العودة   منتديات عالم الزين > منتديات القصائد والخواطر - قصائد جديده - خواطر جديده - قصص منوعه - روايات طويله > قصائد اشعار - عبارات - حكم وامثال - poems

قصائد اشعار - عبارات - حكم وامثال - poems قصائد ، قصائد ، اشعار ، شعر ، حامد زيد ، بدر بن عبدالمحسن ، خالد الفيصل ، اشعار قصائد ، حب ، حزينة ، طويلة قصيرة




المواضيع الجديدة في قصائد اشعار - عبارات - حكم وامثال - poems


إضافة رد
 
LinkBack أدوات الموضوع انواع عرض الموضوع
  1  
عالم الزين


قصائد خالد الفيصل ، اشعار خالد الفيصل ، شعر خالد الفيصل ، Poems Khaled Al-Faisal قصائد خالد الفيصل ، اشعار خالد الفيصل ، شعر خالد الفيصل ، Poems Khaled Al-Faisal قصائد خالد الفيصل ، اشعار خالد الفيصل ، شعر خالد الفيصل ، Poems Khaled Al-Faisal قصائد خالد الفيصل ، اشعار خالد الفيصل ، شعر خالد الفيصل ، Poems Khaled Al-Faisal قصائد خالد الفيصل ، اشعار خالد الفيصل ، شعر خالد الفيصل ، Poems Khaled Al-Faisal

إرفعي سهم المنايا يالعيون = مابقى فيني مكان(ن) للطعون
كل شبر(ن) في حياتي إنجرح = و الذي شقّوا خفوقي يشتكون
يا العيون الطاغيه خفّي علي = كبرت اللّي باوّل ايامي تهون
في عيوني دمعتين واقفه = ردّت الايام دمعي بالجفون
بالغَت فيني تباريح الهوَى = وأستبدّت بي المواجيع الظنون
خبّريني يا غرام العاشقين = كيف يستهوي هل العشق المُنُون
إرحمي قلب(ن) تجاريبه قست = في زمان(ن) ماعرف يوم(ن) حنون
اللسان يخون و البسمه كُذُوب = واصدق التعبير نظرات العيون



بشروني عنك

بــشروني عـنك ما يــدرون عــنـي ما دروا باللي شغل فكري وظني
اتـسـمـع لـلحـكـي بـك واتـحــفــظ خــايف دقــات قلبــي يفضــحني
كل ما سموك باسـمـك فـز قلــبي والضــمــاير والمــدامع شاغــلنـي
يا حـبيبي يــوم جنــبــت الحــبايب عفت لاجلك كل من قبـلك فتنـي
من عرف قربك عرف طعم السعاده وان تشطرت ادرك غبون التمني
فـي هـواك من العسـل لذة مذاقه لكن حروس النحل عنها حدني
ما عد اسـمع ولا اوحـي فيك عاذل والعــذاري جــهــل لــو داعـبنـي
لـك عيــون فــعلها بي فـعل ظـالم من عرفـتك يالغـظي ما ريـحني
ان تـــفـارقـنا تـغايـا لـي بـليــلــي وان تقـابلنـا دهـني واخـجلني


شبيه صويحبي

ياشبيه صويحبـي حسبـي عليـك
كـل مـا ناظـرت عينـك شفـت ذاك
شفت لونه فـي خـدودك والعيـون
في سلامك في كلامك في حلاك
كـل شـي فيـك يطـري بـه علـي
يا حلو بسمة حبيبي فـي شفـاك
مـا هقيـت ان القـمـر مثـلـه قـمـر
لين شفتك يا شبيـه احلـى مـلاك
ليتهـم سمـوك باسمـه واستريـح
كـل مـا نابيتـك اغـلـط فــي نـبـاك


فدوة عيونك

فدوة عيونك لو غدت روح مغليك
وش عاد لو راحت لعينك عشاير
ابيع ما يغلى على الكون و اشريك
و اسوق لَى جتني علومك بشاير
و ازعّل جميع الناس بالحيل و ارضيك
و اصبر ولو دارت علَيّ الدّواير
و آخذ من ايّامي لك ايام واعطيك
وان راح عمري لك فلا هو خساير
احب انا شوفك و صوتك و طاريك
دايم وفكري فيك هايم وحاير
بالصمت اهوجس بك و بالصوت اناديك
و الله عليم البيّنه و السّراير
انا و قلبي و الهوى بين اياديك
عندك مفاتيح الهنا للضماير
من روحي احبك ومن روحي افديك
يامن غرامه و الحسن فيه ثاير

البراقع

ما هقيت أن البراقع يفتنني
لين شفت ظبا النفود مبرقعاتِ
الله أكبر يا عيون ناظرني
فاتناتٍ ناعساتٍ ساحراتِ
في هواهنْ يا سعد كيف طرحني
راح عمري في مودتهن فوات
كان مما صابني ما عالجني
الوكاد اني خطير بالممات
يا سعد خبر ظريف الطول عني
كان وده لي بعمر في الحياة
من نظرني بس اهوجس به واون
ما تركني هاجسي لو في مباتي

جرح العيون

الله اكبر كيف يجرحـن العيـون
كيف ما يبرى صويب العين ابـد
أحسب أن الرمش لى سَلهم حنون
أثر رمش العين ما ياوي لأحـد
يوم روّح لي نظر عينـه بهـون
فزّ له قلبـي وصفّـق وارتعـد
لفّني مثل السحايـب والمـزون
في عيوني برق وبقلبـي رعـد
نقّض جروحي وجدّد بي طعـون
قلت يكفي قالـت عيونـه بعـد
وانعطف هاك الشعر فوق المتون
وانثنـى عـوده وقفّـى وابتعـد
أشغلتني نظـرة العيـن الفتـون
حيّرتنـي بالتـوعّـد والـوعـد
هي تمون العيـن والا ماتمـون
لى خذت قلبـي وقفّـت ياسعـد


من يقول الزين

من يقول الزين مايكمل حلاه كل شي(ن) في حبيبي اكتمل
الله اللي كمله والله عطاه مابقى للزين في خلّي محل
العيون أحلى من عيون المهاه شافها قلبي و صفّق و احتفل
نظرته من فتنته شعلة حياه والجفون من الحيا فيها كسل
ساهم(ن) رمشه على الخد وسناه كن لمعة وجنته ورد(ن)وطل
الشفايا كنها جمر الغضاه تحرس الريق المحلّى بالعسل
والشعر ليل(ن) نقل حمرة مساه أجعد(ن) حوّل على صدره همل
مايج من فوق متنه ماطواه لون شلال(ن) مع المغرب نزل
وأنطلق جيده يماري في بهاه فوق مياس(ن) تعزّل واعتدل
بالرشاقه فيه من ظبي الفلاه لي مشى كنّه على الروح انتقل
ريحته من كل زهر(ن) منتقاه والزياده للخزامى والنفل
صافي(ن) مثل المطر فوق الصفاه باسم مثل البشاير بالأمل
جامع(ن) من كل زين منتهاه مستحيل الوصف في خلي سهل
كايد(ن) ماهو يلين لمن بغاه يرتفع عن كل سقطات الزلل

ارفع راسك انت سعودي

ارفـع راسـك انـت سعـودي...طيبك جاوز كـل حـدودي

مـالـك مثـيـل(ن) بالدنـيـا...غيرك ينقص وانت تـزودي

فـارس و اجـدادك فــوارس...و اصبحت لـبيت الله حارس

مغـروس بالمجـد و غـارس...في ميـدان العـز شهـودي

علمـك غانـم وجـارك سالـم...يخشى مـن هيبتـك الظالـم

راعـي صملـه دايـم والــم...سيف و قلب وفعل زنـودي

بالعالـم مـا مثـلـك مسـلـم...دايـم بالفضيـلـه مـحـرم

الخـايـف بــدارك منـعـم...وعن دخيل حمـاك تـذودي

دايـم سيفـك بـيـدك سـلّـه...مـا تغمـد سيفـك منـذلّـه

و حجـاجـك دايــم منفـلّـه...وأنت بنصـر الله موعـودي

فهـد القائـد فـهـد الـرائـد...فهد الصقر الحـر الصايـد

و العيـد بـعـون الله عـايـد...وسعودك ياوطنـي سعـودي <<<<<ياهووووووه قصائد خالد الفيصل اشعار خالد



المواضيع المتشابهه:




  2  
أتعبتني دنيتي
يسلمووو ديااتك على هيك اختياار ..
لاعدمنا ذووقك وطلتك يالغلا..
ودي لكــ..


__________________
ط§ط¶ط؛ط· ط¹ظ„ظ‰ ط§ظ„طµظˆط±ط© ظ„ط±ط¤ظٹطھظ‡ط§ ط¨ط§ظ„ط­ط¬ظ… ط§ظ„ط·ط¨ظٹط¹ظٹ



ط§ط¶ط؛ط· ط¹ظ„ظ‰ ط§ظ„طµظˆط±ط© ظ„ط±ط¤ظٹطھظ‡ط§ ط¨ط§ظ„ط­ط¬ظ… ط§ظ„ط·ط¨ظٹط¹ظٹ
إضافة رد

مواقع النشر (المفضلة)

الكلمات الدلالية (Tags)
اشعار خالد الفيصل, شعر خالد الفيصل, poems khaled al-faisal, قصائد خالد الفيصل

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



مواقع صديقة

Bookmark and Share

RSS RSS 2.0 XML MAP HTML

الساعة الآن 01:18 AM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 TranZ By Almuhajir
HêĽм √ 3.1 BY: ! ωαнαм ! © 2010
المواضيع والردود المنشورة لا تعبر عن رأي [ ادارة منتديات عالم الزين ] ولا نتحمل أي مسؤولية قانونية حيال ذلك ويتحمل كاتبها مسؤولية النشر لا يجوز كتابة التعليقات و المشاركات التي تنتهك أيًّا من إرشادات المحتوى. من أمثلة ذلك، المحتوى (الخاص بالبالغين) أو العنف أو تأييد التعصب العرقي و المواد المحمية بموجب حقوق الطبع و النشر / في حال وجود شكوى يرجى مراسلتنا / [email protected] / دمتم برعاية الله

Security team

This Forum used Arshfny Mod by islam servant