي من بيجيك

الجوهره / فيصل اخوي

غاده بحيا / فشله

الجوهره / عادي

طلعو من الجامعه شافت الجوهره سياره فيصل واقفه تنتظرها سبقتها لسيارة اخوها تجط عنده خبر انهم بيوصلون غاده

الجوهره باستعطاف / فصول ترى غاده الفهد بتجي معنا نوصلها لبيتها امها تاخرت عليها وجوالها مقفل

فيصل / طيب مايحتاج كل هالكلام قلتي سيرة حياتها علشان اوصلها حياها الله وحنا نطول نوصل بنت الفهد ونرفض لنا اشرف

الجوهره / تسلم

راجعت الجوهره عند غاده وسحبتها معها وكانت غاده مستحيه ركبو السياره اول مادخلت

غاده بصوتها الناعم الي يذبح / السلام

خق فيصل على صوتها / وعليكم السلام

طلب فيصل من اخته ادله بيت غاده لكن الجوهره ماعمرها جتها ولا تدله

فيصل / معليش اختي توصفين طريق بيتكم

غاده قامت توصف له وهو يتمناها ماتسكت وصلها للبيت انبهر من كبر وجماله

غاده بحيا / اسفه كثير على الازعاج ومشكورين على التوصيله انزلو تقهو عندنا خالو وخالتو موجودين

فيصل ذاب على كلمة خالتو وخالو

الجوهره / لا مره ثانيه اكون استعديت لزيارتكم



في بيت عبد الرحمن


دخلت غاده البيت مرت على نوره وباستها وراحت لغرفتها اخذت شور ونامت



في سيارة فيصل


فيصل / شفتي الي شفته

الجوهره / ايه والله مو باين انها تملك هالعز متواضعه

فيصل باعجاب / شوفيها كيف تتكلم ماودك انها تسكت خالو خالتو تعلمي منها مو خاله خالي

الجوهره / فصوووووول استح ترى مارضى على غاده وش فيه كلامي يهبل وصوتي يخقق

فيصل بينرفزها / كثري منها يخقق اجل صوت غاده ووع فديت صوتها صرت ملح

الجوهره بعصبيه / عيب عليك انت ترضى احد يقول فيني هالكلام

فيصل حب يعصبها / احلمي احد يسمع صوتك ويقول هالكلام افلقيني ان صار وش جاب صوت العصافيرعند صوت الغربان

الجوهره عصبت / على تبن فصول


يتبع









في المستشفى


دخل عبد الرحمن المستشفى شاف من بعيد خالد جالس على كرسي وباين عليه الارهاق والتعب

عبدالرحمن / وش صار لاختك

خالد / كنا باجتماع عصبت على شخص موجوده وهزئته وطردته برا وبعدها انهارت وجبناها هنا

عبدالرحمن / منهو وش سو لها

خالد / مدري مامداه يجلس الا ثارت فيه

عبد الرحمن/ وينك عن جوالك ندق عليك ماترد

خالد / السموحه يالغالي من الخوف نسيته بالمكتب


عبد الرحمن / ارجع للبيت وطمن امك وانا ببقى عند هند لين تفيق بفهم منها مو معقوله شي بسيط يخليها تنهار اعرف هند قويه ما تنهار بسهوله


خالد/ انا طالع البيت لاني تعبان طلع خالد من المستشفى وعبد الرحمن دخل غرفة هند وهو يشوف دموعها الي ماجفت واضح عليها التعب من زمان ماشاف دموعها اخر مره شافها يوم وفاة امها قرب منها ومسح دموعها بيده واخذ الكرسي وقربه من سريرها وجلس ينتظرها تصحى بيعرف سبب انهيارها




في بيت ابو نواف

جاء نواف من المستشفى ولقى امه ونجلاء بالصاله

نواف / حيالله من جانا وش هالمفاجئة الحلوه

نجلاء / احسن منك الي من تزوجت مازرتني

نواف / طالعو الجاحده وامس من عنده

نجلاء / امس عند بسام بالاستراحه

رن جوال نجلاء المتصل بسام عند الباب

نجلاء / نواف بسام عند الباب افتح له لانه بيتغداء هنا

نواف / حياه الله تراني ميت جوع الغداء جاهز

نجلا / ايه ثواني وحطه

راح نواف يفتح الباب لبسام سلم عليه

نواف / الله يحي ابو نسب

بسام / الله يحيك وين الغداء تراني انتفض جوع

نواف / الله يستر لا تاكلني كل ذا فجاعه

بسام / انا جاي اتغدا مو علشان سواد عيونك

نواف / يله فارق ماعندنا غداء

بسام / انت الي فارق لو انت الي عازم كان ماجيت الله يخلي ام عيالي الي عازمتني

نواف / ام عيالك تعزمك ببيتكم

دخلو داخل وهم يسولفون دخل بسام الصاله سلم على راس عمته

بسام / كيفك ياخاله

ام نواف / بخير جعلك بخير

بسام يطالع بنواف بيستفزه / خاله نواف طردني يقول تغد ببيتك يقول بتخلص الغدا علي

ام نواف / وش هالكلام يانواف الخير كثير

بسام يطالع في نواف ويرفع حواجبه ويحررره

نواف / معليه بساموه مردوده لك



في بيت عبدالرحمن


دخل خالد لقى امه وغاده جالسات على نار بسبب تاخرهم وخافن يوم شافن خالد جاي لحاله بدون هند وعبد الرحمن ما جاء

نوره / خالد وين اختك وينكم عن جولاتكم

خالد / هند تعبانه بالمستشفى

غاده انهارت وصارت تبكي لما سمعت ان هند تعبانه

غاده وهي تبكي / والي يعافيك بروح اشوف ماماتي


خالد يهديها / يا غاده يا حبيبتي هند نايمه وبوي عندها لو رحتي بتكون نايمه محتاجه راحه وعد ان صحت لودك تزورينها بس هدي وقرب منه مسح دموعها وهي جاها انهيار عصبي لو تدري عنك وتدري انك بكيتي بتنهار زود


نوره بخوف / يويلي على بنتي من وين جاها الانهيارالعصبي اليوم ماهي عاجبتني شنو منه الانهيار العصبي

خالد / قال لهم كل السالفه

نوره بستغراب / من هذا الي سبب انهيار هند

خالد ماحب يقول شكوكه / مدري هند هي الي تجاوبكم على هالسؤال انا تعبان بنام

طلع غرفته اخذ شور وبدل ملابسه ونام

نوره جالسه تسكت بغاده الي ذبحت نفسها بالبكاء

نوره / غاده حبيبتي يكفي بكاء قطعتي قلبي ان شاء الله اليوم تطلع

غاده تبكي / خالتو هذي ماماتي لو صار لها شي بستخف


نوره بحنان / بسم الله عليك وعليها وش هالكلام روحي غسلي وجهك وكلي لك شي انت من جيتي من الجامعه نمتي على طول ماكلتي شي


غاده / خالتو مالي نفس بروح الغرفه


دخلت غاده الغرفه وهي منهاره من البكي مابقى من اهلها الا هند هي امها الي ربتها وقدمتها على نفسها بوجودها ماحتاجت لا للاب الغايب ولا للام المتوفيه هي عوضتها عنهم كلهم هي امها الي ماترضى تنادياها الا بماما على صغر عمر هند الا انها قالت لها كلمة ماما وهي حاسه انها امها وجودها بحياتها يغنيها عن الكل


انسدحت على سرير هند وضمت مخدتها وهي تبكي

غاده / اللة يرجعك لي بسلامه ماماتي



في بيت ابو بسام


قامت غاده من نومها ودخلت لقت امها بالمطبخ وبوها طالع برا البيت

غاده / يمه متى جيتي اليوم من عند خالتي ام خالد

ام بسام / عزمتني على الغداء وتغديت عندها وبعده جيت انتي الي وش اخبارك مع هند وين رحتو وين جيتو

غاده بحزن / اليوم يوم شئوم

ام بسام / اش هالكلام

غاده / قالت لامها كل الي صار لهند بس اخفت عنها ان يمكن يكون الرجال راشد

ام بسام بحزن / يقلبي عليك ياهند تحملتي هموم اكبر من عمرك الله يقومك بسلامه ويخليها لاختها لازم اكلم نوره اكيد الحين متاثره من الي صار اعرف غلاها عند نوره وعبدالرحمن تلاقين بيتهم منقلب حزن

غاده / الافضل انك تروحين لهم افضل من المكالمه خالتي بحاجتك وانتي اذا رحتي بروح معك بوقف مع غاده اعرف تعلقها بهند

ام بسام / ان شاء الله بعد المغرب بروح لها مابقى عنه الا ساعه

غاده / اجل بروح اتجهز من الحين علشان ماخرك





في بيت راشد


في غرفة جاسم يغلي من القهر واصل حده من هند شلون تطاولت عليه وتجرأت ورمت الملف بوجهه

جاسم وهو يتكلم بنفسه / اه يالقهر حرمه تطاول عليك ياجاسم وترمي الاوراق بوجهك مايتجرا يسويها الرياجيل تسويها هالحقيره والله لا رد كرامتي

مردوده ياهند ولا انا شايفتني بزر ولا يشرفك انك تعرفيني انا الي البنات يرمن انفسهن علي ينتظرن مني نظره وانتي تقولين عني الوث المكان الي ادخله لكن بنت الذينا عليها صوت يدوخ حتى وهي معصبه صوتها عذاب لا وشخصيتها تخوف بس مو عليك يا جاسم وش فيك يا جاسم جالس تتغزل بعجوز كبر امك


خلني بس اطلع اروح لامي اشوف فيصل ليصير بعقلي شي من القهر ودي القى احد اشكي له ماعندي الا فيصل يمكن القى عنده فكره تساعدني اني انتقم منها

طلع من بيت راشد متوجه لبيت امه مشتاق لفيصل





بيت عبد الرحمن

دق الجرس افتحت الشغاله كانت ام بسام وبنتها غاده
دخلو بصاله شافو الحزن بعيون نوره
سلمت غاده على نوره

غاده / خالتي وينها غاده

نوره / من اليوم حابسه نفسها بغرفة هند ماذاقت اكل ذبحت عمرها بصياح حاولي فيها وانا امك يمكن اطيعك وتاكل تعرفين علاقتها بهند

غاده / ان شاء الله مالك الا طيبت الخاطر

نوره / الله يبارك فيك

دخلت غاده غرفة هند وشافت الغرفه ظلام وتسمع بكاء غاده على طول ولعت الانوار

غاده بصوت باكي / خلي النور طافي ياغاده

غاده بعصبيه / ماهو على كيفك الي تسوينه بعمرك جالسه تبكين وحابسه عمرك وصايمه عن الاكل مايسوى كل الي تسوينه بعمرك

غاده / هذي ماماتي

غاده/ اذا هي ماماتك هي صديقتي وختي ربينا مع بعض ماسويت سواتك انا كنت مع هند لما صار لها الي صار والدكتور يقول الليله بتنام بالبيت

غاده / صحيح الكلام ياغاده


غاده / ايه لو تجي الحين هند وتشوفك بالشكل هذا بتعصب عليك وتزعل علشان خاطري وخاطر خالتك المسكينه الي تترجاني علشان اقنعك تاكلين تعالي معي تعشي


غاده بستسلام / حاضر

طلعو لصاله وقالت غاده / خالتي وين العشاء غدويه جوعانه


نوره بفرح / الحين يكون جاخز الله يرضى عليك مثل مافرحتيني

جهز العشاء وتعشت غاده معهم وبعد العشاء نوره وام بسام جلسو بالصاله وغاده وغاده جلسو بغرفة هند


ام بسام / الحمدلله على سلامة هند مايسوى كل هالحزن


نوره بخوف / خايفه عليها يام بسام هند تكتم بصدرها ماتشكي وهذا الذي مخوفني عليها عبدالرحمن زرع القوه فيها وصارت تتظاهر بالقوه قدامنا علشان مانحاتيها


ام بسام / انتي ماقصرتي معها يانوره عملتيها كانها بنتك


نوره بحزن / اليوم الصباح اول مره تجيني تشكي وتقول انها خايفه والله يام بسام يوم حطيت يدي على قلبها دقاته سريعه خايفه مارتاحت الا لما قربت عليها كانها حاسه بشي بيجيها وتبي اني احميها وجلست نوره تبكي


ام بسام / تعوذي من ابليس انتي القويه تقولين هالكلام


نوره / استغفر الله العظيم قلت لها ماتروح الشركه لكن ماطاعتني

ام بسام / هذا مقدر ومكتوب





بيت ام جاسم


وصل جاسم البيت وفتحه بمفتاحه ودخل لقى امه والجوهره وفيصل جالسين على قهوة المغرب

جاسم / السلام

الكل / وعليكم السلام

جاسم باس امه على راسها قام فيصل يسلم على اخوه جاسم من زمان عنه وهم مثل التوئم

ام جاسم / كيفها خالتك وعمك

جاسم / معليهم طيبين انتي الي كيفك يالغاليه

ام جاسم بقهر / بخير خالتك مالها نيه تزور امها المسكينه الي كل مارحت ازورها تسال عنها

جاسم / من متى خالتي يهمها احد ماهمها الا نفسها


ام جاسم بحزن / هذي امها جنتها ونارها احنا مانبي منها شيئ امي تعور قلبي اذا سئلت عنها وانا اتحجج باعذار ماتقنع البزر لولا الله ثم انت كان ضاعن العجائز مايبن يتركن الديره وانا اتطلبهن ابي اخذهن لكنهن متمسكات بالديره


جاسم / الله يعين يعورني قلبي عليهن بس انا موصي عليهن مطلق والممرضه عندها رقم جوالي لو وحده منهن تعبت تتصل فيني اجيهن بسرعه كل يوم اتصل عليهن والحمدلله بخير


ام جاسم بحب / الله يفتحها بوجهك وانا امك والله لو تسمعهن وهن يدعن لك من قلب

فيصل / يمه وش رايك بكره الفجركلنا نسافر لديره

ام جاسم / تسوي خير وانا امك


الجوهره / حتى عمي مطنش امه ولا فكر يسال عنها مايرسل لها ريال واحد وخالتي مغرقها بفلوسه ولا تشوف

دق جوال الجوهره سكتو ينتظرونها ترد كان المتصل غاده

الجوهره / الو

غاده وهي تبكي / الو الجوهره

الجوهره خافت من صوت غاده / غاده انتي تبكين

فيصل قاط اذنه لما سمع اسم غاده

غاده بصوت باكي / حاسه اني مخنوقه

الجوهره / خير اليوم كنتي طبيعيه صار شي مدري عنه

غاده بحزن / ماماتي تعبانه فيها انهيار
عصبي

الجوهره / شو انهيار عصبي وش السبب

غاده / قالت للجوهره سبب انهيار هند

الجوهره / ماعرفتو من هذا الرجال الي سبب انهيارها وش مسوي لها علشان تنهار

غاده / ماماتي قويه شي قوي الي خلاها تنهار

الجوهره / وسعي صدرك ان شاء الله بخير

غاده / بتنام اليوم بالمستشفى انا ماقدر انام وهي ماهي نايمه جنبي

الجوهره / بكره الخميس زين مافيه دومات

غاده / بحاول مع خالد يخليني اروح وانام عندها الليله

الجوهره / هي تحتاج لراحه وبكره زوريها

غاده بصوت باكي / والله ماقدر يالجوهره انتي ماتدرين اش كثر انا متعلقه فيها هي امي واختي وابوي واهلي كلهم

الجوهره متاثره / الله يخليها لك

غاده / امين اسفه اني ضايقتك

الجوهره بزعل / اش هالكلام كم مره اقول انتي اختي مو صديقتي

غاده / تسلمين يله فمان الله

الجوهره / فمان الله

فيصل / وش صاير ببنت الفهد وش الي يبكيها الدلوعه


الجوهره بعصبيه / فصول يا تتكلم زين ياتسكت البنت منهاره لان امها تعبانه

فيصل / وش فيها هند الفهد

جاسم شد انتباهه الاسم

جاسم بشك / هند صاحبة شركات الفهد

الجوهره / ايه والي كلمتني بنتها

جاسم وهو منقهر من هند بس ذبحه الفضول يعرف وش فيها

جاسم / وش صار لها

الجوهره / فيها انهيارعصبي

جاسم مستغرب / انهيار عصبي وش السبب

الجوهره بحزن / قالت كل الي قالته لها غاده


جاسم انصدم يقول بنفسه / غريبه ان هالانسانه القويه المرعبة ممكن تنهار بسبب الاجتماع اكيد فيه شي قوي سبب انهيارها وكيد لعمي راشد علاقه كان كل كلامها موجهته له


معقوله يكون قد تزوجها وغاده هذي بنته وسرق فلوسها وجحدها هذا اقرب شي للكلام الي قالته انه حرامي وكلمتها القاتل ينسى لكن المقتول ماينسى اكيد وعمي اليوم يوم يقول خسرت كثير خلها بالقلب تجرح ولا تطلع تفضح ودمعته اكيد فيه سر لازم اعرفه


جاسم / فيصل ابيك بكلمة راس

الجوهره / قولها قدامنا

جاسم / الجوهره بلا لقافه ياله فيصل

فيصل / لقطي وجهك ياشين القافه

الجوهره / على تبن فيصلوه

طلع فيصل لغرفته ومعه جاسم

فيصل / خير ياخوي من دخلت وانا حاسك متضايق

جاسم / ايه ماعندي احد اقوله وافتح له قلبي غيرك

فيصل بقلق / قول اسمعك ياخوي

جاسم / شفت هند الفهد

فيصل / وش علاقتها

جاسم / لاتقطعني خلني اكمل

فيصل بحماس / كمل ياخوك

جاسم / الي صار لهند الفهد والانهيار الي صابها بسبتنا

فيصل مستغرب / كيف فهمني الله يخليك

جاسم / عمي قال لي انه يبي ياخذ سلفيه من شركتها علشان يبني شركته من جديد

فيصل / ايه


جاسم / من يوم جلست على الكرسي وعيونها مانزلت من على عمي وطلبت منا اثبات ان عند عمي شركه خسرانه وقدمنا لها الاوراق اول ماشفت اسم عمي بالاوراق ثارت علينا وحكى له كل الي صار ورميها للاوراق بوجهه


فيصل باستفهام / غريبه تصرفها معكم الكل يمدح تعاملها وانا متساهله كثر بتوفير السلفيات فيه سبب وسبب كبير مايقدر يجاوبك عليه الا عمك

جاسم / عمي يستنكر تصرفها معه وانه مايعرفها لكن الي صار يثبت ان عمي جارحها وجرحها قوي يمكن تكون زوجته وغاده بنته سارقها وجاحدها


فيصل / ماتوقع ان غاده بنت عمي لانه عمره ماقال عنده بنات ولا تنسى ان عمك عقيم


جاسم / صحيح نسيت سالفت عقم عمي اجل وش السالفه كلمتها القاتل ينسى لكن المقتول ماينسى


فيصل / علمي علمك بس شي يحط العقل بالكف هند الفهد مضرب القوه الي بسوق ماينادونها عنها الا المره الحديديه تنهار من شوفت عمك وربي شوقتني اعرف السبب


جاسم بقهر / اجل انا وش اقول انا تطاولت علي ورمتني بالملف بوجهي شلون تجرأت


فيصل / ههههههههههههه ادفع نص عمري واشوفك وجهك وهي راميه الاوراق بوجهك


جاسم / كل تبن يالخايس الشرهه على الي قالك بصراحه انفجعت ماتوقعت تسويها بس بنت الكلب عليها شخصية قويه وتخوف وعليها صوت يدوخ ماكانها عجوز


فيصل / اجل بنتها طالعه لها عليها صوت يذوب ماودك انها تسكت


جاسم مستغرب/ من وين عرفت بنتها


فيصل / اليوم موصلها لبيتها مع اختك تاخرت عليها امها الي بغيت انت وعمك تذبحونها


جاسم / كنت حاقد عليها لكن بديت ارحمها وتكسر خاطري


فيصل بمزح / يمكن تصير محبه بعد عداويه


جاسم بسخريه / ناوي اطيح حظي وتزوجني عجوز كبر امك


فيصل / فلوسها تصغرها وتجملها


جاسم بعصبيه / فيصلووووه متى كان وهذا تفكيرنا ونطمع بالي بيد غيرنا وين قناعتنا والحمدلله عندنا خير ليه نضيق عيونا ونشوف الي عند الغير


فيصل / بسم الله علي اكلتني تعرف اني امزح معك احتقر الي يتزوج طمعان انا عندي اخت مرضى عليها وكيد مارضى على غيرها


جاسم / طيب حبيت اذكرك بالي تربينا عليه مابيك تصير نسخه من خالتي موضي الكل صاير يكرهها ويتحاشاها لانها صايره ماديه


فيصل / فكنا من خالتك الي مافيه خير لامه مافيه خير لاحد وهذي خالتك موضي

جاسم / الله يهديها و يصبر عمك عليها

فيصل / الحب اعمى

جاسم / لا والله فيه سر وراء مطواعيت عمك لها بس مصير الايام تكشفهم

فيصل / اموت واعرف كيف متحملهم انا زياره ولا اقدر اطول شغلات اشوفها تبط الكبد


جاسم / عمي كاسر ظهري كبر بالعمر ماعنده ولد يلبي طلباته محتاج وجودي بالبيت لاصار له شي لاسمح الله تعرف راعي سكر وضغط


فيصل / الله يجزيك على قد نيتك ياخوي خلنا ننزل تحت عند امي والجوهره تلاقيهن محترقات الا يعرفن وش نقول وخص نص الجوهره


جاسم / ههههههههههه يحبي لها جوهرتنا مسوية جو بالبيت


طلعو من غرفة فيصل نزلو وكملو السوالف تعشى عندهم وبعدها طلع لبيت عمه كل واحد دخل غرفته علشان ينام



يتبع








بالمستشقى


طول وقته جالس يتاملها و الحزن مرسوم بوجهها يدفع عمره كله ويعرف وش سبب انهيار حبيبته

فتحت عيونها عرفت انها بالمستشفى من المغذي الي بيدها التفتت حوليها شافت خالها


عبد الرحمن بحب / الحمدلله على سلامتك يالغاليه


هند بحزن / الله يسلمك ليش انا هنا


عبد الرحمن / تعبتي شوي وجابك خالد وغاده للمستشفى


تذكرت كل الي صار بالاجتماع وانهيارها بسبب شوفت راشد تتمنى كل الي صار حلم دمعت عيونها وبكت على الصامت


عبدالرحمن بحزن والم / ياعيون خالك وش الشي الكبير الي يخليك تبكين من زمان ماشفت دموعك الي تذبحني


هند بصوت ضعيف / سلامتك يا خالي جعله بعدوينك ان شاء الله


عبدالرحمن / لو لخالك قدر عندك تقول وش سبب انهيارك انا متاكد انه شي كبير اعرف بنتي ما تنهار الا من سبب قوي ياليت وانا خالك تقولين


هند بصوت حزين وباصرار / فديتك خالي لا تضعط علي وعد اقولك من متى اخبي عنك شي انت الصدر الي الجا له اذا تضايقت


عبدالرحمن بستسلام / بسكت عنك الحين لكن وعد تقولين لي وش الي مسبب انهيارك


هند / وعد خالي اتركني على راحتي الا متى اطلع من هنا بروح البيت


عبدالرحمن / بطلب من الدكتور يكتب لك خروج وتطلعين معي نرجع للبيت جهزي نفسك لين اجي


طلع من عندها ودخل عند الدكتور كتب لها خروج بعدها طلعو من المستشفى وركبو السياره


عبدالرحمن بحب / بنمر مطعم نتعشاء

هند بحزن / خالي مالي نفس

عبدالرحمن باصرار/ مو على كيف انا حتى الغداء ما تغديت ارتجف من الجوع

هند بحب / ماعاش الجوع ياخالي امرك نمر مطعم ونتعشى

مرو مطعم ودخلو داخل تعشو وهم يسولفون اغلبها بخصوص الشغل بعد ماخلصو من العشاء طلعو من المطعم بطريقهم للبيت كانت سانده راسها على الكرسي وخالها مركز بسواقته لين وصلو البيت


في بيت عبدالرحمن

دخل عبدالرحمن البيت كان كئيب كانت وراه اول مادخل الصاله لقاهم متجمعين اول ماشافو ها ركض لها خالد ومحمد


خالد بحب / الحمدلله على سلامتك يالغاليه

محمد بحب / الحمدلله على سلامتك خوفتيني عليك

هند / الله يسلمكم والشر مايجيكم الا وينها خالتي وغاده

خالد / غاده بغرفتك وامي بغرفتها

هند / اجل بطلع لخالتي اطمنها علي وبعدين بنزل لغاده

طلعت هند فوق طقت على باب غرفة نوره

نوره / ادخل يالي اطق الباب

هند بحب / انا جيت يالغاليه حبيتك ماتنامين قبل لا تطمنين علي

نوره ضمتها بحنان / الحمدلله على سلامتك يمه الله يطمنك والله فرحتيني بشوفتك والنوم كان مجافيني وانتي منتي بالبيت

هند بحب / تسلمين يالغاليه الله يعطيك طولت العمر

نوره بحنان / يله وانا امك روحي لغرفتك نامي وريحي عمرك من التفكير ولا تكتمين بعمرك

هند / تامرين يالغاليه ياله تصبحين على خير


نزلت هند و دخلت غرفتها شافت غاده سرحانه وحزينه

هند بحب / حبيبت امها من ماخذ عقلها

غاده فزت لما سمعت صوت هند

غاده بحزن والم / ماماتي انتي هنا

هند / وش تشوفين

ركضت لها غاده وضمتها وهي تبكي

غاده بحزن / ماماتي خوفتيني عليك

هند تبوسها على وجهها وتمسح دموعها / حبيبيتي ليش البكاء تبين تزعليني منك

غاده / لا كله ولا زعلك ماماتي

هند / باخذ شور وببدل وبنام

دخلت هند الحمام اخذ شور و بدلت لبست بجامه ودخلت سريرها ونامت جنب غاده الي ضمتها بقوه خايفه تفقدها وهند حست فيها وشدة ضمتها لها وهي تمسح على شعرها لين نامت وهي من التعب نامت


في بيت ام جاسم


صحت ام جاسم على اذان الفجر دخلت غرفت فيصل تصحيه لصلاه لقته صاحي يلبس

ام جاسم / صباح الخير

فيصل / صباح النور

ام جاسم / شكلك مواصل مانمت من البارح

فيصل / لا يالغاليه نايم وقلت اقوم اشيك على سيارتي وجهز اغرضي ولا نسيتي ا ن ورانا سفره لديره

ام جاسم / لا مانسيت وانا امك تعرف انبسط لسافرنا مع بعض عند جداتك اكيد بيفرحن بشوفتنا لكم مدة مازرتوهن

فيصل / الله يهديك الاجازه الي فاتت جلسنا طول الاجازه هناك تقول باريس كل اجازه مصيفين فيها

ام جاسم / وش جاب باريس لديرتنا اكيد الديره احسن

فيصل بمزح / هههههههههههه قال ايش الديره احسن من باريس يكفي باريس بالبنات الشقر مو الديره ماشوف الا غنم جدتي

ام جاسم بعصبيه / يقلل الحياء وش تبي بالبنات اذا تبي تشوف البنات قولي وانا اخطب لك وش لك بالحرام والله ان غنم جدتك احلى من بنات باريس

فيصل بيمتص عصبية امه / ههههههههههه امزح معك يالغاليه اكيد غنم جدتي احلى من كل بنات العالم مو باريس وبس

ام جاسم / ايه كذا الكلام السنع ياله روح صل لا تتاخر ودنا نمشي بالبراد علشان بعد الظهر عندهم

فيصل / ان شاء الله

طلعت من غرفت فيصل دخلت غرفة الجوهره

لقتها صاحيه ترتب شنطتها

ام جاسم / صباح الخير

الجوهره / صباح النور

ام جاسم بستغراب / كل ها لشنطه على روحت يومين

الجوهره / تعرفيني يالغاليه كل شي اخذه حتى اكلاتتي الخاصة لزوم السهرة تعرفين ما عندهم سوبرماركات و احب تكون كل اغرضي بشنطه وحده

ام جاسم / الي يشوف الاكل الي تاخذينه يقول رايحين مقطعه

الجوهره / وحنا رايحين مقطعه ان بغينا شي لازم نطق مشوار ساعه نشتري الي نبي خليني اوفر المشاوير وجيب اغراضي معي

ام جاسم بحب / هذا الي محلي الديره الواحد يبي يبعد عن الازعاج وهناك المكان هادي لازعاج سيارات ولا دوشت عمال

الجوهره / وانا اقول نفس كلامك

ام جاسم / ياله صلي وانا بنزل اقول لشغاله تجهز الفطور وبناخذ معنا بعض الاغراض الي يمكن ناقصة جداتك انا المره هذي بحاول بجداتك يجن معي يجلسن اسبوع والاربعاء الجاي يرجعهن جاسم لدير

الجوهره / ياليت يرضن يمه وربي البيت يحلى اذا جن

ام جاسم / الا بيرضن خالتي متشوقه على شوفة راشد وامي متشوقه على شوفة موضي على انهم مايستاهلون من يتعنى ويزورهم وياليت ان جن لقن مقابل زين الله يهديهم

الجوهره / يويلهم من ربي يمكن ذنب ربي عليهم انه حرمهم من العيال

ام جاسم / ليتهم يدرون ويغيرون معاملتهم ويبرون بامهاتهم لكن كل واحد مشغل نفسه بتفاهات وناسين جنتهم ونارهم ياله كملي شغلك وانا بكمل شغلي

نزلت ام جاسم تشرف على الشغاله الي جهزت الفطور
حطت الفطور بالصاله على دخلت فيصل

نزلت الجوهره اغراضها واغراض امها وجلست جنب فيصل افطرو بعد الفطور ركبو السياره متجهين لديره الي تبعد عن الرياض ثلاث ساعات


في بيت عبدالرحمن
في غرفة خالد


طول ليله يفكر بحبيته غاده وشوفتها الي طيرت النوم من عينه يتمنى اليوم قبل بكره يخطبها لكنه خايف من رده فعلها وخايف يكون الرفض وهنا بيتحطم حبه البري الي مستمر من الطفوله

خالد وهو منسدح على سريره يكلم نفسه / لازم اقول لهند عن حبي لغاده هي صديقتها تعرف اذا كانت تحب او مرتبطه انرعب من فكرة انها تكون لغيره مالي الا هند لكن هند الحين الي فيها كافيها مدري من وين طلع لنا راشد الله يكون بعونك راشد من شكله انسان طيب على قد حاله يمكن المظاهر خداعه

خلني اخذ شور وبعدها امر على هند اطلع معها مشوار اغير من نفسيتها وطلعها من جو الحزن الي هي فيه ان شاء الله تفتح قلبها لي وتشكي لي ولا تكتم بنفسها وتاكل بعمرها

دخل الحمام اخذ شور ولبس بنطلون جنز وقميص ابيض مكتوب عليه كلام بلانجليزي بالون الاسود من ماركة دكني

طلع من غرفته نزل تحت بيمر غرفة هند قبل مايطلع لصاله علشان يفطر

في غرفة نوره

نوره / عبدالرحمن قوم الفطور جاهز اليوم اجازه افطر مع العيال كلهم صاحين

عبدالرحمن / كم الساعه

نوره / تسع

عبدالرحمن / ان شاء الله

صحى عبدالرحمن من النوم وجلس متكي على سريره

عبدالرحمن / تصدقين يانوره البارح جافاني النوم

نوره بخوف / عسى خير يوجعك شي

عبدالرحمن بالم / هند وجعي يانوره اول مره اشوفها منهاره والي ذابحني اني اجهل السبب الشيطان قام يوسوس براسي وش علاقتها بالرجال الي خلاها تنهار من شوفته

نوره / تعوذ من ابليس هند مربينها ماتسوي العيبه تدري اني شاكه بشي بس بعيد عن تفكيرك وساوسك

عبدالرحمن / تكفين طمنيني الحقيني فيه راسي بينفجر من التفكير هي مواعدتني تقولي لما تكون مستعده وانا وعدتها مراح اناقشها لين تقولي من نفسها لكن مافيني صبر انتظر

نوره / الي شاكه فيه مراح يطمنك واخاف من ردت فعلك

عصب عبدالرحمن / قولي فكينا من الالغاز

نوره / انا شاكه مو اكيد وابيك توعدني تمسك اعصابك ولا تتصرف بشي لين تاكد لك هند السالفه

عبدالرحمن وصل حده / قولي خلصينا

نوره / شاكه ان الي كان بالاجتماع والي بسببه انهارت هند يكون ابوها راشد

عبد الرحمن بعصبيه / راشد وبعد كل هالسنين وجاي هند وش يبي منها اصلن راشد ماله بنات عندي والله لاذبحه لو قرب منهن انا ابوهن يانوره ابوهن راشد ماله حق عليهن اخذ روحه ولا ياخذهن من حضني

نوره / انا قلت لك شاكه ماله داعي كل الانفعال

عبدالرحمن / وانا شلون اتاكد انه راشد قولي شلون


نوره / تعوذ من ابليس لكل حادث حديث وخذ شور وانزل تحت ولا تبين شي من انفعالاتك يكفيها الي فيها واذا تبي تعرف شي عندك خالد
هو كان معها بالاجتماع

عبدالرحمن / انا سئلت خالت وهو مستغرب من ردت فعلها وانها كانت مبالغ فيها ماقول الا الله يصبرني لين تقولي

دخل عبدالرحمن الحمام ياخذ شور

طلعت من غرفتها مرت غرفة خالد مالقته عرفت انه نزل تحت
نزلت تحت تجهز الفطور مع الشغاله



غرفة هند

قامت من بدري وهي مانامت من الكوابيس بسبب شوفت راشد شوفته رجعتها للماضي الموجع الي تبي تنساه شوفته فجرت داخلها نيران الحقد والكره والانتقام ذكرتها بفقدان امها والشوق لها

التفتت جنبها شافت غاده نايمه بعمق متاكده انها مانامت بسبب حركتها الزياده غير قومتها مفزوعه من الكوابيس

دخلت الحمام اخذت شور لعل وعسى يتعدل المزاج

طلعت من الحمام لبست فستان بيتي لونه وردي فيه وردات صغيره سوت شعرها ظفيره هنديه وتاركته من قدام مفتوح وقذلتها على عيونها
اخذت معها اوراق خاصه بالشركه طلعت من غرفتها وقفلت النور ماتبي غاده تصحى

طلعت لصاله جلست على الكنب وعيونها على الاوراق تحاول تهرب من التفكير دخل عليها خالد وهي منغمسه بالاوراق باين على شكلها الهم والحزن والضيقه

خالد / صباح الخير على الحلوين

هند وعيونها بالاوراق / صباح النور

خالد / كيفك اليوم

هند / الحمدلله

خالد / شكل المزاج متعكر وش رايك نطلع تغيرين من نفسيتك

هند بضيق / مالي خلق لطلعه

خالد / مو بكيفك غصب عليك عاجبك حالك

هند بحزن / عفيه خالد خلني على راحتي

قام خالد وجلس جنبها وسكر الملف الي كانت اطالعه ورفع راسها

خالد بحب / دخيلك هنوده لا تضيقين عمرك لا تكتمين بنفسك افتحي قلبك اشكي لي وش مضايقك انا اخوك يالغاليه الي يضايقك يضايقني واضح عليك الهم والحزن والضيقه لو حاولتي تخبين على العالم كله انا كاشفك الهم الي يشيله واحد مو مثل الهم الي يشيله اثنين بيصيراخف عليك

هند / فديتك خالد متى ماحسيت اني مستعده افتح قلبي واشكي مراح اشكي لغيرك انت خالد اخوي توئمي بس انا احاول انسى

خالد / وين تنسين وانتي تحرقين بنفسك وذابحك التفكير

هند / ان شاء الله اقدر انسى

خالد / ان شاء الله

نزل عبدالرحمن ومعه نوره جلسو بالصاله

عبدالرحمن ونوره / صباح الخير

هند وخالد / صباح الخير

عبدالرحمن / كيفك اليوم هند

هند / الحمدلله

عبدالرحمن يطالع بشكل هند وهو من داخله يتوجع وهو يشوف الهم والضيقه مرسومين على وجهها عبدالرحمن في نفسه /حسبي الله عليك ياراشد كانك بتذبح البنت

نوره / هنوده وين غاده

هند / نايمه خليتها تكمل نومها امس مانامت زين

نوره / افطرتو

هند / لا ننتظركم

نوره / زين اجل بروح اجيب الفطور وبقوم محمد وعدنان

طلعت نوره فوق لقت محمد طالع من غرفته مرت على عدنان ولقته على الكمبيوتر

نزلو كلهم تحت وجلسو بالصاله حطت الشغاله الاكل على الطاوله وافطرو ورجعو لصاله

هند / خاله كلمتي بيت خالي سعود

نوره / لا انشغلت بسالفتك امس

هند / ماتدرين متى زيارة خالي بدر

نوره / لا والله علمي علمك

محمد / اليوم الزياره بعد العصر يبه بتروح معهم تزور

عبدالرحمن / من بيزوره غير سعود

محمد / خالي سعود وخالي حمد وخالي ابو فواز وعياله فهد وطلال

عبدالرحمن / اجل بيوم ثاني يكفون انت وش سويت بقضيته

محمد / ماجلها لين نسوي جاهه يمكن يتنازلون

عبدالرحمن / ان شاء اخذ عقوبته وكفايه سنتين محبوس غير الوحده الي شافها ومحدن كان يزوره

نوره / أي والله من يصدق ان هذا يصير لبدر الي يخاف الله لكن الدنيا اختبار

عبدالرحمن / الله يفرج له انا طالع بمر ابو بسام




في بيت ابو بسام


كلهم جالسين يفطرون ابو بسام وام بسام وغاده وغلا

غلا / بابا ابي اطلع زهقت من قعدت البيت من زمان ماطلعنا

ابو بسام / وين تبين تطلعين

غلا / مدري بس اهم شي اطلع

غاده / يبه اش رايك نطلع لستراحتنا ونعزم بيت عمي ابو خالد علشان هند تغير جو بعد الي صار ونعزم بسام وبيت عمي ابو نواف

ام بسام / والله فكره من زمان ماتجمعنا نطلع قبل الغداء ونرجع بكره الجمعه بعد العصر

ابو بسام / بكلمهم وبشوف قرارهم يمكن مرتبطين

غاده / تكفى يبه حاول فيهم وانا وامي بنجهز الي نحتاجه نسبقهم وهم يلحقونا الاستراحه قريبه

ابو بسام / يصير خير وانا ابوك

اتصل ابو بسام على عبدالرحمن ووافق على الطلعه يبي هند تغير جو

وتصل على ابو نواف ووافق على الطلعه لانهم من زمان ماتجمعو بيغيرون من جو الشغل شو

اتصل على ولده بسام اعتذر لان الليله زواج واحد من ربعه هو وخالد لازم يحضرونه والزواج بالشرقيه

ابو بسام قال لزوجته وغاده عن موافقتهم بالطلعه وقال بعد ساعه يكونون جاهزين




في بيت بسام


كانت نجلاء تسمع مكالمة بسام لابوه واعتذاره له

نجلاء / حبيبي ليه اعتذرت انا محتاجه لطلعه هذي

بسام / معزوم على زواج صديقي ماقدر اكنسل الزواج

نجلاء باست خده / فديتك ابي اروح لا تقول لا

بسام / بعد هالبوسه مجنون الي يقول لك لا بس عندي شرط

نجلاء / تسلم بس شنو شرطك

غمز بعينه بسام / شرطي اقوله بغرفتنا على سريرنا

حمر وجهه نجلاء / طيب مع من اروح

بسام / ياعيني على الي يغيرون السالفه مع اهلك لانهم معزومين يله نفذي شرطي ولا مافيه روحه

طلعت فوق لغرفتها ولحقها بسااااااااام و........





في بيت عبدالرحمن


جالسه هند بالصالة وخالد ونوره ومحمد وعبدالرحمن وكان بيطلع لما جاه اتصال ابو بسام بعد مقفل منه التفت عليهم

عبدالرحمن / نوره ابو بسام عازمنا لطلعة بستراحته وترى حطو في بالكم بنام هناك

هند / السموحه خالي مالي خلق لطلعه

خالد / وانا بعد ماقدر اطلع لاني معزوم على زواج بالشرقيه بروح مع بسام بنام هناك

محمد / انا فاضي ما وراي شغل بروح معكم

عندنان / وناسه بجهز الكوره

نوره / متى الطلعه

عبدالرحمن / الطلعه بعد ساعه والتفت على هند وانا ما وافقت على الطلعه الا علشانك وانا اقول بتروحين معنا ولا مالي راي عليك

هند استسلمت لخالها / الي تبيه يصير

عبدالرحمن / هذي بنتي هند الله يخليك لي ويفرج لك

الكل / امين

طلع عبدالرحمن من البيت بيشتري بعض الاغراض الخاصة بالطلعه

طلعت غاده من الغرفه لابسة بنطلون جنز وبلوزه حمرا من قوتشي وحاطه مكياج صباحي

غاده / افطرتو

نوره / صح النوم مابغيتي تقومين

غاده / وانا نمت البارح

نوره / عسى خير

غاده التفتت لهند / كله بسبب ماماتي طول الليل تقوم مفزوعه شكلها شايفه افلام مرعبه

هند بداخله منقهره من غاده فضحتها عند خالتها مراح تسلم من التحقيق

التفتت نوره على هند الي تحاول تنشغل بالاوراق تبي تبعد نفسها عن اسئلة نوره

نوره / هند تعالي ابيك بموضوع

هند تتهرب / فديتك خالتي عندي شغل بالاوراق لازم اخلصهم خلي الموضوع بعدين

نوره عرفت ان هند تتهرب منها

نوره / لاحقه على الشغل مراح اطول معك

اضطرت هند تسمع كلام نوره يمكن يكون موضوع غير

راحت نوره مع هند في غرفة الجلوس

نوره / هند الكلام الي قالته غاده صدق

نزلت هند راسها وتكلمت / غاده تبالغ

نوره بجديه / نفس الكوابيس الي كانت تجيك اول

هند بستسلام / ايه والمره هذي اقوى بكثير

نوره بحنان / وش السبب الي خلاها ترجع بعد ما نقطعت قولي لي وانا امك خالك امس مانام خايف عليك كلنا خايفين عليك

هند رفعت راسها وبحرقه والم / لاني شفت راشد كوابيسي مرتبطه براشد

نوره قربت منها وضمتها لصدرها

نوره بحنان / هو الي كان بالاجتماع والي سبب انهيارك

هند / ايه

نوره بقهر / وش يبي فيك وش ذكره فيك بعد السنين هذي

هند بحزن موجع / ماعرفني وجاي يبي سلفيه لشركته المنهاره شركت امي الي سرقها

نوره انصدمت ماتدري وش تقول واضح على هند التاثر وخانقتها العبره

نوره / لاحول ولا قوة الا بالله مدري وش اقول لك وانا امك روحي جهزي اغراضك ونطلع للاستراحه انسي همك مع اني عارفه اطلب منك المستحيل وكلي امرك لربي بياخذ حقك من الظالم

هند / ان شاء الله

طلعت هند لغرفتها علشان تجهز اغراضها الخاصه بطلعه

ونوره جلست مكانها متاثره كثير من حال هند

نوره في نفسها / يقلبي عليك ياهند يوم تضايقتي وخفتي وقلبك بغى يطير من ظلوعك كنتي حاسه بالمصيبه قبل لا تصير الله يطمن قلبك يمه

وقررت تكلم زوجها وطمنه ان شكوكه وساوسه مالها داعي


اتصلت نوره على عبدالرحمن وقالت تبيه بموضوع ضروري كان قريب من البيت على طول رجع طلع غرفته لحقته نوره


في غرفة نوره

دخلت نوره الغرفه وكان عبدالرحمن يستناها على احر من الجمر

نوره / عبدالرحمن الكوابيس رجعت لهند

عبدالرحمن بحزن / لاحول ولا قوة الا بالله من قالك

غاده قالتها على حسن نيه ان البارح هند ما تركتها تنام من كثر ماتفز مرعوبه

عبدالرحمن / وش السبب لرجعتها من زمان ماجتها

نوره / الي شكيت فيه طلع صح

عبدالرحمن / كيف

نوره / مسكت هند واصريت عليها لين قالت لي عن كل شي وربي حالها يصعب على الكافر


عبدالرحمن / وش قالت

نوره / راشد الي شافته بالاجتماع ماعرفها جاي يبي سلفيه من شركة هند لان شركته مفلسه شركة ساره الي سرقها

عبدالرحمن بعصبية / الخسيس النذل مكفاه الي خذه من ساره بيكمل على بنتي

نوره / ماقصرت فيه عرفته قدره وذلته بيحرم يقرب منها

عبدالرحمن / يستاهل الي يجيه لكن انا للحين ما نسيت سواياه ان شفته مراح يفكه من يديني احد ذابحه وشارب من دمه مانسيت عذاب ساره وعذاب هند كله بسبته وهو عايش مبسوط هو الي ذوقني القهر وحسسني اني عاجز ماعشت ان خليته حي

نوره / وسع صدرك ما عاش من يقهرك يالغالي ياله فكنا من راشد وبلاويه وخلنا نطلع للاستراحه ننبسط

عبدالرحمن / ان شاء الله



في بيت ابو نواف



ابو نواف وام نواف ونواف كانو يفطرون يوم اتصل عليهم عبدالرحمن

نواف / يبه عمي ابو خالد وش يبي متصل

ابو نواف / عازمنا على طلعه لستراحته

ام نواف / متى

ابو نواف / اليوم يقول بيسبقنا لها بعد ساعه وكل شي عليه

ام نواف / والله محتاجين لطلعه من زمان ماتجمعنا

نواف / مافيه مانع اعزم صديقي جاسم واهله

ابو نواف / اعزمهم يولدي ضيوفك هم ضيوفنا وبالمره اتعرف على اهل جاسم

نواف / ان شاء الله يجي مايكون مرتبط

اتصل نواف على جاسم

نواف / الو

جاسم / الله حي القاطع الي شايف نفسه علينا

نواف / انا القاطع ولا انت المهم معلينا انا عازمك والاهل على طلعة استراحة عازمنا عمي ابو بسام

جاسم / الاهل في الديره وانا ماضن بجي لو استراحتكم كان جيت

نواف / وش الفرق

جاسم / مستحي من الرجال اجيه بدون عزيمه

نواف / ليه ماني مالي عينك

جاسم / الا تملاها بس انا عند عمي صعبه اتركهم

نواف / وانا عازم عمك ومصر انك تجيبه معك وابوي يبي يتعرف عليه قول تم يشيخ

جاسم / عني انا تم بشوف راي عمي ان وافقو جبتهم معي وان ما وافقو بحاول اقنعهم يجون بكره متى الطلعه

نواف / الحين

جاسم / اجل قبل العصر عندكم

نواف / حياك الله فمان الله

جاسم / فمان الله



في بيت ابو راشد

بعد مخلص من مكالمته من نواف كان عمه وخالته جالسين يفطرون

جاسم / عمي هذا صديقي نواف يعزمنا على طلعة استراحه

راشد / متى

جاسم / اليوم

راشد / الليله معزوم على عشاء بالبر روح انت وخذ خالتك وانا بكره اجيكم

موضي / ايه ابي اطلع اشوف العالم من زمان ماطلعت

جاسم / خلاص تجهزي قبل العصر بنطلع تجهزي ترى بنام هناك

موضي / طيب



يتبع








في سيارة فيصل


في سيارة فيصل ام جاسم جالسه جنب ولدها والجوهره وراء وجنبها الشغاله

الجوهره / حبيبي فصول

فيصل / مدام فيها حبيبي اكيد بتطلبين

الجوهره / عاجبني الي فاهمني ابي كابتشينو من دربي

فيصل / اذا وصلن لمحطه نعبي با نزين بنلقاه هناك واشتري لك

الجوهره / بنطول على مانوصل محطه

فيصل / ربع ساعه

الجوهره / الله يصبرني

ام جاسم / ماله داعي توقف علشانها مابقى شي ونوصل

الجوهره / يمه ياحبيبتي مشتهية كبتشينو

فيصل / هذ قدامنا بشتري لك علشان افتك من لسانك اسئلي الي جنبك وش تبي

الجوهره / اطلب لها كبتشينو ماعرف اتفاهم معها

ام جاسم / جيبو لي معكم محدن سال يمه وش تبين الله يعوض علي

فيصل / ماعاش من ينساك يالغاليه

وصل لدربي شرى لهم وكمل طريقهم



في الاستراحه


عائلة ابو بسام اول الواصلين للاستراحه يجهزون المكان لضيوف لان الاستراحه ملكهم الاستراحه نضيفه فيها عمال مسئولين عن تنظيف الاستراحه وترتيبها

ابو بسام / جهزو القهو والشاهي والحلويات الناس على وصول

ام بسام / كل شي جاهز

غاده / طيب والغداء

ابو بسام / موصي عليه بيجيبونه على الساعه ثلاث

غاده / نجلاء بتجي

ام بسام / اخوك سافر مع خالد وهي عند اهلها اكيد بتجي معهم

غاده / الله يرجعهم بسلامه

ام بسام / اللهم امين وينها غلا ماشوفها

غاده / عند الالعاب تعرفينها مفتونه العاب

ام بسام / نادي اختك مكان الالعاب بعيد اخاف عليها

غاده / تخوف بلد ما تخاف

ام بسام / وش فيك حاطه دوبك دوب غلا احيانا احسك بزره كبر غلا من كثر ما تتمشكلين معها

غاده / ولا تزعلين يبختك يغلا بالدلع الله يعوضك يغاده منسيه من بعد مجو هالبزران وانا جالسه على الرف مدري متى يجي ابن الحلال الي يدلعني

ابو بسام / هههههههههههه وش فيك مستعجله عليه يمكن يكفخك وينسيك الدلع

غاده / يبه حرام عليك عاد يكفخني اجل هونا عن الزواج

ام بسام / احسن مافي زواج ابيك عندي

غاده / تطمني يالغاليه بتخلل عندك

ام بسام / ههههههههههههههه تخللي مراح اغير رايي روحي نادي غلا

غاده / ما من فكه من غلا حاضر



بيت عبد الرحمن

طلعو من البيت بعد ماخذو كل الي يحتاجون للاستراحه في سيارة عبد الرحمن نوره وعدنان والشغاله
في سيارة محمد هند قدام وغاده ورا والهدوء في السياره لان هند مالها خلق للكلام وغاده سانده راسه على الكرسي ونايمه




في الديره

بعد صلاة الظهر وصلت ام جاسم وفيصل مع ام جاسم مفتاح للبيت معطيها جاسم دخلت

وشافت امها وخالتها بالصاله جالسات وبين ايدينهن القهوه والشاهي ام جاسم وفيصل والجوهره باسو راس جداتهم


وجلسو فيصل جالس جنب جدته ام راشد والجوهره جنب فيصل وام جاسم جالسه جنب امها

الجده ام راشد متفاجئة / يالله حيهم والله ا ن جيتكم فرحتنا ليه ماقلتو لنا نسوي لكم غداء

ام جاسم / ياخاله احنا اهل محل وشوفتكم بالدنيا بشرن عنكم

الجده ام موضي / بخير الله يرضى عليك

الجده ام راشد / وينه جاسم ماجاء معكم

ام جاسم / مرتبط مع ربعه


الجده ام راشد / الله يوفقه ويحميه والله وعرفتي تربين مو انا وقامت تمسح دمعتها بطرف شيلتها راشد ماعرفت اربيه يوم كبرت واحتجته جحدني وزوجته بنت اختي ابيها تقربه مني ولا تفرقنا طلعت مثله وقطعت بامها الله يهديهم

ام جاسم جت عند خالتها وباست راسه الله يطول بعمرك مانكفيك ترى عيالي عيالك ياخاله

فيصل والجوهره جلسين منقهرين ويغلون من عمهم وخالتهم الي سببو بكاء جدتهم

الجده ام راشد / الله يرضى عليك دنيا واخره

ام جاسم بتغير الجو / شكلكن مطنشاتنا ماتبن تقهونا

الجده ام راشد ابتسمت وبانت تجاعيد عيونها من فتحة البرقع


الجوهره انا بقوم اجدد القهوه واجهز الفناجيل وبشرف على الغداء

فيصل / تشرفين على الغداء ولا بتاكلينه اعرفك

الكل / ههههههههههههههههههههه

قامت الجوهره ودخلت وحضرت القهوه وجلسو يتقهون ويسولفون لين جاء الغداء تغدو وبعد الغداء كلهم نامو تعبانين من مشوار السفر




في بيت ابو نواف

طلعو من البيت بعد ماخذو كل الي يحتاجونه في الاستراحه في سيارة نواف قدام نجلا وورا الشغاله

في سيارة ابو نواف معه ام نواف والاغراض رايحين للاستراحه



في بيت راشد

طلع جاسم ومعه خالته موضي بعد ماخذو الاغراض الي يحتاجونها في الاستراحه رايحين للاستراحه


في الاستراحه

الكل تجمعو بالاستراحه على الساعه ثلاث جاء الغداء بعد الغداء الشياب اخذو قيلوله ببيت الشعر والشباب سوالف وتعارف لان محمد مايعرف جاسم



عند هند

بعد العصر كل الحريم مريحات الي نايمه والي تسولف وغاده صديقتها وغاده اختها نايمات وهند مالها خلق لمقابل الحريم اخذت اوراق شغلها لانها ضروري تخلصهم

طلعت برا عند حديقة الورد الي بجهة الحريم قريبه من جهة الرجال وفيه ورود من بين الابيض والوردي والاحمر المكان خيال

كانت لابسه تيور من الشيفون ابيض في ابيض وشعرها تاركه مفتوح على طبيعته وبدون مكياج وجماله يبهر العين حست بصداع اتصلت على اخوها محمد سمعت صوته

محمد / الو

هند بتعب / محمد انت موجود بالاستراحه ولا طالع برا

محمد / موجود تبين شي يالغاليه

هند بتعب/ ايه راسي بينفجر عندك بندول انا برى بحديقة الزهور جالسه هناك

محمد / ماعندي بسال الشباب الي عندي يمكن عندهم اذا مالقيت ولايهمك اروح خصيصي علشانك كم هند عندنا وانا جايك الحين


هند / تسلم يله مع السلامه

محمد / التفت على نواف وجاسم عندكم بندول

جاسم / انا عندي ماستغني عنه انتظر لحظه بجيبه من السياره

طلع جاسم لسيارته ومحمد طلع يشوف اخته و يتطمن عليها اليوم ما عجبته

وصل عندها كانت جالسه على بساط فارشته على الارض و الاوراق متناثره حوليها وهي جالسه شعرها متناثر على ظهرها من طوله جزء منه طايح على الزرع



عند جاسم

دخل بيت الشعر لقى نواف نايم ومحمد ما لقاه
طلع من بيت الشعر يدور على محمد وفجئة اصدمه المنظر الي يشوفه

شاف هند وصعق من جمالها اول مره بحياته يمر عليه جمال بهذا الشكل شكلها هز جاسم هز ماقدر يمنع نفسه من التهامها بنظراته

جاسم بنفسه / يويل قلبك يا جاسم انا وش جابني هنا ياربي هذي انسيه ولا ملاك سبحان من خلقها كامله والكامل وجه الله ولا شعرها ذبح قلبي .



عند هند


محمد / كيفك الحين

هند / الحمدلله وين البندول

محمد / الحين بجيبه

قطف محمد ورده بيضاء وحطها في شعرها

هند قامت وضمته / تسلم حبيبي

كل الي صار وجاسم يطالعهم

جاسم بنفسه بحسره / يا حظك فيها يا محمد يا ليتني انا الورده الي حطيتها بشعرها
وش صار فيك يا جاسم منت بقادر تغض نظرك الحرمه متزوجه وانت تبحلق فيها

انتبه على نفسه وخاف ان محمد يشوفه

راجع للمجلس عند نواف وعقله عندها وقلبه تعلق فيها

جاسم في نفسه / اعوذ بالله من الشيطان الرجيم وش فيني من شفتها وانا ماني صاحي حرام افكر فيها البنت متزوجه انا ما رضاه على زوجتي لو اني متزوج برضاه على زوجات الناس يا رب اغفر لي وسامحني

محمد يكلم جاسم يساله عن البندول وجاسم بعالم غير العالم

نواف صرخ على جاسم / جاااااااااااااااااااااسم

فز جاسم متروع / خير وش فيك تصارخ قالو لك اصمخ

نواف / الرجال له ساعه يكلمك وانت ماترد عليه الي ماخذ عقلك يتهنى به

جاسم بنفسه / لو يدرى منو ماخذ عقلي كان ذبحني

جاسم / خير محمد كنت تكلمني

محمد / ايه وينه البندول

مد جاسم البندول ويده تنتفض من اثر صدمته بشوفت هند



يتبع







عند هند


منغمسه في دراسة الاوراق قطع عليها محمد وهو يمد عليها البندول

هند بحب / تسلم يالغالي تعبتك معي

محمد / الله يسلمك كم هند عندنا توصين على شي راجع لرجال مابي اطول عليهم

هند / سلامتك


تركها محمد و جتها غاده صديقتها


غاده / هنوده انتي هنا وانا لفيت الدنيا ادور عليك

هند / حبيت اطلع من جو النوم الي داخل قلت اخلص بعض الاوراق المهمه

غاده بحب / حتى الشغل جايبته هنا ارحمي حالك ولبدنك عليك حق

هند / شسوي الشغل بدمي مالقى راحتي الا بالشغل

غاده / مليت من سوالف الحريم وهذي الي اسمها موضي مابلعتها رافعه خشمها مدري على شنو

هند / مسرع محكمتي عليها ما يمدي حتى سوالف ماسولفنا معها انشغلنا بالغداء

غاده / عندي فراسه بالناس

هند / يعيني يام فراسه اقول غاده وينها

غاده / اختك هذي ما تشبع نوم عجزت اصحيها مو راضيه تقوم الله يصبرك على تقويمها

هند / بسم الله عليها لا تنحتينها اعرف عينك والقبر

غاده / ولا يهم اروح اتفل عليها علشان ما تصيبها عيني

هند / ههههههههه علشان تذبحك غاده تتقرف من بدون شي




في بيت الشعر


صحى عبدالرحمن من النوم كان تعبان امس ما نام عدل وطول بالنومه التفت حوله مالقاهم استغرب طلع من بيت الشعر لقاهم باسطين برا الكل جالس


عبدالرحمن / السلام

الكل / وعليكم السلام

عبدالرحمن / ليه ماصحيتوني من النوم

ابو بسام / واضح عليك التعب قلنا نخليك ترتاح

عبدالرحمن / وش ينومني اليلة

ابو نواف / معليك بنسهر الليله التفت على جاسم / الا وين اهلك

جاسم / الله يطول بعمرك اخوي واهلي رايحين الديره وانا جاي مع خالتي زوجة عمي وعمي معزوم بالبر يمكن يجي بكره

ابو نواف / ودي اتعرف عليهم انت لحية غانمه

جاسم / تسلم ياعم

ابو نواف يمزح مع جاسم / لو عندي بنت زوجتك اياه

جاسم / تسلم ياعم نسبك ينشرى

نواف / ابوي فتح سيرة الزواج الحين بيستلمنا واحد واحد

ابو نواف بجديه / وانتم ليه ما تتزوجون كل واحد مكون نفسه وش تنتظرون قولو لي

نواف يبتسم بوجه ابوه / مو انا قايل لكم ياطويل العمر انا الموضوع قاعد ادرسه وقريب اقولك اخطب لي

ابو نواف بفرح / الساعه المباركه وانا ابوك

ابو نواف / وانت يا محمد ما شاء الله مكون نفسك وش تنتظر

محمد / تو الناس ياعم قبلي خالد وانا ما تزوج قبل الكبير والي بتزوجها ما لقيتها للحين


جاسم فرح وبنفسه يقول / ماهو متزوج ولا خاطب اجل الي كانت معه منه الحمد لله انها ماهي زوجته اكيد اخته الحين ارتحت وش فيك يا جاسم وش عليك منها تزوجت ولا لا الله يستر لا يكون حبيتها ابتسم صورتها مو راضيه تنمسح من راسي


نواف يصرخ / جااااااااااااسم وش فيك اليوم مسبه منت مع العالم ابوي يسالك ليه للحين ما تزوجت

جاسم / يا عم مضرب عن الزواج

ابو نواف / وش له الاضراب

جاسم / شاري راحتي يا عم اغلب الحريم حنه وطلبات تكسر الظهر ولا ترحم الزوج

ابو نواف / مو كلهن مثل اصابيع يدك ماهن سواء

جاسم / اخاف حظي يرميني في وحده من النوعيه الي اخاف منها

ابو نواف / الله يرزقك بالي تعجبك

جاسم لما سمع الدعوه ظهرت صورة هند قدام عيونه

جاسم / امين

محمد يكلم ابوه

محمد / يبه انا طالع توصي على شي

عبدالرحمن / وين وانا ابوك

محمد / موعد زيارتنا لخالي بدر

عبد الرحمن / الله يبارك فيك وانا ابوك سلم عليه

محمد / يوصل يالغالي ياله استاذن



في قسم الحريم

ام بسام ونوره و ام نواف و موضي جالسات يسولفن والبنات جالسات على حنب يسولفن

ام بسام / شرفتينا ياموضي بزيارتك

موضي / تسلمين

ام نواف / انا ولدي نواف صديق جاسم الا جاسم ماله نيه يرجع لطب حرام يترك وظيفته وهو كان الكل يشهد بشطارته

موضي / من بعد الحادثه الي صارت له بالمستشفى وهو كاره الطب ولا يحبنا اناقشه بالموضوع

نوره / شنهي الحادثه

موضي / سو عمليه لولد عمره 5 سنوات ومات بين ايدينه وهي اول عمليه يسويها تفشل وحط سبب وفاة الولد عليه جلس فتره متاثر وحالته ما يعلم فيها الا الله لكن الحين الحمد لله

ام بسام / الحياه والموت بيد الله الاطباء اسباب

نوره / والنعم بالله

ام نواف / الله يوفقه ويرجعه لعقله والله ان ولدي نواف متضايق من تركه لطب

موضي / كلنا متضايقن لكن من يسمع



عند البنات


غاده 2 / ماماتي ابي اتسبح بالبركه

غاده 1 / أي والله سميتي

غاده 2 / مدري ليش ماماتي سمتني على اسمك

غاده 1 قامت تسبل بعيونها/ ما يبيلها شطاره ياذكيه لانها تحبني وتبيك تطلعين علي لكن خساره ليس كل مايتمناه المرء يدركه

غاده 2 / بسم الله علي اشبهك كان منتحره من زمان

نجلا / ههههههههه سكتيها غدويه الله يقويك على ام السان

غاده 1 / اقول نجلوه لاتخليني افتح كرشتك وطلع ولدك فديته

هند / غدوويه مافي سباحه وبعدين وش فيكم على غاده هي صادقه مسميه غاده عليها لاني اموت فيها من صغرنا وحنا بوجيه بعض

غاده1 / فديتهم نذرن علي ان جاني ابن الحلال الي للحين ماله نيه يجي اني بسمي بنتي هند

نجلا / من كثر منتي مشفوحه على العرس خاف منك واهون عن الجيه

غاده 1 بمزح / يا معرس اظهر وبان عليك الامان

الكل / ههههههههههههههههههههههه

نجلاء / وش رايكم نشوي

غاده 1 / أي والله نبي نستمتع بشوي بقول لمي تكلم ابوي يجيب عده الشوي من عندهم



عند الرجال

الشياب جالسين برا على كل سوالفهم بالشغل والشركات و الاسهم نواف وجاسم تململو من السوالف بالشغل دخلو بيت الشعر



في بيت الشعر

نواف / جاسم وش رايك فيني وانا اخوك

جاسم / وش عندك على السؤال

نواف / الحين جاوبني

جاسم / انت صديقي من المتوسط لو مافيك خير ما صادقتك صداقتك تنشر بالغالي

نواف وهو يفرك يده من التوتر / تسلم معليك زود

جاسم / وش فيك متوتر قول الي عندك ياخوي انا اعين وعاون

نواف / لو اخطب بيرضون فيني

جاسم / يرضون وهم مغمضين بعد ويحمدون ربهم انك خاطب بنتهم

نواف / وصلنا خير انا جاسم من حبي لك ابي اربط علاقتنا بنسب

جاسم / تخطب مني في من

نواف بقهر / اخطب امك ماقول الا مالت على الغباء

جاسم / ههههههههههههههه بشاور الوالده ان رضت احد يحصل عم مثلك

نواف بعصبيه / وتبن جسوووووووم اتكلم من جدي من اليوم اتصبصب عرق وحضرتك تمزح وتضحك الزبده يشرفني اخطب اختك الي مدري وش اسمها لي زوجه

جاسم / ههههههههههه حلوه تخطب ماتعرف اسم العروس اسمها الجوهره

نواف / انا اتكلم من جدي انا اخطب اختك الجوهره وابيها زوجه لي ماني بمستعجل بالرد

جاسم فرحان بخطبت نواف لاخته لانه يتمنى من زمان ان نواف يتزوج اخته لانه يعرف اخلاقه ولولا الحياء كان اخطبه لخته

جاسم / انا عني موافق واكيد فيصل موافق لانك تعرف قدرك عندي وعنده لازم نشاور البنت والله يقدم الي فيه حيره

نواف / امين



عند الحريم


كانت هند جالسه مع موضي ونوره وام بسام اتركتهم وراحت للمطبخ تشرف على الشغالات وام نواف عند بنتها نجلاء

موضي / نوره هند بنتك

نوره / بنتي برضاعه و اعز من بناتي انا ربي مارزقني ببنات وهي بنتي

موضي / ماشاء الله عليها تشتغل

نوره / ايه تملك شركات الفهد

تطايرت عيون موضي في نفسها هذي هند الفهد الي الكل يتكلم عنها مو باين عليها شكلها صغيره بالعمر وجمال وغنى توقعتها عجوز اكبر مني الفلوس تصغر وتجمل

جت غاده عند هند وموضي مركزه عيونها عليهن

غاده / ماماتي تطلعين معنا برا بنشوي داخل كتمه برا الجو خطير

هند / بطلع بعد شوي انتبهي على نفسك وانا امك

استغربت موضي ان هند لها بنت بالعمر كانهم خوات

موضي / هذي بنتك ياهند

هند / ايه

نوره انقهرت من هند انها قالت بنتي هي معجبه بجاسم من كلام ام نواف كان ودها انه يخطبها لكن بتصرفاتها هذي اطير العرسان

موضي / ماشاء الله يخليها لك الي يشوفكم يقول خوات

هند / تسلمين

جت ام بسام وام نواف جلسن مع موضي قامت نوره مولعه من هند

نوره / هند تعالي معي المطبخ نجهز اغراض العشاء

هند / حاضر

دخلت نوره وهند المطبخ وكانت نوره معصبه

نوره بعصبية / وبعدين معك وش الي قايلته للحرمه

هند مستغربه / وش قلت ما ذكر اني قلت شي غلط

نوره / ان غاده بنتك

هند / وهذا الصدق غاده بنتي

نوره / ليه منتي بمقتنعه ان غاده اختك

هند بجديه / خاله قولي الي يدور براسك بدال ما تلفين و ادورين

نوره / ياهند يا عيوني لما تقولين ان غاده بنتك مراح احد يتقدم يخطبك

هند بعصبيه / وهذا المطلوب كم مره قلت لكم زواج مراح اتزوج ارتاحو وريحوني فكوني من اعاده الكلام

نوره بحب/ لمتى يا هند تبقين بدون زواج غاده بتتزوج وحنا مراح ندوم لك

هند / مراح اتزوج لين اموت انتي عارفه اسبابي لرفضي لزواج

نوره بحنان / يا قلبي انا اعرف اسبابك وتخوفك من الزواج لكن مو كل الرجال راشد شوفي خالك واخوانك ينحطون على الجرح يبرا

هند بضيق/ دخيلك خالتي اذا لامي الله يرحمها غلى بقلبك انسي هالموضوع لانه يضايقني فوق ما تتصورين خالتي اعرفي واقتنعي ان الموت عندي افضل مليون مره من الزوج

نوره باستسلام / وعرفتي تمسكيني بيدي الي توجعني بكيفك الي عقله براسه يعرف خلاصه ياله روحي عند البنات ونسي الكلام الي قلته الله يهديك

هند / الله لايحرمني منك ياحن واطيب قلب

نوره / ولا منك

رجعت نوره عند الحريم وهند بالمطبخ تسوي لها شي تشربه سوت لها كاس حليب بالنسكافيه جلست على كرسي بالمطبخ تشرب الحليب لما خلصت

طلعت تبي تختلي بنفسها ما تبي تقابل البنات بعد كلام نوره لانها تحس بخنقه

كانت لابسه بنطلون جنز ماسك على جسمها وبلوزه حمرا ماسكه وشعرها مسويه ظفيره هنديه وكالعاده بدون مكياج

طالعت بيدها ما لقت سلسالها الالماس هدية خالها يوم تخرجت من الثانويه والسلسال غالي عليها اتصلت على البنات تسالهم عنه قالن لها ماشفنه

هند بنفسها / اكيد انه طايح اليوم بحديقة الزهور هو المكان الي اختليت فيه عن البنات



عند الرجال


جاسم كان نايم ببيت الشعر صحى الا الساعه 7 له حوالي الساعه نايم قام متجه للحمام يغسل وجهه ويغير ثوبه المتعفس من النوم

لبس ترنق رياضي رايق عليه راح يدور على الشباب والشياب مالقهم يمكن طلعو عندهم مشوار

تذكر حديقة الزهور بيروح يشوف مكانها الي كانت جالسه فيه

جاسم بنفسه / خلني اروح للمكان الي شفتها فيه تركت روحي هناك من شفتها وانا ماني مع العالم
اه يا جاسم شوفت بنت العبت فيك لعب كاني اول مره اشوف بنات

وصل للمكان الي كانت هند جالسه فيه وصار يمسح على مكان الزرع الي كان متناثر عليه شعرها كانه يمسح على شعرها

وهو جالس كان ظهره جهة قسم الحريم سمع صوتها وهي تكلم فز قلبه يقول بنفسه / صوتها الظاهرانك انجنيت يا جاسم صرت تتخيل صوتها


عند هند

هند كان تتكلم بالجوال مع خالد متصل عليها يطمنها انه وصل وبكره باليل بيكون موجود

شافت بمكان الزهور واحد معرضها ظهره القفا كانه قفى اخوها محمد مشت شوي شوي وحطت يدها على عيونه انتفض جاسم من حركتها وذاب وداخ من ريحت عطرها

هند / حمود وش قاعد تسوي لحالك اكيد اكرفوك الشياب وجاي هنا تتهرب منهم


جاسم مصدوم / ..............

هند / حمود وش بلاك ساكت

جاسم / ..................

هند فكت يدها من عيونه وجلست على ركبتها مقابلته وجهها قريبن من وجهه

جاسم منصدم من الموقف وحالته حاله وصدمته انها تحسبه اخوها نزل راسه بحيت مايبان شي من وجهه هند خافت ان صاير شي وهي عارفه ان اليوم زيارة خالها بدر مدت يدها لوجهه ورفعته الكل انصدم

جاسم صدمته الجمال والانوثه الي مايقدر يقاومها أي رجال كل شي فيها قمة بالاغراء كانه وده يقوم يضمها يبوسها أي شي يطفي ناره بس مافيه الجراءه يخون الي استضافوه وعيونه التهمت كل تفصيلها لعله يرتوي منها هيهات للعاشق ان يكتفي بل يطمع بالمزيد


وهند صدمتها انه طلع مو محمد اخوها وطلع رجال غريب وتذكرت انها قد شافته وعرفت انه ولد اخو راشد انتفضت من العصبيه

هند من غير شعوره وهي تصارخ / جاااااااااسم وش جابك هنا

جاسم تروع منها كيف عرفته رد وهو يحاول يصير طبيعي

جاسم / تكلميني انا

هند صحت على نفسها وانها جالسه مع رجال غريب مو محرم لها ركضت بسرعه ودخلت داخل


جاسم في نفسه زين قدرت امسك نفسي مدريت اني خفيف ممكن تثيرني أي انثى الحين من بيشيلها من راسي انا نظره من بعيد اذبحتني وهذي ماسكه عيوني واااااااه على مسكتها ليتها مطوله شوي ولا ريحت عطرها ولا جسمها ولا شعرها لو اوصفها ظلمتها ولا فمها يشهي ويدوخ ويذبح والله وذبحتك ياجاسم
انا شلون اقدر اقوم من مكاني رجولي ترجف من الي شفته شكلي مراح ارجع البيت الا مستخف والا انا حرمه تلعب بقلبي لعب

وتيارات مشاعرعنيفة قويه حادة وعميقة مزقت قلب جاسم وحولته لشظايا متطايرة يحاول جاسم يكابر لصدها

ما عاشت من تلعب فيك يا جاسم انت تكره الحريم كلهم موضي خالتك ما منهن امان


وهو واقف بيرجع عند الشباب لفت نظره شي يلمع نزل نفسه يشوفه شاف اسواره بناتيه فيه حرف h كانت طايحه بمكانها اليوم تاكد انها لها اخذ الاسواره وطبع بوسه قويه عليها وكانه يبوس صاحبة الاسوره حطها في بوكه مايبيها تضيع على الاقل لقى شي من ريحتها تصبره عن شوفتها

قطع تفكيره صوت جواله كان عمه راشد

راشد / الو

جاسم / هلا عمي

راشد / انت وينك

جاسم / بالاستراحه

راشد / انا جايكم اوصف المكان

جاسم / وين عزيمة البر

راشد / اجلها لبعدين مرضان شوي

جاسم / سلامته

وصف جاسم لعمه مكان الاستراحه على الساعه ثمان راشد جاء وعبدالرحمن كان طالع



يتبع








بعد ساعه
دخل عبدالرحمن مع خوال عياله جلس اول مجت عينه على راشد كل منهم انصدم بالثاني
راشد خاف من عبد الرحمن وراشد جالس جنبه جاسم

اول ماشافه عبدالرحمن ثار جنونه وذكريات الماضي صارت بين عيونه أكل راشد بنظرات كلها حقد وكره ما تكلم ولا كلمه طلع

الكل استغرب طريقة طلعته من المكان بعد دقائق الا عبدالرحمن داخل وبايده مسدس صوبه بوجه راشد كل الرجال الي بالمجلس خافو ان عبدالرحمن يتهور و يذبحه حاولو يمنعونه لكن شكله مصر على ذبحة راشد

عبدالرحمن / جاي يالخسيس بعد كل سواياك

راشد /............

جاسم منصدم من الموقف ومن سكوت عمه ومن النفضه الي جته لما شاف عبدالرحمن

عبدالرحمن / راشد لاتحسبني نسيت سواياك يالجبان تقرص وتنحاش لكن اليوم موتك بيدي برجع الاولي والتالي

قام محمد مسك جواله واتصل على اخته هند لعل وعسى تقدر تتصرف مع عناد ابوه

محمد / الو هند الحقينا

هند خافت / خير وش صاير

محمد / ابوي بالمجلس رفع مسدس بوجه رجال اسمه راشد كل الي بالمجلس ما قدرو عليه اخاف يتهور ويذبحه

هند تروعت وصارت تنتفض عرفت انه راشد ابوها موجود / انا جايه الحين

هند بسرعه لبست عباتها وصارت تركض لان قسم ارجال بعيد عن قسم الحريم

دخلت عليهم هند بصوت عالي / لاااااااا ياخالي

وقفت بوجه خالها صارت بينه وبين راشد الراجيل انصدمو من دخول الحرمه وش علاقتها بالي يصير

هند بالم ووجع وحزن / حطها بصدري ياخالي ولا تلوث يدك بدم راشد

الكل مفجوعين وجاسم عرف انها هند الي با لشركه وعرف ان عمه عامل مصيبه جاسم خجلان منهم

هند ودموعها تنزل / ياخالي لا تخليني ناكره لجميلك انك تنعدم بسبتي ياخالي لو صار لك شي انا اضيع انت عزوتي انت قوتي انت سندي انت اهلي كلهم انت امي ابوي لا تضيع عمرك علشانه اذا بتقتله اقتلني قبله اهون من اني افقدك يالغالي

والتفتت لراشد ناظرته بحقد وكره ورجعت تناظر خالها والله ولي خلقك وخلق غلاك بقلبي لدفعه ثمن سواياه غالي دخيلك ياروح هند ارمي المسدس عنك لا تلوث يدك بدمه

تاثر عبدالرحمن كثير من كلام هند وخنقته العبره

هند / يـ يـ يبه دخيله لاتقتله

اول ما سمعها تناديه يبه الكلمه الي ياما تمنى هند تقولها له نسى الرياجيل الي بالمجلس رمى المسدس وسحب هند وضمها ضمه قويه وصار يبيكي بصوت عالي وهي تبكي وتنتفض

عبدالرحمن / قلتي لي يبه اه لو تدرين ياهند اش كثر فرحتي

هند وهي تشاهق / قلتها وانا كنت اتهرب من قولها ماكنت اتوقع اني اقولها يالغالي وصارت تبكي
كل الي بالمجلس تاثرو وابو بسام وابو نواف تاثرو من بكاء عبد الرحمن لانهم يعرف واش كثر متعلق بهند

جاسم تاثر من الموقف الي صار قدامه و تاكد ان عمه مسوي مصيبه معهم نفسه يعرف وش مسوي ليه يقولون عنه حقير ونذل وعمه ليه مادافع عن نفسه

و زاد اعجابه بهند وقوتها وجرائتها وتعلقها بعبد الرحمن وتعلق عبدالرحمن فيها

مدت هند يدها على دموع خالها ومسحتها بيدها وسحبته بيده وطلعت معه برا الخيمه وقبل ما تطلع التفتت لجاسم

هند بعصبيه وبقوه وقسوة / ياليت تطلعون برا لانكم ضيوف غير مرغوب فيكم مايجي من وراكم الا الشر

وبعد كلمتها طلعت

نواف ركض لجاسم الي لاحظ عليه الانكسار بسبب الي صار وكمل عليه كلام هند

نواف / اعذرها يا خوك ولا تاخذ بخاطرك المقصود عمك ولا انت مالك ذنب

جاسم وهم منفجع من الموقف وخجلان ماله وجه يتكلم ويجلس بعد الي صار طلع مع عمه بدون ولا كلمه

طلعت هند مع خالها يدها بيده وراحت جهة حديقة الورود

هند / خالي اجلس هنا وسع صدرك حقي من راشد باخذه لكن مراح اورط نفسي بدمه والقتل موحل
انا الي مقهوره راشد ذوقني المر وهو سبب ضعفي

عبدالرحمن / هو الي شفتيه بالشركه

هند / ايه ياخال ماقلت لك هو سبب ضعفي

عبدالرحمن / عقب الي شافه الليله مراح يجي له وجه يقابل الرياجيل

هند / فكنا من سيرته متى بنرجع لبيوتنا

عبدالرحمن / بكره بعد صلاة الجمعه

هند / خالي ترى الخميس الجاي فض عمرك على العشاء ضروري

عبدالرحمن / ليه عازمتني

هند بحب / تستاهل من يعزمك لكن عندي عشاء عمل مع عملاء يبون ممولين لشركتهم

عبدالرحمن / ان شاء الله

هند / خالي ابي اقولك شي بيفرحك

عبدالرحمن / قولي

هند / شريت قصر امي الي سرقه راشد كان حاجز عليه البنك وشريته من البنك

قام وباس راسها عبدالرحمن / بعدي بنتي بردتي قلبي براشد سلمت بطنن حملت فيك ولله وثمرة تربيتي فيك الحين بذا الخبر غيرتي مزاجي الي خربه شوفت النذل راشد

هند / الحمد لله اني فرحتك

عبدالرحمن / أي والله فرحتيني انك رجعتي المال المسروق لاهله

وقف / هند تاخرت على الرياجيل انتبهي على نفسك

دخل عبد الرحمن مجلس ارجال تغيرت نفسيته بعد شراء هند للقصر دخل عليهم يضحك ويسولف

ابو بسام / كانك مبدلينك منت الي من شوي

ابو نواف / هذا سحر من اسحار هند

عبدالرحمن / هههههههههه وش تبون مني اقوم اكوفنكم محلكم علشان تنبسطون

ابو نواف / صاير تخوف اهم شي ان محمد شال المسدس واخفاه ولا كان ذبحتنا ما تنتفاهم انا شباب مابي اضيع عمري بصير معك مسالم

الكل / هههههههههههههههههههههههه



في سيارة جاسم

طلع من الاستراحه كلم خالته وقال لها تطلع في السياره جالسين ساكتين جاسم منقهر من عمه

ويفكر في نفسه / اكيد مسوي بلوه كبيره مع هند هذي والا ليش عبد الرحمن بغى يثور فيه بالمسدس لازم اعرف السر الي مخبيه علينا عمي والله ما صار لي وجه اوريه لنواف بعد الي صار اكيد نواف يعرف بس استحي يمكن البلوى الي مسويها عمي تقطع الوجه اكيد خالتي موضي تعرف السالفه لازم بكره اسئلها لازم اعرف

وصلهم البيتهم نزلهم جاسم ماله خلق يقابل عمه بعد الي صار لانه مايضمن اعصابه يخاف ينفجر بعمه

كمل طريقه لبيت امه دخل البيت مافي احد دخل غرفته دخل الحمام اخذ شور لعل وعسى يطفي قهره وحيرته

حط راسه على المخده مستغرب من قوتها كيف تتعامل مع الرجال بقوه تصرفاتها رجوليه ما تميل ابد لصنف لحريم قوتها وشراستها شخصيتها القويه العنيده المسيطره الي تخوف الرجال

ليش عند عمي تضعف وتنهار ياترى ياعمي وش مسوي لها انا متاكد انه شي كبير الي تخليها تبكي وتنهار ويجيها انهيار عصبي حرمه حديديه تنهار بسبتك ياعمي بنجن اذا ماعرفته متى يجي الصبح وتفك خالتي حيرتي

يوم جاء بينام مر طيف حبيبته قدامه خفق قلبه وبتسم من انتي يالي حطمتي قلبي وذوبتيه الاكيد اخت محمد بس منهي وش اسمها طمعان انك تتزوجها عقب الي صار مستحيل تتزوجها وهم طاردينا اليوم بسبب عمي وهو بافكاره من التعب نام



عند الحريم بالاستراحه


دخلت هند عند الحريم وهي منهار بعد الموقف الي صار وهي تكابر عند خالها جلست بمكان منعزل وصارت تشاهق من البكاء دخلت عليها نوره خافت لما شافتها تبكي

نوره بخوف / هند وش فيك يوجعك شي

هند من كثر البكاء ماتقدر تتكلم / هزت راسها بلا

راحت نوره المطبخ جابت كاس ماء غسلت وجها وشربتها

نوره بحزن / وغلات امك عندك تقولين

هند بوجع / راشد كان هنا

تروعت نوره / وش جابه هنا متى جاء وش يبي

هند / مدري بس خالي بغى يقتله رفع المسدس بوجهه وكلمني محمد ولحقت عليه قبل لا يتهور بدمه

نوره بصراخ / وشوووو عبد الرحمن رفع المسدس بوجه راشد

هند / ايه وخالي مره متاثر حاولت اغير جووه لكن راشد عكر مزاجه اول مره اشوف خالي يبكي شفت وش سوى فينا راشد

نوره تقطع قليها على زوجها وتعرف دموع الرجال غاليه ما ينزلها الا القهر والي سواه راشد بساره وهند فجر القهر بعبد الرحمن

هند / خاله لا تقولين اني قلت لك انا ماقلت لك الا علشان يصير عندك علم لو عصب عليك ولا شي تعذرينه لانك عرفتي السبب

نوره بحزن / هذا الي جانا من ورى راشد

هند بتغير من الحزن / خاله شخبار العشاء بموت من الجوع

نوره / من اليوم البنات يشون شكلهن اكلن العشاء ونسنا

هند / الظاهر الرجال بياكلون من الشوي

نوره / لا مراح يكفيهم لانه كثرو جو اخواني بعد ما زارو بدر

هند / بشري وش صار لما زاروه

نوره / جو من الزياره متاثرين ولا اخذت اخبارهم

هند / اجل كملنا عليهم بالفلم الي بسبت راشد لانهم كانو موجودين لما صارت المشكله بروح عند البنات

نوره متنكده من الكلام الي قالته هند دخلت عند الحريم

وهند راحت عند البنات الي كانن يشون ويضحكن

نجلاء / وينك هند من اليوم ما جلسنا معك

هند / انشغلت شخبار عشانا ليكون اكلتنه

غاده صديقة هند ملاحظه اثار البكي على وجه هند سحبتها على جنب

غاده / هند وش فيك انتي باكيه لا تقولين لا لاني اعرف انك باكيه ليش

هند / سالفه صارت وانتهت بسلام

غاده / قولي شنهي مراح اتركك لين اتقولين لو اجلس لصبح

هند / قالت كل الي صار لغاده ونبهتها ماتقول لاحد

غاده / كل ذا صار ولا درينا الله يعينك ويصبرك ي وربي بيعوضك على صبرك الحمدلله لحقتي على عمي ابو خالد لا يتورط بدم راشد

هند / الحمد لله خلاص قلت لك خلينا نروح للبنات

راحن للبنات وجلسن سوالف ضحك وتنكيت من غاده لين خلص الشوي جهزن السفره عند الحريم وحطن الشوي والسلطات والمقبلات مع الخبز والببسي

تعشن والحريم الكبار نامن والبنات سهرن سوالف ولعب لين الساعه ثنتين كلهن دخلن غرفه وحده وبسطن فرش على الارض فراش هند بالوسط بين غاده اختها وغاده صديقتها وحاضنه غاده اختها

ام نواف وام بسام ونوره ونجلاء نايمه بغرفه ثانيه وغلاء نايمه بحضن امها



اليوم الثاني بالاستراحه

عن الرجال

صحو على اذان الفجر صلو الشباب رجعو ينامون الشياب فرشو فرشه برا والجو خيال بعد صلاة الفجر جلسو يسولفون

عبد الرحمن يكلم ابو نواف

عبدالرحمن / وش صار بصفقه الي تسربت وخسرتها

ابو نواف / القهر يابو خالد ان فيه موظف خاين بشركتي يسرب معلومات لشركات المنافسه

عبدالرحمن / الله يكفينا الشر صارت الذمه تنشرى بفلوس تلقى شارينه الشركات المنافسه لتهريب المعلومات من شركتك

ابو نواف / على كذا ياخوك بفلس لان الصفقه الي خسرتها كبيره لو بفقد صفقات من هالوزن بتخسر شركتي سمعتها

ابو بسام / مافي حل الا ان تكشف الموظف الخائن وتطرده

ابو نواف / شلو اعرفه كاني ادور ابره بكومة قش

ابو بسام / سهله يبو نواف

ابو نواف / الحقني ياخوك

ابو بسام / ابشر شوف الي دايما تناقشهم بصفقات كل مره اخذ واحد منهم وعطه معلومه مغلوطه ولا اوصيك كثف المراقبه على الموظقين حط كمرات مراقبه بالمكاتب صدقني بسبوع بينكشف

ابو نواف / والله فكره شورك وهداية الله

ابو بسام / نبي على هالجلسه قهوه وفطور تتصل يا بو نواف على ام نواف ولا بتتصل يجبونها

عبدالرحمن / وش لك تتصل فيهم وتقومنهن من نومهن وعده القهوه عندنا الفطور نقوم واحد من الشباب يجيب فطور لنا وللحريم

ابو نواف / والله انك رحوم مع الحريم

عبدالرحمن / وليه ما نرحمهن وهن جابن لنا العيال وماقصرن بحقوقنا

ابو بسام / ابو نواف صدق يويلك لو تسمعتك ام نواف تشيشنا على الحريم

ابو نواف / الله وكبر ماقلنا شي واكلتوني شكلهم معينينكم من انصار حقوق المراه

ابوبسام وعبدالرحمن / ههههههههههه



عند جاسم

جاسم صلى الفجر وبعد الصلاه ركب سيارته بطريقة لبيت عمه وصل البيت فتح الباب بالمفتاح الي معه دخل لقى خالته موضي بالصاله انبسط لماشافها لحالها لقاها فرصه يسالها عن هند وعبد الرحمن مدام عمه للحين ماجاء من الصلاه

جاسم / صباح الخير

موضي / صباح النور وينك مانمت امس هنا

جاسم / نمت في بيتنا

موضي / امكك واخوانك مسافرين وش مجلسك هناك لحالك

جاسم / كنت متضايق

موضي / عسى خير وليش ما تضايق وحنا امس مستانسين بالطلعه

استانس ان خالته سهلة عليه مهمة السؤال

جاسم / خاله ابي اسئلك سؤال وابيك تقولين الصدق

خافت موضي من جديت جاسم قالت / اسئل وليه بكذب

جاسم / تعرفين واحد اسمه عبد الرحمن الفهد بينه وبين عمي مشكله كبيره بسبب بنت اسمها هند تصير بنت اخو عبد الرحمن

صعقت موضي شلون الماضي ظهر لكن مستحيل تقول الصدق لانها بتطلع بعيونهم مجرمه

جاوبت عليه وباين عليها الخوف والارتباك الي ما غاب عن جاسم / وش يعرفني فيه مو كل شي يقوله لي عمك وبذات الي يخص اشغاله

جاسم عرف ان خالته تكذب مستحيل يعرف منها شي ولا من عمه حس بالياس

قام واقف بيطلع لغرفته ماله خلق يشوفهم حس انه عايش بين مجرمين مراح يرتاح لين يعرف لكن كيف وهم مستحيل يقولون

جاسم في نفسه / والحل يا جاسم كيف بتعرف وتبرد نارك ان كان لهم حق عندنا انا بوقف بوجه عمي وارده لهم انا ما حب الظلم مستحيل اوقف مع الظالم لو كان عمي يارب انك تساعدني

طلع لغرفته وهو محمل من الهموم الي تهد جبال دخل غرفته اتصل باخوه فيصل
يرن جوال فيصل من ثالث رنه رد

جاسم / الو فيصل

فيصل / هلا جاسم كيفك وش مصحيك ها لوقت ياخوك

جاسم بضيق / اه يا فيصل الهم والضيق كابس على صدري

فيصل بخوف / سلامتك من الاه ياخوي قول وش مضايقك خوفتني عليك ومشكلتي بعيد

جاسم / الشي كبير يافيصل ما ينقال بالتلفون

فيصل / الحين بنرجع

جاسم / وجداتك بتنكسر فرحتهن

فيصل / لا ابشرك بيجن معنا قدرت فيهن امي بيجلسن اسبوع عندنا وعليك رجعتهن

جاسم / لا تتاخر علي يا خوك محتاج تفك حيرتي

فيصل / ابشر يا خوك انتبه لنفسك يله بنتجهز لرجعه

جاسم / الله يحفضك انتبه لطريقك



في الديره


سكر فيصل من جاسم وهو يغلي من خوفه على اخوه واضح من صوته ان الشي مو سهل يعرف اخوه وحافظه

طلع فيصل لصاله لقى امه مع جداته والجوهره توها قايمه

فيصل / يمه ممكن تجين ابيك بشغله

قامت ام جاسم مع ولدها ودخلت المطبخ

ام جاسم / خير يا فيصل

فيصل / جهزي اغراضكم بنمشي الحين ضروري

ام جاسم / ليه

فيصل / واحد من الربع تعبان وطلبني الشغل عندهم طيران اليوم بعد العصر ولازم اكون بدري برياض علشان يمدي اتجهز لسفره

ام جاسم / خلاص وانا امك نفطر ونكون جاهزين

فيصل / فديتك يا لغاليه حاولو ما طولون وتخلصون بسرعه

ام جاسم / ان شاء الله يوليدي




يتبع








الاستراحه

عند الحريم

صحتام بسام من نومها بسبب حركات بنتها غلا الي نايمه بحضنها بسبب ترفسها

قامتراحت للمطبخ تجهز الفطور علشان تصحي الحريم لقت ام نواف سابقتها للمطبخ وجهزت كل شي
ام نواف رحمت ام بسام لان الشغل امس كله عليها

ام بسام / صباح الخير

ام نواف / صباح النور وش مصحيك امس تعبناك وقلت اليوم اريحك

ام بسام / لا تعب ولا شي الي يشوفك يقول كل يوم متجمعين

ام نواف / والله انك صادقهماصرنا مثل اول نجتمع كل سبوع كبرو عيالنا وكثرت اشغالهم

ام بسام / أيوالله الا وينها نوره

ام نواف / مدري يمكن عند ابو خالد



عند الرجال

عند نوره وعبدالرحمن


اول ماصحت قلبها ماكلها على زوجها لان البارح طول الليل تحاتيه ومعورها قلبها من الي صاربينه وبين راشد

اول ما قامت اتصلت على عبدالرحمن وقالت تبي تشوفه لانهامشتاقه له ومن يومين ماجلست معه


نوره / حبيبي وينك مشتاقه لك لو ماطلبتاشوفك ماطلبت

عبدالرحمن / تسلمين يالغاليه البارح صار موقف بغيت ارتكبجريمه

نوره حطت نفسها ما تدري عن الي صار تبي يطلع الي بقلبه

نوره / سلامتك وش صاير

عبدالرحمن / قال كل الي صار

نوره / الحمدلله اليمرت على خير والحمدلله تدخلت هند ولا كان تهورت وحرمتنا منك وجلست تبكي ترى واللهيا عبد الرحمن لو صار لك شي يمكن اموت او استخف تكفى يا لغالي حافظ على نفسك علشاني

عبدالرحمن مسح دموعها / ليه البكي يا لغاليه يا رفيقة دربي يا نور دنيتي ياام عيالي ما صار شي كل شي انتهاء

رمت نوره نفسها على صدره وتمسكت بخصره

نوره / جعلني ما ذوق حزنك وجعل يومي قبل يومك



عندالبنات


قامت هند من النوم وكل تفكيرها بخالها راحت ادور عليه شافتههو ونوره جالسين وهو ضامها

هند / احم احم يا عيني على غزل الشياب

نوره ارفعت نفسها عن حضن عبد الرحمن وهي مستحيه

عبدالرحمن / شياببعينك الا شباب واحلى شباب عليك اوقات مدري كيف جايه ما خليتينا نتهنا يحبك لتخريب

استحت نوره وولع وجهها احمر


هند بمزح / خالي شوف وجه خالتي صارطماطه


عبدالرحمن يطالع بنوره بيرفع ضغطها / وش الي ذبح قلب خالك الا ذاالخدود الطماطه

هند / ههههههه حرام عليك خالتي ذابت شكلها بيغمى عليها اهمن الحب وعمايله

نوره مستحيه وبعصبيه / هنددددددددد خلاص

هند / برجع للبنات مابي اصير عزوله

عبدالرحمن / احسن بعد خلينا ناخذ راحتنا

هند / لا تخلوني استنذل معكم وارسل لكم غاده عاد ان شافتكم بتلزقفيكم

عبدالرحمن / لا والي يعافيك كلش ولا غاده مراح نسلم منلسانها


راحت هند عند البنات علشان تقومهن وعلشان يفطرن ويجلسن يسولفن معبعض معاد بقى وقت وكلن بيرجع لبيته




عند جاسم

رجعبيت امه ينتظرهم هناك على الساعه وحده الظهر كان جاسم منسدح على الكنب والتفكيرذابحه وقلبه معذبه على عشقه الي اندفن اول ما نولد جالس على غداه امس بالاستراحهماكل شي وباين على شكله التعب والضيق وهو على حاله دخلت ام جاسم وفيصل والجوهرهوجداته

جاسم لما شاف جداته فز وراح لهن وباس روسهن وراس امه الجوهره سلمتعلى اخوها وطلعت فوق لغرفتها بتكمل نومها

جاسم بحب / حيا لله من جانا تومنور المكان

الجده ام راشد / الله يحيك ويبقيك يوليدي

الجده ام موضي / شلونك يوليدي وجهك ماعجبني تعبان يوجعك شي

جاسم / بخير الله يبقيك مافيني الا العافيه كان راسي يوجعني مدام شفتكم بطيب

الجده ام راشد / دومبخير الله يفرحني فيك وشوف عيالك مالين هالبيت

ام جاسم / جاسم وش جابكوالبيت مافيه احد عمك خالتك فيهم شي

جاسم / جاي استقبلكم وخالتي وعميمعليهم خلاف

فيصل منتبه لحالت جاسم وباين عليه الهم

فيصل / جاسمالله يعافيك ممكن توصلني المطار وغمز له

جاسم عرف ان فيصل يبيه يشكي له

جاسم / طيب

طلعو من البيت ركبو السياره وتوجهو لمطعم

فيصل / قول ما طقيت مشوار ساعات الا علشان تشكي الي مضايقك

جاسم / تسلم يا خويالمشكله بسبت عمك

فيصل / قول انا اسمعك

جاسم / انا قلت لك عن سالفتهند الي بشركه وموقفها مع عمك

فيصل / ايه كمل

جاسم / امس بعزيمهالاستراحه وبالصدفه والقدر ان هند الفهد وعمها فيه

فيصل متحمس سكت يبي جاسميكمل

جاسم / وكنت معهم بدون عمي وكانو ناس قمه بالذوق والاحترام ومنالقراده عزمت عمي وجاء تخيل اول ماشافه عم هند رفع المسدس بوجه عمك ناوي يذبحه

فيصل مصدوم / قول التفاصيل لا تختصر كيف وشلون وعمك صار له شي

جاسم / حكى لفيصل كل شي بالتفصيل

فيصل من الصدمه /...............

جاسم / تكلم وش فيك ساكت

فيصل / الله يعينك كيف تحملت الموقف واضح ان عمك مسويبلوه مع اهند ليكون

جاسم / ليكون شنو

فيصل / مغتصبها

جاسم / فكرت فيها لو مغتصبها كان ما طلع من عندهم حي ولا وقفت بوسطهم بقوتها وجرائتها ولاهمها اكبر شنب

فيصل / وقتك تتغزل ببنت الفهد لازم نعرف وش مهبب عمك لان اليسواه بيلحقنا

جاسم / أي والله

فيصل / مالك الا خالتي موضي اسئلها

جاسم / سئلتها متاكد انها تعرف واضح انها تكذب قالت ماتدري

فيصل / لا حول من الي بيقول لنا وش رايك تروح لهند لمكتبها وتسالها

جاسم / ناويعلي ما شفتها يوم طردتنا ان جيتها يمكن تذبحني

فيصل / اجل انسى

جاسم بحب وهيام / فيصل شفت عندهم حوريه وش حوريه الا ملاك وربي تذبح القلببشوفتها اول ما شفتها كانت مع اخوها محمد والثانيه يويلي على الثانيه تحسب انياخوها سكرت عيوني بيدها لا ومسكت راسي ورفعته يويلي يوم رفعته وجت عيني بعينها وربيبغيت اتهور بس ربك ستر

فيصل / ههههه يعني طحت ومحد سمى عليك زين ما تهورتكان انت المذبوح

جاسم / انا شاك انها غاده بنت هند

فيصل / غاده كبرالجوهره 19 فرق بالعمر بينكم اكثر من 15 سنه

جاسم / لا ماتوقع الي شفتهاعمرها 19 الي شفتها قمه بالانوثه اتوقع بالعشرينات

فيصل / شيلها من راسكمدام عمك راشد

جاسم / يا ليت يا خوي بس ما قدر كل ما حاول انساها القانيمشدود اكثر لها

فيصل / الله يعينك

جاسم / فيه موضوع بشاورك فيه علىاني موافق عليه

فيصل / قول

جاسم / نواف خطب اختك الجوهره

فيصل فرح بالخبر لانه يحب نواف وله معزه بقلبه

فيصل / نواف ما يرفضيا خوك لولا الحياء خطبته للجوهره

جاسم / هذا كلامي باقي راي الجوهره

فيصل / حاول تقنعها اذا ارفضته هي الخسرانه

جاسم / بحاول وانت لاتقصر

فيصل / ان شاء الله






في الاستراحه

عند الرجال

ابو بسام / خالد متى قال لكم بيجي

عبدالرحمن / قال اليوم ماحدد الوقت

ابو بسام / الله يجيبهم بسلامه

ابو نواف / متى نرجع لبيوتنا

عبدالرحمن / هههههه مشتاق لعجوزك

ابو بسام / يحليلك يابو نواف منت بقادر تصبر

ابو نواف / ايه مشتاق لها عندكم مانع ولا تقولون انكم منتم مشتاقين لعجايزكم

عبدالرحمن / الله يخليهن لنا

ابو بسام / امين

عبدالرحمن / الرجعه بعد الغداء الغداء علي موصي فيه

ابو يسام / كثر الله خيرك

ابو نواف / امين

دخل محمد ونواف عليهم

محمد ونواف / السلام

الكل / وعليكم السلام

ابو نواف / وينكم من افطرتو ماشفناكم

محمد / طلعنا نتمشى ونطلق رجولنا

نواف / من جينا هنا بس اكل ونوم قلنا نسوي رياضه صباحيه

ابو نواف / والله انك صادق يوليدي

محمد / يبه شفت هند اليوم كيفها عقب البارح

عبدالرحمن / شفتها تعرف اختك وانا ابوك تبين عكس الي داخلها انا حاس ان داخلها بركان لو انفجر دمرها

ابو بسام / البنت هذي من صغرها والهم ملاحقها يوم قلنا نست طلع راشد من جديد

ابو نواف / مع اني اجهل الي سواه راشد لكن مهما كان ابوها يابو خالد لا تقوي بنته عليه وتسبب عقوق الوالدين

عبدالرحمن وهو معصب / وش عقوق الوالدين هو متبري منها وراميها ولا سال عنها وتقول ابوها سواياه في بنته سوايا كافر وحط ببالك هي كارهته وحاقده عليه من فعايله فيها وفي امها قبلها بعمري ماشفت هند تكره احد كثر ابوها

ابو بسام / الله يكون بعونها

عبدالرحمن / هند ماشفتها ضعيفها الا قدام راشد دموعها اخر مره شفتها بموت امها ظهرت بظهور راشد جاها انهيار عصبي بسبته لا بارك الله فيه

ابو بسام / ليكون الي جاها بشركه

عبدالرحمن / ايه

ابو بسام / وش جابه

عبد الرحمن / قال عن سبب جيت راشد

ابو بسام / له وجه بعد الي سواه

عبدالرحمن / والله فرحت قلبي امس لما قالت لي احلى خبر

ابو بسام / عساه خير

عبدالرحمن / شرت قصر ساره

ابو بسام / كفو والله هذي هند الله يرحم بطن حملتها ويدن ربتها

ابو نواف مثل الاطرش بزفه خلصو الغداء وكلن رجع بيته



في بيت عبد الرحمن


وصل خالد من السفر على الساعه 12 الظهر كان تعبان وصل بسام لبيته وبعدها رجع لبيته

اول ماوصل طلع لغرفته حط راسه ونام

على الساعه اربع العصر وصل عبد الرحمن واهله شافو سيارة خالد عرفو انه وصل

هند ماتقدر تصبر على مايقوم مشتاقه تحس شي ناقصها لاغاب عنها

على طول طلعت فوق ودخلت غرفته

هند قربت من سرير خالد طبعت بوسه على خده حس فيها فتح عيونه وابتسم

خالد / انا قايل مستحيل تنظريني لين اقوم

هند / أيه مشتاقه لك كثير يالغالي

خالد / وانتي اكثر بشري وش اخبارك

هند بحزن / اخباري ما تسر ياخوي ما كملت كلامها الا دمعت عيونها

فز خالد من سريره مفجوع على هند واضح عليها الهم

خالد / بدخل الحمام اغسل وجهي ماني بمطول بطلع بسرعه حلفتك ما تتحركين

دخل الحمام وبسرعه طلع و الهواجس ذابحته ذبح

خالد بحب وحنان / افتحي قلبك لاخوك يقلب اخوك انا عونك لاضاقت دنياك وربي ارمي نفسي بالنار وانا فرحان ولا اكتوي بدموعك

هند ضمته وصاحت بوجع / خالد راشد طلع من جديد بحياتي ظهور راشد متعبني لما اشوفه اذكر افعاله راشد بيكون سبب موتي

رفعها خالد وهو موجوع من كلامها طالع بوجهه المتورم من الصياح

خالد / راشد الي قابلتيه بالمكتب

هند / ايه ولحقنا للاستراحه

خالد معصب / كيف وشلون

هند / قالت له كل الي صار وبين كل كلمه تشهق من البكي

خالد / كل هذا صار وانا غايب يا خساره يا ليت كنت موجود كان سويت الي منعتي ابوي يسويه وريحتك من العذاب الي عايشته

هند / فديتك ياخوي الي مرضيته على خالي مستحيل ارضاه عليك

خالد / كل عمري فدوه لك يالغاليه

خالد بيغير جو على هند وبيفتح قلبه لها بسالفت غاده

خالد بتوتر / هنوده اخوك يحب

هند بفرح / عارفه ومن زمان وعارفه حبيبتك بعد

خالد يبتسم / كاشفتني وش رايك

هند / ناسي اني احس فيك وانك توئمي والله ياخوي غاده مافي منها وهي تبادلك الحب

فز قلبه من كلام هند خالد بجديه / وش دراك انها تحبني


هند تبتسم / ادري ومتاكده بعد لا وازيدك من الشعر بيت عشق مو حب

فز وباس راس هند على هالكلام الي رد الحياة لقلبه

خالد / تتوقعين توافق علي

هند تبتسم / يالخبل اقول تعشقك اكيد بتوافق هي تكتوي بحبك

خالد بقلق / وش دراك انها تحبني يمكن تتوهمين

هند بتاكيد / مثل ما انا متاكده انك تحبها متاكده انها تحبك لاتنسى انها صديقتي وكاشفتها مثل ما انا كاشفتك

خالد بستعجال / اجل بفاتح ابوي وامي

هند بحب / ترى هذا يوم المنا لخالي ولابو بسام نفسهم يثبتون علاقتهم مع بعض بنسب كانو يبون يثبتونه فيني مع بسام بس ضيعت املهم البركه فيك
متاكده لما تقول لخالي بينبسط زين ما يشيلك على راسه ويدور فيك من فرحته

خالد / ههههههههههههه لهدرجه

هند / واكثر

خالد بفرح / اجل خير البر عاجله خليني اقوله ابسطه بعد الي صار وضيق خلقه بالاستراحه

هند / ايه

طلعت هند من غرفة خالد نزلت تحت دخلت غرفتها لقت غاده نايمه

خالد دخل الحمام اخذ شور ولبس ملابسه وطلع نزل تحت طلب من الشغاله كبتشينو

خذا الكاس وطلع بالصاله شربه وقرر يطلع لغرف امه وابوه يناقشهم بموضوعه مافيه صبر ينتظر

قام بيطلع الا يسمع صوت ابوه وامه على الدرج
دخل عبد الرحمن ونوره الصاله استقبلهم خالد وباس روسهم

عبدالرحمن / متى جيت يابوك

خالد / على الساعه 12

نوره / تغديت وانا امك

خالد / ايه تغديت مع بسام انا ابيكم بموضوع

عبد الرحمن ونوره جلسو وجلس خالد قدامهم

خالد / يبه قررت اخطب

عبدالرحمن بفرح / الساعه المباركه يبوك

نوره / تختار ولا نختارلك

خالد / لا اخترت

عبدالرحمن / من اخترت

خالد / بنت عمي ابو بسام
عبدالرحمن ونوره فرحو من اختيار خالد وكانو طول عمرهم يتمنونها له

عبدالرحمن / يا زين ما خترت الله يفرح قلبك مثل مافرحت قلبي

نوره / تكلم ابو بسام ولا انا اكلم ام بسام

عبدالرحمن / لا كلمي ام بسام نبي راي البنت ان وافقت تقدمنا اخاف من ابو بسام يغصب عليها لاني اعرف يتمنى نسبنا مثل ما تمنى نسبه

نوره / خير البر عاجله اليوم ازور ام بسام وان شاء الله ماجي الا بالموافقه

خالد / ان شاء الله لاوصيك يالغاليه امدحي فيني تراني ولدك

عبدالرحمن / هههههههه مايحتاج امك تمدحك تراهم يعرفونك اكثر منا

نوره / باذن الله ان غاده تكون من نصيبك لا تحاتي



في بيت ابو نواف


لما طلعو من الاستراحه اصرت عليهم نجلاء يوصلونها لبيتها لانها عارفه ان بسام موجود وهي مشتاقه له موت اول مره من تزوج يسافر ويتركها

وصلها نواف لبيتها ورجع لبيتهم اول مادخل لقى امه وابو جالسين بالصاله يسولفون

نواف / زين انكم متجمعين عندي لكم موضوع مهم

ابو نواف / خير وش الموضوع

نواف / يبه بعد اذنك انا خطبت

ابو نواف عصب / خطبت واخر من يدري انا

نواف / وسع صدرك يالغالي انا كلمت اخوها اجس النبض وبيكم تتقدمون رسمي

ام نواف / من هي بنته وشلون عرفتها

نواف / لايروح تفكيرك بعيد حتى اسمها ماعرفه

ابو نواف / اجل شلون خطبتها

نواف / يبه انا شاري اخوها وشاري نسبه اخوها جاسم صديقي وانت تعرفه ومعجب باخلاقه

ابو نواف / زين ماختر والله ان جاسم والنعم وربي لو ان عندي بنت تمنيتها لها

نواف / طيب متى بتتقدمون تخطبونها الي

ابو نواف / حدد الوقت الي يناسبكم ونروح نخطبها

نواف / اجل بكلم جاسم وشوف الوقت الي يناسبهم لزياره




في بيت بسام


دخلت نجلاء بيتها ودخلت غرفتها شافت بسام نايم واضح عليها التعب
دخلت الحمام خذت شور ولبست قميص نوم احمر يوصل لركبه مفتوح من الجوانب تعطر بعطرها المضل

رفعت الحاف ودخل بسريرها ونامت بقرب بسام
ودفنت وجهها بصدره وهي متلهفه ومشتاقه له حس فيها وضمها اكثر لصدره وهو نايم وكملو نومهم




في بيت راشد


وصل جاسم جداته لبيت عمه بعد مادخلن جداته البيت وصلهن داخل وطلع على طول لانه يكره استقبالهم لجداته يستقبلونهن ببرود وكانهن غير مرغوب فيهن

موضي كارهه وجودهن وتضايقت اكثر انهن بينامن عندها سلمت عليهم ببرود

وراشد من سالفة الاستراحه وهو مو طبيعي كاره عمره وماله خلق لاحد

ام راشد / شلونك يوليد

راشد برود / بخير يمه

ام راشد بزعل / يا دفع البلى ما تفكر تمر تطمن على امك

راشد من غير اهتمام / مشاغل يمه

ام راشد بعتب / الشغل مايشغلك عن امك

راشد سكت ماله خلق يجادل امه

ام موضي بزعل / وينك يا موضي ما كان عندك ام تسالين عنها وتزورينها

موضي ببرود / عارفه انك بخير تجيني اخبارك من جاسم

ام موضي بقهر / وش بيضرك لزرتيني

موضي ببرود / اهم شي انك عندي وشوفك بخير ماله داعي العتاب والزعل

هزت ام موضي راسها من قساوة بنتها




في بيت ام جاسم



جالسه ام جاسم والجوهره وفيصل بالصاله والجدات في بيت راشد بيامن عنده الليلة
دخل جاسم بعد موصل جداته للبيت دق جواله الا المتصل نواف

جاسم / ياهلا ومرحبا

نواف / الهلي مايولي كيفك

جاسم / والله ماني بخير بعد الي صار بالاستراحه

نواف / الله يعين شكلهم حاقدين على عمك

جاسم برجاء / طالبك يا خوي ما تدري وش سبب الحقد والله كرهت عمي بسبتهم وانا مدري عن السالفه

نواف / الي عرفته ان هند بنت عمك وانها تكرهه وتتمنى موته

جاسم / شلون بنته مستحيل عمي عقيم والكل يدري انه عقيم شلون طلعت بنته شكلك غلطان

نواف / مدري يمكن فاهم غلط بس تراها ناويتن بعمك نيه شينه لانها شرت قصره

جاسم بعصبيه / وش ناويه عليه وصلت انها بتطردهم من بيتهم والله انا الي بوقف بوجهها

نواف / فكنا منهم انا مكلم بموضوعنا

جاسم / الاهل ماجو الا اليوم ما كلمتهم

نواف / نبي نزوركم ونخطب رسمي شوف الوقت المناسب

جاسم / بعد اسبوع ان شاء الله

نواف / السبت الجاي

جاسم / على خير ان شاء الله

نواف / يله اشوفك على خير فمان الله

جاسم / فمان الله

لما دخل الصاله وشافهم متجمعين قرر يفااتحهم بالموضوع جلس جنب الجوهر والتفت عليها

جاسم بحب / الجوهره فيه واحد خطبك

الجوهره كانت تشرب عصير وشرقت

ام جاسم بعصبيه / الله يهديك روعت اختك احد يقول الموضوع كذا

جاسم / يمه تراه نواف صديقي

ام جاسم / الشورلاختك انا عني موافقه

الجوهره / ............

فيصل / الولد اخلاق ويشتغل دكتور جراح للقلب صديق اخوك جاسم واخلاقه من اخلاقه اذا عليك اعتراض على اخلاق جاسم

الجوهره / جاسم انا وراي سنه واتخرج والزواج بيشغلني عن دراستي وانت تعرف الطب مو سهل

جاسم / نواف مستعد بالي تبين ولا تنسين انه طبيب ويعرف هالشي

الجوهره / انا مبدئيا موافقه لكن لازم اصلي صلاة استخاره والخيره بالي يختاره الله

جاسم / اجل حاولي لا طولين علينا لانه بعد اسبوع جاين بيتقدمون رسمي

الجوهره / ان شاء الله





في بيت ابو بسام


في بيت ابو بسام جالسين يتقهون قهوة العصر الا دق التلفون ردت غلا

غلاء / ماما خالتي ام خالد على التلفون تبيك ضروري

قامت ام بسام وردت على التلفون

نوره / السلام

ام بسام / وعليكم السلام كيفك وكيف العيال

نوره / كلنا بخير نسال عندكم اليوم فاضيه بجيك ابيك بموضوع ضروري

ام جاسم / لو مشغوله افضي نفسي علشانك تعالي المغرب

نوره / ما تقصرين يام بسام خلاص انتضريني بعد المغرب




في بيت بسام


قامو من النوم ونزلو تحت وكانت نجلاء مجهزه القهوه والحلى

نجلاء بحب / بسومتي ما شتقت الي

بسام بحب / الا ذبحني الشوق ياعيون بسومتك

نجلاء / ما توقع كثري الله يخليك لاعاد تسافر وتخليني حياتي من غيرك ظلام

طالع فيها بسام بعيون كلها عشق وغرام وهيام

بسام بشق / وانتي من غيرك حياتي دمار ربي لا يحرمني منك وباس جبينها





في بيت ابو بسام


بعد المغرب جت نوره على الموعد وكانت ام بسام بنتظارها على نار خايفه وقلقانه من الموضوع الي جايه فيه نوره

دخلها لصاله قهوتها ونوره ساكته الي سبب الرعب لها

ام بسام بقلق / قولي الي عندك وقولي موضوعك

نوره بجديه / من غير مقدمات ولا بينا هالحركات ولدي خالد يبي بنتك غاده

ام بسام بفرح كبير / الساعه المباركه والله

نوره / يهمني راي غاده ويا ليت تردون علي الحين ترى خالد على نار وانا وعدته اجي والرد معي واتمنى تكون الموافقه خالد ولدي وتعرفونه ما يحتاج تسالون عنه

ام بسام / خالد ولدنا مثل ماغاده بنتكم انتظري بروح اسئلها

طلعت ام بسام لغرفة غاده لقتها على الاب توب

قربت من بنتها وقومتها وجلستها على السرير

غاده بخوف / خير يمه شكل عندك موضوع قوليه

ام بسام / خالتك نوره تحت جايه تخطبك لخالد وتبي ردك الحين تقول خالد على نار ينتظر الرد

نزلت راسها من الحياء ووجها وولع من الحراره

غاده / يمه الصراحه انا موافقه وخالد نعرفه مو غريب عنا واشور شوركم

ام بسام باست غاده وضمتها بحب ام بسام / الله يكملك بعقلك خالد ماينرد بنزل اطمن امه الي جالسه على نار

غاده / يمه بس مابي زواج لين اخلص

ام بسام / بقول لها ماضن انهم بيرفضون


نوره جالسه بالصاله ذبحها الانتظار وهي خايفه من رد غاده

نزلت ام بسام لنوره وشافتها متوتره

ام بسام بفرح / ابشرك وافقت روحي طمني ولدك لايحرق البيت عليكم

نوره بفرح وراحه / الله يبشرك بالخير والله يام بسام ما تدرين اش كثر فرحتي بالموافقه

ام بسام / لكن غاده ماتبي زواج الا بعد ماتخلص دراستها

نوره / يصير خير يملكون وان تخرجت سوينا الزواج

ام بسام / هذا شور الرياجيل

طلعت نوره من بيت ابو بسام وهي فرحانه الي كانت تحلم فيه وتتمناه لولدها صار







بيت عبدالرحمن


خالد جالس على نار وهند وغاده جالسين عنده

هند بطمنه / يابن الحلال طمن نفسك الموافقه ضامنتها لك

خالد / اقول هنوده يحلوك ساكته امي تاخرت

غاده بتقهره / ههههههههههههههه اكيد رفضوك و متفشله لا تجي بدري تقولك تنتظرك تنام وتجي

خالد بعصبيه / غدوووويه يا ليت تنقلعين لغرفتك صايره بومه ما تتفاولين بخير

هند / هههههههه حالتك مستعصيه خالد اذا وافقت وش تعطيني

خالد / الي تبين

هند / ا شهدي يا غاده مو يجحدني

غاده / ماماتي انا معك

هند / ولا يهمك انتي مع ماماتك

سمع خالد صوت الباب وسمعو صوت نوره تلولش

نوره / لوووووووووش

فز خالد وركض لامه وضمها

خالد / وافقو

نوره / اجل ليه الولش

خالد / فديتك ياغلى ام قولي وش تبين ثمن البشاره عيوني لك

هند / غاده ما تلاحظين انه جحدني

غاده بتنرفزه / الا اشوف ماماتي وش رايك تكلمين غاده وتخربين عليه

هند / رايك اسويها

خالد / فكينا من شرك يا لوسواس الخناس هند بغديها بكره بعد الشركه على حسابي واي مشوار تبيه من عيوني اسويه

هند / تسلم يالغالي فرحتك بالخبر هي بشارتي

خالد / تسلمين مدري ليه ما طلعت لك ها لعله

غاده بتقهره / ما عله غير غادتك ولا وش عامي عيونها توافق عليك قلو الرياجيلرياجال

خذا خالد كرتون الكلنكس وحذفها فيه

خالد / انقلعي لا ارتكب فيك جريمه

غاده / ههههههههههه يحلوك معصب يا خلود

خالد / خلود بعينك يالبزره

غاده / خالتو ابيك بموضوع ضروري ممكن

قامت نوره ومشت مع غاده لغرفة الجلوس

غاده / خالتو صديقتي الجوهره عزمتني على عشاء وانتي تعرفين راي ماماتي

نوره / قلتي لها

غاده / لا ابيك تساعديني انا مابي اروح الحالي ابيك تروحين معي

نوره / متى العزيمه

غاده / الاربعاء الجاي ابيك تتعرفين على امها

نوره / ان شاء الله بقنعها وبقول لها اني بكون معك وامك ما ترفض اذا بزورهم معك

غاده / قامت وباست راس نوره تسلمين ياخلتو

قامت نوره ومسكت يد غاده وطلعت برى الغرفه دخلن الصاله كانت هند جالسه بالصاله تنتظرهم
تركتهم غاده ودخلت غرفته تبي خالتها تفتح الموضوع مع هند

نوره / هنوده ناس متوسطين فيني علشان اكلمك بموضوع طلبتك لا ترديني

هند / ماعاش من يردك يالغالية

نوره / تسلمين غاده صديقتها عازمتها وخايفة ترفضين وطلبت مني اروح معها

هند بجديه / خاله تعرفين راي بجمعات البنات اخاف عليها تتعرف على شله خربانه وتضيع

نوره / انا معها والله يحميها ويحفظها ترى تسكيرك عليها ومنعك انها تطلع مو حل وانتي تعرفين من مربيه غاده عاقله وهي الي قالت ماتبي تروح لحالها

هند / خالتو متى العزيمه

نوره / الاربعاء

هند / خلاص روحي بشريها عن الموافقه وقولي لها اني ماوافقت الا علشانك وان شفتي صديقتها مو مضبوطه اطلعو على طول

نوره بحب / الله يعلي شانك الي ي كانك تتكلمين عن بنت ام سنتين ان شاء الله مراح يصير الا كل خير

طلعت نوره من الصاله ودخلت غرفة هند شافت غاده جالسه على اعصابها خايفة من رفض هند

نوره / غاده عندك لبس للعزيمه ولا نروح لسوق

ركضت غاده ورمت نفسها بحضن نوره

غاده بحب / ايوه يا خالتو عندي مو من كثر طلعاتي اشتري وخزن انتي الي عندك ابيك احلى وحده بكشخ فيك عند صديقتي

نوره بمزح / عندي وابشري بطلع احلى وحده

غاده / انتي حلوه من غير ما تكشخين ولا ليش ما خذه عقل خالو

ضربتها نوره على راسها نوره / صحيح بنات معاد يستحن

غاده / ههههههه أي عورتيني

نوره / تستاهلين ياله بطلع نامي وراك جامعه


طلعت نوره لغرفتها لقت عبدالرحمن منسدح ينتظرها

عبدالرحمن / بشري وش صار معك في بيت ابو بسام

نوره / كل خير البنت وافقت ولدك من فرحته بالموافقه قال الي تبين اسويه لك

عبدالرحمن بحب / وانا بعد اقول لك الي تبينه بسويه لك ما تدرين اش كثر كنت انتظر هالنسب من زمان

هند / ابي سلامتك يالغالي


يتبع







اليوم الثاني في بيت عبدالرحمن

قامت هند كالعاده بدري اخذت شور قومت غاده وطلعت لغرفة خالد ونزلو تحت افطرو وركبو السياره وصلو غاده لجامعتها وكملو طريقهم لشركه

دخلت لمكتبها ودخل خالد لمكتبه وهو فرحان بموافقة غاده حبيبت عمره


في مكتب هند


دخلت السكرتيره عندها

السكرتيره / استاذه فيه شكاوي على موظف هنا بالشركه

هند بجديه / وش نوع الشكاوي ومن الموظف

السكرتيره / الغياب والتاخير والخروج بدري قبل خروج الموظفين الموظف سعد

هند / موجود الحين

السكرتيره / مدري

هند / اطلبيه وقولي له اني طالبته يحضر عندي

طلعت السكرتير وبعد نص ساعه دخل الموظف بعد ماجلس برا ينتظر هند تتحجب وتنادي خالد لانها ما تختلي بالموظفين

طلبت من السكرتيره تسمح له بدخول عليها سعد جلس على الكرسي المقابل لخالد

هند بجديه / استاذ سعد جتني شكاوي عن تغيبك بدون اذن وخروجك وتاخرك ممكن تقول لي السبب

سعد بحزن / غصب عني والله مو برضاي لو تلاحظين ان ما هملت الا من كم شهر وانا من الموظفين الاكفاء وسيرتي تثبت لك عندي ظروف اجبرتني

هند باصرار / ممكن تقول ظروفك يمكن نقدر نساعدك اذا ماكانت شخصيه

سعد وهو خانق عبرته / الله يساعدني ولدي من كم شهر طلع فيه الخبيث لقينا علاجه برا ومطلوب مبلغ كبير لعلاجه وطلعاتي وغيابي بسبب تعبه واضطر اطلع اوديه للمستشفى

هند حزنت عليه ورحمته / طيب انت ما تدري ان شركتنا مسئوله عن علاج الموظف وعايلته وكل التكاليف عليها

سعد مستغرب / لا ما دري

هند / استاذ سعد عندك اجازه مفتوحه وطيارتي الخاصه تحت امرك تنقل ولدك للمستشفى الي تبي والتكاليف بتتحول على حسابك مصاريف العلاج والسكن الى الترفيه لو اخذت العايله

سعد بفرح / الله يفتحها بوجهك وربي شلتي عن صدري هم الله يرزقك ويكثر خيرك ويبارك بعمرك

هند / امين يله لا تتاخر متى بتبدا باجراءات السفر

ابتسم سعد / الحين ما صدقت انها تنفرج

طلع سعد وخالد طول الجلسه ساكت مستغرب من تصرف هند

خالد / من متى الشركه مسئوله عن علاج الموظفين ومشاكلهم

هند / من اليوم مدام ربي عطانا خلنا نساعد

فرح خالد من تصرف هند خالد / الله يقويك

طلع خالد لمكتبه نادت هند السكرتيره

هند / سوزي عندك رقم جاسم الي من فتره كلمك

السكرتيره / ايه

طيب / هاتي الرقم



في بيت راشد

جاسم نام عند عمه ما يبي يترك جداته الحالهن يتضايقن لانهن مهمشات من راشد وموضي

وهو يسولف مع جداته دق جواله برقم غريب
مارد عليه دق الرقم مره ثانيه يوم عرف ان المتصل مصر رد

هند / الو

جاسم استغرب من الصوت الانثوي

جاسم / هلا

هند / الاخ جاسم

جاسم / ايه نعم أي خدمه

هند / معك هند الفهد

جاسم منصدم من مكالمتها الغريبه الغير متوقعه

قام وطلع بعيد عند جداته وكمل المكالمه
جاسم بعصبيه / خير وش سر المكالمه لا تقولين مكلمه بتكملين اهانتك وتجريحك

هند بجديه وبثقة / اخ جاسم متاكده ان نفسك تعرف علاقتي بعمك والسبب لكل الي صار بينا بكشف لك كل شي لكن بشرط

جاسم من داخله متحمس كثير لمعرفة السبب

جاسم متظاهر البرود/ خير وش شرطك

هند بقوة / العايله كلها تكون موجود ابوك عماتك أي قريب من طرف راشد

جاسم بسخريه / خير اجتماع الامم المتحده

هند / المهم انا جايه بيت راشد الثلاثاء الساعه وحده يا ليت الي قلته يصير

جاسم بعصبيه / الاوامر اصدريها بشركتك مو عندي

هند / مو مشكله مع السلامه

سكرت الخط ما نتظرت رد جاسم

جاسم مبسوط وفرحان ان الاسرار الي معذبته بتنكشف وفي نفس الوقت خايف
ماهتم بتسكيرها الخط بوجهه الي مستغربه ليش طالبتهم كلهم يجتمعون

جاسم في نفسه / يبعدك يا الثلاثاء بجلس على اعصابي لين الموعد

رجع جاسم لجده ولا حب يتركهن اكثر عند راشد وهو يشوف الحزن والضيقه مرسومه على وجيهن اخذهن معه لبيتهم



في بيت ام جاسم

الساعه 10 دخل جاسم وجداته البيت ولقى امه وفيصل والجوهره بالصاله يتقهون

جاسم / معزومين كلكم ببيت عمي يوم الثلاثاء الساعه وحده لبظهر على شرف هند الفهد طالبتكم بالاسم تكونون موجودين

فيصل منصدم / وش عندها

ام جاسم / منهي ذي

الجوهره / بتجي غاده معها لو جت بغيب عن الجامعه

جاسم بحزم / قالو لك مسيار الحرمه تقول عندها كلام بتقوله لنا وشارطه ما تقوله الا بوجودكم ومن ضمنكم راشد وموضي

ام جاسم / وش عندها اصلن ما نعرفها ولا بينا كلام

جاسم / اصبري كل شي بالثلاثاء يطلع

فيصل طلع ولحقه جاسم

جاسم بقلق/ فيصل بنت الفهد بترمي قنبله الله يستر لانها قالت لي بتكشف علاقتها بعمي

فيصل بقلق اكبر/ الله يستر ماني بمرتاح خايف من الكلام الي بتقوله

جاسم بقهر / دريت انها شرت قصر عمي

فيصل بعصبيه / على كيفها تشتريه وش ناويه عليه تطردهم من بيتهم بترضاه لعمك ياجاسم انا بوقف بوجهها

جاسم / محدن راضي كل شي يعتمد على الي بتقوله يوم الثلاثاء

جاسم تذكر هروب عمه من مقابلته يومه عندهم

جاسم / تدري ان عمي من سالفة الاسترحه يتهرب مايبي يقابلني هذ يدل ان فيه شي كبير واكبر من الي متوقعينه

فيصل / تعرفني ماملك اعصابي يمكن اذبحها ان قلت ادبها تعرف لما اعصب ما تفرق لو كانت حرمه

جاسم / لكل حادث حديث يله بطلع انام

فيصل / انا بطلع ماجلست مع جدادتي



في بيت ابو نواف

دخل نواف على اهله في الصاله وقال لهم موعد خطبته بتكون السبت الجاي الي بعد سبوع


في بيت عبدالرحمن

كلم عبدالرحمن ابو بسام وقاله عن خطبتهم لغاده فرح ابو بسام كثير وام بسام قالت له عن موافقت غاده وهذي كانت امنيه يتمناه من زمان انه وعبدالرحمن يتناسبون لانهم اكثر من اخوان وان خالد بمعزة بسام ما ينرد حددوا لملكه بعد شهر

خالد لما عرف انهم حددو الملكة قلبه يرقص من فرح اخيرا بيتوج حبهم بزواج


ليلة الثلاثاء

بيت ام جاسم

جاسم مع فيصل في غرفتهم متوترين خايفين من الموعد الي بتنكشف امور يجهلونها

جاسم / فيصل النوم طار من عيوني

فيصل / والي يسمعك بكره اصعب من يوم نتيجة ثالث ثانوي

جاسم / ماني مرتاح احس بخوف اول مره احس فيه

فيصل / والي يسمعك يقول قلبي طبول من الخوف

جاسم معصب / وانت ماعندك الا هالكلمة والي يسمعك

فيصل / وش تبيني اقول لك وبنت الفهد بكره بترمي قنبلتها يمكن القنبله توصل لنا

جاسم / الله يستر لا تنسى لازم الساعه وحده موجودين

فيصل / وانا قادر انساه شكلي من الفجر ببيت عمك انتظرها

جاسم / امي وجداتي بيكونون فيه والله خايف على جداتي من المصيبه الي بتقولها بنت الفهد
اخاف ما يتحملن

فيصل / لازم يحضرن هي طلبت كل الاهل



في بيت عبدالرحمن

هند بغرفتها سهرانه تفكر باللقاء بتقدر تتحمله من غير ما تنهار
ومن بيكون موجود غير جاسم لازم الحقائق تظهر وتنكشف حقارت راشد

طلعت من غرفتها بتتاكد اذا احد صاحي
ما شافت احد الكل نايم طلعت فوق بتشوف خالد
دخلت غرفته كان نايم اول ما حس بفتحت الباب حس انها هند يوم شافته نايم بتسكر الباب

رفع راسه خالد / هند ادخلي

هند / صاحي و اذا نايم كمل نومك

خالد / تعالي ليه سهرانه

دخلت الغرفه وجلست على سريره

هند بقلق وتوتر / بكره عندي موعد ببيت راشد وعايلته

خالد بعصبيه / انتي مجنونه وش لك فيه

هند بوجع / لازم اداوي جرواحي معاد تنفع المسكنات

خالد باصرار / بروح معك

هند بعصبيه / لا لتخليني اندم اني قلت لك

خالد / بتروحين لحالك

هند / لا باخذ الحارسات والشغاله معي لاني ابيهم بشغله

خالد بخوف / والله ماني بمرتاح لروحتك طيعيني وغيري رايك وتركي عنك الموعد

هند / فات وقت التراجع حددت موعد وتعرفني عند كلمتي

خالد / انتبهي على نفسك وان صار شي اتصلي علي وانا طياران عندك

هند / ان شاء الله حلفتك محد يدري عن الي دار بينا لا مك ولا ابوك ولا غاده

خالد / تامرين امر

هند / يله كمل نومك ورانا يوم شاق الله يعينا

خالد / امين

طلعت من غرفته ونزلت تحت لغرفتها دخلت و انسدحت جنب غاده تتقلب مو راضي النوم يجيها








اليوم الثاني
في بيت عبدالرحمن


كا العاده صحت هند وصحت غاده وخذن شور وبدلنملابسهن ونزلن تحت افطرو ركبن سياره خالد وصلو غاده وكملو طريقهم لشركه

مرالوقت بطيئ على ابطالنا جت ساعة الصفر

رفعت عينها لساعه المعلقة على جدارالمكتب كانت 12 وربع طلعت من الشركه ركبت سيارتها في طريقها لقصر امها طلبت منالسواق جابر ياخذ الحارسات والشغاله ويسبقهم


وصلت لقصر امها شافته و ارجعت لها ذكرياتها الموجعه زاد اصرارها وحماسها لمقابلتة وهي تدعي داخلها تكون قويه للمواجهه



في بيت راشد


الكل موجود ينتظر زيارتها اربعه كانو مرعوبين من اللقاء راشد وموضي وجاسم وفيصل الجوهره بجامعتها امها رفضت انها تغيب

رن جرس الباب طار جاسم بسرعة البرق وفتح الباب كانت هند متغطيه ومعها حارستين سود كاشفات طول بعرض مرعبات ومعها شغالتها ريتا والسواق عمران ينتظرهم بالسياره

جاسم / تفضلو

دخلت هند بدون أي كلمه والحارسات يمشون وراها اشرت لهن يوقفن عند مدخل الصاله ولا يدخلن الا اذا نادتهن

دخلت قبل جاسم ما نتظرت منه يدلها الطريق لانه حافظته عن ظهر قلب دخلت لصاله بحضورها الطاغي وهيبتها الي ملت المكان ومعها شغالتها كان بيدها اكياس دخل بعدها جاسم والكل جالس ينتظرها على اعصابه

جلس جاسم جنب فيصل وهو متخوف من اللقاء هند واقفه عند مدخل الصاله ماتبي تجلس لان النار الي تشتعل بداخلها مانعتها من الجلوس

هند وهي واقفه قدامهم بقوتها وصلابتها / احب اعرفكم بنفسي انا هند الفهد وعيونها تدور بالمكان وحركة اصبعها تاشر للصاله وكملت / وصاحبة هذا القصر شريته من البنك

راشد وموضي تفاجئو من خبر شراها للقصر وتاكدو انها ناويه على شر لكن الزمو الصمت

وكملت بقوه / يمكن محد يعرفني الا جاسم وراشد لان سبق وتقابلنا


كلكم مالي علاقة فيكم ولا تعرفوني من بعيد او قريب الي يعرفني راشد وموضي الكل التفت لراشد وموضي الي باين عليهم الارتباك والخوف

هند وعيونها على راشد تتكلم وهي منفعله وبصوت عالي / احب اذكرهم بنفسي بطريقتي يمكن مع كبر العمر صار لذاكرتهم شي

هند بصراخ / ريتا اطلعي فوق ونفذي الكلام الي قلته

الكل انصدم من جرائتها وتصرفها بحريه كانو مذهولين الكل ساكت وهند ساكته تنتظر شغالتها تنزل وبعد ربع ساعه نزلت باكياس زباله مليانه


هند التفتت لراشد وحرقته بنظرات كلها حقد وكره / راشد الاكياس ما ذكرتك بشي مر بحياتك


راشد / ................ ساكت منزل راسه


هند فتحت واحد من الاكياس ورمت الي فيه وكانت ملابسهم


هند بسخريه / لا تقول ما تذكر انك يوم من الايام اجبرتني احط ملابس اغلى انسانه لي فيها

الكل انفجع من هول الكلام الي تقوله

جاسم يطالع في فيصل وفيصل يبادله النظرات وكل واحد منهم على راسه علامة استفاهم يبونها تكمل

الجدات وام جاسم مفجوعات لانهن ما يدرن عن شي وكانهن بمسرحيه ينتظرن النهايه

موضي وراشد كانو دارين بفعايلهم لكن ما توقعو بيجي اليوم الي ينكشفون فيه


هند تكمل بوجع / تذكر يا راشد البنت ام سبع سنين الي رميتها بالشارع وجنبها كياس الزباله الي فيها ملابسهم ماخفت عليها من عيال الحرام راميها بالليل وين قلبك ياراشد وين

مازالت العيون متعلقه فيها والكل فاتح فمه من قوة الكلام الي قالته

هند بصراخ / راشـــــد انـــت انـــذل واحقــــر رجـــــال شـــــفته بحياتـــــي انـــــت حــــرامي ســــرقت امـــي ســـــاره عــــضيـت اليـــــد الــــي امتـــدت لـــــك حتـــــى الكـلـــــب اوفـــــى منــك يا راشـــــد

الجده ام راشد بعصبيه / احشمي الرياجيل يابنت


هند تضحك بسخريه / هههههه وينهم الرياجيل انا ماشوف موجود رياجيل يمكن اشباه رياجيل وحرام نقول عنهم حريم لان الحريم اكرم منهم


من قو الكلمه فز فيصل بعصبيه ومن غير شعور ركض بيضربها انتبهت له اول ما قرب منها بحركه دفاعيه ما لقى نفسه الا طايح على الارض وصار يمسك يده ويتوجع

هند بعصبيه وبسخريه / انت يالبزر تتطاول علي الثمن المره هذي كسرت ايدك ان عدتها كسرت رقبتك

جاسم فز لما شاف اخوه يتوجع وام جاسم قامت بتشوف ولدها


هند نادت حارستها هنديانا

هند تصرخ / هنديانا

قبل ما تكمل كلمتها الا هي عندها كلمتها باذنها واخذت هنديانا فيصل معها


التفتت هند لام جاسم وجاسم


هند بجديه / اجلسو مكانكم لاتخافون عليه خلوني اكمل كلامي

هند التفتت على موضي وكملت بسخريه وحقد / هذي موضي الي بعت وغدرت بامي علشانها وافق شن طبقه حرامي تزوج حراميه

الكل ساكت ما تكلمو ينتظرون النهايه

هند مشت وقربت من جلستهم كانت شغالتهم حاطه ابريق شاهي حار ضيافه لهند

قربت لين صارت بوجه راشد نست وجودهم ما تشوف قدامها الا راشد الي حطمها وجرح و اهان امها وحرمها منها

قربت منه وجلست على ركبتها وصارت مقابله ضربته بقوة على رجله فز راشد مفزوع من الضربه والكل انفجع من تصرفها الغير مفهوم

هند بصراخ موجع / راشـــــد رجلـــك تشـــــهد علــــى جـــــريمــه ســويتهــا تبينـــي اقـــول شــنهي ولا بتـقـــول انــت

راشد /.............


هند بحزن وحقد / نسيت ان هذي الرجل الي دست فيها وجه احب الناس لقلبي امي ساره

الكل متشوق يعرفون منهي ساره والبنت الي تتكلم جاسم مع كل كلمه تقولها يستحقر عمه اكثر وهو جالس مستمع


قربت هند من وجه راشد وشالت غطاها ونقابها نست تواجد جاسم وانها مو محرم لها

جاسم لما اكشفت انفجع هذي حبيبته الي سهرته ليالي وش علاقتها براشد

هند بضعف / تذكر ذا الوجه ولا نسيته وبدت دموعها تنزل بحراره اشبه امي ساره

هند فكت شعرها الي نزل كانه شلال ومن قرب جاسم من عمه وقربها منه شعرها نزل على رجله

جاسم ذاب وداخ ورجله تلامس شعرها وده يمسكه يشمه يضمه لكن الخوف يمنعه

هند وهي تنتفض من العصبيه وصدرها يرتفع وينزل ووجهها احمر من الضغط النفسي / تمسك شعرها وتحطه قدام عيون راشد امي حالفه علي ماقصه علشانك تحب الشعر الطويل


هند بقوة / والله لو ماحلفت علي حلقته على الصفر لانك تحبه راشد انا كرهي لك كل يوم يكبر عن اليوم الي قبله

تدري من كرهي لك شلت اسمك من جنب اسمي باوراقي الرسميه وحطيت بداله الفهد انا بنت الفهد الي رباني ولده وهتم فيني وخاف علي من الضياع هذا يستحق الابوه راشد تدري اني صرت ام واب وعمري تسع سنين


تدري ان عمري 26 وانا ارفض الزواج تدري ليه لاني قلبي عجز وشاخ وصار عمره مية مابي احب مثل ماحبتك امي

لما قالت هالكلمه فرح جاسم انها ما تزوجت

راشد / ...............

هند بعصبيه ضربت بيدها على الصحن الي فيه ابريق الشاهي الحار وانكب على يدها ونحرقت استغربو انها صامده ما تتوجع

جاسم لحظ ان يدها احترقت من الشاهي وهند حالتها النفسيه دماااااار والدموع شلال

جاسم بنفسه / بكل حالاتها تفتن لو بكيفي خذيتك وضميتك على صدري ولا خليتك تعانين لحالك

ام جاسم حن قلبها عليها معروف انها حنونه

ام جاسم / يدك احترقت يبنتي

هند ضربت على صدرها وبدموع قهر / الي بداخلي نياران تحرقني قولي لي من يطفيها حرقة يدي ولا شي

جاسم تعاطف معها ودي يقوم يمسح دموعها وكره عمه الي سبب عذابها

قربت هند اكثر من راشد

هند بضعف / تدري دموعي مانزلت من وفاة امي الا بشوفتك تدري اني ما ضعفت الا بوجودك

تدري ان امي جابت بنت ثانيه اسمها غاده


التفتت على موضي وقالت لها / هذي بنتي يا موضي بنتي الي تحملت مسئوليتها من كانت رضيعه
لما سافرت اكمل دراستي اخذتها معي غاده بنتي انا ابوها وامها وكل اهلها

الكل ساكت للحين ما يعرفون من هند بنسبه لراشد لكن الكل استحقر راشد وافعاله

ام راشد وام موضي يبكون بصمت ام جاسملا ارادي تبكي من قلب من معاناة البنت وامها


كملت هند بوجع / تدري ليه ياراشد حرمت الحب على نفسي لاني مابي اصير مثل امي ساره واجيب لحياتي راشد ثاني

تتكلم هند وهي منهاره وتشاهق من البكاء راشد بسبتك امي انهانت ونجرجت وتوجعت وهي مدلعه عند اهلها راشد بسبتك امي انجلطت وصارت ما تمشي راشد بسبتك امي ما صارت تتكلم

راشد انت سبب دموع امي كل ليلة قبل لاتنام اسمع بكاها ودموعها اشوف صورتك معها تضمها وتشمها امي حبتك يا راشد حبتك ولا حقدت عليك ذبحها شوقها لك بسبتك ماتت امي حرمتني منها

بسبتك ياراشد تعلقت بكرسي امي المتحرك وثوبها الي نزلته قبل لا تموت

حرمتني منها وصرت اعوض حرماني منها بضمي وشمي لثوبها وكرسيها صاير بديل لحضنها كل ليلة احط راسي على كرسيها اشكي له واضمه ادور حنانها الي بسبتك فقدته بسبتك ياراشد جاني انهيار عصبي وانا عمري تسع سنين تدري ليه

نادت ريتا جيبي الي قلت لك عليه دخلت ريتا كرسي امها وثوبها

هند تبكي بوجع / هذا كرسي امي هذا صار ونيسي اسولف معه واشكي له اقوله الي يضايقني ابكي اله

وهي تحط راسها على كرسي امها / يمه ماقدرت انتقم من راشد ضعفت قدامه ما قدرت اخذ حقك منه وصارت تنوح من البكاء يمه براكين بقلبي من يطفيها وصارت تشاهق


رفعت راسها عن كرسي وافتحت ثوب امها وجلست تشمه وتضمه وهي تبكي بهسترياء وتصارخ / هذا ثوب امي ريحت امي رفضت احد يقرب منه او يغسله لانه ريحة الغاليه الي حرمني منها الظالم راشد

كنت اخذ ثوبها معي بحفلات الامهات كإن امي حاضره معي

بتخرجي من الثانويه الكل استغرب مني وانا القي كلمة الخريجات وانا حاطه ثوبها على صدري استمد منها القوه والتشجيع بسفري برا كان بشنطتي عمره ما فارقني

وانا استلم شهاده تخرجي الجامعي والدكتوراه كان الثوب بيد والشهاده بيد ما همني انتقادات العالم اهم شي امي معي امي وجلست تشاهق من البكاء وتنتفض

ام جاسم وهي تبكي متاثره كثير من وجعها مسحت على ظهرها برقه

ام جاسم بالم / تعوذي من الشيطان يابنتي

طالعت هند في ام جاسم بوجع وقهر والم / اااااااااااه فقدان الام مر والله مر وموجع وجلست تبكي وام جاسم تبكي معها

وكملت بوجع وهي اطالع براشد / قولي لراشد يرجع لي امي وعطيه كل ثروتي والله اعطيها له ابي امي مشتاقه لها وجلست تبكي بقوه ذبحني الشوق لها ياخاله


الكل انفجر من البكاء على حالها وارتباطها بكرسي امها وبشي من ريحتها

جاسم منهار وكل خليه من خلاياه تنزف وجع والم وحرقه على حال حبيبته وهو عاجز عن الوقف معها وتهديتها هو نفسه يبي من يوقف جنبه ويهديه


رفعت راسها منهاره وخلاص بيغمى عليها لاحظ جاسم انهيارها بالموقف هذا لعن عمه بقلبه مليون مره لانه السبب بانهيارها جاسم وقف بيساعدها لكنه عاجز يتحرك لانه مايجوز يمسكها لانها ماهي محرم لها

هند صرخت بالم موجع وباعلى صوتها / اااااااه يا خالد يا خوي

ما كملت كلمتها الا خالد بوسطهم ما همه احد كل الي همه الي منهاره بوسطهم

خالد ضمها لصدره بقوه / لبيه ياقلب اخوك وعمره فديتك يالغالي

جاسم غار من خالد وتمنى نفسه مكانه له الحريه انه يضمها ويواسيها

هند بدت تضعف وتفقد وعيها ولونه بدا يتغير

بصوت ضعيف / طلعني من هنا يا خالد وجود راشد يخنقني وجوده يضعفني وجوده يدمرني وجوده يوجعني

خالد بالم / وجعك وجعي يالغاليه ما عاش من سبب الوجع لك

هند اسودت الدنيا بعيونها وطاحت ايدينها واغمي عليها فز راشد بيقوم

خالد بعصبيه وبصراخ / بعد عنها لا تقرب منها وتنجسها والله والله ياراشد لو جاء لهند شي لخليك تتمنى الموت ما تلقاه

انتبه خالد ليد هند المحروقه من الشاهي

خالد بصراخ وجع / الله يحرقك يا راشد الله يحرقك مثل ما حترقت هند

شالها بيطلع فيها برا البيت بيلحق عليها بيوديها للمستشفى سمع صوت استوقفه

الجده ام راشد بوجع / يوليدي من هي هند

خالد التفت لراشد وبصرخه قهر / بنت راشد بنت ها لنذل بنت ها لحقير

وطلع وهو شايل هند والكل منصدم من القنبله الي قالها شلون وكيف وراشد عقيم

كل العيون على راشد الي على طول انسحب من الجلسه وطلع


جاسم وهو يبكي بداخله حرقه والم وكره حس بخنقه وضيق وحس ان الاكسجين انسحب من المكان ما قدر يقعد دقيقه طلع من الصاله


يتبع








عند فيصل


فيصل برا بالحوش تحت الشمس مربط يتوجع من الكسر وهو يدعي من كل قلبه على هند

انصدم يوم شاف رجال شايلها ويركض فيها وهند ما تتحرك شكلها مغمي عليها

فيصل في نفسه / وش السالفه هتلر ليه مغمي عليه

طلع جاسم انتبه لخوه مربط وكاويته الشمس

جاسم / من مسوي فيك كذا

فيصل بكره / من غيرها هتلر

جاسم بستغراب / من هتلر

فيصل / من غيرها


جاسم صرخ / فيصل اش ها لكلام مابي اسمعه منك شكلك مكسور تعال اوديك يجبرون يدك


في بيت جاسم

الكل بالبيت مفجوع مصدوم متوجع من الي صار

ام راشد تصرخ / الكلام الي قاله الرجال صدق ان راشد له بنات

ام جاسم / والله يا خاله علمي علمك مدري بس شلون يصير عنده بنات والكل يدري انه عقيم

التفتت ام موضي لبنتها والهم والحزن كاسرها خايفه ان لبنتها علاقه بنكران راشد لبناته

ام موضي وهي معصبه / موضي قولي الصدق لا وربي لتبرى منك وادعي عليك وتعرفين دعوه الوالدين مستجايه

موضي بحقد / ايه بناته وهو تبرى منهن لانه ماخذ امهن طمعان بفلوسها وقايل لهم ان اهله ميتين وكان مانعها من الحمل يبي العيال مني

راشد من زمان متبري من هند ولا يدري عنها والبنت الثانيه لما طلقها كانت حامل فيها وما ندري عنها العقم ما جاء راشد الا بعد الحادث

الكل متروع من الكلام الي تقوله موضي

ام جاسم بقهر وبصراخ / مبسوطه انك اخذتي الرجال من حرمته وخليته ينكر بناته يويلك من الله ياموضي

ام راشد / حسبي الله عليك كان حرمتيني من ولدي وبناته

ام موضي بحزن/ هو حرم بناته منه برضاه والله انتقم وحرمه انه يجيب عيال غصب عنه

ام راشد بقهر / مالنا قاعده بالبيت ويحرم علي ادخله بعد اليوم

ام موضي / وانا بعد يحرم علي ادخله ويحرم علي لساني يجي على لسانك يا موضي اعتبري امك ماتت وقلبي غضبان عليك

ام جاسم وهي تبكي وتشهق / وانا بعد يحرم علي ادخل مكان انتي فيه انتي مجرمه بحق الضعيفه الي طاحت

قلبك ماعورك على حالها حرمتيها من امها وابوها وحرقتي قلبها تحملت هم ووجع اكبر من عمرها ما لومها تكره وتحقد على راشد الي سواياه ما يسويها كافر والبركه فيك اكيد مساعدته الله لايسامحك ياموضي

موضي بقوه / الي مايبيني انا مابيه وبيتي يتعذره

ام جاسم بحزن / بيت هند مالك بيت نسيتي انها شرته وان شاء الله تطردكم منه

كلمت ام جاسم السواق وطلعن من بيت راشد مهمومات منقهرات يبن أي خبر يطمنهن على هند



عند جاسم وفيصل

ركبو سيارتهم وجاسم بعالم غير العالم مع حبيبته الي اكتشف انها بنت عمه وصدمته معناتها وعرف انها صارت ابعد منه بعد السماء

فيصل / صدق من سماها امراءه حديديه محسيت بنفسي الا طايح مكسور

جاسم / تستاهل ولا ليه ترفع يدك

فيصل بجديه / وش فجرت من قنابل داخل

جاسم بحزن / اسكت مالي خلقك

فيصل / قول الي صار داخل

جاسم بحزن / تدري من تكون هند ومن تكون غاده

فيصل / بنات الفهد

جاسم / صدمه لو قلت لك من تكون مستحيل تصدق انا للحين ماني بمصدق

فيصل بحماس / قول بلاها الالغاز مو وقتها تراني اتوجع

جاسم / غاده وهند بنات عمك راشد

فيصل كان ساند ظهره على الكرسي لما قال بنات عمك اعتدل بجلسته

فيصل بصوت عالي/ شنوووووووو

جاسم اعاد كلامه / بنات عمك

فيصل مستغرب / كيف شلون هند زوجة عمي وغاده بنته

جاسم بحب / هند نفسها الي شفتها بالاستراحه وحبيتها طلعت بنت عمي ماهي متزوجه وغاده اختها مربيتها وصارت تنادي هند بامها

فيصل بستغراب اكبر / كيف وعمك عقيم طيب غاده تدري ان راشد ابوها ولا مخبين عليها

جاسم / مدري عمي انسحب وطلع تعرف عمك جبان بس وربي كرهت كره بسبب البلاوي الي مسويها للمسكينه تمنيت اني ما حضرت المقابله

فيصل بكره / لا تكسر خاطرك قويه ما ينخاف عليها ياني حقدت عليها ولازم انتقم منها على اهانتها لي وكسرها ليدي

جاسم بعصبيه / يويلك لو قربت منها لا تنسى انها بنت عمك ولا تنسى شي ان اخوك مغرم فيها وهانتها من اهانتي

فيصل بسخريه / قلو البنات ما لقيت الا ذي ينخاف منها لازعلت عليك كفختك ولا كسرتك هذي اعوذ بالله رجال ما فيها انوثه

جاسم في نفسه / هذي ما فيها انوثه هذي كل شي فيها يناديك

جاسم بحب / حلالها تكسرني تقطعني

جاسم وفيصل وصلو للمستشفى انزلوا الا يشوفون خالد يركض شايل هند والممرضين حوله خايف يفقدها رافض احد يشيلها غيره

انبهر جاسم من قوة علاقته وحبه لهند


عند خالد


دخل غرفة الطوارئ نزل هند على السرير وستدعو الاطباء لان هند مغمي عليها و تنفسها ضعيف طلع من غرفة الطواري ودموعه بخده ينتطر خروج الدكتور من عندها

طلع الدكتور من عندها وهو معصب

خالد / طمني يادكتور

الدكتور بعصبيه / كالعاده انهيار عصبي لكن هالمره اقوى بكثير والمريضه متعرضه لصدمه قويه اثرت على دقات قلبها وصارت ضعيفه ادع ربك تمر هالساعات على خير وتقوم منها


خالد / مافهمت

الدكتور / بالمختصر لازم تدخل غرفة العنايه لازم نراقب دقات قلبها نخاف عندها مشكله بالقلب لان نبضات قلبها اقل بكثيررررر من المعدل الطبيعي

خالد ودموع بعينه / يعني بتموووووت

الدكتور / ادع لها الاعمار بيد الله انا كم مره انبهكم ماتتعرض لصدمات

خالد بوجع وحزن / ياليته على كيفنا الله يخليها لنا طيب متى تستقر حالتها وطمنا عليها

الدكتور / بالليل ان شاء الله



عند جاسم

دخل فيصل الطوارى طلع فيه كسر بيجبرونه طلع جاسم من عنده شاف خالد بحاله تكسر الخاطر وشكله منهار

خاف جاسم على هند لانه يشوف خالد منفعل من كلام الدكتور جاسم متردد يروح يسال عنها وخايف من الي بيقوله خالد مشى جاسم بتجاه خالد وهو يقدم رجل وياخر رجل متاكد انه غير مرغوب فيه

جاسم / كيفها اختك

خالد رفع راسه شاف جاسم ثارت جنونه

خالد بعصبيه / خير تقتلون القتيل وتمشون بجنازه

جاسم بهدؤ / يابن الحلال لاتاخذني بذنب غيري عمي مخفي علينا كلنا ان عنده بنات والله لو درينا بسوياه كان قاطعناه الي سواه مايسويه رجال قولي وش بايدي اسويه وانا حاضر

خالد ارتاح من كلام جاسم وانه فعلن ماله ذنب

خالد بنبرة حزن / هند ممكن تموت انا مثل توئمها تخيل واحد يعيش بدون توئمه

جاسم اهتز من كلام خالد وحس العبره خانقته بس حاول يكون طبيعي / وش طلع فيها

خالد بقهر / قلبها تعبان بسبب راشد

جاسم / تسمح لي ادخل عليها

فز خالد ومسكه برقبته وجاسم مسك يده وبعدها عنه

خالد بعصبية / شنو بتدخل عليها بصفتك منو ليكون ماني عاجبك

جاسم بجديه / بصفتي الدكتور جاسم استشاري لجراحة القلب

خالد بستغراب / انت جراح قلب

جاسم / ايه كنت وشكل اختك بترجعني ما جاوبت تسمح لي علشان ادخل عند الدكتور واطلب منه اكون المسئول عن حالتها لا تخاف اسئل عني والكل يشهد بشطارتي

خالد محتار خايف من ردت فعل هند لا درت ان جاسم دكتورها لكن علشان سلامتها مستعد يقبل بالمستحيل

خالد بستسلام / توكل على الله لا تنسى قبل لا تكون مريضتك بنت عمك من لحمك ودمك

جاسم اوجعه قلبه من نبره الشك والخوف منه انه يضر هند

جاسم بنفسه / فيه احد يضر قلبه والله لو يطلع قلبي من ضلوعي لعطيه لها وانا فرحان

جاسم يطمنه / خالد لا تخاف مني على اختك انا ماني براشد انا جاسم ياليت تنتبه لشي هذا انا ارعي امانتي الطبيه وخوفي من الله فوق كل شي

استحى خالد من كلام جاسم سكت ما تكلم

جاسم دخل على الدكتور عرفه على نفسه وفرح الدكتور بالتعامل بدكتور له وزنه مثل جاسم


لبس جاسم البالطو الابيض بيمارس شغله ابتداء من اليوم دخل على اخوه فيصل الي خلصو تجبير كسره فيصل انصدم وفرح يوم شاف اخوه بالبالطو

فيصل بفرح / جاسم انت رجعت لطب شلون وكيف

جاسم / ايه انا جايك اعطيك مفتاح سيارتي ما اقدر اوصلك

فيصل بحقد / كيفها بنت عمك

جاسم / البركه فيها رجعتني لشغلي

فيصل بمرح / الله اكبر العالم تعبو وهم يترجونك ولا وافقت توافق علشانها الا كيف قالت لك ترجع وهي ما تبلعك ولا تواطنك بعيشت الله

بلع جاسم غصته من كلام اخوه يمر وياعذاب الحب من طرف واحد

جاسم / قلبها تعبان وبعالجه

فيصل / الله يعينك انا طالع تعبان وهلكان بمر الجوهر ارجعها للبيت



عند خالد

دق جواله شاف اتصال من غاده طالع بجواله عرف انه تاخر عليها

غاده / الو خالد وينك

خالد / بعيد ما قدر اجيك دبري عمرك

غاده / عادي اقول لصديقتي الجوهره توصلني

خالد بحزم / ايه من الجامعه للبيت



في الجامعه


غاده / الجوهره اليوم ابيكم توصلوني خالد اعتذر وماماتي ماترد على جوالها

الجوهره / خلاص ما يحتاج انا بكلم فيصل وبحط عنده خبر

غاده بحيا / بعد الي بيطلعنا هالمره فيصل

الجوهره / عادي يابنت الحلال

راحت الجوهره على جنب واتصلت على فيصل



عند فيصل

دق جوال فيصل شاف رقم الجوهره

فيصل / الو

الجوهره / فيصل ترى غاده الفهد بنوصلها معنا اخوها اعتذر وماماتها ماترد على جوالها

فيصل / خير انا جاي بطريق

فيصل بنفسه / طلعتي بنت عمي يا غاده من يصدق قريبه بعيده بس شلون بيكون موقفها لعرفت عن ابوها اذا هند القويه شوفته اثرت فيها

وصل للجامعه ركبت غاده والجوهره بالسياره الجوهره وغاده يسولفن وفيصل مستمع

الجوهره / تدرين ان ماماتك عند عمي راشد

غاده باستغراب / ماماتي عند عمك ما قالت لي

الجوهره / طالبتنا كلنا باجتماع

غاده باستفهام / غريبه ما تدرين ليش

فيصل بنفسه / اويل قلبي على الصوت يابنت العم وش بيصير موقفك لو اكتشفتي البلاوي الي سواها ابوك

الجوهره / غاده بتجيني الاربعاء

غاده / ايه خالتو اقنعت ماماتي وان شاء الله بجي

فيصل في نفسه / فرصه انتقم من هند ببنتها غاده لا يافيصل وش ذنبها شكلها رقيقة ما تتحمل انتقامك

فيصل وصل لبيت غاده وهو غارق بافكاره نزلت غاده وطلت عليهم

غاده بادب / شكرا فيصل على التوصيله واسفه كثير على تعطيلك

فز فيصل يوم سمع اسمه على لسانها

فيصل في نفسه / اول مره احب اسمي يحلوه على لسانك يابنت العم يازين كلمة بنت العم

الجوهره وهي تهز فيصل / يالاخو البنت نزلت لها ساعه تحرك وصلنا للبيت

فيصل مشى والجوهره تسولف عن الي بتسويه بيوم الحفل

فيصل / عندي لك خبر يا يموتك يا يجننك

الجوهره بخوف / ليكون المعرس هون عن الخطبه

فيصل / ههههههههههههه وهذا الي بباللك مشفوحه زواج

استحت الجوهره بس ماحبت تبين / اجل وش خبرك

فيصل بينرفزها / خبري قوي ما توقع تتحملينه اخاف يصير لك شي وابتلش فيك

الجوهره بعدم صبر / فصووووووول خلص قول خبرك

فيصل / تدرين من تكون غاده

الجوهره / اللهم لك الحمد وشكر وش هالسؤال بنت الفهد وتونا موصلينها

فيصل / تدرين من تكون بنت الفهد

الجوهره / بنت هند

فيصل / امسكي نفسك بقولك الخبر غاده تصير اخت هند

الجوهره مستغربه / والله ليه تقول امي

فيصل / الخبر الثاني انهن بنات عمك راشد

الجوهره وهي مصدومه مفجوعه وبصررراخ / شنووووو اكيد تمزح

فيصل / مو انا قايل الخبر قوي ما ينتصدق

الجوهره / لانه كذب

فيصل / اليوم كانت عندنا هند وهي الي قالت لنا وتلقين البيت مولع حريقه

الجوهره / وووووووووواو وناسه غاده بنت عمي شلون بنت عمي وعمي راشد عقيم

فيصل / الاجابة ببطن عمك وخالتك

الجوهره / وهند وش صار ليه ما جت غاده

فيصل / انهارت والحين بالعناية المركزه

الجوهره بحزن / غاده تدري عن ابوها

فيصل / لا اياني واياك تعلمينها اختها الي قويه ما تحملت وهذه بين الحياة والموت

الجوهره / ابيك تقولي سالفتهم بالتفصيل

فيصل / لو قلت لك سالفتهم كرهتيهم

الجوهره / الي يسمعك يقول احبهم

فيصل / لا بتحقدين عليهم

الجوهره / الي يسمعك يقول ماني حاقده عليهم

فيصل / وجع اسكتي

فيصل تذكر جاسم وانه رجع لطب

فيصل / عندي خبر بيموتك فرح

الجوهره بمزح / ههههه المعرس حدد العرس

ضربها فيصل على راسها فيصل / ههههههههههه ياليتك موجود يا نواف وتشوف اختي شلون متصربعه على العرس

الجوهره بعصبية / تراب قول خبرك

فيصل / اخوك جاسم رجع لطب بفضل بنت عمه بيعالج قلبها

الجوهره بصدمه / احلف

فيصل / والله

الجوهره / اليوم يوم المفاجئات بس كيف وشلون

فيصل / البركه ببنت عمك هند بيعالجها جاسم قلبها تعبان بسبت راشد عمك

الجوهره / يا قلبي ياغاده لو تدري عن امها بتنهار ما تتخيل كيف تعلقها فيها

فيصل / الله يكون بعونها


انتبهت الجوهره ليد فيصل المجبسه

الجوهره / يدك منكسره

فيصل يبتسم / ايه منكسره

الجوهره / وش كاسرها

فيصل / طحت وانكسرت


يتبع









في بيت ام جاسم

وصلو البيت والكل متجمعبالصاله وواضح عليهم الحزن والهم

الجوهره / السلام

الكل / عليكمالسلام

الجوهره / وش فيكم كل هذا علشان بنت الفهد طلعت بنت عمي

امجاسم بعصبيه / جوهره اطلعي لغرفتك مو ناقصين هبالك

الجوهره مستغربه منعصبية امها طلعت لغرفتها زعلانه لحقها فيصل طق عليها باب غرفتها

الجوهرهبزعل / شفت امي شلون تعصب علي الي يشوفها يقول اجرمت

فيصل / لا تاخذينبخاطرك على امك الي سمعنه اليوم يحط العقل بالكف وصدمها وامك تاثرت كثير بالي صارحتى جاسم قال لي ا ن امي بكت بكاء بعمره ماشافها تبكيه الا بوفاة ابوي الله يرحمه

الجوهره / دخيلك فيصل قول الي صار

فيصل / قال لها كل شي مثل ماقالله جاسم

الجوهره دمعت عيونها وصارت بتكي / والله حرام عليهم يويلهم من ربيعمك وخالتك مستحيل يكون لهم قلب ولا يحسون الحيوانات تعطف وترحم عيالها وهذا متبريمن بناته هند كسرة خاطري عاشت معاناة اكبر من عمرها مستحيل احد يتحملها حسبي اللهعليك يا عمي انت وخالتي

ااااااااه ياقلبي عليك ياغاده كيف بتتحملين ان ابوكمتبري منك وذوق امك البلاوي اكيد بتنهار او يصير بعقلها شي

فيصل بجديه / انتبهي ياغاده لا تقولين لها شي

الجوهره / لازم انزل واوقف جنب جداتي وامياكيد منقهرات الله يكون بعونهن

فيصل / امين



في بيتعبدالرحمن


كان محمد جالس بالصاله يطالع ببرنامج بالتلفزيون

رن جوال محمد لقى المتصل خالد

محمد / الو

خالد وباين صوتهانه منهار / محمد جالس جنبك احد

محمد بخوف / لا ليه وش صاير وش فيك يا خالدصوتك متغير

خالد / انا بالمستشفى هند تعبانه وبالعنايه المركزه

محمدبصراخ / اش قاعد تقول ليش وش صاير

خالد / اسمع الي بقوله ولاحد يدري

محمد / قول اسمعك طمني على هند كيفها

خالد / هند راحت لراشدوواجهته ما قدرت تتحمل المواجه انهارت وانهيارها هالمره قوي واثر على قلبها

محمد / لاحول والا قوة الا بالله

خالد / مابي احد بالبيت يدري عنالي صار قول لهم خالد وهند سافرو عند فهد واتصل على فهد قوله اذا كلمه ابوي او امييقولون ان هند عنده

محمد بحزن / هذا الي حصلناه من راشد لو يدري ابوي بيذبحراشد وبيروح فيها

خالد / غاده لا تقول لها اخاف اطيح علينا الثانيه

محمد / مجنون اقول لها خلني اكلم فهد اول واتفق معه وبعدين ابلغهم بسفركم

خالد / خير ما سويت يله فمان الله

سكر محمد من خالد وكلم فهد وقالله عن كل الي صار فهد انفعل وتاثر وقال لمحمد انه بيحجز يبي يطمن على هند لكن محمدرفض انه يجي لان ما يبي احد يكشف تعب هند ووعده محمد انه يطمنه بالتلفون



في المستشفى


بعد ماطلع فيصل من المستشفى توجهجاسم لخالد

جاسم / خالد اطلع ارتاح وقفتك مالها داعي

خالد بحزن / وين ارتاح وانا اعرف ان هند تتوجع

جاسم / ارتاح ساعه وتعال وان جد جديد انابكلمك عطني رقم جوالك

عطى خالد رقمه لجاسم واقتنع بكلامه وطلع من المستشفىلفندق علشان يحجز غرفه له


لما طلع خالد من عنده دخل جاسم لغرفة حبيبتهالي عشقها اول ما شافها الوحيده الي سلبت عقلة وقدرت تدخل قلبه غصب عنه رغم صدهوكرهه للحريم

البارت العشرون

اول مادخل شاف فاتنته وحبيبته ممدده على السرير وجهاز القلب مثبت عليها يسجل دقات قلبها سبحان الله ملاك بكل حالاتها


جاسم غار عليها بيمنع احد شوفها او يعالجها غيره لانها فتنه تثير اقوى الرجال يكفي انها قدرت بقلبه الي مسكره من سنين

سحب كرسي و قريه من سريرها وغصب عنه جالس يتاملها ومع كل نظره لها تزود ضربات قلبه كانه هو المريض من قو ضربات قلبه حس انه بيختنق

جاسم بنفسه / كيف بعالجها وهذي حالتي عاشق والهان

مسك جاسم يدها يتحسس نبضها انتفض وحس برعشه من ملمس يدها الناعم

القى نظره على جهاز القلب شاف الوضع مستقر ونبضها يتحسن

سمع صوتها تان وتتكلم

هند تهذي/ ااااااه يمه مشتاقه لك ضميني احميني راشد بيموتني ااااااااااااه غاده بنتي بعد عنها ياراشد اااااااه خالد

جاسم واقف عند راسها وهو يتالم من حالها وغصب عنها نزلت دمعه حاره على خده

هند / ابي ماء عطشانه

جاسم بسرعه ركض وجاب لها كاس ماء

قرب منها ورفعها وسندها على ذراعه هذا القرب منها كفيل بسحق وتدمير قلب جاسم وبسبب القرب سرت كهرباء بجسمه وعرقت جبهته

حاول يشربها لكن مسكره فمها ماهي راضيه تفتحه كان فمها ناشف

اخذ باصبعه قليل من الماء لترطيب فمها حط اصبعه الي فيه الماء على فمها وصار يرطبه بالماء فتحت شفايفها لما حست ببروده الماء والي ماكان بالحسبان سكرت بشفايفها على اصبع جاسم

كان احساس لذيذ احساس يدوخ لاخرخليه بجسم جاسم طلع اصبعه من فمها وهو كاره الشي
انهدمت حصون المقاومه طبع بوسه عميقه ساخنه يبث فيها كل مشاعر العشق والغرام
طول بالبوسه انتبه على نفسه وفز كانه مصعوق كيف تجرئ وسوى الي سواه وهي امانه عنده كطبيب وكولد عم شلون خان الثقه

حمد ربه انه ما تعمق بانفعالاته طلع بسرعه سكر باب غرفتها وتسند على الباب واصدر تنهيده كبيره لعلها تطفي النيران المستعره بجوفه قربها منه فوق احتماله مايقدر يتحكم بنفسه خاف عليها منه

اتصل على خالد كان بالفندق يحاول يرتاح لكن وينه ووين الراحه



عند خالد

اول ماشاف اتصال جاسم من اول رنه رد

خالد بلهفه / الو جاسم بشر طمني عنها

جاسم / تطمن فاقت والحمد لله الوضع تمام بكره تقدر تطلع

خالد وبفرحه / الحمدلله الله يبشرك بالخير الحين جاي

سكر جاسم الجوال متجه لغرفتها مستحيل يترك احد غيره يباشر حالتها لان الي مثلها مستحيل احد يقاومها اذ هو العاقل الدكتور وابن العم انجرف وبغى يضيعها بثواني

جاسم في نفسه / اعوذ بالله من الشيطان الرجيم ودخل جلس على نفس الكرسي يحاول يبعد نظره عنها خاف يصير شي لا تحمد عواقبه الله سلم قبل شوي

جاسم جالس بسرحانه فاقت هند وانصدمت من وجود جاسم بالغرفه مافيه غيرهم طالعت حولينها عرفت انها بالمستشفى

هند بصوتها التعبان المبحوح / وش جابك هنا ومن سمح لك تجلس عندي وانا مو محرمه لك

جاسم وهو يصد بنظره عنها / انا احب اعرفك بنفسي انا الدكتور جاسم استشاري قلب مباشر على حالتك مو جاسم ولد عمك

هند بتعب وضعف / اااااااه ياراشد انت سبب وجع قلبي وانتقامي علاجه ماهو عند المستشقيات

جاسم بنفسه / ااااااااه متى تنسين انك تربطيني براشد

التفتت لجاسم وهي تشوفه يحاول يصد عنها وواضح انه متوتر

هند بضعف / جاسم بعد عني مابي نارحقدي توصلك عارفه ان مالك ذنب انا ماني حمو رابي اخذ الابن بجريمة ابوه طالعني جاسم

جاسم كانه ماصدق انها سمحت له انه يملي عينه بشوفتها طالعها وياليته ماطالعها العيون القتاله الي كلها تحدي وقوه وسيطره

هند بحزن / جاسم راشد خلاني اكره الدم الي بعروقي تصدق لو اقولك اني رحت لمستشفى بالمانيا اطلب منهم يسجبون دمي كله الي يربطني براشد ويحطون لي أي دم ان شاء الله دم يهودي رفضو شكو اني مجنونه

انصدم جاسم من كلامها ومن كثر كرهها لراشد وماتبي شي يربطها فيه


هند بحقد / جاسم من كرهي لدم راشد كرهت كل شي يربطني فيه مستعده ادمرهم فرجاء بعد عني ياجاسم للمره المليون اقولك بعد عني ياجاسم مابي ناري توصلك واكون ناكره للجميل وهو علاجك الي

جاسم بنفسه / ااااااااه ياهند تبيني اتركك وانتي صرتي لي اقرب من روحي صرتي لي مثل الهواء والماء نيرانك وصلتني وحرقت كل ذره بجسمي اعشقك يالمجنونه شلون تطلبين مني انتزع روحي بايدي

جاسم يتكلم بحسره / والكلام هذا ينطبق على جدتك الي انحرمت من ولدها راشد بسبب عقوقه لها بتحريمنها منك تحبك ماضن انها تقدر تبعد عنك او تفرط فيك بعد ما لقتك والكلام يقصد فيه نفسه

وكمل / انتي حفيدتها انتي واختك

هند بحزن / خلها لزمن ياجاسم

جاسم باصرار / جدتك كبيره بالعمر ان عاشت اليوم يمكن ما تعيش بكره فرحيها باخر عمرها ترة الدنيا ماقصرت فيها

اعرفك تساعدين الغريب اعتبريها غريب وردي لها روحها بشوفتك وجلستك معها

هند فكرت وطولت وهي ساكته

جاسم / لهدرجه الشي الي طلبته صعب

هند / فوق ما تتصور

جاسم / جربي مراح تخسرين شي

هند / طيب انا شريت قصر امي الي كان لراشد وابيك تجيبها هناك وتطرد راشد لان شوفته تمرضني وانا بحاول اسكن مؤقت عندهم ان عجبني الوضع بين فترات ازورهم


جاسم فرحان وطاير ونا السعادة مراح تغيب عنه وانبسط انها اقتنعت بكلامه

جاسم بجديه / عمي مستحيل اطرده هو بمثابة ابوي وهذا الشي ماتعجزين عنه وسالفت سكن جداتي مقدور عليه

هند باستغراب / جداتك كم جده عندي

جاسم / جدتي ام راشد وختها جدتي ام موضي ما يتفرقن عن بعض فلا تجين اخر هالزمن تفرقينهن وتكررين افعال عمي

هند ببرود / بالعكس ماتفرق عندي انا عندي شغل مراح اجلس مع جدتك خلها تتسلى مع اختها


جاسم / قولي جدتي

هند / خلني اتعود عليها والكلمه بتجي بالتعود والعشره

جاسم / وغاده بتجيبينها معك

هند / بنتي ماتدري عن شي اخاف عليها تنهار وعندها امتحانات

جاسم / متى بتنفذين الكلام الي قلتيه

هند / بعد ماطلع من المستشفى عندي اجتماع مصيري بحاول اخذ اجازه يومين علشان اكون بالقرب منها علشان تمل مني


جاسم بنفسه / والله انا المستفيد فيه احد يمل من هالوجه الحسن يارب تكونين من نصيبي

بيدور اي طريقة يقرب فيها منها مايبيها تغيب عن عينه

جاسم بتوتر/ اذا ماعندك مانع بسكن عند جداتك مؤقت

هند بسخريه / كيف وش رايك بعد تتزوجني بعذر جداتك


جاسم بنفسه / ياليت وهذا يوم المنى ويحلو تتزوجني على لسانك الله يقربك مني وتصيري ملكي وحلالي ااااه متى يجي هاليوم نذرن علي مازعلها ولا اسمح لدمعتها تنزل

قطعت عليه سرحانه

هند بجديه / ماقلت بصفتك شنو تسكن معي

جاسم / اعتبريني ضيف مؤقت وانا غرفتي بالسطح بعيد عنكم لها مدخل خارجي ما اني بمار من جنبكم

هند باستسلام / اوكيه براحتك

جاسم يرقص فرحان داخله ان حيلته نجحت

جاسم حاول يكون جدي / ياليت ياهند يصير بينا احترام ما نغلط على بعض كلن منا في حاله

هند بقوة / وهذ طلبي بعد لا تسثيرني ياجاسم جعلك ماتجرب غضب هند

دخل عليهم خالد وقطع حديثهم

خالد بفرح / مليون الحمدلله على السلامه يالغاليه

هند / الله يسلمك يالغالي بطلع ياخالد

سئل جاسم متى تطلع هند قاله جاسم بكره يلزمها الراحه هند رفضت تجلس في المستشفى واستسلم لها جاسم ووافق وحرص على خالد ينتبه على صحتها

خالد كلم محمد يسئله قال لامه وابوه عن الي صار قال للحين ماقابلهم لان محمد بعد مكالمة خالد طلع لمكتبه


طلب خالد من محمد مايقول شي لان هند بتطلع سكر خالد من محمد كلم فهد الي طمنه على هند واصر فهد يسمع صوتها وكان متاثر وكان يبكي طمنته هند وطلبت منه يصير قوي وينتبه لدراسته

عصبت هند على خالد ليش انه خبر فهد عن الي صار ولامته على الي سببه لفهد من قلق وخوف ماله داعي وانها بخير


عند جاسم

طلع جاسم من غرفة هند وبعدها طلع من المستشفى راجع للبيت في سيارته ماغابت هند عن باله وعن تهوره وقربها منه كان لذيذ زين منه قدر يتحكم بنفسه ولا كمل تهوره كان طاير من الوناسه بسبب مشاعره المجنونه قربها يعذبه وبعدها يعذبه مبسووط انه بيسكن عندها كل يوم يكحل عيونه بشوفت فاتنته دخل البيت هيمان وعشقان


في بيت جاسم

الجدات وام جاسم والجوهره جالسات يتقهون قهوة المغرب وفيصل فوق بغرفته دخل عليهم جاسم باس راس امه وجداته وجل جنب الجوهره

ام جاسم / صدق الخبر الي سمعته من اخوانك

جاسم / أي خبر

ام جاسم / انك رجعت لطب

جاسم / ايه يالغاليه

ام جاسم بكت / الله يفرح قلبك مثل مافرحتني

الجده ام راشد وهي تبكي بحسره / كيفها بنت عمك

جاسم / بخير الحمدلله بتطلع بالليل

الجده ام راشد / انا حرمت ادخل بيت ولدي بسبت فعايله بالمسكينه

جاسم / جده هند شرت قصر عمي راشد وبتطلعه منه وتبيك انتي وجدتي ام موضي تسكنون عندها علشان تعيش معكم

الجده ام راشد / صدق تبي تسكن معي طيب وعمك راشد وين بيروح لطلع من بيته

ام جاسم / لاتحاتينه ما يستاهل من يرحمه و الا من يفكر فيه قلعته يطلع وين مايروح كانه عذب عمره وسال عنك يمكن ربي عوضك ببناته ويبرن فيك مادام ابوهن جاحد


الجده ام راشد بحزن / قلب الام يام جاسم وانتي مجربه ما يشيل ولا يحقد على عياله وانا ما طلعت بالدنيا الا براشد وابو جاسم مابقى الا راشد


الجده ام موضي وهي تبكي / ياوخيتي وانا وين رحت انا متبريه من موضي بسبب فعايلها بالضعيفات طول عمري اتعوذ من الظلم تطلع بنتي الي من بطني ظالمه ماتخاف ربي وجلست تشاهق من البكاء


الجوهره وهي تتقطع بداخلها وتدعي على عمها وخالتها بتغير جو الحزن


الجوهره بمرح / ياخسارتك يالجوهره طاح سوقك اول انا البنت الوحيده المدلـله الحين طلعن بنات عمي راشد راحت علي اخاف تخلني اخدمهن معصي

الكل / ههههههههههههههههههه


جاسم بقلبه يشكر الجوهره الي غيرت عليهن من جو الحزن

جاسم / فيصل وينه

ام جاسم / بغرفتكم

طلع جاسم فوق ودخل عرفته وهو يغني


انا ربى بلانى فيك بلوة
عشقتك والعشق أكبر مصيبة
أيا هند يكفى منك قسوة
هزايم دوم من يقوى لهيبه
حسبتك لى ياهند دواء
واتارى عشرتك مرة ورعيبة
يروح الليل وعيونى فى جفوة
ولذيذ النوم انت متهنى به
تمنيت النصر وياك منوة
ولى راح البخت ماحد يجيبه
شجعتك طول العمر بلحيل مرة
ولا بيضت وجهى بالفترة الاخيرة
يئست من الرجاء وماعدت أقوى
ولا أغصبك على البطولة غصيبة
انا ربى بلانى فيك بلوة
عشقتك والعشق أكبر مصيبة

فيصل /هههههه ثمراتك يابنت العم

سحبه جاسم وومسك يدينه ورقص معه

فيصل / انجنيت كل هذا سوته فيك هتلر

جاسم بعصبيه / هتلر بعينك

فيصل يسوي نفسه معصب / ماهقيتك ياخوي تهزئني بسبت حرمه

جاسم / واقتلك بعد

فيصل / صاير تخوف

جاسم يصرخ باعلى صوته / احبهاااااااا والله العظيم احبهااااااااااا

فيصل بعصبيه / قصر صوتك لا تجي امي وجداتك يحسبنك مقروص اركد

جاسم بحب / اعشقها اموت بتراب رجولها اليوم بغبت اضيعها وضيع نفسي

فيصل بستغراب / كيف

جاسم / قاله عن تهوره مع هند

فيصل معصب / جاسم ما توقعتك تسويها تراها بنت عمك وشرفك الي سويته فيها ماترضى احد يسويه بالجوهره والعرض سلف ودين ياخوك وانت العاقل تسوي كذا

جاسم بصدق / وربي غصب عني كرهت نفسي اني سويت ها لشي بس سلبت عقلي وتفكيري
والموجع ياخوي تقول نصيحه ابعد عني لانار حقدي على راشد اطولك وتهددني ان غضبت علي بندم

فيصل / ياخوي حبها بيضيعك خلك جاسم القوي الي يكره الحريم

جاسم / ياليت اقدر اعرف انه حب محكوم عليه بالاعدام لانه من طرف واحد بس ماقدر صارحبها يمشي بعروقي بدال الدم

فيصل / الله لا يبلاني بالي بلاك فيه

جاسم بعشق / امين مع ان الحب احساس لذيذ وموجع بعد يخليك طاير

فيصل / الاخ صاير شاعر

جاسم / ايه ماقلت لك بسكن معها وبصير قريب منها

فيصل / شلون

جاسم / قاله عن كل شي

فيصل / ههههههههه منت بهين حاط جدتي عذر علشان تصير قريب من حبيبة القلب ترى قربك منها عذاب لك

جاسم بهيام / ياحلوه من عذاب اهم شي اكون بالمكان الي احس انفاسها فيه

فيصل بجديه / حالتك مستعصيه سبحان الله القريبه البعيده المفروض تكون بنت عمك اقرب لها من الغريب وبسبت راشد صرت ابعد منها عن الغريب

جاسم / لا تذكرني بعذابي خلني فرحان بالوقت الحالي ماتدري يمكن تتغير الامور وانول الي ببالي واتزوجها

فيصل / جعلها من نصيبك وحلالك

جاسم / امين تكفى ادعي لي من هالدعاوي اخوك محتاج لها



يتبع







في بيت عبدالرحمن

الكل جالس بالصاله مستغربين المغرب وللحين ماجت هند من الشركه

عبدالرحمن / نوره هند ما تصلت ما قلت ليش تاخرت

محمد / الا كلمني خالد ويقول انه عازمها على طلعه بمناسبة موافقتهم على خطبته

غاده / النذل طنشني وماماتي نستني

نوره / انتي ماتتكلمين بكره وراك عزيمه وش السالفه طمع

محمد بعصبية / وين ان شاء الله باذن من بتروحين

غاده / خالتو تفاهمي معه مابي اقل ادبي

محمد / وريني شطارتك وقلي ادبك

نوره / محمد انا وبوك وهند موافقين لا تسوي فيها

محمد / .............

غاده شافت محمد منكسح من كلام امه قامت غاده وحبته على راسه

غاده / حبيبي حمودي السموحه على طولت لساني تعرف الساني مفلوت

محمد قرصها على انفها / واحد يزعل من دلوعتنا وبكره انا الي بوديكم واجيبكم

غاده / تسلم ياحلى اخو بالدنيا ويلومني فيك


في المستشفى


هند تكلم اخوها خالد

خالد / بروح اسوي اجرائات خروجك من المستشفى تجهزي لين اجيك

خلص خالد ورجع لهند لقاها جاهزه طلعو برا المستشفى


في السياره

هند / ابي اكلفك بمهمه تسويها الحين مابي اتاخر

خالد / فديتك كلي لك

هند / ابيك تروح لقصر امي وانت المسئول بطردة راشد من البيت

خالد بفرح / هذا الساعه المباركه الي اطرد فيها راشد

هند / ياليت الليله يقش عفشه ويطلع برا وان طول الصباح

خالد / ولا يهمك الليله بجيب معي عمال يجمعون عفشهم

هند / خالد عندك رقم جاسم

خالد / خير اش عندك

هند / عطنيه بتسمع المكالمه ولا اقول كلمه من جوالك مابي اتصل عليه من جوالي

خالد دق على جوال جاسم


في بيت ام جاسم

كان جاسم منسدح بالسرير وهو يفكر بعذابه وعشقه لهند دق جواله شاف رقم خالد استغرب اش عنده وش يبي رد وهو مستغرب

جاسم / الو

هند / اخ جاسم معك هند الفهد

جاسم في نفسه / فديتك كانك درايه اني افكر فيك

جاسم حاول يكون طبيعي / هلا أي خدمه

هند / اذا ما عندك مانع ممكن ازوركم بالبيت الحين

طالع جاسم بالساعه 7 المغرب وهو فرحان بالزياره

جاسم / الله يحيكم

هند / جاسم ممكن توصف بيتكم

جاسم في نفسه / يازين اسمي لما نطقتييه يابعد هلي وخلاني فديت الصوت وراعيته يارب تحنن قلبها علي

هند / اخ جاسم انت معي

جاسم صحى من تفكيره / ايه ووصف لها مكان بيته

سكر جاسم الجوال على طول ركض لسرير فيصل كان منسدح بينام ويهزه بقوه

جاسم / فيصل قوم هند الفهد بتجينا

فيصل بطفش / اوووووووف يا هند الفهد الي ملاحقتنا حتى بنومنا نام ياخوك خل الاحلام عنك

جاسم بفرح / ما احلم بتجي الحين توها مكلمتني

فيصل تسند على سريره / اللهم اجعله خير وش عندها جايه بذ الوقت ما ستنت لصبح ليكون نست شي تقوله وبتكمل علينا فيه

طلع من غرفة فيصل بطريقة لغرفة الجوهره دخل الغرفه لقى الجوهره جالسه على الاب توب

جاسم / الجوهره انزلي تحت هند الفهد بتجي عندنا الحين

الجوهره بستغراب / من صدقك الوقت متاخر لزياره

جاسم / قومي تجهزي وستقبليها واذا ناقص شي لضيافه قول لي اجيبه الحين

الجوهره مستغربه من حماس جاسم وانه مهتم بضيافة هند

الجوهره / اش عند الاخو متحمس للقاء الي يشوفك يقول بتجلس معها تراها جلست حريم

جاسم يتجاهل كلامها / طيب انزلي قولي لامي وجداتي عن جيتها بينبسطن لما يدرن انها بتجي

الجوهره تبتسم / الي اشوفه انت الي منبسط

جاسم بعصبيه / انزلي بلا هذره زياده انا بغرفتي

طلع من غرفته ورجع لغرفة اخوه جاسم يدور بالغرفه كان واحد مضيع له شي

فيصل بعصبية / وش فيك جاسم وترتني من كثر ما تتحرك اهجد الي يشوف حالتك يقول جايه تخطبك

جاسم / الله يسمع منك فيصل انزل عندهم ولا ابقى هنا

فيصل بسخريه / ليكون انقلبت حرمه تجلس مع الحريم انثبرعندي

جاسم يتحلطم / اوف وش ذا التعقيد اليوم شايفها

فيصل بسخريه / شفتها وبغيت تجيب العيد معها

جاسم بقهر / الله يصبرني شلون انا واياها في نفس المكان ولا اشوفها

فيصل ببرود / ارتاح ماجت علشانك ولا تبي شوفتك

جاسم باحباط / لازم اتذكرني بواقعي المر

فيصل / الله لا يبلاني بلي بلاك فيه

جاسم سمع صوت الجرس وفز من مكانه

جاسم بلهفة / فيصل صوت الجرس اكيد هي

فيصل / تراك ادوختني وش بلاك مكنت كذا وين جاسم الثقيل

جاسم بعشق / ذبحته بنت عمك وصرت خفيف بسبتها من يتوقع اني اتكهرب لما ادري انها جايه وشوفتها تربكني انا ما صرت اثق بنفسي بوجوده من بعد اليوم

فيصل / الله يعينك شكل بتصير مجنون هند

جاسم / بصير الا صرت مجنونها وانتهينا

طلع جاسم يتاكد ان الجوهره انزلت وان الاوضاع تمام دخل غرفة الجوهره مالقاها دخل غرفة امه مالقاها


تحت ببيت ام جاسم


نزلت الجوهره ودخلت المطبخ وطلبت من الشغاله تجهز القهوه والشاهي والعصيرات والحلويات وطلعت لقت امها وجداتها موجدات

الجوهره / وش البشاره

الجدات وام جاسم / الي تبينه

الجوهره / مو تجحدوني

ام جاسم / ماعاش من يجحدك اذا كان يستاهل

الجوهره / بنت العم الجديده بتجي زياره لكم الحين

ام جاسم / من بنت عمك

الجوهره / هند بتزوركم الحين

الجده ام راشد مستغربه / وانها بالمستشفى

الجده ام موضي / الساعه المباركه

الجوهره / شكلها طلعت من المستشفى

سمعو صوت جرس الباب ارسلت ام جاسم الشغاله تفتح الباب ووقفت ام جاسم والجوهره عند مدخل قسم الحريم


عند هند

نزلها خالد عند بيت ام جاسم لما تطمن انها دخلت على طول توجه لبيت راشد

دخلت هند بيت ام جاسم وهي بغطاها استقبلتها ام جاسم بالتهليل والترحيب سلمت عليها هند والجوهره ادخلن بالصاله والجدات متلهفات لهند لانهن حبنها وتعاطفن معها سلمت هند على روسهن وجلست من غير ماتكشف وجهها

ام جاسم / يابنت اكشفي غطاك ترى العيال فوق محدن بنازل

هند / خليني على راحتي لاني مراح اطول جيت اطمن جداتي علي اني بخير وبطلع لبيتنا

الجده ام راشد / طلبتك يابنتي عمري ماطلبت احد

هند / جاك ياجده

الجده ام راشد بحب / ابيك تنامين عندي الليله وبحضني

الجوهره / ياليت ياهند ابي اتعرف على بنت عمي

ام جاسم بحب / القلب اوسع من المكان والله تنورينا

جاسم جالس عند الدرج يراقبها وسمع الكلام وهو يدعي يارب تنام عندنا لكن ليس كل مايتمناه المرء يدركه


هند / والله يعز علي ارفض لكن صعبه ماعمري نمت بر بيتنا وبنتي ما تعودت تنام بعيد عني ووعد اني انام عندكم مره ثانيه اكون جهزت نفسي على النومه

الجده ام راشد / تراك وعدتينا

هند / انا كلمتي ما ثنيها و كل شي الا اني اخلف بوعدي

جاسم حس بخيبت امل انها ماهي نايمه عندهم وانقهر اكثر انها جالسه ما كشفت كانها داريه انه يراقبها

جاسم / ياحسرتك ياجسم تبي تبرد قلبك بشوفتها طلعت كانها حاسه اني براقبها وش هالقراده


عند خالد

بعد مانزل هند كمل طريقه لبيت راشد وهو مبسوط انه بيطرده اخذ معه عمال ووصل لبيت راشد


بيت راشد

جالس راشد مع موضي وهي حاقده على هند وجلست تعبي راسه على هند

موضي بحقد وكره / شفت قليلة الحياء ما تستحي كشفت قدام جاسم متعوده على الصياعه ما لقت من يربيها

راشد / وش ناويه توصلين له

موضي بحقد / ابيك تربيها كلن كرهنا وجحدنا وقفو بصفها وانت طلعت الظالم الجاحد محدن فكر فيك

راشد / البنت قويه مهب هينه هزئتني كاني اصغر عيالها

استانست موضي انها قدرت تقسي راشد على هند

موضي / والقهر شرت قصرك وبتطردك وقول موضي قالت

ماكملت كلامها الا الجرس يرن

موضي مستغربه / راشد تنظر احد

راشد / لا يمكن جاسم

موضي / جاسم كرهنا بسبب شينت الحلايا روح افتح شوف من عند الباب طلع من عندها بيفتح الباب انصدم لما شاف خالد ومعه عمال

راشد بخوف / حياك يولدي ادخل

خالد بكره / انا ماجيت اتضيف جاي اطردك من البيت والحين

راشد انصدم / الحين وين بنروح بالليل

خالد بعصبية / بالي ما يردكم يكفي ساكنين كل السنين بدون مقابل

راشد انقهر وولع وحقد يزيد على هند طيب بدخل نجهز اغراضنا

خالد / وانا بالمجلس ماني متحرك الا وانت برا وكوالين البيت بغيرها

راشد دخل عند موضي وقال لها الي طلبه خالد

موضي بقهر / مو انا قايله لك بتطرنا مثل الكلاب

راشد بقهر / شفت ياموضي خلصينا لايشلونا ويرمونا برا

راحت موضي تجمع الاغراض والعمال يفكون الاثاث وطلعوه برا بشاحنه جايبها خالد

بعد 5 ساعات استلم خالد القصر من راشد بدون اثاث لانه بيجدده ويشتري اثاث جديد


في بيت ام جاسم


هند جالسه معهم وقلبها مع خالد وسبب تاخره قطع تفكيرها جوالها وقفت وطلعت بالحوش ترد ما تبي احد تسمعها

جاسم شافها طلعت على طول طلع لغرفته يبي يلمح زولها من بعيد وقفعلى شباك غرفته وشافها بعباتها ونقابها وتتكلم بالتلفون


عند هند

لما اطلعت بالحوش قفل الاتصال رجعت تتصل شاف خالد رقم هند ورد

هند بلهفه / الو

خالد / هلا هند

هند / بشر سبع ولا ضبع

خالد / افا انا دايم سبع

هند بفرح / استلمت البيت ونظفته من راشد

خالد / ايه

هند بفرح كبير / فديتك جعل يومي قبل يومك يله انتظرك لا تتاخر علي

خالد / مسافة الطريق

كل الي صار على مسمع ونظر جاسم

خلصت مكالمتها وشالت شيلتها ونقابها صارت تدور حول نفسها من الفرح والسعاده انها ذلت راشد مثل ماذل امها رافعت وجهها لسماء وهي تضحك


عند جاسم

تحققت امنيته كان عطشان لشوفت وجهها الي عذبه وذوبه وفتنه واخيرا شافه ونهبل اكثر لما شافها تدور وشعرها الشلال المنسدل على ظهرها يتطاير مع كل حركاتها

سحرته ضحكتها اول مره يشوفهاااااا تضحك ودمرته غمازاتها


جاسم ذاب وداخ الي يشوفه اقوى بكثير عن تحمله اطرافه ما تشيله ما قدر يسند طوله طاح على ارضية الغرفه


فيصل كان مراقبه من البدايه ومراقب انفعالاته وعرف انه شايف هند وانفجع لما طاح جاسم بسرعه ركض له

فيصل / خوفتني ياخوك

جاسم بعشق / شوفتها ذبحت قلبي وحط يد فيصل على قلبه سريعة دقاته

فيصل بحزن / ليه تعذب نفسك هند ماهي لك ومستحيل تكون لك

جاسم يضرب على صدره / هذا وش يفهمه يا فيصل خاني غدر فيني وانا الي ناذر مااحب
ااااااااااااااه يافيصل عارف مالي نصيب فيها بس ماني قادر انساها نسيانها مو بايدي انا ادور قربها وانت تقول نساها انا دكتور اعالج القلوب المريضه وقلبي المريض بحبها ماقدرت اعالجه قربها علاجي

فتح جاسم بوكه وطلع سلسالها وهو يبوسه ويشمه ويضمه على صدره شفت هذ السلسال احاول اتصبر فيه عن شوفتها حالتي مستعصيه ياخوك بنت عمك ملكت قلبي صرت عايش لها


فيصل بحب / سافر يا جاسم يمكن اذا صارت بعيده عن العين تصير بعيده عن القلب

جاسم بصدق / مااااقدر انا انتظر اليوم الي اسكن معهم وراقبها من بعيد لبعيد

فيصل / اجل الله يعينك على نفسك

جاسم / انت ماجربت الحب اذا جربته تعال كلمني

فيصل / اذا بصير مثلك الله لا يجيبه



عند هند

دخلت عليهم بالصاله ولقتهم يسولفون

هند / اسفه على تاخري كانت عندي مكالمة شغل جلست دقائق الا يدق جواله

هند / اسمحولي بطلع خالد عند الباب

ام جاسم / زورينا لا تقطعينا

هند / ان شاء الله

طلعت هند من بيت ام جاسم وركبت السيارة مد لها خالد مفاتيح القصر

خالد يبتسم / خذي مفاتيح قصرك

هند بفرح / تسلم متى تبدا بتاثيثه

خالد / بالوقت الي تبينه

هند / ياليت باسبوع يكون جاهز ابيه ضروري

خالد / ان شاء الله


في بيت بسام


نجلاء تكلم امها بالتلفون لان لها يومين ماكلمتها

نجلاء / السلام على الغاليه

ام نواف / وعليكم السلام وينك من بعد الاستراحه ماكلمتي ولا جيتي

نجلاء / تعبت شوي من ارهاق الاستراحه والدكتوره طلبت مني الراحه

ام نواف / يقلبي يابنتي تتعبين ولا تقولين ماني بامك

نجلاء / يمه يالغاليه مابغيت اقلقك واخوفك والحين الحمدلله بخير وبجيك بكره المغرب

ام نواف / حيالك الله

نجلاء / ياله اشوفك بكره فمان الله

ام نواف / انتبهي على صحتك

نجلاء / ان شاء الله يله فمان الله

ام نواف / فمان الله

سكرت من امها ودخلت المطبخ تجهز العشاء لبسام كان بسام عند ابوه طلعت لغرفتها حذت شور ولبست شورت احمر حرير وشيال ابيض حرير وحطت مكياج والروج احمر وتعطرت ولبست شبشب البيت احمر

وطلعت بالصاله تنتظر رجعت بسام

يتبع








في بيت ابو بسام
الساعه 7 بعدالمغرب

في المكتب ابو بسام وبسام من العصر وهم بين الاوراق لان فيهمشروع كبير بيدخله ابو بسام طلب بسام علشان يدرسونه من كل الجوانب

ابو بسام / وانا ابوك خلنا نطلع نشرب قهوه تعدل روسنا من اليوم وعيونا بالاوراق وابي اخذكرايك بموضوع

بسام / ان شاء الله

طلعو بالصاله كانت فاضيه لان امبسام بغرفة غاده

جلسو على الكنب وطلبو من الشغاله تسوي لهم قهوه

ابو بسام / دريت ان عبدالرحمن كلمني وخطب غاده لخالد

بسام وهوفرحان / اوريك ياخويلد ساكت ولا قالي

ابو بسام / لو تدري يابسام اش كثر انافرحان بالخطبه بتقربنا اكثر من عبدالرحمن ونصير اهل الله يتممها على خير

بسام / امين بس يبه لازم موافقت غاده

ابو بسام / الحمدلله وافقتوهي مرتاحه امك تقول ان غاده تقول ليش ارفضه وحنا نعرف اخلاقه

بسام بفرح / الحمدلله الي مثل خالد مايرد

ابو بسام / وحددنا الملكه بعد شهر والزواجلخلصت من دراستها قلنا لهم ووافقو

بسام يبتسم / كبرت غدويه وصارت عروستنخطب

ابو بسام / مصير الصغير يكبر الله حسن الخاتمه روح لبيتك تاخرت عنزوجتك



عند راشد

الساعه 12 في الليل


خذولهم شقه مفروشه موقته لين يدبرون نفسهم بسكن موضي تحترق من القهر والحقد على هند

موضي / شفت وش سوت لو بكيفها منعت عنا الهواء والماء علشان تموتنا

راشد / لا تزيدين علي الي فيني كافيني

موضي / بعد القصر نسكن عشهوهي منتعمه بالقصور والخير ولا فكرت فيك تبيك تنام بشارع

راشد / وبعدين معكوش تبيني اسوي اروح اقتلها

موضي بحقد / القتل بيريحها انا ابيها تتعذبوتذوق الحرمان مثل ماذوقتناه

راشد / كيف

موضي / مدري

راشد / اجل اسكتي خليني بهمي



في بيت عبدالرحمن
الساعه 12 فيالليل

الكل بالصاله ينتظر ويحاتي تاخر هند وخالد ماعدا غاده بغرفتهانايمه علشان دوام الجامعه

سمعو صوت الباب وسمعو هند وخالد يضحكون ارتاحووتكلم عبدالرحمن

عبدالرحمن / وش فيكم تاخرتو خوفتونا عليكم

هند وهيفرحانه / الي اخرنا شي يبسطك

عبدالرحمن / قولي فرحينا

هند / بينيوبينك

نوره / يعني تفرحين خالك وتجحدينا

هند / خالي اذا مستعجل تبيتفرح خلنا ندخل المكتب

عبد الرحمن / اكيد مستعجل وانا بسبقكللمكتب

دخلو المكتب وضمت خالها بفرح وصارت ادور فيه وخالها يضحك بصوت عالي

عبدالرحمن / هههههههههه دار راسي لحد يدخل علي وانا ادور يقولون ابوناانهبل

هند طلعت مفتاح القصر وعطته خالها

عبدالرحمن / مفتاح وشسالفته

هند فرحانه / مفتاح قصر امي رجعته وطرت راشد

جاسمضمهااااااااااا بقوه وطبع بوسه على جبينها

عبدالرحمن / فرحتي قلبي اللهيفرح قلبي ويوفقك هذي الاخبار تستاهل نحتفل فيها

هند / فرحتك تكفيني ياخالي

عبدالرحمن شالها وطلع فيها من المكتب والكل استغرب من الي يشوفونه

محمد / لهدرجه الخبر يستاهل انك تشيلها قول لنا نساعدك بشيلها

عبدالرحمن / هذي بنتي سوت الي ما قدرت اسويه

نوره / هند خالد قولولنا شوقتونا

عبدالرحمن نزلها على الكنبه

هند / انا هلكانه وتعبانهوراي دوام خالي يقولكم طلعت من عندهم ادخلت غرفتها


عبدالرحمن / هندرجعت قصر ساره وهذي مفاتيحه وطردت راشد

نوره حزنت من تصرف هند في ابوها

عبدالرحمن / ماشوفك فرحانه

نوره بحزن / هند تربيتك وتربت على كرهابوها وحقدها عليه طردته ما فكرت وين يسكن وهو مفلس لا تنسى مهما صار ابوها واليتسويه عقوق

عبدالرحمن بصراخ / نورررره

نوره / سكتنا انا طالعه غرفتيبنام


البارت الحادي والعشرون


في بيت ام جاسم
في غرفة العاشق الولها



منسدح على سريره متضايق حزين وسلسال هند بيده مره يضمه مره يشمه مره يبوسه

فيصل بعصبية / وبعدين جاسم ترى حالتك ماتسر العدو

جاسم بضيقة / ماني برايق لك خلني بهمي

فيصل / حتى العشاء ما تعشيت والحل ياجاسم

جاسم بحزن / لو اعرف الحل ما نتظرتك تسالني

فيصل / الحل عندي

جاسم / الحقني فيه ياخوي

فيصل / تتزوج

حذفه جاسم بالمخده وهو معصب

جاسم بحب / والله يحرمن الحريم علي من بعد هند اذا ماتزوجتها مراح اكون لغيرها

فيصل / لمتى هي اكيد بتتزج وتشوف نفسها وانت بتجلس على الاطلال وياليت معبرتك

جاسم تروع من فكرة ان هند ممكن تتزوج وانها تكون لغيره له الحريه ان جسمه يلامس جسمها ويعرف تفاصيله ويكون ابو عيالها نفض الافكار المسمومه من راسه

جاسم بوجع / يوم زواجها بيكون يوم موتي

فيصل حزين على حال اخوه عايش بسراب ومتعلق فيه حبه لها غيره 180 درجه كانه مو جاسم اخوه القوي الي مايهزه شي كان اقوى من الظروف الي يشوفه جاسم ثاني حبها دمره

فيصل منسدح على سريره وهو كل تفكيره بجاسم وبحال جاسم صار كل كلامه عنها وهو غارق بتفكيره نام

جاسم ليله طويل كانه نايم على جمر كل ماقفل عيونه شافها كل مانقلب على جنبه شافها ماهي راضيه تنمسح من تفكيره جالس يتقلب بسريره لين نام



اليوم الثاني
في بيت عبد الرحمن


صحت هند وصحت غاده صلن والبسن ونزلن كان خالد تحت على الطاوله يفطر
خالد يطالع في هند منصدم انها بالداوم والدكتور طلب منها ترتاح

خالد / هند كانك بتروحين لشركه اليوم

هند / ايه ماتشوف ليكون اعمى

خالد / ومن قالك بوافق انك تروحين

هند بستعطاف / خلودي حبيبي جلست البيت تمرضني

خالد باصرار / ولو مافي دوام نسيتي الي امس

غاده / وش الي امس

هند / يحبك للقافه شي بيني وبين خالد

خالد / لا تغيرن السالفه لو تحبين السماء منتي برايحه لشركه لا تخليني ادخل ابوي بسالفه

هند بستسلام / خلاص بجلس بس لا يدخل خالي بسالفه مايكفيني الخميس والجمعه تخلين ماروح اليوم

غاده / ماماتي فيه احد يكره الاجازه انا مستعده اغيب

هند / انا ماحب الاجازه وانت ماتصدقين تجزيك فرصه وتغيبين

غاده / استغل الفرص خلود ترى تاخرت عندي محاضره بدري والدكتوره قشرى

خالد / هند طالبك ياخوك ارتاحي اهم ماعلينا صحتك يالغاليه

غاده / بتخرب ماماتي بالدلع

هند وخالد / ههههههههههههه

خالد / يله مشينا لانتاخر يم السان

طلعو من البيت وهند دخلت غرفتها بدلت لبست بجامه وحاولت تنام لكن ماقدرة اتصلت على غاده لكن جوالها مغلق




في بيت ام جاسم
الساعه 8 الصباح


نزل جاسم من غرفته ناوي يباشر العمل بمستشفى نواف ويفاجئة بقراره

وكانت نفسيته تعبانه بسبب التفكير فيها وقلة النوم

دخل الصاله لقى جداته وامه يفطرن

جاسم / السلام

ام جاسم / صبحك الله بالخير وين بداوم بشركة ابوك ولا بالمستشفى

جاسم / لا بالمستشفى ماخذ اجازه من الشركه بيداوم بدالي فيصل لانه بايجازه

جدته ام راشد / افطر يوليدي

ماقدر يفطر جاسم على انه جوعان ياله شرب كاس حليب وطلع للمستشفى


شوي الا فيصل نازل سلم على جداته وافطر وطلع رايح لشركه وهو متضايق من حال اخوه


في بيت نواف

نزل نواف لقى ابوه واقف بيطلع وامه تفطر

نواف / اخيرا شفتك يبه من زمان ماتقابلنا ان كنت موجود انت طالع وان جيت الا انت نايم

ابو نواف / يولدي عندي ضغط بالشغل

نواف / ان شاء الله كشفت الي يسرب المعلومات

ابو نواف بحزن / ايه وياليتني ماكشفته

نواف / ليه

ابو نواف / ولد محمد السالم

انصدم نواف لانه ولد صديق ابوه الي كان معه بالشركه ولما توفي ابو نواف شغله اكرام لمكانة ابوه وحبه له

نواف باستغراب/ ما صدق يبه يمكن احد يكرهه وحاقد عليه وظالمه

ابو نواف / ياليت يابوك لكن كل شي مسجل صوت وصوره باع ضميره والي معور قلبي يبوك ماقدر اعاقبه

نواف / وليش ماتعاقبه

ابو نواف بحزن / بسبت ابوه ومكانة عندي

نواف / وش بتسوي معه ان خليته بيستمر وبيدهور حالة الشركه

ابو نواف / بنقله بفرح شركتنا الي بجده وبحطه بوظيفه مالها علاقة بالصفقات

نواف / ياليت يقدر تصرفك انك ماتبي تقطع رزقه ويتوب

ابو نواف / امين

نواف / يبه اهل جاسم عطونا الرد بالموافقه وموعدنا معهم السبت

ابو نواف / الله يتمم بخير ويكتب لك الصالح


طلع نواف وابو نواف من البيت وكلن ركب سيارته

طلع ابو نواف متوجه لشركه ونواف متجه للستشفى



في بيت ابو بسام

صحت ام بسام على الساعه 10 افطرت وطلعت تشوف بنتها غاده لان محاضرتها الساعه 10 وهي راحت عليها نومه لانها سهرانه مع غلاء حرارتها كانت مرتفعه

طلعت لغرفة غاده مالقت فيها احد عرفت انها داومت ومرت على غرفة غلا لقتها نايمه واضح عليها المرض تكح
دخلت عندها مسكت جبهتها تتحسس حرارتها لقتها مرتفعه عطاتها خافض للحراره وحطت مويه بارده بمنشفه وحطتها على راسها


في مستشفى نواف

دخل نواف مكتبه انصدم من الي يشوفه جاسم لابس بالطو المستشفى

نواف / جاسم انت هنا

جاسم يغتصب الضحكه / هههه لا هناك لايكون موقع على طردي من المستشفى

نواف ركض يضم جاسم / ماعاش من يطردك انت فخر لمستشفانا بس تفاجئت رجعتك ياما حاولت فيك وترجيتك لكن لاحياة لمن تنادي

جاسم / فكنا من هالكلام فطرني تراني مافطرت

نواف / بفطرك ياله نروح لكفتريا المستشفى

ترى غرفتك محرم احد يدخلها غيرك بوصي عاملين النظافه ينظفونها انت اسبقني للكفتريا وانا لاحقك

جاسم / لا تتاخر علي افطر وخليك

نواف / دقائق على بال مافتح غرفتك والحقك



في بيت عبدالرحمن
الساعه 10 بالصباح


طلعت هند من غرفتها لقت نوره جالسه بالحالها بالصاله
انصدمت من وجود هند بالبيت وانها ماراحت لشركه

نوره بخوف / هند مريضه غريبه مارحتي لشركه

هند بطفش / ولدك منعني اني اروح

نوره / ما دام قلتي ولدك مو خالد اكيد انك زعلانه منه

هند / ايه

نوره / غريبه قدر فيك خالد

هند / مسكني بايدي الي توجعني

نوره / اكيد خاشين شي ويهددك فيه

هند / كاشفتنا ياخالتي منتي بسهله

نوره بعتب / بتقولين لي ولا عادتي غريبه

هند استغربت من طريقة نوره وعارفه ان شي مضايقها

جتها وسلمت على يدها هند / انتي اقرب من الروح ياخالتي

نوره / تسلمين وانتي يشهد ربي علي اغليك اكثر من عيالي

هند / بقولك بس بحلفك خالي مايدري

نوره / مراح اقوله

هند / قالت لخالتها كل شي من دخولها لبيت راشد لين مقابلتها لجداتها

نوره بحزن / كل هذا صار بغيتي تموتين ولا درينا ولا بعد لك وجه اداومين ولا وزعلانه على خالد
انتي تبين تنتحرين ترى الي تسوينه اهمالك لصحتك يعتبر انتحار والانتحار حرام
انت ماتدرين عن غلاتك عندنا وخوفنا عليك يابنتي علشانا وعلشان غاده الي متعلقه فيك انتبهي لنفسك وصحتك

هند تحط راسها بحضن نوره خالتي العبي بشعري مثل يو م كنت صغيره

نوره تلعب بشعر هند وهي مبسوطه بقرب هند منها

نوره / هنوده فطرتي

هند / لا

ضربتها نوره على جبهتها

نوره / ماقلت انتبهي لصحتك

هند / بفطر بس اول ماقوم ماشتهي شويات وقايمه افطر

نوره رفعت راس هند من حضنها وحطته فوق مخده وقامت من مكانها


هند / خالتي ليش قمتي

نوره / تبيني انتظرك لين تشتهين انا بجيب اكل وبتاكلين غصب عليك مو برضاك

هند / ان شاء الله يالغاليه



في الجامعه


غاده والجوهره بالكفتريا يسولفون

الجوهره / بتجينا الليله ترى العزيمه بعد المغرب

غاده / ان شاء الله

الجوهره / ابيك تكشخين فوق العاده

غاده / ليكون بتزوجني وانا مدري

الجوهره / ههههههههههه لا بحارب فيك

غاده / تحاربين فيني الله يستر كيف

الجوهره / بنات خالتي شايفات نفسهن شي ومحن قدهن وابيك تكسرين خشومهن ويعروفن ان ماطبهن الحلى

غاده / ههههههههههه تعجبني الحركات

الجوهره / وريني شطارتك

غاده / بنجح بامتياز ماجربتي ترى شاطره برفع الضغط

الجوهره / التجربه خير برهان نشوف




بمستشفى نواف


جالسين بالكفتريا يفطرون ولاحظ نواف ان جاسم يلعب بالاكل ماكل شي ولاحظ ان باله مشغول

نواف / وش فيك ماتاكل وشكلك مهموم افتح قلبك لي ياخوي

جاسم بحزن / وش اقول لك قلبي مريض ياخوي

فز نواف من مكانه تعال معي افحص عليك

جاسم بضيق / اااااااه يانواف قلبي مريض بالعشق الي ماله دواء

نواف ارتاح / يعني طحت على خشمك وانت ضد الحب اكتويت بنيرانه

جاسم بالم / أي والله اكتويت وستويت على الاخر ومحكوم على حبي بالاعدام

نواف / قولي كل شي يمكن ترتاح

جاسم / قال له كل شي من بداية شوفتها بالاستراحه لين شافها بحوشهم وبالتفصيل

نواف / لاحول ولا قوة الله بالله يوم حبيت مالقيت الا هند انا شفت كرهها يوم الاستراحه وهند قويه ما تنجبر على الشي ومستحيل تسلم قلبها لاحد بسهوله

جاسم / ادري وعمي هو السبب لكن كل يوم اتعلق فيها اكثر والله تعبان ما صرت انام بسبت تفكيري فيها ولا صرت اشتهي اكل

نواف / الله يكون بعونك

جاسم / امين

طلعو من الكفتريا نواف دخل مكتبه يباشر الحالات الي عنده

وجاسم اول يوم ماعنده حالات جالس بمكتبه سرحان ويفكر فيها طلع سلسالها من بوكه وحطه على قلبه لعل وعسى يطفي لهيبه




في بيت ام جاسم
الساعه 2 الظهر


دخلت الجوهره وفيصل ولقو الجدات وام جاسم ينتظرونهم للغداء

ام جاسم / بسرعه غيرو علشان تغداء يافيصل قوم اخوك خله يتغدا معنا

طلعو لغرفهم الجوهره دخلت بغرفتها وفيصل دخل غرفته
فيصل يقوم جاسم

فيصل / قوم تغد الكل ينتظرك تحت

جاسم / تعبان مالي نفس

فيصل صرخ / لمتى ها لاضراب الله لايبارك بساعه الي عرفنا فيه بنت العم

جاسم بعصبية / فيصل لا تدعي عليها ماسمح لك

فيصل / ما تبيني ادعي عليها ارجع جاسم اخوي

جاسم رمى اللحاف وقام للحمام اخذ شور ولبس ونزل عند جداته وامه

بعدها بدقائق نزل فيصل وهو كاشخ لابس بنطلون جنز وقميص من كوست

الجوهره / فيصل اش عندك كاشخ

فيصل / طالع عندي مشوار

الجوهره / فيصل نسيت وعدك لي

فيصل / متى وعدتك

الجوهره / نسيت ان غاده بتجينا

فز قلب جاسم تذكر حبيبته الي ما نساها

جاسم بلهفة / بتجي الحالها

الجوهره / لا معاها خالتها

فيصل / والمطلوب مني علشان حضرت غاده

الجوهره / بشتري اغراض لضيافه ابي ابيض وجهي عندها اول مره تزورني

فيصل / طيب بعد العصر كوني جاهزه

الجوهره / تكفى قبل العصر مافي وقت العزيمه المغرب ياليت الحين

فيصل / طيب بعد الغداء

الجوهره / عاش فيصل عاش

الجدات وام جاسم مستمعات ام جاسم ماتدري ان غاده الي بتجي اخت هند


يتبع







في الشركه


خالد جالس بمكتبه والشغل كله على راسه هلك من التعب طلب من السكرتير كذا مره قهوه تركيه علشان التركيز

حس انه تعبان مايقدر يستمر دقيقه بالشركه وهو طالع مر من مكتب اخته نسى انها ما داومت لما وصل للمكتب ضحك على نفسه شلون تعود على هند وصارت كانها ظله

شافته السكرتيره سوزان سئلته عن سبب تغيب هند رد عليها وقال لها انها تعبانه وبداوم السبت ولا تسجل مواعيد لين تداوم

طالع بساعته الساعه 12 باقي ساعتين قرر يطلع للبيت يتطمن عليها



في بيت عبدالرحمن
الساعه 2 الظهر

متجمعين كلهم على سفرة الاكل وهند اطالع بخالد بحقد

خالد بابتسامه / خير هنوده لو النظرات سهم كان اقتلتني نظراتك كلها حقد

هند بعصبية / ليش طالع من الشركه بدري وين رحت

خالد / بل مراقبه تحركاتي عفت الشركه لانك مانتي فيها

هند بزعل / البركه فيك بغياب عن الشركه

خالد / ههههههههههه احمدي ربي اني مريحك عقبال ماتطلبين مني اني ماداوم بسمع كلامك بسعة صدر

هند بتقهره / حريمتك اعطيك اجازه الا بكثف عليك الشغل

خالد / يالظالمه انا اطلب راحتك وانتي ادوين تعبي

غاده / اشكها عند غاده ماراح ياخذ حقك منها الا غاده لانها تقدر في ماماتي

خالد / فديتها الغاده

غاده / تسلم خلود

خالد / مصدقه اني اتفداك انقلعي مناك

هند / بدري انك تتفداها تو الناس باقي شهر

غاده / حمودي لاتنسى وعدك الي

محمد / وش فيك قلبتي علي متى وعدتك

غاده / وانك قلت بتوديني صديقتك وبتجيبني

محمد / متى الموعد

غاده / المغرب وابي ارجع متاخر بكره خميس بسهر عندها

محمد / قولب لسواق يوديكم مع عدنان ويجيبكم
اليوم عندي موعد مصيري

نوره / خير يولدي

محمد / اليوم الجاهها الي بيروحون لاهل القتيل يبه تخاويني انت وخالد

عبدالرحمن / ايه وبكلم ابو بسام وابو نواف نروح معكم

محمد / وانت ياخالد

خالد / ايه بكلم نواف وبسام

محمد / حلووووو الله يفرجها على خالي عندي امل كبير انهم يتنازلون لاني سمعت ابوه طيب بس تصرفاته بسبب حرقته على ولده

نوره / يارب انك تفرجها عليه وترجعه لاهله وتفرحهم فيه


في بيت ابو نواف
الساعه 2 الظهر

جلسين كلهم بالصاله ونواف يسولف مع ابوه وام نواف بغرفتها تريح بعد الغداء

نواف / يبه اليوم جاسم رجع للمستشفى

ابو نواف / اخيرا اقتنع ورجع والله حرام الي مثله يترك الطب بسبب قضاء وقدر وياما بيشوف لازم يقوي قلبه الطب يبي له قوة قلب

دق جوال ابو نواف كان عبدالرحمن

ابو نواف / هلا والله بابو خالد وش الي ذكرك فينا

عبدالرحمن / اكلتني شخبارك

ابو نواف / الحمدلله شلونك وكيفهم عيالك

عبدالرحمن / الحمدلله بخير انا مكلمك بموضوع

ابو نواف / يعني الاتصال علشان الموضوع

عبدالرحمن / تقدر تقول كذا اليوم الجاهه الي بتروح لبيت القتيل بتروح معي

ابو نواف / اكيد معك بالخير تلقاني على يمناك

عبدالرحمن / قول لنواف عيالي بيروحون معي

ابو نواف / بيروح ان شاء الله ما يبي لها كلام

عبدالرحمن / المغرب ان شاء الله الوعد تجيني معي ابو بسام

ابو نواف / ان شاء الله

عبدالرحمن / يله مع السلامه بكلم اتفق مع ابو بسام

ابو نواف / يله فمان الله

سكر ابو نواف والتفت لولده

ابو نواف / اليوم بتروح معي بعد المغرب لبيت القتيل اليوم الجاهه علشان نحاول ننقذ بدر

نواف / ان شاء الله



في بيت ابو بسام
الساعه 2 الظهر



غاده جالسه مع امها بالصاله وابوها بالغرفه يريح بعد الغداء

ابو بسام بغرفته اتصل جواله شاف اتصال عبدالرحمن

ابو بسام / ياهلا بابو خالد

عبدالرحمن / كلمت علشان اذكرك بموعد الجاهه الليله بعد المغرب

ابو بسام / خلاص بكون عندك وبكلم بسام يجي معنا الله يفرج كربت بدر

عبدالرحمن / امين

قفل ابو بسام من عبدالرحمن وعلى طول اتصل بولده بسام وقاله بسام ان خالد كلمه وتفقو الشباب يروحون مع بعض والشياب مع بعض




في بيت ام جاسم
المغرب

الجوهره مسوي استنفار بالبيت من تنضيف وتجهيز وترتيب وام جاسم والجدات بالغرفه نايمات

وجاسم وفيصل كانو جالسين بالصاله

الجوهره / جاسم فيصل ياليت تهونا مابيكم بالبيت بيجيني البنات

فيصل / ياقليلة الحياء تطردينا عناد ماني بطالع بدخل غرفتي عندي شغل

جاسم / انا بطلع مالي خلق لاستقبال خالتك وثقالت دمها وتلميحاتها

فيصل / هههههههههههههه

الجوهره / وش يضحكك

فيصل / خالتك مثل ما تلمح لجاسم ياخذ بنتها تلمح لي بالريم الريم سوت الريم فيه والريم
ما تدري من كثر ما تتكلم عنها كرهتها

الجوهره / ههههههههههه يويل حالك ياخوي لو تكون من نصيبك

جاسم / هههههههههههه انت الريم وانا البندري
مابقى الا تجيبها عندي وتخليها تستعرض قدامي

الجوهره / الحمد لله ان ماعندها عيال ولا كان غثتني فيهم

جاسم وفيصل / هههههههههههههههه


الجوهره / خطيباتكم جو انحاااااااشو

فيصل / وجع فال الله ولا فالك الله لا يقوله تصير خطيبتي انا بطلع فوق

جاسم / وانا طالع من البيت واذا راحو كلميني ارجع

راحت الشغاله تفتح الباب كان الي عنده خالتها وبناتها البندري والريم والعنود

دخلو وكان بستقبالهم الجوهره وام جاسم

رحبت فيهم ودخلتهم غرفة الضيوف




في بيت بسام
المغرب


نجلاء بالصاله مع بسام

نجلاء / بسومتي حبيبي بروح لامي الحين من زمان عنها

بسام / انا طالع الحين عندي موعد بسرعه لا تاخريني علشان اوصلك بطريقي

نجلاء / ثواني البس عباتي

بسرعه لبست نجلاء عباتها وركضت لبسام اطلعو من البيت وصلها بيت ابو نواف وكمل طريقه لبيت عبدالرحمن عند الشباب





في بيت عبدالرحمن
بعد المغرب


عبدالرحمن مر عليه ابو نواف وراحو بسيارته وقفو سيارتهم عند بيت عبدالرحمن
والعيال راحو مع محمد

وهند بغرفتها مع غاده الي تستعد لطلعه

غاده / ماماتي فديتك بسهر عند الجوهره

هند / لا تعرفين رايي بالموضوع تروحين مع خالتي تجين مع خالتي


غاده / والله اهل الجوهره ناس طيبين ماماتي علشان خاطري انا مالي صديقه غير الجوهره
اذا خالتي ارتاحت لامهم ترجع للبيت وتخليني ويجني عدنان مع السواق الله يخليك ماماتي كل الامهات يثقون ببناتهم

هند / يابنتي انا اخاف عليك

غاده بترجي / والله الجوهره اهلها معروفين ويخافون الله

هند / بس عند الجوهره بوافق بعد ماترتاح لهم خالتي

غاده تبوس وتضم هند

غاده / الله ياخليك لي ياحلى ماماتي

طلعت هند لقت خالتها لابسه وجاهزه تنظر غاده

هند / الله اش هالزين وينك ياخالي

نوره / هندددددددد

هند / خالتي دخيلك انتبهي على غاده هي تبي تسهر عند صديقتها وانا وافقت بشرط اذا ارتاحتي لهلها وللبنت تبقى ولا تجي معك

نوره بحب / ياهند ياحبيتي لا تعاملينها كانها طفله اختك ثاني جامعه طب وغاده ما ينخاف عليها تربيتك

هند / الله يحفظها ويخليها لي

نوره / امين ماخلصت لبس

هند / تعرفين غاده تجلس ساعه اتعدل وتزين

غاده بالغرفه لبست تايور شيفون جلد حيه خيال لونه زيتي طلع بياضها وصفاء بشرتها وجزمه زيتيه ووكسسوارات ذهبيه وروج طبيعي وظل سموكي زيتي واسود وشعرها المصبوغ وخصل ثلجي طلعت خيااااااال

طلعت بالصاله لقت خالتها مع هند يسولفون
شافتها هند قامت لها

هند بخوف / غدويه حصنتي نفسك بالقرايه

غاده / ايه ماماتي انتي تعرفيني ماطلع مكان الا احصن نفسي

نوره / الله يعوض علي محدن قالي حصني نفسك

غاده وهند / ههههههههههههههههه

غاده / خالتو اشتغلت الغيره انا اقولك حصني نفسك والله طالعه خيال كانك اختي ماكانك خالتي

نوره / اسمعي ياهند شوفي الناس الي تعرف الزين

هند / ههههه حرام عليك خالتي انا اول ماشفتك مدحتك وقلت وينك ياخلي تشوف الزين بس انتي سكتيني وماخليتيني اكمل

نوره / هنوده انتبهي على نفسك وتعشي انا موصيه الشغاله تسوي الاكله الي تحبينها

هند باست راسها / الله لا يخليني منك يالحنونه

نوره / ولا منك يله طالعين تاخرنا على الناس

طلعو وركبو السياره السواق عمران ومعه عدنان مشو ووصلو بيت ام جاسم




في بيت ام جاسم


وصلت نوره وغاده عند البيت دقو الجرس فتحت الشغاله دخلتهم وكان بستقبالهم ام جاسم والجوهره

ام جاسم / ياهلا ومرحبا حياكم الله تفضلو

نوره / الله يحيك ويبقيك

ام جاسم / عطوني عباياتكم وتفضلو داخل

اخذت ام جاسم العبايات وعلقتهم بالمكان المخصص للعبايات

الجوهره خذت غاده لمكان البنات
وام جاسم خذت نوره عند اختها هيا لان امها وخالتها بغرفتهن

ام جاسم ارتاحت لنوره لانها طيبه تنحط على الجرح يبرا وتدخل القلب بسرعه

ونوره ارتاحت لام جاسم وصار اغلب سوالفها مع ام جاسم ما رتاحت لهيا اخت ام جاسم واضح عليها الغرور والكبرياء وتتكلم من طرف خشمها عكس ام جاسم تتكلم مع الواحد كانها تعرفه من سنين والي يتكلم معها يتكلم بكل راحه

نوره احيانا تسرح بتفكيرها وهي قلبها مع الي راحو لاهل القتيل علشان اخوها بدر وهي تنتظر الوقت يمر بسرعه علشان اطير للبيت تسال عن الي صار


عند البنات

دخلت الجوهره ومعها غاده الي تبهر بجمالها الفاتن وغصب ينجبر الواحد يطالعها ولا يمل من شوفتها وتدخل القلب بسرعه

سلمت غاده على بنات خالة الجوهره وواضح انهم يسلمون عليها من غير نفس


الجوهره / اعرفكم على صديقتي غاده الفهد وعرفك غاده على بنات خالتي هذي الريم والي جنبها البندري والي جنبها العنود

الكبيره البندري وبعدين الريم وبعدي العنود

غاده بابتسامه / تشرفنا

الريم / انتي اخت هند الفهد صاحبة شركات الفهد

غاده / ايه بس احب اصلح المعلومه هي ماماتي مش اختي

البندري / ماماتي وش ذي

غاده / انا ادلع ماما بماماتي

الريم بغيره / هالكبر وتدلعين وش خليتي للبزران

غاده بكل ثقه / والله اهلي يحبوني ويدلعوني وانا احبهم وادلعهم

الريم منقهره من غاده / سمعت ان ماماتك على قولتك كل يوم مع رجال باسم الشركه


غاده كانت قدامها دلة شاهي على طول اخذتها وقامت بدون تفكير لين وصلت عند الريم وصبت الشاهي بحضن الريم
الريم كانت لابسه تنوره فوق الركبه جنز وبلوزه
حمراء خيوط ملامحها اقل من عاديه لكن مغروره ولسانها طويل وتنرفز


غاده بعصبيه وبصوت عالي / تخسين كلن يرى الناس بعين طبعه
وهذا ردي عليك انا غاده يسبق فعلي قولي


الريم من حرارة الشاهي جلست تصارخ من الالم وجهها حمر من كثر الصياح والكل تجمع


وصوتها وصل لفيصل بغرفته استغرب وش صار على طول طار لدرج يتسمع

الجوهره من قلب فرحانه بتصرف غاده

هيا جت عند بنتها وهي خايفه لما شافتها خافت اكثر لان واضح على الريم الالم والوجع

هيا / يابنتي وش فيك

الريم اطالع بغاده بحقد وغاده واقفه بكل ثقه وكبرياء

ام جاسم / وش الي صار

غاده يثقه / انا ياخاله ردي على كلام قالته استحي اقوله
ولو فيها الشجاعه خليها تقوله قدامكم كلكم وان كنت غلطانه مستعده ابوس راسها واعتذر منها
ولا بعد اخليها تردها لي

ام جاسم / لا عاش ولا كان من يهينكم قولي الكلام يالريم
الريم سكتت ما قدرت تقول كلامها بحضور الجميع لانها بتصير غلطانه
وهي من داخلها معترفه بقو الكلام الي قالته

غاده بقوة / ليه ساكته قولي

الريم وجهها احمر من الوجع والفشيله /........

غاده بثقة وقوة / ياليت يا لريم كل ماشفتي علامة الحرق تذكرين غاده الفهد وانك لو تعديتي حدودك بتلقين مني اكثر

فيصل سمع كل الكلام وستغرب من قوة غاده
وجرائتها وعجبه تصرفها مع الريم


هيا عصبت / ياله يابنات بنطلع صرنا غير مرغوب فينا

طلعت من بيت ام جاسم معصبه راحت للمستشفى تعالج الريم الي طلع الحروق عميقه من الدرجه الاولى لانه بيبقى اثر له




في بيت بسام

دخل بسام مع نجلاء البيت بعد مامرها ببيت اهلها

نجلاء دخلت الحمام اخذت شور ولبست قميص نوم اسود ستان طويل من فوق دانتيل يكشف تعطرت ولبست شبشبها الا على دخلت بسام عليه

بسام / فديتهم الحلوين الي خذو قلبي وروحي

نجلاء / تسلم حبيبي

تذكرت نجلاء خطبت نواف

نجلاء / بسومتي باركت لنواف

بسام / وش المناسبه

نجلاء / خطب

بسام / الخسيس توه معي ماقالي انا اوريه

نجلاء / بسومتي لاتقول عنه خسيس ازعل

بسام غمز بعينه / كله ولا ازعل اقول وش رايك تجين ادلكين ظهري

نجلاء جلست على السرير وكبر بطنها

بسام حط اذنه على بطنها يتكلم

بسام / متى تطلع ترى بسبتك ماصرت اخذ راحتي

حمر وجه نجلاء / يله بنام

بسام / اموت على التصريفه
قرب منها وضمها وباسها ونامت بحضن



في بيت ام جاسم

نوره تفشلت من الي سوته غاده

نوره / اسفين على الي سوته غاده مع اختك وبنتها

غاده بقوة / لا تتاسفين ماسويت غلط لو يرجع الوقت وقالت الي قالته مالها مني الا كذا واكثر

ام جاسم / صار خير بس والله ما تروحون العزيمه لكم واختي اعرفها وعرف بناتها طويلات لسان


غاده التفتت على خالتها نوره غاده / خالتو ممكن كلمة راس

طلعت نوره مع غاده لغرفه جانبيه

نوره بعصبيه / عاجبك تصرفك وربي تفشلت منهم

غاده / اول اسئليني ليه سويت كذا وبعدين حاسبيني

نوره / حتى لو ايش الي سويته غلط

غاده / تدرين اش قالت الريم وليه هذا ردي انتي تعرفيني خالتو ماغلط

نوره / قولي وش قالت

غاده / تقول انا ماماتي كل يوم مع رجال تتعذر بشغل

نوره حمقت وعصبت / قطع الله لسانها قليلة الحياء

غاده / تستاهل ولا ماتستاهل

نوره ابتسمت لغاده لانها بردت حرتها / بصراحه والله تستاهل خليها تتادب وتعرف حدودها

غاده / تربية ماماتي مافيني خير ان سكت

نوره / اصلن مارتحت لهيا ياله بروح عندهم تاخرنا عليهم

غاده / بسهر عندهم على اتفاقنا مراح تغير الحقيره شي

نوره / ان شاء الله


في الصاله


قالت الجوهر لامها كل الي صار وانبسطت ام جاسم من تصرف غاده وعرفت ان الريم تستاهل الي جاها

وانقهرت من قلة حياء بنات اختها وانقهرت انهم مكرمو ضيوفها

دخلت نوره وغاده عند ام جاسم وكملوا لجلسه سوالف مكان شي صار

نوره / اسمحي لي السواق جاء بروح للبيت

ام جاسم / تو الناس الساعه 10

الجوهره / خالتي طلبتك خلي غاده تسهر عندي

نوره / خلاص تسهر اذا جاك السواق على طول اطلعي اله

غاده / حاضر خالتو

طلعت نوره من بيت ام جاسم وركبت السياره وطلعت لبيتها


بيت عبدالرحمن
الساعه 11 بالليل

دخلت نوره البيت ويدها على قلبها خايفه من الكلام الي بتسمعها لانها حاطه املها بالمقابله هذي
لقتهم كلهم متجمعين بالصاله عبدالرحمن وهند وخالد ومحمد وكان صوتهم عالي شكلهم يتناقشون بالموضوع

نوره / اسلام بشرو

الكل / وعليكم السلام

هند / خالتي وين غاده ليه تركتيها

نوره / وانها متفقه معك على السهره والناس اجواد لا تخافين عليها بيحافظون عليها كانها بنتهم وعلى مسئوليتي

هند / ابشرك خالي بدر بيطلع

نوره جلست تنتفض وتبكي قام لها عبدالرحمن وضمها بقوه كان شكلها يكسر الخاطر بسبب المفاجئة

قامت هند وخذت نوره من حضن خالها وضمتها وباستها على راسها ومسحت ادموعها بيدها

هند / سامحيني يالغاليه اني ماعرفت انقل الخبر عدل ماعشت ولا كنت اني سبب دموعك

نوره / والله دموع الفرحه ياهند فاقده الامل ان بدر يطلع واشوفه بعد هالسنين والفضل لله ومن بعده لك ماطلع من جزاك ياهند

هند / انا الي ماطلع من جزاك يالغاليه هو اخوك وخالي لاتنسين

نوره / قولي كيف بيطلع وش صار

هند / هذا عاد يقولها لك خالي

عبدالرحمن / ابو القتيل رجال طيب يوم عرف ظروف بدر وتاكد انه قتل صديقه خطا تنازل بدون ولا اريال وقال تنازلي لوجه الله

نوره / الله يجزاه خيره ويفرج عليه مثل مافرجها على عياله وعلينا

هند / ترى حفلت خروجه من السجن عليك ترى قلت لهم انك متكفله بالعزيمه

نوره فرحانه وممتنه لهند / يبشر والله لاسوي حفله لا صارت ولا ستوت

هند / خالتي نسيت ابي بشارتي ماتنازل عنها مع انها صارت ترويعه

نوره / هههههههههه ابشري عيوني لك

هند / لا مابي عيونك خليها لك بتسكتيني فيها

الكل / هههههههههههههههههه


يتبع








بيت امجاسم


ام جاسم / انا بطلع مالي مكان بينكم

غاده / اش دعوهخالتي انتي الخير والبركه

ام جاسم / بروح عند امي وخالتي

طلعت امجاسم لغرفة امها وخالتها وتركت الجوهره عند غاده

الجوهره / مدام امي راحتوش رايك نطلع لغرفتي

غاده / هاتي عباتي اخاف يطلع بوجهي احد مناخوانك

الجوهره / اخذيها امسكيها بيدك وانا بسبقك فوق اسوي لكطريق

غاده / جلست على الكنب تنتظر رد الجوهره

طلعت فوق لقت فيصلجالس بالصاله الفوقيه

فيصل / وش الصراخ الي طيرني من غرفتي

الجوهره / هههههههههههههههه

فيصل / ضحكيني معك

الجوهره / سالفه طويله وغادهتنتظرني علشان اسوي لها طريق يله روح لغرفتك بعدين اقولك السالفه

فيصل / طيب

دخل فيصل غرفته انسدح على السرير

والجوهره كلمت غاده جوالوقالت لها تجي الطريق امان

دخلت غاده غرفة الجوهره وجلسن شوي على الاب توبوشوي يقرن مجلات وشوي يسولفن

لين الساعه ثلاث الفجر كلمت نوره وقالت انعدنان والسواق بطريق

كانت الجوهره تحت تسوي نسكافيه لغاده

فيصل لماسمع باب غرفة الجوهره يفتح طلع بيبداء انتقامه من هند باختها لانه اكتشف انها قويهنسخه ثانيه من هند وبيبرد حرته فيها

غاده لبست عباتها ونقابها وطلعت منغرفة الجوهره وهي نازله لقت فيصل واقف على الدرج وساد طريقها

غاده بحيا / لو سمحت وخر عن الطريق بانزل

فيصل بقوه / وان موخرت عن الطريق

غادهبعصبيه / غصب عنك بتوخر عن طريقي

فيصل على طول مسك يدها وسحب نقابها وانفتنبجمالها وشده بياضها ونعومتها ورقتها

غاده اطالع بيدها الي ماسكها فيصلوتكلمت بقهر/ قد الحركه الي سويته

فيصل رفع يدها لفمه وباسها / وقدود

غاده بعصبيه وبصراخ / ردي لك افعال وافعالي تسبق اقوالي

فيصل فكيدها وهو يضحك فيصل / ههههههههههههههههههه ياحليلك يالبزره تهددين


ولعتمنه وصدت عنه وقبل لا تنزل التفتت عليه وفكت عبايتها استغرب فيصل منحركتها

غاده كانت لابسه جلد حيه / انا حيه لا يغرك ملمسها الناعم ترى قرصتهاوالقبر انتظر ردي الفعلي على تصرفك

وسكرت عباتها وعدلت نقابها ونزلت ركبتالسياره ووصلت البيت انزلت

وطلبت من السواق ينتظرها بعد عشر دقائق طلعت لهعطته ظرف و قالت له بتكلمه






عند غاده

بعد ماسلمت الظرف لسواق دخلت لغرفتها لقت هند متسنده على سريرها

هند / غاده

فزت لما سمعت صوت هند اول مادخلت كانت نايمه

غاده بارتباك / نعم ماماتي

هند بجديه / قولي وش وراك بنتي واعرفك

غاده بخوف / ماماتي بقولك لاني محتاجه لمساعدتك

هند / قولي الي عندك

قربت منها وانسدحت جنبها على السرير وصارت تلعب باصابع هند

غاده / ماماتي اوعديني تسوين الي ابيه اذا قلت لك

هند / وعد

غاده / واهم شي ماتعصبين علي

هند بعصبية / خلصي قولي ماعاد فيني صبر

غاده / قالت لهند كل شي

هند عصبت وبصوت عالي / وانتي ما تستحين واقفه مع رجال غريب ولا بعد تجادلينه بالكلام هذي ثقتي فيك

غاده بخجل / ماماتي انا ندمانه على تصرفي لكن هو طلعني من طوري ولازم اربيه ماماتي انتي ربيتيني ماسكت عن الي يغلط علي ويتجاوز حدوده معي وهذا وقح

هند بجديه / هذا الي كنت خايفه منه وكنت ارفض روحاتك لصديقاتك وهذا الي جنيته

غاده بترجي / مامتي فديتك نفذي الي بطلبه منك انتي وعدتيني

هند / قولي وش ناويه عليه

غاده / قالت لهند كل شي ناويته بفيصل

هند / اخر مره اسمح بهالشي وهاتي الظروف الي كاتبتها بنفذ لك الي تبينه مثل ما خططتي
هو يستاهل يتربى ويعرف منهي بنت الفهد الي قل ادبه معها

غاده / ماماتي انا با مكاني اخش عنك السالفه عمري ما خشيت عنك شي ماما لا تزودينها علي كنت مبسوطه مع الجوهره باخر لحظه نكد علي

هند / صار خير وبكره بيصير كل الي تبيه واعيد واكرر اخر مره تحطين نفسك بهالمواقف ومستحيل اسمح بالشي لاني بعقابك

غاده ضمت هند / توبه ماماتي انتي تعرفيني لعصبت افقد السيطره على تصرفاتي

هند / نامي وانا بنام علشان اقوم بدري اجري اتصالاتي ونفذ الي تبينه

غاده بفرح قامت اخذت شور ولبست بجامه وانسدحت جنب هند




عند فيصل


دخل غرفته وهو مبسوط انه شاف وجه بنت عمه ومنسحر من جمالها ومعجب بقوتها

فيصل بنفسه / وانا اقول ناعمه مو قد انتقامي تربية هند طالعه عليها بس والله تهبل تدخل القلب ولا جمالها سبحان من خلقها


تذكر الصراخ الي صار اليوم وطلع لغرفة الجوهره دخل لقاها على الاب توب قرب منها ثواني ودخل عليهم جاسم

فيصل بحماس / الجوهره قولي الي صار

جاسم / وش الي صار

الجوهره بابتسامه / فرحااااااانه من الي سوته غاده اليوم بردت قلبي بالريم وبنات خالتك

فيصل بعدم صبر / خلصينا قولي بالتفصيل الي صار

الجوهره / حكت لهم الي صار بالتفصيل

جاسم عصب وثار وانجن انها تقول عن حبيبته ها لكلام لو هو الي سمع الكلام كان قتلها

جاسم بعصبية / قليلة الحياء وصلت معها تتعرض الناس بشرفهم

الجوهره / غاده عطتها درس مستحيل تفتح فمها مره ثانيه

فيصل عرف ان غاده قويه وتذكر ( كلمتها انا حيه لا يغرك ملمسها الناعم ترى قرصتها والقبر انتظر ردي الفعلي على تصرفك )

دخل جاسم وفيصل غرفتهم كل واحد منهم غارق بافكاره جاسم سرحان بهند وفيصل سرحان بغاده استمرو بتفكيرهم لين نامو



اليوم الثاني الصباح
بيت ام جاسم

قام فيصل من النوم طالع بساعته كانت 5 الفجر التفت على سرير جاسم لقاه نايم

دخل الحمام توضاء ولبس وقوم جاسم يبيه يلحق على الصلاه نزل تحت البيت فاضي الكل نايم فتح باب الشارع طلع وشاف


صدمت عمره انفجع وهو يشوف سيارته بدون كفرات مرفوعه على حصى مكسره وصايره كانها جايه من التشليح وهي جديده ما كملت شهر قرب من سيارته الي تغيرت ملامحها شاف على باب السياره محفور جملة ذكرى من غاده


عصب وجن جنونه / سويتيها يابنت العم هذا ردك والله لا تدفعين ثمن الي سويتيه غالي انا فيصل تتجراء على بنت

فتح باب السياره يشوفها من داخل لقى ظرف فتح الظرف ولقى ورقه مكتوب فيها بخط غاده

هذا اول رد على كشفك لوجهي انتظر ردي على مسكت يدي والبوسه واوعدك بيكون ردي لك سريع ماحب التاخير

فيصل بنفسه / صدق انك حيه لكن على قلبي مثل العسل ياترى وش بتسوين بعد

كلم الونش يشلون السياره لان مايبي احد يشوفها مراح يسلم من الاسئله من حسن حظه بسرعه جو واخذو السياره والكل نايم



رجع للبيت صلى الفجر لانها فاته وطلع لغرفته وهي يغلي قهر من غاده وانها ماهي بسهله مثل ما توقع ومع هذا يحس بانتعاش لقلبه وحساس لذيذ اول مره يحسه بحياته


دخل لقى جاسم باسط السجاده ويصلي بعد ماخلص جاسم الصلاة التفت على فيصل

جاسم / ماشاء الله صاحي لصلاة ليه ماصحيتيني

فيصل / من قال ماصحيتك لكن مارضيت تقوم وش اسوي فيك نومك ثقيل ولا وبعد سهران مع الاطلال

جاسم اطلق تنهيده قويه طالعه من قلبه / اااااااااه ماني قادر اصبر على شوفتها او سماع صوتها مادري متى تحن علي وتسكن جداتي عندها


فيصل / هههههههههه تسكن جداتك ولا تسكنك انت

جاسم بعشق / الله يقرب البعيد شكلي بتزوجها غصب عنها اخاف من نفسي عليها اخاف اتهور واغلط معها لاني بالقوة ماسك نفسي لاوقع بالحرام معها معشم نفسي بالزواج والقرب بالحلال

فيصل بعصبيه / انتبه ياجاسم انت العاقل الكبير تقول هالكلام لا تخلي حبك يبعدك عن ربك

جاسم بنبرت حزن / ااااااه من الحب شوفني كيف صرت امشي مع الناس جسم بلا روح روحي عندها

فيصل بجديه / هند الفهد قويه ما تنغصب اذا ما خذتك برضاها مراح تنجبر عليك

جاسم / انا اغصبها وبطريقتي اذا اضطرتني

فيصل تذكر حاله مع غاده خاف تتطور العلاقه ويصير نسخه من اخوه


فيصل بنفسه / لا ماتوقع اني احبها هذي كسرت سيارتي يمكن اعجاب بقوتها اول مره يمرعلي بنت قويه ياترى وش ينتظرني منك ياغاده


فيصل / انا تعبان بنام على الساعه 10 صحيني بمر المعارض اشتري سياره

جاسم / صاحي سيارتك جديده وغاليه بتشتري غيرها وهي ما كملت شهر

فيصل وهو يبتسم يقول بنفسه / ماقصرت فيها الحيه غيرت ملامحها لو ابيعها ماتنباع بريالين
فديت اسمها المحفور بالباب

فيصل / سيارتي بعتها مارتحت لها

جاسم بعصبية / زوجه علشان ترتاح لها

فيصل / ههههههههههه صار تفكيرك بالحريم

جاسم بحب / فديتها الي الحريم مايجن ماطأ رجلها

فيصل / اوووووه يالعاشق المتيم كل هذا

جاسم / هذا ولا شي من الي بداخلي

دخل فيصل سريره ولحظات الا هو بسابع نومه

دخل جاسم في سريره وطيف هند قدامه

جاسم في نفسه / لو اعرف رقم جوالها كان ادور أي حجه علشان اسمع صوتها ويوم اتصلت علي من جوال اخوها فتح بوكه وطلع سلسالها وصار يشمه ويضمه ويغني بصوته الجميل

ذبحني الشوق بغيابك
وانا شوقـي بلا مقياس
وبعدك عني عذبني
وانا ماضل صبر فيني
تعال ورد لأحضاني وابعدني
حبيبي عن عـيون الناس
تعال وضمني في صدرك
وأحضني بحنانك حيل دفيني
وأدخل بعــــثر بروحي
وأمزجني مــــــــع الانفاس
وأسكن في وسط عيني
وقطـــــع فـــــي شراييني
غبت عني الف مره ؟
ومــع ذلك قلـت لاباس
وقلت بكره بيرجعـــلي
ينشف دمعي من عيني
وانا شوقي مثــــــل نسمه
حزينه عافها النسناس
وأتامل هبوب الريح
لأحضانك يــــــوديني
صرت مجنون بغيابك
وعقــلي صابه الوسواس
تعال ورد لي عقلي
ومــــن اجناني اشفــيني
كتبتك همسه فـــــي صدري
وسجنتك داخل الاحساس
و حولتك قصيدة حـــــــب
وأسكنتك دواوييـني
ورغم الطعون في صدري
لكـــن ماخضعت الراس
ولاعمري قلــــت مجروح
عنيد وأنـــــــت تدريني


صحى فيصل على صوت جاسم الحزين واوجعه قلبه على اخوه رفع نفسه وتسند على السرير

فيصل بحزن / لمتى ياجاسم قولي لمتى تكتوي بنارها وهي مادرت عنك والله حالتك تصعب على الكفار

جاسم / ...........

فيصل بعصبية / احسن لي اقوم طيرت النوم من عيني بروح للمعرض تخاويني منها تغير جو

جاسم / روح خلص اشغالك وخلني بحالي شويات وبنام لا تحاتيني ياخوي

فيصل هز راسه علامة الاستياء من حالت اخوه الي واضح عليه التعب

فيصل / على راحتك

دخل فيصل الحمام اخذ شور ولبس ثوب وغتره وطلع بسيارة جاسم متجه لصرافه بيصرف مبلغ محتاجه لان بوكه فاضي

دخل البطاقه بالصرافه تطلع رساله الرفض اعاد المحاوله اكثر من مره لكن نفس النتيجه وهو متاكد ان حسابه مليان ومبلغ كبير طلع بطاقته الثانيه ونفس المشكله فكر يمكن الصرافه عطلانه جرب بكذا صرافه لكن نفس النتيجه وهو محتاج للفلوس


فيصل في نفسه / مالي الا اروح للبنك قبل لا يسكر لان اليوم خميس يسكرون بدري

اتجه للبنك الي يتعامل معه وقف سيارته ونزل ودخل البنك متجه للعامل المسئول عن سحب المبالغ

فيصل / اخوي انا بسحب مبلغ والصرافات رافضه الطلب وقلت اجي اسحب كاش

الموظف / الاسم اخوي

فيصل / فيصل سعد ال ......

الموظف / اسف اخوي ارصدتك مجمده

فيصل بصراخ / على كيفكم تجمدونها

الموظف معصب / القرار جاي من فوق من الي اكبر مني ومنك اذا عندك مشكله روح لوزارة الماليه

فيصل جاء بيطلع ناده الموظف

الموظف / اخ فيصل

فيصل بعصبية / خير عندك شي ماقلته

الموظف / اخوي عندي ظرف مكتوب عليه يسلم لفيصل

اخذ فيصل الظرف وطلع من البنك وهو يشتعل غضب فتح الظرف لقاه نفس الظرف الي من غاده الي استلمه اليوم بس استبعد فكرة انه من غاده كان بالظرف ورقه قراه اانفجع وانصدم شي ماتوقعه ان يصير ولا 1%

كانت الرساله من غاده مكتوب

هذا ردي الثاني ردي على بوستك ليدي وانتظر ردي على مسكتك لها ومثل ما وعدك ردي سريع

فيصل بعصبية وصراخ / يا لمجنونه هذا كله على بوستي ليدك اجل لو تعمقت وبست شفايفك وش سويتي
صدق طلعتي حيه ملمسك ناعم وقرصتك والقبر ياترى وش ردك على مسكت يدك ماتوقع ان فيه اقوى من ردك على البوسه وش وراي انتظر

فيصل يبتسم / يحلوك يابنت العم طلعتي قويه وواصله تعجبيني خليك كذا محد يتجرا يلمس منك شعره

ماتدرين ان مع كل تصرف مجنون منك يزيد غلاك بقلبي لكن الحين وش اسوي فلوسي كلها مجمده من وين بصرف





في بيت عبدالرحمن
الساعه 8 الصباح


غاده ما نامت الا الساعه سبع الصباح بعد ما تطمنت ان هند نفذت لها الي تبيه ونامت وهي فرحانه تتمنى تشوف ردت فعل فيصل من الي بيصير


هند بعد ما نتهت من اتصالاتها نامت وصحت على اتصال من سوزان تقول لها ان يوم الاربعاء اخر الدوام اتصلت الشركه واجلت الموعد بسبب ظروف طارئة

طرت في باله فكره انها تزور جداتها ومدام التغى الموعد تنام عندهم لازم موافقت خالها وخالتها

طلعت من غرفتها وتركت غاده نايمه لانها عارفه انها ما نامت الا من ساعه لقت خالها وخالتها يسولفون بالصاله جلست عند خالها

هند / خالي الشركه الغت الموعد الي المفروض يصير اليوم

عبدالرحمن بستغراي / ماتدري وش اسبابهم

هند / مادري ماقالو

نوره / مالك نيه تفطرين

هند / بعد شوي ابيكم بموضوع

عبدالرحمن / قولي عساه خير

هند / بروح لام راشد وعدتها انام عندها ومدام اليوم فاضيه برجع بكره على العشاء

عبد الرحمن / ماقدر امنعك عن جدتك مالها ذنب بافعال ولدها وهي تجهل وجودكم الي اقدر اقوله لك انتبهي لنفسك

هند / افهم انك موافق

عبد الرحمن / ايه لكن بدون غاده لان غاده ما تدري عن شي واخاف من ردة فعلها لازم نعلمها بالتدريج


التفتت هند لخالتها وقالت / خاله اش رايك

نوره / جداتك لهن حق عليك

هند / سلمت على خالها وخالتها اجل الحين بكلمهم وبعزم نفسي للغداء عندهم

نوره / لا تنسين خذي هديا لجداتك ترى الهديه زينه

هند / وش اهدي لحرمه كبيره فديتك خالتي قومي بالمهمه بالنيابه

نوره / ان شاء الله بروح الحين علشان ما تتاخرين عن الناس

طلعت هند لغرفة خالد وخذت جواله

خالد / خير وش تبين بجوالي صاير معك اكثر منه معي

هند / ابي رقم جاسم

خالد / يالله صباح خير وش عندك

هند / عطني الرقم بلا تحقيق

اخذت هند الرقم واتصلت على جوال جاسم من تلفون البيت

طلعت نوره مع السواق وشترت هدايا لام راشد ولام موضي لان هند قالت لها عنها وجابت هديه لام جاسم بتوصيه من هند انها تكون ثمينه لان ام جاسم ادخلت بقلب هند





في بيت جاسم
الساعه 9 الصباح

اتصلت هند على جوال جاسم برقم البيت طالع برقم مارد ماله خلق لارقام غريبه لكن لما شاف اصرار الرقم على طول رد خاف شي ضروري


هند بجديه / الو جوال جاسم

جاسم عرف الصوت الي ذوبه وحرمه النوم

جاسم يتظاهر البرود/ هلا من معي

هند / هند الفهد

جاسم في نفسه / فديتك كانك داريه اني متعطش وميت على سماع صوتك

جاسم / أي خدمه

هند / من فضلك ممكن اكلم ام جاسم

جاسم انقهر نفسه تطول المكالمه يروي فيها حرمانه ويطفي فيها نيران قلبه

جاسم / سكري وبانزل بعد 5 دقائق اتصلي

هند / اوكيه ياله فمان الله

نزل جاسم تحت لقى امه بالمطبخ مد جواله لها

جاسم / يمه هند الفهد كلمت بجوالي تبيك


ما كمل كلامه الا الجوال يدق مده لامه وطلع لصاله عند جداته


هند / السلام خالتي كيفك

ام جاسم / وعليكم السلام الحمد لله بخير انتي بشريني عنك

هند / الحمدلله بخير اسفه على اتصالي بدري اخاف ازعجتك وصحيتك من النوم

ام جاسم بحب / لا حبيبتي جالسه مع جداتك نفطر

هند / شخبارهن

ام جاسم / الحمدلله يسالن عنك

هند / وانا علشان كذا متصله

ام جاسم / عسى خير يابنتي

هند بجدية / عازمه نفسي عندكم على الغداء اذا كان الوقت مناسب

ام جاسم بفرح / حياك الله

هند / وعازمه نفسي على النومه عندكم الليله

ام جاسم / الساعه المباركه الي بتنامين فيها عندنا ما تدرين اش كثر ذا الخبر بيفرحهن

هند / خلاص خاله بعد ساعه وانا عندكم اشوفك على خير

ام جاسم / بحفظ الله

قفلت ام جاسم من هند ودخلت الصاله عند خالتها وامها وجاسم

ام جاسم / يمه خاله ابشركم هند جايه للغداء

جاسم فز قلبه على طاريها وتشقق وناسها انها بتغداء عندهم

ام راشد / الله يحيها

ام جاسم / بعد بتنام الليله عندنا

هنا جاسم شوي يغمى عليه من المفاجئة كانها ليلة القدر البارح لما تمنى شوفت هند واليوم تحقق ماتمناه

جاسم يحاول يكون طبيعي / طيب وش بتغدونها

ام جاسم / مدري وانا امك روح صحي الجوهره تعرف بنات يمكن تعرف وش الي يناسبها

طلع جاسم لغرفة الجوهره لقاها توها طالعه من الحمام

جاسم بجديه / اتصلت هند الفهد على امي وتبي تتغداء عندنا

الجوهره وهي مو مستوعبه / من جدك

جاسم / ايه خلصيني انزلي تفاهمي مع امي عن الغداء المناسب لبنت الفهد مانبي نصير اقل منهم

الجوهره / اتوقع صعبه تذبح ذبيحه يمكن ما تحب اللحم والرز خلها سفره منوعه انا بقوم اجهز الي اقدر عليه مع الشغالات من صواني تنفع للغداء والي مالحق اسويه نطلبه من برا

جاسم / اوكيه انا موجود بالبيت متى ما بغيتو شي اتصلو علي

جاء بيطلع بعدين التفت على الجوهره

وقال / تراها بعد بتنام جهزي لها مكان يلقيق فيها هذي بنت قصور ودلع

الجوهره / يووووووووه طيب ليش امي ماعتذرت منها وقالت لها تجي يوم ثاني

جاسم / لا ياشيخه بتجي بعد ساعه

الجوهره / وش الحق عليه ابي اكشخ ولا اجهز اغراض الضيافه الله يهديها ماتعرف تكلم قبلها بيوم تحط عندنا خبر شكلي بكلم غاده واخليها توصل اعتذارنا لاختها بطريقه دبلوماسيه

جاسم معصب ماصدق تجيه الفرصه اطيرها الخبله منه

جاسم بعصبيه / اعتذري علشان اكسر اصابيعك الي اتصلتي فيها مابقى الا تحرجين امي مع البنت

الجوهره مستغربه من اهتمام جاسم لهند عمره مهتم بزيارات النسائيه


الجوهره / فيه سؤال يقرقع بقلبي ودي اسئلك

جاسم / خليه بقلبك وكملي شغلك يله انا طالع لغرفتي

الجوهره بنفسها / اقص يدي جاسم يحب هند كيف وشلون متشوقه اشوف وجهها اخر مره لما جتنا كانت متغطيه ياليت غدويه تجي معها لكن اكيد ماقالو لها عنا متى تدري اني بنت عمك




في بيت عبد الرحمن
الساعه 10 الصباح


هند بغرفتها تجهز اغراضها الي تحتاجها في بيت ام جاسم من ملابسها ولاب وتوبها واوراق خاصه لشغل

اول ماخلصت صحت غاده علشان تحط عندها خبر انها مسافره بشغل وتجي بكره باليل

هند / غدويه حبيبتي اصحي

غاده رفعت راسها / ماماتي تعبانه بنام

هند / غدويه بحط عندك خبر الحين مسافره بشغل وبكره بالليل بكون موجده اذا فيه شي ضروري اتصلي على جوالي

غاده / طيب يله بنام

هند / باست غاده على خدها يله انتبهي لنفسك

طلعت من الغرفه لصاله مافيها احد طلعت لغرفة نوره بتاخذ الهدايا طقت الباب فتحت نوره عطتها اكياس الهديا وكل هديه كيستها لون ام جاسم كيس الهديه بالون الاحمر وام راشد اخضر وام موضي بنفسجي

نوره / هنوده حبيتي لونت لك الاكياس علشان ما تخربطين

هند باست نوره على راسها / تسلمين يالغاليه انتبهي لغاده باليل لجت تنام

نوره / ان شاء الله بنام عندها تطمني

هند / فديتك يالغاليه

نوره / يله لا تتاخرين عن الناس

نزلت هند وطلعت وركبت السياره مع عمران



يتبع







في بيت ام جاسم
الساعه 10 الصباح


دخل جاسم بغرفته لقى فيصل بالغرفه منسدح على السرير يفكر

جاسم / فيصل هند بتجي عندنا وبتنام

فيصل / معها غاده اختها

جاسم / لا ماظن اتوقع للحين مخبين عنها يخافون انها تنهار

فيصل بقلبه / هذي تنهار هذي تسبب انهيار

جاسم / فيصل احسك منت بطبيعي

فيصل / الظاهر المرض الي صابك صابني

جاسم / أي مرض الحمدلله ماني بمريض

فيصل / مرضك الي مايخليك تنام ويفز قلبك لانذكر اسمها

جاسم / هههههههههه من ضحك ابتلى يعني حبيت

فيصل / ايه شربت من نفس الكاس

جاسم / بسرعه قولي شلون وكيف عرفتها

فيصل / قال لجاسم كل الي صار من يوم عند الدرج يوم كشف نقابها لين ما تجمد حسابه

جاسم / ههههههههههه تستاهل والله قويات بنات العم جابن روسنا شكل محكوم علينا بالعذاب والحرمان

فيصل بحب / لا تقول حرمان ما تخيل اعيش بدونها يا جاسم هذي حيتي

جاسم / ههههههههه تمدحها وتقول حيه

فيصل يبتسم / هي الي كانت لابسه جلد حيه وتقول انا حيه ملمسي ناعم بس قرصتي والقبر

جاسم / هههههههه تربيت هند الي عذبت اخوك وصار مجنونها

فيصل / القهر اختها تكسر يدي وهي تكسر سيارتي بس على الي سوته وربي ينتفض قلبي لما اذكر شوفتها احساس لذيد احس فيه وانا اشوف طيفها قدامي

جاسم بوجع / ليه يا فيصل ما يكفي انا اتعذب وانحرم تجي انت وتتعذب معي حاول ياخوي تتراجع مدامك توك بالبدايه

فيصل / انت جربت تنساها ما قدرت وانت القوي

جاسم / الله يصبرنا

سمع جاسم صوت جرس الباب وعلى طول طار لشباك شافها شاف روحه الي سلبت منه النوم وهي محمله باغراض واكياس ياله تشيلهم




تحت


فتحت الشغاله الباب وساعدت هند بشيل بعض اغراضها وحطتهم بغرفة نوم الضيوف دخلت داخل لقت ام جاسم والجوهره واقفات عند باب المدخل


ام جاسم / ياله حيها

دخلو بالصاله وطلبت ام جاسم من هند تعطيها عباتها وافقت هند


ام جاسم / حبيبتي شيلي نقابك محد بيدخل من عيالي

هند / ان شاء الله بس ياليت ياخاله تعطيني جلال ونقابي بيدي مابي احكر عيالك

ام جاسم / اغراضك بغرفة نوم الضيوف علشان تاخذين راحتك فيها

الجوهره / مراح تاخذين راحتك لاني بكون معك يابنت العم

هند / عادي وياليت تنامين بحضني متعوده على غدويه صار ما يجيني نوم الا وهي جنبي

الجوهره / ولا يهمك انا محتاجه حنان امي لها ايام مشغوله عني وصارت تنام بحض امها

هند / هههههههههههههههه ولا يهمك بسلفك حضني الليله


الجوهره متحمسه تشوف شكل هند بتشوف تشبه غاده او احلى


هند كانت لابسه فستان ناعم بنفسجي محروق وكالعاده بدون مكياج وشعرها لامته بشباصه بنفسجيه والجزمه واطيه صندل بنفسجي ولابسه حلق ناعم الماس بنفسجي


كشفت هند واخذت ام جاسم عباتها وجابت لها جلال انبهرت الجوهره وصنمت قدام جمال هند الطبيعي من غير ماتحط ولا ذرة مكياج


اول ماجلست هند على الكنبه شالت الشباصه وطاح شعرها الي كانه شلال حوليها ونزل نصه على الكنب

جلست الجوهره تقرأ بداخلها على هند خايفه عليها منها

الجوهره في نفسها / سبحان من خلقها عمري ما شفت بجمالها على جمال غاده ولا شي عند هند وينهن بنات خالتي لشافن هند والله لاطير عقولهن


طلعت الجوهره فوق وهي طالعه قابلت جاسم بوجهها انصدم من شكل الجوهره كانها مسبهه

جاسم / الجوهره وش فيك صاير تحت شي

الجوهره / هااااااه ايه لا

جاسم / هههههههه من جد شكلك خبله

الجوهره / من الي شفته تسبهت وعرقت وحراره وصلت الاربعين

جاسم بجديه / خير وش ذا الي قالب حالتك

الجوهره / شوفت بنت عمك سلبت عقلي وانا بنت شلون لو شافها رجال هذي خطر عليهم



جاسم يضحك في نفسه / تقولين عن شوفتها ااااه لو تدرين وش سوت شوفتها باخوك سلبت عقله وفوقه قلبه وروحه وصار بيني وبين الجنون شعره بسبتها ياليتها تحن علي


الجوهره / تصدق جاسم خفت اصكها بعين قعدت اقرا عليها بنفسي والمشكله بدون مكياج شلون لو حطت

جاسم في نفسه / بسم الله عليها الله يحفظها ويخليها لي المكياج لغيرها هي ماتحتاجه

الجوهره / يا حبي له بتنومني بحضنها الليله وناسه

جاسم بغيره / شنو وش كبرك تنامين بحضنها استحي

الجوهره / والله هي الي عزمتني وقالت انها متعوده ما تنام الا غاده بحضنها وانا الليله بديله لغاده


جاسم في نفسه / متى يجي اليوم الي تنام بحضني اااااااه انا الي ميت على حضنها وضمها يهنيالك يالجوهره بحضن حبيبتي

الجوهره / تاخرت عنهم يويلي من امي

انزلت الجوهره من الدرج وجاسم واقف بخاطره يشوفها يرتوي من شوفتهاهند جالسه بوسط جدتها ام راشد وجدتها ام موضي كانت جالسه بوجه الدرج

وجاسم وقف بحيث يتمكن من شوفتها ويراقب حركتها وسوالفها وطريقة كلامها اول ماشافها خفق قلبه بقووووووه حس من قو خفقانه وصل صوته لعندهم

التهمها بنظراته يبي يحفظ صورتها بذاكرته ومع كل نظره يزاد عشق وحب وغرام فيها يحاول انه يلقى شي يكرهها فيه لكن زاده حب فيها اكثر واكثر كل مره يشوفها تكون احلى من المره الي قبلها كانها من كوكب ثاني

جلس يتامل شعرها البني الطويل الناعم الي يعشقه وجسمها الفاتن وشفايفها الشهيه الي ما قدر على مقاومتها وهي مريضه بين يديه وصدرها المغري

كلها على بعضها صعبه على أي رجل بكامل الرجوله ان يقف بدون ما يذوق من رحيقها لان كل ما فيها ينادي

فكيف بجاسم العاشق الولهان المتيم ما قدر يستمر كثير با لمراقبه لان كل فصول السنه مر فيها خلال دقائق


دخل غرفته وحالته صعبه لقى فيصل جالس يلبس لبس الشغل عنده رحله على الساعه 12 الظهر

فيصل بحزن / اكيد شفتها لان واضح عليك من التعب الي بوجهك خف على نفسك من مراقبتها

جاسم / ............

فيصل / جاسم انا طالع عندي رحله الحين بغيب سبوع

جاسم / تروح وترجع بالسلامه

طلع فيصل من الدرج الخارجي علشان ما يكشف الي بالصاله

طلع من البيت ركب سيارة اخوه جاسم بيوقفها بالمطار ويجي جاسم مع السواق وياخذها

وصل فيصل المطار وحس فيه شي غريب وان فيه نظرات غير معروفه اطارده وصل عند رئيسه علشان يستعلم عن موعد الرحله

فيصل / ابو عبدالله متى موعد رحلتي لسنغافور

ابو عبدالله / للاسف احب ابلغك انك موقف عن العمل

فيصل / نعم اش قلت ماسمعت

ابو عبدالله / جانا امر بتوقيفك عن العمل

فيصل بعصبية / وليه ان شاء الله

ابو عبدالله / الامر جاي من مدير الخطوط السعوديه وجانا باسمك الكامل

فيصل بصراخ / ابي اعرف السبب

ابو عبدالله / للاسف اجهل الاسباب لكن عندي ظرف جابه مسئول جاي من مكتب المدير خذه يمكن ذاكر السبب

حس فيصل ان غاده ورى السالفه استلم الظرف وركب السياره وفتح الظرف وصدق توقعه طلع من غاده قرا الورقه

هههههههههه ماطولت عليك بردي الاخير وتوقيفك من الشغل ثمن ماسكك ليدي وش رايك احسن الافعال والا الاقوال وياليت تتذكر الي سويته فيك قبل لا تقرب من غاده الفهد

وش رايك صدقت بكلامي اني حيه ملمسي ناعم وقرصتي والقبر

ملاحظه / اذا اعترفت بقو جريمتك وتبت وعزمت ما تعيدها انت ادل بيت اهلي تعال اخطبني


فيصل فتح عيونه بقوه وقفلهم مو مصدق كلمة اخطبني اكيد بحلم ما مامداه يفرح


غاده / ههههههههههههه اسفه غلط مطبعي مو اخطبني قصدي تعتذر عن تصرفتك بطريقه غير مباشره انك تطلب من الجوهره تزورني اذا زارتني اعرف انك تعتذر واذا قبلت اعتذارك كل الي صار لك اليوم بيلغي وبعد بيعتذرون منك ويدورون رضاك سي يوووووووو

فيصل / فديتك والله فرحتيني بغى يوقف قلبي من الفرحه لما قلتي اخطبني طلعتي تستخفين دمك

والله ما تتزوجين غيري وانا ولد ابوي دخلتي مخ وقلب فيصل مستحيل افرط فيك انا سنين وانا ادور عن الحب ولقيته صعب افرط فيه بسهوله مستعد احارب العالم لعيونك وان رفضتيني اخطفك ماهمني احد


طلع من المطار راجع للبيت دخل البيت وطلع فوق من الدرج الخلفي دخل لقى جاسم مثل ماتركه

فيصل / السلام

جاسم التفت مستغرب ان فيصل راجع ولا سافر

جاسم / ليش جيت ماسافرت

فيصل وهو يبتسم / بركات بنت العم

جاسم / لا تقول اطردوك بسبتها

فيصل / ههههههههه ايه ثمن مسكت يدها شلون لو تعمقت معها ودخلت بالعميق وش سوت

جاسم / هههههههههه بنت هند انا احسن منك كل شوفاتي مسروقه ولا كان من زمان بقبري

فيصل / تدري على فعايلها فيني احسني مبسوط منها هذي حيتي بعد قلبي ماحد يقرب منها الا قرصته

جاسم / اجل ذا غاده حيه اجل هند شنو

فيصل / هههههههههههه مانسيت شلون بحركه سريعه كسرت يدي مرأه حديديه هتلر

جاسم بحب / بعد قلبي من ذاك اليوم وهي مالكه قلبي وعقلي وروحي قوتها واسلوبها وجرائتها شي عجيب

فيصل معصب / مبسوط انها كسرتني

جاسم بهيام / فداها تكسرك وتقطعك بعد

فيصل / يقليل الخاتمه تبيع اخوك علشان بنت

جاسم / وابيع نفسي علشانها بس تحن وترضى علي

فيصل / انها تحن وترضى غني ياليل ماطولك

جاسم / الله كريم




تحت
وقت الغداء

تغدت مع جداتها وام جاسم والجوهره بغرفة الطعام وكان الاكل مالذ وطاب اكلت هند وعجبها الاكل وجاسم وفيصل تغدو بالصاله الي فوق


هند خلصت الغداء وقامت تغسل وجت عندهم

هند / تسلمين خالتي على الغداء الحلو اول مره اكل بهالكثر

ام جاسم / جعله صحه وعافيه ماكلتي شي وانا امك

هند / بعد اكثر من الي اكلته





بيت عبدالرحمن
الساعه 12 الظهر


قامت غاده من نومها التفتت حولها مالقت هند عرفت انها ماكانت تحلم لما قالت بتسافر

دخلت الحمام خذت شور لبست فستان بيتي ناعم لونه زيتي وطلعت بالصاله لقت نوره وعبدالرحمن جالسين يسولفون ومحمد وخالد بغرفتهم

غاده / صباح الخير على الحلوين

نوره / قول مساء الخير شوفي كم الساعه

راحت عند خالها وخالتها وباست روسهم

عبدالرحمن / ان شاء الله انبسطتي بالعزيمه امس

غاده وهي تتذكر فيصل / كثير خالي

نوره / ناس طيبين

غاده / خالتو افطرتو ولا باقي

عبدالرحمن / هههههههه ننتظر الغداء وانتي تسالين عن الفطور

نوره / روحي وانا امك فطورك جاهز افطري والغدا خليه العصر

غاده / فديتك ويلوموني فيك اني احبك

نوره / هههههههههه ماخليتي احد الا قلتي له هالكلمه خلي العياره عنك

قامت من عندهم ودخلت للمطبخ اخذت فطورها وطلعت لغرفة الطعام

افطرت وخلصت فطورها وطلعت فوق لغرفة اخوانها طقت الباب سمعت صوت خالد يسمح لها بالدخول

غاده / خلودي حبيبي ابي المكتبه والسوق

خالد / وش ذا الطمع اختاري واحده منهم واوديك لها

غاده / انت كريم وانا استاهل

خالد / غلبتيني متى تبين تروحين

غاده / بعد المغرب اصلن مراح اطول بالمكتبه ولا بالسوق

خالد / وش عندك بالسوق مافيه مناسبه ولا كثيره طالعاتك

غاده / بهدي هديه لماماتي متفقه مع صديقاتي يوم الاثنين بنهدي امهاتنا

خالد / وش المناسبه للهديه

غاده / من غير مناسبه رد للجميل

خالد / انفع انضم لكم واشتري هديه لامي

غاده بحزن / خالد عندك صوره لمي ساره متشوقه اشوفها ماماتي مو راضي اني اشوف صورتها وكل ما سالتها قالت ماعندي لها صور

خالد اعتصر قلبه على غاده لانها انحرمت من امها ولا شافتها وهند رافضه انها اطلع صور امها علشان ماترجع لها المواجع

خالد قرب من غاده وضمها بقوه وغاده كانها ما صدقت جلست تبكي وهم على حالتهم طلع محمد من الحمام وخاف من شكلهم

محمد بخوف / غاده خالد وش صاير امي وابوي وهند فيهم شي

غاده وخالد على حالهم / ..............

محمد خاف اكثر / خوفتوني وش له داعي كل البكاء

غاده رفعت راسها من صدر خالد وطالعت محمد بعيون كلها دموع


غاده / حمود ابي اشوف صوره لامي ساره ليش رافضين اني اشوف صورتها ما يكفي اني ماعشت معها

محمد سحبها من حضن خالد محمد / غدويه لو تدري هند انك تبكين علشان امك ساره يمكن تحس بذنب وتشك انها مقصره تجاهك كلنا نشهد ان هند ما قصرت معك معتبرتك بنتها مراح تستفيدين بصوره امك ساره الي عليك اتسوينه لامك تدعين لها وتبرين بامك هند غاده الام ماهي الي تولد الام الي تربي قومي وانا اخوك غسلي وجهك دمعتك غاليه علينا انتي اختنا الدلوعه الموت اهون علينا من دموعك

غاده بحزن / ان شاء الله

طلعت غاده من غرفة اخونها وبوجهها نوره كانت بتدخل تنادي عيالها على الغداء تروعت من شكل غاده
ماحبت تساله قالت اكيد اخوانها عندهم خبر

دخلت نوره على عيالها وشافتهم متاثرين عرفت انهم يدرون عن الي صاير لغاده

نوره / خالد محمد وش صاير لختكم شفتها وجهها احمر ودموعها على خدها عمري ماشفت غاده بالشكل

خالد بحزن / يمه تسالنا عن امها ساره وتبي صورتها وانتي تعرفين راي هند بالموضوع

نوره بصدمه / شنووووو وش عندها غاده تذكرت ساره كلنا نعرف ان هند قايمه بدور الام بامانه عمرها ماحسستها انها اختها يكفيها انه رافضه الزواج علشانها ورافضة ان غاده تناديها باسمها من كانت صغيره

محمد / كلنا دارين انا مثلك يالغاليه مستغرب من غاده عمرها محسستنا ان لها ام غير هند

نوره / ياقلبي ياهند لو تدري بحال غاده وربي بتلوم نفسها

خالد / لا تدري هند انا بطلع مع غاده السوق مراح ارجع الا لما توسع صدرها

نوره / زين تسوي وانا امك وانا مراح ادخل عليها بخليها تفضي الي بصدرها يمكن ترتاح وانت العصر طلعها وغدها برا اعرفها تحب المطاعم

خالد بحب / باس راس امه الله لا يحرمنا منك يالغاليه




في بيت ابو نواف
الساعه 12 الظهر


دخل نواف الصاله كان جاي من المستشفى لقى امه جالسه تتكلم نجلاء في التلفون التفتت على ولدها وقفلت المكالمه قرب نواف من امه وباس راسها


نواف / شخبارك يالغاليه

ام نواف / الحمد لله بخير انت شلونك واخبار مستشفاك

نواف / الحمدلله وابشرك جاسم داوم

ام نواف / الحمدلله رجع له عقله

نواف / يالغاليه يوم السبت بتروحين معنا لبيت جاسم ولا تخلينها خطبه رجال

ام نواف / ابوك رافض يقول تجون بالملكه وهذي الزياره خطبه وشوفه شرعيه

نواف / يمه لازم الشوفه الشرعيه خليها للملكه

ام نواف / اخبر البنت الي تخاف من الشوفه الشرعيه مو الولد لازم وانا امك تشوفها يمكن ماتجوز لك وبعدين تتوهق

نواف / اذا تشبه جاسم مراح اتوهق بتصير حلوه


ام نواف / ههههههههه ماكل بنت تشبه اخوها ولا كل اخو يشبه اخته

نواف خاف صدق يكون تورط وتكون شينه وهو اصلن ما اقدم على الزواج الا علشان يرضي امه ويناسب جاسم

نواف / يصير خير ان شاء الله طيب اجيب هديه لها تراني ماعرف بالسوالف

ام نواف / الهديه خلها بالملكه

نواف / ملكتي ابيها بعد اسبوع من زيارتنا لهم وياليت الزوج بسرعه بعد شهر باجازة الربيع


ام نواف / ان شاء الله بنشوف بس مافيه وقت انها تتجهز ولا يمدينا

نواف / يمه ان شاء الله يمدي لشديتو حيلكم

ام نواف / الله يوفقك ويفرحني فيك واعيش واشوف عيالك

نوامين / الله يطول بعمرك يالغاليه




بيت ام جاسم
بعد الغداء

هند تسوالف مع ام جاسم وجداتها بالصاله بدت تتاقلم معهن طلبت هند من الجوهره تجيب الاكياس الملون

هند عطت جدتها ام راشد كيس / هذي هديه لك جده مني علشان تذكريني فيها

ومدت كيس لجدتها ام موضي / وهذي لك جده انا ماعرف وش يعجبكم جبت على ذوقي

ومدت كيس لام جاسم / وهذي لك ياخاله يشهد علي ربي لك مكانه بقلبي

ام جاسم / تسلمين يابنتي ليه الكلافه شوفتك هديه لنا وفرحتنا بجيتك فوق ما تتصورين

هند / تسلمين خالتي

طلعت ام جاسم والجدات يريحن بعد الغداء

بقى بالصاله الجوهره وهند

الجوهره / هند تبين تروحين للغرفة تريحن بعد الغداء

هند / لا بجلس الا اذا تبين تنامين

الجوهره / لا مافيني نوم

هند / جاسم وفيصل وينهم

الجوهره / في غرفتهم

هند / اذا معليك امر تنادين جاسم ابيه بموضوع ضروري وجيبي بطريقك الاب توب حقي

الجوهره / ان شاء الله

جابت لهند الاب توب و طلعت فوق ودخلت غرفة اخوانها لقت جاسم مسرح ومتكي على السرير وفيصل جالس على المكتب فاتح النت


الجوهره / جاسم انزل تحت

جاسم مستغرب / خير وش ينزلني والبنت تحت

الجوهره / هند طالبتك بالاسم تبيك ضروري

جاسم فز قلبه وحس بحراره بجسمه حبيبته طالبته بالاسم تبي تشوفيه يمكن تحبني يارب يكون صح الي افكر فيه


جاسم يخفي انفعالاته ويحاول يكون طبيعي / زين انزلي وشويات اجي وراك

طلعت الجوهره من الغرفة ونزلت تحت عند هند


جاسم / فيصل سمعت الي سمعته هند طالبه تشوفني

فيصل / ايه سمعت روح لها هذا يوم المنى عندك

دخل جاسم الحمام ياخذ شور وتكشخ كانه معرس

فيصل بسخريه / وش ذا الكشخه على هونك الي يشوفك يقول هند بتخطبك

جاسم بتوتر/ الله يسمع منك فيصل شكلي حلو

فيصل / ايه انا بنزل معك اخاف تتهور مع بنت العم صاير ما تنضمن

جاسم بقلق / أي والله انزل معي ما ضمن نفسه اخاف اطير لحضنها

فيصل / يا مثبت العقل والدين ثبت عقل جاسم

جاسم بعصبية / خلص لا تاخرني احس بنفضه بجسمي

فيصل / من يصدق الي قدامي جاسم الهيبه والرزه والثقل قلبتك بنت

جاسم / انت جاي عليك الدور

فيصل تذكر غاده وابتسم / الا وقعت محدن سمى علي والله بدت اكتوي بنار بنت عمك

جاسم / ههههههه الظاهر نهايتنا على ايدين بنات عمك




تحت


هند لبست نقابها والجلال وتسترت واخذت الاب توب والجوهره بالمطبخ تجهز الشاهي على طلب هند

بعد ربع ساعه جاء جاسم ومعه فيصل وهند كانت مندمجه بالاب توب

جاسم / السلام

رفعت عيونه من الاب توب / وعليكم السلام كيفك جاسم

جاسم في نفسه / تسالين عن كيفي والله ماني بخير بسبتك

جاسم / الحمدلله كيفك انتي

هند / الحمد لله بخير عمر الشقي بقي

جاسم في نفسه / بسم الله جعل يومي قبل يومك ياروح جاسم


التفتت هند لفيصل وشافت الجبس على يده وتذكرت انها السبب

هند بقوة / فيصل عظمك طري بسرعه انكسرت

فيصل بزعل / الا اليد الي مسكتني حديديه تقول مرزبه

هند / هههههههه مرزبه مره وحده اذكر ربك


دورو جاسم ما تلقونه داخ وذاب من صوت ضحكتها على طول على اقرب كنب جلس


هند التفتت على جاسم

هند بجدية / جاسم انا طلبتك ابيك بخدمه واكون لك مشكوره

دخلت الجوهره ومعها الشاهي

الجوهره / تفضلي الشاهي

هند بحب / تعالي جنبي انتي بمكان غاده

فيصل انتفض على ذكر اسمها قال في نفسه/ فديت الاسم وطاريه

جلست الجوهره جنب هند و حطت يدها وراء ظهر الجوهره

جاسم في نفسه / والله كثير علي الي اشوفه تضمين الجوهره وانا الي محتاج لضمتك ولحضنك ليش جالسه بنقابك تحرميني امتع نظري بشوفتك ااااه لو تدرين اني شبعان من وجهك واسرق شوفته وش بتسوين

قطعت عليه تفكيره هند / مارديت علي

جاسم انتبه على نفسه / تامرين شنو طلبك

هند والاب توب بحضنها وعيونها فيه وصابعها تضغط على ازراره

هند / عندي موظف اسمه مرزوق رجال كبير بالعمر على قد حاله ولا يقدر على السفر برا للعلاج فيه مرض بقلبه ياليت تصير انت طبيبه

جاسم / حاضرين لكن لازم اشوف كشوفاته وقدر اقرر

هند بجديه / عندي تقاريره حافظتها بالاب توب قرب علشان تشوفها

جاسم في نفسه / مجنونه تبيني اقرب منك وش ناويه عليه يا هند ما تدرين اني اضعف لشفتك ومن بعيد تبيني اقرب


فيصل عرف الي في بال اخوه طلب من الجوهره تعطي الاب توب لجاسم


جاسم في نفسه ممتن لفيصل انه حماه من الي كان بيصير متاكد ان قربها يخليه يسكر ولا يكون مسئول عن تصرفاته

جاسم اخد الاب توب مبسوط ان اصابعه تجي بمكان حطت هند اصابعها عليه كان نفسه ياخذ الاب توب ويضمه لانه كان بحضنها وبين يدينها

جاسم يقرا التقارير الي قدامه بتمعن

جاسم / يلزمه عمليه بسرعه قبل لا تدهور حالته

هند بخوف / طيب التكاليف كلها علي اهم شي يقوم بالسلامه اهله محتاجينه

جاسم في نفسه / اه ياهند حنانك مغطي الجميع يوصل لعندي ويوقف ليه والله اني محتاجه تكفين حني علي

جاسم / من السبت لو كان مستعد نفسيا للعمليه


هند / الاحد العمليه ان شاء الله لازم اتكلم معه السبت بخصوص العمليه ولازم امن اهله بكل شي بغيابه عنهم



فيصل في نفسه / كل ها لقلب والحنان والتواضع تفكرين بموظف فقير تنقلبين قاسيه قدام ابوك وش الانقلاب ياليت تحسين بالضعيف الي قلبتي حاله وترحمينه


دق جوال هند وكان المتصل غاده

هند / صح النوم

غاده / ماماتي وينك فيه شلون تخليني

هند / يا عيون ماماتك انتي الي ما شاء الله عليك مانمتي الا الساعه سبع قومتك ماقمتي


فيصل في نفسه / اكيد مانامت من التخطيط والتنفيذ وتدمير فيصل بس انا وراك يابنت العم

غاده / متى تجين من السفر ماماتي

هند / بكره ان شاء الله انتبهي على نفسك تغديتي اليوم

غاده / ايه ماماتي انتبهي على نفسك انا كبيره

هند / بتبقين بعين ماماتك بيبي لين تتزوجين ترى الليله بتنامين بحضن خالتي موصيتها عليك


جاسم بنفسه / فديتك يابعد روح وقلب جاسم ان شاء الله تصيرين ام لعيالي


فيصل في نفسه / اه ياغاده طاريك واسمك يسوي فيني البلاوي

قفلت هند من غاده تتكلم مع الجوهره وفيصل وجاسم مستمعين كلن بعالمه

هند / فديتها غدويه ما تنام الا بحضني ولايجيها النوم الا لما امسح على

الجوهره / ليش ماجبتيها معك


هند / انا قايله لها اني مسافره ماقلت لها عنكم بعد الاختبارات ان شاء الله اقول لها
والبارح كانت معزومه ماجت الا متاخر



وفيصل بنفسه / يويلي على البارح من بعد البارح وانا منقلب حالي ياليته ينعاد ترد لعيوني شوفها


الجوهره ساكته ما قالت ان غاده صديقتها ولا قالت انها كانت عندها البارح لانها مستحية من الكلام الي قالته الريم بحق هند وخايفه انه وصل لها وهي تعرف غاده ماتخبي شي عن امها وخايفه هذا ياثر على علاقتها فيهم

هند / جوهره ممكن ادلنيني على الغرفه الي فيها اغراضي

قامت الجوهره ولحقتها هند وقربت من جاسم بتاخذ لاب توبها

وجاسم بعالم غير العالم

هند / جاسم لو سمحت الاب توب بكمل شغلي

مد جاسم الاب توب مسكت هند يده بالغلط الي كانت تحت الاب توب تكهرب من لمستها وحس بحراره باطرافه اخذت منه الاب توب مادرت انها تركت ورها كتله منصهره بسبتها

دخلت هند الغرفه الي بتنام فيها شالت نقابها وفتحت شنطتها وطلعت بجامه قطنيه احمر فيها صور دباديب


يتبع








في شقة راشد
العصر


موضي جالسه منقهره من العيشه الي عايشتها بالشقه المتواضعه وهي متعوده على سكن القصور

موضي بحقد / وش ناوي مع هند

راشد / للحين ما فضيت لها

موضي بحقد / لازم تحرق دمها مثل ماحرقت دمك

راشد / شلون

موضي / ارسل لها رسالة تهديد وتخويف علشان ما ترتاح

راشد / ماعندي رقم جوالها

موضي / ارسل الرساله على رقم جاسم اكيد يتقرب لها طمعان بفلوسها

راشد كتب الرساله وارسلها لجوال راشد





بيت ام جاسم
4 العصر

جاسم بصاله مع فيصل وجتهم الجوهره علشان تخلي هند تاخذ راحتهاوصلت رساله لجوال جاسم انصدم وهو يقراها جاسم عصب من الرساله وخذ الجوال وحذفه على الجدار تكسر جواله الى قطع الكل انصدم من عصبيت جاسم المفاجئة جلس يصارخ


جاسم بصراخ / لهدرجه حقارته وش ناوي عليه ما كفاه الي سواه

فيصل / خير من وين الرساله

الجوهره بخوف / هدي اعصابك ياخوي شوف وجهك شلون اخاف يجيك شي من العصبيه

جاسم / اااااااااااااااااااه يالجوهره

الجوهره بخوغ / فيني الاااااااااه ولا فيك

فيصل / من وين الرساله

جاسم / من عمك وخالتك

فيصل مستغرب / وش ذكرهم فينا

جاسم بوجع / عمك يهدد ويتوعد ويبيني اوصل تهديده لهند

فيصل / وش ماسك على هند خله عنك

جاسم بحزن / يقول برسالته اني اوصل لها مثل ماطردته من بيته ورضت انه يعيش بشقه مفروشه والله لا ينتقم منها وتنتظر رد راشد

فيصل بعصبية / انجن عمك نسى انهم بناته

الجوهره بكره / من السوسه الي وراه هي الي مقويه قلبه على بناته

هند لما سمعت صراخ جاسم خافت على طول لبست نقابها وجت ركضت وسمعت الكلام


هند بصراخ الكل التفت لها / قوله وصلت الرساله واعلى مافي خيله يركبه انا هند الفهد ابوي دفنته يوم اجرم بحق امي وفضل الفلوس علينا الكل تعاطف مع هند الي واضح انها منهاره لكن تكابر


هند عرفت انهم متعاطفين معها قربت منهم وجلست على الكنب وهي تكتم حزنها حاولت تغير من الجو الكئيب


هند بحزن تحاول تخفيه / الجوهره وش رايك نشوي بالحديقه مدام الجو حلو


جاسم في نفسه / يويلك من ربي ياعمي الي تسويه فيها اجرمت بحقها لمتى حبك للفلوس يخليك ادوس عليها ماتراعي احساسها اااااااااه ياروح جاسم والله حاس فيك وانك تكابرين وتحترقين من لداخل



الجوهره وهي تحاول تكون طبيعيه وهي ماخفى عنها حزن هند وانها تكابر


الجوهره / ايه يابنت العم والشوي عليك لاني بصراحه ماعرف اشوي

هند تضحك بغصه / ههههههه الشوي على الشباب لاني ما عرف


فيصل وجاسم / حاضرين


التفتت هند لفيصل وبمراره وحزن واضح على صوتها


هند بحزن / فيصل للحين حاقد علي بسبب الكسر فيصل تراني ماني شرانيه لكن اذا انفعلت تصرفاتي تصير غير مسئوله


فيصل حس باسلوب الالم والمرار بكلامها

فيصل بابتسامه / صراحه حقدت عليك ونفسي اعرف كيف طحت لاني محسيت بنفسي الا وانا طايح

هند / هههههههههههههه بقلبك للحين تبيني اعيدها مستعده

فيصل / لا ولي يرحم والديك عندك جاسم

هند / لا جاسم حبوب ما يستاهل


جاسم كانه ملك الدنيا بكلمت حبوب الي قالتها ما يدري انها قالتها عاديه بدون احساس

هند / اسمحو لي بدخل داخل عندي شغل بكمله

راحت هند من عندهم للغرفه الي كانت فيها وهي تعتصر الم وحرقه


الجوهره بحقد / ياويله من ربي عمك متاكده انها دخلت تبكي


فيصل باسى وحزن / عم بلا به الله سود وجهينا عند الناس الكل حاط فكره شينه عنا وانا نشبهه

جاسم / مدري وش يدور براس عمك

الجوهره بكره / الي مافيه خير لامه وجاحدها توقع منه أي شي وهذا عمك وخالتك


هند دخلت الغرفه لكن عكس ما توقعو ما بكت لانها خافت احد يدخل ويشوف دموعها واغلى ماعندها دمعتها


اخذت جوالها واتصلت على فهد تطمنت عليه وكلمت خالتها نوره تطمنت على غاده وتصلت على خالد وتطمنت عليه وخالد شاك ان فيها شي لكن انكرت ماحب يضعط عليها


ام جاسم صحت من النوم ودخلت الصاله شافت عيالها متضايقين وهند ماهي معهم

ام جاسم / وش فيكم وجيهكم مقلوبه

جاسم / مافينا شي

الجوهره بتسرع / الا فينا شي

فيصل بصراخ / الجووووووهره

الجوهره / سكتنا

ام جاسم / هند وينها

فيصل / بالغرفة ترتاح

ام جاسم بعصبية / قولو وش خاشين عني

الكل / ............

ام جاسم خافت صرخت / قولو وش صاير

الجوهره / حكت لامها كل شي صار

ام جاسم منقهره وحزينه على حال هند / حسبي الله عليهم عمك شوره من موضي الي ما تخاف الله قسته على امه والحين على عياله وش ناوين يسونه بالضعيفه الي ذنبها الوحيد انها بنته جلست تبكي من قلب على حال هند وختها غاده

ام جاسم بحزن / روحي ناديها مو زين تجلس لحالها هي تضيفتنا الله يسود وجه راشد مثل ماسود وجهينا معها

قامت الجوهره ودخلت الغرفه الي فيها هند لقتها تبدل بجامتها بفستان ناعم وردي وطالعه خيال

الجوهره / ما شاء الله وش هالجمال احمدي ربك اني ماني برجال كان خطفتك وغصب تزوجتك


هند / ههههههههههه ياحبي لك اجل الحمدلله انك مانتي برجال كان رفضتك وقلت لك هند مو لزواج

الجوهره / هالجمال الي فيني وترفضين اجل طاح حضك

هند / ههههههههههه خليه طايح اجل

الجوهره سحبت هند معها لصاله نسيت الجوهره ان اخوانها جالسين دخلت في وسط الصاله الكل انفجع من دخولها عليهم بذا الشكل منبهرين من جمالها الخيالي فيصل وقف متجمد ما تخيل ولا 1% انها بالجمال المبهر

فيصل في نفسه / مالومك يا جاسم يوم تولع قلبك فيها لو ما دريت انك تحبها كان حبيتها والله عليها جمال يقطع القلب من يصدق انها المراه الحديديه شكلهن ملمسهن ناعم وقرصتهن والقبر فديتها حيتي ولله متشوق لها

جاسم ولع قهر من تصرف الجوهره الغبي و غار من اخوه انه شاف حبيبته


هند ولع وجهها وحمرت خدودها من الخجل والاحراج وزاد جمالها جمال وعلى طول صدت ورجعت لغرفتها


جاسم في نفسه / يويل قلبك يا جاسم رحت وطي مع الوردي والخدود الحمر يارب صبر قلبي ونولني الي ببالي عاجلن غير اجل




هند في نفسها / فشيله وش بيقولون عني جايه استعرض عند الشباب كله من الجوهره الغبيه

انتبهت الجوهره على نفسها وتفشلت من هند وانحرجت من اخوانها


الجوهره لحقت هند للغرفه / هنوده اسفه والله اني غبيه وحماره بعد والي تبين بس والله ماكان قصدي اسئلي غاده عن ثوارتي

هند ماسكه ضحكتها من شكل الجوهره وهي تسب بنفسها


هند / عارفه انك مو قاصده لو ادري انك قاصده كان زعلت عليك بس انتبهي على ثوارتك الي تودي بستين داهيه الحين شلون اطلع من الاحراج

الجوهره / لا حراج ولا شي مثل اخوانك

طلعت الجوهره لصاله وكلهم انطلقو عليها يهاوشونها

ام جاسم بعصبية / ما تخلين عجلتك فشلتي البنت

جاسم بسخريه / الله يعينك يانواف بكره تسحبه عند الحريم وتقول نسيت


الجوهره بجديه / قالو لك حماره ادخله عند البنات ويحط عينه على وحده منهم ويطير مني ما وصل فيني الغباء لهالدرجه فيني ذكاء شوي

الكل / هههههههههههههههههههه

فيصل / الله يصبرك يا نواف على ما بلاك

الجوهره بغرور / يحمد ربه اني بكون من نصيبه

دخلت هند بنقابها متفشله بس حبت تصير طبيعيه

هند بجرائة / ناسف على الخلل الفني الي صار من شوي واسفه على تخويفكم


فيصل حب يخفف دمه / صراحه ياهند ذنبي برقبتك ان جتني كوابيس بنومي الليله

ضربه جاسم كوع منقهر من كلام اخوه واحراجه لهند


قطع عليهم سوالفهم دخول الجدات قامت ام جاسم المطبخ تطلب من الشغاله تجهز قهوة المغرب وتحطها بالحديقه

طلع فيصل وجاسم برا البيت بيطلعون للستراحة عند الشباب

طلعت ام جاسم من المطبخ لصاله

ام جاسم / بنطلع بالحديقة الجو حلو والقهوه هناك



طلعو كلهم برا وجلسو بالحديقه وهند سرحانه والحزن مرسوم على وجهها انتبهت لها ام جاسم متاكده ان راشد السبب وصارت بداخلها تدعي عليه وعلى موضي


قامت الجوهره للمطبخ تجهز عدة الشوي واللحم المتبل وطلبت من الشغالات يسون السلطه


بعد صلاة العشاء جاء جاسم وفيصل دخلو بالحديقه كانت هند بالغرفه تصلي اطلعت لبست اجلالها ونقابها لانها تسمع صوت الشباب


طلعت جلست مع ام جاسم والجدات على الطاوله وجاسم وفيصل قريب منهم يشون والجوهره تساعدهم

هند / جده الاسبوع الجاي قصر امي بيكون جاهز ياليت تجين تسكنين فيه انتي وجدتي موضي علشان اكون قريبه منكم

الجده ام راشد / ان شاء الله يا بنتي اذا صار جاهز كلمي جاسم علشان يجيبني عندك


فز قلب جاسم ولولا الحياء كان رقص قدامهم اخير تحقق الي يبيه وبيصير قريب من حبيبة القلب


خلص العشاء على الساعه 11 كلن دخل غرفته بينام


والجوهره دخلت بسرير هند بتنام معها وهند لبست بجامه حرير احمر طالعه خيال

انسدحت جنب الجوهره لكن ماجاها النوم لان المكان جديد عليها وهي صعبه تنام بالمكان الجديد بسهوله



قررت تطلع للحديقه القريبه من غرفة الضيوف
طلعت بلاب توبها وتكمل شغلها وتتفحص ايميلاتها

اطلعت للحديقه من باب غرفة الضيوف وهذي الحديقه خاصه لضيوف الي ينامون بالغرفة
توقعت ان الكل نايم محد يكشفها طلعت بحريه ببجامتها


جلست على الطاوله القريبه من غرفتها ومن حسن حظ جاسم انها تحت غرفته يشوفها بوضح


جاسم حاول ينام لكن الي صار اليوم طير النوم من عينه سمع صوت بالحديقه راح لشباك يطل وياليته ماطل


هند جالسه بالكرسي المقابل لشباك غرفته وكانت مشغوله بدراسة بعض المشاريع السريه الموجوده بالاب توب

ما كانت تدري عن العاشق الي يراقبها ذاب وداخ وطار قلبه من صدره ووقع عندها

الي يشوفه اقوى من تحمله البس الاحمر على بياض بشرتها سحره وشعرها الي يتطاير من الهواء وكل ما ضايقها ترفعه بيدها جننه

نفسه ينزل لها ويضمها الى صدره الملتهب من شوفتها وحرمانه منها ما قدر يتحمل اكثر من كذا قرر ينزل

ويبرد ناره المشتعله والي فيها فيها

طلع من غرفته ونزل طلع للحديقه شافها من بعيد شاف نفسه ضعيف عن الي كان بيسويه تعوذ من بليس وتراجع وطلع لغرفته

بعدها بنص ساعه قفلت لاب توبها ودخلت غرفتها ونسدحت جنب الجوهره



فوق عند جاسم
الساعه 2 الفجر



جاسم على سريره يتقلب كانه على تنور من الي فيه عشيقته وحبيته قريبه منه ولا يقدر يقرب منها



جاسم في نفسه بحزن / والحل يا جاسم كنت بين شعره وتتهور لو ما لحقت على نفسي مو كل مره بقدر امسك نفسي

حلي هو زواجي منها بس كيف وشلون وعمي بالوسط لازم اتزوجها غصب عليها خايف اني اضرها بسبب العشق المجنون من يصدق انك جاسم الي تكره صنف الحريم تجي بنت عمك وتشقلب حالك وصار لا ليلك ليل ولا نهارك نهار يخوفي عمي يسوي بلوه تبعدها عني اكثر واكثر على قولة فيصل عم بلا به الله

طلع سلسالها من بوكه وضمه وشمه وباسه يعوض حرمانه من صاحبته فيه وكانها بين يدينه ويغني بصوته الحزين

ردولي قلبي ردوه
ردولي قلبي ردوه
ياللي سرقتو قلبي
ردولي قلبي ردوه
حسبي عليكم حسبي
وشلون مني خذتوه
قلبي وماعندي بديله
عمري وانا في صدري اشيله
فجأه كدا في يوم وليله
من بين صدري شلتوه
ردولي قلبي ردوه
كنت بحياتي عايش
مرتاح وبالي مبسوط
والسهم جاني طايش
صوب بقلبي مضبوط
من يومها مدري اش جرالي
ياللي انتو مرمرتولي حالي
مالي انا والحب مالي
من وين ليّه جبتوه
ردولي قلبي ردوه
سهران طول ليلي
مايجيني نوم هيهات
والشوق منه ويلي
دوخني سبع دوخات
عاجبكم الحال اللي صاير
ذا حبكم ظالم وجاير
حنو علي جيبولي خاطر
واللي تبونه سووه
ردولي قلبي ردوه


فيصل يسمع اخوه وحاس بناره ووجعه من بعد ما شافها ماصار يلومه غصب عن فيصل نزلت دمعه حاره على خده على حال اخوه

فيصل بحزن / جاسم نام يا خوي خلها على الله

جاسم /..............

فيصل بحزن / وش رايك بكره نطلع طلعه شبابيه ونسافر

جاسم / .................

فيصل بعصبية / جاسم حرام عليك نفسك والله حرام تبيها اخطبها جرب ما تدري يمكن توافق

جاسم / ................

فيصل / اروح لجوهره احسن

جاسم بحزن والم / نسيت ان الجوهره بحضن هند

فيصل / تقلب على سريره وتفكيره مشغول باخوه وهو بتفكيره نام

جاسم / حاول ينام لكن كل ما حاول ينام شاف طيفها وصار يفكر فيها لين سمع اذان الفجر


قام دخل الحمام اخذ شور وتوضاء ولبس وصحى فيصل وطلع من الغرفه نزل تحت وقبل لا يطلع من البيت التفت على الغرفه الي تنام فيها واصدر تنهيده لعلها تطفي النيران الي بجوفه


طلع من المسجد ركب سيارته يدور بشوارع الرياض بلا هدف مر على افضل مطعم وطلب فطور وتذكر حبيته لازم تذوق من نفس الاكل الي يذوقه طلب فطور بكميه كبيره للي في البيت وصل للبيت لقى الجوهره بالمطبخ محتاره وش تسوي فطور لهند

جاسم / جوهره خذي الفطور كنت مار جنب مطعم وطريتي على بالي وقلت افطرك اليوم

الجوهره / فديتك جسوم والله كنت محتاره ريحتني الله يريحك

جاسم متردد ييسال عن هند / وضيفتك نايمه ولا صاحيه لان حلات الفطور حار

الجوهره / فديتها وربي من زمان مانمت مثل نومت البارح في حضنها سحر

جاسم في نفسه / لا يا لجوهره لا تشعلين نيران اخوك مافيه كافيه

الجوهره وهي تجهز الفطور وتتكلم مع جاسم

الجوهره بحزن / تصدق حسدت غاده على اختها تمنيت عندي اخت اكبر مني

جاسم ضربها على راسها / ماحنا عاجبينك ناقصنا عله ثانيه وحده وياله نلحق عليها

الجوهره بعصبية / جسوم انا علة شوف بكره لتزوجت شلون بيكون البيت من دوني

جاسم يشدها باذنها / يا قليلة الحياء ما تستحين تقولين الكلام قدامي

الجوهره / أي اوجعتني ما قلت شي عيب

جاسم / روحي صحي امي وجداتي يفطرن معكم وانا وفيصل ارسلي فطورنا فوق لاني دايخ بفطر وانا وقوم لصلاة الجمعه

الجوهره / ان شاء الله

طلع جاسم فوق ودخل غرفته لقى فيصل نايم

طلعت الجوهره من المطبخ دخلت غرفة امها لقتها بالحمام نزلت ودخلت غرفة جداتها لقتهن جالسات يسولفن

الجوهره / جداتي ليش ماطلعتن بالصاله ولا بينكم اسرار

الجده ام راشد / بنطلع لصاله قلت يمكن نايمين ما شاء الله وش الذرابه اليوم صاحيه بدري خبري 10 تقومين

الجوهره / تعرفين جده عندنا ضيوف لازم اصير ذربه مو بكيفي غصب عني

الجدات / ههههههههههه

مسكت الجوهره جداتها تساعدهن على المشي وطلعت معهن با لصاله

وام جاسم دخلت غرفة هند لقتها صاحيه ولابسه تنوره جنز وبلوزه فوشي وشعرها مظفرته ظفيره هندي
هند تبتسم بوجه ام جاسم بابتسامتها الي تذوب


هند بابتسامه / صباح الخير خاله كيف صباحك اليوم

ام جاسم / بخير ان شاء الله نمتي زين عندنا

هند / الحمد الله

ام جاسم / جداتك والجوهره برا جالسات ينتظرنك على الفطور

طلعت هند مع ام جاسم لصاله وجلسو على الارض يفطرون لان الجدات يكرهن الاكل على الطاوله
وهي مبسوطه من الاكل على الارض وتغير عن الروتين اليومي افطرت بعد ما خلصت فطور جابت الشغاله القهوه والشاهي لان الجدات لازم قهوه بالصباح


قام جاسم وفيصل وصلو صلاة الجمعه وبعدها جلسو شوي مع هند بالصاله وطلعو فوق علشان تاخذ راحته
تغدو بعد الغداء جلسو بالصاله والجدات وام جاسم راحن يريحن



على الساعه 5 العصر



هند / يله بروح اجهز اغراضي السواق جاي بالطريق

جاسم اعتصر قلبه الم ووجع حبيبته بتفارقه مراح يستمتع بشوفتها

الجوهره / بدري هند نامي الليله عندي

هند / ماقدر وراي شغل بكره وشتقت لغدويه

فيصل بنفسه / فديتها كلها كم يوم وخلي الجوهره تزورها علشان تعرف اني معتذر يمكن تتغير نظرتها لي ويقرب الله البعيد

الجوهره / لا تنسينا عيدي الزياره

هند / انتي الي زورينا ببيتي او بيت اهلي

جاسم بنفسه / متى تصيرين ببيتي وبين ايديني

طلعت من الصاله ودخلت غرفتها جمعت اغراضها ودخلت غرفة جداتها سلمت عليهن وطلعت لقت ام جاسم بالصاله

هند ضمت ام جاسم على عيون العاشق الولها الي تمنى انه مكان امه

هند بحب / خالتي يشهد علي ربي ان لك معزه بقلبي زورينا

ام جاسم / تسلمين يابنتي

هند / يله فمان الله السواق برا

طلعت هند واخذت معها قلب وروح جاسم الي جالس بوسطهم بجسمه







في بيت عبدالرحمن
6 المغرب


دخلت البيت لقتهم جالسين على قهوة المغرب خالها وخالتها وخالد ومحمد وعدنان وغاده اول مادخلت طارت لها غاده ضمتها بقوه

غاده بحب / ماماتي الحمد لله على السلامه لا عاد تتركيني هند وهي ماسكه غاده قربت من خالها وباست راسه وقربت من خالتها وباستها على راسها قام خالد وسحب غاده من حضن هند ورمى نفسه بحضنه

خالد بحب / وربي احسني يتيم بغيابك لك وحشه

عبدالرحمن بعصبية / يتيم ماني بعاجبك

هند / ههههه يله من بيفكك منه خالي غيور

قام محمد وسحبها من حضن خالد وضمها

محمد / ماانتم احسن مني لي فيك مثل مالهم ولا علشاني طيوب ينوكل حقي

هند بحب / فديتك انت تعرف مكانك بقلب هند

محمد / باس راسها والله ياهند نحمد ربنا الي رزقنا باخت مثلك

هند / كل هذا علشان غبت عنكم يوم


التفتت هند لخالد بنظرة حقد

هند / خالد بكره بداوم غصب عليك

خالد / هههههههههه كل هذا حقد سويها فيني والله لاحبك اكثر

هند / تحلم عارفه انه يوم المنى عندك يكفي بعطيك سبوع لملكتك تحمد ربك بعد

خالد / بس اسبوع يبخلك ياشيخه

هند / لا تخليني اخليك اداوم

خالد / لا سحبت كلامي تسوينها

جلست هند بجنب خالها مسكت يده وحطت راسها على صدر ه

هند بحزن / خالي اذا صار لي شي لا تبكيني

فز وارتعش عبدالرحمن وكان ماء حار انسكب عليه خاف من كلامها

عبدالرحمن بخوف/ هند بعد الشر عليك

هند بحزن موجع / احساسي يقول بيصير لي شي ويمكن تفقدوني

نوره بحزن / وش الكلام ياهند تعوذي من ابليس

اخوانها يعرفون ان احساس هند مايخيب على طول اركضو لها

هند بحزن / اوعدوني ما تنسوني وتذكروني بالدعاء

عبدالرحمن بصراخ / خلاص ياهنددددددد

خالد بخوف / هند انتي مريضه ومخبيه علينا

هند بحزن / لا ماني بمريضه

محمد بخوف / صاير شي لك ببيت عمك

هند / لا بالعكس شايليني من على الارض شيل

خالد والدموع متحجره بعيونه / جعل يومي قبل يومك يالغاليه لا تتفاولين على نفسك روحي توضي وصلي علشان ترتاحين

دخلت هند غرفتها لقت غاده تلبس تستعد لطلعه السوق

في الصاله الجميع بحالة ذهول وخوف وصدمه خايفين على بنتهم الي عاشت معهم سنين وهي امهم وابوهم الثاني عمرها ماملت من شكاويهم وتقدمهم على نفسها

عبدالرحمن خانقته العبره / خالد يا بوك حاول تعرف وش فيها كلامها اوجعني يمكن تفتح لك قلبها

خالد بحزن / مراح اسئلها الليله بخليها لبكره قلبي يقول صاير شي مسبب لها الكئابه اعرفها هند

محمد / مدري حاس ان راشد ورى السالفه هند ما تنعفس حالها الا بسببه

عبدالرحمن بعصبية / الله ياخذك ياراشد ويحرقك مثل ماحرقت قلب هند

طلعت غاد من الغرفه دخلت عليهم في الصاله

غاده / خلود يله جاهزه

خالد على انه ماله خلق لطلعه لكن ماحب يضايق غاده لانه امس جته ظروف وماقدر يطلعها
و يكفيها الي فيه ضغط على نفسه طلع وطلعت وراه وركبو السياره




في غرفة هند


بعد ما طلعت غاده من الغرفه انسدحت هند على السرير وكانت مخنوقه متضايقه انسدحت على سريرها تبكي وتشاهق كانت نوره ماره جنب غرفتها اعتصر قلبها وجع وهي تسمع بكاء هند طلعت بالصاله وهي مهمومه

نوره بحزن / اسمع صوتها تبكي وتشاهق بالغرفه عورني قلبي ماقدرت ادخل

كلهم فزو متروعين هند مايبكيها شي سهل اكيد صاير شي عظيم منعهم عبدالرحمن من الدخول عليها وتكفل هو بالمسئوليه طلع من الصاله دخل لغرفة هند وعوره قلبه وهو يسمع صوت بكائها الي واضح انه بكاء وجع وقهر وحرقه

قرب عبد الرحمن منها من غير ماتدري جلس على سريرها وصار يمسح على ظهرها وشعرها وهي مستمره بالبكاء

عبدالرحمن بحزن موجع / ياقلب خالك اوجعتي قلبي قولي جعلني فدوه لك وش مضايقك


هند تشاهق / ..........

رفع راسها واوجعه قلبه يشوف وجهها احمر وعيونه متورمه من البكاء

عبد الرحمن بحنان / ليش مسويه بنفسك كذا يروح خالك راشد السبب

هند ما قدرت تتكلم / هزت راسها بايه

عبد الرحمن وهو منفعل وده لو راشد قدامه قطعه مليون قطعه انه سبب الي صاير لبنت الغاليه

عبدالرحمن بنفسه / وش ناوي عليه يا راشد تبيها تلحق امها وانتفض من الفكره تخسى تقرب منها والله ما يفكك مني الا الموت ولا راح احد يشفع لك عندي حتى هند


خالد وغاده مروا لمكتبه والسوق وهو شايل هموم الدنيا على راسه على الساعه عشر خلصو من السوق ودخلو البيت

دخلت غاده غرفتها ولقت هند نايمه بملابسها وواضح عليها التعب بدلت ولبست بجامه ونسدحت جنبها ومن التعب نامت على طول


دخل خالد لقى الصاله فاضيه شكل الكل نايم شاف نور المكتب عارف ان ابوه صاحي دخل المكتب على ابوه شافه حاط يده على خده والحزن واضح عليه ومتاكد ان سبب حزنه هند

خالد بحب / يبه وسع صدرك تلاقي من الارهاق قالت الكلام الي قالته

عبد الرحمن بحزن / راشد السبب بس مدري وش مسوي

خالد عصب / هي قالت لك راشد

عبد الرحمن / وجع اختك من راشد سالتها اذا كان راشد اشرت براسها بايه ما حبيت اضغط عليها

خالد بعصبية / هذا ما يخاف الله ما يكفيه الي يسويه وش ناوي عليه

عبد الرحمن / الله ياخذ روحه وهي ترتاح

خالد بخوف / هذي هند القويه وصار فيها كذا يبه انا خايف على غاده لو درت بسوالف ابوها وكيد مراح تسلم منه هذا كل همه الفلوس

عبد الرحمن / وهذا الي مخوفني غاده ماهي بقوة هند




يتبع









في بيت بسام
الساعه 2 الظهر


صحت نجلاء من النوم وهي تتوجع من الم بظهرها واسفل بطنها التفتت كان بسام نايم نجلاء تحاول تصحي بسام من النوم ودموعها على خدها من قو الوجع

نجلاء تبكي / بسام قوم تعبانه بموت من الوجع

بسام فز كانه مقروص لما سمع بكاها / وش فيك حبيتي

نجلاء / مدري وجع قوي ما قدر اتحمله اخاف ولاده

بسام قام يلبس وهو محتاس ما يدري وش يسوي التفت عليها

بسام / بدري على الولاده توك بالسابع

نجلاء / مدري

بسام / اكلم امك

نجلاء / اخاف على امي تعرف فيها ضغط

بسام / اجل بكلم امي ما اعرف بالسوالف هذي وتحتاجين لاحد معك



بيت ابو بسام
الساعه 2 الفجر


صحت ام بسام على صوت جوالها خافت لما شافت الساعه ثنتين الفجر والي متصل ولدها ردت على الجوال وهي خايفه حاسه فيه شي

ام بسام / الو بسام

بسام / هلا يمه انا بطريقي للمستشفى

ام بسام بخوف / وش فيك يوليدي

بسام / نجلاء تعبانه اخاف انها ولاده

ام بسام / توها بسابع وخالتك وينها

بسام / نجلاء رفضت تعرفين خالتي ضغط وخفنا نخوفها يرتفع الضغط عليها

ام بسام / زين سويتو انا جايه بطريق

بسام / بسرعه يمه تعرفين ما عرف بالسوالف وحالتها صعبه تتوجع

ام بسام تطمنه / كذا الولاده وانا امك تطمن وطمنها

قفلت الخط من ولدها ولتفتت لابو بسام لقته نايم

ام بسام / سلمان قوم ولدك زوجته بتولد وهي تعبانه ومحتاس فيه ابي اروح لهم

ابو بسام / زين بدخل الحمام ان طلعت القاك جاهزه

ام بسام / ان شاء الله

دقائق طلع ابو بسام لقى ام بسام بعباتها مرت على غاده تصحيها

ام بسام / غاده قومي انتبهي للبيت وختك طالعه للمستشفى عند نجلاء بتولد

غاده فتحت عيونها / زين يمه بشريني اذا ولدت

ام بسام / الله يقومها بالسلامه

غاده / امين

طلعت ام بسام لقت ابو بسام بسياره

ابو بسام / وش فيك تاخرتي

ام بسام وش اسوي اصحي غاده تنتبه للبيت اخاف اطول

طلو للبيت بطريقهم للمستشفى دخلو لقو بسام واقف بالسيب الي عند غرفة الطوارئ

جته امه وحطت يدها على كتفه ام بسام / ارتاح وانا امك ان شاء الله تقوم بالسلامه

بسام / يارب

لحظات وجتهم الدكتوره وتسال

الدكتوره / وينه زوجها

بسام / انا زوجها خير وش فيه

الدكتوره / ولاده ولازم عمليه قيصريه

بسام خاف / عمليه ليه

الدكتوره / لا تخاف بسيطه لان عندها ولاده مبكره ولازم عملية

بسام اخذ الاوراق ووقع على العمليه وجلست ام بسام على كراسي الانتظار وابو بسام وصلهاللمستشفى ورجع للبيت وطلب منهم يطمونه عليها

بسام على اعصابه خايف على حبيبته نجلاء الي شمعة حياته ونورها لو صار لها شي ما يقدر يعيش من غيرها

بعد ساعه من الترقب والتوتر طلعت الدكتوره بسام اول ما شافها ركض لها

بسام / بشري يادكتوره كيفها نجلاء

الدكتوره بابتسامه / الحمد لله صحتها تمام

بسام حس برتاحه / اللهم لك الحمد

الدكتوره / ما سالت وش جابت

بسام بابتسامه / نسيت كان همي صحة زوجتي

الدكتوره / مبروك توئم بنت وولد

بسام وهو فرحان / كيف صحتهم

الدكتوره / الحمد لله لكن لازم يبقون بالحاضنه لان باقي على ولادهم شهرين

بسام / مشكوره دكتوره

الدكتوره / واجبي

على طول ركض بسام لامه الي جالسه على الكرسي

بسام / يمه باركي لي جابت نجلاء هدى وسلمان

ام بسام بعدم استيعاب / وش جابت بنت ولا ولد

بسام / توئم

ام بسام وهي فرحانه / مبروك يا وليدي يتربون بعزك وشلونها نجلاء

بسام بفرح / الله يبارك فيك البنت سميتها على اسمك والولد على ابوي اللهم لك الحمد نجلاء بخير

ام بسام / تعيش وتسمي يولدي كيف صحتهم

بسام / الحمد لله بخير لازم يبقون بالحضانه لانهم انولدو بدري

ام بسام / بكلم غاده ببشرها موصيتني اول ما تولد غاده اكلمها


اتصلت ام بسام على غاده وبشرتها وطارت غاده من الفرح وقررت انها تغيب اليوم من الجامعه علشان الصباح تزورهم وتشوفهم


ام بسام التفتت على بسام وطلبت منه يكلم خالته

ام بسام / يا وليدي كلم خالتك وبشرها

طالع بسام بساعته الساعه اربع الفجر

بسام / الوقت بدري الساعه اربع الفجر الناس نايمه







بيت ابو نواف
الساعه 5 الفجر


صحت ام نواف توضت وصلت وابو نواف ونواف يصلون بالمسجدبعد الصلاه انزلت تحت الا تسمع صوت تلفون البيت

ام نواف / اللهم اجعله خير من الي مصبحنا

ردت على التلفون كان الاتصال من بسام

ام نواف / الو

بسام / شلونك خاله

ام نواف / بخير شلونك وشلون نجلاء

بسام / ابشرك نجلاء جابت توم بنت وولد وهي بخير

ام نواف خافت على بنتها تعرف انها بالسابع

ام نواف / يا وليدي بدري على ولادتها هي بسابع حلفتك بالله انك تقول الصدق هي طيبه بخير

بسام / أي والله بخير والحمد لله صحيح جابتهم بعمليه قيصريه والعيال بالحاضنه لانه ولدو بدري

ام نواف بحزن / يا قلبي يا بنتي ولدتهم بعمليه من غير لا كون معها

بسام / اذا بتطمنين عليها تجهزي الحين مارك لا تحاتينها ماقلنا لك خايفين على صحتك

ام نواف / الله يبارك فيك يوليدي تسوي خير انا الحين بالبس عباتي انتظرك

بسام / ان شاء الله دقائق وانا عندك

ام نواف / يوليدي انتبه بالطريق لا تسرع

بسام / ان شاء الله يا خاله

سكرت التلفون على دخلت ابو نواف ونواف

ابو نواف / ياله صباح خير من تكلمي بالفجر

ام نواف / هذا بسام يبشرنا ان نجلاء ولدت وجابت توم

نواف / مبارك يمه مبارك يبه كبروكم عيال بسام

ام نواف / ان شاء الله نفرح بعيالك

نواف / امين خلي اول نتزوج وبعدين يجون العيال

ابو نواف / موعدنا اليوم مع الجماعه بعد المغرب

نواف / ان شاء الله

جلس ابو نواف ونواف بصاله بعد ربع ساعه سمعو صوت الجرس

ام نواف طلعت لابسه عبايتها

ام نواف تكلم ابو نواف تاخذ الاذن منه

ام نواف / هذا بسام جاي ياخذني لبنتي

ابو نواف / الله يهداك مشوره الرجال كان قلتي لي او لنواف نوديك

ام نواف / الله يسعده هو الي مصر انه يمرني فرحان بعياله الله يتمم له

الكل / امين

طلع نواف لبسام يبارك له وعلى طول جتهم ام نواف اركبت جنب بسام بطريقهم للمستشفى






في المستشفى
الساعه 6 الصباح


دخلت ام نواف لقت اختها على الكرسي جالسه وواضح عليها الارهاق سلمت على اختها وباركت لها وجلست جنب اختها تنتظر الدكتوره تسمح لهم بزيارتها لانها تحت الملاحظه





في بيت عبدالرحمن
الساعه 6 الصباح


هند ما طلعت من غرفتها من بعد ما كلمها خالها سمعت صوت جوالها يرن وكان مالها خلق لاحد التفتت لقت غاده نايمه

دخلت الحمام اخذ ت شور لبست بنطلون اسود وجكيت اسود داخله بلوزه بنقسجي محروق لبسها ظاهر عليها طابع الكابه طلعت لصاله لقت خالها ونوره وخالد جالسين يسولفون

هند/ السلام

الكل / وعليكم السلام

خالد منقهر من حال هند وواضح عليها الحزن والكئابة

خالد بنفسه / وش سوى الحقير الي خلاك بالحاله وين القاه وربي لا خليه يتمنى الموت ما يلقاه

صحت غاده دخلت الحمام خذت شور لبست وطلعت

غاده / صباح الخير

الكل / صباح النور

نوره / يله افطرو الفطور جاهز

دخلو صالة الطعام وهند مالها نفس ياله شربت كاس حليب وقامت وطلعت لصاله لحقها خالد وغاده

دق جوال هند شافت رقم غاده طالعت بخالد فهم خالد ان المتصله غاده من نظرات هند

خالد يبتسم / ردي حرام اطنشين البنت

هند / يعيني بدينا نخاف عليها

ردت هند على المكالمه

هند / الو هلا غاده وش الازعاج صباح الله خير
ضربها خالد على خفيف

غاده بزعل / مالت عليك وعلي انا الخبله الي من فرحتي قلت افرحك معي

هند / توك تدرين انك خبله يله بشرينا وش عندك

غاده / بصير احسن منك ولا راح ارد عليك لاني فرحانه

هند / يله فرحينا معك

غاده / بسام جاله توم يعني اخيرا صرت عمه عقبالك

هند بتحرج غاده / مبروك والبركه فيك شدي حيلك وبصير عمه

غاده منحرجه / وجع هنيدان يحبك للاحراج انقلب طماطه

هند / هههههههههه طماطه كثري منها اعرفك لا تمثلين انك تستحين ضنتي ان اخوي يستحي اكثر منك

سكرت غاده الخط بوجه هند وهي تتوعد فيها

هند / الخبله سكرت الخط بوجهي

خالد / تستاهلين اكلتيها مايسوى عليها كلمتك

تذكرت هند / ترى بسام جاله توم

خالد / ما شاء الله بكلمه ابارك له

رجع خالد عند امه وبوه يفطرون

خالد / يبه يمه بسام جاله توم

نوره فرحانه / الله يفرحك لازم امر ام بسام ابارك لها

تذكرت نوره ان نجلاء بالسابع

نوره / خالد من قال لكم

خالد / غاده كلمت هند وقالت لها

نوره / طيب ماقلت شلونها نجلاء

خالد / يمه تاخرت كلمي خالتي ام بسام وتجاوبك على اسئلتك

عبدالرحمن / عقبال مانفرح بعيالك امين

خالد يبتسم لابوه وبحماس / امين

عبدالرحمن / هههههههه مستعجل مافي زواج الا بعد سنه

خالد / لازم تذكرني ويتعكر مزاجي

نوره بابتسامه / وانك راضي ومبسوط

خالد / مكره اخاك لا بطل

الكل / ههههههههههههه

طلع خالد لقى هند وغاده ينتظرونه طلعو ركبو السياره وصلو غاده لجامعتها وكملو طريقهم لشركه

وصلو لشركه خالد دخل مكتبه وهند دخلت مكتبها علقت عباته وشالت نقابها ودقت جرس على السكرتيره

هند / سوزي مرزوق موجود

السكرتيره / ايه من بدري حاضر وشكله تعبان

هند / اطلبيه ابي اقابله

السكرتيره / حاضر استاذه

طلعت السكرتيره من عند هند ولبست عباتها ونقابها تنتظر مرزوق كلمت اخوها خالد يحضر المقابله

بعد نص ساعه دخل مرزوق وكان قدامه هند وخالد جلس بالكرسي المقابل لهند

هند بحب / عم مرزوق انت تعرف معزتك عندي ويحزني اشوفك تعبان ومريض وتضغط على عمرك واداوم رغم اوجاعك

مرزوق وهو خايف / لاحظتي علي قصور

هند بحنان / لا ياعم انا جيتك وكلي امل تعتبرني بنتك وتلبي رجائي

مرزوق / تامرين يابنتي

هند / انا حجزت لك عند دكتور استشاري بامراض القلب علشان علاجك ويكون برياض على طلبك وكل المصاريف على الشركه

مرزوق / اخاف يصير لي شي ويضيعون عيالي

هند بجديه / اعيالك امانه برقبتي وهذ خالد شاهد على كلامي ووعد وعهد علي قبل ما تسوي العمليه احاول بكل جهدي ماخليهم يحتاجون لحد

وولدك وليد موقعه على وظيفته بالشركه وبيداوم من بكره والسكن شريت لكم فله واثثتها بدال الشقه الي مستاجرها ومن اليوم تسكن فيها عيالك وبنتك سمر شريت مشغل وكتبته باسمها تقدر تباشر عملها من بكره عمي لا تحسب اني متفضله عليك كله من جهدك وتعبك وامانتك انت من ايام الغاليه

مرزوق نزلت دموعه من اهتمام هند فيه / مدري وش اقول لك يابنتي الي سويته كثير ما يسويه القريبين مني ما قول الا الله يزيدك من فضله ولا يحوجك لحد

هند / امين عطيتك اجازه مفتوحه لين تقوم بالسلامه اليوم روح لمستشفى ال ...... ودخل على الدكتور جاسم وقول جايك من طرف هند وهو بيقوم بالازم ياعم قولي عن موعد العمليه ضروري وانت عندك رقم جوالي اول ماتخلص من الدكتور كلمني وطمني

طلع من عندها وهي يدعي لها انها ساعدته واهتمت بعياله طلع من الشركه بطريقه للمستشفى

خالد التفت على هند وهو مبسوط ومفتخر ان هند اخته قام من كرسيه وباس راسها

خالد / الله يجزاك خير بيضتي وجيهنا يالغاليه الله يكثر من امثالك

هند بجديه / يله روح مكتبك اشوف احلوت لك الجلسه

خالد / نسيت اني بالمكتب زين ما تخصمين علي اني تجرئت وبست راس المديره بالدوام الرسمي

هند / المره سماح المره الثانيه خصم نص الراتب

خالد / اوف نص الراتب على بوسه على راس المدير بالدوام الرسمي اجل توبه


طلع خالد من مكتب هند متجه لمكتبه وهو حاس ان هند تتوجع بداخلها وتكابر

خالد بنفسه / اااااااااه ياهند لو اعرف وش مضايقك







بيت ام جاسم
الساعه 7 الصباح


صحى جاسم من النوم التفت على سرير فيصل مالقاه شكله طالع لشركه دخل الحمام اخد شور ولبس بنطلون جنز وقميص ابيض ومشط شعره الناعم يوصل لرقبه وتعطر ونزل تحت لقى امه وجداته بالصاله يتقهون

جاسم / السلام

الكل / وعليكم السلام

ام جاسم / بتطلع للمستشفى

جاسم / ايه يا لغاليه توصين على شي

ام جاسم / لا وانا امك افطر فطورك جاهز

جاسم / بفطر بالمستشفى لاني تاخرت

طلع من البيت بطريقه للمستشفى دخل عند نواف مالقاه بمكتبه عرف انه بالكفتريا نزل متجه للكفتريا شاف نواف من بعيد على طاوله قرب منه جاسم وكان نواف سرحان

جاسم / السلام

نواف / وعليكم السلام

جاسم / الي ماخذ عقلك يتهنا فيه

نواف / الي بجيهم بعد المغرب

جاسم / ههههههه بدري على المغرب وانت تحاتي

نواف / افكر العروسه تشبهك ولا تشبه فيصل

جاسم بمرح / لا تشبه كومار السواق

نواف بمزح / افا يذا العلم شكلي بهون

جاسم بجديه / اخاف يخوي منت بمقتنع بالزواج كله بس علشان تناسبني

نواف بجديه / وش الكلام الي تقوله انا مصيري متزوج ولا راح القاء احسن من نسبكم وانت تعرف ان كل الكلام الي قلته مزح والله لو ان اختك سويداء بحبها من محبتي لك

جاسم / ههههههههه لا تطمن ماهي سويداء وحنا نتشرف بنسبك يالغالي لو لك اخت خطبتها لي


نواف يطالع بجاسم بنص عين / وهند

جاسم فز قلبه / فديت الاسم وراعيته هذي ما بدلها بصنف الحريم اذا ما تزوجتها يحرمن علي الحريم من بعدها

نواف بعصبيه / من صدقك الكلام الي تقوله

جاسم بصدق / أي والله اني صادق ان ما تزوجتها مستحيل اتزوج غيرها

نواف / انت متاكد انها مستحيل تكون من نصيبك مافكرت بامك تبي تفرح فيك تحرمها علشان سراب

جاسم بعصبية / نواف ياتقول كلام يبرد القلب ولا ياليت تسكت وتلتهي بفطورك القلب ياخوك مايسكنه شخصين

نواف / كيفك انت الي بتندم على تصرفاتك

جاسم قام / يله تاخرت بطلع فوق اشوف المراجعين

دخل جاسم مكتبه نادى الممرضه

جاسم / فيه مراجعين برا

الممرضه / ايه فيه مريض له ساعه ينتظر برا

جاسم / بسرعه خليه يدخل

دخل مرزوق على جاسم وهو خايف من العمليه رغم ان هند مطمنته

جاسم / هلا تفضل ياعم

مرزوق بتوتر / انا جايك عن طريق هند الفهد

جاسم / هند قالت لي عنك وشفت كشوفاتك لازم نسوي اجرائات من تحاليل وكشوفات جديده واذا كنت صايم نبداء فيها الحين

مرزوق / ايه انا جايك صايم

جاسم / خلاص على بركة الله نبداء روح مع الممرضه وسو الكشوفات المطلوبه وبعدها تعال لمكتبي تكون التقارير جاهزه


طلع مرزوق مع الممرضه وسو الي طلبه منه جاسم بعد 3 ساعات طلعت النتيجه وطلب من الممرضه انها ادخل عليه مرزوق

دخل مرزوق وهو يقدم رجل وياخر الثانيه خايف من النتيجه

جاسم / تفضل اجلس ياعم

جلس مرزوق وهو على نار / طمني يولدي

جاسم / تطمن يعم عمليتك مره سهله وباذن الله نسبة نجاحها كبيره مره

مرزوق فرح / الله يطمن بالخير

جاسم / بكره عمليتك باذن الله


مرزوق رفع جواله يتصل على هند الي كانت جالسه بالمكتب بالغلط من مرزوق شغل السبيكر

اول ماشافت هند رقم مرزوق على طول ردت

هند بلهفة / هلا عمي بشرني عنك

جاسم سمع صوت حبيته وهي متلهفه غار من مرزوق انه سمع صوتها وله حريه الاتصال فيها

مرزوق / تطمني يا بنتي الدكتور بشرني ان عمليتي سهله

هند براحه/ اللهم لك الحمد متى عمليتك

مرزوق بحزن / بكره

هند بحنان / ياعم دخيلك لا تحاتي عيالك واهلك بذمتي

جاسم بنفسه / ااه ياهند كل هالقلب الطيب والحنان المتدفق من يصدق ان بداخله حقد دفين وصلتيه لي وانا مالي ذنب

مرزوق / واثق فيك يا بنتي الي سويته ما يسويه اخو

هند بحب / انت غالي عندي وانا اوعدك بكره بوقت العمليه بكون موجوده مراح اطلع لين اتطمن عليك


جاسم ارتجف قلبه وذاب بكره بيشوفها بقربه

جاسم في نفسه بحزن / لا مو بقربي بقرب مرزوق ياليتني مرزق وتهتمين فيني واصير غالي عندك

مرزوق / يابنتي مابي عيالي يدرون اني بسوي العمليه تعرفين تعلقهم فيني

هند / ابشر متى بيرقدونك بالمستشفى ومتى وقت العمليه


التفت مرزوق على جاسم الي بعالم ثاني

مرزوق / دكتور متى الترقيد ومتى وقت العمليه

جاسم / الترقيد الحين والعمليه بكره الساعه 6 الصباح


مرزوق كمل كلامه مع هند / الحين يابنتي والعمليه بكره 6 الصباح

هند / ياعم انتبه على نفسك اهم شي النفسيه ابي تصير نفسيتك زينه علشان العمليه يله فمان الله


جاسم بنفسه / حرام بدري لا تسكرين ما شبعت من سماع صوتك


طلع مرزوق من عند جاسم مع الممرضه ادله على الغرفه الي بيترقد فيها


اول ماطلع مرزوق من عند جاسم فتح بوكه وطلع السلسال وضمه بحرقه ووجع


جاسم بنفسه / لمتى يا جاسم عايش على الاطلال ومخلي السلسال ونيسك لو ضاع وش بيصير فيك تعلقت فيه لانه من ريحتها لازم تتحرك وتسوي خطوه ايجابيه تقربها منك باجل الخطوه لين تسكن بالقصر واكون قريب منها



يتبع








في بيت ابو بسام
الساعه 8 الصباح

صحت غاده من النوم لقت امها تفطر

غاده / صباح الخير للجده الجديده

ام بسام بابتسامه / صباح النور للعمه الجديده

غاده / فديتهم يمه شخبار نجلاء وعيالها

ام بسام / الحمدلله بخير

غاده / دخلتي عليهم شفتيهم

ام بسام / لا نجلاء نايمه وتحت الملاحظه وعيالها رفضو نزورهم كلمت بسام طمني على نجلاء فاقت بس يقلبي عليها تتوجع من العمليه

غاده / يمه بزورهم الحين مشتاقه لهم

ام بسام / اول افطري وبعدين نروح

غاده / ان شاء الله

دخلت غاده المطبخ اكلت فطيره وشربت عصير على السريع طلعت لغرفتها لبست عباتها وانزلت لقت امها جاهزه اطلعو للمستشفى





المستشفى عند بسام
الساعه 8 الصباح

ام نواف ارجعت للبيت بعد اصرار من بسام لان الانتظار تعب عليها ووعدها اول ما تفيق يكلمها يطمنها وان قدرت نجلاء تتكلم بيخليها تكلمها

كلمت السواق ورجعها لانها ماتبي تتعب بسام الي واضح عليه التعب والارهاق


بسام موجود بالمستشفى ما طلع الا لغرفة عياله يشوفهم من بعيد وجلس ينتظر قدام غرفتها لين تفيق والدكتوره تسمح له بزيارتها

صحت نجلاء من البنج وكانت تتوجع من العمليه وكانت تسال عن بسام دخل عليها بسام بعد ما سمحت الدكتوره له بالدخول

اول ماشاف حبيته على السرير الابيض وواضح عليها التعب والوجع تمزق قلبه ركض لها وباس راسها

بسام / لا باس يالغاليه جعل الوجع فيني ولا فيك

نجلاء / اااي

نادى بسام الممرضه تعطيها مسكن للوجع دخلت الممرضه وعطتها ابره مسكنه بعد ماهدء الوجع

نجلاء / بسومه ابي ماء

بسام بفرح / ياعيون بسومتك وروحه

جاب لها الماء وسندها على خفيف مايبي يوجعها وشربها

بسام / صحه ان شاء الله

نجلاء / وش جبت

بسام / وش تتوقعين جبتي

نجلاء / ولد

بسام بفرح واضح على وجهه / جبتي سلمان وهدى

نجلا بفرح / والله توم

بسام / ايه يقلب بسام وسميتهم على امي وبوي

نجلاء / زين ما سميت ان شاء الله يطلعون لهم

بسام سحب يدها وطبع بوسه عميقه كلها حب وامتنان

بسام / الله لا يحرمني منك ياروح بسام

نجلاء / ولا منك يا عيون نجلاء

بسام تذكروعده لام نواف / حبيتي تقدرين تكلمين تلفون انا وعدت خالتي انك تكلمينها لافقتي من البنج

نجلاء / ايه حبيبي بطمن امي اعرفها تحاتي

دق بسام على ام نواف على طول ردت

ام نواف بلهفه / الو بشر صحت

بسام / ايه خالتي خذيها معك

نجلاء / شخبارك يالغاليه مبروك

ام نواف بفرح / الله يبارك فيك ومبروك عليك جعلهم يتربون بعزكم

نجلاء / امين يمه لا تحاتيني انا ولله الحمد بخير

ام نواف / له الحمد والشكر يله بسكر وانتي ارتاحي يمه

نجلاء / ان شاء الله يالغاليه يله فمان الله

على اخر المكالمه دخلت ام بسام وغاده ومعهم باقة ورد كبيره وحلويات وغراض لضيافه لزوار نجلاء قربو من نجلاء وسلمو عليها

ام بسام / كيفك الحين يمه ان شاء الله ما تتوجعين

نجلاء / شوي يا خاله من شوي الممرضه عطتني ابره مسكنه والحمد لله


غاده / انا زعلانه منكم الحين تسمون هدى وتنسون غاده من زين اسم هدى الحين

ام بسام ضربت غاده على راسها

ام بسام / يالي ما تستحين تعيبين بسمي قدامي

غاده / يمه وين حرية الراي ترى اوجعتني ضربتك

ام بسام / تستاهلين

بسام / وانا انخبلت اسمي على اسمك ابتلش وتصير مثلك

غاده / لكم الفخر لو صارت تشبهني

نجلاء / مراح تكسب منك الا طول اللسان

غاده / فديتني يا ناس الا بروح اشوف قرودكم

نجلاء / تعيبين فيهم بعد وتبين تشوفينهم ممنوعه من الشوفه

بسام / ايه خلي طول لسانك ينفعك

غاده / مستغنيه عن شوفتهم بكره تجون تقولون غاده شيليهم غاده سكتيهم تحلمون

بسام يحب ينرفزها / بتسكتينهم وتشيلهم بالغصب او برضاء

زعلت غاده وطول الجلسه ساكته ولما انتهت الزياره وطلعت التفتت على بسام

غاده / عفيه بسام ابي اشوفهم والله قليبي يتقطع على شوفتهم

بسام / ايه خليك كذا مؤدبه ياله قدامي لغرفتهم

طلعت غاده بفرح ولحقها بسام وقفو برا الغرفه يشوفونه من وراء الزجاج

غاده / يحلوهم بس ابي اشوفهم من قريب وشيلهم

بسام / ممنوع لانهم بالسابع

غاده / يارب متى يطلعون والعب فيهم

ضربها بسام على راسها / ليه شايفه عيالي لعبة لك

غاده / وش فيكم تضربوني على راسي شكلي بفقد الذكره وطيح بكبودكم

بسام / لا ضامن منتي بطايحه بكبودنا بطيحين بكبد خلود

غاده استحت ووجها ولع من الحياء وسكت طلعو من الحاضنه وطلعت مع امها مع السواق للبيت

دخل بسام غرفة نجلاء شافها نايمه طلع لشركه



مر اليوم على خير لا جديد على ابطالنا الا ان نواف خطب الجوهره وتم الموافقه ورفضت الجوهره الشوفه وزعل عليها جاسم وفيصل قالت الشوفه بالملكه واذا كان مصر ماتبي تتزوج
قال جاسم لنواف ان اخته مستحيه من الشوفه وكان الامرعادي عند نواف لانه مو مستعد لشوفه وحددو الملكه بعد نتائج التحاليل
والزواج بعد شهر



يتبع









اليوم الثاني بيت عبدالرحمن
الساعه 5الفجر


ما نامت هند طول الليل وهي تحاتي وتفكر بعملية مرزوق خايفهيصير شي وينحرمون اهله منه وهي تكون السبب لانها اصرت عليه يسوي العمل

دخلتالحمام اخذت شور ولبست اقرب لبس لقته قدامها مالها خلق تبي تروح للمستشفى بدري تجلسعند مرزوق وتقويه صلت الفجر وصحت غاده وطلعت لابسه عبايتها لقت خالد توه راجع منالمسجد

طالع فيها خالد عرف انه ما نامت وانها قلقانه علشانمرزوق

هند / عفيه خالد بروح لمرزق

طالع خالد بالساعه الا الساعه 5

خالد / هنوده بدري الساعه 5 وعمليته 6

هند / ادري بس ابي اجلس معهاقويه قبل العمليه

خالد / يله

طلع خالد وهند من البيت بطريقهمللمستشفى






في بيت جاسم
الساعه 5الفجر


صحى جاسم من الساعه ثلاث وهو يحاتي ويفكر لانها اول عمليه بعدالي صار له وتسبب بوفاة الطفل خاف انه ما يصير عند حسن ضن هند

صلى الفجرطالع بساعته الا الساعه 5 طلع من البيت للمستشفى علشان يصير عنده وقت يتستعداستعداد نفسي للعملية





مستشفى
5 الفجر


صلى مرزوق صلاة الفجر بمصلى المستشفى دخل غرفته جلس يقراالقراءن على الساعه 5 وربع الا هند داخله عليه ومعها اخوها خالد فرح مرزوق بزيارةهند وعرف انها عند وعدها له

هند / السلام

مرزوق بابتسامه / وعليكمالسلام

هند / بشرني عنك ياعم

مرزوق بخوف / تحت رحمة الله

هند / ونعم بالله خل اتكالك عليه ما يضيع من اتكلعليه



عند جاسم


دخل جاسم غر فته لبس البالطووالسماعات وطلع لغرفة مرزوق قبل لا يفتح الباب احس بدقات قويه لقلبه اول مافتحشافها


جاسم بنفسه / ااااااااااااه يقلبي خف علي


جاسم يكلممرزوق يحاول يتجاهل هند لا تنفضح مشاعره

جاسم / كيفك ياعم بشر ان شاء اللهالنفسية تمام

مرزوق / الحمد لله

جاسم التفت لهند وخالد / شخباركخالد واخبار بنت العم

كان نفسه يقول اخبارك ياورح جاسم وحياته


هند / الحمد لله انت كيفك

جاسم / الحمدلله بخير

هند التفتت على خالد وتكلمت معه عادي قدام جاسم

هند / خالد لاتتاخر روح للبيت علشان توصل غاده للجامعه وتروح لشركه واذا خلصت عملية عم مرزوقبكلم عمران الحقك لشركه


جاسم بنفسه / والله على عيني تروحين مع السواقاه لو اقدر اوصلك واجلسك جنبي يحلوها الاحلام

خالد / خلاص بعد ما يدخل العممرزوق العمليات بطلع من المستشفى

هند / طيب محاضرة غاده الساعه 8

طلع جاسم من غرفة مرزوق بعد نص ساعه جو الممرضات بسرير سدحو مرزوق عليهمتجه لغرفة العمليات

طلع خالد للبيت وهند طلعت ووقفت عند باب غرفة العمليات


جلست عند غرفة العمليات وكل تفكيرها بالعم مرزوق وعياله ولما طولو صارتعلى نار وخايفه جلست تدعي ان ربي يقومه بالسلامه


بعد ثلاث ساعات منالترقب طلع جاسم من غرفة العمليات ركضت له من غير شعور مسكت يده

هند بخوف / بشر

جاسم تكهرب وانتفض من مسكتها

جاسم / الحمد لله العمليه انجحتوهو بخير

هند من غير شعور سجدت سجده شكر لله على نجاح عملية العم مرزوق

قامت من سجوده وطالعت بجاسم

هند بفرح / ابشر بالي تبيه يا جاسم ماتدري اش كثر فرحانه وردت الروح لي

جاسم بنفسه / الي ابيه قربك وحضنك ابيكزوجه لي بالحلال لكن مستحيل اطلب شي نفسي فيه ثمن واجبي

جاسم بجديه / هذاواجبي ما خذ عليه ثمن ماكل شي ينشرى يا بنت الفهد

هند ما هتمت لكلامه لانهبالاساس ما يهمها

هند / طيب متى راح يفوق

جاسم / انصحكم تاجلونالزياره لبكره لانه محتاج لراحه

هند بقوة وعصبية / انا سئلتك متى يفوقماخذت رايك

جاسم انقهر من اسلوبها الجاف معه وانها ما عبرته

جاسم / بعد ساعتين

هند بقوة / اجل بانتظره بالغرفه الي كان فيها لين يصحى ابي لافاق يشوفني قدامه لاني مواعدته ما تركه


جاسم بنفسه / ااااااااااااهياهند ليه تعذبيني باهتمامك بغيري وخوفك عليهم وانا ولا شي عندك قولي لي وش اليبيحببك فيني والله لاسويه


راحت من عند جاسم ما نتظرت رده دخلت للغرفهالي كان فيها جلست على الكرسي تنتظر متى يصحى


مرت الساعتين طويله علىهند على طول توجهت لغرفة مرزوق لقته توه فاتح عيونه على طول جت جنبه

هند / الحمدلله على السلامه يا عم

مرزوق فرحان انه عايش وان العمليه انجحت وبقلبهكل الشكر والامتنان لهند مهما عمل مراح يقدر يرجع لها الي سوته

مرزوق مايقدر يتكلم لان محطوط جهاز التنفس على فمه

هند بتعب / عم تسمح لي اروح اناعلى وعدي ما تركتك وانا مرهقه ما قدر اتركك الا بموافقتك

هز مرزوق راسهبالموافقه انها ترتاح


طلعت من المسنشفى بتمر الشركه بتشوف اذا مافي شيمهم بترجع للبيت ترتاح




عند جاسم


دخل مكتبهمتضايق ماله نفس يشوف احد ومن حسن حظه ما عنده مراجعين وهو بمكتبه اصدر تنهيده مناعماق اعماق قلبه الجريح جاسم يغني بينه وبين نفسه


ياعذابي كيف انا بقوى عذابك
لاصار في بعدك عذاب وفي قربكعذاب
ياشبابي زينة ايامي شبابك
لك في حياتي احساس ونسيانك احساس
ماتصدق لواقول انك حياتي في كل شي
سمعي وشوفي انت دمي واحساسي
بأسم الهوى لازلت فكريوهوجاسي
تدري علي بعدك عذاب وفي قربك عذاب
ياحب مالي فيه غير الشقى
ياحباخذ من حياتي مابقى
عشته باحساسي ولا به شك
يبدل اشعوري حبك جرى في دميوذاب
ياعذابي كيف انا بقوى عذابك
لاصار في بعدك عذاب وفي قربكعذاب


انطق الباب كان الي عند الباب نواف كان بيطمن على حال صديقهبعد العمليه اول ما دخل وشاف شكل جاسم خاف هو عارف ان العمليه نجحت

نواف / وش فيك ياخوي

جاسم بحزن يضرب صدره / قول وش ما فيني هنا وجعي يا نواف

نواف / سلامتك من الوجع

جاسم / كانت هنا يا نواف ولا كانها شايفتنيولا معبرتني ااااااااااااه يانواف قلبها متلهف وخايف على مرزوق لو شفت حالها يومنجحت العمليه

اااااااااااااه يانواف قالت ابشر بالي تبيه كانت فرصه لي اقولانتي الي ابيه ماحبيت استغل ظروفها اول كان عندي امل 1% الحين انهار الامل قوليياخوي وش اسوي

نواف حزن على حال صديقه وحس بطعنات بقلبه من نبره الحزنوالالم الي يشوفها بوجه صديقه الي عمره ما ضعف ولاخضع لحد


نواف في نفسه / ااااااااه وش سويتي فيه قلبتي حاله حال مكان الي قدامي جاسم لهدرجه العشق يذبحالرجال ويدمره الله يكون بعونك يا خوي


نواف / سلامتك من الاااااه ياخويتعال معي نطلع للكفتريا ولا اطلع ارتاح بالبيت

جاسم / .............


جاسم بنفسه / تبيني اطلع وانا عارف انها بتجي تبيني احرم نفسي منوجدها


طلع نواف من عند جاسم بعد متاكد ان وجوده ما بيغير شي

يتبع







بيت ام جاسم
الساعه 10 الصباح


كانت ام جاسم والجدات بالصاله جالسات يتقهون ويسولفن دخلت عليهن الجوهره توها صاحيه من النوم لانها مانامت الا متاخر بسبب التفكير بالخطبه وخوفها من المسقبل

الجوهره / السلام

ام جاسم / وعليكم السلام بدري كان كملتي نومك

الجوهره بحزن / ما نمت الا متاخر

ام جاسم حست بنبرت الحزن بصوت دلوعتها

ام جاسم / وش فيك يمه

ركضت الجوهره ورمت نفسها بحضن امها

الجوهره / يمه خايفه من الزواج ولا ابي اتركم

ام جاسم تمسح على شعر بنتها / يمه ماله داعي الخوف هذا شي طبيعي مصير البنت تتزوج وتترك بيت اهلها يمه الرجال ما ينعاب وخوانك يحبونه يابنتي توكلي على الله وصلي صلاة استخاره ان شفتي نفسك مرتاحه وافقي وان حسيتي نفسك منتي بمرتاحه ارفضي وربي بيعوضك


الجوهره ارتاحت من كلام امها الي زال التوتر والخوف عنها

الجوهره / يمه صليت وارتحت علشان كذا عطيتكم الموافقه بس خوفي من المسئوليه اخاف افشل

ام جاسم / انتي بنتي وتربيتي ان شاء الله ماتفشلين

الجوهره / ادعي لي يالغاليه

ام جاسم / لدعي لكم بكل صلاه من غير ماتوصين

دخل عليهم فيصل جاي من برا وهو تفكيره بغاده يبي الجوهره تزورهم علشان يعتذر ويتقرب منها ويصير الي في باله لكن المشكله شلون وكيف بيقول للجوهره كذا من الباب تزور غاده بتشك ان بينهم شي

فيصل في نفسه/ لقيتها بقول اطمنا على هند بعد الي صار

فيصل / السلام

الكل / وعليكم السلام

التفت لقى الجوهره بحضن امه وامه تمسح شعرها

فيصل يطالعها بنص عين / الحمدلله والشكر متى ناويه تكبرين نسيتي انك انخطبتي البارح وملكتك بعد كم يوم

الجوهره بتعصيب / فصييييييل

فيصل / جوهرتنا معصبه وش رايك بالي يرضيك ويخليك نزورين بنت العم

الجوهره بفرح / صدق فيصل

فيصل / ايه وتسهرين عندهم اذا بغيتي

الجوهره / اكيد ابغى بس غريبه توديني من غير ما طلب

فيصل / ابيك اطمنينا على نفسية هند بعد الي صار

الجوهره / والله افكر فيها مفتشله من الي سواه عمك

فيصل وهو فرحان ان خطته نجحت / بعد المغرب تكونين جاهزه

الجوهره / ان شاء الله بس لازم اكلم غاده يمكن مرتبطين بيروحون مكان

فيصل / اتصلي عليها الحين

الجوهره / غاده بالجامعه

فيصل / اتصلي جربي

الجوهره / اوكيه

امسكت جوالها اتصلت على غاده الي جالسه لحالها بالكفتريا طفشانه سمعت صوت جوالها شافت الجوهره


غاده / خير

الجوهره / ياشين الاخلاق

غاده / جالسه لحالي تقولين جربانه

الجوهره / فديتها الجربانه مامتحملها غيري

غاده / وجع مكلمتني من صباح الله خير تهزئيني

الجوهره / يحلو النوم توني صاحيه

غاده / تبين تقهريني لو ارفس من هنا لبكره مامتي ماتسمح لي بالغياب

الجوهره / ههههههههههه اتخيلك ترفسين بتطلعين تحفه

غاده / قولي وش عندك ترى وراي محاضره

الجوهره / عندك شي الليله

غاده / لا منطقه بالبيت

الجوهره / اجل ابشري بقدومي لزيارتك الليله ابسطي بطريقي ورد احمر

غاده بفرح / والله بتجين

الجوهره / كل هذا فرح بجيتي

غاده / علشان ابسط شوك بطريقك

الجوهره / اجل هونت عن الزياره

غاده / بلا سخافه انتظرك بنسهر بكره محاضرتنا متاخره

الجوهره / ان شاء الله نبي افلام نسهر عليها

غاده / ولا يهمك خالد كل الافلام الجديده عنده

الجوهره / يله طسي لمحاضرتك نتقابل باليل

غاده / طيب مع السلامه

الجوهره / مع السلامه


فيصل جالس مستمع ميت يسمع صوتها ويمتع عينه بشوفتها ان شاء الله قريب يافيصل انتي لي برضاك والا غصب عنك





بالشركه
الساعه 10

حست هند بتعب وارهاق ونوم لانها مواصله مانامت وطلبت من السكرتيره تحول كل المواعيد الضروريه لخالد
لبست عباتها متجهه لمكتب خالد طقت الباب سمح لها بالدخول

هند / خالد انا طالعه للبيت

خاف خالد / عسى خير ياهند

هند / مانمت البارح افكر بعمليه مرزوق ابشرك نجحت

خالد / اطلعي ارتاحي

هند / انا حولت عليك الشعلات الضروريه لا تنسى غاده

خالد / لا توصين حريص اهم شي راحتك

طلعت من مكتب خالد طلعت من الشركه راجعه للبيت



في بيت عبدالرحمن
الساعه 10 ونص

كانت نوره جالسه بالصاله اتابع برنامج في التلفزيون دخلت هند الصاله لقت خالتها مندمجه بالبرنامج قربت منها بشويش وضمتها

هند / ياعيني على الاندماج

نوره فز قلبها خوف لما سمعت صوت هند

نوره بخوف / هند وش جابك يوجعك شي يمه

هند بمزح / لا قلت اكشفك وش تسوين بالصبح وحنا غايبين عنك

نوره / هههههههه ياطالع بالتلفزون ياكلم ياعند ام بسام

هند / خاله دريتي ان بسام جاله توم

نوره بفرح / أيه ارسلت لي ام بسام تبشرني وسمو الولد سلمان والبنت هدى


هند / بتزورين نجلاء

نوره / ايه العصر او بعد المغرب الحرمه تعبانه ماودي استعجل بالزياره وهي محتاجه لراحه

نوره / بتزورينها معي

هند / لا مرتبطه بزور عم مرزوق مسوي عملية قلب

نوره / الله يقومه بالسلامه ويخليه لاهله

هند / امين افطرتي ترى جوعانه ماشفتك عزمتي علي كالعاده اني الفطور

نوره / وين اشتهي اكل وانا بالحالي

هند / بطلب من الشغاله تجيب لنا فطور


جابت الشغاله الفطور افطرت هند مع نوره بعد ماخلصت فطور طلعت لغرفتها بدلت وانسدحت على سريرها ونامت



في المستشفى
عند نجلاء


طلع بسام من الشركه رايح للمستشفى دخل عليها لقاها صاحيه متملله بالحالها قربب منها وباسها وجلس على طرف السرير

بسام / السلام على الحلوين

نجلاء بحزن / وعليكم السلام بسومه ابي اطلع جو المستشفى يخنقني

بسام / ياعيون وحياة بسومه اصبري علشان صحتك توك اليوم مسويه عمليه علشان خاطري لا تضيقين خلقك ولا مالي خاطر عندك

نجلاء بكل حب / انت عرف غلاك عندي لو تقول نجلاء ارمي نفسك بالنار طعتك وانا فرحانه


بسام / ارحميني من الكلام الحلو مافيني اتحمل ماقول الا الله يمرر الاربعين على خير اخاف اتهور قبل لا تخلص

نجلاء وجهها ولع من الحياء مو راضيه تتعود على جرئت بسام

بسام باسها على خدودها / اروح وطي مع الخدود الحمراء

نجلاء بعصبيه / بسااااااااااام

بسام / الحلوه عصبت

قام بسام لمكان الضيافه صب لنفسه قهوه وصب لنجلاء وجاب لهم علبة حلاو وتقهو وجلس عندها لين نامت وطلع ووعدها يجيها العصر



في المستشفى
عند جاسم

مر على مرزوق يطمن عليه بعد العمليه وهو على امل كبير يلاقيها قدامه مل من الانتظار

جاسم / كيف ياعم الحين

مرزوق / اللهم لك الحمد

جاسم / ماشوف زارك احد من الاهل

مرزوق / ماقلت لهم مابي اخوفهم علي قلت اني مسافر

جاسم / خلاص كلها يومين بتطلع لا وصيكم تنتبه على نفسك اذا حسيت باي وجع لا تتاخر عن المستشفى

مرزوق / ان شاء الله

جاسم متردد يساله عن هند

جاسم / هند بتزورك ولا خلاص

مرزوق بحب / لا ما نامت طول الليل لين جت هنا وهي تحاتيني والله ماطلع من جزاها


جاسم في نفسه بحزن ومراره / مانمتي علشان مرزوق ولا حسيتي في الي ماعاد يعرف طعم للنوم من عرفك

يوم فقد الامل انها تجي قرر يطلع للبيت


بيت ام جاسم
الساعه 12 الظهر



دخل جاسم الصاله لقى امه وجداته والجوهره يسولفون

جاسم / السلام

الكل / وعليكم السلام

امه شافت التعب والارهاق واضح على ولدها ماتدري ان تعبه نفسي اكثر من انه عضوي

ام جاسم / يمه وش فيك شكلك تعبان

جاسم / كان عندي عمليه طول الليل احاتيها

ام جاسم / بشر يولدي

جاسم / الحمدلله يمه انا طالع مابي غداء ابي ارتاح

طلع فوق دخل غرفته لقى فيصل مبسوط على الاخر

دخل جاسم متضايق من غير ولا كلمه دخل بسريره بملابسه

التقت عليه فيصل وهو عارف ومتاكد ان السبب هند

فيصل / شفتها

جاسم / ............

فيصل / وش صار بينكم خلاك بالحاله

جاسم بتعب وحزن / فيصل والي يعافيك تعبان ماني برايق لسوالفك

فيصل سكت عنه وهو خايف ان يصير له مع غاده مثل ماصار لاخوه


فيصل في نفسه / ياخوف قلبي ياغاده يصير مصيري معك مثل مصير جاسم واختك وتلعبين بقلبي لكن انا غير جاسم انا والله ماتكونين لغيري وانا حي بطيب بالغصب انتي لي



جاسم في نفسه / مايبرد قلبي الي اشعلته الا زواجي منها بس شلون وكيف وهي قويه ما تنجبر اتهور معها وغصب عنها توافق علشان تداري فضيحتها لكن اخاف تكرهني وكرهها موتي انا ابي اكون بقلبها وما يملكه غير اذا ماوافقت علي بنجبر اتهور معها والي فيها فيها ماقدر اصبر اكثر من كذا وانا مولع فيها وهي ماتدري عن هوى داري

رد لعقله حرام عليك ياجاسم ماهي رجوله انك ادنس شرف بنت كيف وهي بنت عمك من لحمك ودمك
صار يشد شعره من التفكير الي ذبحه كل الحلول الي عنده عقيمه



يتبع








بيت عبدالرحمن
الساعه 2 الظهر


طلعت هند من الغرفه ماشافت احد بالصاله اطلعت لغرفة خالد لقتهم نايمين دخلت غرفة عدنان وكان مندمج بالاب توب مانتبه لدخولها قربت منه هند بحيث تشوف وش يطالع فيه كان صدمتها انه يطالع بموقع مخله

هند بصراخ / عدنااااااااااااان وش قاعد اطالع فيه

فز بخوف من صراخها المفاجئ وانصدم ان هند موجوده ولا حس بوجودها وخاف منها لانه متاكد انها شافت الي كان يشوفه

عدنان منزل عيونه بالارض خايف / ............

هند بصراخ / ليه ما ترد هذا جزانا انا وثقنا فيك وسلمناك لاب توب ووفرنا لك الي غيرك يتمناه مايلقاه

عدنان / ...........


هند / مافكرت بابوك وامك واخوانك ونظرتهم لك وانت تناظر مثل المواقع الوسخه تتوقع بيحترمونك ويعتبرونك رجال قد مسئوليتهم

عدنان بخجل من كلام هند / والله يا هند اول مره الموقع معطينيه واحد من لطلاب عندنا وقالي شوفه بيعجبك توني فتحته الا على دخلك

هند / تدري ان المواقع مسمومه والي مسئول عنها يهود يبون يفسدون قولي فايده وحده استفدتها وان اطالع الموقع

عدنان / .........

هند / بترضى ان اختك غاده تشوف الموقع اتوقع انك بتكسر راسها

هند / انا مراح اكسر راسك لانك كبير على الضرب لكن بسحب الاب توب وبمنعك عن الطلعه وان شفت شي ثاني بضربك وبنسى انك رجال

عدنان بحزن / هند انا ماهمني الطلعه ولا الاب توب خذيهم ما بيهم حتى لو تضربيني عادي عندي لاني غلطان

قام وضمها بقوه وهو يبكي من قلب انا الي يهمني رضاك واني ما طيح من عينك تعرفين ان اعتبرك امي الثانيه


هند رفعته عن صدرها وطالع بعيونه

هند بحنان / عدنان انت غلاك من غلات غاده عمري ما فرقت بينكم بالمعامله والله يا عدنان ابي لك الخير وترفع راس امك وابوك وترفع راسي عدنان ابي لك شخصيتك القويه المستقله مو كل من قالك شي سويته لو كان غلط حبيبي الصاحب ساحب صاحب الاخيار والخربانين بعد عنهم لانه بيضرونك

عدنان يطالع فيها / اوعدك يا هند اني ابيض وجهيكم وانا المدرسه من زمان ما هي عاجبتني كل الي فيها خربانين وطلبت من ابوي اني انقل ورفض


هند بحب / من بكره بسحب ملفك وانت تختار المدرسه الي ترتاح فيها كم عدنان عندي


عدنان باس راسها / هند خلي خالد يسال عن المدارس انا ماعرف

هند تاشر على عيونها / من عيوني

طلعت هند واول ما فتحت الباب ناداها عدنان

عدنان / الاب توب ما خذتيه

هند تبتسم / المره هذي سماح لان بصدقك انها اخر مره وبصدق انك تبت ويا ليت تكون عند وعدك

عدنان بابتسامه / انا رجال عند وعدي

هند / منت بنازل يارجال للغداء

عدنان لحق هند وحطت يدها وراء ظهره ونزلو مع بعض

هند / عدنان ابيك بعد ساعه تكون جاهز بزور واحد بالمستشفى ولازم محرم وانت محرمي

انبسط عدنان وانها معتبرته رجال ودعمت فيه الرجوله

عدنان بفخر / ان شاء الله بس لا تتاخرين علي مثل العلة غاده

غاده كانت توها راده من الجامعه غاده / ماعله الا انت احمد ربي الي معطيتك وجه وكل ليل وانت تناديني اسهر معك على افلامك البايخه وانا اجاملك

عدنان / وراء ما تنطمين وتدخلين غرفتك تبدلين

هند راحت لصاله تركتهم لانها تعودت على مناقرهم الي ما ينتهي يتهاوشون ويتراضون ويصيرون حبايب بدقيقه

غاده / ماماتي الجوهره كلمت بتزورني اول مره تجيني ماماتي اذا بتروحين مشوار جيبي لي اغرض لضيافه

هند / تبين شي قولي لعدنان يجيبه لك انا ماني فاضيه

غاده التفتت على عدنان / عدوني حبيبي تجيب لي الاغراض

عدنان / يلعن ابو المصالح توك ماكلتني بالسانك

غاده تسلم على راسه / هههههههه اعرفك عدنان تحبني ما تبيني اتفشل قدام صديقتي

عدنان / طيب بجيب من غير ما تنافقيني

غاده / يافاهمني

دخلت غاده الغرفه بدلت وانسدحت ونامت هند لبست عباتها طلعت مع عدنان رايحين للمستشفى

دخلت هند المستشفى دخلت غرفة مررزوق تطمنت عليه ماطولت اطلعت مرت الشركه لانها ناسيه بعض الاوراق المهمه دخلت ومعها عدنان وعلى طول طلعت وصلها عدنان البيت وراح يشتري الشغلات الي وصته فيهم غاده



بيت ام جاسم
بعد صلاة المغرب


كان فيصل واقف عند راس الجوهره يستعجلها يتعذر ان وراه مشوار على الساعه 7 خلصت الجوهره وركبت السياره ووصلت لبيت عبد الرحمن على طول فتحت لها الشغاله




في بيت عبدالرحمن
بعد المغرب


كانت هند وغاده بالغرفه هند تشتغل على لاب توبها وغاده خلصت لبس وتسوي مكياجه

لبست فستان قصير لتحت الركبه ناعم ابيض بورود ورديه ماسك على جسمها كان مكياجها وردي وشعرها المصبوغ بخصل ثلجيه مرفوع بشكل عشوائي وطالعه قمه بالانوثه والبراءه والجمال

خلصت غاده والتفتت على هند

غاده / ماماتي منتي بجالسه معنا ابيك تشوفين صديقتي

هند / عندي شغل وتكفي عني خالتي

غاده / طيب لا تجلسين بس سلمي عليها

هند ماتبي تقابل الجوهره خايفه ان كل شي ينكشف بالوقت الغير مناسب

هند / اذا خلصت شغلي جيتكم

غاده / طيب بطلع اسمع صوت الجرس اكيد هي


طلعت تفتح الباب وكانت الجلسه بالحديقه لان الجو حلو نزل فيصل الجوهره وطلع راجع للبيت دخلت الجوهره البيت واستقبلتها غاده وخالتها

نوره / ليش امك ماجت معك

الجوهر / ما تقدر تترك جداتي

دخلت غاده تجيب شغلات الضيافه جلست معهن نور شوي ودخلت لصاله جلسن سوالف ووناسه وضحك لين جت الساعه 1 بالليل سمعت الجوهره صوت جوالها اكان فيصل عند الباب يبيها تطلع

الجوهره / غادع ابي شريط الفلم الجديد لتوم كروز

غاده / مدري وش يحببك فيه

الجوهره / اقول انظمي وطيري جيبيه


عند فيصل

اول ماوقف عند الباب تو محمد جاي من برا كان بملابس رياضيه لانه طالع مع الشباب لستراحه ولاعب هناك كوره اول ماشاف السياره واقفه عند الباب جاء عند فيصل وعرف ان اخته عند غاده محمد سلم عليه

محمد / انزل ياخوي تقهو البنات يطولن مايطلعن

فيصل / مره ثانيه

محمد فتح الباب / حلفت عليك تدخل

دخل محمد فيصل المجلس وكان موجود قهوه والحلى

محمد / اسمح لي بغير لبسي وبرجع مراح اطول البيت بيتك طلع محمد فوق وعلى طلعته دخلت غاده قسم الرجال وكانت تغني غاده بصوتها الناعم

ناويلك على نيه
بس انت اصبر اشويه

فز قلب فيصل لما سمع صوتها وهو يدعي بقلبه انها تدخل

فيصل بنفسه / حتى بختيارها للاغنيه تتوعد وتهدد فديتها حيتي يارب انها تدخل وامتع عيوني بشوفتها وبرد قلبي المشتاق

كان فيصل جالس بزاويه المجلس ماشافته غادة لما ادخلت المجلس على طول طارت على مكتبة التلفزون ما تدري عن الي افترسها بنظرانه وانصدم من جمالها ونعومتهادخلت راسها بدرج المكتبه وتتكلم بصوت عالي

غاده بطفش / اوف منك ياخلود انت وحوساتك ما تعرف ترتب الاشرطه يبيلي يوم ادور الشريط الي ابيه

سمعت صوت من وراها / ااااااااه يويل اقلبي وش ها لزين ناويه تذبحيني

رفعت راسها بخوف صقع راسها برف الي فوق فركت راسها من الوجع والتفت على مصدر الصوت انفجعت من الي تشوفه

فيصل يضحك بصوت عالي من شكلها وهي بالمكتبه / هههههههههههههههه

غاده بعصبية / وجع من وين طلعت انت انسي ولا سكني

فيصل بابتسامه وصوت ذايب / انسي الي خربتي سيارته والي جمدتي حسابه والي وقفتيه عن الشغل والي جايب اخته يعتذر

تلفتت غاده حوليها لقت كوره كرستال كبر الكف


غاده بعصبيه / شكلك ما تبت وهذي بعد منى

حذفته بالكوره بكل قوتها اصابته بجبهته وصار دمه ينزف على وجهه


فيصل بوجع والم / يالمجنونه وش سويتي وش ذا الاجرام الي فيك

غاده بقوة / هذي ثمن شوفاتي وعندي اكثر ويله فارق


طلعت غاده من المجلس وفيصل منقهرمنها طلع من المجلس وكلم الجوهره وقال بيتاخرخاف تكشفه الجوهره وعلى طول راح للمستشفى وكلم جاسم يجيه هناك

دخل فيصل غرفة الطوارئ وقالو لازم خياطه وهو بالغرفه دخل عليه اخوه جاسم خاف لما شاف شكل اخوه توقع انه مسوي حادث

جاسم / سلامتك ياخوي

فيصل يتذكر الي صار / ههههههههههههههههه ما قدر يتكلم من الضحك جاسم خاف ان الضربه ماثره بعقل اخوه

جاسم بخوف / بسم الله عليك صاير لعقك شي

فيصل كمل عليه شكل اخوه وهو خايف انه انجن / ههههههههههههههههه وصار يمسح دموعه من كثر الضحك

جاسم بصراخ / قول وش فيك

فيصل توقف عن الضحك / وش تبيني اقول اقول حيتي بطت راسي ثمن شوفتها كل ماشفتها انضريت

جاسم بعصبية / صاحيه ذي ولا مجنونه

فيصل بحب/ اااااااااه يا قلبي شكلي بلحقك بطريق العاشقين تصدق ضربتها على قلبي احلى من العسل اذا كانت الثمن الي شفته اليوم يويلي على الي شفته يا جاسم ما فقت من شوفتها الا بضربه على راسي اشعلت بقلبي نار

ماصار فيني صبر تولعت فيها ياخوي بتزوجها والله ما تتزوج غيري وان فكر فيها احد مجرد تفكير والله موته على يدي متزوجها غصب عليها هي تحتاج من يروضها وانا الي بروضها وانا ولد ابوي


جاسم بنفسه / شكل بنات عمك بيخلنا مجرمين ااااااه من وجع الي بين ضلوعي الي فيني اكثرر بكثير من العشق

جاسم / هههههههههه خلك مثل اخوك خل شوفاتك مسروقه وتبرد قلبك من غير اضرار واصابات الله يقرب البعيد ونصير عدايل انا وانت


فيصل / ياخوي مجنونه مافكرت وش اضرار ضربتها يمكن يصير فيني ارتجاج او تصير بعيني على قولتها افعالها تسبق اقوالها على كل هذا حبها بقلبي يزيد ويكبر شوفتها تنعش لي قلبي احساس لذيد ياجاسم


جاسم بوجع/ تقولي حلاوته وش معذبني وكاويني غير ذا الاحساس انا قررت اخطبها منها لان قرارها بيدها ومتنغصب مع اني ضامن الرفض لكن بسوي الي علي علشان ما تحسف




يتبع







في بيت عبدالرحمن
الساعه 2 ونص الفجر


الجوهره مستغربه من فيصل كيف يوصل للباب وبعدين يروح

الجوهره / غريبه من فيصل يقولي اطلعي وبعدين قالي راح

غاده بنفسهاوهي تضحك وفرحانه بالي سوته \ لاني ضربت راسه وسيلت دمه ولا له وجه يقول لك انيبطيت له راسه خله يحرم يبصبص


عند فيصل

طلع من المستشفىمع جاسم مرو على بيت عبدالرحمن طلعت لهم الجوهره بعد مكلمها فيصل

طلعت منالبيت وركبت السياره خافت لما شافت راس فيصل عليه شاش

الجوهره بخوف / سلامتك فيصل وش صاير

فيصل / حادث بسيط

الجوهره / ان شاء اللهماتعورت

فيصل / الحمدلله

فيصل التفت على جاسم / شخبار هند

الجوهره / ما شفتها بغرفتها اتوقع انها متعمده ما تقابلني علشان متنكشفانها تعرفني واني بنت عمها

التفت جاسم لفيصل بيردها له / شخبار غاده

لجوهره / معليها مبسوطه

فيصل في نفسه / اكيد مبسوطه على الي سوتهفيني وانا جايبك علشان اعتذر منها وتاليتها تفلع راسي ويخيطونه ست غرز


وصلو بيتهم دخلو بالصاله الكل نايم ودخلت الجوهره غرفتها بدلت ونامتوطلع جاسم وفيصل غرفتهم وانسدح كلن على سريره وكلن يفكر بحبيته الي سلبت روحه وخذتقلبه وهي مادرت عنه


البارت السادس والعشرون


مرت الاسبوع لا جديد في حياة ابطالنا طلعت نجلاء من المستشفى لعند امها

طلع مرزوق من المستشفى وعطتها هند اجازه يرتاح وسكنت اهله البيت الجديد

تحدد ملكة نواف بتكون السبت بعد اسبوع من الخطبه بعد ماطلعت النتائج بالايجاب




اليوم ملكة نواف والجوهره

الحفله مختصره على اهل نواف واهل جاسم لبست الجوهره فستان بسيط ومكياج ناعم جاب لها جاسم دفتر الملكه ووقعت على العقد وهي ترتجف

جاسم / ياله انزلي نواف بيشوفك

الجوهره بخوف / يحلم ما يشوفني الا بزواج

جاسم بعصبية / بلا حركات البزران بتفشليني مع الرجال

الجوهره باصرار / شوفه مراح يشوفني وتعرفني لعندت

جاسم بعصبية / وش بقوله ما فكرتي فيني

الجوهره بقوة/ با نزل تحت عند امه وجداته قوله يسالهن عن شكلي بيشوفني ما حب استعرض عند الرجال لو كان متملك علي

جاسم يحاول يمسك اعصابه / مصره

الجوهره / قولة يشوف فيصل كانه شايفني قوله انه يشبهني

جاسم ما قدر يكتم ضحكته من هبال اخته

جاسم / ههههههه من صدقك اقوله هالكلام

الجوهره / ايه قول الجوهره تستحي من ظلها تستحي انك تشوفها وعندك فيصل شوفه وتمقل فيه

جاسم بستسلام / الله يصبرك على مبلاك يانواف

نزل جاسم وهو منقهر من اخته ما يبي يضغط عليها شاف فيها الخوف والاتباك

دخل المجلس نادى فيصل

فيصل بخوف / لا تقول رافضه الشوفه

جاسم / ههههههههههههههه اختك هذي مجنونه

فيصل / وش صار

جاسم / قال كل الكلام الي قالته له الجوهره

فيصل / هههههههههههههههههههه صراحه فله اختك تبيني استعرض قدام نواف بدالها ويتمقل فيني

جاسم / انا بقوله كلامها الي قالته هذي امانه


فيصل جلس على الكنبة في الغرفه الي المفروض الجوهره تجلس فيها علشان الشوفه

دخل جاسم المجلس وهو كاتم ضحكته واشر لنواف يجي معه ونواف خايف ومرتبك من الشوفه اكثر من الجوهر على انه متشوق يشوف الي بتكون زوجته


دخل لقى فيصل جالس على الكرسي ولا شاف الجوهره

نواف بتوتر / وين اختكم انا شبعان منكم

جاسم وفيصل في نفس الوقت /ههههههههههه

نواف / مستخفين دمكم خلصوني بشوف زوجتي

فيصل بمزح / ههههههه تمقل فيني

نواف / وش ابي فيك طفشان من وجهك

جاسم / هههههههههههههههه مالك الا هو

نواف مستغرب / وش فيكم تضحكون فيه شي ضحكوني معكم

جاسم / قال كل الي قالت الجوهره

نواف بخوف / انتم غاصبينها علي

جاسم بجديه / لا والله هي عليها هبال وتصرفات بتكشفها بعدين

نواف بترجي / طيب تواعدني اشوفها قبل الزواج

جاسم / اوعدك لكن بدون رايها لانها رافضه الشوفه وتقول بالزواج بيشوفني

نواف باصرار / بكره بسهر عندكم دبرو لي شوفه لها مو لازم تدري صارت حلالي

فيصل بجدية / يصير خير ترى ماراح نكون مسئولين بتصرفها لما تشوفك

نواف / معليكم انا عافيكم عن المسئوليه

دخلو مجلس الرجال تعشو بعد العشاء نواف طلع لبيته وجاسم وفيصل طلعو غرفتهم

و الجوهره بغرفتها ما حبو يضايقونها يمكن تبي تختلي بنفسها بعد الملكه



بيت عبدالرحمن
الساعه 9 بالليل


هند دخلت على خالها المكتب تبي تقولها ان بكره بتنتقل مع جداتها لقصر امها دقت الباب سمعت صوت عبد الرحمن يسمح لها بالدخول

هند / السلام خالي فاضي ابيك بموضوع

عبد الرحمن بحب / وعليكم السلام افضي نفسي علشانك

هند / تسلم يالغالي خالي بكره بسكن القصر

عبدالرحمن بعصبيه / اش قلتي ياهند بتتركينا

هند / خالي لا تتسرع وتعصب قبل لا تفهم الموضوع

عبالرحمن / طيب قولي اسمعك

هند / جدتي تبي اجلس معها مده قبل لا ترجع الديره صعبه علي اسكن عند بيت ابو جاسم اقترحت الاقتراح هذا مراح تكون اكثر من شهر لاني برجع لكم

عبدالرحمن بجدية / طيب واختك مافكرتي فيها

هند / الا فكرت فيها بس بتبقى هنا لازم تتعود على غيابي الحين كبرت وانا الظروف اجبرتني وخالتي فيها الخير والبركه وبمركم يوميا مراح اقطعكم

عبدالرحمن / خلاص انا موافق

باست راس خالها وطلعت ولما وصلت الباب تذكرت التفتت على خالها

هند / خالي بكره الموعد مع شركه ال ..... الساعه 6 المغرب بمطعم ال...... نتقابل بالمطعم ولا بتمرني

عبدالرحمن / لا انا بمرك ونمشي مع بعض لهم

هند بحب / تسلم خالي بروح انام

طلعت لغرفتها تذكرت سالفة عدنان طلعت فوق فتحت الباب لقت خالد جالس على مكتبه يراجع بعض الاوراق

هند / خالد اترك الي بيدك ابيك بموضوع مهم

خالد ترك الاورق وجلس جنبها على الكنبه

هند بحدية / خالد متى اخر مره زرت مدرسة عدنان

خالد / من زمان مامريته

هند / وليه لا تقول انك مشغول الشغل ماهو اهم من مستقبل اخوك

خالد / قولي الي عندك

هند / حكت لخالد الي صار من يوم شافت الموقع المخل لين طلب النقل

خالد عصب / الحمار انا اوريه

هند بعصبيه اكبر / ما لك دخل يا خالد الي صار تفاهمت مع عدنان عليه الحين دورك تشوف مشكلته مع المدرسه وتنقله

والله ياخالد لو تعرضت لعدنان وزعلته لساني ما يجي على لسانك وتعرفني قول وفعل

خالد باس راس هند / السموحه يا لغاليه بكره بعد ما نزلك بالشركه بروح لمدرسته


هند / بكره بروح مع عمران انت شوف مشكلة اخوك ومستواه الدراسي واياني وياك تتصرف تصرفات من راسك الي قلته لك سوه بدون زياده او نقصان

خالد / طيب

طلعت هند من عند خالد نزلت تحت ادخلت غرفتها جمعت اغراضها الي تحتاجها معها بببيتها الجديد وبتاخذ عمران وريتا معها وشغاله فلبينيه تساعد ريتا بالشغل والاهتمام بالجدات

ونوره تبرعت بالطباخه لهند بعد ما عرفت انها بتسكن من غيرهم لانها تعرف هند ما تعرف شي بالمطبخ

قررت تمر جداتها بعد الدوام وتاخذهن معها للقصر وبالصباح بتمر تحط الاغراض والشغالات بالبيت

جلست ترتب باغراضها ساعه لين خلصت بعدها انسدحت على سريرها جنب غاده وبعد دقائق نامت من التعب







اليوم الثاني
في بيت عبدالرحمن


صحت هند الفجر صلت قومت غاده دخلت الحمام اخذت شور لبست وطلعت وتركت غاده بالحمام دخلت بالصاله مالقت فيها احد دخلت المطبخ سوت لها كبتشنو اخذته وجلست بالصاله

دخل عبد الرحمن وخالد ومحمد وعدنان جاين من المسجد

الكل / السلام

هند / وعليكم السلام


عبدالرحمن / معزمه على الي قلتيه امس

هند / ان شاء الله

خالد ومحمد ما عندهم خبر عن قرارها بالسكن مع جدتها

محمد / وش معزمه عليه هند

هند / بسكن بقصر امي

الخبر نزل عليهم بحزن ماهم متقبلين البيت من غيرها شك خالد يكون السبب النقاش الحاد الي صار بينهم

خالد بحزن / هنوده ليكون الي دار بينا السبب

هند / خلود لا انا مقرره من اكثر من اسبوع والسبب جداتي بجلس فتره معهن قبل لا يرجعن لديره

ومدت مفتاح على خالد ومفتاح لمحمد

هند / وهذ مفتاح القصر كل مابغيتم وشتقتم الي تعالو

عبد الرحمن بمرح / وين مفتاحي

هند مدت له مفتاح / وهذا لك يالغالي

التفتت هند لخالد وقالت / خالد نفذ الي قلته لك مثل ما تفقنا

خالد / ان شاء الله

جلسو على الطاوله وافطرو وبعد الفطور طلعت غاده من غرفتها مالبست

هند / غاده لا تاخريني

غاده / ماماتي نسيتي ان اليوم محاضرتي متاخره

هند / كان ذكرتيني يله اجل بطلع

نادت الشغاله وريتا وطلبت يشيلون اغراضها ومعهم هنديانا وسعاد حارساتها طلعت من البيت بطريقها للقصر اول ماوصلت افتحت الباب ونزلن الشغالات والحارسات بالاغراض وهي بسياره ارجعت لها هنديانا لانها دايم برفقتها حركت السياره بتروح لشركه



يتبع







بيت ام جاسم
الساعه 6 الصباح


صحت الجوهر ودخلت الحمام اخذت شور ولبست وطلعت لقت اخوانها جالسين يفطرون وامها والجدات بغرفهم دق جوال الجوهره شافت رقم هند الي خزنته لما كانت عندهم

الجوهره / الو

هند / صباح الخير

الجوهره / صباح النور شخبارك هنوده

جاسم كان بيده كاس حليب اول ماسمع اسم حبيبته انكب الحليب الحارعلى يده

هند / الحمد لله مبروك ياعروسه

الجوهره بحيا / الله يبارك فيك وعقبالك

هند / لا راحت علي

الجوهره / الي يشوفك تقولين هالكلام يقول بالخمسين ماراحت عليك

هند / المهم انا كلمتك ابيك توصلين كلامي لجداتي بعد الظهر بمر عليهن باخذهن يسكن عندي

الجوهره بحزن / بيسكنن عندك اليوم ويتركنا

جاسم كان يشرب حليب من فرحته انها بتسكن اليوم وبيصير قريب منها شرق بالحليب

فز فيصل متروع من شرقت اخوه على طول ركض له جاسم ياشر بيده يعني ماله داعي تخاف

هند / حياك الله انتي وخالتي

الجوهره / صعبه يمكن ازور غاده

فز قلب فيصل في نفسه فديت الاسم وراعيته مشتاق لشوفتها لو الثمن رقبتي بس كيف اشوفها


هند / غاده ببيت خالي ما تدري عن شي

الجوهره / خساره كنت اضن انك قلتي لها

هند بجدية / بعد الاختبارات باقي شهرين يله بسكر عندي شغل على الساعه ثتين بجيكم

الجوهره / ان شاء الله فمان الله

سكرت الجوهره من هند والتفتت لفيصل

الجوهره / انا طالعه الجامعه قول لجداتي لقامن هند بتمرهن الساعه 2 بتاخذهن لبيتها

فيصل / طيب

طلعت الجوهره مع جاسم الي بعالم ثاني يفكر الليلة يخطبها وخايف من رفضها له لان قلبه مراح يستحمل انها ترده



في بيت ابو بسام

صحت غاده واخذت شور ولبست لبس الجامعه وطلعت من غرفتها لقت بسام بالصاله جالس مع ابوه
بسام بعد ولاده نجلاء رجع لغرفته القديمه لانه رافض يسكن بالبيت وحبيته ماهي فيه دخلت عليهم الصاله سلمت على راس ابوها

غاده / بسام كيف نجلاء

بسام / الحمد لله

غاده / الكتاكيت الصغار متى يطلعون من المستشفى

بسام / على كلام الدكتور بعد اسبوعين

غاده / تراني حاجزتهم يوم كامل

بسام / هههههههههه شايفتهم شاليه

غاده / تعرف من زمان عن الصغار اخر صغير عندنا العله غلاء

ابو بسام / انتي وش فيك على اختك ليش ما تعطينها وجه ترى تراها اختك

غاده بمزج / البلى انها اختي لازم اتذكرني بالحقيقه المره كنت ماكله الجو كله جت هذي وعطيتوني تقاعد


بسام وابو بسام / ههههههههههه





في بيت ابو نواف


من بعد ما طلعت نجلاء من المستشفى سكنت عند اهلها بغرفه تحت مجهزتها ام نواف ونواف جالسين بالصاله مع امه ودخلت عليهم نجلاء

نجلاء / مبروك كنت اتمنى اني حاضره

نواف / الله يبارك فيك خاشك لزواج

ام نواف / اش رايك فيها ان شاء الله اعجبتك


نواف كاتم الضحكه وهو يتذكر فيصل وانها

كانت النظره له / معليها مقبوله اهم شي عندي الاخلاق

ام نواف طيرات عيونها ان ولدها يقول عن الجوهره مقبوله

ام نواف / انت صاحي وش الي يعجبك اذا الجوهره برايك مقبوله

نواف خاف ان امه تكتشف انه ماشافها حب يرقع الموضوع

نواف / يمه كنت مستحي ما دققت بشكلها

ام نواف / بتلحق اتشوفها ان شاء الله

نواف / ان شاء الله يمه ابوي وينه

ام نواف / تعبان مراح يروح لشغل بدري

نواف يبتسم /شكلكم سهرانين البارح تتذكرون ايام خلت

ام نواف وهي تبتسم لولدها / يازينها من ايام

نجلاء / يعيني على الحب والرومنسيه وينك يبه

ابو نواف / هنا وان ابوك تبين شي

نجلاء / ههههههههههه كنا نحش فيك

ابو نواف / عسى حشكم فيني زين

نواف / كل الزين نسئل امي عنك وتقول انك تعبان عسى ماشر يبه

ابو نواف / لا خير ان شاء الله بس كسلان تعرف ملكتك ما نتهت الا متاخر وانا ما طيق السهر ان سهرت اصدع ويعتفس نومي

ام نواف / اجيب فطورك ولا بتكمل نومك

ابو نواف / لا برجع انام






الشركه

حولت السكرتيره لها مكالمه دوليه وان الي بتلفون مصر يكلمها

هند / الو

سعد / شخبارك هند معك سعد

هند بلهفة / بشر يسعد عن ولدك ان شاء الله بخير وانجحت عمليته

سعد بفرح / الحمد لله الحين فترة نقاهه وبعدها بنرجع لديره

هند / اللهم لك الحمد لا تستعجل برجعه الاجازه مفتوحه وبمرتب اهم شي صحة ولدك

سعد بامتنان / ما قصرتي والله لو تشوفين امه على سجادتها تدعي لك كنا فاقدين الامل والحين نشوف قدامنا عايش من جديد من بعد فضل الله ثم انتي عاجزان عن شكرك

هند بجدية / ما سويت شي الي سويته تسويه أي شركه مع موظف كفئ له فضل على الشركه اكون جاحده ان ماعطيت موظفيني حقوق من علاج وراحه

سعد / الله يجزاك خير ويكثر من امثالك يله مع السلامه

هند / مع السلامه

بعد ماقفلت عند الخط طالعت بالساعه الا باقي ربع ساعه وتصير ثنتين لبست عباتها مرت على مكتب خالد طقت عليه الباب سمح لها بدخول

هند / خالد انا بروح لبيتي انتظرك بالليل من عشر وراء لان عندي جتماع ست المغرب

خالد / زين مادام بكره الخميس بسهر عندك سهره صباحي

هند / حياك الله

طلعت من الشركه بطريقها لبيت ام جاسم








في بيت ام جاسم
الساعه 2 الظهر

جاسم جالس مع الجدات الي جاهزات ينتظرن هند كان جالس على نار الانتظار وتعب من كثر ما يناظر الساعه سمع صوت الجرس وعلى طول ركض عند الباب اول مافتح الباب كانت هند بوجهه دورو جاسم ما تلقونه ذاب داخل ثيابه

هند / السلام

جاسم / وعليكم السلام

هند / جاسم انا جايه اخذ جداتك

جاسم بجديه/ جداتي مسئولات مني انا الي بوديهن

هند طالعته بنص عين وفي نفسها / هذا اش قاعد يقول

هند / والمطلوب

جاسم انتبه لنبرت صوتها / يعني انتي روحي مع سواقك وبيحلقنك معي

هند بقوة / انا ما جيت علشان امشي من غيرهن

جاسم / وهذا الي عندي

هند بصراخ / اذا بتجيبهن خلهن عندك ماني ملزومه فيهن مو انت مسئول عنهن خلاص مشكور ريحتني
مشت وتركته راجعه لسياره

انقهر جاسم من اسلوبها وان الي براسها هو الي يمشي


جاسم خاف انه يشد معها ويخرب كل مخطاطاته اهم شي يملكها وبعدين يربيها من جديد ويكسر خشمها

صحيح يحبها ويعشقها لحد الوجع لكن مستحيل يسمح لها تهين كرامته ومستحيل يبين حبه لها وعشقه لها وضعفه

فالرجال الشرقي الرجوله تمنعه يظهر ضعفه لحرمه

التفت لها قبل لا تركب سياراتها

جاسم بصوت عالي / يابنت الفهد ادخلي خذي جداتي ينتظرنك من الصباح على نار مابي اكون انا السبب بزعلهن ولو بكيفي كان ما سمحت لهن يجن عندك

طالعته بكل غرور وتقدمت بتدخل للبيت

هند بسخريه / كان من الاول بدال ما نتطاول على بعض حط في بالك اني ماينقالي لا والي ابيه يصير غصبن عن اكبر شنب وطالعته بحتقار ودخلت


ولع من القهر من استحقارها له ولعن القلب الي بصدره انه عشق وتولع فيها لكن ما باليد حيله خلاص حبها تمكن منه حتى النخاع

طلعت هند والجدات وجاسم للحين واقف عند الباب ساعدت الجدات بركوب السياره


التفتت لجاسم لقته واقف عند الباب ارجعت له افتحت شنطتها مدت له مفتاح للباب الخلفي للقصر

هند بامر / هذا مفتاح باب البيت الخلفي وياليت تجي اليوم قبل المغرب عند جداتك لاني مضطره اطلع المغرب ويمكن اتاخر

جاسم / وش ذا الموعد الي يخليك تتركينهن

هند بكل غرور / مو شغلك خلك بجداتك


هنا جاسم اصبح كتله من الغضب بسبب تصرفاتها المغروره وحلف وتوعد انه يكسر خشمها وانه بيبدا بخطته الي بيتزوجها فيها غصب عنها

حركت السياره وللحين جاسم يغلي دخل البيت وطلع لغرفته لقى فيصل جالس

جاسم منقهر / بنت عمك هذي والله حرام فيها حبي

فيصل التفت عليه مستغرب من عصبية اخوه

فيصل / وش سوت بعد

جاسم بقهر / قول وش ماسوت مستحقرتني كاني مو موجود

فيصل بعصبية / توك تدري عن قدرنا عند بنات عمك والبركه براشد

جاسم بعصبيه / الله ياخذ راشد الي حرمنا من احترام الي نحبهم لنا

فيصل وهو يمسح على جرحه

فيصل / شكل حبنا بيقتلنا ويخلينا ملطشه بيدين بنات عمك شوف ذا الجرح الي بجيهتي من يد الي احبها ما ندري وش ينتظرنا من بنات عمك

جاسم / اليوم بروح اسكن هناك وقررت يالليله يبكره بطيب بالغصب بتكون من نصيبي

فيصل خاف من اسلوب اخوه / جاسم وش ناوي عليه هند مستحيل تنغصب

جاسم / لا تستعجل بكره تشوف

فيصل / لا تنسى موعد نواف بيشوف العله اختك الله يستر لا تفشلنا بحركه من حركاتها اذا شافته قدامها وهي ماتدري


جاسم / بطيب مستحيل ترضى بالشوفه ومن حقه يشوفها بجي بعد صلاة العشاء مابي افوت على نفسي الي بيصير ومتحمس على ردة فعل الجوهره



بيت هند
الساعه 2 الظهر


اول مادخلت هند القصر رجعت لها وجع الذكريات


تذكرت بالصاله وامها مرميه وراشد حاط رجله على خدها تذكرته وهو يضم زوجته وتذكرته وهو طالع من المطبخ بالاكياس يطلب منها تجمع ملابسهم وخوفها منه واستسلامها له بكل ضعف

تذكرته على الدرج يسحبها بكل قسوة العالم
تحس بضيق يخنقها ويطبق على انفاسها اختنقت من الذكريات القاتله الي حطمتها

طلعت فوق لغرفتها لقت الغرفه تغيرات مصبوغه بلون واحد مطموسه صورتها الي كانت موجوده

هند بحقد / مايكفيك الي سويته يارشد حتى صورتي مسحتها ماتبي شي يذكرك فينا
تستاهل ما جاك مني توك مابعد شفت شي خلك تظهر بحياتي من جديد بتشوف منهي بنت ساره




يتبع







بيت عبدالرحمن
الساعه 2 الظهر


غاده دخلت الصاله لقتهم كلهم متجمعين

غاده / السلام

الكل / وعليكم السلام

نوره / تغديني بالجامعه

غاده / لا خالتو

نوره / روحي الغداء جاهز ترى من عمل ايدي

غاده بحب / اش عنده الجميل داخل المطبخ وطابخ بايدينه الذهبيه

نوره / ياحبي لك لان الطباخه مع ماماتك

غاده / يوه اجل الله يصبرنا على تجاربك

نوره / توك مادحتني ومطيرتني لسابع سماء ماكملتي وبسرعه قلبني

غاده تركض وتحضن نوره بكل حب

غاده / والله ياخالتو اشوفك بعيوني اجمل وحده يكفينا قلبك الطيب الي الكل يشهد له

نوره بحب / رفعت راس غاده وباستها الله لا يحرمني منك ومن اختك وخوانك كل ليل اشكره ان ربي الي انعم علي فيكم ما تخيل البيت من غيركم لتزوجتن

محمد / تطمني يمه غاده ضامن بطيح بكبدك وتعنس

غاده بعصبيه / محيميد لو ابي العرس تشوفهم طابور الباب

خالد / صدقناك روحي بدلي وتغدي لا تكثر صواريخك

محمد ينرفزها / هههههههههه راضين بالواحد يطق بابنا ما نبي طابور

غاده / سخيفييييين خالتو ساكتيهم وقولي لهم ان اخت جارتك خطبتني لولد ولدها

خالد / هههههههه ياطول المشوار اخت جارتك وخطبت لولد ولدها

الكل / هههههههههههههههه

نوره / وهي صادقه ما عمري رحت معها عزيمه الا اليوم الثاني تنخطب بس اختكم ما يعجبها العجب

مدت غاده لسانها عليهم فرحانه بكلام خالتها

محمد / ياطول لسانك كانه لسان حيه

غاده / قول ما شاء الله مابي يصير للساني شي بسبتك

خالد بيقهرها / تكفى لا تقول ما شاء الله نبي نرتاح من طول لسانها

نوره معصبه / خلود محمد اذكرو ربكم على اختكم ترى العين ما يمزح فيها

كلهم / ما شاء الله وتفلو عليها

غاده بقرف / ووووووع الله يقرفكم لازم اتسبح بديتول ومعقمات

خالد / هذا علشان ما يصير لك شي بسبب عيونا

دخلت غاده غرفتها اخذت شور ولبست بجامتها وطلعت لقت الصاله مافيها احد دخلت المطبخ تغدت ارجعت لغرفتها ونامت





بيت هند
الساعه 4 العصر


هند بغرفتها تريح شوي لان وراها موعد لازم تكون مستعده له ماطلعت لغرفتها الا بعد ما تاكدت ان جداتها بغرفتهن

على الساعه 5 طلعت بالصاله ما لقتهن فيها دخلت للمطبخ طلبت من الطباخه تسوي لها شي خفيف تاكله سوت بعض الفطائر السريعه مع عصير برتقال

خلصت من الاكل ورجعت لغرفتها تتجهز لبست عباتها لان خالها بيمرها ما تبي تتاخر عليه

كانت جالسه على الكنب و لابسه عبايتها سمعت الباب الداخلي يطق عرفت انه جاسم على طول لبست نقابها وسمحت له بالدخول

هند وهي منغمسه بالاوراق / زين جيت بوقتك انا كلها عشر دقائق وطالعه

طالع فيها جاسم شافها عيونها باوراقها مو مهتمه بوجوده

جاسم / وين جداتي بروح لهن

هند / ريتا

جت ريتا بسرعه لما نادتها هند

هند بعدم اهتمام / دليه على غرفه جداته


انقهر جاسم من تهميشها له وكانه جاي يشحذ منها محد يتجرء يسيئ ادبه معه ولله لو كان رجال كان مردغ وجهه بالتراب

جاسم بسخرية / يابنت الفهد من عوايدكم تستقبلون ضيوفكم كذا

هند بقوة / مو كل الضيوف يستحقون الاحترام فيه ضيوف غير مرغوب فيهم وهذا انت تعرفه من البدايه وصنفت نفسك منهم


خلاص جاسم لو بيبقى دقيقه وحده يمكن يذبحها مراح يشفع له حبها كله ولا كرامته

جاسم يحاول يكتم غيضه منها / مستغنين عن ضيافتك لولا الجدات ما دخلت المكان الي انتي فيه لان الي مايحترم الناس ما يستاهل الاحترام


جاسم بنفسه / تكذب على نفسك يا جاسم انت ما تبي تكون بالمكان الي هي فيه انت تعد الايام والليالي علشان تصير قريب منها اه من قسوة قلبك يا هند

دخل ما نتظر ردها لانه عارف انها لازم تكون الكلمه الاخيره لها ولا له خلق يسمع تجريح اكثر


سمعت هند صوت الجرس على طول طلعت برا البيت لقت سيارة خالها

هند / السلام

عبدالرحمن / وعليكم السلام

جاسم مدخل سيارته بالكراج الخلفي علشان كذا عبدالرحمن ماشافها ماناقشها بالموضع لانه ما يدري وهي ما قالت له عن وجود جاسم لانها عارفه انه بيرفض سكنها بالقصر تعرف تفكير خالها


كان الجو بسياره صامت وصلو للمطعم




في المطعم



دخلت مع خالها لقت طاوله كبيره فيه ثلاث رجال واحد بالثلاثينات متصدر الجلسه كله هيبته وشخصيته تملى المكان شكله صاحب الشركه

والباقي واضح انهم موظفين عنده لانه اقل من مستوى هذا الشخص


قربت هند لطاولتهم جلست بالكرسي جنب خالها والمكان الثاني كرسي فاضي لانهم يعرفون ان هند مستحيل تجلس قرب أي رجال وتعاملهم كانهم جرثومه الكرسي الي جلست فيه مقابل لمدير الشركه

هند بهيبتها / معكم هند الفهد صاحبة شركات الفهد وهذا خالي عبد الرحمن صاحب شركات .......

المدير يطالع فيها وواضح من نظرته الاستحقار لها ولشكلها كان متوقع يشوف امراءه كاشفه وفاتنه بلبسها لكن الصدمه الغير متوقعه انها تكون قدامه كتله سوداء ميبين منها شي

متعود على سفور وتبرج البنات لان له علاقات نسائيه محرمه

المدير بغرور / معك زياد مدير شركه .......

هند / تشرفنا سبق وانكم حددتو موعد مع شركتنا وباخر لحظه انسحبتو

زياد بسخرية / كنت مسافر برا مرتبط بشركه عالميه

هند كاشفه نبرة الاستحقار بطريقة كلامه

هند بغرور / انا مو فاضيه لمحادثات جانبيه خارجه عن موضوع شغلنا وانا مستعجله

طلع زياد ملف من شنطته الجلد الفاخره ومده لهند

احضر الجارسون عصير برتقال لهند وقهوه تركيه لخالها

اخذت هند الملف وعيون زياد تراقبها وهي تقراء بتمعن انصدمت من الموجود داخل الملف صفقات مشبوهه من تجارة مخدرات وغسيل اموال اخذت هند العصير الي قدامها وصبته على الاوراق واعدمت الملف

انصدم زياد من تصرف هند الغير متوقع

هند بغرور وقوة / هذا ردي على الصفقه ما يشرفني ان ادنس شركتي بموافتي على صفقاتك

زياد بعصبيه / الي سويتيه ما يتجرا عليه رجال بشنبات وياشر باصبعه عليها باستحقار تجين انتي تسوينها

هند بغرور / لي الفخر اسوي شي ماسوه رجال بشنبات

عبد الرحمن مستمع وعاجبه موقف هند وطريقه كلامها

زياد بعصبية / غصب عنك توافقين على الصفقات

هند بستحقار / شكل ما تعرف منهي هند الفهد اسئل عني يا شاطر قبل لا تتعامل معي


زياد ولع واشتعل من القهر من نبره الاستحقار من هند


زياد بقوة وثقة / وافقي لا تخليني اتصرف معك تصرف ثاني


هند بسخريه / هههههههه اتوقع منك أي شي لانك بعت شباب بلدك وش المطلوب من حقير وسافل مثلك


استغرب زياد قوة هند الي ما يملكها اقوى لرجال ولا اهتزت منها شعره من تهديده

زياد بيضغط عليها وبيخوفها / صدقيني ان رفضتي بتدفعين الثمن حياتك


انتفض عبد الرحمن من تهديد زياد وعارف من فراسته انه مجرم ويسويها

هند بقوة / بتموتني ياهلا بالموت الي بينقذ شباب ديرتي

زياد اعجب بقوة هند واول مره يوقف بوجهه احد متعود انه يامر ويطاع

زياد بغرور \ الايام بينا ياهند وتشوفين منهو زياد

هند بصوت عالي وبستحقار/ عارفه منهو زياد اكبر حرامي يمتص دم الغير لمصلحته والي بتسويه سوه واعلى مافي خيلك اركبه


قامت هند وطالعت زياد بستحقار وطلعت من المكان بكل كبريائها وغرورها تركت زياد وراها يغلي من القهر شلون بنت تتطاول عليه وتهينه الرجال يخافون منه ويحطون له الف حساب وهذي تعامله بستحقار

زياد بعصبيه وقهر عمره مامر فيه بسببها صرخ بصوت عالي كل الي بالمطعم اسمعه

زيادبعصبية وصراخ / هيييييييييين ياهند بتعرفين قريب من زياد واخليك تكرهين اليوم الي انولدتي فيه



طلعت هند من المطعم ولا كان شي صار بعكس عبد الرحمن الي خايف كثير من تهديد زياد هو تربى بالسوق ويعرف هذي النوعية من الناس


طول الطريق الجو بالسياره صامت وصلها لبيتها وتاكد انها دخلت وعلى طول حرك بسيارته بيختلي بنفسه لعل وعسى يلقى طريقه تخلص هند من زياد وتهديده

رفع جواله و اتصل على ابو بسام رفيق عمره يمكن يلقى الحل عنده

عبدالرحمن / الو ابو بسام وينك فيه

ابو بسام \ بالبيت

عبدالرحمن / جايك بطريق

ابو بسام / حياك الله

سكر من ابو بسام وبعد ربع ساعه وصل لبيت ابو بسام







قصر هند
الساعه 7 ونصف


دخلت هند لصاله لقت الجدادت وجاسم جالسين يتقهون

هند / السلام

الكل / وعليكم السلام

هند / بطلع لغرفتي جايه تعبانه

الجده ام راشد / روحي ارتاحي يابنتي

هند طلعت بدون ما تعبر جاسم طلعت غرفتها حطت راسها ماجاها نوم قررت تطلع للحديقه

لبست فستان بيتي احمر شيفون درابيه من قدام بحزام ربط

لبست نقابها وجلالها وطلعت لقت الجدات لحالهن

هند / وش رايكم نطلع الحديقه

الجده ام موضي / أي والله احسن من الجلسه تحت المكيفات صدعت بروسنا

طلعت هند وجداتها بر بالحديقه جلسن الجدات على الطاوله وعندهن القهوه

الجده ام راشد / ترى جاسم راح لبيتهم خذي راحتك يا بنيتي

نزلت هند جلالها ونقابها وقررت تكتشف حديقة القصر تستعيد ذكريات الطفوله المريره

وهي تستكشف لفت انتبهاا حديقه صغيره كله ورود ملونه اول ماشرت البيت جابت عامل يهتم بالحديقه ويهتم بزرع

تذكرة الحديقه الي تحبها امها وزرعتها بيدها وكانت هند تساعدها بالزراعه وكان جنبها مرجيحه كبيره كانت تجلس مع امها واحيانا تنام هند فيها


الحديقة تطلع عليه الغرفه الي فيها جاسم وقريبه منها

جاسم اختار غرفته لانه معجبه منظر الحديقه لانه تفتنه بورودها واذا تضايق فتح الشباك وطل عليها كان يهتم فيها بنفسه كل يوم يسقيها


هند رجعت عند جداتها تتهرب من عواصف الذكريات الي اجتاحتها من اول ما دخلت للقصر




عند زياد


طلع من المطعم وهو بقمة ثورته وغضبه من هند بتسبب برفضها له مشاكل مع عصابات المخدرات الي حطوه بوجه المدفع وهم شغلهم بالخفاء

دخل قصره البارد ما فيه غير الخدم امه وابوه متوفين وخوانه كارهينه بسبب اعماله المشبوه وسهراته المحرمه نادى زياد عاصم مدير اعمله

زياد / عاصم

عاصم / نعم يا طويل العمر

زياد / شفت الحقيره الي قابلناها بالمطعم هند الفهد من بكره ابيك تجيب كل شي عنها

عاصم / هذي بسوق يسمونها المراءه الحديديه

زياد معجب كثير بهند / صدق من سماها والا من يتجرء يتطاول على زياد ....

عاصم يعرف حب زياد للبنات / وازيدك على هذا يقولون جمالها ما شافت العين مثله


زياد باستغراب / الي شفتها واضح انها كبيره بالعمر ما تشوف كيف شكلها لو حلوه 1% كان على الاقل كشفت وجهها

عاصم / يا طويل العمر عمرها 26 ما تزوجت

زياد بذهول / الشهره والمكانه لشركاتها لايمكن تحققها بنت بالعمر الصغير توقعت عمرها بالاربعينات

عاصم / يا طويل العمر هند ذكيه فوق ما تتصور وقويه فوق ما تتصور
طالع عاصم بزياد وهو يبتسم وجميله فوق ما تتصور

دخل هند براسه وقرر الوصول لها وكشف من تكون هند على طلبها


زياد في نفسه / منتي بهينه لكن على منو انا زياد اذا ما ضميتك لقائمات البنات الي اعاشرهن ما كون زياد





بيت ابو بسام


جالس ابو بسام بالمجلس قدامه الشاهي والقهوه ينتظر عبد الرحمن سمع الجرس قام يفتحه استقبله ودخل معه المجلس

ابو بسام / خير وش فيك يا بو خالد

عبدالرحمن / مهموم ياخوي وخايف

ابو بسام بحب كبير / قول الي بقلبك

عبدالرحمن بخوف \ هند طاحت بيدين مجرمين يهددونها بحياتها

ابو بسام بخوف / شلون

عبدالرحمن / قال كل الي صار مع زياد بالمطعم

ابو بسام زاد اعجابه بهند اكثر واكثر بسبب تصرفها مع زياد وهو يعرف منو زياد بسوق ويعرف شخصيته القويه

ابو بسام باعجاب/ المفروض تفتخر بتربيتك صحيح فيه خطر عليها وانا اعرف منو زياد لكن وش تبي منها ترضخ لزياد الحقير

عبدالرحمن / انا عاجبني ردها عليه لكن خايف من ردت فعله هند ما هتمت بتهديده الا زادها عناد وقهرته اكثر نسمع صراخه بالمطعم وحنا بسيارتنا

ابو بسام / تسلم يد من رباها ويرحم بطن حملتها والله اني مفتخر فيها

عبدالرحمن / والحل

ابو بسام / الحل يا خوي انك ترسل ناس وحراس يراقبونها وهي ما تدري لا سمح الله صار شي يكونون بوجه زياد

عبدالرحمن / تتوقع هذا الحل

ابو بسام / ايه تقهو ورمي همك وراظهرك

عبدالرحمن ارتاح بعد ما قال لابو بسام خلص قهوه وصله ابو بسام للباب وهم يسولفون سوالف جانبيه ركب سيارته راجع لبيته



في بيت ام جاسم
الساعه 10 بالليل


كانت الجوهره بالصاله منسدحه على الكنب تتابع فلم لمعشوقها توم كروز كانت لابسه بجامه قطنيه بنطلونها اسود فيه دباديب صغيره وبلوزته بيضاء من قدام صورة دبوب كبير راس الدبدوب من الفرو لابسه شبشب بيتي اسود فيه دبدوب مجسم


جالسه وبجنبها صحن فواكه لانها ما تعشت قررت تنام خفيف وتركت الصحن عندها لجاعت بتاكل منه



في المجلس جاسم وفيصل جالسين يسولفون

نواف / متى بدخل اشوفها

فيصل / الحين مندمجه مع فلم حبيبها توم كروز لو تشيلها مادرت عنك

نواف بمزح / يالي ماتستحي تقول حبيبها قدامي نسيت اني زوجها

فيصل / هههههههههه لا تحط نفسك مقارنه بتوم كروز ترى ماهو من صالحك

نواف باصرار / بدخل هذا الوقت المناسب مدام امكم نايمه ابي اشوفها بطبيعتها

جاسم / تفضل ادخل ترى نرفع مسئوليتنا عن الي بيصير لك منها بالداخل


دخل نواف في الصاله شاف انسانه يعجز عن وصف جمالها كل ما قرب منها انكشفت مالمحها اكثر وزاد اعجابه فيها اكثر

اجذبه بياضها وخدوده الورديه خلقه وحبة الخال الي فوق فمها زايدها جمالها فوق جماله وشعرها المنسدل الحرير الي تاركته بطبيعته

جلس بالكنب الي عند راسها وهي منسدحه ما تشوفه توقعته فيصل لانه قايل لها بيتابع معها الفلم ما تبي تقطع على نفسها الاندماج

الجوهره / فصول تتوقع ان فيه من تماسيحنا واحد يشبه توم كروز

نواف كاتم ضحكته على كلامها قرر يسكت علشان يكتشف شخصيتها

الجوهره / اكيد مالك وجه ترد لا وبعد ماحنا عاجبينكم احنا عاصرين على كبودنا ليمون وبالعينكم

نواف خلاص بينفجر من الضحك بس حاول ما يضحك

جلست الجوهره تقطع تفاح واكلت اول قطعه وبعدين قطعت ومدت له تفاحه اخذها واكلها كله هذا وعيونها على التلفزون وهي مركزه بلقطه حماسيه باخر الفلم

الجوهره / اخذ فصول اعرف نفسك دايم باكلي اخاف تشتهي القطعه الي اكلتها وبعدين ما تهنى فيها

خلص الفلم و التفتت على نواف وبققت عيونها على الاخر عيونها سهم وصابت نواف عيونها الكحيله ورموشها الطويله

الجوهره بهبال وعدم استيعاب / انت من اليوم جالس هنا

نواف يهز راسه بالموافقه

الجوهره / انت الي من اليوم تاكل تفاح

نواف يهز راسه بالموافقه وهو بالع الضحكه

الجوهره بخوف / يعني من اليوم انا جالسه مع حرامي

نواف ما ستحمل شكلها وتحقيقها انفجر ضحك

نواف / هههههههههههههههههههه

صحت الجوهره من هبالها

الجوهره بصراخ / جاااااااااااااااسم فيصصصصل حراااااااااااااااااااااااااااااااامي

على طول حط نواف يده على فمها علشان ما تصارخ

عضت الجوهره يد نواف وقامت وهي تنتفض من الخوف واخدت السكين

نواف بارتباك / اهدي انا نواف

الجوهره اخذت السكين / والله لو تقرب مني لدخل السكين بكرشتك

نواف خلاص حس بيموت من الضحك عمره بحياته ما ضحك هالكثر

كملت بصراخ / جااااااااااااااااااااسم فيصصصل الحقووووني


فيصل وجاسم بالمجلس اول ماسمعو صراخ الجوهره طارو داخل انصدمو من شكل الجوهره واقفه ومعها سكين وتهدد فيها نواف


جاسم بعصبية / يا لخبله وش بتسوين

الجوهره بعصبية / وش ذا البرود ما تشوف الحرامي قدامي ليكون يتهيئ لي ان قدامي احد

جاء جنبها فيصل وقرصها بكتفها

الجوهره مستغربه / وجع المفروض القرصه في الي قدامكم جالسين تتفرجون فيه


جاسم وفيصل طاحت وجيهم من تصرفات الجوهره وخايفين من ردت فعل نواف

جاسم بعصبية / وجع هذا نواف زوجك

الجوهره بعدم استيعاب / أي زوج


الكل / هههههههههههههههههههههه

فيصل / ياخبله كم لك زوج

الجوهره استوعبت كلامهم طاحت السكين من يدها وامتلت عيونها دموع ونزلت على خدودها ونزلت عيونها بالارض وهي متفشله


نواف اوجعه قلبه عليها لانهم غلطانين بالي سووه

الجوهره ببكاء / ليش سويتو فيني كذا لو ابوي حي بيوقف بوجيهكم ويمنعكم تلعبون علي وركضت طلعت فوق لغرفتها


جاسم وفيصل اوجعتهم كلمتها وتاثرو كثير انها اذكرت ابوها حسو واش كثر هم مجرموين بحقها انهم حطو اختهم بالموقف من خوف واحراج

نواف بحزن على الموقف الي انحط فيه

نواف / كله مني الي صار لا تلومون انفسكم وان شاء الله يتصلح

حاول يغير جوهم / بصراحه بعد ما شفتها ماني قادر اصبر لصيف ياليت الاسبوع الجاي الزواج حاولو فيها ماني قادر اصبر

جاسم يحاول يكون طبيعي لانه ماسوى شي حرام

جاسم / اركد لا جله سنه

نواف بخوف / خلاص توبه

فيصل ما شاركهم الحديث لان كلمة الجوهره تضرب براسه اول مره يشوف دموعها وهي طبعها فرفوشه تخلي الكل يضحك

ما قدر يصبر طلع لغرفتها فتح الباب لقاها دافنه وجهه با لمخده ويسمع شهقاتها

طلع لها وقلبه يوجعه عليه

فيصل يمسح على شعرها / والله ما قصدنا نضايقك ونزعلك الرجال نشب لنا يبي يشوفك لاتبكين دخيلك ترى دموعك تكوينا الجوهره مستمره في البكاء رفع فيصل وجهها عن المخده ومسح دموعها


فيصل / وربي نواف مستخف عليك يقول لازم اتزوج الاسبوع الجاي حبك يالمجنونه

الجوهره ضحكت بين دموعها

الجوهره بمزح / بغيت ابط كرشه واترمل قبل الزواج بسبتكم

فيصل / هههههههههههه ياليتك مسويتها علشان يحرم يزن على شوفتك

الجوهره / قالت له الي صار مع نواف

فيصل ماقدر يستحمل انفجر ضحك بصوت تصرف الجوهره مع نواف

فيصل / هههههههههههههههههههههه يقطع سوالفك

دخل عليهم جاسم استغرب الضحك اول ما شفته الجوهره صدت بوجهها

جاسم / ضحكنا معك

فيصل / قاله الي قالته الجوهره

جاسم / ههههههههههههههههههه اشوف جالس معي ساعه يحاول يقنعني اقدم الزواج

الجوهره بحزن / لا وصيك طيع كلام خويك تبديه على اختك

جاسم جاء عندها وباس راسها / لا نواف ولا غيره يسون شعره من راسك

الجوهره / ...............

طلعو من غرفة الجوهر دخلو لغرفتهم

جاسم / فيصل انا طالع بروح لجداتي

فيصل / يبختك صاير قريب من الحبايب والعذر جداتك

جاسم بقهر / اسكت بس كانها شايفتني ولا معبرتني

طلع جاسم من البيت راجع لبيت هند دخل وعلى طول طار لغرفته وعلى الشباك لعل وعسى يسرق شوفتها





عند هند


كانت منسدحه على المرجيحه تعيد ايام طفولتها وكانها جالسه في حضن امه وشعرها متناثر حوليها وتغني بصوت حزين ودموعها على خدها

يمه كثر الهم مشقيني

يمه دخيلك لا تخليني

يمه ضاقت الدنيا تعبت ولا لقيت مرسى

يمه بنتك بحسرة وألم وجروح تكويني

تعالي جففي دمعي ترى دمعي حرق عيني

تعالي خففي جرحي غيرك من يواسيني

أعرفك لو دريتي بجروحي ما تخليني

عجزت أحكي وعجز ابكي أخااف في يوم تبكيني

يمه تدرين طفلتك كبرت لكن همها يكبر

مدري قلبي بيتجلد ولا خلاص ما بصبر

تعرفين روحي حيل مكسورة

يمه حيل ضميني

يمه حيل ضميني

تدرين يمه في حضنك كل الحكي ضاع

وبصو ت أنفاسك زالت من نفسي الأجاااع

وبنبرة صوتك العذبة تطرب مع الأسماع

يمه حيل ضميني

أبرسم من جروحي لروحك كل الورود

وبتحمل ألاوجاااع دام حسك على الأرض موجود

يمه أبصبر ولو أن للصبر طاقات وحدود

ويمكن بلحظة بها الدنيا الهنا لحياتي يعود

يمه حيل ضميني

يمة حيل ضميني

يمه دخيلك لا تخليني


كل هذا تحت نظر جاسم الي تولع اكثر واكثر كل الي يصير قدامه فوق طاقته ودموعها وصوتها زادت النار لمشتعله بجوفه حطب

جاسم بنفسه / ياليت العذاب فيني ولا فيك يانظر عين جاسم والله لا عوضك عن حرمانك لامك واصير امك وابوك وهلك كلهم

تكفين ياروح جاسم لاشوف دموعك خليك حبيبتي القويه اقسي علي عذبيني دمريني الا دموعك ما بي اشوفها


هند وهي منسدحه وبعد اخر مقطع مادرت الا بخالد واقف عند راسها يمسح دموعه متاثر من نبره الحزن لانه سمع كل القصيده الي قالتها

خالد قرب منها ورفع راسها وجلس جنبها وحط راسها على حضنه المرجيحه كبيره

هند التفتت شافت خالد وبوجع / خالد القصر يكتم على انفاسي كل ركن فيه يرجعني للماضي الموجع

مسح خالد على شعرها وباس جبينها / انتي دورتي عذابك وسكنتي فيه


جاسم يراقبهم فوق وهو يشتعل غيره من خالد الي له الحريه انه يمسح دموعها ويمسح على شعرها


جاسم بنفسه / يا عذابك يا جاسم دخيلك ياخالد بعد عنها ارحمني بقربك منها عذابي وبلمسك لشعرها تشعل نيراني اه يا ليتني مكانك مو عايش على شوفه مسروقه انا اغار عليها من ثوبها الي لابسته ااااااه من ضعفك يا جاسم









تحت عند هند

خالد / شخبارموعدكم اليوم ابوي من جاء من عندك وهو مسكر الباب عليه

هند بحب / ياقلبي ياخالي اكيد خايف علي

خالد مستغرب / ليه

هند / قالت كل الي صاربالاجتماع



مادرت ان كل الي قالته اشعل نيران الخوف في قلب جاسموخايف انه يفقدها مستعد يموت مية مره ولا تنشاك بشوكه


خالد بصراخ / عادي عندك ماكانه هددك الناس هذي ما تلعب مجرمين القتل عندهم مثل السلامعليكم


هند من غير اهتمام / عادي ليش محترق يمكن موتي افضل من حياتي تطمنمراح ياخذ روحي قبل وقتها الارواح بيد ربك

خالد عصب وبصراخ / انتي مجنونهمجنونه

ومن الزعل طلع من البيت وسكر الباب بقوه


جاسم في نفسه / من وين جايبه ذا القوه يا هند وعمي راشد اجبن منه مافيه

قرر انه ينزلويغصبها تتزوجه مستحيل يتركها للمجرمين لازم يحميها منهم


نزل وطلعللحديقه قرب من مكانها انفتن فيها اكثر كانت من قريب احلى بكثير كانت منسدحه علىوضعها

قرب منها اكثر واكثر لين صار يشم ريحة عطرها

حست هند بحركهقريبه منها رفعت نفسها انصدمت يوم شافت جاسم واقف قدامها وهي كاشفه وبجامتها


هند بصراخ / خير ان شاء الله وش جابك هنا مثل الحرامي نسيت اني مانيمحرمه لك


جاسم بقوة / بتكونين زوجتي وعتبري هذي شوفه شرعيه

هندبسخريه / ههههههههههههههه عيد ما سمعت ايش قلت

جاسم بثقة / الي سمعتيه

هند بصراخ / وان قلت السماء اقرب لك من اني اكون زوجتك وش بتقول

جاسم بثقه / بقول غصب عنك بتصيرين زوجتي انا اولى من الغريب


هند بتهديد / جاسم سبق وقلت لك جعلك ماتجرب غضب هند

جاسم بقوة / هذاني قدامك انتظر ردك بالموافقه لان الرفض غير مقبول


هند حبت تلعبمع جاسم لعبه تخليه يندم على تصرفه وجرائته ومنها تتسلى من زمان عن التسليه

هند بتمثيل / العروس يعطونها وقت تفكر فيه بكره وعد ارد لك

جاسمطاير من الفرحه انها خضعت لكلامه

جاسم بقوه / بكره مثل ها لوقت انتظرموافقتك مثل ما قلت بالغصب بطيب بتكونين زوجتي

هند بابتسامه مافهم مغزاهاوالابتسام ذوبت جاسم

هند بكره / ان شاء الله يا ولد العم بكره الرد بيكونعندك

جاسم بحب / انا طالع انتبهي لنفسك وبكره الوعد

طلع جاسم وتركهند وراه ميته ضحك على غباء جاسم

هند في نفسها / غبي يا جاسم تتوقع انيسهله اني اخضع لك انت الي بديت اللعب وانا قدك انتظرني عروسه لكهههههههههههههههههه


دخل غرفته وحس ان هم كبير على صدره انزاح فرحان كانهمالك الدنيا بين ايدينه قرب حلمه يتحقق

جاسم بنفسه / ما توقعت انك سهله ولاكان من زمان اقدمت على الخطوه كان الحين صايره ببن احضاني وهو بتفكيره نام



بعد دقائق من دخول جاسم دخلت هند وطلعت لغرفتها وهي مبسوطه بالعبةالجديده الي بطلها جاسم

البارت السابع والعشرون




في بيت ابونواف


نواف بغرفته مبسوط وكل ما تذكر الي صار بشوفته للجوهره يضحك بهسترياء كان الموقف توه يصير قدامه

نواف في نفسه هو يضحك / هههههه فديتها طلعت من التماسيح كرهت توم كروز وغرت منه لما اتزوجها بمنع افلامه تدخل البيت

تذكر يوم تقطع التفاح وتاكله شبع وهي ما تدري
ههههههه يحلو طعم التفاحه الي من يدها من اليوم ورايح باحب التفاح

يويلي على شكلها يسحر ولا وانا الخبل اقول لامي مقبوله ما لوم امي بغت تستخف

هههههههههههه احلى شوفه صارت وش بيصبرني اني ما شوفها الا يوم الزواج

لازم اخذ رقم جوالها وكلمها واحاول اتقرب منها اكثر لعل وعسى تلين وتخليني اشوفها وامتع عيوني بشوفتها الي ماينمل منها وهو بتفكيره نام



بيت عبدالرحمن
الساعه 3 بالليل

عبد الرحمن يتقلب على نار خوفه على هند من زياد الي مستحيل يعدي الي سوته هند بساهل معقوله حل ابو بسام بيحميها منه

لاحظت عليه نوره الهم والقلق والضيقه

نوره / حبيبي وش فيك من جيت من عند هند منت بطبيعي

عبدالرحمن بضيقة / ما فيني شي بس متضايق انها تركت البيت

نوره صدقته / يابن الحلال الشهر بيركض كانه يوم نام يالغالي

عبدالرحمن / ان شاء الله

حاول يتظاهر بالنوم ما يبي يشغل نوره مايبيها تحاتيه

اول مانسدحت نوره من الارهاق والتعب نامت

عبدالرحمن طول ليله وهو يقلب جافى عيونه النوم سمع صوت الاذان طلع من البيت وراح للمسجد وبصلاته دعى ان الله يحمي له هند من زياد واشكاله




في شقة راشد


راشد يسولف مع موضي وكان كل كلامهم عن هند وهي تحرضه على بنته

راشد بضعف / هند سكنت القصر الي طردتنا منه

موضي ولعت من القهر والحقد / جعلها ما تهنى فيه

راشد / لا ومسكنه امي وامك وفوقهم جاسم

موضي بحقد / ولد اخوك ذكي بيتقرب منها ويلهف الاولي والتالي وبتطلع منها

راشد منقهر / يخسى الا هو يتزوجها

موضي / انا لقيت الشي الي يكسر خشم هند

راشد / قوليه

موضي / ساومها يا تعطيك الي تبيه القصر والشركه ولا بتبلغ عليها انها مزوره باثباتها وهذي فيها سجن

راشد بفرح / منتي بسهله شلون جبتيها

موضي بحقد / من صباح الله خير روح لها ونكد عليها





اليوم الثاني الخميس
عند هند
الساعه 5 ونص الفجر


صحت صلت واخذت شور ولبست طلعت من غرفتها وانزلت ودخلت المطبخ واخذت كاس كابتشينو

وهي طالعه سمعت جرس الباب استغربت من بيجي بذا الوقت قبل طلوع الشمس ارسلت الشغاله تشوف من عند الباب

جتها الشغاله تقول / له واحد اسمه راشد

هند منصدمه / وش عنده مصبحني افتحي الباب وانا طالعه له ما بيه ينجس البيت بعد ما نظفته منه



عند جاسم

رجع من الصلاه وجلس بغرفته استغرب من صوت الجرس على الصباح طالع من الشباك وكانت الصدمه ان الي جاي عمه وقف يترقب وش بيصير بعد لحظات شاف هند طالعه بلبس رسمي ومظفره شعرها ظفيره هنديه



عند هند

طلعت لقت راشد ينتظرها مثل ما طلبت منه الشغاله

راشد / فيه وحده تستقبل ابوها بطريقتك

هند بسخرية / هههههههه ابوي وينه مات من زمااااااان شفته يموت بعيني

راشد بعصبيه / انتي بنتي غصب عنك واقدر اجرك بشعرك مراح احد يقدر يمنعني

هند بعصبيه وصراخ / تخسى تجرني بشعري


راشد بوقاحه / انتي رباك خالك على الدشاره وكل يوم مع رجال انا الي بربيك


هند بعصبيه وصراخ / قطع الله لسانك متربيه ببيت عبد الرحمن الفهد وتعرف منهو من الرياجيل الي ماجتك الجرائه تقابله بعد سواتك بخته وانخشيت عنه مثل الحرمه والله لولا الدم الي يربطني فيك لعلمك ردي على الشك بشرفي ههههههههه بتربيني رب نفسك بالاول علشان تربيني


راشد مندهش من قوة بنته وبكل جبروته وظلم قال / انتي بنتي رضيتي ولا ما رضيتي وبكره بسحبك للمحاكم يثبتون النسب ويجرونك غصب عنك تسوين تحليل dna

هند انصدمت من الي قاله ولا توقعته بذا الحقاره


هند بكل قوه وبصراخ / انت تسحبني لاثبات نسبي وتجبرني اسوي التحليل ليه شايفني بنت حرام

راشد بقوة / ايه وغصب عنك مو برضاك

هند كاشفته / والمطلوب يا راشد ثمن انك تتركني بحالي


فرح راشد ان هند خافت وانصاعت له / شي بسيط

هند كاتمه قهرها / قول وش تبي

راشد / القصر هذا وشركتك

جاسم كان مستمع للحوار الي يدور بين راشد وبنته وناوي يتدخل اذا عمه زودها لكن صدمه قوتها وثباتها قدام ابوها بعكس المره الاولى


جاسم بنفسه / وصلت فيك الحقاره والطمع انك تلجاء للحمض النووي ما راعيت كرامت بنتك كنت مخدوع فيك يا عم ما يشرفني انك عمي متعود على الاستغلال ابو طبيع مايجوز عن طبعه

يا قساوة قلبك ياعم فضلت المال على بناتك وبتستغل هند مثل ما ستغليت امها ما لوم هند كرهتك واكرهت الدم الي يربطها فيك


هند انصدمت من حقارته وان السنين زادت من اطماعه

هند ضحكت بوجع / هههههههههههههه

وصرخت صرخه فجرت المكان / انا هند يا راشد هند اصحى ماني بساره

والله ما تشوف مني ريال واحد والله يا راشد اذا ما خليتك تندم على جيتك هذي ما كون هند الفهد وتربيت عبدالرحمن فيني ضايعه اذا ماخذت حقي منك وقريب والي ما طوله با يدك وصله برجولك

وبصراخ اقوى / يالله بررررررررررررررا فارق لا شوف وجهك عندي

طلع راشد وقبل لايوصل للباب التفت عليها

راشد بجبروت / بحاربك بغاده بنتي

خلاص هند انهارت بس تحاول المقاومه

وبصراخ / غاده بنتي مالك بنت عندنا كله ولا تقرب من غاده والله لاشرب من دمك لا تحسب بتمسكني من ايدي الي توجعني انت اجبن بكثير من مواجهتي

طلع راشد من القصر وهند خلاص حصونها انهارت

وجلست تصااارخ وتبكي / الا غاااااااااااااااده يكفي النار الي ولعتها فيني مابيها توصل لها وصارت تبكي وتصارخ بشكل هستيري الله يحرقك يا راشد مثل ما حرقت قلبي


خاف جاسم عليها وهو يشوفها تنهار قدامه ولا يقدر ينزل يخفف عنها خاف ينفهم تصرفه غلط قرر يكلم خالد يلحق عليها لان شكلها بيصيبها انهيار عصبي



عند خالد

خالد كان منسدح على السرير استغرب يدق جواله بذا الوقت وشاف المتصل جاسم استغرب سبب مكالمته

جاسم / الو خالد

خالد مستغرب / هلا جاسم خير اش عندك متصل

جاسم برتباك / الحق اختك هند بالقصر تصارخ ومنهاره بسرعه الحق عليها

خالد فز مفجوع / ليش وكيف انا كنت عندها

جاسم بتوتر / كنت عند جداتي وعمي كان موجود عندها

خالد بعصبيه / الله يا خذه الله يحرقه وينه فيه

جاسم / طلع

قفل الخط من جاسم وهو خايف على هند على طول راح لاخوه محمد وقاله الي صار

محمد وهو معصب / هذا وش ناوي عليه ناوي يذبحها ما كفها الي جاها بسبته

ركبو السياره ساقو بسرعه جنونيه وصلو بقصر وقت للقصر



عند هند

فتح خالد القصر مفتاحه شاف هند منهاره وتصارخ ركض لها خالد ومحمد وعلى طول رفعها خالد عن الارض وقلوبهم تتوجع عليها

هند وهي تبكي وتشاهق / راشد يهددني بغاده يعرف انها نقطة ضعفي

خالد انفجر من الغضب / معليك منه والله لو قرب منها بيكون حافر قبره بيده تعرفينه جبانا مو قد مواجهتنا

هند ارتاحت شوي لما شافت اخوانها حوليها قوتها وسندها

هند دعوه من قلب/ الله يحرقه حرق قلبي وحرق قلب امي قبلي مكفاه الي خذاه من امي يساومني على الشركه والقصر ولا بيسحبني اسوي حمض دي ان أي

كلهم بصوت واحد / شنوووووووووووو

هند بوجع / اختكم مشكوك بنسبها كانها بنت حرام بيجرجرني بالمحاكم ويجبرني اسوي التحليل

خالد انفجر من العصبية / يخسى الا هو خله يسويها والله لذبحه بيديني ولا همني احد


محمد / لا تخافين هنوده راشد جبان مستحيل يسويها لانه عارف وراك رياجيل بيقطعونه وينتفونه لو حاول

هند ارتاحت من كلام اخوانها

هند بحب / الله لا يحرمني منكم لكن والله لخليه يندم انه تجرء علي يله ندخل داخل بفطركم

خالد يحاول يضحكها / سارقه الطباخه وامي ذبحتنا بتجاربها وغصب لازم ناكل ونمدح

هند بحب / فديتها خالتي لها نفس بالطبخ لا تظلمونها


كل الي صار تحت عيون العاشق المتيم الي مات مليون مره بسبب صراخ هند الهستيري نيران شبت بجوفه قهر على حبيته المظلومه المقهوره من عمه استغرب الحب الكبير بينها وبين اخوانها وحبهم الكبير لها


جاسم في نفسه / وبعدين معك ياعمي كل مابني تجي تهدم يارب الي صار ما ياثر عن الي اتفقنا عليه


افطرو اخوانها عندها وبعد الفطور رجعو للبيت

وهند دخلت لغرفتها تنام بعد ما نكد عليها راشد

وجاسم انسدح على سريره يفكر بكل الي صار وكل يوم يزيد اعجابه بقوتها وشجاعتها الي عن مليون رجال
فتح بوكه طلع سلسالها وشمه وضمه

جاسم بصوت عالي مايسمعه الا هو / ياناس احبها اعشقها لاتلومني في حبها كل شي فيها خارق عن العاده





عند راشد


طلع راشد من عند هند وهو يغلي قهر وخوف ورعب لانه ما شاف هند بنته الصغيره شاف قدامه عبد الرحمن الي اجبن من انه يواجهه وصل لبيته دخل لقى موضي تنتظره على احر من الجمر اول ما دخل ركضت له

موضي / بشر وش صار

راشد / قال لها كل الي صار

موضي بحقد / تتظاهر بالقوة بكره بتستسلم لك وتعطيك الي تبيه

راشد / جوعان الفطور جاهز

قامت موضي وجهزت الفطور وبعد الفطور دخلو غرفتهم يرتاحون


بيت عبد الرحمن
الصباح

عبد الرحمن ونوره وعدنان جالسين في الصاله

عبدالرحمن / وينهم عيالك ما نزلو

نوره / طلعو من قبل ما تطلع الشمس

عبدالرحمن بقلق / خير وش عندهم

قطع كلامهم دخول محمد وخالد دخلو بالصاله

خالد ومحمد / السلام

عبد الرحمن / من وين جاين

خالد / من عند هند

عبدالرحمن / اش عندها هند

التفت محمد لخالد

خالد بقهر / يبه احسن لك انك ماتعرف

نوره بخوف / اختكم فيه شي

محمد / مافيها الا العافيه

عبد الرحمن بصرامه / شلون ماهو احسن لي لا دريت متى تخشون عني

خالد / يبه رحمينك من القهر حنا بنحلها بطريقتنا

خلاص عبدالرحمن انفجر فيهم / تلغون وجودي وبتتصرفون من عندكم خلصو قولو الي صاير

خالد باستسلام / قال كل الي صار

عبد الرحمن ونوره مفجوعين ومصدومين من الكلام الي يسمعونه

عبد الرحمن كل غضب العالم فيه وصار بركان ثاير من القهر

عبدالرحمن بعصبية / وصلت معه المواصيل بيستغل هند مثل ما ستغل امها الخسيس الحقير الواطي بيسحب بنتي كانها بنت حرام يتاكد من نسبها يويلك مني ياراشد

التفت على عياله ما تدرون وينه ساكن الجبان

محمد / لا يبه

عبدالرحمن بحقد/ جبان عن مواجهة الرجال الا كيفها اختكم

خالد / تاثرت كثير واكثر شي خايفه ان راشد يحاربها بغاده وانت تعرف غاده شنو بالنسبه لهند ماجينا الا بعد ما تطمنا عليها وصارت نفسيتها احسن

عبدالرحمن بقهر العالم / غاده بنت هند ماله حق فيها وخله يلمس منها شعره موته بيدي الواطي

نوره بتهديه / عبد الرحمن راشد تعرفه جبان مو قد الكلام الي يقوله هدي اعصاب لا تخلي واحد ما يسوى يحرق دمك هذا الي يبيه يقهركم وانا متاكده ان هذا هدفه الاساسي بس تهديد

وبنتك تربيتك مستحيل راشد يقدر عليها وعلى كلام عيالك هند علمته قدره صح مستحيل يقرب عندها


عبدالرحمن في نفسه / من وين تلقاها هند من ابوها الحقير ولا من زياد المجرم




عند هند


صحت على الساعه 11 دخلت الحمام اخذت شور لبست لبس ساتر وخذت جلال الصلاه ونقابها لانها تدري ان جاسم بيكون عند جداته نزلت لقت الجدات بالصاله ومعهن جاسم يتقهون

كان جاسم جالس مقابل لدرج متعمد علشان لنزلت يشوفها ويروي قلبه منها شافها قويه كالعاده ما تاثرت من الي صار

هند / السلام

الكل / وعليكم السلام

طالعت بجاسم وكلها كره له وزاده الكره تصرف ابوها اليوم وكانها تشوف راشد قدامه لكن قررت تكمل لعبتها معه يمكن تبرد نيرانها المشتعله

الجده ام راشد بحب / يمه افطرتي

هند / ايه من بدري كانو عندي اخواني افطرنا سواء

الجده ام موضي / شلونهم اخوانك

هند / الحمدلله بخير

التفتت هند لجاسم الي جالس يصب القهو لجداته

هند / جاسم

اول ماقالت جاسم كل شي فيه انتفض

جاسم بهيام / نعم

هند وشوي تضحك لانها بتبداء معه اللعبه

هند بجديه / ابي اكلمك بموضوع البارح

جاسم فز قلبه خايف من جوابها على طلبه


جاسم يحاول قد مايقدر يتظاهر بالقوه / وش ردك

هند بجدية / مايصلح اقوله هنا لا المكان ولا الزمان يصلح اذا خلصت قهوتك نتكلم بالمكتب


جاسم بعدم صبر / خلصت اسبقيني وانا بالحقك

دخلت هند المكتب وخذت معها هنديانا حارستها

ثواني دخل عليها جاسم شافها جالسه على المكتب جلس مقابلها وكل حواسه مركزه معها

هند كاتمه ضحكتها / جاسم انت ولد عمي واحق فيني من الغريب

جاسم باستعجال / قولي ردك بدون مقدمات

هند / موافقه على طلبك بشروطي

جاسم قلبه يرقص فرح مستعد ينفذ شروطها مهما كانت المهم يفوز فيها

جاسم بجديه / من حقك تشرطين

هند / انا كاي بنت لازم مهر وهذا مخليته لك بمهرك يبان قدري عندك

جاسم بنفسه / والله قدرك عندي اكثر بكثير من اموال العالم

جاسم بثقه / الي بقدر عليه بجيبه ولو تحددين احسن

هند بجديه / شرطي الثاني ملكه بليلة العرس والثالث شوفه مافي الا وانا ببيتك اتوقع شوفت البارح تكفيك وعتبرها شوفه شرعيه

طالع فيها جاسم وهو مستغرب شروطها لكن ماهمه اهم شي تصير حلاله وبين يدينه

جاسم / وغير هالشروط

هند / شرط اخير حفل زواج مافي عشاء بين اهلي واهلك وتاخذني لبيتك

جاسم مستغرب / غريبه كل البنات يحلمن بعرس وزواج ما صار

هند بغرور / انا هند غير عن كل البنات

جاسم في نفسه / وان اشهد انك غير ولا شلون قدرتي تجيبين راسي وتخليني اعشقك

جاسم / موافق على شروطك

هند / اجل روح لخالي ولو بغيت الزواج بكره انا حاضره

جاسم بحب / متى يناسبك الزواج لان اكيد تحتاجين تتجهزين كعروس

هند وشوي تنفجر من الضحك / الاسبوع الجاي اذا يناسبك

جاسم منصدم وفرحان منصدم من استعجال هند وان كل الامور مرت بسهوله اكثر من توقعاته

جاسم في نفسه / تساليني يناسبني بعد اسبوع لو الكيف كيفي دخلت عليك الليله

جاسم / يناسبني

هند / نسيت اقولك شي مهم بما ان زواجنا بعد اسبوع ياليت ما تكون موجود بالقصر علشان تتلهف وتشتاق الي

جاسم في نفسه / اااه ما تدرين اني وانا معك اتلهف عليك اكثر وشوقي لك يكثر

جاسم بابتسامه / ان شاء الله

هند / والعشاء بقصر خالي

جاسم / خلاص الخميس الجاي الزواج وبالبيت

هند بابتسامه / موافقه

جاسم كان نفسه يضمها لصدره المحروم لكن جاسم في نفسه / هانت يا جاسم الله قرب البعيد

لازم اروح ابشر فيصل علشان يصير عنده امل باختها

طلع جاسم من عند هند ورجع لجداته بعد ماطلع جاسم غمزت لهنديانا وضحكت من كثر ما ضحكت دمعت عيونها








في بيت ابو نواف


نجلاء جالسه مع بسام الي جاي يزورها وهو كل يوم عندها ما يقدر على بعدها

بسام جالس على طرف سرير نجلاء

بسام / حبيتي حني علي ورجعي معي وربي ما صرت ادخل بيتنا ونومي عند اهلي

نجلاء / حبيبي توني ما كملت اسبوعين وعيالي باقي لهم كم يوم ويطلعن

بسام بطفش / لازم الاربعين كلها هنا وش ذا التعذيب الاجباري ما يكفي منحرم منك بعد انحرم من شوفك قريبه مني

نجلاء وجهها / بسام خلاص اصبر لين اجيك بقوتي

بسام بحب / مل الصبر من صبري وبعدين لا تخليني اخربها ببيت اهلك ترى تعرفيني فاسخ الحياء

نجلاء / بسااااااااااااااام

بسام قرب منها وغصب عنها ضمها لصدره بقوه وباسها بكل وجهها ونجلاء تحاول تسحب نفسها منه خايفه ومستحيه ان احد من اهلها يدخل ويشوفهم

بسام يتكلم وهو ضامها وفمه عند اذنها /شفتي حالتي ما قدرت اتحمل اسبوع ارحمي حالي

نجلاء / تكفى بسام بعد عني بتحرجني عند اهلي وش بيقولون لا شوفنا

بسام / بيقولون زوج مشتاق لزوجته وانتي حلالي ماعلي من احد بس علشان تكفى بفكك بس لا تلوميني بالي بسويه فيك المره الجايه لان شوقك غلبني


نجلاء / متى قالو لك يطلعون عيالنا


بسام / ياليت شوقك الي مثل شوقك لعيالك

نجلاء / والله اكثر بس عارف اني تعبانه والعمليه توها وانت مالك الا يرضيك بعد ماطلع من الاربعين

بسام / يذا الاربعين الي كرهتها نشوفك على قد كلمتك بعد اربعينك وتسوين الي يرضيني

طلع بسام تارك نجلاء وراه كل مشاعر الحب تزود وتزود لزوجها الحبيب الي قدرت تكسبه ويصير مجنون فيها بعد ماعانت بشهورها الاولى منه





بيت عبدالرحمن
الساعه 12الظهر


وصلت هند لبيت خالها ودخلت بالصاله لقتهم متجمعين كان هدفها الاول من جيتها جاسم والثاني علشان تطمن على خالها

هند / السلام

الكل متفاجئ من جيت هند المفاجئة / وعليكم السلام

قربت من خالها وباست راس وقربت من نوره وباست راسها لكن نوره سحبتها وحضنتها بقوه متاكده ان هند بحاجه لحضنها استسلمت هند وهي مبسوطه بحضن خالتها

هند وهي بحضن خالتها / شلونك يالغاليه

نوره / بخير انتي بشريني عنك

هند رفعت راسها من حضن نوره / الحمد لله

هند اطالع بخالد وهي تبتسم / خاله جتني شكاوي عليك

نوره مستغربه / خير من شاكيني

هند / يقولون ذبحتيهم بطبخك وانتي تجربين فيهم ولازم يمدحونك

نوره التفتت على خالد عارفه انه هو / هذا وانت تنظف الصحون حتى الشغاله تقولي مدام ما يحتاج غسيل وتاليتها طبخي ماهو عاجبك اجل لو عاجبك كان اكلت الصحن

الكل / ههههههههههههههههههه

عبدالرحمن / ما حسيت للاكل طعم الا لما طبخته امكم

نوره / مدام طبخي عاجب ابوكم انتم بكيفكم

هند / ياعيني محد قدك يا خالي صرت اغلى من العيال

عبدالرحمن يبتسم / وش الي قاهركم

هند التفتت لخالها واخوانها

هند / خالي انت وخواني ابيكم بموضوع مهم

كلهم توقعو انه بخصوص موضوعها مع راشد

دخل عبد الرحمن وعياله وهند لمكتبه

عبدالرحمن / قولي وش موضوعك

هند بجديه / فيه واحد بادبه على تطاوله علي وابي مساعدتكم

عبدالرحمن / منهو

هند بثقة / جاسم ولد عمي خطبني وقال بيتزوجني غصب علي وانا قلت له اني موافقه

عبدالرحمن فار دمه وقف / مدامك موافقه وخضعتي لجاسم اش حقه جايتنا

اخوانها منصدمين لكن فضلو السكوت بوجود ابوهم

هند / خالي لا تستعجل انا جايتكم بموضوع ابي اربي فيه جاسم ومن وراه راشد تعرفني يا خالي ما خضع لتهديد احد

عبد الرحمن / وهذا الي ذابحني شلون بنتي تخضع

هند / قالت لخالها على الي ناويه عليه بجاسم


عبدالرحمن وخالد معجبين بفكرة هند / ههههه

عبدالرحمن / كفو والله الحين بنتي والله وبتربينه يستاهل الي بيجيه وانا بضبط دوري

خالد / وانا معكم كله ولا احد يطاول على اختي

محمد كاره الموضوع وهو من طبعه مسالم

محمد / انا اسمحولي تعرفوني ما حب اتدخل بالامور هذي ما توقع انكم بتحتاجون

عبدالرحمن / بكيفك

هند طلعت من بيت خالها وهي طايره من الفرح ان لعبتها بتستمر وبموافقة خالها

رجعت لبيتها لانها بتتغداء مع جداتها






في قصر هند



كانت الجدادات وجاسم جالسين بالصاله دخلت عليهم هند

هند / السلام

الكل / وعليكم السلام

هند التفتت لجاسم / انا جيت من بيت خالي قلت له وينتظرك الليله تزوره

تعجب من جراءت هند بمثل ها لمواضيع الي تخجل البنات مناقشتها مع اهلها

جاسم في نفسه / هند غير بكل شي على الاقل ريحتني من مواجهة عبد الرحمن على الاقل لاجيته القاه مستعد

وقف جاسم والتفت لجداته وبعدين طالع بهند وهو يبتسم

جاسم يكلم جداته / اسمحن لي بغيب عنكم سبوع عندي شغل

هند في نفسها / يحليله بدا ينفذ شروطي


طلع جاسم معه اغراضه راجع لبيتهم




بيت ام جاسم


ام جاسم والجوهره وفيصل كانو جالسين على غداهم دخل عليهم جاسم استغربو انه شايل كل اغراضه الي اخذهم

ام جاسم / خير يولدي جايب اغراضك

جاسم فرحان و مبسوط الارض ماتشيله من السعاده الي فيها قرر انه ما يقول لامه الا بعد ما يتم كل شي

جاسم / شكلك ما تبيني يا لغاليه

ام جاسم بحب / انت تعرف اني من البدايه ضد انك تسكن هناك

جاسم بيضيع الموضوع / تغديتو

ام جاسم / ما تشوفنا على غدانا تعال شاركنا

جلس ياكل بشهيه فيصل منتبه لتصرفات اخوه الي واضح عليه السعاده

خلص جاسم وطلع لغرفته ولحقه فيصل يبي يعرف وش سبب سعادة اخوه

دخل لقى جاسم يغني وهو فرحان ومبسوط على الاخر

والله وتحقق منايا
شوفو حبيبي معايا
يا اهل الحسد والوشايا
سعادة القلب وياه
الماء عود لمجراه

حاولت يا ما وياما
وزدتو علينا الملامه
ولكن وصلنا بسلامه
من يزرع الخير يلقاه
الماء عود لمجراه

يا حاسدينا اليكم
من خوف قلبي عليكم
حياتنا موفي يديكم
مكتوب عشنا وشفناه
الماء عود لمجراه

والله وشبكنا الايادي
قدام كل الاعادي
رايق لنا الجو هادي
سلم وانا قلبي حياه
الماء عود لمجراه

والله وتحقق منايا
شوفو حبيبي معايا

فيصل / بشر عن سر السعاده

جاسم بفرح / خطبتها ووافقت وزواجنا الخميس الجاي والليله بتفق مع خالها

فيصل منصدم ومستغرب / كل هذا صار بيوم واحد من سكنك ببيتها قولي وش سويت وكيف وافقت منكم نستفيد

جاسم / قاله كل الي صار

فيصل مستغرب ان هند تخضع لتهديد جاسم هو صاير كاشفها لانها نفس حيته

فيصل بقلق / قلبي مو مرتاح مستحيل تكون الي قلت عنها هند اكيد براسها شي انتبه يا خوي

جاسم بقلق / لا تخوفني اليوم موعدي مع خالها وكل شي بيبان

فيصل / ان شاء الله يكون احساس كذب

جاسم / لازم تقتل فرحتي

فيصل / والله من خوفي عليك لازم ماتامن هند الا لين تصير ببيتك وتشوفها حقيقه ماهي خيال


جاسم كلام فيصل زرع الوساوس براسه هو كان مستغرب من استعجالها وكانها ما صدقت انه يخطبها يارب يكون احساس فيصل كذب



في بيت عبدالرحمن
بعد المغرب


كان عبد الرحمن وخالد بانتظار جاسم الي كلمهم وقال انه بيزورهم اليوم بموضوع كلهم يضحكون من داخلهم على جاسم والي بيصير له من هند دخل عليهم وهو متوتر وخايف جلس بالمجلس وبعد السؤال عن الحال والاحوال تكلم عبدالرحمن

عبالرحمن / عارفين سبب الزياره وهند قالت لنا انك جاي تخطبها مني وانا بريحك من الاحراج ومدام هند موافقه عليك انا موافق اهم شي تنفذ شروطها

جاسم كان نفسه يرقص من الوناسه والفرح وده يطير لفيصل ويبشره ويقول ان احساسه كذب

جاسم / لي الشرف اناسبك ياعم

عبدالرحمن في نفسه / علشان تكمل الي عمك ما قدر عليه وتسرقون هند بس بتربيك وتنتقم لامها من عمك الواطي

عبدالرحمن / اهم شي سعادتها مدامها شايفه سعادته معك خلاص بس لا وصيك انتبه لها وحطها بعيونك

جاسم بفرح / ان شاء الله ماتنضام ببيتي وهي بقلبي قبل عيوني

هنا خالد شوي وينفجر من الضحك من الي بيصير لجاسم ورده فعله بالمفاجئة

خالد / وانا لا وصيك عليها تراها غاليه علينا وهي امانه برقبتك

جاسم / ان شاء الله اكون قد الامانه

طلع جاسم من بيت عبدالرحمن وهو فرحان وقلبه يرقص من السعاده


اول ماطلع جاسم عبدالرحمن وخالد انفجرو ضحك



يتبع









بيت ام جاسم


دخل لقى امه الجوهره بالصاله وفيصل بغرفته


جاسم بفرح وسعاده / باركو لي زواجي الخميس الجاي

الكل مستغرب وش الخطبه الي مادرو عنها والزواج بالسرعه هذي

ام جاسم بعصبيه / منهي الي العبت براسك

جاسم / هند بنت عمي خطبتها من عمها ووافق ان الزواج الخميس الجاي

ام جاسم فرحانه / خير ما خترت حطها بعيونك تراها جوهره يا بخته الي يمتلكها


الجوهره / والله تمنيتها لك على انك ما تستاهلها

جاسم / افا ليش ما ستاهلها تحمد ربي اني فكرت اتزوجها

الجوهره / لا والله انت الي تحمد ربك انها رضت فيك هند مافي مثله ثنتين

جاسم في نفسه / والله صادقه لازم اصلي صلاة شكر انها وافقت علي

جاسم / بطلع لفيصل ابشره علشان من الحين اجهز جناحي الي بسكنه بعد الزواج

ام جاسم / هند راضيه تسكن عندنا بعد القصر

جاسم / ما ناقشتهم بالموضوع بس لازم ترضى

ام جاسم / الله يتمم لك

جاسم / امين

طلع لقى فيصل يفكر دخل جاسم الغرفه ولا درى عنه فيصل

فيصل كان بعالم يفكر بالي مشتاق لها وميت على شوفتها على انه داري بيتضرر بعد شوفتها لكن ما همه اهم شي يبرد نار شوقه

جاسم / الي ماخذ عقلك يتهنى فيه

فيصل / من غير حيتي الي ما خذ تفكيري وروحي بشر وش سويت

جاسم وهو فرحان / الي ابيه بيصير وعمها رحب فيني وقال اهم شي هند موافقه ووصاني عليها خوفتني بشكوكك

فيصل بجديه / يمكن ناويه تنكد عليك حياتك بعد الزواج

جاسم بعشق / فداها مدامها معي وبين ايديني تسوي فيني الي تبيه

فيصل / عقبالي

جاسم / امين

طلع فيصل لغرفة الجوهره لعل وعسى تجيه اخبار عن معشوقته




عند الجوهره


تكلم غاده وتسولف معها وتضحك

الجوهره / اسكتي ياغاده صار لي موقف ولا بالاحلام ماتتوقعينه محرج جعلك ماتمرين فيه

غاده / خير

الجوهره / تعرفين توم كروز هو السبب

غاده / ههههههههه قولي والله طفشانه واحب مواقفك تعجبني

الجوهره / هذا غير قوي زين ما يغمى عليك من الضحك

غاده / الحقيني فيه

الجوهره / قالت كل الي صار لها مع نواف

غاده انفجرت ضحك / ههههههههههههههههه من كثر الضحك ما قدرت تتكلم

الجوهره بعصبية / وجع كل هذا ضحك وربي بنص هدومي مدري شلون بوريه وجهي عقب الي صار

غاده تمسح دموعه من الضحك وتحاول توقف ضحك / هههههههه خلي توم كروز ينفعك صراحه موقف خطيرر
يا ليتني كنت موجوده وشايفه المشهد مباشره


الجوهره معصبه / الحماره الي قالت لك

غاده / ههههه الحماره الي البارح يا لخبله تقولين عنه تمساح ههههههههه وتتغزلين بتوم كروزقدامه ههههههههههههههه يحلوك وانت تاكلينه هههههههههه كله كوم وانتي تقولين بحط السكين بكرشتك هنا غاده انفجرت من الضحك ههههههههههههههه اااه يا قلبي اوجعني من الضحك عمري ماضحكت هالكثر

ههههههههههههههه ابي اعرف وش بيضرك لتفتي وشفتي من الي عندك كل هذا بسبايب توم كروزههههههههه لو اني مثلك بعد ها لموقف اكرهه ولا اطالع افلامه هههههههههههههههههههههههههههههه

الجوهره بعصبيه / وجع بسكر لخلصتي ضحك كلميني وسكرت الخط ما نتظرت رد من غاده



عند غاده


سكرت الخط وانفجرت ضحك بشكل هستيري وخلاص دموعه صارت تنزل من قو الضحك

غاده / يقطع بليسك يالجوهره من جد انك نكته





عند الجوهره

دخل عليها فيصل وههي تسكر جوالها بوجه غاده

فيصل / من تكلمين

غاده بعصبيه / غدويه التبن

فيصل / خير وش صار بينكم

الجوهره / قلت لها الي صار لي امس وانفجرت ضحك وصارت تعلق وتضحك علي قهرتني وسكرت الخط بوجهها وقلت لها اذا خلصتي ضحك كلميني شكلها للحين تضحك


فيصل تذكر الي صار امس / ههههههههههههههههههههههههههههههه

الجوهره طالعت فيه بنص عين / خير وش يضحكك

فيصل / ههههههههههه على النكته الي صارت امس

الجوهره بزعل / البركه فيكم تعرفون اختكم انها تجيها حاله وتصير مسبهه وللاسف البارح كانت الحاله مستعصيه

فيصل بجديه / تبين تغيرين فكرته عنك

الجوهره / ايه مالي وجه اقابله بزواج

فيصل بجدية / لازم يشوفك مره ثانيه وتتقربون من بعض في فترة الملكه علشان يعرف من جوهرتنا

الجوهره بدت تقتنع / مستحيه منه شلون وبعد الموقف

فيصل / نواف حبوب وبيجريك على نفسه جربي وش بتخسرين

الجوهره / خلاص موافقه بس قولو لي من وقت

فيصل / وش رايك يتغداء عندنا بكره
الجوهره / طيب



طلع فيصل من عندها بيكلم نواف بيعزمه للغداء




عند نواف


كان منسدح على سريره وتفكيره فيها شلون بيقنعها انه يشوفهادق جواله شاف المتصل فيصل على طول رد

فيصل / الو شخبارك يا نسيب بعد الخرعه الي البارح

نواف / ههههههههههههههه والله ما نمت البارح من ضحكي على الموقف

فيصل / انا مكلمك الجوهره تعزمك للغداء بكره

نواف ماهو مصدق / من جدك مقتنعه تشوفني

فيصل / هههههههههههه ايه كل هذا خايف ان السكينه تجي بكرشتك

نواف / ههههه فديتها بس مابي اعيد الي امس وكون سبب بدموعها

فيصل بجديه / ترى الجوهره من اسمها جوهره اناديها بالبيت بجوهرتنا والي امس صار اتمنى ما تحطه بقلبك هي طبعها فرفوشه وربي باليها بالمواقف المحرجه والمضحكه وانت شفت الموقف بعيونك وللاسف معك اتمنى يانواف ان بالمقابله تعرف منهي جوهرتنا لاني انا الي مقنعها انها تحسن صورتها عندك

نواف بمزح / ترى مو لايق عليك انك تكون جدي والله يا فيصل وانا ماحلف بربي كذب انا خطبت اختكم ابي نسبكم والي صار البارح علقني فيها وحبيتها مراح استحي واقولك لانها صارت زوجتي ماكنت اتوقعها كذا مانكر انه جذبني شكلها لاكن الاكثر عفويتها وشخصيتها المرحه

انا حاسد نفسي عليها وانها زوجتي صحيح ان الموقف مضحك لكن بيبقى له ذكره حلوه بحياتنا وراح نقصها لعيالنا اكذب لو قلت بانساه عمري ماضحكت كثر البارح والموقف عجيب وخطير


فيصل باعجاب بنواف / هذا العشم فيك يالنسيب يله بسكر تراك خسرتني

نواف / يالبخيل يله فارق




يتبع









في قصر زياد
الساعه 3الفجر

زياد في سهره مختلطه لا تخلو من كاسات الخمر والبنات عشق زياد الابدي كان جالس جنب مدير اعماله ويساله

زياد / عاصم وين الي طلبته منك بخصوص هند

عاصم ياشر على بنت متبرجه ولبسها يكشف اكثر منه يستر واضح عليها انها اجنبيه

زياد / ايه وش فيها

عاصم / هذي سكرتيرة هند اسمها سوزان لبنانيه

زياد / اجل خلها تجي عندي بسحب المعلومات الي ابيها منها

زياد كان وسيم وجذاب ويملك جسم معضل ورياضي وهذا ساعده على انجذاب البنات له

عاصم راح لطاوله الي فيه سوزان

عاصم / طويل العمر معجب فيك وطالبك تجين عند طاولته

فرحت سوزان انها جذبت زياد الي معروف ان البنات يموتن ويعطيهن وجه قامت وراحت لطاولته وجلست جنبه

زياد / قربي جنبي اكثر

قربت جنبه وحط يده وراء ظهر وهو فنان في تذويب البنات بحركاته ولمساته وكلامه

ذابت سوزان وصارت بعالم ثاني لما شافها استوت دخل معها غرفة وكمل الي بداه وكملها بنومه معها بالفراش كالعشرات الي قبلها

بعد ساعه من السهره الماجنه دخل زياد الحمام ياخذ شور تارك وراه سوزان هيمانه وذايبه فيه اول مطلع دخلت هي تاخذ شور ولبست ملابسها

جت بتطلع من الغرفه سحبها زياد لحضنه

زياد يبوسها / بدري ما شبعت منك اجلسي

سوزان / اوكيه

زياد مستغرب / ملاحظ انك تتكلمين سعودي وانتي لبنانيه

سوزان / لاني سعوديه ماما لبنانيه وابوي سعودي

زياد / وين تشتغلين

سوزان / عند هند الفهد بشركة الفهد

زياد / طيب قولي كل شي تعرفينه عنها

سوزان / شخصيتها قويه ما ترضى بالغلط وطيبه وحنونه في نفس الوقت

زياد بكذب / تكلمي عن كل شي تعرفينه عنها لان صديقي موصيني اسئل عنها لانه بيتزوجه وله شروط بعروسته

سوزان تحب هند لان لها فضل كبير عليها

سوزان بحب / قوله يتقدم وهو مغمض عيونه هند مستحيل يلقى مثلها ثنين جمالها فوق الوصف
اخلاقها مضرب المثل تملك من القوه والشده والكبرياء والغرور الشي الي يعجب كل رجال ويتمنى تكون زوجته

من كلام سوزان زاد حماسه لشوفتها بس مستحيل تكون رخيصه تجي بالساهل لازم يسعى لها

زياد / تكلمي عن اهلها

سوزان / هي تربت عند خالها وابوها برضاعه وخالها عبد الرحمن الفهد الي يملك شركات ال.......

ولهند الفضل ان شركته لها مكانتها بالسوق يستشيرونها بكل شي قبل ما يبدون باي خطوه لازم رايها وان قالت لا ماحد يعارضها

زاد اعجابه بهند اكثر واكثر وذبحه الفضول لشوفتها

سوزان تكمل / لها بنت بالجامعه سنه ثانيه طب

استغرب شلون عمرها 26 وعندها بنت بالعمر هذا الفرق بينهم 8 سنوات مستحيل تكون بنتها

زياد بتعجب / كيف بنتها وعمرهند 26

شوزان / هههههههه شكلك مستغرب هي اختها تخيل انها صارت مسئوله عنها وهي عمره 9 سنوات وكانت ترفض احد يهتم فيها غيرها حتى لما درست برا اخذتها معها وقالت لها ماما وهي عمره 9 سنوات

زياد في نفسه / لازم اشوف المراءه الحديديه ذبحني الفضول لازم اشوف صاحبة الانجات احسها كانه من ابطال الاساطير

زياد / يله بنطلع برا نكمل السهره مع الكل

طلع زياد والفضول يقطعه تقطيع هو يعشق البنات كيف ببنت يعتبرها اسطوره جلس جنب عاصم وسوزان رجعت لمكانها الي كانت فيه

عاصم / بشر يا طويل العمر اعطتك المعلومات عن هند

زياد بجديه / ابي اشوفها

عاصم / شفتها

زياد بفضول / تسمي ذيك شوفه ابي اشوفها مثل البنات الي هنا

عاصم / مستحيل هند تشوف الرجال كانهم جراثيم تبيها تجيك هنا

زياد / والحل

عاصم / هههههههههه مالك تطب ببيتهم وتشوفها هناك

زياد اعجبته الفكره مع ان عاصم كان يمزح

زياد بجديه / راح اطب ببيتهم اهم شي اشوف الاسطوره

عاصم منصدم / يا طويل العمر كنت امزح

زياد / وانا جاد راقب بيتها اذا تاكدت ان مافيه احد عطني خبر وانا اجيك

عاصم / الحين ساكنه ببيت شاريته جديد وساكنه لحالها

زياد بفرح / اجل جتني على طبق من ذهب بكره بالليل بطب ببيتهم

عاصم بخوف / اخاف عليك منها يا طويل العمر

زياد بغرور / هههههههه ناسي اني رياضي الرياجيل ما قدرو فيني بتقدر فيني بنت

عاصم مستسلم / الي تشوفه يا طويل العمر

اليوم الثاني
بيت ابو نواف
الساعه 10 الصباح


جالس نواف مع ابوه يسولفون عن الزواج واستعداده وانه بيسكن عندهم بالفله الي بانيها ابوه اذا تزوج

نواف / يبه بروح اتغداء عند جاسم

ابو نواف يبتسم / اشوفك كاشخ كانك معرس تبي تقابل العروس

نواف / هههههههه كاشفني كشختي لصلاة الجمعه بصلي وبعدها بروح لهم

ام نواف توها داخله عليهم جايه من غرفة نجلاء

ام نواف / بكره بيطلعون عيال نجلاء وش رايكم التمايم تكون ببيتنا

ابو نواف / لا بتكون ببيت ابو بسام من زمان قايل انه بيسويها ببيته لانه فرحان باحفاده

ام نواف / الي يشوفونه

نواف / يله بطلع عندي مشوار قبل الصلاه

طلع نواف من البيت يخلص مشواره وبعده بيصلي وبيروح لجاسم


في بيت ابو بسام
الساعه 10 الصباح


بسام جالس مع ابوه يتفاهمون بالتمايم وانهم بيعزمون ناس كثير وبتصير الاربعاء

وغاده وامها بغرفة الطعام يسولفن

ام بسام / وانا امك ملكتك مابقى عنها شي ما شوفك تروحين لسوق

غاده / يمه ساعديني انتي مسئوله عن الحفله وكل شي يخصها وكل شي على ذوقك اعرف ذوق امي لا يعلى عليه

ام بسام بابتسامه / من عيوني شيلي هم الحفله اهم شي انتي الفستان والكوافيره ابيك تجننين خالد وهله

غاده / ههههههههه لا توصين حريصه شاطر بتجنين

ام بسام / هههههههههه تقلبين الجد لمزح

غاده بجدية / تطمني يالغاليه الكوافيره وحجزتها بتجي بالبيت والفستان اليوم اطلع معك ونختاره

ام بسام / اجل اليوم بنروح السوق

غاده / طيب بروح معك مدام ما عندي شي بكره




في بيت عبدالرحمن


جالسه غاده طفشانه لان يوم الجمعه اخوانها راحو يصلون الجمعه وخالتها فوق بغرفتها

طلعت لصاله راحت للمطبخ اخذت كاس كبتشنو مع سندويش جبن

ورجعت لصاله بعد ماخلصت فطوره الا على نزلت خالتها

نوره / صباح الخير شكلك زهقانه واضح من وجهك

غاده / أي والله ياخالتي طفشانه

نوره بحب / اليوم متفرغه لك أي مشوار تبينه انا جاهزه

غاده باست راس خالتها / خططي بطلعه حلوه وانا حاضره لان مافي بالي شي

نوره / طيب اش رايك تروحين للجوهره تباركين لها ملكتها وقبل بنروح لسوق نشتري لها هديه

غاده بفرح / ووواو خالتي كانك تقرين افكاري خفت ترفضين

نوره / شرطي ترجعين معي

غاده / اصلن مابي اجلس من غيرك

غاده خايفه تتواجه مع فيصل مالها خلق له




عند بيت ام جاسم


الجوهره بغرفتها تستعد لمقابلة نواف دخلت الحمام اخذت شور ولبست فستان ناعم من الشفون لونه زيتي مشجر وحذيانها زيتيه و حلق ناعم وسوت مكياج طبيعي وشعرها تركته على طبيعته

بعد ما خلصت اتصلت عليها غاده كلمتها وهي تمشي نازله على الدرج

الجوهر / هلا غاده

غاده / هههههههههه شخبار تمساحك

الجوهره / كانك داريه بيجينا على الغداء متكشخه له بعد حوستي ذاك الليله بزين سمعتي عنده

غاده بتعصبها / وش عقب والي سويتيه ما ينترقع الا انه يفقد الذاكره

الجوهره بصراخ / وووووووجع

سمع صراخها فيصل خاف صاير شي جاها لقاها تكلم بالتلفون

غاده / فجرتي طبلتي وراي مستقبل

الجوهره بعصبية / خلصيني وش عندك

غاده / بازوركم مع خالتي ابارك لك على افشلتك ههههههههه اقصد ملكتك

الجوهره بفرح / جد غاده بتجين اليوم والله مشتاقه لك موت

غاده / وانا اكثر


فيصل فز قلبه لما درى انها بتجيه وقرر انه يلزق بالبيت يمكن تتكرر الشوفه



فيصل في نفسه / انا ذابحني الشوق لها مستحيل اتحرك من البيت لين تجي لعل وعسى امتع عيوني بشوفها حتى لو تفجرني


الجوهره / ياله فارقي عندي شغل نتقابل بالليل



في المجلس


جاسم بالمجلس يفكر بهند وانها قريب بتصير من نصيبه وبتفكيره دخل نواف

نواف / السلام

جاسم وهو مبسوط / وعليكم السلام وش اخبارك

نواف / الحمد لله

جاسم يطالع بوجه نواف / هههههههههه

نواف مستغرب من ضحك جاسم / خير فيه شي بوجهي يضحك

جاسم / هههههه تذكرت موقفك مع جوهرتنا

نواف بحب / هههههههههه احلى موقف مر علي بحياتي

جاسم بفرح / ابشرك زواجي الخميس الجاي

نواف مستغرب / تمزح ولا من جدك

جاسم بجدية / وهذي السوالف فيها مزح

نواف بفرح \ زين تركت عنك الجنون وتزوجت

جاسم بحب / وانا بتزوج الي جننتني

نواف بصدمه / بتتزوج هند

جاسم / هههههه لا بتزوج ابوها منهي الي مجننتني

نواف مستغرب \ كيف وشلون

جاسم \ حكى له السالفه بالتفصيل

نواف بشك / مدري ماني مستوعب ان بنت الفهد تخضع لك بسهوله شاك ان وراء السالفه لعبه

جاسم بعصبية \ وش في تفكيرك مثل تفكير فيصل انا قابلت خالها وبارك لي ووصاني عليها وين فيه اللعبه

نواف \ ياليت الي تقوله صح

جاسم بعشق / يمكن انها حبتني مثل ماحبيتها

نواف ماحب يحطمه / يمكن كل شي جائز الا وين عروستي

جاسم / زين بتشوفها اثقل احمد ربك ان فيصل قدر يقنعها ولا هي زعلانه علي بسبتك

طلع جاسم ينادي الجوهره بيشوفها نواف

لقاها جالسه مع فيصل يسولفون قرب منها

جاسم / الجوهره ترى نواف ينتظرك

الجوهره بخوف / ادخلو معي مستحيه

جاسم / وين جرائتك يوم بغيتي تحطين السكينه بكرشته

سحبها جاسم بيدها بيروح للمجلس




يتبع








عند نواف


جالس ينتظرها على احر من الجمر ماطول انتظارها الا يسمع صوت جاسم يكلمه وهو ما يشوفه

جاسم بمزح / تزبط واستعد لشوفت زوجتك تراها معي

الجوهره ضربت جاسم كوع وقالت بصوت واطي

الجوهره بصوت واطي / جاسم لا تتركني معه لحالي اخاف اجيب العيد وشوال معهم

جاسم / ههههههههههههههههههه

وصل للمجلس وعيون نواف طول الوقت على الباب ينتظر دخلتها

اول ما شافها غصب عنه انبهر من جمالها الي يكتب فيه الشعراء دوواين في العيون الكحيله ولا جمال الفم ولا الجسم نواف يقرا عليها في نفسه خاف عليها منه

نواف في نفسه / يحضك يانواف اخيرا قام حضك ماني بمصدق ا ن الي قدامي ملكي حلالي


الجوهره راسها منزلته من الحياء ما شافت شكل نواف

جاسم \ يالاخو ارحم البنت من نظراتك اكلتها اخاف عليها بجلس عندكم مابي اتركها معك

نواف / اقول طس

طلع جاسم والجوهره واقفه مرتبكه وخايفه وهي تدعك يدها من الخجل قام نواف من مكانه قرب منها باس خدها وحاوطها بذراعه الجوهره تكهربت من مسكته الغير متوقعه كان نفسه يتعمق اكثر من بوسة الخد بس خاف من رده فعلها وهي بالغصب رضت

نواف جلسها جنبه على الكنب

نواف بحب \ طالعيني

الجوهره تلعب بفستانها من الحياء ماتقدر تحط عينها بعينه هو فاجئها رفع راسها وحط وجهها بين ايدينه
مسح على شعرها

نواف / لا تخافين مني مستحيل اضرك انتي زوجتي وملكتي قلبي خليني اعبر عن حبي لك بتصرفاتي ما تتخيلين اش كثر فرحان انك حنيتي علي وخليتيني اشوفك مد نواف يده على وجهها وصار يتحسس تفاصيله الجوهره خلاص احترقت من الحياء قامت نواف مسكها وجلسها في حضنها وضمها بقوه

نواف بحب / الجوهره خليكي بحضني خليك قريبه من قلبي

الجوهره تحاول تتخلص من حضنه

نواف / تطمني

الجوهره قدرت تفلت من حضن نواف ووجها احمر مولع من الحياء ما صدقت الجوهره تفلت من نواف طلعت من المجلس دخلت بالصالة دعت على نفسها شلون سمحت له يتعدى حدوده معها لكن الحمد لله لحقت تهرب منه قبل لا يصير شي تندم عليه

الجوهره بنفسها \ مايستحي مفجوع كانه اول مره يشوف حرمه انا الحماره الي سمحت له يشوفني يحلم يشوفني مره ثانيه لو يموت ما شافني قبل الزواج

نواف بعالم ثاني اول مره يقرب من انثى بهذا القرب شديده الجمال والفتنه

نواف في نفسه / من يصدق ا ن الي من شوي نواف الي ما يعرف صنف الحريم يويلي كان ما بيني وبين التهور الا شعره شكلها بتحرم تخليني اشوفها يحق لها كاني مفجوع من اول شوفه اكلتها
نواف تذكر قربها منه وشكلها وبتسم ياحلوهاااا





قبل المغرب
في بيت عبدالرحمن


نوره وغاده طلعو من البيت مع السواق جابر لان عندهم سواقين واحد خاص لهند والثاني للبيت

طلعو لسوق اشترو طقم الماس للجوهره على ذوق نوره صلو بمصلى بالسوق وعلى طول توجهو لبيت ام جاسم






في بيت ام جاسم


فيصل رايح جاي بغرفته متوتر وذبحه الانتظار سمع صوت الجرس على طول طار لدريشته يبي يلمح زولها


فتحت لهم الشغاله وستقبلتهم الجوهره وامها بكل ترحيب

ام جاسم / ياهلا والله بالي جانا نور المكان

نوره / الله يحيك ويبقيك

الجوهره سحبت غاده لجلسه لحالهم وجلسو سوالف لين جاهم السواق وطلعت نوره وغاده لبيتهم


فيصل حس بخيبت امل لانه ما شافها كان نفسه يقتحم عليهم الجلسه ويجلس معهم ويمتع عيونه بالي سلبت روحه

فيصل في نفسه / والله القهر تجي ولا اشوفها كله من الخبله الجوهره كان طلعتها لغرفتها وش له قاعده بالحديقه من زين الجو كانها مصره تقهرني اوف متى تجيني فرصه واشوفها

جلس فيصل يندب حظه على انه ما شاف حبيبت قلبه



بالشركه

كلمت هند محامي الشركه طلبت منه يجي عندها جاء وجلس ينتظرها برا تغطت وطلبت من هنديانا تكون موجوده عندهم دخل وجلس بالكرسي الي مقابلها

هند بجديه / انا طالبتك ابيك بموضوع ضروري ومهم بالنسبه لي

المحامي / حاضرين بالي نقدر عليه

هند بحقد / ابيك ترفع قضية على راشد ال بسبب اعتدائة علي وعلى شركتي وتخريب ممتلكات الغير

المحامي / لكن استاذه هند هذا الشي ماصار

هند بقوة / وانا ابيك تخليه يصير

مستغرب منها تظلم احد وهي بعمرها ماظلمت احد

المحامي / هذا ظلم اني ارميه بتهمه ماسواها

هند بوجع / والله لو بحاكمه بتهم الي سواها فيني بيخيس طول عمره بالسجن انت تعرفني ماحب الظلم بادبه لانه تجاوز حدوده معي

المحامي حس بوجعها / ان شاء الله الي تبينه بيصير ومن بكره

هند / عندي طلب ثاني شخصي ويا ليت تساعدني فيه

المحامي / الي بقدر عليه بسويه

هند بجدية / ابيك تجمع لي معلومات عن موضي ال زوجة راشد

المحامي / سهله اعرف شخص بيفيدني بالمهمه

هند / ياليت كل شي طلبته ينفذ باليومين هذي



عند جاسم

جاسم كان برا البيت يستعد لزواجه مابين محل اثاث قرر بكره يسحب كل الي بالبنك ويقدمه مهر لمعشوقته



عند هند

تنتظر على احر من الجمر ليلة الزواج ودها الاسبوع يمر بسرعه تبي تستمتع بردة فعل جاسم بالي سوته فيه



برا قصر هند

سيارة عاصم واقفه برا متاكد ان البيت مافيه غير هند لانه شافها داخلة مع شغالاتها الي يرافقونها والوقت بعد العشاء بينتظر ساعتين لين يتاكد ان المكان امان وبيكلم زياد

زياد على اتصال مع عاصم كل دقيقه يكلمه ويساله عن الاوضاع مستعجل ومتلهف يشوف البنت الاسطوره

جهز عاصم كل شي ووفر له العده الي تساعده لدخول لبيت هند



عند زياد
الساعه 2 بالليل


خلاص طفش من الانتظار وقرر انه يروح لعاصم الوقت مناسب للقيام بخطته اكيد الكل نايم وبتسهل عليه المهمه خذ الوصف من عاصم وخلال نص ساعه واقف قدام قصر هند



عند هند

كانت جالسه على طاوله بالحديقه تشتغل على الاب توب تكمل شغلها وهنديانا وسميره عند مدخل القصر الداخلي قريبات منها اذا احتاجت لهن وهي ما تطلع للحديقه الا بحضورهن وتتاكد انهن قريبات منها

كانت لابسه قميص بيت وردي من القطن حفر يوصل لتحت الركبه ماخذه حريتها لان مافي البيت غيرهاوجداتها من العشاء نايمات وشعرها مخليته على طبيعته وهي جالسه حست بحركه غريبه في الحديقه على طول ركضت لهنديانا وسحبت المسدس منها وحطته تحت اوراقها المنثوره على الطاوله





عند زياد


اول ما وصل وبعد عدة محاولات حس فيها زياد انه فقد الامل واخيرا فتح الباب طلب من عاصم ينتظره برا ماهو محتاجه مدام البيت مافيه الا بنت وهو واثق انه بيقدر فيها وهو شاف كيف جسم هند اضعف منه بكثيرر

دخل شاف الحديقه فاضيه مافيها احد قرر ياخذ جوله حول الحديقه بيتطمن مافي حراس

وهو في جولته شاف من بعيد بنت منغمسه باوراق قدامها تاكد انها هند لكن بعيده ما يقدر يشوفها بوضوح قرب بشويش لين وصل لعندها ارفعت هند راسه من الاوراق

انفجعت وهي تشوف زياد قريب منها بهالقرب زياد واقف منصدم ومنبهر من الجمال الي يشوفه

زياد في نفسه / مستحيل تكون هذي بشر هذي ملاك نازل على الارض على كثر ما جربت من البنات اشكال والوان وجنسيات عمري مامر علي احد يجي نص جمالها



صحاه من افكاره هند تصرخ / يالحقير وش مدخلك قصري

زياد يطالعها من فوق لتحت التهمها بنظراته الخبيثه

زياد يبتسم بخبث / جيت اذوق من العسل الي قدامي

هند بعصبية وبصراخ / تحلم تلمس شعره من راسي انا هند

زياد صار يقرب اكثر / هههههه يله وريني من هند ابي اعرفها

وزياد قرب وقرب وبحركه دفاعيه من هند ماحس زياد نفسه الا طايح بالارض

هند بقوة / هذي هند

زياد انصدم وبلم شلون قدرت اطيحه وبنيته اقوى منها اضعاف مضاعفه

هند سحبت المسدس من تحت الاوراق

هند بقوة / انت ضيفنا وواجب علينا نكرم الي يتعدى على حرمات بيتنا

زياد للحين في الا وعي يحس كل الي صار له حلم كبيره ان زياد تقدر فيه حرمه

ماحس بنفسه الا وهند راميته برصاصه صابت فخذه

هند بقوة وعصبية / هذي لك علشان تعرف ان للبيوت حرمات تذكر يا زياد اني متفضله عليك با مكاني احطه بقلبك واريحك من الحياه ولا بلغت عنك وسجنتك بكثير من التهم

زياد يتلوى من الوجع وصار جرحه ينزف

هند متاكده ان رجاله برا / هنديانا نادي عمران يرمي الجرثومه برا خلي ربعه يا خذونه لا يموت عندنا
جاء عمران وبمساعدات هنديان سحبو زياد وفتحو الباب ورموه برا

زياد صار يون من الوجع وصرخ بصوت ضعيف / عاااااااااصم

سمعه عاصم وركض له عرف ان صاير له شي كبير

عاصم برعب / من سو فيك كذا يا طويل العمر البيت خالي من الحراس

زياد بوجع وضعف / بسرعه ودني المستشفى رجلي تنزف

بسرعه شالوه وركبوه سيارة عاصم والحرس الخصوصي خذو سيارة زياد





عند هند

هند كانها بحلم مو مصدقه ان زياد قدر يدخل قصرها وحمدت ربها انها اخذت المسدس من هنديانا كانها حاسه بالي بيصير

هند في نفسها / الله ياخذك يا زياد خليتني اسوي شي مو من طبعي ارمي احد لكن تستاهل الي جاك وكل ما شفت رجلك تذكر ان البنات يختلفن تحسبني مثل صايعاتك خلها درس لك يمكن اتوب على ان ذيل الكلب اعوج




عند زياد


نزف دم كثير واول ما وصلو المستشفى على طول دخلوه لغرفة العمليات كان يحتاج لمتبرع بسبب النزيف
تبرع له عاصم والمستشفى ما تركو عاصم وذبحوه بالاسئله عن سبب اصابته برصاصه وقال لهم انهكان ينظف مسدسه وطلعت منه طلقه بالغلط

عاصم في نفسه / وش صار لطويل العمر من الي اطلق عليه

البيت متاكد مافيه الا هند مستحيل يكون داخل رجال او حراس لازم اعرف اذا فاق بسئله هو مايخبي شي عني

بعد ثلاث ساعات طلع الدكتور طمن عاصم ان زياد بخير لكن نايم تحت تاثير البنج

طلع عاصم من المستشفى لانه مرهق وترك الحراس عند زياد


على الساعه 6 الصباح صحى زياد من البنج ما يدري وينه فيه طالع برجله لقاها ملفوفوه

تذكر الي صار وعرف انه ما كان حلم كان علم
سمع صوت الباب يطق كان عاصم

عاصم / كيفك يا طويل العمر

زياد بقهر/ بخير

عاصم / من الي تجرئ واطلق عليك النار

زياد بقهر / المراءه الحديديه

عاصم منصدم / شنوووووووو

زياد بحقد / الي قلته اخر عمري انصاب من مره ويا ليت كذا الا اهانتني وسدحتني قبل لا ترميني

عاصم شك ان زياد مسخن او يهوجس من اثر البنج

عاصم / يا طويل العمر ارتاح

زياد / هههههههههههه اكيد منت مصدقني اذا انا ماني مصدق كل الي صار

عاصم / طيب قولي كل شي

زياد / حكى له كل شي صار

عاصم باعجاب / صدق من سمها امراءه حديديه

زياده بجديه / وانت الصادق اسطوره الي شفته خلاني مسبه عمري ما تخيلت تكون الكتله السوداء الي شفتها بالاجتماع تكون الي شفتها البارح الي شفتها جمالها طير عقلي

ادفع كل الي املك وتكون ملكي وبين احضاني ليلة وحده هذي حرام ما تكون لزياد كرهت كل البنات الي عرفتهن بسبتها هذي الي تليق بزياد ال..

صدقت سوزان يوم قالت انها الي يحلم فيها أي رجال انا اقول اكثر من الي يحلم فيه

عاصم / كل هذا يا طويل العمر

زياد / واكثر اسئل الي مجرب اصناف وانواع من البنات شلون الي ماقد شاف بنات وشافها هذي خطرعلى الشباب انهم يشوفونها

عاصم / ههههههههههه كانها بداية حب ياطويل العمر

زياد / ههههههههه بعد الرصاصه يمكن ليه لا



يتبع










في بيت راشد


كان جالس مع موضي وسمع صوت الجرس كان شرطي

شرطي / هذا بيت راشد ال

راشد / ايه وصلت

الشرطي / مطلوب عندنا ياليت تتفضل معي

راشد مستغرب / ممكن تقولي وش مسوي وش تهمتي

الشرطي بجديه / مدري

دخل راشد وحط خبر عند موضي انه مطلوب عند الشرطه

طلع مع الشرطي دخله عند الضابط

جلس مقابل الضابط / ممكن اعرف وش تهمتي وليش ساحبيني من بيتي

الظابط / جاني بلاغ من شركة الفهد انك اعتديت على هند الفهد بشركتها وضربت الحارس وقمت باتلاف بعض ممتلكات الشركه

راشد منصدم وعرف ان الي يصير رد هند على الكلام الي قاله

راشد / كل هذا كذب

الظابط / انت بتنسجن لين تجي هند الفهد وتتنازل عن حقها

راشد / ممكن اكلم زوجتي مابيها تحاتيني لا تاخرت مد الظابط التلفون لراشد كلم موضي وقال لها عن الي صار موضي ولعت وانقهرت من قوة هند وخربت تخطيطها




مر الاسبوع لاجديد بحياة ابطالنا
عند جاسم



هالك نفسه بالاستعدادت والترتيبات وهو يتمنى الايام تمشي بسرعه مشتاق ينزف على فاتنته الي معذبته


عند هند

مشغوله باتمام لعبتها على الوجه المطلوب وتبي الايام تمر ويعرف جاسم من هند الي بتنغصب عليه




عند فيصل

ما فارقت غاده تفكيره يتمنى انه يلمحها صدفه بزواج اخوه قرر يخطبها بعد ما يتطمن على اوضاع اخوه مع اختها حاول يشغل نفسه عن التفكير فيها بمساعدت اخوه بالترتيبات


عند غاده

هند قال لها الي ناويه تسويه بجاسم كانت مبسوطه تحب روح المغامره وفي قلبها مبسوطه انه جزاء الي تطاول على امها



عند نجلاءوبسام

طلعو عيالهم وتممو لهم في بيت ابو بسام ونجلاء بقت في بيت ابوها مع عيالها لانها خايفه عليهم من تغير الجو لان مناعتهم ضعيفه


عند نواف

نواف غارق بحبه للجواهره الي رافضه انه يشوفها او يكلمها بعد الي صار وقالت لاخوانها خلاص شوفته تكفيه لين الزواج




عند الجدات

الجدات لما درن عن زواج جاسم انتقلن لبيت ام جاسم وهند انتقلت لبيت خالها


عند زياد

زياد بعد الي صار صارت سهراته مع البنات قليله وكل تفكيره في هند يبي ينتقم عن رجولته وكرامته الي داستها واحساس جديد انزرع بقلب زياد يحاول يتهرب منه ما يجيه الاحساس الا لما يتذكر الي صار له بالقصر

احاسيسه متضاربه تجاه هند مره بينتقم منها مره مشتاق لها ويتمنى تنام بحضانه لو ليله




اليوم زواج جاسم

عند جاسم


قبل الزواج بليله وقلبه بيطير من ضلوعه من الحب والشوق لهند وطول ليله سهران يفكر باول ليله مع هند وخايف من انفجار مشاعره قدامه يمكن من قو مشاعره بتحرقها


قايم من الصباح يتاكد ان كل شي تمام راح للفندق يتاكد من الترتيبات الي بيفاجئ فيها هند كانت الغرفه رومنسية كله ورود وشموع وطلب من الفندق يهتمون بالعشاء وبالكيكه يبي يقضي معها ليله من اجمل ليالي عمره


وصى فيصل يهتم بتزين السياره ويسوي له مسيره ما صارت رجع للبيت على الساعه اربع العصر بينام وراه ليلة طويله





في بيت عبدالرحمن
بعد المغرب

كان الزواج بحديقة القصر كانت الطاولات شكلها خيال و الانوار موزعه بشكل حلو بالحديقه والضيافه
كان الشكل العام للحديقه فوق الخيال كل الي حضر انجذب من التغير الي صاير بالحديقه



عند هند

من العصر رجعت للقصره مع سميره وسعاد وريتا وعمران



عند جاسم


كاشخ ولابس البشت الاسود وصار شكله خطير وجالس بجنبه فيصل ومن الجهه الثانيه نواف

نواف / اخيرا صرت معرس ما بغيت

جاسم وهو فرحان / تو لقيت الي ملكت قلبي

فيصل قرص جاسم / قرصتك يمكن الحقك

جاسم معصب / وجع تراني معرس لا تشوهني

جاسم على نار ينتظرهم يجيبون له الكتاب بيوقع فيه وتصير هند زوجته قدام الكل

لحظات جاب عبد الرحمن الكتاب وهو كاشخ على الاخر

عبدالرحمن / هذ الكتاب وقع علشان هند توقع وتاخذها

جاسم ما صدق / مسك القلم ووقع

عبدالرحمن بداخله فرحان ان الي يبونه صار


خالد جالس يطالع بجاسم كاتم ضحكته لا ينفجر

خالد في نفسه / هههههه فرحان وموقع ومصدق انك معرس لو تدري وش ينتظرك زين ما تنجلط علشان تعرف تحط راسك براس هند

على الساعه 12 جاء عبدالرحمن عند جاسم

عبد الرحمن / عروسك تنتظرك عند الباب الداخلي اوامر هند انك تاخذها من عند الباب ما تبي تكون فرجه لناس


ما صدق جاسم بسرعه طلع مع عبد الرحمن من غير ما يفكر بالي قاله دخل لقى عروسه حبيبته لابسه عباته كل شي اسود ركبت بسياره قبل جاسم وجلس جنبها

كان السواق فيصل وجنبه نواف كانو مبسوطين وفرحاني بفرح جاسم

جاسم حاول ما يحرجها ويمسك يدها خاف ان هالشي يزعلها

جاسم بنفسه / الي صبرني كل الايام الي فاتت يصبرني الدقائق الجايه

وصلو للفندق نزلهم فيصل وعلى طول مشى حاول انه يقرب منها لكن هند خايفه ومستحيه
اول ما وصلو للجناح دخلو داخل جلست هند بعباتها وغطاها والمكان خيال كله ورود وشموع جو رومنسي وشاعري

جاسم بحب وعشق / كل هذا مسويه علشانك ياروح جاسم والله لو بايدي جبت لك القمر

هند / ....................

جاسم بحب / شيلي عباتك وكشفي وجهك الي عذبني وصار لا ليلي ليل ولا نهاري نهار

منصدم من سكوت هند ماتوقع انها مثل البنات بتستحي وتخجل منه توقع تكون هي المبادره

قفل الباب وهو طاير من الفرح دخلت هند غرفة التبديل وطلعت

وجاسم كان عند الباب يستقبل العشاء حطه بالصاله عرف انها بغرفة التبديل جلس على الكنب وهو ذابحه الشوق لشوفتها

طلعت هند من غرفة التبديل

انصدم من الي يشوف بغى يوقف قلبه


جاسم شاف وحده غير حبيبته طول بعرض سوداء شعرها سبايكي عيونها صفرء شكلها مرعب

جاسم بخوف / انتي من

هنديانا / انا زوجتك هنديانا

جاسم بثقة / لا انا زوجتي هند

مدت هنديانه ورقه لجاسم اخذها وقراء الرساله الي كاتبتها هند بخط يدها


جاسم العب على قدك واعرف من تتحدى انا هند الفهد ما تنغصب ومستحيل تخضع لاحد هذي الي قدامك زوجتك تراها ملكك وحلالك بعقد شرعي بالرفاء والبنين لا وصيك عليها تراها غاليه عندي

ترى البضاعه لا ترد ولا تستبدل انت موقع على مؤخر 5 ملايين ريال حاجزه لكم تذكرتين سفر لبلد العشاق ايطاليا اعرفك رومنسي

لا تنسى اني كم مره قلت ابتعد عن هند لا تاكلك نيراني وهذا الي جنته يداك فاتستاهل


انقهر وصار بركان ثاير من الغضب يدور بالغرفه ما يدري وش بيسوي بالبلوه الي فيها مسك جواله اتصل على فيصل الي بسيارته و جنبه نواف باقي ما وصلو لبيتهم اول ما شاف فيصل رقم اخوه خاف معرس والعروسه حبيبته وش الي بيذكره بخوه

فيصل بخوف / الو هلا بالمعرس

جاسم بصراخ / ووووجع تعال الحين والله لو تاخرت ليصير شي ماهو من صالحك

وسكرت التلفون بوجه فيصل المصدوم من عصبية اخوه عمر جاسم ما طول صوته عليه

فيصل بخوف / نواف فيه شي عند جاسم يبينا نرجع اول مره يعصب علي

نواف / وش يبي منك

فيصل / يقول تجوني الفندق الحين وان تاخرت بيوريني

نواف بخوف / يله بسرعه نرجع للفندق

وصلو بسرعه جنونيه للفندق كلمو جاسم عطاهم رقم جناحه

اول ماوصلو للجناح طقو الباب فتح لهم وشكله منهار على الاخر

جاسم بحزن / ليش واقفين ادخلو

نواف مستغرب / ما يصلح انت معرس بتحرج العروس

جاسم بعصبيه / انطم وادخل

نواف مستغرف اول مره يطول جاسم لسانه عليه

خافو منه وشكله كان يخوف دخلو

اول مادخلو كانت هنديانا جالسه بكل ثقه على الكنبه اول ما شافتهم وقفت

نواف وفيصل انصدمو وانفجعو من شكلها المرعب

نواف بصوت خايف / جاسم هذي هند الي ذابحنا بحبك لها

جاسم بعصبيه / الحقيره لعبتها علي وصارت هذي عروستي تتخيلون شلون هالانسانه المرعبه تكون زوجتي

فيصل بثقة / سهله طلقها

جاسم بقهر / بنت عمك استغفلتني ولعبتها صح موقعتني على مؤخر 5 ملايين بتدبس فيها طول عمري

فيصل ونواف / شنوووووووو 5 ملايين لهذي

جاسم / ايه لا ومرسله لي رساله خذو اقروها

خذا نواف الورقه وقراها وبعدها مدها على فيصل وقراها

فيصل بقهر وعصبيه / بنت عمك هذي يبي لها من يكسر راسها على الغرور

جاسم بوجع / شلون انفك من المصيبه الي داخل

نواف بجدية / انها هي الي تطلب الطلاق وتتنازل عن المؤخر

طالع جاسم فيها وشافها تبتسم على كلامهم

جاسم بوجع / شكلها ما صدقت بالزواج وتتزوج زوج مثلي تبيها تفكني بالساهل

هنديانا تاشرعلى فيصل ونواف / انت وهو ياله برا ما تستحون جالسين مع معاريس بليلة زواجهم يله برا

نواف كاتم الضحكه شر البليه ما يضحك / الله يعينك عليها اليله شكلها مراح تهدك

جاسم بعصبيه / وجع دور لي حل بدال متتمصخر بيصير بعقلي شي اذا نمت معها

فيصل محزن على حال اخوها وفرحته الي قتلتها هند في نفسه كره هند كثير وقرر بكره يروح لها ويبرد قلبه فيها يبي لها كسر راس وانت يا فيصل الي بتكسره

نواف / بنطلع يا جاسم

جاسم بضعف / وتخلوني معها لحالي

فيصل بخوف / طالع فيها اطالعنا بنظرات تخوف الله يصبرك ياخوي مصيرها تفرج

طلعو وبقى جاسم الحاله مع هنديانا الي ماعبرته ونامت وهو مبسوط انها تركته بحاله

كل ما طالع بهديانا وهي نايمه يندب حظه وغبائة شلون هند استغفلته واضح نيتها بالي سوته من شروطها

جاسم في نفسه / انا تستغفليني يا هند وتورطيني الورطه هذي لا عشت ولا كنت ان خليت الي تسوينه يمر عليك بالساهل لبس ثوبه وشماغه وطلع من الفندق

على الساعه ثلاث الفجر يدور بشوارع يغلي قهر وعصبيه يبي يطفي من البركين الي داخلة ماحس بنفسه الا واقف قدام قصر هند طالع فوق لقى نور غرفتها شغال اكيد موجوده فيها

جاسم بقهر / اكيد موجوده والله لعلمك منهو جاسم

فتح باب القصر الخلفي وهو يمشي فاقد الوعي القهر والغضب هو الي يمشيه دخل الصاله كان البيت فاضي طلع فوق وقف قدام غرفتها على طول فتح الباب ودخل


عند هند


كانت هند منسدحه تفكر شلون كانت ردت فعل جاسم لما شاف هنديانا كانت لابسه بجامه حرير لتحت الركبه وبلوزه علاقي كانت على وشك تنام مشغله الابجوره انصدمت من دخلت جاسم عليها مثل الاعصار

هند بخوف / جاسم اطلع برا غرفتي الي تسويه ما يجوز

جاسم بصرخة وجع / والي سويتيه فيني يجوز

قرب من سريرها على طول فزت وركضت تبي تبعد عنه واضح ان الغضب هو الي يسيره

جاسم بقمة العصبيه / المفروض الحين عروستي بين احضاني بالحلال مدامك رفضتيني بالحلال ابيك بالحرام

هند بصراخ / تخسى تقرب مني بالحرام وانا رافضتك بالحلال يا جاسم اتقي شري اطلع

جاسم بوجع والم وقهر / الحين خايفه مني قولي وش ذنبي علشان تلعبين معي اللعبة السخيفه

هند بقوة / ذنبك انك تبيني لزواج انا يا جاسم ماني لزواج افهم

قرب منها اكثر وهي تحاول تبعد لين حصرها بين ذرعيه وصار يسمع دقات قلبها

جاسم / قولي ليش ما تصلحين لزواج


هند تحاول تفلت من بين يدين جاسم لكنه شادها بقوه

هند بعصبية وبصراخ / من غير سبب انا مانفع لزواج

جاسم بعصبيه وبقهر / قولي انك مستعمله

هند بعدم استيعاب / شلون مستعمله

جاسم بصراخ / واضحه لا تستغبين علي يعني منتي بنت لامسك رجال فهمتي

هند بصراخ وعصبية / تقذفني بشرفي يا جاسم

جاسم وهو يقرب بيبوس فمها الي شوفته من قريب خدرته

جاسم وانفاسه على وجهها / ايه

ضربته بحركه دفاعيه من تحت الحزام

جاسم يتلوى من الوجع / يا مجنونه بتفقديني رجولتي

هند تمكنت من الابتعاد عن جاسم

هند بسخريه / هههههههههههه رجولتك وينها وانت داخل غرفة بنت عمك شرفك بالليل تبي تعتدي عليها وتتهمها بشرفها

جاسم باصرار/ رفضك لزواج هذا سببه

هند بقوة / جاسم لو بشتكيك للمحكمه بتهمة قذف المحصنات بيحكمون عليك بثمانين جلده

وكملت بقوة / لكن انا متعوده اخذ حقي بيدي وانا الي بنفذ الحكم بنفسي

ضغطت زر جنب الكمودينه طلبت الحارسات بثواني دخلو عليها

هند بقوة / خذوه ونزلوه تحت وياليت تشلون ثوبه وانا شويات ونازله

جاسم منصدم من طلب هند ما يدري وش ناويه عليه الحارسات طول بعرض قدرو بجاسم نزلو جاسم بالحديقه وفسخن ثوبه غصب عنه




يتبع









عند هند


بغرفتها تلبس عباتها ونقابها كلمت عمران يدبر لها سوط لتنفيذ الحكم جابت لها سميره السوط ونزلت

بعد نص ساعه من انتظار جاسم وخوفه من الي بتسويه هند

وصلت لعنده وبيدها السوط

هند بكل قوة وقسوة / جاسم باخذ حقي من قذفك لي وتذكر انت الي جيتني ما تعنيت وجيتك

وعلى طول سدحوه على بطنه وهند بكل قوتها تضربه والحارسات عليهن العد لين كملت الثمانين

جاسم محطم منهار مدمر شعور صعب ا ن الي تحبه وتعشقه حتى الجنون يجلدك وبوحشيه

بعد ما خلصت هند الضرب صار ظهر جاسم كله جروح وعلامات السوط واضحه

هند بقوة / جاسم هذا جزاء القذف مازدت ولا نقصت كلم اخوك فيصل ياخذك ولا نوصلك للبيت

جاسم بوجع العالم /............

هند بقوة / سميره قولي لعمران يوصله لبيته يعالجون جروحه

جاسم في نفسه يبكي / اوجاعي بقلبي ياهند الي بظهري ما حسيت فيها ماتدرين ان مع كل ضربه وجعها صاب قلبي ياقسوة قلبك ياهند لو لفيتي الدنيا مالقيتي الي يعشقك كثري هذا جزاتي منك
خلاص ياهند الي سويته الحين قطعتي اخر امل فيك خلاص لازم انهى الحب الي فقدني كرامتي الله يلعن الحب الي بيذلني اكثر من كذا

جاسم بصوت حزين / انا الي بروح مستغني عن خدماتك انتي تقتلين القتيل وتمشين بجنازته

يعجز الوصف عن الحاله المنهاره الي فيها جاسم قام وهو منكسر جريح لبس ثوبه وكانه يلبس نار طلع من عند ها وركب سيارته بصعوبة



عند هند

بعد ما طلع من عندها طلعت فوق جهزت اغراضها قررت ترجع لبيت خالها كلمت عمران ووصلها للبيت فتحت البيت بالمفتاح الي عندها دخلت غرفتها وانسدحت جنب غاده



عند جاسم

وصل لبيتهم ودق جوال فيصل يطلب منه ينزل له

نزل فيصل وهو خايف على اخوه لان واضح من صوته انه منهار ومحطم

طلع شاف جاسم ياله يمشي واضح عليه المرض

فيصل ركض له بخوف / سلامتك ياخوي وش فيك

جاسم بصوت حزين / بطلع لغرفتي ابيك تعالج ظهري الي ينزف


ساعد فيصل جاسم ووصله لغرفته جاسم شال ملابسه وجلس عاري الظهر لان الملابس توجعه بجروحه

فيصل انصدم يوم شاف ظهر جاسم الي واضح انه اثر ضرب

فيصل مستغرب / من ضربك

جاسم بوجع / ااااااااااه ضربتني الي سلمتها قلبي وضربتني بكل وحشيه ياليتني مت قبل لا يصير الي صار

فيصل معصب / كيف وشلون وليه

جاسم / قاله كل الي صار بالتفصيل

فيصل بحزن / ليه سويت الي سويته وخليتها تكمل عليك

جاسم وهو ينسدح على بطنه / غصب عني قلبي الي سيرني ما فقت وصحيت على نفسي الا بعد الضرب ما تخيلت يجي يوم واتهجم على بنت اسوي الحرام معها لكن بنت عمك طلعتني من طوري

فيصل بعصبية / انساها الله لا يردها وينتقم منها

جاسم بصراخ / ادعي علي ولا تدعي عليها انا بحاول انساها وبشغل نفسي عنها باي شي يمكن اسافر وهرب من ذكرياتها

فيصل غصب عنه دمعت عينه / كل الي سوته وتحبها وبتتركنا علشان تنساها

جاسم بوجع / قلت يمكن اسافر فيصل احس جسمي مولع واحس ببرد تعال قيس حرارتي

على طول فيصل ركض لصيدليه وهو يتهدد ويتوعد بهند اخذ مقياس الحراره وقاس وانصدم ان حرارته واصله الاربعين

فيصل بقلق وخوف على اخوه / لازم تروح لمستشفى حرارتك مره مرتفعه

جاسم بتعب / عطني خافض حراره وبخف

عطى اخوه خافض حراره لكنه ماستفاد منه كل ماله وحرارته ترتفع وجاسم رافض المستشفى

اتصل فيصل على نواف يبيه يساعده ويدبره

دق جوال نواف وهو منسدح على سريره يفكر بحال صديقه شاف رقم فيصل على طول رد

نواف / فيصل خير صاير شي

فيصل بخوف / الحق علي ياخوي بسرعه تعال لبيتنا سكر من غير لا ينتظر رد نواف

بسرعه لبس نواف ونزل وركب سيارته وساق بسرعه جنونيه لين وصل لبيت جاسم كلم فيصل يفتح الباب دخل وطلب منه يطلع لغرفته وعلى طول دخله غرفتهم انصدم من شكل جاسم الي منسدح على بطنه والجروح بظهره مرعبه

نواف مستغرب / وش صاير وش فيه كذا

فيصل بخوف / حرارته واصله الاربعين ورافض المستشفى وعطيته خافض حراره ماشوف تحسن عور قلبي يون من الوجع

نواف باصرار / غصب عنه يروح للمستشفى مو على كيفه اخاف تتجرثم جروحه ماقلت لي من الي ضربه

فيصل بعصبيه / من غيرها الي معذبته وقاهرته وذنبه انه حبها

نواف منصدم / لا تقول هند

فيصل بحزن / من غيرها خلنا نوديه لاحقين على السوالف قربو من سرير جاسم وقفوه وساعدوه وهو ما يحس فيهم سدحوه في السياره من وراء على بطنه

اخذهم نواف لمستشفاه مو ناقصهم الاسئله والتحقيقات وهو بالسياره كلم دكتور شاطر بالمستشفي يبي يلقاه قدامه

اول ماوصلو المستشفى لقو الدكتور باستقبالهم مع الممرضات ومعهم سرير سدحوه على بطنه ودخلوه غرفة الطوارى وجاسم ما يدري عن الي حوله بسبب ارتفاع حرارته

فيصل جالس على اعصبه رايح جاي باسياب المستشفى وهو يغلى قهر من هند الي فيه بسبتها

يوم جت الساعه 7 من القهر ومن غير شعوره طلع لشركتها متاكد انه بيلاقها هناك

واول ما دخل سئل عن مكتب هند وعلى طول توجه لسكرتيرتها

فيصل / هند موجوده

السكرتيره \ ايه عندك موعد

فيصل / ايه

السكرتيره كلمت هند وبسرعه رجعت تكلم فيصل

السكرتيره / انسه هند ماعندها مواعيد ممكن تقول من انت

فيصل بقهر / قولي لها واحد يبيها ضروري

اتصلت على هند الي سمحت لفيصل يدخل


هند لبست نقابها وعباتها بعد ماخلصت شافت فيصل قدامه

هند بعصبيه / خير وش جابك

فيصل / ابي ابرد قلبي فيك

قبل ما يكمل كلامه الا بالباب يفتح الا غاده داخلة شالت شيلتها ونقابها وركضت لهند

غاده / ماماتي باركي لي

غاده ما نتبهت لفيصل وراح عن بالها ان امها تتنقب بحضور الرجال

هند بصرخه / غاده ادخلي غرفة الاجتماعات

غاده مستغربه / ليش ماماتي

وشافت نظارت هند باتجاه على طول التفت واقوى صدمتها يكون فيصل فيصل من دخلت وهو متخربط نسى وش كان يبي جذبه شكلها ودلعها ذبحه

دخلت غاده غرفة الاجتماعات وهي تسب بنفسها

وقف مصنم عرفت هند انه انجذب لغاده وخافت انه يفكر فيها كزوجه

هند بقوة / الي دخلت بنتي غاده متملكه وزوجها بعد شهرين تراك معزوم

فيصل وكان شي ثقيل على صدره حس ان المكان مسحوب منه الاكسجين خلاص مايقدر يجلس دقيقه وحده طلع مثل مادخل نسى كل الكلام الي كان بيقوله ويبرد قلبه بهند


عند هند

لما طلع فيصل نزلت عباتها وجلست على مكتبها وهي معصبة من غاده


هند بصراخ / غاده تعالي

طلعت غاده وعيونها بالارض مستحيه من الي صار

هند بعصبية / عميا ما تشوفين على طول درعمتي وكشفتي ماتشوفيني متغطيه اعجبك شافك الرجال

غاده بحيا / ماماتي اسفه ماكنت ادري

هند بعصبيه / وش عندك جايتني المكتب كم مره اقولك شغلي ما تجيني فيه عندك كلام تنتظريني لين اجي البيت

غاده / ماماتي لا تعصبين علي فرحانه ان بكره اول يوم اجازه قلت افرحك معي اني درجاتي كلها امتياز

هند بابتسامه / مبروك

غاده / الله يبارك فيك

هند بجديه جلست بالكرسي مقابل غاده وقررت تقول لها عن ابوها بعيد عن البيت


هند بخوف / فيه سر مخبينه عنك خايفين عليك تنهارين

غاده بخوف / قولي ماماتي

هند وهي خايفه / احنا بنات راشد ال لنا عيال عم جاسم وفيصل الي دخل من شوي والجوهره راشد كان سبب موت امي سرقها ورماني بالشارع بدت صوتها يتغير ودموعها تنزل / راشد تبرى منا وفضل زوجته علينا والحين ظهر من جديد يهدد ويتوعد ويبي يبتزني ويهددني فيك

غاده كانت طبيعيه ما تفاجئت هند استغربت من سكوتها وانها ما نهارت

هند / وش فيك ساكته ليه ماتردين

غاده / لاني كنت ادري بكل الي تقولينه اول مادريت تعبت وبكيت لكن الحين عادي الي جديد بالموضوع اني اكتشف ان الجوهره واخوانها عيال عمي

هند منصدمه / من قالك وشلون عرفتي ومتى انهرتي وانا مدري عنك

غاده / مره كنت ماره ابي خالي بموضوع سمعت خالو وخالتو يتكلمون بالموضوع و خالو خايف ان راشد ياخذني منك


هند قامت من كرسيها وضمت غاده لصدرها غاده رفعت نفسها من حضن هند

غاده بقوة / ماماتي انا ماعرفت ام غيرك وخالو هو ابوي اذا راشد بعانا وتبرى منا بعد انا متبريه منه وبايعته

هند اوجعها قلبها على غاده الي عارفه انه تكابر

هند بحب / غاده عازمتك على الغداء


غاده تذكرت شي / ماماتي شفتي فيصل الي داخل مكتبك هذا هو نفسه الي تعرض لي يوم زرت اخته

هند بققت عيونها مو مصدقه / يعني الجوهره صديقتك تصير بنت عمنا

غاده / ايه فرحاااااانه ماماتي انه اتصير بنت عمنا

هند بقهر / ياليتني داريه انه الي تعرض لك والله ما يطلع من هنا الا محمل لكن ربي رحمه

وكملت / غاده حبيبتي لا تتغير معاملتك للجوهره لا تكرهينها بسبب فعايل راشد ترى الجوهره وامها وجدتها طيبات

غاده بفرح / عندي جده

هند بحزن / ايه مظلومات من ع راشد مثل ما تبرى منا تبرى من امه




عند فيصل


طلع من الشركها وهو محطم منهار احلامه وامانيها انهارت قدام عيونه ركب سيارته وغصب عنه دمعت عينه غاده حبه الوحيد وحلم لذيذ بيفقده

فيصل في نفسه وبحزن / والله ما تكونين لواحد غيري لو اذبحه انتي لي ياغاده مستحيل احد يلمسك ويحضنك غيري مستحيل تكونين ملك غيري لو اضطر اذبحك ولا تصيرين لغيري

وصل للمستشفى بيتطمن على اخوه دخل لقى نواف عنده

فيصل بوجع / شلونه الحين بشرني عنه

نواف / يارب لك الحمد بخير

فيصل بحزن / وش بنقول لهلي بسالفة جاسم

نواف بجدية / لا تقول شي الحين يحسبونه في شهر العسل لين اندبر مخرج وحل

فيصل بحزن / الله يعين مكتوب لنا العذاب

استغرب نواف من كلمة فيصل والتفت عليه

نواف / وش فيك منت بطبيعي وشكلك مهموم فيه شي هامك غير الي بجاسم

فيصل بحزن / قاله عن كل شي صار له مع غاده لين درى عن ملكتها

نواف بعصبيه / انت بزر ما تشوف وش صار لاخوك بسبب اختها تبي مصيرك مثله انت منت بقد بنات الفهد خلك بعيد وتسلم

فيصل بحزن / ...........

نواف / حاول تنساها لا تتهور بتصرف تندم عليه

فيصل / ...........

مل نواف من سكوته وطلع وبقى فيصل عند جاسم النايم

فيصل بحزن / ليه ما لقينا نحب الا بنات عمك معقوله القدر بينتقم لهن من ابوهن فينا وش ذنبنا ياخوي عمري ما حبيت عمي ولا زوجته وكارهم بسبب جداتي

ليش نصير كبش فداء لعمك وهو مبسوط بحياته يا خوي غاده بتتزوج وتخليني بجروحي واكتوي بنار الغيره وانا ادري انها بحضان غيري اااه ياخوي دبرني

جاسم فاق بالم وهو يسمع شكوى اخوه

جاسم بوجع وبصوت حزين / مامن دبره ياخوي كان دبرت انا حالي بنات عمك حكموعلينا بالاعدام

جاسم بكل وجع العالم / يمكن انت افضل حال مني للحين بكرامتك هند سلبت مني كرامتي صرت ولا شي
يبيلي وقت طويل ارجع لجاسم الاولي قبل لادمره اتمنى اني اقدر مع ا ن الي ينكسر عمره ما يتصلح وانا كسرتني هند

تاثر فيصل كثير من كلام جاسم وحس باوجاع اخوه وقهره طلع فيصل من المستشفى وهو متضايق


عند هند

طلعت مع عمران مرو مطعم تغدو ورجعو للبيت كانت نوره وعبد الرحمن وخالد بالصاله دخلت هند سلمت غاده سلمت عليهم ودخلت غرفتها قربت هند وجلست عندهم

هند / خالي خالتي خالد انتبهو على غاده كانت تدري عن راشد واستقبلت الصدمه لحالها

عبدالرحمن / شلون درت من الي قال لها

هند / قالت له كل الي قالته لها غاده

نوره براحه / الحمد لله وربي كنت شايله همها خايفه يصير فيها شي لادرت

خالد منصدم / ما توقعت ان غاده بستقبل الموضوع بقوه الحمدلله هم وانزاح

هند بحزن / هي تكابر تقول ماعرف ابو غير خالي والي تبرى مني اتبرى منه ولي باعني ابيعه

عبدالرحمن بعد ماسمع الكلام اوجعه قلبه عليها تركهم ودخل الغرفه شافها واقفه قدام التسريحه وتبتسم

غاده بابتسامه / ياهلا خالو
عبدالرحمن من غير أي مقدمات سحبها لحضنه

عبد الرحمن ودموعه متحجره / والله ياغاده انك بنتي الي ما جبتها يابوك لا تكتمين بنفسك ابكي صارخي
غاده رفعت نفسها من حضن خالها
غاده تبتسم / خالو الي يبيع ما ينبكي عليه لي الفخر انك ابوي وتربيتك عمرك ما فرقت بيني وبين اخواني يمكن تحبني اكثر منهم

عبد الرحمن باس جبينها / الله يقويك يابوك اطلعي علشان خاطري اجلسي معنا بالصاله


غاده / ان شاء الله

طلع عبدالرحمن وهو ماسك يد غاده جلسو سوالف رجعت غاده لطبيعتها ونسيت سالفة راشد لو بتحطه في بالها بتتعذب يكفيها ان ربي عوضها باهلها ليه تضايقهم


يتبع








عند فيصل


دخل البيت لقىالجوهره بالبيت لحالها سئلها عن امه وجداته

فيصل \ وين امي وجداتي

الجوهره / يجهزن اغراضهن يبن يرجعن لديره وامي بتروح معهن

فيصل \ منبيوديهم

الجوهر \ اكيد انت الا ما تصل فيك المعرس شكل غاط بالعسل وناسينا

فيصل في نفسه / غاط بالهم والمصايب

فيصل يحاول يكون طبيعي /مادريتي

الجوهره \ قول وش عندك

فيصل بوجع يحاول يخفيه / غاده صديقتكتملكت

الجوهره / هههههههههههه مستحيل

فيصل / ليهمستحيل

الجوهره / رافضه تتزوج

فيصل شك ا ن الي قالته هند كذب / متاكده

الجوهره / ايه

فيصل / اتصلي عليها وسئليها وحطيه علىالسبيكر

الجوهره مستغربه \ خير وش عندك متحمس

فيصل \ اذا مانخطبتبخطبها وابي اتاكد لما اسمعها

الجوهره بفرح ان غاده تصير زوجة اخوها / طيب

اتصلت الجوهره على غاده وحطته على السبيكر الي كانت منسدحه على سريرهازهقانه من الاجازه


غاده / الو زين كلمتي بوقتك طفشانه مايسوى عليناعطلنا

فيصل ذاب على صوتها يكثر اشتياقه لصوت وراعيته

الجوهره \ وجعبالعه رادو

غاده \ من الطفش ما صدقت جوالي يدق

الجوهره وهي تلتفتعلى فيصل / فيه اشاعه تقول انك تملكتي

غاده \ هههههههههههههههه منو اليزوجني منو المعرس ليكون توم كروز


فيصل طائر من الفرح ان الكلام اليقالته هند كذب

الجوهره / يا ويلك لو مخبيه علي

غاده \ تطمني اناللحين بقواي العقليه ما نجنيت علشان اتزوج

الجوهره \ ماجاك اخبار عنالمعاريس

غاده \ هههههههه لا الله يهنيهم لابقين لبعض
عرف فيصل انضحكتها شماته وان الي تقصده بالكلام جاسم والغوله الي ماخذها هين ياغاده

سحب الجوال من يد الجوهره المصدومه من تصرفه

طلع لغرفته وقفل البابعلشان الجوهره ماتدخل عليه

حط الجوال على اذنه وسمع غاده تتكلم

غاده بعصبيه \ يالعله وين طسيتي

فيصل بهمس \ شخبارك غاده

غاده بصدمه \ وجع شلون غيرتي صوتك لصوت رجال ليكون بجوالك الي يغير الاصوات

فيصل ماقدر يمسك نفسه \ هههههههههه انا فيصل اكلمك سحبت الجوال من الجوهره

غاده بعصبيه / خير ما تستحي بصفتك منو تكلمني

فيصل بقوة / بصفتيزوجك المستقبلي

غاده / هههههههههههههههه شلون بصير زوجتك

فيصل بثقة \ بالغصب بتكونين لي

غاده بعصبية \ الظاهر ما تعضت من الي صار لاخوك حط فيبالك بنات الفهد ما ينغصبن والي يقرب منهن يحرقنه ويدمرنه وانت جربت بعض من اليسويته ترى ولا شي

فيصل بعصبيه / من تكونين انا ماخذك علشان اربيك اولاواربي هند

غاده بصراخ / تخسى تربيني والايام بينا وراح يصير لك اكثر من اليصار لجاسم

فيصل بتحدي اكبر / قريب والله لتصيرين زوجتي غصب عنك

غاده بستحقار / طيب لازم اسكر بوجهك يازوجي المغصوبه عليه هههههههههههههههوبعد ضحتها سكرت بوجهه

فيصل الي ولع وانقهر انه مابرد حرته فيها

فيصل بصراخ / هيييييييين ياغاده

جالس يفكر بخطه تضمن ان غاده تصيرله


البارت التاسع والعشرون



عند نواف

دخل البيت منقهر على حال صديقه قرب وجلس على الكنبه وكله حزن وهم حزين على جاسم وخايف ان فيصل يصير له ماصار لاخوه ابوه جالس بالصاله شاف وجه نواف خاف صاير شي كبير

ابونواف / وش فيك يابوك شايل الدنيا على راسك

نواف بحزن/ اااااااااااااه من الظلم لما تشوف اغلى انسان يدفع ثمن ذنب ماله دخل فيه

ابو نواف / سلامتك من الاه من هذا الي مظلوم

نواف / لو اقولك صديق عمرك بيطيح من عينك زين ما تكرهه

ابو نواف بخوف / قول منهو صديق عمري ابو بسام ولا ابو خالد

نواف بقهر / ابو خالد يويله من ربي على الي سواه بجاسم

ابو نواف / تسمي زواجه من هند ظلم انت تعرف ان هند اغلى عليه من عياله مستحيل يسلمها الا لواحد واثق فيه وهند مافيه عيوب يابخته جاسم فيها

نواف بوجع / يبه جاسم بالمستشفى مرقد بسبب انهيار عصبي بسبب ابو خالد

ابو نواف بقلق / قول يابوك وش مسوي ابو خالد والله لو انه اخوي ما رضيت بظلمه ولا بسكت عن الظلم

نواف / قال لابوه كل الي صار لجاسم

ابو نواف انتفض من العصبيه / والله ماهقيتها من ابو خالد يغدر بجاسم ولا وصايره هند تسيره على كيفها ما توقعت ان كرهه لراشد يتعدى ناس مالهم ذنب

من القهر ماقدر يصبر رفع جواله واتصل على عبد الرحمن



عند عبدالرحمن

كان بمكتبه سمع صوت جواله شاف رقم ابو نواف مستغرب من مكالمته رد على الجوال

عبدالرحمن / الو ياهلا بالي ذكرني

ابو نواف بعصبيه / والله ماهقيتها منك بابو خالد انت تسوي ذا السوايا

عبدالرحمن مستغرب / خير وش انا مسوي

ابو نواف وبعصبيه / الي سويته بجاسم قول وش ذنبة ان عمه راشد ليه تظلمه صاير ما تفرق عن راشد

عبدالرحمن انتفض من العصبيه / الي قالك الخبر ما نقله لك كامل ولد اخو راشد مستبيح حرمتي وطالع لهند وهي ماتجوز تكشف عنده وفوق كل هذا قايل انه بالغصب بيتزوجها

ابو نواف انصدم من كلام عبدالرحمن / مهما كان الخطا ما نعالجه بخطاء كان رفضته بدال ما تغشه

عبدالرحمن بعصبية وبوجع / يستاهل الي جاه واكثر يكفيني انغبنت وانجرحت وانكسرت مره وحده تبي جاسم يكسرني بهند والله الموت ارحم ما يكفيهم حرموني من من اختي الوحيده تبيهم يكملون علي ببناتها هن امانه برقبتي يابو نواف والله كل ليلة اشوف صورة اختي وهي تتوجع بسبت راشد الكلب ساره ماتت وهي تحبه وهو بايعها وراميها لا تحسبني مبسوط بالي سويته بجاسم لكن علشان هند مستعد ارمي نفسي بالنار يكفيها الي ذاقته من وجع وهم كبرها فوق عمرها

ابو نواف حس بوجع صديقه / ترى جاسم غير عن راشد

عبد الرحمن بجديه / لو يبها ليه ما تقدم مثل العالم وهي من حقها الاختيار قول ليه يبيها غصب جاوبني

ابو نواف / .............

عبدالرحمن بقوة / انا اقولك طمعان فيها بيكمل الي سواه عمه لكن مستحيل انقرص مرتين

ابو نواف / جاسم ماينرد وكل ابو يتمناه زوج لبنته

عبد الرحمن / خلك مكاني تعدى على حرمت بنتك وكشفها و بيتزوجها غصب عنها واكيد عارف انها غاليه علينا مانغصبها الاكيد بيتزوجها غصبن عنا كلنا يمكن ناوي معها الشينه بيجبرنا على الموافقه وهذا ردنا عليه

ابو نواف / الاكيد ماني براضي والاوكد اني مراح اسوي سواتك يله فمان الله


عند ابو نواف

كان نواف يستمع لمكالمة ابوه مع عبد الرحمن
بعد ماسكر ابوه من عبد الرحمن التفت لولده

ابو نواف بعصبيه / والله انكم جيل طايش ماتراعون حرمت الناس

نواف / يبه الله يهداك وش هالكلام

ابو نواف بعصبية / استحيت من ابوخالد اجادله بسوات جاسم الي تسود الوجه

نواف يدافع عن جاسم / جاسم ماغلط بشي

ابو نواف بعصبيه / تبيني اكذب ابو خالد واصدقك

وطالع بنواف بنص عين / ليكون معجبتك سواته والي سواه يسويه الرياجيل انه يعتدي على حرمة الناس

نواف نزل عيونه مستحي من ابوه هو مو راضي بسوايا جاسم المراهقة لكن متاكد ان جاسم كل الي سواه تحت تاثير عشقة الجنوني



في بيت عبدالرحمن

كانت هند بغرفتها تراجع بعض الاوراق سمعت جوال الشغل يتصل شافت رقم المحامي

هند بلهفة / الو بشر ان شاء الله جمعت المعلومات الي ابيها

المحامي / ايه

هند بجدية / قول بسرعه من غير مقدمات

المحامي / موضي مليونيره تملك عقارات لكن الي مستغربه ان حسابها بالبنك فيه ريالات شكل فلوسها كلها تحطها بالعقار والتجاره

هند في نفسها / والله وطلعتي منتي بهينه يا موضي سبحان الله مثل ماسرقت امي سرقتك موضي



هند بجديه / الخطوه الجايه ابي كل ممتلكاته تنتقل باسمي باي طريقة وانت محامي ذكي وهذا الشي سهل عندك

المحامي / الي فهمته انها جاهله ما تعرف تقرا وبسرعه بينلعب عليها وتركي هذا علي

هند / ياليت كل هذا يصير بسرعه

المحامي / ان شاء الله

هند بكره / شخبار راشد

المحامي / مثل ما طلبتي خليتهم يتوصون فيه

هند بحقد / يستاهل ماجاه خلاص بينا اتصال اذا نفذت المهمه سلمني اوراق الملكيه وهنا دورك ينتهى بيجي دوري



عند راشد

في السجن له كم يوم محد سال عنه مستحيل يطلع من غير ما تتنازل هند جسمه اوجعه من التعذيب الي يشوفه كلم موضي وكانت بارده معه وتعبي راسه على بنته حقد كثير عليها لو بايده فجرها وارتاح منها





مر شهر على لا جديد بحياة ابطالنا



عبدالرحمن ونوره يستعدون بالتجهيزات لملكة خالد


غاده عايشه حياتها نست الي صار

خالد مشغول باستعداده للملكه وهو فرحان واخيرا بيتحقق حلمه

محمد من مكتبه للبيت واحيانا يساعد خالد اذا طلب منه


ام نواف وابو نواف مشغولين بزواج ولدهم

نواف مشغول بترتيبات الزواج الي بيكون قبل ملكة خالد بيومين

ابو بسام وام بسام مشغولين بتجهيزات ملكة غاده

غاده مشغوله بالتجهيز وفرحانه انها بتكون زوجه لخالد حلم الطفوله

ام جاسم مشغوله مع بنتها بترتيبات الزواج راحت لديره مع الجدات جلسن اسبوع ورجعن علشان زواج الجوهره

جاسم تعبان نفسيا بسبب هند سافر لفرنسا يحاول ينسى وطول سفره وهند ما فارقت تفكيره
حاول يهرب منها لقى نفسه يفكر فيها
جسمه نحف كثير وعلامات الحزن مرسومه على وجهه بسبب عشقة وشوقه لها

يبي يعالج جروح قلبه ويرجع كرامته الي انهارت بسبب هند لكنه فشل لان حب هند متمكن منه حتى النخاع

تشافى من ضرب هند لكن بقى اثاره

جلس بفرنسا ثلاث اسابيع بيرجع بيحضر زواج اخته ونواف

اهله ما شافوه من بعد الزواج خذا فندق وسافر ورجع للفندق

فيصل ما فارقت غاده تفكيره ولقى الحل الي بينتقم منها وياخذها غصب عن الكل

الجوهره مشغوله بتجهيزاتها لزواج وهي خايفه من الحياه الجديده

زياد كل تفكيره بهند والعصابه هددوه اذا ما نتقم منها بسبب رفضها لصفقه بيدمرونه
قرر ينتقم منها غصب عليه اذا رفض بتكون حياته الثمن

هنديانا ماشافت جاسم من بعد ليلة زوجها وجالسه بالفندق على طلب هند



اليوم زواج نواف
المغرب بالقاعه


الجوهره بالغرفه الخاصه لها خلصت مكياجها ولبست فستانها الي كان من التل المشغول يكثر الشغل عند الصدر كان كت والطرحه من التل الساده مشغول على الجوانب طويله طول الفستان ومسكتها من الجوري الابيض وشعرها رافعته بتسريحه وتاركه خصل على وجهها ومكياجها خيال

كانت القاعه فخمه من الطاولات للمقهوجيات لاغراض الضيافه فيه حركات مبتكرتها الجواهره



عند الرجال بالقاعه

جاسم جالس بجنب اخوه متغير كثير صار الحزن مرسوم على وجهه وصار هيكل انسان نحف كثير

اول ما شافه عبد الرحمن حس بتانيب الضمير اشفق على حالته لانه واضح انه يحبها والي فيه من العشق متاكد ان ما يهد الرجال الا العشق وهذي حالة جاسم

خالد انصدم من شكل جاسم شكله يصعب على الكافر عوره قلبه عليه لانه مجرب الحب وعارف نيرانه متاكد ا ن الي بجاسم من هند

ابو نواف منصدم من شكل جاسم طالع في عبدالرحمن الي فهم عبدالرحمن نظراته انه يحمله مسئوليه جاسم نزل راسه رد على رساله يبين انه ندمان ومتحسف على الي سواه ما توقع انه يحبها يظنه طمعان فيه

فجئة تكلم فيصل بصوته الجهور وهو يطالع

بعبد الرحمن / طلبتك يا بو خالد قول تم والحضور شاهدين

عبدالرحمن بفزعه ونخوه / جاك والكل شاهد

انبسط فيصل / جيتك خاطب بنت عمي راشد غاده ويشرفني نسبك

انفجع عبد الرحمن من طلب فيصل وغصب عنه لازم يوافق اذا موعلشانه علشان الكلمه الي قالها ابدا ماعلى الرجال كلمته

عبدالرحمن مغصوب / جتك

جاسم فرح ان فيصل خذ حقه قدام الكل مستحيل يتراجع بكلمته الي عطاها

جاسم في نفسه / زين الي سويته فيهم خلهم يحترقون بالنار الي حطوني فيها

فيصل وهو فرحان ميت يشوف وجه غاده لما تدري وتنغصب عليه

فيصل / تسلم ياعم وغاده بعيوني مايحتاج توصيني عليها

خالد فز من مكانه من القهر وطريقه فيصل بالخطبه طلع برا ولحقه محمد الي ماعجبهم الي صار انه غصب ابوهم على شي ما يبيه ورافضه علشان ما تنكسر كلمته عند الناس


عند الحريم

ام جاسم كلمت فيصل تبيه يدخل غرفة الطعام يشوف الترتيبات

دخل بغرفة الطعام شاف حبيبته قدامه لابسه فستان احمر حرير لازق بجسمها وكانت معرضته ظهرها وهي منسجمه بالمكالمه تاكد فيصل ان المكان خالي مافيه شي ينحذف فيه بعد ماتطمن دخل

فيصل يصفر / زوجتي هنا يا فرحت قلبي

التفتت غاده منفجعه من تصفير فيصل

غاده بعصبية / وجع يوجعك ما تعرف تتنحنح ما تقول قدامي حريم يتغطن عني ولا تعودت على شوفت الحريم ماصرت تفرق

فيصل بيقهرها / فديتك تهبلين تاخذين العقل وش هالجمال ترى اللون الاحمر فتنه عليك يويلي على الروج ودي ابوسك تسمحين لي يازوجتي

غاده ولعت قهر وعصبيه / باستك حيه ام سبع روس يا قليل الحياء
من القهر تلفتت ادور شي ترميه فيه

فيصل / هههههههههه تطمني المكان خالي مافي شي تحذفيني فيه

انتبهت غاده بالدله الشاهي المليانه الي قدامها بدون ماينتبه فيصل فتحت الغطاء ورشتها على فيصل الي احترق

فيصل بوجع / يالمجنونه وش سويتي فيني حرقتيني

غاده بقوة / هههههههه تستاهل ماجاك ترى مابردت كبدي فيك للحين

فيصل جلس يتوجع من الحرق / هين ياغاده ان ما وريتك ماكون فيصل

غاده طنشته ودخلت داخل بكل غرور وكبرياء

طلع فيصل من القاعه وهو مولع من القهر منها بيغير ملابسه ويعالج حرقه

دخل البيت طلع لغرفته نزل لبسه شاف فخذه محمر على طول دهنه بكريم الحروق حس ان الحروق بردت طلع وهو ناوي يكمل الي سوها ويقهرها اكثر

دخل القاعه وهو ما يشوف الي قدامه من الغضب بس حاول يتمالك نفسة

جلس وبعد نص ساعه التفت لعبد الرحمن

فيصل بقوة / ياعم مدام عطيتني زواجي من بنتك بعد سبوعين وانا عازم الحاضرين على زواجي الخميس الي بعد الجاي


عبدالرحمن منقهر من قوة فيصل / الي تشوفه

فيصل في نفسه هين يا غاده اسبوعين وتكونين بين ايديني وحلالي وتشوفين وش بسوي فيك واعلمك من فيصل



في صالة الحريم

دخل نواف في الصاله كان عن يمينه ابوه ويساره جاسم وراهم فيصل الجوهره منزله عيونه بالارض قرب منها نواف وباس جبينها قرب منها جاسم وضمها لصدره لانها غاليه عليه فرحت الجوهره ان جاسم جاء بزواجها
رفعت عيونها لجاسم انفجعت من شكله الي واضح انه مريض الجوهره نست العالم مافكرت الا باخوها

الجوهره بحزن / جاسم انت مريض شكلك نحفان

نواف حس بنبره الحزن بصوت الجوهره وانقهر على جاسم وعليها لو بايده قطع هند بضروسه

جاسم / تطمني والله ماني مريض يمكن ارهاق
سلم ابو نواف على الجوهره الي كانت مستحيه منه وبعدها دخل عند الرجال باقي جاسم وفيصل

جاسم يطالع بالحريم المتغطيات يتمنى يلمحها يشوفها من بعيد تطفي شوقه

فيصل يطالع يبي يشوف ويلمح غاده نفسه هو الي يزف لها الخبر ويشوف تعابير وجهها المصدومه

غاده ما كانت موجوده طلعت بعد ماغثها فيصل كلمت السواق جاها مع عدنا ورجعت للبيت وهي تغلي قهر من فيصل وهند ما حضرت الزواج ما تحب تحضر الزواجات

يوم فقدو الامل سلمو على نواف وختهم ورجعو لصالة الرجال ركبو السياره بيوصلون نواف والجوهره للفندق الي يسوق فيصل ولي جنبه جاسم وكلن سارح بتفكيره

جاسم وهو بسياره تذكر الليله السوداء اش كثر كان مبسوط وفرحان ما يدري وش يسوي علشان يعبر عن السعاده الي فيها الي انقلبت لتعاسه بعد ما دخل الفندق

جاسم فيه نفسه / ااااااااااااااااه ياهند شلون بتروحين عن بالي وانسى الكل شاف اثر فراقك علي تنهد تنهيده قويه الكل سمعها

فيصل ونواف منقهرين على حال جاسم وتدهور صحته وصلهم فيصل للفندق نزلت الجوهره من السياره مسك يدها نواف وطلعو لجناهم الجوهره خايفه من نواف تعرف انه جري

دخلت داخل نزلت عبايتها وعلقتها بالدولاب وطلعت بالصاله جلست على الكنب بعد دقائق دخل عليه نواف الي منبهر بجمالها جلس جنبها وسحبها بحضنه وضمها

نواف / اخيرا شفتك وصرتي حلالي الحين ماله داعي الخوف

الجوهره تنتفض / لو سمحت بغير ملابسي

نواف بمزح / تحسسيني كاني بمدرسه

دخلت الجوهره الحمام بتنزل الفستان الي حاسها

طلعت من الحمام الجوهره بخجل / محتاجه مساعدتك

فرح نواف جته الفرصه قرب منها وهي وقفت عند التسريحه

الجوهره فك شعري مو راضيه الطرحه تنفك

نواف قرب منها اكثر واكثر وصارجسمه لازق بجسمها الجوهره توتر من قربه وهو مستمتع ويفك شعرها ببطئ

فتح سحاب الفستان وهي انفجعت وطبع قبله عميقه برقبتها وصار اصابعه تمسح على ظهرها العاري وهو ذايب من قربها وريحت عطرها دوخته
شالها بين ذراعينه وسدحها على السرير ونومها بحضنه بعد ماغرقها بقبلات ساخنه في كل وجهها و............


يتبع









عند نجلاء

نجلاء من يومين طالعه من الاربعين واليلة بترجع لبيتها بتسوي مفاجئة لبسام كانت لابسه فستان اوف وايت مشغول بسوارفسكي مكياجها وتسريحتها خيال كانها عروس بليلة دخلتها حطت عيالها عند امها
قالت لخالتها ام بسام برجوعها لبيتها تبي مساعدتها لان ام بسام تحب الشغلات هذي وذوقها لا يعلى عليه
بعد ما خلص الزواج طلعت مع خالتها لبيتها وكل شي كان مجهز على اشراف ام بسام دخلت البيت الي ريحته كلها عطور والشموع موزعه بكل مكان والورود منثوره بالغرفه وعلى السرير وبجانب السريره حاطه كوشه من الورود البيضاء والحمراء وقدامها طاوله فيه كيكة واعشاء

ام بسام مدت لنجلاء مسكه من الورد الاحمر

نجلاء باست راس خالتها / الله لا يخليني منك ياخاله

ام بسام / خلصي بكلم غاده تنفذ الخطه

نجلاء / كلميها

كلمت ام بسام وقالت لغاده تنفذ الخطة




في بيت ابو بسام

بعد ماخلصت غاده مكالمتها من امها طلعت لغرفة بسام




عند بسام

الي منسدح على السرير متضايق بسبب رفض نجلاء الرجوع معه للبيت تقول للحين تعبانه سمع طق الباب سمع صوت غاده

بسام / خير وش جايبك عندي بالليل

غاده / بسام لك ولا لذيب

بسام بضيق / قولي لا تستخفين دمك

غاده بتمثيل / ابي بلوزه من عند نجلاء كلمتها وقالت انها ببيتكم

بسام بعصبيه / والمطلوب

غاده / تروح لبيتكم وتجيبها ابيها ضروري

بسام بعصبية / وينك من اليوم ما قلتي تدرين كم الساعه بتسريني باخر الليل اجيب لك بلوزه

غاده بحزن / اول مره اطلبك وتكسر بخاطري

بسام ما يحب يشوف الحزن على اخته / امري لله

قام ولبس ثوبه وطلع لبيته

اتصلت غاده على امها وقالت لها عن خروج بسام

بيت بسام

قفلت الجوال من بنتها ولبست عبايتها

ام بسام / نجلاء بسام جايك بطريق وانا بطلع

نجلاء بحب / مشكوره ياخاله

طلعت ام بسام وركبت سيارتها ووقفت بعيد خايفه على نجلاء وهي لحالها بالبيت بتنتظر اذا شافت بسام بترجع للبيت بعد نصف ساعه وصل بسام ورجعت

دخل بسام البيت طلع فوق فتح غرفته تفاجئ بالشموع والورود المنثوره بطريقه تبع الورود شاف حبيبته كانه البدر بتمامه قرب منها وهو مسحور مبهور ذبحه الشوق والحرمان قرب منه سحبها لحضنه وهمس بذنها بصوت عاشق

بسام بحب / ياروح بسام وش المفاجئة الحلوه ذبحتي الشوق لك

نجلاء بحب / اخرت جيتي لاني وعدتك باحلى ليله

بسام بابتسامه / وربي احلى ليله كنت بغرفتي مهموم كلن بحضن زوجته وانا محروم

نجلاء سحبت نفسها عن حضنه باسته بعشق على خده / سلامتك من الهم ياله حبيبي نتعشى سوى

بسام سحبها لسرير / فكينا من العشاء انتي عشاي الليله

نجلاء انصبغ وجهها احمر

بسام بعشق / يكثر شوقي لخدودك الحمراء الي تذوبني باسها بقوه على خدودها

نجلا / بسام

بسام بعشق / اوووووص اليوم معرس واليلة دخلتي

دخلها بالسرير مضت ليلتهم بكل حب وعشق









في بيت عبدالرحمن
في غرفة هند


دخل خالد لقى هند منسدحه على سريرها وغاده جالسه على الاب توب

خالد وهو يطالع بغاده / هند ابيك بكلام خاص

هند / روح للمكتب وانا لاحقتك

طلع خالد ودخل المكتب ودقائق الا هند عنده جلست هند على المكتب ووجه خالد ما يبشر بخير

هند بقلق / خالد صاير شي

خالد برتباك / غاده انخطبت وابوي وافق وزواجها بعد سبوعين

قامت هند من الكرسي معصبه بصراخ / وش قاعد تقول يا خالد خالي عمره ما سوى شي الا بشوري يجي عند غاده ويسوي الي براسه انا مستعده احارب الكل علشانها غاده بنتي مراح اخليها تنضام وانا عايشه

خالد بقهر / ابوي مجبر ومنقهر اكثر منك

هند بعصبيه / قول كل الي صار ما تتكلم بالقطاره

خالد / قال لهند كل شي

هند بصراخ / يخسى الي يصغر خالي عند الرياجيل الي سويناه بخوه بنسويه فيه يبيله قرصه اقوى من قرصتنا لاخوه طيب يا فيصل والله لخليك تندم

خالد بحب / دخيلك يا هند لا تزودين على ابوي والله انه شايل الدنيا فوق راسه وهو الي طلب اني اقولك ماله وجه يقابلك

هند / خالي وينه

خالد / بغرفته متضايق

طلعت هند لغرفة خالها طقت الباب ردت عليها نوره تسمح لها بدخول

هند / خالي بكلمك بالموضوع الي جايني فيه خالد
نوره سحبت نفسها ونزلت تحت ما تبي تتدخل بين هند وخالها

عبد الرحمن بحزن وهو منزل راسه / ولله غصب عني

ركضت هند عنده ورفعت راسه / يا خالي الي مثلك ما ينزل راسه طول عمرك راسك مرفوع فيصل دبرته عندي وهو غبي ما خذ درس من اخوه ودوره جاي

ارتاح عبد الرحمن يعرف هند عند كلمتها وان الي تبيه بتسويه

عبدالرحمن / وش بتسوين

هند بثقة / خل الزواج يتم علشان كلمتك عند الناس وانا بحلها بطريقتي

عبدالرحمن بحب / الله يبيض وجهك وانا ابوك ويقويك

طلعت هند من غرفة خالها نزلت دخلت غرفتها قررت تقول لغاده جت عند غاده وسحبتها بيدها وجلست معها على السرير

هند بجدية / فيه خبر يخصك بقوله لك

غاده / قوليه ماماتي

هند بقلق / انخطبتي وزواجك بعد سبوعين

غاده بصراخ / شنوووو

هند / قالت كل الي صار

غاده وهي تبكي / بتزوجوني فيصل غصب عني

هند بقوة / الزواج بيستمر مثل مايبون

غاده تشاهق من البكاء / محد فكر فيني

هند عورها قلبها على غاده امسحت دموعها

هند بحب / غاده انتي تثقين بكلام امك

هزت غادة راسه بايه

هند بقوة / غاده والله ما يلمس منك شعره بس انتي نفذي الي اقوله لك هههههه بيصير اكشن وانا اعرفك تموتين بالاكشن

غاده ارتاحت / ههههههههه ابي مثل الي سويته باخوه

هند / وعد بيكون احلى اكشن بس انتي الي اقوله لك تسوينه

الحين ارتاحي وتجهزي لملكة خالد الي بعد بكره وطنشي الموضوع نبي خالد يفرح بملكته ويشوفنا حوليه فرحانين



اليوم الثاني
بالشركه

دخلت السكرتيره تقول لهند ان المحامي عندها لبست عباتها ونقابها وتسترت وطلبت من حارستها تجيها لان خالد بايجازة يستعد لملكته دخلت عليها وسمحت للمحامي بالدخول دخل ومعه ملف جلس بالكرسي الي قدامها

هند بفرح / اكيد الاوراق الي عندك اوراق الملكيه

المحامي / ايه ناقصها توقيعك

مد لها المحامي الاوراق وخذت القلم وقعت وهي فرحانه بالانجاز الكبير

هند باستعجال / الحين تروح للمحكه تصدقها من هناك

المحامي / ان شاء الله

طلع من الشركه وهند مبسوطه وفرحانه باقي خطوه وتبرد قلبها فيهم


مر اليومين لا جديد بحياة ابطالنا


نواف والجوهره بايطاليا يقضون شهر العسل

جاسم حاله من سي لا سواء وامه غثته من كثر ما تساله عن هند ليه ماجابها من بيت اهلها وهذا الي زاد اوجاعه

فيصل فرحان ويسوي ترتيبات الزواج ينتظر اليوم الي يشوف غاده فيه ويعلمها من فيصل

هند وغاده ونوره مشغولات بترتيبات ملكة خالد

غاده وام بسام مشغولات بتجهيزات




اليوم ملكة خالد
في حديقة قصر ابو بسام


كانت الملكه قمه بالروعه والذوق لان كل شي ذوق ام بسام الي معروفه بذوقها الراقي


في غرفة غاده

غاده متوتره وكانت لابسه فستان قمه بالجمال من تصميم ايلي صعب ومكياجها ناعم وشعرها رافعته بتسريحه كانت هند وغاده عندها

هند لابسه فستان ذهبي وحاطه مكياج زاد جمالها جمال وصايره شكلها غير لانها ما تحط مكياج

غاده لابسه فستان وردي ناعم ومكياجها بسيط

نوره لابسه فستان اسود فخم ومكياج سموكي الي يشوفها ما يصدق ان لها ولد كبير بعمر زواج

ام بسام لابسه فستان احمر ومكياج خليجي وشعرها خلته كيرلي

نجلاء لابسه فستان بنفسجي محروق فيه شغل ناعم طالعه خيال وشعرها رافعته وحاطه ورد طبيعي على تسريحتها


طق الباب كانت غلاء معها الكتاب اخذته هند وعطته غادته الي وقعت بيدين تنتفض

نزلت غلاء الكتاب وسلمته لبسام الي عطاها لخالد يوقع هند طلبت من غاده تنزل تحت بيشوفها خالد نزلت وهي خايفه متوتره


في المجلس

بسام / يامعرس منت بداخل ترى عروسك تنتظرك

قام خالد لقى غاده بالمجلس الي مخلين فيه كوشه علشان غاده وخالد لان غاده رفضت تطلع قدام الحريم دخل خالد وهو فرحان وجنبه ابوه والجنب الثاني ابو بسام ووراهم بسام

قرب خالد من غاده المستحيه وباس جبينها سلم عليها بسام وابو بسام وعبدالرحمن وطلعو وخلوهم لحالهم

خالد / اخير تحقق حلمي

غاده / ..........

خالد مسك يدها وصار يلعب باصابعها

خالد بعشق / مبروك غدويه سمعيني صوتك

غاده بحياء / الله يبارك فيك

خالد بحب / اتمنى ياغاده اني اسعدك

غاده بحياء / وانا اتمنى اسعدك

طق الباب عليهم دخلت هند قربت من خالد وضمته ودمعت عيونها

هند بحب / اخيرا يا خالد شفتك معرس لاغلى اخت عندي

قربت من غاده وضمتها / الله يوفقكم ياغاده لا وصيك على خالد تراه قلب هند

تاثر خالد من كلام هند لانه يعتبرها توئمه يحسون ببعض قبل لايشكون

سحبها خالد وضمها وانتي قلبي ياهند الله لا يحرمني منك

غاده / هههههههههه كانكم مطنشيني

خالد سحبها وضمها / وحد يقدر يطنشك تاكلينه بلسانك

غاده / انتبه على سميتي لا تعضها اعرفك من اكلات اللحوم

خالد ضربها على راسها / ههههههه الحين تخاف مني غاده وتصدق اني صدق اعض

هند بتنرفزه / ههههههههه نسيت يوم عضيت عدنان للحين مكان العضه طابع

خالد بعصبيه / هنوووووووووده خذي بنتك وهوينا

غاده / اصلن خالاتي برا ينتظرن دورهن

اول ماخلصت غاده كلمتها الا على دخلت ام بسام ونوره سلمن عليهم وباركن لهم وطلعن دقائق وطلع خالد وهو مبسوط عند الرجال ودخلت غاده وطلعت لغرفتها

خلصت الملكه على الساعه ثلاث الفجر كلن راح لبيته



يتبع










اليوم الثاني
في بيت ام جاسم

كانت ام جاسم والجدات وفيصل وجاسم بالصاله جالسين استغربو من حرمه داخله عليهم بشناطها

نزلت عباتها وشيلتها وقربت منهم وجلست جنب جاسم الي انفجع من شوفتها كان ناسيها تذكر انها مصيبته

هنديانا بطبيعة شغلها مع هند تكشف وشكله المرعب كفيل انه يبعد الناس من التحرش بهند

ام جاسم والجدات متروعات من شكلها ام جاسم مركزه نظره على فيصل وجاسم الي واضح عليهم الذهول

ام جاسم مستغربه / من ذي

سكت جاسم وسكت فيصل والنظرات كلها لهنديان

هنديانا وهي تحط يدها وراء ظهر جاسم / انا زوجة جاسم

جاسم منقرف من قربها وتقرف اكثر من لمسها له هو حرم على نفسه الحريم بعد هند اذا ملمس هند مراح يلمس غيرها

فز وغير مكانه وجلس بعيد عنها

ام جاسم / هذي وش تقول صدق زوجتك

جاسم بوجع / قولي مصيبتي

الجدات ساكتات خايفا من هنديانا لان شكلها مجرمه

ام جاسم بصراخ / شلون تاخذها على هند وش تبي فيها

هنديانا بقوة / جاسم تزوجني انا ماتزوج هند

ام جاسم بعصبية وصراخ / تكلم يا جاسم ولا وربي لغضب عليك

جاسم بوجع / قال لامه كل شي

ام جاسم بعصبيه وحزن / تستاهل الي سوته فيك الي سويته مع بنت عمك ما يسويه رجال عنده نخوه وغيره صرت نسخه من عمك حرام فيك هند زين سوت فيك هذي الي تصلح زوجتك

ام جاسم / تعالي معي دخلي اغراضك في غرفتكم

قبل لا تطلع التفتت له / من الليله تنام معها بنفس الغرفه وياويلك لو اشوفك نايم برا

فيصل وجاسم انقهرو من ردت فعل امهم واجبار جاسم ينام معها وهو كارهها ورافضها

جاسم وفيصل طلعو بغرفتهم انسدحو على سرايرهم و كلن سرحان في تفكيره

جاسم في نفسه / تجبريني انام معها لكن مستحيل تجبريني المسها شوفتها تخليني استفرغ كيف ان جسمي يلصق بجسمها قلبت كبده من مجرد الفكره

جسمي محرم على كل الحريم الوحيده الي حلال عليها هند اااااااااااااه ياهند ياعذابي نفسي بنظره مسروقه اطفي شوقي وحنيني دخيلك ردي علي روحي ارحمي حالي صرت خيال انسان


فيصل يفكر بغاده الي قريب بتصير زوجته ويطلع عذاب جاسم فيها ويحرق دم هند في بنتها



في الشركه
عند هند

كلمها المحامي وقال انه خلص الاوراق طلبت منه يحطهم عند السكرتيره دخلت السكرتيره بالاوراق وهي فرحانه انه بتبرد قلبها فيهم

لبست عباتها وطلعت لمكتب خالد

هند / خالد فيه مشوار ابيك تروح معي ضروري

خالد مستغرب / وين

هند بفرح / تعال وانت تعرف وين بتكسب فرجه وبلاش

خالد ابتسم / مدام فرجه وبلا ش انا سابقك

طلعو ووصلو لعماره بحي قديم

خالد مستغرب / ليه جايبتني هنا

هند / لا تستعجل امش معي وبتشوف

وصلت لشقة راشد وطقت الجرس فتحت لهم موضي

استغربت موضي وجود هند

هند بحقد / ياليت تتسترين اخوي خالد بيدخل معي

دخلت ولبست نقابها وعباتها وطلعت

هند رفعت نقابها وابتسمت ابتسامة سخريه

هند بسخريه / ياشاطره لجيتي تلعبين العبي مع ناس قدك

موضي بحقد / خير جاية بيتي وتهنيني

هند بسخرية / ههههههههه عندي خبر يمكن يجلطك

موضي بحقد / مايجي من وراك الخير

هند بقوة / هالمره اعترف مراح يجي من وراي الخير لاني شريت كل الي تملكينه ومثبت بالمحكمه

موضي كان ماء بارد انصب عليها جلست على الكنبه

هند بحقد / هذي فلوس راشد الي سرقتيها الي سرقهم من امي ساره

موضي بضعف / رجعيهم والله ما تعرض لك ولا اخلي راشد يقرب منك

هند بقوة / انا سيدت اعمال والصفقه اذا باتنازل عنها لابد يكون هناك اكبر منها

موضي بانكسار / قولي الي تبينه

هند مدت لها شيكات / ابيك تختمين على الشيكات بخمسين مليون

موضي بخوف / ليش اختمهم

هند يقوة / علشان اضمن انكم تفكوني من شركم لاني بستخدمهم ضدك لضايقتوني

موضي بشك / وش يضمن انك صادقه معي

هند بعصبيه / انا هند الفهد اسئلي عني ماقول كلمه وسوي عكسها وان عطيت وعد قده

موضي بستسلام اخذت الاوراق وختمتهم

هند / من بكره بترجع لك ممتلكاتك من غير لا يدري راشد

موضي / وراشد بتتركينه بسجن

هند بقوه / راشد خليه يستوي شوي وبعدين اطلعه بشروطي

خالد مستمع وعاجبه تصرف هند عرفت تبعدهم عنها بطريقتها

طلعت هند من عند موضي وهي فرحانه قررت تمر السجن بتتفاهم مع راشد

هند / خالد ودي الشرطه بتفاهم مع راشد

خالد نستغرب/ متى سويتي كل هذا ومن ورانا

هند بوجع / لازم انزع شوكتي بايدي



عند الشرطه

وصلو طلبت من الضابط انها تقابل راشد جالسه تنتظره دخل عليها وهو يغلي كره وحقد عليها

جلس طالعها بنظرات كلها كره وحقد

راشد بكره / خير وش عندك فيه بنت ترمي ابوها بسجن وموصيه انهم يعذبونه

هند بعصبيه / ابوي دفنته لا عاد اسمعك تقول ابوك والعذاب الي شفته ما يجي شعره من العذاب الي عيشتنيه طول السنين

راشد / ليه طالبتني

هند بقسوة / اذا تبيني اتنازل توقع تعهد اني ما شوفك وان شفتك مثل ما دخلتك السجن شهر اقدر اخليهم يعدمونك وافتك منك وانا قول وفعل

راشد باستسلام / وينها اوراقك بوقعها

مد الظابط الاوراق لراشد وقعها بعد ماوقعها طلعت هند وتركته وهو حاقد عليها







الايام تمر بسرعه


وفيصل يتجهز لزواجه اختار افخم القاعات وحجز تذاكر سفر لتركيا وجهز جناحه الخاص فيه بافخم الاثاث
جاسم على حاله تعبان وكل يوم اسوء من اليوم الي قبله وعلاجه بيد هند

ينام بالغرفه مع هنديانا هو ينام على الكنب وهي على السرير حاولت تتحرش فيه اكثر من مره مالقت منه الا الصد وكل ماقربت منه دخل الحمام يستفرغ فقدت الامل فيه وصارت تاخذ تعليماتها من هند الي تنفذ اوامرها



وهند تجهز لزواج غاده وشرت لاختها فستان فخم

غاده متحمسه لزواج متحمسه للاكشن وخايفه ان الخطه تفشل وتتورط




ليلة زواج فيصل

كان خايف ومرتبك خايف تصير لعبه من الاعيب هند تفسد عليه فرحته علشان كذا باشر على كل الترتيبات بنفسه وعزم يدخل بالصاله ويجلس معها خاف يبدلونها مثل ماسوو في جاسم



ليلة الزواج
عند الحريم

غاده لابسه فستان ابيض فخم ومكياج فخم وطالعه ملكه كل الحضور يسمون ويذكرون الله خايفين عليها من العين وكوشتها فخمه ومسكته من الفل الابيض




عند الرجال

فيصل بالبشت جالس بين اخوه ونواف وعبد الرحمن يغلي قهر من فيصل الي واضح عليه فرحان بانتصاره

عبدالرحمن / فيصل يله ادخل العروس تنتظرك

دخل فيصل بكل غرور العالم دخل معه اخوان غاده وخالها شاف عروسته بجمالها المبهر واقفه بثقه اطالعه بنظرات تحدي قرب منها اكثر وطبع قبله على جبينها كانت هند واقفه جنب غاده متغطيه قربت من فيصل الي كل حقد العالم لها

هند بصوت واطي / تزوجت غاده غصب عنا ياليت تحافظ عليها

فيصل بنظرته الي تحرق / ان شاء الله

التفت فيصل على غاده بيمسك يدها اسحبتها انقهر من تصرفها اهم شي صارت ملكه لاحق على التاديب خله ينبسط انه معرس

فيصل بسخرية / البسي عباتك واقف انتظرك انتم ما ينومن لكم تغدرون بالواحد

غاده بتحدي بصوت واطي / الحرب خدعه

فيصل / هههههههههه المره انا الي فزت بالحرب

وقف ينتظرها تلبس عباتها لبست على عينه وحاول يمسكها يمشيها معه لكنها رافضه مشو طلعو برا القاعه ركبت السياره الي يسوقها جاسم جلست غاده وراء وجلس فيصل جنبها

جاسم بحب / مبروك يافيصل صبرت ونلت

فيصل بيقهر غاده / الله يبارك فيك ناس يبيلهم ذكاء وتخطيط علشان تتعامل معهم

غاده منقهره في نفسها / بتشوف ذكائك وتخطيطك وين بيوصلك هين

وصلو للفندق نزلت غاده محتاسه بفستانها حاول يساعدها فيصل بس طنشته سبقها وهي تمشي وراه وصلو لجناحهم سكر الباب وغاده بدت ترتجف من الخوف

فيصل بقوة / شيلي عباتك خليني امتع عيوني بشوفتك

نزلت عباتها تقدم لها فيصل بيبوسها حطت يدها وصارت البوسه باليد

غاده بخبث / الاستعجال يحرق الطبخه

فيصل بجدية / بعد العشاء نتفاهم غيري ملابسك

دخلت الحمام خذت شور بدلت لبست فستان ناعم ابيض يوصل لركبه ولبست حذيان شريك بيضاء وستشورت شعرها وحطت مكياج بسيط

طلعت لقت فيصل جالس وقدامه الاكل لما حس بوجودها التفت شافها انبهر من جمالها الفاتن
جلست مقابل له وبدت تاكل وهي تدعي ربها ان الليلة تمضي على خير

غاده برتباك / فيصل

فز فيصل / اول مره اعرف ان اسمي حلو لما نطقتيه امري

غاده بخوف / الليله ما بيك تقربني

فيصل رفع حواجبه مستنكر كلامها / ليه ان شاء الله متزوجك زينه

غاده مقهوره تحاول تنفذ كلام هند / بس الليله والله من بكره عادي وبسلمك نفسي برضاي ولا تفضل الغصيبه مثل زواجنا

فيصل اقتنع ليه يستعجل الايام وراهم بيملون من بعض

فيصل بجديه / بس الليله بكره اذا مو برضاك غصب عنك

فيصل في نفسه / كيف بقاوم الجمال الي قدامي الي ما صدقت اني امتلكه الله يصبرني

غاده في نفسها / نص الخطه انجحت الباقي على ماماتي


يتبع








دق جوال غاده رفعته و ردت قدام فيصل

غاده بتمثيل / مها وصلتي الهديه للفندق ليش مارسلتيها على بيتنا

غاده بحياء / منحرجه من زوجي

غاده بستسلام / لتزعلين بستلمها منك وانا اقدر على زعلك

فيصل مستمع للمكالمه سكرت غاده التلفون

غاده وهي منزله عيونها بالارض باحياء وارتباك / فيصل ولي يعافيك صديقتي جايبه لي هدايا اخوها تحت ينتظر عند الرسبشن

فيصل بانزعاج / هذا وقت احد يهدي ليه ما رسلتها لبيتكم

غاده بترجي / قلت لها وحلفت لتزعل علي اذا ما ستلمتها

فيصل / امري لله برسل عامل يجيبها

غاده بخوف / تقول شاريه طقم كبير الماس حلفت البسه بصباحيتي

فيصل بانزعاج / نازل

طلع فيصل من الغرفه دخلت الحمام شغلت الدش وطلعت سكرت الحمام بالمفتاح وسحبته من الباب وحطته بدرج التسريحه

مسكت ثوب فيصل الابيض الي معلق بالدولاب طلعت قلم خطاط من شنطتها وكتبت عليه بعد ما خلصت كتابه رجعته لدولاب

لبست عباتها ونقابها وطلعت برا الجناح انخشت بزاويه علشان اذا شافت فيصل يدخل تنزل رفعت الجوال عطت هند رنه




عند فيصل

شاف رجال عند الرسبشن محمل بكياس كثيره منها الكبير والصغير

الرجال / انت زوج غاده الفهد

فيصل بانزعاج / ايه

الرجال انا اخو صديقتها وهذي الاغراض امانه عندي لازم توقع على استلامها

فيصل بطفش / عطني قلم اوقع لك

الرجال / ماعندي قلم خلنا نسال الرسبشن
فيصل راح لرسبشن اخذ قلم ووقع

اخذ الهدايا وطلع فوق ودخل الجناح وسكرالباب وراه


عند غاده

لما شافته داخل نزلت من الدور الي كانت فيه طلعت من الفندق لقت هند وخالد واقفين بالسياره عند باب الفندق

هند بحب / ههههه وش رايك بالاكشن

غاده بفرح / يجنن ما ماتي يله بروح للمطار مشتاقه لدب فهودي

هند / الحين بنوصل للمطار وبنسافر مع بعض نوصلك عند فهد ونرجع

وصلو للمطار وبسرعه ركبو الطياره وقبل لا تقلع الطياره اتصلت هند على خالها
وبدقائق وطيارتهم تحلق بالجو لانهم مسافرين بطيارتهم الخاصه






بيت عبدالرحمن
الساعه 5 الفجر


عبد الرحمن في مكتبه جالس على نار يترقب اتصال من هند تطمنه وتفرحه ان الخطه انجحت وينتقم من فيصل الي قهره في الزواج بغروره ونظرت التحدي بعيونه الي عمر ما حد تجرء ورماه فيها

اتصل جواله وهو في تفكيره لقى المتصله هند

عبدالرحمن بتلهف / بشري

هند بفرح / هههههههههههه الي نبيه صار بنات الفهد الي يقرب منا ندوسه

عبدالرحمن بحب / جعلني فدوه لبنات الفهد

هند بحب / الله لا يحرمنا منك خالي انا اكلمك بطياره الحين بتقلع ما حبيتك تنتظر على نار لين اوصل لبريطاني قلت اكلمك الحين

عبدالرحمن براحه / طمنتيني الله يطمن قلبك انتبهي على نفسك ولا طولين هناك

هند / ان شاء الله بوصلها وبرجع يله فمان الله

عبدالرحمن / فمان الله





عند فيصل

دخل غرفة النوم مالقاها ودخل الصاله مالقاها سمع صوت الماء في الحمام عرف انها تتسبح

انسدح على سريره ينتظرها استغرب انها طولت قام وطق عليها الباب

فيصل / غاده افتحي الباب ما صار كل هذا شور

ما سمع رد عرف انها مستحيه رجع لسريره وجلس ينتظرها مل من الانتظار قام يطق الباب

فيصل بطفش / ما صارت كل ليلتك بتقضينها بالحمام على الاقل ردي علي طمنيني
ماسمع رد
فيصل في نفسه / الخبله لا يكون تتهرب مني وخايفه اني اقرب لها وجالسه بالحمام مصيرها تمل وتطلع انسدح على سريره ينتظرها تطلع يكحل عيونه بشوفتها

لها اكثر من ثلاث ساعات ماطلعت فقد صبره خلاص

فيصل بعصبية / غاده والله ان ما طلعتي الحين لا كسر الباب

ماسمع رد خاف ان صاير لها شي ومغمي عليها


على طول ركض لتلفون دق على الرسبشن وطلب مفتاح ماستر بيفتح الحمام بعد ربع ساعه جاء المسئول ومعه المفاتيج خذا فيصل المفاتيح وركض لباب الحمام

فيصل بقلق / غاده بفتح الباب
ماسمع رد

دخل المفتاح في فتحت الباب وهو خايف ومع كل فتح قفل قلبه تزود دقاته خاف انها منتحره لانه تزوجها غصب عنها

فتح الباب وكانت الصدمه القاضيه لفيصل شاف الماء شغال وغاده ماهي فيه طلع ركض لدولاب شافه خالي من ثيابها والعبايه مختفيه

جن جنونه وصار يكسر كل شي قدامه

فيصل بصراخ / سويتيها يا غاده نسيتي انك زوجتي والله لسحبك بشعرك ولخليك خدامه عندي

انا خليتيني حمارعندك طول ليلي وانا اتكلم مع نفسي على طول تذكر جاسم واتصل عليه





عند جاسم الساعه
5 الفجر

كان جاسم منسدح على الكنبه يطالع بهنديانه ويندب حظه سمع صوت جواله شاف المتصل فيصل خاف وعلى طول رد

جاسم بخوف / خير فيصل

فيصل / بسرعه تعال لي الفندق

سكر الخط بوجه اخوه من غير لجاسم يكمل كلامه

جاسم بخوف / اللهم اجعله خير

على طول لبس وطلع وركب سيارته وهو حاط يده على قلبه خايف على فيصل وصل للفندق وعلى طول طار لجناح اخوه طق عليه الباب فتح له وهو منهار

جاسم بخوف / وش فيك لا يكون ذبحت غاده

فيصل بقهر / هههههههههه ادخل هي الي ذبحتني

دخل جاسم خايف من الي بيشوفه قدامه خاف مبدلين غاده

فيصل بقهر/ لا تخاف العروس طارت بعد ما كانت بين يديني بنت عمك لعبت علي وستغفلتني

جاسم بصراخ / كييييييييييف وانها كانت معك

فيصل بحزن / قال لجاسم كل الي صار

جاسم يضحك بوجع/ ههههههههههههههههه هند ما رضت الغصيبه على نفسها ودمرتني تبيها تسكت وهي تشوف بنتها تنغصب

جاسم بنفسه / اااااااااااااااااااااااااه ياوجعي ياخوي ياوجعي

فيصل بصراخ / هي زوجتي بعقد شرعي الي فيه خير يجبرني اطلقها لو تحب السماء ما طلقتها والله لخليها تندم على الي سوته فيني الليله

جاسم / البس ثوبك خلنا نطلع عن جو الحزن

فيصل ثوبه الي لابسه متعفس من نومة السرير فتح الدولاب طلع ثوبه بيلبسه لقى مكتوب بخط كبير بقق فيصل عيونه بالكتابه وجلس يقراها

طليقي العزيز هههههههههههه وش رايك بالاكشن والمفاجئة راسمه وجه منصدم اكيد وجهك مثل الرسمه بصراحه انت غبي لكن هذا جزاء الي يحط راسه براسنا خليناك تفرح انك معرس ولا تنكسر كلمة خالي وحبيت امثل دور العروسه ونجحت بجداره

هههههههه ما تحس بالقهر اني كنت بين ايدينك ولا لمستني تستاهل ماجاك لانك ما خذت درس من اخوك قبلك والي ينتظرك مني اكثر غاده ما صار لها وجوده لا تتعب نفسك ودور علي

ترى الاكياس هديا لك على غبائك صباحيه مباركه ياعريس بدون عروس هههههههههههه
اكيد طول ليلك تسولف مع الحمام ههههه

باي طليقي العزيز

فيصل لما قرا المكتوب استفزته وقهرته اكثر واكثر

فيصل بصراخ هستيري وانهيار كامل / جاااااااسم

على طول ركض له جاسم وشاف ثوبه بين ايدينه انفجع من شكل الثوب سحبه منه وقراه وهو يشوف فيصل منهار رجعت له لذكرى الاليمه كلها قهر والم ووجع

جاسم قرب من اخوه وضمه لصدره

جاسم بخوف / ارحم حالك ياخوي

فيصل بصراخ / ابيهااااااااااا ياجاسم ابيهااااااااا

ركض للاكياس وصار يفتحها بشكل هستيري فتح علبه مخمليه فيها ساعة رجاليه من رولكس مرصعه بالالماس لقى بطاقه مكتوب بخط غاده

الساعه صباحيتك ياعريس معروف ان المعرس يعطي الصباحيه لكن انا غير اتمنى انك تلبسها علشان كل ما شفتها تتذكر هذي الليله السعيده هههههه

وفتح صندوق لقى فيه مجموعه من العطور الرجاليه الفخمه لقى بطاقه مكتوب فيها

اتمنى انك تستعمل العطور علشان مع كل رشة عطر تتذكر هذي الليله السعيده ههههه والي صار لك من ايدك ( الي من ايده ربي يزيده )

مع تحيات طليقتك


خلاص فيصل انهار انهيار كلي قدام عيون اخوه وطاح مغمي عليه خاف جاسم وركض له حاول يصحيه مافي امل حاط يده على قلب اخوه ارتاح وهو يحس بدقات قلبه

على طول كلم الرسبشن وطلب موظفين يجون يساعدونه بشيل اخوه ساعدو جاسم ونزلو فيصل وهو كانه ميت ركبوه سياره جاسم

ساق بسرعه جنونيه وصلو لمستشفى نواف

كلم جاسم نواف



عند نواف

كان بالبيت في حضن الجوهره سمع صوت جواله وشاف المتصل جاسم

قام من جنب الجوهره خايف صاير شي

نواف بصوت كله نوم / الو خير جاسم

جاسم بخوف / الحق علي انا بمستشفاك

نواف / وش صاير

جاسم / لا جيت تعرف


على طول نواف اخذ شور ولبس وطلع ركب سيارته متجه للمستشفى اول مادخل شاف جاسم جالس على كرسي الانتظار وحالته صعبه


نواف بخوف / وش صاير

جاسم بابتسامه كلها الم / الي صار لي صار له ما تحمل اغمى عليه وصار فيه انهيار عصبي

نواف بعصبيه / وبعدين مع الحقيره هذي

جاسم بصراخ / نوااااااااااااف ما سمح لك تهينها قدامي

نواف بقهر / لا يكون للحين تحبها

جاسم بقهر / ااااااااااااه واكثر من قبل كل ما حاولت اكرها القى نفسي احبها اكثر شوف شكلي شوقي لها السبب سافرت بنساها لقيتها مسافره معي بتفكيري العشق اكبر بلوى

هز نواف راسه بحزن على حالهم وحبهم دمرهم ترك جاسم ودخل على فيصل الي حالته تكسر الخاطر
يتكلم وهو تحت تاثير المهدئ

فيصل / غاده لا تتركيني غاده ابيك احبك احبك وصار يكرر الكلمه

اعتصر قلب نواف وجع على فيصل وعارف ان حالته بتصير مثل حال جاسم الي يمشي ميت بدون روح



يتبع





منتديات عالم الزين

اذا حبيتوا باكمل





روايتي الاولى الرزق على الله ماحبيتوووووها

لكن هاذي تختلف تماااااااااااااااااااااماااااا



ابي التوقعات

المواضيع المتشابهه:

• رواية ربيب الدير أو الفارس اليتيم : رواية مغامرات و فروسية و حب لا مثيل لها
• توبيكات غرام وحب - توبيكات غرام وعشق - توبيكات غرام 2011 ، 2012 Topakat love, love
• رواية زوربا...باللغة العربيه
• رواية بنات الرياض
• من رواية الخميائي.....