|
| |
|
|
|
| |||||||
| قصائد اشعار - عبارات - حكم وامثال - poems قصائد ، قصائد ، اشعار ، شعر ، حامد زيد ، بدر بن عبدالمحسن ، خالد الفيصل ، اشعار قصائد ، حب ، حزينة ، طويلة قصيرة |
| |
| |
| إضافة رد |
| | LinkBack | أدوات الموضوع | انواع عرض الموضوع |
|
| |
|
|
|
| |||||||
| قصائد اشعار - عبارات - حكم وامثال - poems قصائد ، قصائد ، اشعار ، شعر ، حامد زيد ، بدر بن عبدالمحسن ، خالد الفيصل ، اشعار قصائد ، حب ، حزينة ، طويلة قصيرة |
| |
| |
| إضافة رد |
| | LinkBack | أدوات الموضوع | انواع عرض الموضوع |
| عالم الزين |
| قصائد حمد البريدي ، قصائد حمد البريدي 2012 ، اشعار حمد البريدي ، اشعار حمد البريدي 2012 ، قصائد حمد البريدي مكتوبة ، قصائد حمد البريدي مسموعة ، قصائد حمد البريدي صوتيه ، قصائد حمد البريدي كتابيه ، قصائد حمد البريدي بدون موسيقى ، قصائد حمد البريدي mp3 ، قصائد حمد البريدي الجديدة ، قصائد حمد البريدي الجديدة للعام 2012   فمان الله يا ذكرى الغرام وما مضى يطوى طويته مثل ما تطوى سفينة حزني شراعي غدآ للدمع من عقبك بعيني غبشه ومضوى بعد ما راحت اوراق البريد وغادر الساعي تذكرني الاماكن فيك واشتاقك تعب واخوى على بحة حكاك وضحكتك يا سيد اوجاعي ما اذكر يوم ناديتك وردك كان لي ايوى تلبيني لو انك ضايق وتلتف فـ ذراعي تغامني وخذني ضامي للوصل ما يروى تكلم يا بعد كل العرب واطرب لي اسماعي اذا حبك بلى روحي هلا بالعشق والبلوى اجوع لشوفة عيونك ولا انت بقادر اشباعي ابيك واعشقك واشتاق واغار بشغف واهوى محطات الغرام وكل لقيا هزة اضلاعي يعومسني غيابك كل ما هب اهوى علوى وكلامك مفرداتك اثرت فيني وفطباعي عليه بالحرام اني بغيت آموت بس اشوى عقب ما ضاق بي حزني وقمت آرتب اوضاعي يقولون الدموع اضعف واقول ان الوداع اقوى إلى قد عينه بعينـي ولا جاء إلا لـّوداعي !! يضيع الحكي ولساني من حبال القهر يلوى انا في حلم ولا علم يا قلبٍ مهوب واعي لو ان بعدك مرض يمديني احمي الميسم وتكوى جروحٌ من جنابك يا الوليف ومالها راعي رفيق العمـر وجروحي كبار وما بها ملوى تبي تقنعني بظرفك ولا لا تحاول اقناعي ما اقول إن العمر من دون وصلك صار ما يسوى اقول ان الحياه بكبرها ما لأمها داعي ..  شفتك بعد غيبه .. وحاولت احاكيك مهوب من قلبي ولا من جراته !! بغيت اقول / فلان وازريت احاكيك وكني سمعت اسمي مع الألتفاته فزيت من نومي وانا اقول لبيييك وآثرك رويا .. في منامي وجاته صفقت كف .. وقلت يا حلم يشوويك جددت لي جرح ٍ هنى في مباته يا اللي شريت البعد .. ما غاب طاريك حتى لو ان البعد .. سواا سواته مهوب محزني .. على حاجةٍ فيك إلا إن قلبي شايف ٍ بك غناته !! كن الطيوف تقول وشحال غاليك وآقول راح .. وما بقى الا غلاته لو ان ما جاني من الهم ياتيك كان المصلي ما حفظ وش صلاته مريت شارعكم .. وصادفني آخيك واللي قطع كبدي .. حلاتك حلاته بغيت الخبط من دعاياه ,, وادعيك واسمك وقف بين اللسان ولهاته !! وبغيت اجيب العيد وآقول : يرضيك فاللي وصاتي له .. وضيّع وصاته البعد شيّب خافق ٍ ميت فيك !! والى مشى خطوه عثر في عصاته مشكلتي / إن قلبي يحبك ويغليك ومشكلتك / انك شخص عايش حياته كثر الجفا .. نار .. وحطبها تغليييك خف الحطب .. لا تزيد نار الشماته إن ما احزنك جرح ٍ برجواه يدعيك ما عاد تفرق .. عيشته من مماته قلبي وعمري كلها بين اياديك العمر فدوه .. لكن القلب هاته !! وإن ما بغيت ترد قلبي ما اوصيك احسن عزاه .. الى دريت بوفاته  بين استثارة جرح ومعاند نفوس وبين الحسافه يوم صدات الاقراب وبين العذاب وبين دمعات محبوس زنزانة الدنيا تحبسه ولا تاب آخذ بعقلي بين الارجاء وآحوس واقلب اوراق الخفا وافتح ابواب امشي على خطه وتكتيك مدروس ولاهو بهمي اكسب اصوات واعجاب ويا فكري اللي تملك احساس معكوس يا لعنبوك اليا متى وانت غلاب ويا قلبي اللي من عنا الهم متروس ما ابيك تضعف لا قدك عند الاجناب لا شك ابيك تكون لعداي كابوس في عصر شعر كله فسرق وانهاب ما دامك العالي تعليك ناموس خلك كذا كايد ويحسب لك حساب علم هل النمات نقارة السوس اللي يزيدون الحكي زود واكذاب اني ارى قد اينعت للفنا روس حان القطاف وحان تقطيع الارقاب صاحب وخاين صار لعداي جاسوس وصاحب فشى سري كذا دون اسباب يا رب انا في رفقتي ليه منحوس برحمتك ترحم صويب ومنصاب لا جن ليل الهم هب لي الكوس كنها تذكرني مواعيد الاحباب آجر صوتي واسحبه سحب منكوس من خاطر فيه الهواجيس تنتاب وانا بحبه ناحل القد ( مهووس) حبه يعذبني يا لبى التعذاب اغليه ما (امريكا) بها كره للروس واشتاق له ما خوف الغرب ( الارهاب) ولو المحبه شي واقع وملموس ما شفت عاشق يشتكي هم واتعاب لكن ما دامه شي فالقلب محسوس تبقى الحقيقه دونها ستر واحجاب يا قطع كبدي قطعة الجلد بالموس لا صارت افعال الرياجيل تنعاب ما يربح اللي يذخر لوقته فلوس الرابح اللي يذخر لوقته (اصحاب)  تعبت اوصفك واستعصى خيال الشاعر الموهوب من رماح العيون اللي بها كبر وبها هيبه احط الحرف تلو الحرف واصيغه كذا باسلوب لجل ما حد يقول اني اقلد حد باساليبه ابفتح قلب واعلن حرب واحط لخطاي دروب واصيد بطير شعرن ماحدن يشبه مخاليبه اداعب مبتدى الفكره واشبعها بطيشي كوب اغذيها من صدور الخيال ومن تراكيبه لان الوصف في بحر العيون وغاية المطلوب تزلزل له جبال الشوق وتنفذ مطاليبه ليا مني كتبت البيت يذوب يذوب فيك يذوب يذوب يذوب ويبرهن مدى شوقه وترحيبه لو آقول ان جبينك مشرق الشمس وشفاك غروب زعل مني الظلام اللي ذوايب شعرك تذيبه فالى منك تمايلت وتمايلت ارحم المسلوب يكابد روعة وصوفك وعينه ما تقدي به وليا منك تثنيت اتثنى من حلاك قلوب تزوى وانت ما تدري بأنك عامل مصيبه احبك اعشقك ادري ولكن الشقا مكتوب على قلب جروح الوقت تتفنن بتعذيبه عشقت اسمك ومن عشقي لاسمك يا زهي الثوب ليا مني حكيت اخطي فنص حكاي واهذي به وإلى مني تباطيتك اسوي من جفاك قروب وقلبي عيبه يحبك وانا راضي به وعيبه يقولون الكذب منجا ولكن الصدق مرغوب واقول ان الشعر مابه حلا الا في اكاذيبه واقول الله تغفر لي وكل مره اقول آتوب واعود واذنب بنفس الخطا واقول مدري به  قالوا الشقا وشهو الشقا قلت الشقا .. ظلم السنين ( احد يمر ويتعبه ) !! ( واحد يمر ويقهره ) !! قالوا الحزن وشهو الحزن قلت الحزن .. دمعة وعين احد ٍ قوي .. ويصطبر .. واحدٍ تبلل محجره !! قالوا الوفا .. وشهو الوفا قلت الوفا .. مسالم يدين واللي يغدر فصاحبه .. عاد الليال بتغدره !! قالوا الجفا وشهو الجفا قلت الجفا قسوة ولين يما تغلى صاحبك .. يما ملقيك ظهره !! قالوا الوصل وشهو الوصل قلت الوصل ماله وزين يبري جروح ما برت .. والعفو عند المقدره قالوا الامل وشهو الامل قلت الامل .. في نظرتين احدن يحاول يكسبه .. واحدن يخاف ان يخسره !! قالوا الرجاء وشهو الرجاء قلت الرجاء .. قلب حزين يمشي على تراب الامل ,, ويخاف لا يسفى ثره !! قالوا الوجيه اشهي الوجيه وقلت هي من جانبين ( وجه يزينه العفاف ) .. ( ووجه زين بمظهره ) !! قالوا الحكي وشهو الحكي قلت الحكي .. ما بين بين خير الحكي ما قل دل .. وزبدة القول ( ثمره ) قالوا الخجل وشهو الخجل قلت الخجل بالعام زين ( بس الخجل لا صار دون الحق .. خزي ومحقره ) قالوا الزمن وشهو الزمن قلت الزمن في ساعتين ساعة طرب نفس وهوى وساعة خشوع وتذكره قالوا الغلا وشهو الغلا قلت الغلا .. حب دفين والحب لا قدهو حقيقه ودك انك تستره !! قالوا الخطا وشهو الخطا قلت الخطا الله يعين احدن ما لاخطاءه عذر واحدن ليا اخطا تعذره قالوا المره وشهي المره .. قلت المره ضلع لدين يبقى على طول آعوج .. من جاء يعدله كسره قالوا الرجل وشهو الرجل قلت الرجل في حالتين ابختصرها والذكي لا جاه حكيي فسره ( رجل سليط وكلمته ماهي تغدي لك كلمتين ورجل معاالعالم رجل .. لكن مسيرته مره !! )  لا انثني ليل المشاعر واتعب الملتاع قافه !! فوق مرقاب الشعور اللي احاسيسي تهبه !! تنبري لي مهرة الاحساس وكفوف العسافه !! (حس شاعر ) .. تحطبه دنياه .. واللهفه تشبه القصيد احساس واللي دون ما احساس .. آفه شعر لكن لو يسمى ( شعر ) محد " يستحبه !! والحلا فالمرء ما يسمو على قمة عفافه !! و( عفة الانسان ) جذابه وهذا آهم سبه يا مسوي في حياتي .. من بعد شفتك ( أضافه ) يا ملبسني (( غلاك )) من الجفا والبعد جبه هاتني .. لا !! ودني لك .. وأخذني لابعد مسافه وأبحر بقلب يحبك مووت !! وأحذر كل غبه !! واسقني من ( ماء الغرام ) .. اللي على جالك ضفافه والوعد يا نور عيني .. بين مجراه ومصبه يا عيون الظبي .. كانه ما على نفسك كلافه نظرة عيونك عذاب .. وصاحبك حظه لعب به (المياعه) و(العذوبه) .. و(العياره) و(الطرافه) !! تجتمع فيك وتفرق .. في مساءات الاحبه في شفاتك .. لذة المنجا .. ونكهات الجوافه وخدك اللي كنه .. ( كتلة ثلج) شفي مِنه .. حٌُبه ويوم غبت بدون سبه .. لجل حكي وما خلافه قمت اناظر في عيون الناس.. لا كني مشبه والزمن ماهو بري من ظلم وقته .. او جفافه قاسي وقاسي كثير .. ونبه اللي ما تنبه !! ليه تبعد .. عن عيوني يا عيوني يا حسافه جرح قلبي من غلاتك .. من سواك يعرف طبه لا تخلي بيني وبينك .. من الجفواا مسافه ودامني مديت ( فنجال المحبه ) لا تكبه !! ودي بوصلك .. وهجرك صرت اكرهه واخافه وجعل ما ياتي لهجرك بعد ذا اللي صار سبه لا تخلي صاحبك يمشي .. والى من حد شافه قال .. يا عزي لحاله .. والله ان عاده يحبه !!  تغيب وتخلي !! .. المولع بين هجران ولضى !! وأنت الوحيد .. اللي ملك قلبه .. وعاش بعالمه !! وغيرت فيه .. اشياء ..كانت فيه .. من وقت ٍ مضى واطباعه اللي قبل عرفك.. كلبيها .. والمه !! يرسم لك البسمه .. وخافي ما بصدره ما نضا حتى لو ان سيف الزمن جاير عليه و ثالمه !! يدرى عليك من الزعل .. ويموت في كلمة رضى يشفق عليك من الهوى .. يا جعل روحك سالمه هذا أنا .. نعم أنا .. كوكب يعيش بلا فضا !! حبك غراااامه فالحياه .. وخوف فقدك .. آلمه !! تغيب وضلوعي .. تناثر لك .. شضا شضا شضا ويلك من الله .. كان قلبي ما سواتك .. ظالمه مشيت دربك .. والهوى باااارد .. وبي جمرة غضى اضمها بكفي .. واغني للعيون الحالمه !! يا حظني بك .. ايه !! لكن .. يوم قلبي بك حضى وش هي حياته دون ما تشوفه ودون تسالمه !! يا غاوي ٍ مغوي عيوني .. في جمال وفي عضا بيت ٍ ربيت وعشت فيه .. استوحشت . سلالمه !! قاسي ولا تدري شحصل .. واهداب عيني مرضا وحمد ما عاده لك حمد .. تغيرت معالمه !! محد ٍ سواك فغيبته .. آحس باهمال .. وفضى ومحد ٍ سواك فعالمي .. وأطمح اعيش بعالمه !! صبرت .. يا لاهي .. وصبري من ( جفا صوتك ) قضى واحرقت قلبي .. والسبب .. كله عشان مكالمه !!  يا من ذبحت المحاني من غلاك الجموح مرابطك في خفوقي ليه .. خليتها !! نسيت مفلاك في ضلع الغلا والسفوح اللي على طارف اضلاعي تخطريتها فوحت دلة غلاتك .. والمشاعر تفوح وبن الهوى يحيي الاذهان ويميتها !! وصبيت لك من بهار الطيب ( فنجال روح ) ونثرت صبة يميني .. يوم مديتها !! اوجعتني وانت ما تدري .. لو انها مزوح وفهمت وش مقصدك منها .. وقاسيتها يا ليت جرح الهوى لحظات عقبه يروح ما كان نفسي على فرقاك .. حديتها !! عواصف الحزن هدت من جفاك الطموح في كلمة (ن) لا وصلت إلها .. تعديتها !! أسكت الحزن فّي .. وتنطق العين بوح حسبي على دمعة لرضاك هليتها !! خلاص باح العزا لو كان قلبي سموح يا أول وآخر أماني قد .. تمنيتها !! الحب ماهو بغصبا !! تبغي تروح روح ذبلت ورود المشاعر وأنت ما اسقيتها قد قلت لك .. والقسى في عين صدك يلوح حدك معك بالجفا .. وما كنك اوحيتها !! مبدا المحبه غرام ومنتهاها جروح !! هي هكذا .. تجربتها .. يوم عانيتها !! ما كنك اللي عرفته !! يا الغزال الذبوح حيرتني باربع اشياء .. ما تهقويتها ( حبك / وداعي غلاك / وغيرتك / والوضوح ماتت من الحزن ولا وين وديتها !! ) ان رحت عنك تجي .. وان جيت يمك تروح يا تنهي المسأله ولا ترى انهيتها !! كرامتي مالها .. إلا استاذنك بالنزوح فإجمع خطايا الغرام .. وشب كبريتها  برد الجفا ما يرحم ضلوع مغليـك يلعب بحسبة شوقي اللي فضحتـه حتى لو إن البعد غيّـب طواريـك عيّا يتخلـى عنـك قلـبٍ جرحتـه حبك بقلبي مثل عـرش المماليـك وحبي بقلبك ما أنمسح لو مسحتـه تسترسل الدمعات من فوق خديـك فديت دمع الشـوق لامـن لمحتـه تبغيني أجي قول لي كيف ما أجيك؟ وأنت الوحيد اللي بعمري ربحتـه الوصف يستعصي في هيبة معاليك ولا أظن يكفيني العمر لو شرحتـه يا من غلاك مذوّبٍ مهجتـي فيـك إسمك على جدران صدري نحتـه أسهى وأحس إنك تنـادي وألبيـك يا ويل حالي جبت عيـدي وبحتـه أنا دخيل عيونـك السـود يكفيـك ذبحت قلبي من غـلاك وفضحتـه نذرٍ على رقبتي نذر إنـي أبغيـك هذا الصحيح بخاطـري واستبحتـه ما باقي إلا أخطفك وأنهـزم فيـك ومن جاء على أثرنا من أهلك ذبحته  هدوء .. عندي شـي يحتـاج التفـات من خاطـرٍ مـا كـل شـي يعجبـه !! قدلي .. وانا ساكـت ومليـت السكـات امتر الموضـوع وارجـع واحسبـه !! هـذي نصيحـة اخ وخذوهـا وصـات والعاقل اللي عـارف وش مكسبـه !! يا صاحبي يا اللي خذتك المغريـات !! العمر مـره .. والمواقـف تجربـه !! يعني هي الدنيا كذا .. عطني وهـات !! فاسمع كـلام مـا عرفـت آرتبـه !! في ذمتي مـا عـاد رحـت مجمعـات لان الرجل درب الرداا مـا يقربـه !! لا تقول لي فيلاجيـو .. ولا الحيـاة !! على الحرام انهـا سـوى فالمرتبـه !! كاشخ .. ومن كشختك تكـره الاتفـات لا يعرفك .. قال مكسـور رقبـه !! ذبحة روحك .. والعرب راحت وجـات لا حزت لك نظره .. ولحدن ينتبـه !! ما غير بس تـدور وتطـرد بنـات !! يا بعدها بعداه قولـت (( مذربـه )) !! لو ان حدن سوى بهلك نفـس السـوات يمكن تسوقه بقـس .. ولا تضربـه !! يعني بنات النـاس .. حـق مغـازلات ولا هلك .. عن هالـدروب مجنبـه !! ياخي المحلات احفظـو شكلـك ثبـات ووجهك غداا وجه معروف ومشتبـه !! دارس دروب السوق من كـل الجهـات وحافظ .. ممـر وزاويـات المكتبـه !! ابكي اللي لا شافوا كذا طارف عبـاة !! سوو مسيـره .. فالمجمـع وأجنبـه !! وين الرجال اللي لشوفتهـا طـرات !! اللي يحشم .. اسمه وربعـه ونسبـه !! [ اغبى رجل .. اللي لا شاف البنت مات واذكى رجل .. ما كـل زول ٍ يجذبـه ] كنـك تبـي تختـار .. دور فالصفـات لاشكال ما تنفـع .. رفيـع المرتبـه !! كم واحد من خلقتـه .. راهـي سمـات والى بخسته .. قلـت لحـد ٍ يقربـه !! يا صاحبي يا اللي خذتك المغريـات !! العمر مـره .. والمواقـف تجربـه !! " واللي يحسب ان الرجوله .. فالبنـات !! على الحرام انها مهـي بعنـد شنبـه !!  يا عزاه .. من فرقى من تحب .. يـا عـزاه إلى مـن خـذاه البعـد واقفـى ولا جابـه ليا مات ذكره .. ( طاري الشوق ) جاء واحياه والى طروا اسمه .. فز قلبي وحيـا بـه أسج بغرامه وإن دعوني نطقـت ب: هـاه ! وآشـوف الخمـل فعيـون ربعـي ولا هابـه جعله الوهـم .. لآمـوت وانـا علـى لامـاه وأنا إن مت منه .. فآيني فـوجه مـن جابـه يا حيه قبل يجفـى .. وحـي الوصـل حيـاه ويا حي الطريق .. اللي حصل والتقينا بـه أمره .. وأوقف .. وقفة اللـي تحيـر خطـاه وتصير النسايـم كلهـا .. ريحـة ثيابـه ! أنا ما ادري ! .. غيابه يهيـض علـى ذكـراه او انـه هـوى ذكـراه .. يطـري غيابـه أحاول آسج انـي احبـه .. عسـاي أسـلاه وعيت غلاتـ(ن) وسـط جوفـي تعـزوى بـه غلاته مثـل طلبـة رفيـق ٍ " قبالـة جـاه وعيـب " علـي آخـون عهـدي وطـلابـه على رمل قلبي.. جرتـه يـوم جـر خطـاه وعلـى كـل ضلـع.. لـه شخابيـط وكتابـه الى جيت منطقته .. ومريـت صـوب حمـاه لاجودت عقلـي شفـت روحـي علـى بابـه !! يا ليته يجرحني جرح .. وآعرف ويـش دواه ولا راح منـي دون مـا يشـرح اسبابـه ! أحبه .. كثر مـا هـل دمعـي علـى فرقـاه وأحبه .. كثر ما جابني الشـوق لابوابـه يغيب الفرح وازهـم علـى غيبتـه وانخـاه لو ان الفرح .. من يوم مـا غـاب قفـا بـه مهو يحز فالخاطر سوى اني علـى لامـاه !! جروحـه خزايـن هـم .. والقلـب سردابـه ( أحسب ان قلبـي كـل مـا يبعـد بينسـاه واثرني أحبـه .. كـل مـا زاد بغيابـه !! )  منت بعلى خبـري .. تغيـرت يآهيـه برد المساء ما عـاد عانـق حضـورك ما عادك أنت إياه .. ولا آعـرف ليـه ولا عاد ذا شوقـك .. ولا ذا بشعـورك عنيتني لـدرب العـذاب .. ومساريـه وآنا آتعنى فـي رضـاك / وسـرورك لا تسومني دمع الوفا .. صعب تشريه !! بأيدك هدمت البيـت والسـور سـورك انا هديتك خافقـي .. وأنـت تهديـه ؟؟ للحزن /والليـل العتيـم /.. وغـرورك ترى الهديه عيـب تهـدى .. وتنويـه : ( إن ما آحترمت العهد شـيكون دورك ) كنت اشتهي صوتـك وآحبـه واداريـه والحين ما آدانـي السواليـف طـورك شبيت ضوي في رجـا الغنـج والتيـه وتشب ضو البعد .. يـا شيـن جـورك (( الفي عليك بشوق وتقـول مـا فيـه ودك بوصلي بس يـا كبـر امـورك )) اللي بقلبي من غلا .. خـذت باقيـه ؟؟ رده علي تكفـى .. أو إكفـه شـرورك لا وا خساره ؟؟ .. يا فديتـك ولبيـه ؟؟ نهيتني يا قلب .. مـا طعـت شـورك يا مجرم جروح الغيـاب .. بـتماديـه وقع على صك الوداع .. بـحضـورك اهديتـك الدنيـا / وقلبـي / ومـا فيـه ولا أنت تهديني خطـاك .. وزهـورك وسلمتك .. زمـام الهـوى والمشاريـه وأنت تحفر لجروح صـدك .. قبـورك احيّه من جمر انتظـاري و يـا آحيّـه لا ذكرّتنـي بالمحبـه .. عطـورك ؟؟ يسقيـك يــا ذاك الـغـرام وليالـيـه وابكى غرامي فيـك وأبكـي شعـورك تضحك معا قفـاك .. لكـن معليـه ؟؟ أصبـر علـى الايـام ويجـيـك دورك  هملتني / للحزن/ والعبره / وليلي / الطيوف !! وخليتني ما بين لوعات .. (الهموم الاربعه ) حزن ٍ / غدا طابع حياتي كل ما اغمض واشوف مدري هواللي كان يتبعني أو اني اتبعه !! وليل ٍ / بدونك .. ظلمته (غربه) ولحظاته (سيوف) تقطع جدار الصمت .. في صدري وتمسي بضلعه وطيف ٍ / يداعب خاطري حتى وانا بين الضيوف ومن قال وش بك يا ولد .. سرحااان .. ازريت اقنعه وش باتعذر به!! وانا مابين هم .. وبين خوف وشوق .. يغايض قلبي المجروح حتى ينزعه لو انها بالزين .. كان الزين من غيرك الووف المشكله .. ( حب العمى ) .. يا جعل ربي يقلعه ان ابتعدت آموت هم .. وكل ما جي لك شغوف كنك تعمد ( ضيقة الخاطر ) .. ولو فيها سعه !! اواه يا قلب ٍ تركته لك !! على بيض الكفوف واللي مهو يصدق !! على كفك يلاقي مصرعه تشوفني وتصد مني.. لا !! ولا كنك تشوف !! تقدر على وصلي واحسك قدك ناوي تقطعه تقول صبرك !! والصبر ليته يبرد حر جوف اسهر ليالي البعد .. لين الفجر .. يبلج مطلعه !! (( غيابك القاسي .. وباقي لهفتي واقسى الظروف ما غيرت قلب .. ما هو يبغي تكون .. إلا معه )) إن كان ربي كاتبك لي .. فأنت لي .. رغم الانوف واذا القدر ما عاد ردك .. يستحيل ان امنعه !! انت .. ومشيت وما عرف وشهي نهاية ذاالضروف وصوتك/ ما انا بداري .. هو ربي كاتب ٍ لي اسمعه لا قدك ناوي ترحل وتقفي معا بيض القنوف !! قلب ٍ خذيته من صدر راعيه .. تكفى رجعه !!  خذيتني .. يا ساحر القـلب بحكـاك سحر الغرام اللي ../ معانيـه ذاتك وبديت بي من قبل لا آجيك وابداك وآخط سيرة حب . في ذكـــرياتك وعشقت صوتك/ضحكتك/وجهك/رضاك وغدت جهاتي بالمحبه جـهاااااتك !! غصبآ" عليك .. أستاهلك !! وآتحداك ) لآني الوحيد اللي فهم .. منتهاتـــك ! غرآمـك اغنآني ../ من النآس واغنآك عن كل شخص( ن ) معجبن في صفآتك تعبت أدور شوفـتك .. قبل لا القـاك وجيتك وروحي قبل لا آجيــك جاتك روحي تحبك../ قبل لا آحب لامـآك ولاماك حببني .. أكون بحياتــك !! فديت كـبدك يآهوآ الحب .. ( م غلآك ) ارسـم ع/.. كف الحنيـن امنيآتك وينك تبطآطيتك ../ وقلـبي تبآطـآك شوقي حيآك ../ وشوق لآغـبت مآتك ضم الضـلوع اللي تعبآهآ امحآتآك وحـب العيون ..اللي تموت ابـ/غلآتك اكبـر فخر للآرض ../لآدجت بخطآك واكبـر فخر للحب../ اني غنـآتك حـظ الهوآ ../ تتنفـسه في حـنآيآك حـظ العطور../ اللي تلآمـس عـبآتك اناآ ظمآن العشق ../ والـمآي دجلآك والنـيل نيلك ../ والامـآني فراتك مآصـرت اهيم بـ/شوق واحـب لولآك اتحب روحـي قبل ../ احبك وجـآتك مآودي احبك ../ عشآن اكسب ارضآك ودي اكون ( اجمل حدث ) في حيآتك  بافارقك .. لو كان ما اخترك فرقاك بافارقك .. وآنا فرجوى وصالك البعد لو به خير ما كان خلاك ؟؟ تقطع من عيون المحب اتصالك ما اكثرك فالصده وفالوصل ما اشواك الكبر لله .. ( لا يغرك جمالك ) !! خليتني للبعد .. والبعد قسّاك خلاك تنسى واحد" قد وفا لك ؟؟ سليت سيف الهجر ؟؟ كني من اعداك وذبحت شوق الروح شاللي جرى لك العام ما تصعب الى قلت بلقاك واليوم من دون المواصيل هالك ؟؟ منت بردي .. حسبي على الوقت ردّاك غير صفاك / وطيبتك / واعتدالك حاولت نسيانك .. وعييت لا انساك ؟؟ لا جيت ابنسى .. ذيب صدري عوى لك لو انك بترجع كثر ما آتمناك ؟؟ ما كان ذا حالي .. ولا ذا بحالك ؟؟ كثر الجفا وآنا أستغفر الله اشراك حبك كفر بي .. لعنبو من صفا لك خذاك مني البعد ما عاد بقاك ؟؟ لكن على قول المثل مش حالك تدري وش اللي يقتل الشوق يا ذاك لاني بولد عمك ولا ولد خالك ؟؟ الشوق برد .. ودافي الوصل لقياك وثلج الجفا خرب طريق اللقا لك علمتني حبك .. وعلمني انساك ؟؟ لو كان من دنياي .. مابه بدالك تبغي تضيق خاطري جعله فداك ؟؟ مهوب انا اللي يعاتبك في حلالك طلبتني قلبي وانا قلت لك .. جاك والحين سو بخافقي ما بدا لك ؟؟  ياليت حبك دمع .. وابكي له الليل وانساااه قبل آنام .. وآنام واصحى واصحى .. وانا ناسي جميع التفاصيل من شوق ومعاتب وضحكا" ومزحا سحابة همومي بصدري لها سيل خلت ضلوعي مثل وديان رفحا ما امداك تنساني وانا شاعر الجيل ياللي على صوتي شفوق وتوحا باسامر جروحي واجر المواويل !! واشل عن درب المحبين سمحا بعض المشاعر صدق ماهيب تمثيل وانا باغنى لك من الصدق فصحى (لله درك !! لا تزد حفنة الكيل حزني يقاتلني على كل فرحا رفقا " على قلب الفتى ايها ( الأيل ) اني أرى في نجل عينيك .. رُمحا !! يعني كذاا !! من دون شرحا " وتطويل ذبحتني يا جعلك الزين .. ذبحا عنيد !! وآحبك واشوف الغرابيل لو كنت اجمل وجه .. والطف واسحا عذروب حبي لك !! .. يخليني آميل وآميل لين القلب عن غيرك .. انحا !! خذوك !! مدري .. خذتهم .. قالوا !! وقيل واقول .. ( حكي الناس ما منه ربحا ) خليتني .. يا باهي الطرف .. والويل مشاعري ما بين ( موتى ) و ( جرحى ) موت الخفوق .. أهون .. ولا موتت الحيل لا وآشقى منهو على الدمع .. اضحى مشكور .. ما تقصر !! ووفيت بالحيل مرحا !! على هاللي تسويه .. مرحا !! عزاك يا قلبي .. بقطع المواصيل معاك .. من باقي محبيك .. جرحا الدمع .. بللني .. ولا آبي مناديل واللي كتبه الوقت .. لابد يمحا !! ولا عاد تنشد عن دموع الرياجيل يكفيك ( ابن عدوان ) في حب ( وضحى ) المواضيع المتشابهه:
المصدر: منتديات عالم الزين |
| أتعبتني دنيتي |
| الله يعطيك الــ ع ـافيه.. الله لايحرمنا تواجدك يالغلا.. ودي لك.
__________________  |
| إضافة رد |
| مواقع النشر (المفضلة) |
| |
 مواقع صديقة | |
العرض العادي
