هند / ماشاء الله ما تعرفنا على الاسامي
فاطمه / انا فاطمه وهذي منيره واصغرنا حصه واخوي مطلق
هند / ههههههههه انا هند الفهد وعندي بنت اسمها غاده كبرك يا فاطمه ثالث طب
البنات مستغربات ومنصدمات شكلها صغير شلون عندها بنت كبيره
هند / ههههههههه مستغربات اختي مربيتها وتعتبرني امها
هند تكلم / فاطمه انتي تخصص شنو
فاطمه بحزن / ما درسنا ماعندنا مدرسه بالديره واهلنا يخافون علينا من المشاوير
حزنت على حالهم / كل بنات الديره مادرسن
منيره / ايه
هند / طيب ليه ما قدمو معاريض علشان بفتحون عندكم مدرسه
حصه / اهلنا اكبر همهم تعليم العيال وحنا على قولتهم مصيرنا لزواج
هند تذكرت سالفة مطلق وانه عاطل عن الشغل ووحيد ابوه
هند / خاله مزنه اذا ما عليك امر ممكن اقابل مطلق بوجودك
الجدات تفشلن من طلب هند لان هند متعوده بشغلها مقابل الرجال وبديره فضيحه ان الوحده تكلم رجال اجنبي عنها
ام مطلق وبناتها مستغربات الطلب واستحقرن جراءت هند
هند عارفه نظرتهن / يا خاله اذا الخير بيد بنت تمنعه عن الولد انا ابي ولدك بخير ولا ابي منك غير الدعاء ان الله يفرج كربتي
ام مطلق / هو بالبيت برسل له حصه تقوله انك بتقابلينه
طلعت حصة من بيت ام راشد راجعه لبيتها لقت مطلق واقف عند الباب
حصه / هند زوجة جاسم طالبتك
مطلق خاف انها درت انه شايفها وهذا شي فيه قبايل بالديره
مطلق بخوف \ ما قالت وش تبي
حصه / تقول لامي تبيك بخير وبحضورها بتتكلم
مطلق متفشل من نفسه شلون لو درت امه عن سواته
سحبته حصه لين وصلته عند باب ام راشد
دخلت بالحوش لقت هند لابسه عباتها ونقابها ومعها ام مطلق
هند بقوة / ضيفنا ما نستقبله عند البيبان له صدر البيت دخليه مجلس الرجال
سمع مطلق كلامها وزاد اعجاب فيها
فتحت هند له مجلس الرجال وهو جالس منزل راسه مستحي من الكلام الي بتقوله جلست امه جنبه وهند جلست بعيد
هند / اكيد مستغرب اني طالبتك لكن لما بعرفك باسمي راح تعرف ليش طالبتك
رفع راسه مستغرب / قولي الي عندك يابنت الاجواد
هند بثقة / انا هند الفهد مديره شركات الفهد
مطلق انصدم وكان مويه بارده انصبت عليه
مطلق في نفسه \ معقوله بنت الفهد وش جايبها لديره وتاركه املاكها وشركاتها هذي فلوسها ما تاكلها النيرن وش لها بجاسم والي يستحقها امير
مطلق بستغراب / تشرفنا يا بنت الفهد سمعتك الطيبه سابقتك
هند من غير مقدمات / عندك استعداد تمسك شركتي الي بالطايف
مطلق بقق عيونه مستغرب من طلبها ومستغرب بتمسكه شركه
هند كملت / شركتي جديده وابيك تديرها لان جداتي امدحن امانتك ويشرفني اوضفك عندي
ام مطلق ما قدرت تمسك نفسها جلست تبكي ولدها له 5 سنين مسكره البيبان بوجه وجايه الفرج من هند
هند / راتبك الاساسي 30 الف مع الغربه يوصلون الخمسين
هذا كله كثير على مطلق وامه كلهم تجمدو ما قدرو يتكلمون
هند بجديه / عندك استعداد تبعد عن الديره ترى موفره سكن عائلي لو بغيت تسكن اهلك هناك
غصب عن مطلق دمعت عيونه كانها ليلة القدر كل احلامه تحققت كانها داريه ان نفسه يسكن اهله معه ويتطمن عليهم مايقدر يتغرب ويتركهم
هند / ماعجبك عرضي
مطلق ياله يتكلم / يا بنت الاجواد الصدمه ربطت لساني اكيد موافق والله يحعني قد الثقه
ام مطلق جلست تبكي ورفعت يدها لسماء / جعل الله يفتحها بوجهك ويفرج همك مثل ما فرجتيها عليه وعلينا
هند التفتت لمطلق / ترى لك الصلاحيه بتوظيف الموظفين الاكفاء الي ترتاح لهم لان الشركه تحتاج موظفين
مطلق طرا على باله ولد خالته وصديقه مشعل الي حاله مثل حالته
هند / بعد شهرين تدوام يعني الحين بايجازه مفتوحه
مطلق بابتسامه \ لو بغيتي من بكره اداوم مليت من الاجازه
هند / اذا ما عندك مانع انا قررت افتح مدرسه هنا ببيت جدتي بكون انا المدرسه حاليا وراح اطلب مدرسات من الرياض وبي اوفر كتب
طالع فيها مستغرب وش يخصه بالمدرسه / ماعرفت اش علاقتي بالمدرسه
هند بجديه/ ابي ادرس بنات الديره ومن بينهن خواتك ترى العلم سلاح للبنت يا مطلق
مطلق بنفسه / وينك يا مشعل تعطيني كف اطالع انا بحلم ولا بعلم ما ني بمصدق اخاف اني بنومي اتحلم يارب يكون علم مو حلم
ام مطلق نفسها ان بناتها يتعلمن جلست تبكي قربت لها هند وباست راسها
هند بحنان / ليش تبكين يا خاله ليكون سويت شي يضيق خاطرك
ام مطلق وهي تشاهق / الا سويتي كل شي احلم فيه وفقدت الحلم
هند / ترى عروسة مطلق اذا رضيتي عندي بنت ولا كل البنات اخلاق وعلم ودين وابوها رجال طيب مكافح عنده ثلاث بنات وثلاث عيال
هي الكبيره اصغر منك ب 3 سنوات تملك مشغل وتديره
مطلق يبتسم / خليني اثيت نفسي في الشغل وبعدين اتقدم لها مايرد الكريم الا الئيم
هند \ محشوم
التفتت على ام مطلق هند / وش رايك باختياري اذا ما عجبك مراح ازعل هذا ولدك
ام مطلق بفرح / هذي ساعة المنى يا بنتي اشوفه معرس وافرح بعياله
هند / بتفرحين ان شاء الله والله البنت تنشرى لو اني ما شوفك كفو على كلام جداتي والله ماعرضتها عليك
ام مطلق / مدام اهلها طيبين والبنت اخلاق على بركه الله
مطلق / الي تشوفينه انتي والوالده
مطلق وقف بيطلع هند استوقفته / ما قلت لي بخصوص تدريسي لخواتك
مطلق / انتي فصلي واحنا نلبس خواتي امنيتهم يتعلمن انا عني موافق عندك امي خذي رايها
طلع من عندهم راجع للبيت وكله سعادة وفرح قرر يفرح ولد خالته وصديقه مشعل
هند / خالتي وش رايك
ام مطلق تمسح دموعها الي طول الجلسه مجفت
ام مطلق / على بركة الله
هند بمرح تمسح دموعها / كله ولا دموعك ههههههه تراك من طالباتي انتي وجداتي
ام مطلق \ هههههه راحت علينا بعد الكبر تجينا العبر خليك بالبنيات ولا حنا اعقولنا تسكرن
هند / ابي منك طلب خالتي
ام مطلق بحب وامتنان / عيوني المركبه لك لو طلبتيهم
هند / تسلمين يا لغاليه ابيك تسوين لي دعايه لمدرستي الي بفتحها بعد شهر بيكون كل شي جاهز
ام مطلق / ان شاء الله تسوين بالبنات خير كلهن يبن العلم
هند / تاخرنا على جداتي والبنات
دخلت هند عليهم والسكوت غالب على جلستهم الجدات بنص ثيابهن من تصرف هند والبنات ذابحتهن القافه بيعرفن وش تبي هند باخوهن
تقهو وغصبت عليهم هند للعشاء وقبل لا يطلعن عطتهم اكل لابو مطلق ومطلق رجعو لبيتهم
وهند جالسه مع جداتها الي زعلانات عليه
هند / وش مزعلكم مني
ام راشد بعصبية / والي سويته تسويه بنت متربيه
هند مستغربه / وش سويت ما سويت غلط
ام موضي بعصبية / يوم تطلبين رجال تبين تكلمينه لا حياء ولا مستحاء
هند بثقة / طيب اسئلني وش تبين فيه يمكن تتغير نظراتكم
ام راشد / قول وش تبين بالرجال
هند / قالت لجداتها كل شي وطلبت منهن يتكتمن على الموضوع
الجدات فرحن من قلب لمطلق يحبنه لانه دايما يطل عليهن يسالهن اذا ناقصهن شي
ام راشد بفرح / الله يفتحها بوجهك ويفرحك مثل ما فرحي هالمسكين راح عمره وهو لا شغل ولا زواج
ام موضي / يا بنتي الي سويته تفريج كربه عن مسلم وانتي تعرفين اجر من فك كربه عن اخوه المسلم مزنه ضايق صدرها ومهمومه من قعدت ولدها عطالي والي بعمرهم متزوجين وعندهم عيال
هند بابتسامه \ يعني انام مرتاحه مسامحاتني
ام راشد تقرب هند له وتضمها / مفتخرات بالي مسويته الحين الي ربي عطاه يبخل على الي ماعنده وانتي ما نسيتيهم وتساعدينهم
ام موضي / هند روحي يمك نامي جنيتك من اليوم طالعتن فوق
هند / ههههههههههه يويلكم لو سمعتكم ترى ماني مسئوله عن الي تسويه فيكم
ام راشد بخوف / الله يستر لا تسمعنا مالنا حيل لها
ام موضي / هذي بصبعها تكسرني وياك يام راشد
هند / ههههههههههههههههههه من خاف سلم
وقفت هند وباست روس جداتها طلعت فوق لقت هنديانا نايمه بدلت ملابسها ودخلت بسريرها ونامت
يتبع
عند مطلق
طلع من عند هند متجهلبيت خالته طق الباب فتح له مشعل دخله مشعل بالبيت وجلسو على فراش مبسوط
مطلق / تكفى يا مشعل عطني كف
مشعل مستغرب / ابشر هذا يوم المنىعندي عطاه كف قوي
مطلق / وجع ما صدقت يدك مرزبه مو يد
مشعل / وشفيك تبي كف ذكرتي بالمسلسلات اذا الوحد مو مصق شغله طلب يعطونه كف ولا يقرصونه
مطلق / وصلت خير نفس حالتهم ماني بمصدق وانت اكيد بتطلب مني اتوطى ببطنكعلشان تصدق
مشعل بلهفه / قول شوقتني وش الي عندك
مطلق / قال كل صاربمقابلته مع هند
مشعل مبقق عيونه وفاتح فمه مو مصدق
مطلق حرك يدهقدام عيونه / يا لاخو اصحى ماني ناقص انك تموت ويتهموني اهلك
مشعل بعدمتصديق / متاكد ولا نايم المغرب وحالم وجاي تقولي حلمك
مطلق / شكلي بتوطىببطنك علشان تصدق
مشعل / والله لو صدق الي قايله بيكون ليلة القدر فتحتابوابها لنا
مطلق بصراخ / والله صدق
تقدم مشعل وضم مطلق وصار يبكيومن بكاها بكى مطلق فاقدين الامل
دخل عليهم ابو مشعل خاف يوم شافهم حاضنينبعض ويبكون
ابو مشعل بخوف / مات احد
مطلق / هههههههه لا يا خاليالبكاء من الفرحه
ابو مشعل / اول مره اشوف الي يفرحون يبكون
مطلق / ولدك مشعل بكا وبكاني واتوقع لو قلنا لك ولبوي بتبكون
ابو مشعل / ياذاالعلم ما بقى الا ذي
مشعل / اجل قو قلبك بقولك الي بكاني قال له كل شي
ابو مشعل بفرح / الله يبارك لها في مالها الله يفرحها مثل ما فرحتنا قوم يامشعل بشر امك
دخل مشعل يبشر امه الي صارت تبكي وتدعي لهند
بيت ابو مطلق
دخت ام مطلق وبناتها البيتكان ابو مطلق منسدح بالحوش ام مطلق قربت من شايبها وجلست بنفس المركا
ام مطلق / شخبارك اليوم ترى العشاء جاهز نغرف لك ولا تنتظر مطلق
مطلق \ جاء مطلق الله لا يخليني منكم
ابومطلق بحب / يارب تفرح قلبكوانا ابوك وانت بارن فيني
مطلق بفرح / ابشر يبه اليوم فرحتي ما تنوصف وسالامي
طالع في امه يبيها هي الي تبشره
ام مطلق بفرح / ابشرك عقدتولدك انفكت والسبه زوجة جاسم الله يفتحها بوجهها
البنات مبققات عيونهنينتظرن بلهفه وش صار بينهم
ابو مطلق بحزم \ قولي لا تقطعين بكلامك
ام مطلق / قالت له كل شي من الوظيفه والراتب والزوجه
ابو مطلق دمعتعيونه فرحان / الله يفرحها مثل ما فرحتنا ويوسع رزقها ويفرجها عليها
البناتتعالت اصواتهن بالتبريكات وهن فرحانات لخوهن
التفت عليهن مطلق / فيه موضوعيخصكن يا خواتي طلبته مني هند
البنات بصوت واحد / شنووووو
مطلقبحب / تبي تدرسكم بالديره بتفتح مدرسه هنا بعد شهر
فاطمه صارت تبكيبشهاق هي اكثر خواتها حلمها تعرف تقرا وتكتب
طالعت في ابوها وقربت منهوباست يدينه / تكفى يبه وافق لا تحرمنا مادام المدرسه بجدارنا تكفى يبه لا طفيالشمعه الي مشعلتها هند لنا
ابو مطلق رق قلبه على بناته / موافق يا بوكامسحي دموعك
استجابة فاطمه لابوها ومسحت دموعها
فاطمه / والله هندما نطلع من جزاها مالها الا يومين بالديره وزرعت الفرحه بقلوبنا ياليتها جايه منزمان
ابو مطلق / الطيب ينشر طيبه يا بوك ذبحني الجوع منتي بمعشيتني
فاطمه \ يخسى الجوع وان بنت ضاوي
طالعها بحب وحزن يحاتيها لان محدطق بابه يخطبها وخايف انها تبقى بدون زواج وعيال وهذ السبب زاده حب لها
البارت السادس والثلاثون
اليوم الثاني
في المستشفى
نواف بمكتبه ينتظر جاسم يداوم سمع صوت جواله كان المتصل فيصل
نواف / مرحبا فيصل
فيصل / هلا فيك انت وينك فيه
نواف / بالمستشفى الا وينه اخوك ماداوم
فيصل / جاسم طلب مني اكلمك اقدم لها اجازه شهر
نواف / ليه عسى ماشر
فيصل / راح لديره عند الحبايب
نواف بعصبيه / اخوك مجنون وش يوديه هناك وهو ما جاء الا امس وش له بضيق الخلق
فيصل / تعرف جاسم محد يقدر يرده عن الي براسه
نواف / وانت ما تباعده كلن مضيع سنين عمره وراء سراب
فيصل / فكني من لسانك وش زيني
سمع نواف طق على الباب
نواف / يله مع السلامه مشغول
قفل جواله وسمع طق الباب كانت الدكتوره سعاد كانت جميله ملامحها حاده جسمها كانها عارضة ازياء كانت تكشف ودايما تحط مكياج وتتعطر بافخم العطور كانت متبرجه تحب جاسم ومعجبه فيه تتحاول تتقرب منه وجاسم يعرف بحبها له لكنه مطنشها ولا يعطيها وجه
نواف بجديه / خير دكتوره سعاد ليش تاركه شغلك وجايه لمكتبي
الدكتوره سعاد / حبيت اسال عن الدكتور جاسم وينه
نواف بقرف / بايجازه
الدكتوره سعاد / امس كان مداوم
نواف بطفش / كان مداوم قولي الي عندك عندي شغل ماني فاضي لسوالف
الدكتوره سعاد بجرائة / ابيه بموضوع شخصي اذا شفته او كلمك قوله اني سالت عنه
بعد ما خلصت كلامها طلعت تاركه نواف مقهور ان ها لنوعيه دكتوره بمستشفاه لكن مجبور يتحملها لشطارتها ولان ابوها من معارف ابوه
طلع نواف جواله بيتصل على جاسم مقهور على حاله
عند جاسم
كان يفطر بالغرفة الي مستاجرها لانه مر المدينه القريبه من الديره استاجر غرفة ونام فيها لانه ماقدر يسوق من التعب والارهاق سمع صوت الجوال رفعه شاف رقم نواف
نواف بعصبيه / انت وينك
جاسم ببرود / اتوقع قالك فيصل ويني
نواف / منت بصاحي امس جاي واليوم راجع ارحم نفسك من الخطوط
جاسم ببرود / قلت الي عندك انا اسوق مابي انشغل بمكالمه مالها داعي
نواف / الخبل الي خايف عليك
جاسم / وغيره
نواف / متى بترجع من الديره
جاسم / توني ماوصلت تسالني متى ارجع مدري
نواف بقرف / اللزقه سعاد تسال عنك
جاسم مستغرب / اش عندها تسال عني
نواف / مدري تقول تبيك بموضوع شخصي شكلها ما فقدت الامل فيك
جاسم / فكنا منها سيرتها تلوع كبدي
نواف / قبلنا ان غولتك تلوع كبدك لكن سعاد تلوع كبدك عز اله ما صدقت
جاسم / كل الحريم يلوعن كبدي
نواف / وهند الوحيده الي تفتح نفسك
جاسم بحب / قلتها
نواف / صحيح ان ماعندك ذوق والا القط يحب خناقه
جاسم بعصبيه / نووووووواف مع السلامه
سكر الجوال بوجه نواف
عند هند
صحت لصلاة الفجر وصحت هنديانا صلن دخلت الحمام اخذت شور ولبست بنطلون جنز وبلوزه سوداء تعبير على مزاجها المقفل لانها صحت وكل تفكيرها بغاده مشتاقه لها ما تدري وش صار لها وشعرها ظفيره هنديه التفتت على هنديانا وغصب عليها دموع الشوق نزلت
هند بحزن / هنديانا شخبار غاده فقدتني تاكل زين تشرب زين تنام زين
هنديانا / تطمني غاده بخير فهموها سبب زواجك وارتاحت
هند / جبتي الاب توب
هنديانا / ايه
قامت هنديانا لشنطتها وفتحتها وطلعت الجهاز ومدته لهند الي اخذته
هند بحزن / بنزل عند جداتي
نزلت هند تاركه هنديانا وراها ترتب اغراضها دخلت غرفة جداتها لقتهم منسدحات على السرير شكلهن بينامن اطلعت من غير ليحسن فيها
خذت قطعه فرشه صغيره ومخدات بتحطها وراء ظهرها ومسند مرت المطبخ لقت ريتا طلبت منها كبتشينو جلست بالحوش قبل الشروق كان الجو خيال دقائق وجاها الكبتشينو جالسه تتصفح ملفاتها وشغل خاص بشركه لين اطلعت الشمس وحست بحرارتها قامت سكرت الاب ودخلت داخل عند جداتها لقتهن توهن صاحيات
هند قربت منهن وباست روسهن وجلست جنبهن
هند / افطرتن
ام راشد / لا بتجينا القهوه نتقهوى بعدها بنفطر
ام موضي / ان شاء الله نمتي زين
هند / الحمد لله من التعب على طول نمت
ام راشد / من متى صاحيه
هند / من الصلاه ما نمت
ام راشد / يمك وش فيك حزينه ومتضايقه عسى مو روحت جاسم السبب
هند / لا لكن شوقي لبنتي ذبحني
ام موضي / بنتك عندها ناس يحبونها مراح يقصرون عليها بشي ارتاحي يمه ووسعي صدرك
ام راشد / افطرتي
هند / لا شربت كبتشينو
ام موضي / اجل قولي لشغاله تجيب فطورنا
قامت هند ودخلت المطبخ وطلبت من الشغاله فطور
وطلبت من ريتا ادبر لها قلم بعد ربع ساعه جابت الفطور والقلم
ام راشد / وش عندك يمك
هند / محتاجه اغراض بكتبها لعمران يجيبها ناقصكم شي
ام موضي بحب / لا والله يبنيتي جاسم ماقصر متقضي الي ناقصنا قبل لا يروح
دورت هند ورق مالقت دخلت ريتا بالفطور
هند / ريتا شوفي عمران عنده اوراق ابيها ضروري
طلعت ريتا من عندهم بعد خمس دقائق جتهم بالاوراق كتبت الاغراض الضروريه الي تبيها وارسلتها مع ريتا كتبت من بين الاغراض مرجيحه بتحطها بحديقة الورد لانها تعشق المرجيحه لها ذكريات حلوه مع امها
بعد ما خلصت فطور قررت تلقي نظره استطلاعيه بالحوش تبي تختار المكان المناسب للمدرسه المؤقته الي بتسويها الحوش كبير فوق الخيال لما قربت من اسطبل الخيل طلت عليهم
يتبع
عند مطلق
صحى لصلاة الفجر طلع مع ابوه للمسجد صلو وهو يحس بسعاده عمره ما حسها والبركه بهند الي الي زرعت الفرحه بقلبه وقلب اهله
كان مطلق عند حمامه لا ارادي عيونه طارت لحوش ام راشد شافها حاول يغض نظره ما يبي يخون جيرانه لكن غصب عنه عيونه تتبع كل حركاتها وكل شي فيها يجذبه
مطلق في نفسه / خاف ربك يا مطلق اكلت البنت بعيونك خف على نفسك البنت متزوجه مالك نصيب فيها والي تسويه حرام هي ساعدتك تغدر فيها ما هي من عادتك تعض اليد الي امتدت لك
نزل من السطح ودخل بالصاله لقى امه وخواته توهن جايبات الفطور افطر وتفكير يخونه ويفكر فيها
ام مطلق / وش اخبار خالتك لما جيتها
مطلق / بخير هههههههه قلبتها مناحه لما بشرتها
ام مطلق / الله يلوم الي يلومها
مطلق / ههههههههههه انتي سبقتيها بالمناحه يالغاليه
ام مطلق / للحين وانا امك ماني بمصدقه كان الي البارح صار حلم
مطلق / والي يسمعك رحت لمشعل قلت عطني كف علشان اصدق ولد اختك نذل عطاني كف لوى وجهي لوي
ام مطلق والبنات / هههههههههههه
فاطمه / شكل كلنا يبي لنا كفوف علشان نصدق
مطلق / فاتك قلبتها مع مشعل فلم هندي صرنا نبكي دخل علينا خالي ابو مشعل وحنا متحاضنين ونبكي خاف ان ميت احد
منيره / هههههههههه وش سوى يوم درى
مطلق / ماتتخلين اش كثر فرح
حصه / وربي هالانسانه حبيتها اول ماشفتها
حصه \ متواضعه من يصدق ان تملك عقارات وفلوس
ابو مطلق / لازم نسوي لها عزيمه
ام مطلق / تستاهل ولا يجي من قدرها
فاطمه / زين علشان نتعرف عليها اكثر وتاخذ علينا
منيره / الا يمه هي بطول بالديره ولا فتره وبترجع
ام مطلق /مدري ما سالت ام راشد لكن الي اشوفه انها بتسكن بالديره
عند هند
جاب عمران الاغراض واستقبلته هنديانا استلمت منه الاغراض ودخلتها لغرفة هند والمرجيحه كانت عند الباب
دخلت هنديانا وهي محملة بالاغراص لغرفة هند وكانت مشغولة بترتيب دولابها بتشغل نفسها عن التفكير باهلها
هنديانا / هند الاغراض معي وين احطها
هند التفتت لها / ها تيهم فيه بعضها بتنزل تحت
كانت الاغراض شغلات ضروريه لهند بعض العطورات والفواحات الخاصه للغرف وشامبوهات وكريمات وفيه بعض المشروبات والحلويات دخلتهم بالثلاجه الصغيره الموجوده بغرفتها
هند تذكرت المرجيحه / عمران جاب المرجيحه الي طلبتها منه
هنديانا بابتسامه / ايه الي يشوفك يقول بزر كل ماكان تكونين فيه لازم المرجيحه
هند بابتسامه حزن / تعرفين حبي للمرجيحه لها ذكريات حلوه بطفولتي
هنديانا حست بحزن هند / هند طالعي بمصايب غيرك تهون عليك مصيبتك شوفي حالتي تهون عليك حالتك
كملت بوجع / امي وابوي عاجزين عن الحركه وانا اصرف على كم عايله في بيت شبرين ومن الحاجه
اشتغلت سجانه انفذ اوامر كلها قسوه غصب عني
نسو اني انسانه من لحم ودم وقلب بسببهم كله السجينات كرهوني وتمنو فرصه ينتقمون فيها مني
وجتهم الفرصه وتبلوني اني سبب بهروب وحده سجينه محكوم عليها بالاعدام واخذوني بذنب مالي شغل فيها انسجنت ظلم
فسبحان الله الي ظهرتي بحياتي وانقذتني من السجن وشغلتيني عندك براتب ومكانه بعمري ماحلمت فيها لو ادفع عمري كله ما قدر ارد ولو شي بسيط من فضلك علي
هند قربت منها ومسحت على كتفها / انتي طيبه وباره بامك وابوك علشان كذا ظهرت بحياتك بالصدفه فسبحان الله يسخر ناس لناس
هنديانا بابتسامه / يله ننزل تحت عند جداتك مايبلعني اخاف يوم يايذبحني ياذبحهن
هند / هههههههههههه كل ولا جداتي تراهن متروعات منك تدرين يبن يبرقعنك
هنديانا / ههههههههههههههه يبرقعني مره وحده كل هذا خوف مني
هند / ترى جداتي طيبات لا تزعلين من كلامهن
هنديانا / جداتك جداتي وانتي تعرفيني احب العجائز
هند بحب / هذا العشم فيك
هنديانا / انا نازله
هند / ولي يعافيك هنديانا خليهم يحطون المرجيحه عند حديقة الزهور عند الاسطبل
نزلت هنديانا وهند مستمره بترتيب اغراضها بعد ماخلصت نزلت لقت جداتها جالسات وعندهن قهوتهن
ام راشد / يمك ليه مانزلتي للغداء
هند / شبعانه للحين فطوري ببطني
ام موضي / الي يشوفك يقول مفطره كله الي اكلته مايشبع عصفور
هند / اذا جعت بقوم اكل قربت من الدله وصبت لها فنجال قهوه
ام راشد / يمك ترى ابو مطلق جاني يعزمك للعشاء
هند بطفش / ياجده كم مره اقول ا نا ماحب هالسوالف
الجده ام راشد بعصبيه / مو على كيفك جيتي الديره تطبيعين بطبايعنا ولا ناويه تفشلينا عندهم
هند بستسلام / وان شاء الله متى عشاهم
ام راشد / قلت ياخر عشاه لين يجي جاسم وهو رفض يقول العزيمه عزيمتك
هند بطفش / طيب امري لله مدري متى اخلص من العزايم الي مالها داعي
ام موضي / بعد المغرب تكونين جاهزه
هند وهي تشرب من فنجالها / ا نشا ء الله
وعلى جلستهن دخل جاسم الي استغربت هند رجوعه توقعت يحرم الرجوع لديره بعد اخر شي صار بينهم
عند جاسم
قرر انه يقوي نفسه ويتعامل معها معامله ثانيه خاليه من أي الاهتمام مستحيل يسمح لها تهينه او تجرح فيه اكثر من كذا وبيتبع معها اسلوب التطنيش ولا كنها موجوده واذا تلاقو بيحاول يضغط على قلبه وبيحتقرها
جاسم دخل على جداته وحاول يتجنب النظر لها قرب من جداته وباسهن على روسهن وقرب من الجهه البعيده عن هند وجلس
هند استغربت اسلوبه وتطنيشه لها وكان ليس لها وجود حتى مالقى السلام عليها لكن ماهتمت
لما جلس وقفت
هند / جده انا طالعه لغرفتي بتجهز للعشاء
ومشت وتركتهم وجاسم غصب عيونه لحقتها لين غابت عنه
جاسم / معزومين لعشاء الليله
ام راشد / ايه عند ابو مطلق زين انك جيت علشان تحضر معنا
جاسم / انا الحين طالع لغرفتي بارتاح
طلع فوق ولما وصل لدور الثاني وقبل لا يدخل غرفته التفت لغرفتها سمع صوت هند تتكلم
غصب عنها قرب من الباب وسمع الكلام الي انقال داخل
عند هند
كانت هند وهنديانا يتكلمون
هند بسخريه / هههههههه زوجك جاء الليله بزفك له
هنديانا بطفش / الله يعيني على التمثيل شكلك ناويه عليه الليلة
هند بكره / ابيك تكرهينيه بالديره ابيه الليله يقضب ثوبه وينحاش
هنديانا / ولا يهمك استمتع بتعذيبه
هند / ههههههههههههه اهم شي تبقين بنت بنوت مثل ماقلت لك ولا تبين علي يذبحني
هنديانا / القلب لعلي وكل شي جاسم ماشوفه شي
هند / الليلة زودي الجرعه عليه
عند جاسم
واقف منصدم منقهر من هند ومن نذالتها وحقارتها معه كل الي تسويه الغوله تمثيل
جاسم / هين يا هند والله لقلب الخطه عليك ان ماخليت غولتك هي الي تنحاش ماكون جاسم
مستحيل تكونين انسانه انتي مجرمه الحقد اعمى عيونك عن كل شي هدفك الانتقام حتى بمشاعر الناس
انا تستغفليني وتستمتعين بتعذيبي والله لردها لك واكسر خشمك
بعد عن الباب خاف ينكشف ودخل لغرفته وهو كله قهر قفل الباب عليه بالمفتاح ماله خلق ان غولته تقتحم عليه خلوته
انسدح على سريره وهو يرسم مخطط لهند يرجع بعض من كرامته الي داستها هند من غير رحمه وهو بتفكيره نام
بعد المغرب
عند هند
تجهزت ولبست عباتها وانزلت تحت عند جداتها لقت جداتها جالسات ينتظرن نزول جاسم يبنه يساعدهن بالمشي لبيت مطلق
عند جاسم
صحى من نومه وهو كسلان ومقهور دخل الحمام اخذ شور بارد يبيه يبرده من القهر الي يحس فيه لبس وتعطر ونزل عند جداته شافها لابسه عباتها وشيلتها وبرقعها بيدها
حاول يطنشها ولا يعبرها
التفت على جداته / انتن جاهزات
ام راشد / ايه ننتظرك
ام موضي / تاخرت وانت نايم عسى منت بمريض
جاسم بابتسامه / تعب من مشوار الطريق يله مشينا
مسك جدته بيدها ومشهى من غير لا يلتفت لهند
هند مسكت يد ام موضي ولحقتهم ووصلت لبيت ابو مطلق ودخلن بقسم الحريم
ام مطلق واقفه مع بناتها عند الباب رحبت بام جاسم وام موضي وحضنت هند ورحبت فيها بحب دخلتهم بمجلس الحريم كان موجود بعض الحريم المتبرقعات
عند جاسم
دحل مجلس الرياجيل رحب فيه ابو مطلق ومطلق الي واقف بالمجلس يصب القهوه لرياجيل
دخل جاسم وسلم على الرياجيل الموجودين مسكه ابو مطلق وجلسه بصدر المجلس
ابو مطلق / الساعه المباركه انك جيت وحضرت العشاء
جاسم / الله يبارك فيك
كان الي يتكلم بالمجلس ابو محمد وابو صالح من اهل الديره
ابو محمد متزوج وحده من بنات الرياض ورافضه تسكن بالديره وهو شغله بالرياض تزوج على زوجته وتوه له كم شهر معرس
ابو صالح يكلم ابو محمد / بشر عنك كيفك مع زواجك الثاني
ابو محمد بابتسامه / الحمد لله تحسنت اموري مع ام العيال
ابو صالح مستغرب / يعني تعدلت امورك مع ام محمد
ابو محمد بسعاده / اللهم لك الحمد صارت تدلعني
ابو صالح / وزجتك الثانيه شلونك معها
ابو محمد بجديه / احاول ماظلمها لكن الحب والقلب لام محمد وهذي ماتزوجتها الا بربي فيها ام محمد
ابو صالح / حرام عليك تظلم بنت الناس
ابو محمد بجديه / القلب مو بايدي لكني احاول اعدل بكل شي الا القلب مالي حكم عليه
ابو صالح / الله يعينك
ابو محمد يبتسم / صدق من قال ماتتعدل المرة الا اذا حطيت على راسها مره الغيره تسوي الهوايل
جاسم طول الجلسه مستمع بالبدايه كان متملل من الموضع وبعدين صار يستمع بحماس واعجبته الفكره
جاسم في نفسه / وجتك الفكره على طبق من ذهب بتزوج وبكسر هند وبتعرف اني ماني مهتم فيها والي
خلقها خلق غيرها وانها ماعاد تسوى شي عندي يمكن تتعدل لشافتني متزوج غيرها
جاسم في نفسه / هي لو تحبك مازوجتك غولتها وحكمت عليك مؤبد معها هي ماختاره الغوله بترعبني فيها وواثقه اني مستحيل اطالعها ومطمنه من هالشي لكن اذا تزوجت وحده حلوه مليون بالميه بتتغير علومها مراح اخسر شي خلني اجرب
طيب وانك نذرت ان جسمك مايلمس الا جسمها وانا عند نذري وزواجي جسر للوصول لقلب هند
جالس يفكر من بتكون زوجته الي ممكن يقهر فيها هند فكر بالدكتوره سعاده واثق ومتاكد لتقدم وخطبها بتوافق بشروطه قرر بكره بيرجع لديره وبيتزوجها بسرعه وبيجيبها لديره بيحارب فيها هند
بعد ماخلص العشاء رجع جاسم مع جداته للبيت والحقتهم هند
عند جاسم
طلع لغرفته شاف هنديانا واقفه بقميص نوم فاضح قرر انه يقلب الخطه عليهن قرب منها وهو مقروف حاول يمسك نفسه قرب اكثر وحاوطها من خصرها
انتفض هنديانا وخافت انه يتعمق اول مره من تزوجها هو الي يقرب منها وهي دايما الي تقرب لانها متاكده بيصدها
جاسم / شالزين صراحه شكلك مغري وش رايك تنامي بحضني الليله لامتى متزوجين على ورق
هنديانا بدت تخاف ان جاسم يتعمق وتنقلب السالفه عليها
هنديانا / هاااه ايه حاولت تتهرب وهو شادها بقوة من خصرها
هنديانا بتتهرب / هند تناديني
انفلتت من جاسم والبست ملابس على لبسها وطلعت وصكت الباب بكل قوتها
جاسم / هههههههههههههههههه هذا اول الغيث يا هند بتشوفين جاسم جديد
عند هند
كانت منسدحه على سريره انصدمت من دخول هنديانا المفاجى
هند / بسم الله عليك شكلك متروعه وش صار عند جاسم
هنديانا بصدمه / جاسم مو جاسم
هند بابتسامه / شلون جاسم مو جاسم
هنديانا / قالت لهند كل الي صار
هند بققت عيونها متفاجئة من تصرفات جاسم من تطنيشها لين وصل لتعامله لع هنديانا
هنديانا / اسمحي لي هند برجع لرياض اصلن جو الديره ماعجبني وهنا ما عندي لشغله ولا مشغله
هند / ههههههههه اشوف بدال ما ينحاش بتنحاشين انتي
هنديانا / مثل ما قلتي بكره قولي لعمران يردني
هند / خلاص لصبحنا بقوله
هنديان فرشت فراشها بمكانها كل ليله نامت وهند على سريرها طار النوم من عينها وهي تفكر بتصرفات جاسم
في بيت بسام
جالسه بغرفتها تحاول تنوم عيالها دخل عليها بسام وشافها محتاسه بتنويمهم
بسام / زين لحقت عليهم قبل لا تنومينهم
نجلاء / تعبوني من اليوم احاول انومهم مو راضين وانا طول نهاري اشتغل بالبيت
قرب منها بسام وحضنها من وراء وتكلم بهمس باذنها
بسام / الله لا يخليني من حنيتك اشو ف لك ايام ناسيتني مع عيالك
التفتت عليه نجلاء وبحياء / السموحه يالغالي انت تعرف عمرهم محرج ويبيله مداره والا انت الاساس
بسام / حبيبتي كم مره اقول بجيب لك شغاله تساعدك تمسك البيت وانتي عليك عيالك
نجلاء بحب / ما ارضى احد يخدم حبيبي غيري
بسام ضمها لصدره / انا مقدر انشغالك ياعيون بسام لا تضغطين على عمرك فوق طاقتها
نجلاء التفتت على عيالها شافتهم ناموا سحبت بسام بايده
نجلاء / حبيبي بنطلع ما صدقت نامو مابيهم يسمعون سوالفنا ويقومون
بسام / اخيرا اعتقونا ونامو وجاء دوري
طلعو من غرفة عيالهم ودخلو غرفتهم وكانت نجلاء لابسه قميص نوم اسود ستان لازق على جسمها
بسام يطالع فيها بهيام / نجول حبيبتي انتي نحفانه وانتي تعرفين احبك مثل ماكنتي اياني وياك تسوين رجيم
نجلاء ادور حول نفسها / ليه بسومتي جسمي مو عاجبك
بسام اخذها بين احضانه / بكل حالتك تعجبيني خلينا ننام
يتبع
اليوم الثاني في الديره
في بيت ابو مطلق
صحى ابو مطلق دق على غرفة بناته لقى فاطمه صاحيه من قبل صلاة الفجر
ابو مطلق / انتي صاحيه يابوك مانمتي
فاطمه قربت منه وباسته على راسه / لا فديتك توني قايمه كنت بصلي واسوي فطورك
طالعها ابوها بحزن وفهمت فاطمه سبب النظره
ابوها بعطف / الله يفرحني فيك وشوف عيالك
استحت وبغصه نزلت راسها لانها اكبر بنات الديره الي ما تزوجت كل الي بعمرها عندهم عيال مقتنعه بنصيبها
طلع ابو مطلق مر على غرفة ولده شافه لابس ملابسه اول ماشافه مطلق تقدم له وباسه على راسه
مطلق / شكلك اليوم شباب راحت عليك نومه وقمت قبلك
ابو مطلق / العمر راح وانا ابوك وانا اتمنى اتطمن على هالبنات قبل لا تدفنوني بقبري
انتفض مطلق من كلام ابوه / الله يعطيك طول العمر ويجعل يومي قبل يومك يالغالي
مسك بيد ابوه وهو خايف عليه من بعد الكلام الي قاله اول مره يسمع ابوه يتكلم بالحزن الي سمعه بصوته طلعو للمسجد
عند فاطمه
بعد ماطلع ابوها كساها الحزن نفسها تريح ابوها من ناحيتها لكن مو بكيفها النصيب ماجاء التفتت على سرير اختها منيره
فاطمه / منيره قومي صلي بننزل نسوي فطور ابوي
منيره الي كانت صاحيه وسمعت كلام ابوها لفاطمه وتبي تخفف على اختها لانها تعرف ان كل بنت حلمها تكون عروس وام
منيره / ارحمي حالتك من التفكير ترى ماكل وحده متزوجه مبسوطه بحياتها ترى كثير متزوجات يحسدن البنات على راحت البال والمسؤليه
فاطمه بحزن / منيره انتي تعرفين اني مقتنعه بنصيبي وعارفه ان الي ربي كاتبه لي خيره لكن لما اشوف نظرة ابوي لي وحنانه الزياده يوجعني قلبي عليه الي بعمري بالمدينه تدرس ولا اهتمت بالزواج وانا ماني بعجوز علشان ابوي يفقد الامل اني اتزوج ياما بنات اكبر مني تزوجو لكن قولي من يغير نظرة اهل الديره للبنت الي تتعدى العشرين ماجاها نصيبها
منيره قربت من اختها / تعجبيني والله كان معك دكتوره مع هالكلام الي تقولينه
فاطمه بحزن / منيره انا اخاف ا ن محد يتقدم لكم بسبتي تعرفين اهل الديره ماتتزوج الصغيره قبل الكبيره اذا جلست الكبيره بدون زواج طيحت حظ خواتها
منيره بحب / احد قالك اني مشفوحه على الزواج تعرفين ان تفكيري الحين بدراسه الي اخيرا بتتحقق لاحقين على الزواج ووجع الراس
فاطمه / يله ننزل نسوي فطور لابوي قبل لا يروح لنياقه
نزلن تحت لقن امهن سابقتهن للمطبخ ومسويه فطور شايبها
فاطمه قربت من امها وباستها على راسها
فاطمه / يمه الله يهدك وش قاعده تسوين
ام مطلق / الفطور
منيره / يمه وش فايدتنا اذا بنخليك تسوين الفطور وحنا جالسات
ام مطلق / الله يوفقكن
سحبت فاطمه الشغل الي بيد امها وكملت الفطور
بيت ام راشد
عند هند
قامت بعد صلاة الفجر صلت ولبست فستان بيتي طلعت لحديقة الزهور شافت المرجيحه ابتسمت وركبت عليه جلست تمرجح نفسها وحست بتعب وانسدحت
جتها هنديانا معها شناطها
هنديانا / انا طالعه لرياض
هند التفتت عليها / ههههههه مصره تنحاشين
هنديانا / اذا راح جاسم جيت امس زين اني قدرت اخلص نفسي منه اخاف بعدين ماقدر
هند / هههههههههههه من يصدق انك انقلبتي جبانه
هنديانا / كله علشان علي
هند قامت وحضنتها / مع السلام وتوصلين بالسلامه
طلعت هنديانا ورجعن هند للمرجيحه وانسدحت ونامت
كان كل الي صار تحت عيون جاسم الي طاير من الوناسه وهو يشوف اول خططه نجحت واقف من بعيد يراقبها لانه مشتاق ومتلهف لشوفتها يحاول يكابر قدامها لكن خايف شوقه يفضحه
لما شاف تعمقت بالنوم قرب منها لين صار قريب شافها نايمه بسلام جلس يتاملها
جاسم في نفسه / مستحيل القلب يسكنه غيرك لكن انتي الي بديتي الحرب مستحيل اسمح لنفسي بالخساره
مشى وتركها مايبيها تفتح عيونها وتشوفه لازم يكمل الخطه للاخير
على الساعه 9 حست بحراره الشمس وقامت دخلت لقت جداتها جالسات يفطرن قربت منهن
ام راشد / يمه جاسم وينه ماشفته
هند ببرود / انا كنت برا مدري عنه
ام موضي / الله يهديك فيه وحده ماتدري وينه زوجها
هند ببرود / انا مدري عنه
جابت الشغاله الكبتشينو شربته وطلعت فوق دخلت غرفتها ودخلت بسريرها ونامت
يتبع
في الديره
بعد المغرب
الجدات جالساتبالصاله الجده ام راشد نادت على الشغاله تطلب منها تنادي هند تتقهوى معهم قهوةالمغرب من الصباح ما شافتها
طلعت الشغاله لغرفة هند طقت الباب وسمحت لهاالدخول كانت هند عند التسريحه تعدل شعرها بعد ما خلصت لبس
الشغاله / جدهتحت يبغى انتي
هند / قولي لها دقائق وبنزل
نزلت هند لقت جداتهاجالسات وبينهن قهوتهن جلست باست راس الجدات
جلست بوسطهن كالعاده
الجده ام راشد / يمك تونسين شي يوجعك شي
هند / انا بخيره والسموحهاني مانزلت على الغداء وخليتكن تحاتني
الجده ام موضي / مدامك بخير كل شييهون
قربت هند القهوه منها وصبتها لهن سمعت صوت جاسم قرب وباس راس جداتهوجلس مقابل لهند وهند منزله راسها تختار لها من التمر
الجده ام راشد / صبيفنجال قهوه لرجلك
هند ارفعت راسها والتقت عيونهم مع بعض
وجاسمبيغيضها / علميها السنع ياجده
هند بتقهره / السنع متعلمته من بيت الفهدوجدتي تشهد لي
الجده ام موضي / وانا اشهد انك محظوظ انها من نصيبك مامثلهاثنتين
هند طالعته بكبرياء وتكلمت بصوت مايسمعه الا جاسم
هند/ تكلم على قدك وبلاها قط الكلام وتدخل الجدات بالي بينا
جاسم طنش كلامها الي قالته وهو يغلي من القهر من اسلوبها
الجده امراشد / بطول بالديره
جاسم يطالع بهند الي مو مهتمه بوجوده / بكره بارجع
الجده ام موضي / حلفت عليك تجلس يومين هنيه ترى نخاف عليك من الطريق
جاسم / علشان خاطرك يالغاليه بجلس لبكره بالليل هذا الي اقدر عليه
الجده ام راشد / جعلنا نفرح بعيالك
جاسم يطالع بهند بحقد / امينخلي هند تشد حيلها ولا تزوجت عليها انا ابي قبيله
جاسم متشوق يسمع رد هندوبقلبه خوف من ردها الجارح
هند طالعته بنظرات سخريه / انا مافيني عيالالبركه بهنديانه هي الي بتترس لك البيت عيال
ورصت على اسنانها بصوت ماسمعهالا جاسم / اكيد عيالي منت ابوهم ياجاسم حط هذا براسك بدال الف والدوران
كانت الجدات ملتهايات بالسوالف بينهن استغل الفرصه و قرب منها ورص علىيدها بكل قوته وهن توجعت من رصته لكن تكابر سحبت يدها بقوه تبعدها عنه
جاسميبادلها نفس النظرات / انا عايفك ولايشرفني ان عيالي يكون منك لانك ما تثيرين فينيشعره او بلاصح كاني متزوج رجال
جاسم في نفسه / تكذب على منو هذي كانهارجال ولا تثيرك وانا ماسك نفسي بالقوه علشان حلوفي
هند بعدم مباله / وجهةنظرك ماتهمني
التفتت هند لجداتها
هند بتقهره اكثر / ابي اروح لبيتام مطلق مشتاقه وبصوت واطي لمطلق وخواته
جاسم ولع من القهر / هذا تصرف وحدهمتزوجه تحترم نفسها وزجها
قاطعته هند بتقهره / منو الي متزوج انا للحيناعتبر نفسي ما تزوجت انت بالورق تعرف وش معناته يعني شوفت عينك وحلال غيرك اناانتظر تخلص هالتمثيليه البايخه
جاسم فقد اعصابه / صدق انك حقيره وحقوودهوربي الي ماسكني عنك حلوفي ولا عرفتي ردي على كلامك
و كمل كلامه بخبث/ ولاتبيني اعلمك شلون اصير لك زوج بالواقع تبين تجربين انا حاضر والحين
هنداستحت حاولة تغير الموضوع ارجعت اطالع بجداتها
جاسم استانس انه قدر يسكتهاولاول مره تصير هي دايما الي تسكته
جاسم بيقهرها اكثر / جده انا ناوياتزوج
الجده ام راشد / احد عنده هند ويدور غيرها
جاسم / انا منحقي اتزوج اربع وهند مافيها عيال وانا بتزوج ابي عيال
ام موضي / توكممعاريس من الي قال مافيكها عيال يحبكم للعجله
جاسم بيقهرها / انا متزوجوهاليومين وبجيبها لديره
هند بتقهره / حلفتك تقولي علشان ارقص في عرسكوترى هدية عرسك علي
جاسم منقهر وبيقهرها / ماهي محتاجية لهدايك الي باخذهاتكفيني حرمه ولا كل الحريم تقول للقمر قم وانا اجلس مكانك
هند ببرود / اللهيهنيك فيها
جاسم / بتزوجها وبجيبها لديره ماقدر استغني عن وجودها
ام موضي / انت من جدك ولا تمزح
جاسم / والله من جدي
امراشد / الظاهر صرت ماتشبع من الزواج
جاسم يطالع بهند بيقهرها / لاني ماتزوجت الي تملى عيني
هند حاولت تغير الموضوع التفتت على جداتها / جده ببنيمدرستي بالارض الخاليه الي جنب الاسطبل
ام راشد / الارض ارضك سوي فيها اليتبين
هند / اجل توكلنا على الله من بكره بابدء بالبناء علشان اخلص بسرعهقبل العام الدراسي الجديد
ام موضي باستغراب / بتجيبين عمال وانتي تعرفينماعندنا رجال يراقبهم
هند تاشر على نفسها / انا العامل ما يحتاج اجيب عمال
جاسم مستمع منبهر من الي تقوله هند كل يوم يكتشف شي جديد بهند وعرف انهللحين ما يعرفها واكيد فيه شغلات مخفيه عنه
ام راشد مستغربه / تسوين الييسونه الرياجيل
هند اطالع بجاسم / هههههههه وانا على قولة بعض الناس رجالوافضل منهم بعد
جاسم مستمع وهو منقهر من هند الي تبي تستفزه باي طريقه لكنهقرر مايعطيها الفرصه تفرح بالي تبيه حط نفسه غير مهتم بكلامها
وقفت هند / اسمحن لي ياجداتي بطلع اريح لان وراي قومه بكره الصباح ياليت ياجده ترسلين احدالحين لبيت ام مطلق تخلي بناتها يجون عندي بدري ابيهم ضروري
جاسم في نفسه / يا هلمطلق الي ناشب بحلقي اموت واعرف وش الي لاقيته فيه مو فيني
ام راشد / عسى خير يمه وش تبين فيهن
هند / بكره ابيهن يساعدني في بناء المدرسه لانهنبيدرسن فيها ابي احسسهن انهن لهن الفضل في بناء المدرسه
جاسم باستهزاء / وشيعرفك بالبناء ترى مو مكعبات تركبينها على بعض وتصير بيت
هند بفخر / انالها وراح تصير اجمل مدرسه نسيت ان شركتي ماسكه البناء
جاسم بخوف لكن حاوليكون طبيعي/ نسيتي جرحك الي للحين مالتئم الدكتور محرص انك ما تجهدين نفسك وهذاالشغل فيه جهد كبير
طالعته بنظره ذوبته / لا تخاف علي ياجاسم على قولةالمصاروه قطه بسبع ارواح
جاسم في نفسه / سمى عليها خايف يصيبها شي قرريراقبها من بعيد يعرف انها عدوة نفسها
وقفت هند وتكلم جداتها / انا بنامتصبحون على خير
وطالعت بجاسم / اذا تبيني اعدل غرفة العروس الجديدتراني حاضره
جاسم قهرته بيستفزها استفزته تتوقع ان كلامه مزح لكن خلاص بكرهبتشوف انه جاد
جاسم بيقهرها / ما احتاج لخرابيطك العروس بجهز غرفتهاعلى ذوقي وباثثها بالغالي الغالي يستاهل الغالي
قهرها لكن ما حبت تبين انهاتاثرت بكلامه طلعت من غير ما ترد عليه وعيون جاسم تلحقها لين اختفت من قدامه
عند جاسم
بعد ما طلعت قام وستاذن من جداته وطلع لغرفته انسدح على سريره وكل تفكيره كيف يكسر غرورها
شلون بيقدر يقنع امه انه يتزوج وحده ثانيه على هند وهو يعرف مكانتها الكبيره عند امه ما صدق ان امه ترضى عليه
جاسم في نفسه / معقولة انت يا جاسم يا دكتور يا متعلم وصل فيك الضعف انك تظلم ناس علشان سعادتك شفت لوين وصلك حبك المجنون لهند والحل يا جاسم هذي اخر حلولي جيتها بالطيب والحب ما نفع وانت مصدق لا تزوجت بتغار عليك هي بايعتك برخيص يوم المنى تفتك منك
متى بعيش بوهم وابني حياتي على وهم الي كبري عيالهم حوليهم مو كل حياه زوجيه تنبني على الحب فيه الاحترام وهذا الشي مفقود بيني وبينها
بتوكل على الله وبتزوج يمكن تنسيني هند تتوقع ان سعاد الي تكرها من تصرفاتها بتنسيك عشقك لهند على الاقل حسنتها الوحيده انها تحبني وبتحاول بكل جهدها تسعدني وتكسبني
عند هند
بعد ما طلعت وهي تغلي قهر من جاسم شلون يتجرء ويهينها وتسكت
هند في نفسها / وليه منقهرة اصلن منو جاسم علشان اهتم اذا تزوج ولا ما تزوج بطقاق يتزوج بدال الوحده عشر لكن فيه اهانه لي انا بنت الفهد يتزوج زوجها عليها مستحيل اسمح له يطلقني وبعدين قلعته
من العصبيه طلعت من غرفتها لغرفتها نست تبدل لبسها
عند جاسم
كان بافكاره انصدم من فتحت الباب القويه التفت للباب شاف هند بقميص نوم علاقي لركبه كان شكلها فتنه ومغري
كل خليه بجسمه انتفضت من الجمال الي يشوفه واقف قدامه كلها اثاره وفتنه
جاسم في نفسه / وبتتزوج يا جاسم
اقطعت عليه هند بعصبيه / شوف يا جاسم اذا بتتزوج بالطقاق لكن قبل ما تنكتب ورقة زواجك تكتب قبلها ورقة طلاقي
انتفض جاسم من كلامها مستحيل يقدر يطلقها
جاسم احرقها بنظراته المتعطشه والتهمها بنظراته المشتاقه المحرومه
جاسم ببرود عكس النار الي بداخله / وهذا الي جايبك غرفتي ولا ناويه تغريني بالبس الي لابسته
هند انتبهت على لبسها وولع وجها حراره
هند بعصبيه / كله منك يا جاسم تطلع الواحد من طوره بتصرفاتك الطفوليه
جاسم بخبث / قولي انك تبين تنامين بحضني لا تستحين لا تدورين اعذار علشان تنامين معي
هند تلعثمت / انا طالعه لغرفتي وياليت الي قلته يصير مستحيل اسمح لك تهيني انا بنت الفهد ما ينحط على راسها شريكه
جاسم بسخريه / هههههههههههههههههه كيفي مو انا زوج ورق ابي زوجه بحق وحقيقي وانتي رافضه تعطيني حقوقي وانا رجال ما قدر اصبر من غير زواج
هند بعصبية / مستحيل تلمس مني شعره انت ضعيف يا جاسم وزوج بنت الفهد لازم يصير قوي وشخصيته تجبرني غصب اخاف منه
جاسم اوجعه كلامها / انا ضعيف يا هند ما قد سمعتي ان العشق يضعف الرياجيل لكن يا خساره سلمت قلبي لوحده بلا قلب انتي تستاهلين الي يكسر راسك ويهينك على الطالعه والنازله
وزواج عناد فيك بتزواج وطلاق بعد ماتنتهي ازمتك باطلقك مو حبن فيك احترام لكلمتي لخالك
وياليت تنقلعين من غرفتي
هند منصدمه من الكلام الي قاله مانتبهت لطرده لها
جاسم صرخ عليها باعلى صوته / اطلعي برا واياني واياك اشوفك داخله غرفتي ماتستاهل وحده مثلك تدخلها لانها بدنسها
هند بققت عيونها تنهان من جاسم الي تشوفه ولا شي
هند بعصبيه / انا ينقال لي هالكلام
جاسم بعصبية / ايه انسانه حقوده وحقدها اعماها عن كل شي حلو وصار هدفها الانتقام انتي مجرمه
هند مفجوعه طلعت من غرفة جاسم من غير ماترد
عند جاسم
بعد ما طلعت كل حصون القوة انهارت قفل عليه باب الغرفه وغصب عنه نزلت دموع القهر على حبه الغلط
بيرجع لرياض بيعالج جروحه هناك يتمنى يقدر يشيلها من راسه خلاص لازم يتزوج بيرجع رجولته المجروحه واذا على نذره بيكفر عنه شال شنطته الي للحين ما فضاها من اغراضه طلع من غرفته وطلع برا الديره
عند هند
بغرفتها منسدحها على سريرها وهي مقهوره وكلام جاسم ينعاد براسها
هند في نفسها / شلي حارقني ومطيرني لغرفته تزوج ولا ما تزوج استاهل كل الي جاني
اليوم الثاني
الصباح
عند خالد
دخل بيته وبيده جريده وهموم الدنيا على راسه استقبلته غاده لما وصل لصاله ماعبرها طلع لغرفته انصدمت من شكله ما قدرت تصبر لحقته لغرفته شافته متسند على السرير
غاده قربت منه وباست راسه / حبيبي وش مضايقك
مد لها الجريده اول ما قرت الخبر المكتوب انفجعت
غاده تبكي بصوت عالي / شلون ماتت انا من يومين عندها وصارت تبكي بصوت عالي
كان خاطره يقول لها ان المكتوب كذب بس خاف ينتشر الخبر
ما قدر يكذب عليها اوجعه قلبه على حالها
خالد \ اوعديني يا غاده تحفظين سري حتى عن اهلك
غاده وهي تبكي / سرك سري يالغالي
خالد / قال كل شي من تهديد زياد اصابتها برصاص وان الي بالجريده اتفاقيه مع جاسم
غاده ارتاحت كثير / وعد ما يطلع من لساني حرف هذي هند اختي وصديقتي تربينا سواء اذا قالو غاده قالو هند ما نفترق
خالد / تسلمين يالغاليه الله يفرجها
خالد / بتصل على ابوي اطمنه له فتره ينتظر
مسك جواله واتصل على ابوه
عند عبدالرحمن
كان جالس بمكتبه يراجع بعض الاوراق سمع صوت جواله شاف رقم خالد
عبدالرحمن / هلا خالد
خالد / يبه خبر وفاة هند بالجرائد
عبدالرحمن بحزن / اجل بكره بنسوي عزاء لها
خالد بتسال / يبه بنخش على عمي ابو بسام وعمي ابو نواف
عبد الرحمن / لا وانا ابوك هذولا اخواني بيشلون همي لازم اقول لهم الحقيقه واعرفهم مستحيل يفضحون سري ويحبون هند ويخافون عليها اكثر مني
خالد / الله يمر هالازمه على خير وترجع لنا
عبدالرحمن / امين
خالد يله / مع السلامه بروح لشركه
عبدالرحمن / مع السلامه
طلع من مكتبه دخل مكتب ابو بسام كان ابو بسام جالس يشرب كافي
ابو بسام / ياهلا وش عندك مارني
عبدالرحمن / اطلب لي قهوه يالبخيل
ابو بسام بابتسامه / حاضر عمي
رفع تلفون مكتبه وطلب قهو لعبدالرحمن
لاحظ الحزن مرسوم على وجه صديقه
ابو بسام بجديه / خير وش فيك يا بو خالد
عبد الرحمن بحزن / هند كاسره ظهري
ابو بسام / الحمد الله الامور مرت سليمه
عبدالرحمن / تضمن زياد ما يكرر الي سواه فيها
ابو بسام بجديه / لا والله ما ينضمنون هذولا مجرمين عايشين من وراء جرايمهم
عبدالرحمن بحزن / بكره معزوم على عزا هند
ابو بسام فز من مكانه وبصوت عالي / انت اش قاعد تقول هند ماتت
عبدالرحمن / ايه عند الكل ماتت لكن هي عايشه وزوجتها لجاسم وهربها لديره
ابو بسام بزعل / كل هذا صار وانا اخوك اخر من يدري
عبد الرحمن / كل شي صار سريع
ابو بسام / الله يكون بعونك ياخوي بقول لام بسام توقف مع ام خالد
عبدالرحمن / ماتقصر يابو بسام
ابو بسام / احنا اخوان واذا ماوقفت معك بشدتك مالي لزوم
عبدالرحمن / جعلك سالم
وقف بيطلع من عند ابو بسام
عبدالرحمن / طالع لمكتبي وبالليل بزور ابو نواف بقوله ما بيه يزعل علي ما صدقت يرضى علي بعد سالفت جاسم
ابو بسام / الله يكون بعونك ماحدن بزاعل عليك
عند جاسم
دخل البيت وهو كئيب طلع لغرفته شاف اخوه لابس بيطلع لشغله التفت فيصل وانصدم بوجود جاسم
فيصل / انت مجنون رسمي
جاسم بحزن / تعال سلم واسال عن احوالي وش ذا الاستقبال
دخل بسريره وتسند عليه
فيصل / من شفت وجهك عرفت احوالك بنت عمك بتقضي عليك
جاسم / ماعاد فيها طب نويت اتزوج
فيصل بصراخ / من جدك
جاسم بوجع / لمتى بجلس انتظرها ترحم حالي وتعطيني وجه من بعد البارح وانا فقدت الامل فيها
فيصل بجديه / وين الي ناذر جسمه مايلمس الا جسمها وش بتسوي بنذرك
جاسم بحزن / بكفر عن نذري ابي اشوف عيال ومن بنت عمك مستحيل
فيصل / ليكون بتتزوج تبي تقهرها لاني متاكد الي يعشق مستحيل يقدر يحب مره ثانيه القلب ياخوك ما يسكنه شخصين
جاسم ببرود / مو كل الزواجات مبنيه على حب فيه احترام وش نفعني حبي لهند من غير احترام
فيصل / ومن العرس ان شاء الله
جاسم / زميله لي بالمستشفى
فيصل بمزح / اهم شي تكون حلوة مو مثل غولتك
جاسم / حلوه
فيصل / ههههههههههه صاير الحج متولي متزوج اكثر من وحده يا حسرتي وحده وماني قادر عليها
جاسم بوجع / يمكن اذا شفت عيالي انسى هند والي جابو هند
فيصل / ما ني بمصدق انك جاسم وش الي مغيرك
جاسم / البركه ببنت عمك دفنت جاسم العاشق بيدها
فيصل / بداوم بالمستشفى
جاسم بتعب / الحين بنام يمكن بعد العصر
فيصل / اجل طالع لشركه تاخرت
جاسم بتعب / والي يعافيك سكر معك النور وانت طالع
عند راشد
2 الظهر
بعد الي صار له من هند انتقل لشرقيه له بيت شعبي بالدمام موضي دخلت مدرسه محو اميه لانها عرفت ان العلم نور وخافت انها تنقرص مره ثانيه وهي ذكيه بسرعة تعلمت القرايه
كانت موضي جالسه بالصاله وراشد نايم بغرفته اتصلت على السوبرماركت تطلب لها اغرض وتعرف راشد يحب يقرا الجرائد والاخبار
طق الباب فتحت الباب وستلمت الاغراض ومسكة الجريده بيدها دخلتها المطبخ وخذت الجريده وحطتها بالصاله وجلست على الكنب القديم قررت تتصفح الجريده مع انها ماتحب اخبار الجرائد
لفت نظرها عنوان صارت تتهجاها وفاة الملايارديره هند الفهد الخبر قرت المكتوب وطايره من الفرحه
محطوط رقم الصفحه 3 على طول قلبت لصفحه تبي راشد يقرا الخبر لانها ما تقدر تقراء بجداره اهم شي تاكدت من خبر وفاة هند
موضي بفرح وحقد / غصب عنك بيارثك ابوك الي حرمتيه بحياتك قلعتك ما بغينا نفتك منك اخيرا بننظم لقائمة الملايارديه خلني اروح ابش راشد بالخبر
طارت لغرفتهم موضي بحماس / راشد البشاره
راشد / ابشري
مدت له الجريده وصار يقراء الخبر وهو مبسوط قهرته هند اكثر لما رمته بالسجن وتحريضهم على تعذيبه انهان بسببها
راشد بفرح / بكره برفع قضيه اجبرهم يعطونا املاكها
موضي بثقة / لازم نرجع لرياض علشان نكون قريبين من املاكنا
راشد باستعجال \ من الحين جهزي اغراضك بنطلع من الشقه وبنسكن بقصرنا
دخلت موضي الغرفه فرحانه رتبت الاغراض بوقت قياسي
رجعت له / يله راشد مشينا على الليل بنكون واصلين وبكره بترفع القضيه قبل لا يلعبون باملاكنا
استجاب لكلامه وركب سيارته وهو متشقق من الفرح
في الديره
عند هند
صحت هند وهي متضايقه بسبب الي صار بينها وبين جاسم دخلت الحمام اخذت شور ونزلت عند جداتها
لقتهن جالسات يتقهون
ام راشد بزعل / بدري توك تقومين
هند مستغربه / وش صاير
ام موضي بعصبيه / جاسم وينه
هند برود / وش يدريني عنه
ام راشد بعصبية / مالومه جاسم يوم بيتزوج
هند ببرود / بكيفه
ام موضي بعصبيه / انا كنت بوقف بوجه زواجه لكن الحين انا اول من يشجعه على الزواج
ام راشد / يمك الواحد يبي يشوف الراحه في بينه مو كل يوم منحاش وطاق من زوجته
هند بعصبيه / ترى جاسم ما يهمني خله يتزوج بدل الوحده عشر
ام راشد بعصبيه / اذا تزوج بتخسرينه بيلقى الي تقدره وتخاف عليه
هند برود / يوم المنى اخسره
ام موضي بعصبية / عزاله يا صبر جاسم على ما بلاه
ام راشد بتخوفها / ترى جاسم رجال ما ينعاب والبنات الي جالسات من غير زواج واجد وان طق الباب يخطب بيوافقون عليه لانه رجال والنعم فيه
هند بطفش / الله يهنيه لا توجعون راسي بجاسم
ام موضي / افطرتي
هند / لا ماني مشتهيه
ام راشد بعصبيه / مو على كيفك قولي لشغاله تجيب فطورنا
قامت هند وهي متضايقه طلبت من الشغاله تجيب الفطور افطرن
هند / جده ارسلتي احد لبنات ابو مطلق
ام راشد بزعل / لا ولاني مرسله احد البنات مشغولات مع امهن تبين تشغليهن بمدرستك
هند بعصبيه / ابي اعرف ليش منقلبات علي
ام راشد بزعل / انتي ما تعرفين قدر جاسم عندنا هو ولدنا الي ما جبنها اذا شفناه متكدر احنا تكدرنا وانا اشوف وليدي من يوم تزوجك وحاله بالنازل الرجال يدور الاستقرار ببيته وانتي مطنشته
هند وقفت بعصبيه / انا طالعه اسوي شغلي بنفسي ما حتاج لاحد
يتبع
بالرياض
بيت عبدالرحمن
دخل البيت كانت نوره ومحمد جالسين بالصاله دخل عليهم
عبدالرحمن / السلام
الجميع / عليكم السلام
قرب وجلس على الكنب التفت على نوره
عبد الرحمن / نوره بكره عزاء هند
نوره بخوف / بسم الله على بنتي وش الفال الشين
عبدالرحمن بحزن / مجبورين يا نوره لازم تكتمل التمثيليه
محمد / ليه الحزن يالغالي كل الي سويته مقتنع فيه كله علشان سلامتها
نوره بكت / حسبي الله على الي ما يخافون الله الي بعدوها عني
عبدالرحمن / ترى ام بسام وام نواف عندهم خبر عن التمثليه بيوقفون معك وقت العزاء
محمد / عمي ابو بسام وعمي ابو نواف عندهم خبر عن التمثيليه
عبدالرحمن / ابو بسام قلت له اليوم وابو نواف بالليل بازوره وحط عنده خبر
نوره بحزن / الله يكون بعون غاده
عبدالرحمن / غاده قويه وعندها خبر عن كل الي صار وهي لازم تقتنع ان كل هذا علشان سلامة اختها
نوره / الله يعين
عبدالرحمن / الغداء جاهز تراني دايخ بنام
نوره / ايه
قامت وجهزت الغداء مع الشغلات ونادت زوجها وولدها على الغداء
بعد الغداء كلن دخل غرفته يريح
في الديره
عند هند
طلعت وهي معصبه من جداتها طلعت بالحوش وهي تغلي قهر جلست على المرجيحه وفي قلبها تدعي على جاسم الي قلب جداتها عليها جالسه تفكر شلون بتبداء بالحفر والبناء وهي تعبانه لازم تضغط على عمرها وتثبت للكل واولهم جاسم انها ما تحتاج مساعده لاي احد
بتطلب من عمران يجيب الشغلات الي تحتاجها في البناء قامت ودخلت طلعت لغرفتها من غير لا تمر على جداتها لانها ماله خلق لكلامهن الي يضيق الصدر
عند جاسم
صحى من النوم طالع بساعته الساعه اربع العصر قام مفزوع لان صلاة الظهر فاته والعصر دخل الحمام وتوضاء وصلى صلواته ورجع الحمام واخذ شور ولبس ونزل لقى امه تحت جالسه وقدامها قهوتها
ام جاسم مستغربه من وجود جاسم
ام جاسم بزعل / وبعدين معك يا تجلس هنا يا تجلس بالديره ترى ماني مستغنيه عنك
جاسم باس راسها / يالغاليه عندي مشاغل ما قدر اطول بالديره
امه طالعته بتفحص واسحبته وجلسته على الكنب
ام جاسم بحنان / اصدقني وانا امك هند مطفشتك ومكرهتك بحياتك بسبب فعايل ابوها
جاسم بصدق / ايه
ام جاسم بحزن / حسبي على عمك الي ظلمه لبنته وصل لكم
جاسم بجديه / يمه قررت اتزوج عليها
ام جاسم بعصبيه / انت تشوف الزواج لعبه انت بوحده منت قادر عليها تبلى نفسك بثنتين
جاسم بياس وحزن / قولي يمه الحل معها تدرين يمه زواجنا على ورق كلن ينام بغرفه الحاله
ام جاسم بصدمه / بتجننوني ياعيالي شلون زواج على ورق وان شاء الله شلون بيجيكم عيال
جاسم بوجع / البنت كارهتني وعايفتني خلاص يكفيني ضعف اكثر من كذا صارت تعايرني بضعفي ما تدري اني بحياتي ما ضعفت الا قدامها بسبب العشق المجنون الي ربي بلاني فيه
ام جاسم بوجع / واذا تزوجت بتطيب من عشقك
جاسم بوجع / اكذب لو اقول لك بطيب لكن على الاقل ما كون خسران انتظر سراب يالغاليه ماتبين تشوفين عيالي حولك يلعبون ويقولون لك جده من هند مستحيل يجيني عيال لان مستحيل اجبرها على نفسي وكلها ايام تنتهي مشكلتها ونتفارق
ام جاسم بحزن / الله يكتب لك الصالح
جاسم / ادعي لي يا لغاليه
ام جاسم / تغديت
جاسم / لا مالي نفس بطلع المستشفى تاخرت
ام جاسم / انتبه على نفسك
جاسم / يا الغاليه فيصل وينه
ام جاسم / كلم وقال مراح يجي عنده شغل ضروري
جاسم / ناقصك شي اجيبه وانا جاي
ام جاسم / لا جعلك سالم
طلع جاسم وكل تفكيره منحصر بزواجه على هند معقوله بيقدر يسلم نفسه وروحه لوحده غيرها
في المستشفى
وصل للمستشفى وصل لمكتب نواف طق عليه الباب ودخل انصدم نواف من وجوده قرب جاسم وجلس بالكرسي الي قدام نواف
نواف بصدمه / وش جابك ما يمديك رحت لديره الا رجعت وبعدين معك
جاسم بوجع / من قلبي الخبل الي مشيني على كيفه وياليت تنحسب بصفي الا صرت ضعيف
نواف مستغرب / تعال اجلس قول الي بقلبك
جاسم بحزن / خلها بالقلب تجرح لاتطلع لناس تفضح
نواف بقهر / اشوف فيها يوم بنت عمك الي قلبت حالك ودمرتك
جاسم بحزن موجع / فكنا من سيرتها ماتستاهل من يفكر فيها ولا يجيب طاريها انسانه حقوده
نواف بقق عيونه متفاجئ من جاسم / انت جاسم ولا مبدلينك
جاسم يبتسم / اجل وش بتقول لو اقولك نويت اتزوج واستقر وارمي هند ورى ظهري
نواف حط يده على جبهة جاسم / بقول ان افيوزاتك ضاربه
جاسم بوجع / خلاص هند لازم تموت من قلبي ومستحيل تموت وانا ناذر نفسي لها
نواف تذكر / وين الي ناذر نفسه وينه مجنون هند
جاسم بوجع / كنت اعمى وفتحت حرام اضيع عمري علشان انسانه حقوده ما تستاهل هدفها تدميري
نواف بجديه / كلامك عين العقل وهذا الكلام كنت اقوله لك ولاخوك لكن اخاف من ورى قلبك واذا تزوجت تظلم بنت الناس
جاسم بوجع / من باعنا بعناه لو كان غالي
نواف / الله يكملك بعقلك
جاسم ابتسم / امين الا وينها الدكتوره سعاد
نواف / خير وش عندك تسال عنها
جاسم بجديه / تبي اصراحه افكر اتزوجها
نواف بصراخ / شنووووووووو لا مجنون رسمي
جاسم بجدية / اتزوج الي تحبني ولا الحق وراء الي احبها يمكن تسعدني اكثر من الي سلمتها قلبي
نواف بصدمه / عاد ما لقيت الا سعاد البنت كل شي عندها فري نسيت يومك اطنشها وتقهرك تصرفاتها
جاسم / خلني اخطبها واذا وافقت تعال كلمني
نواف / انت تدري انه يوم المنى عندها انك تخطبها لولا ذرة الحياء الي فيها كان هي الي خطبتك بتوافق وعلى ضمانتي لو انك متزوج بدالها ثلاث هذي مجنونه بحبك
جاسم يضحك بوجع / ههههههههههههه شفت الي يبينا عيت النفس تبغاه والي نبيه عيا البخت لا يجيبه
انا اخترتها لاني عارف انها تحبني يمكن حبها يقويني على عشقي المجنون
نواف / الله يسعدك ويعوضك بسعاد عن هند
جاسم بابتسامه / الا وينها سعاد ابي اعرف وش كانت تبي فيني
نواف / من حسن حظك اليوم ماجت قدمت اجازه يومين
جاسم وقف / انا طالع لمكتبي بشغل نفسي عن التفكير
نواف / الله يعينك
عند عبدالرحمن
طلع من بيته رايح لبيت ابو نواف وصل البيت دق الجرس فتح له ابو نواف
ابو نواف / ياهلا بالي زايرنا
دخل ابو نواف عبد الرحمن لمجلس الرياجيل دخل وجاب القهوه
ابو نواف / الله حيه
عبدالرحمن / جيت اقولك عزاء هند بكره ياليت تقول لام نواف توقف جنب نوره
نواف مستغرب / هند ماتت وش فيك تقولها ببرود
عبدالرحمن / كل هذا تمثيليه هند زوجتها جاسم الي وقف معنا وقفة رياجيل
نواف بعتب/ شفت شلون لي خبره بمعادن الرياجيل ياليت حسيت بظلمك له
عبد الرحمن / كله بسبب فعايل عمه وتصرفه المتهور
نواف / خلنا من الماضي متى وقت العزاء
عبدالرحمن بحزن / اليوم انتشر الخبر من الليله نستقبل العزاء لكن الحين الوقت تاخر وبكره من بدري بيكون العزاء
ابو نواف / من الصباح وام نواف عند ام خالد
عبدالرحمن / ما تقصر
ابو نواف / احنا اخوان
عبدالرحمن / واعز والله يله انا طالع وراي مشاغل
اليوم الثاني
في بيت عبدالرحمن
انتشر خبر وفاة هند وستقبلت نوره المعزين وكان معها ام بسام وام نواف الي جاياتها من بدري غاده ماداومت طلبت منها نوره تغيب وتستقبل المعزين معهم
جاسم ونواف حضروا لعزاء وبعد العزا طلعو للمستشفى
عند جاسم
وصل المستشفى دخل مكتبه وجالس يطالع بالملفات الي قدامه طق الباب وسمح بالدخول انفتح الباب وجاسم عيونه بالاورق توقع الممرضه رفع راسه واخر شي توقع يشوفه دخل راشد وجلس وجاسم منصدم من جيته
راشد / هذا استقبالك لعمك بعد الغيبه ياقليل الخاتمه
قام وباس راس عمه مكره لانه مهما كان اخو ابوه
جاسم بجديه / وش الي مذكرك فيني بعد هالغيبه حتى تلفون ما تصلت
راشد بعتب / من المفروض الي يتصل
جاسم حاس ان وراء جيت عمه سالفه وخايف منها
جاسم بطفش / يا عمي قول الي جابك عندي المستشفى لان وراي شغل
رمى راشد الجريده على المكتب وطالع فيه جاسم مستغرب
جاسم مستغرب / وش علاقتي بالجريده
راشد / اقرا المكتوب
__________________ اضحك مع الناس واخفي همً قتلني*.*
همٍ بوسط العين بين ومفضــــــــــــوح
اخفي دموعي بأبتسامه وكــــــــني *.*
كني سعيد بدنيتي بضحك ومـــــــــــزوح
وانا اللي فيني هم وحزنٍ سكـــــني *.*
لو سكن غيري من القهر مات مذبــــوح
[flash=http://www.jewelsf.com/up/uploads/0fac216a0c.swf]WIDTH=500 HEIGHT=200[/flash] |