شاورما الدجاج بالبف باستري

المخاسير
بصله
ثوم
شاورما دجاج ماركه كوكي مجمد وبارز كارتونه احمر
كريمه حامضه
جبن قلاصات بوك
جبن الصقر العلبه الصغيره
جبن موزاريلا
اوريغانو
مشروم

اولا ناخذ بايركس ونصف فيه الباف باستري لين نغطي القاع واذا تبون الجوانب مو مشكله

نقطع بصله صغيره وفص ثوم
ونحطه بالجدر ونصب عليه زيت زيتون لين يتحمر

ونحط عليه الشاورما لين يذوب التجمد
وفوقه المشروم ورشه من الاوريغانو

ونسكر النار عليه

نضيف له عقب الكريمه الحامضه وقفشتين كبار جبن بوك
ونحط جبن الصقر او كرافت وجبن الموزاريلا

ونحط الخلطه على الباف باستري
وعقب نحط فوقه باف باستري لين نغطي السطح ونمسح عليه بيضه مخفوقه علشان اللون بعد التحمير

ونحطه بالفرن بس بالاول نصخن الفرن

ومتى مانتفخ الباف باستري نطلعه وحلاته واهو حاااااااااار يمي يمي من قلب

والف عافيه على قلوبكم