عرض مشاركة واحدة
  15  
♥̉ همسة غلآ ̉♥̉
نزل عيونه وشاف الي مكتوب وتطمن ان خطته ماشيه مضبوط

جاسم بجديه / الله يرحمها وش علاقتي بالموضوع

راشد بقسوة / انا جاي وبرفع قضيه على عمها اطالب بممتلكاتها الي صارت من نصيبي لاني الوريث الوحيد لها

جاسم تجمد من الصدمه معقوله فيه واحد يفرح بموت بنته وعلى طول يطلب ورث قبل لا تندفن

جاسم من الصدمه /...........

راشد بقوة / ابيك توصل كلامي لعبد الرحمن

جاسم بسخريه / وليه ما تقابله مثل الرياجيل وتقوله الي بنفسك من غير مراسيل

راشد برتباك / ما عندي وقت لنقاشه

جاسم بغضب / لمتى يا عمي الطمع وحبك للمال انا مراح اقول له شي انت قابله

راشد بعصبيه / بتقوله غصب عنك قوله عمي يقول المحاكم بينا

جاسم بقهر/ طيب يوصل يا ليت تطلع وراي مرضى

طلع راشد تارك جاسم وراه يغلي من القهر والغضب

على طول طرى على باله نواف يبي استشارته

طلع من مكتبه متجه لمكتب نواف فتح الباب من غير ما يطق من غير عوايده

نواف ماكان عنده احد نواف / خير ليش داخل كانك اعصار وش صاير

جاسم بقهر / الحقني يا نواف

نواف بخوف قام من مكانه وجلس بالكرسي المقابل لجاسم / وش صار

جاسم منزل راسه / عمي سود وجهي مع العالم دبرني يا خوي

نواف بكره \ وش مهبب بعد

جاسم بوجع والم / قال لنواف كل الي صار

نواف بغضب وبصراخ / عمك ذا من شنو مخلوق يفكر بالورث ولا همه بنته والله ما لوم هند فيه وحقدها عليه شلون لو درت عن الي سواه بتفجرك بنيابه

جاسم بحزن / وهذا خوفي يربطوني بفعايل عمي الي تسود الوجه حنا للحين نتعذب بسبته

نواف / عندي فكره تقولها لعبد الرحمن يمكن تحسب نقطه لحسابك

جاسم بلهفه \ تكفى الحقني فيه انا مثل الغرقان

نواف / تقول لخالها يا خذ توقيع منها تتنازل عن املاكها باسمه وبكذا راشد ماله ولا فلس وبكذا بيعرفونك منت بطمعان فيها

جاسم بفرح / ينصر دينك ويخليك لي

طلع من مكتب نواف قرر يزور عبد الرحمن ببيته الموضوع ما يتاجل

ركب سيارته وصل لبيت عبدالرحمن دق الجرس فتح له محمد دخل وشاف عبد الرحمن جالس بالمجلس لحاله تركهم محمد دخل داخل

جاسم بخجل / اسمح لي ياعم اني جاي بوقت مو مناسب لكن ما جابني الا الشديد القوي

عبدالرحمن بخوف / هند فيها شي

جاسم مستحي / لا يروح فكرك بعيد السالفه مصيبه مستحي اقولها

عبدالرحمن بحقد / راشد له يد بسالفه

نزل جاسم راسه / ايه يبي الورث وقال اوصل لكم رساله انه بيرفع عليكم قضيه والمحاكم بينكم

عبد الرحمن اشتعل غضب وبصرخ / هذا وينه ما يقابلني وجه لوجه ولا يقرص وينخش صدق طول عمره جبان

جاسم بجديه / معليك منه لازم نخليه يخسر القضيه

عبدالرحمن بفرح / شلون

جاسم / قاله فكرت نواف

عبدالرحمن بجديه / من الحين بجهز الاوراق متى ما خلصت بسرعه تروح لديره تخلي هند توقعها مو لازم تقول لها برسل لها رساله بخطي اجبرها توقع الاوراق عارف انها مراح تثق بشي من طرفك

انجرح بالصميم من كلامه لكن هذي نتيجة افعال عمه وش يتوقع من العالم تحترمه

جاسم / تحت امرك

عبدالرحمن بعصبية / بيكون اخر يوم بحياتي يستلم فلس واحد

جاسم باستعجال / يله يا عمي نخلص الاوراق بسرعه التاخير مو من صالحنا

طلعو مع بعض للمحكمه خلصوا اوراق نقل العقارات باسم عبدالرحمن

عبدالرحمن / لحمد لله خلصت بسرعه الحين سافر لديره ومعك الاوراق

ركب عبدالرحمن متجه لشركته وكله قهر وضيقه من راشد الي يصيد بالماء العكره والقهر انه اجبن من انه يواجه



عند جاسم

ركب سيارته متوجه لشركة اخوه وصل لمكتبه وطق الباب وسمح له بالدخول

فيصل باستغراب / غريبه ذاكرني بزياره اش عندكم من زمان ما سويتها

جاسم / جاي اخبرك بسافر لديره

فيصل بابتسامه / شكلك مشتاق لطولة اللسان وين الي بيتزوج عليها ويوم ماقدرت تغيب عنها

جاسم بقهر/ البركه بعمك الي فضحنا قدام العالم والله جالس عندهم منزل راسي

فيصل بخوف / وش سوى من بلاوي الي بتنحسب برصيدنا عندهن

جاسم / جاي مكتبي فرحان بيرافع قضيه على عبد الرحمن يبي املاك هند

فيصل كان واقف من صدمته جلس / الخبر امس انتشر واليوم رافع قضيه كان الي ميته قطوه ما هي بنته ياسواد وجهينا عند بنات عمك لا وكنا متعشمين يحبنا افلقني ان فكرن فينا مجرد تفكير مدام راشد عمنا

والله لو ماهو عمي كان ذبحته بيديني اه يالقهر

جاسم / عمك جبان مستحيل يواجه عبد الرحمن وجه لوجه

فيصل بحزن / لما واجهتهم بالي قاله عمي وش كانت رده فعلهم اكيد سبو فيه وفينا حنا صرنا شماعه له

جاسم / عبد الرحمن ماخلى كلمه شينه بحق عمك الا قالها انا احاتي هند لا درت زين اذا ما فجرتني بجريمة عمك

فيصل / الله يصبرك ويقويك

جاسم / انا طالع يدوب يمديني اتجهز علشان اسافر لديره

طلع من مكتب اخوه دخل بيتهم اخذ الشغلات الي يحتاجها باليوم الي بيجلس فيه

بعد ما خذ اغراضه سافر لديره ومعها ملف اوراق الملكيه وهو بداخله يدعي على عمه الي مواقفه تسود الوجه





عند مطلق

مطلق كان جالس مع امه وخواته يفطرون سمعو صوت الباب قام يفتح الباب لقاه مشعل دخله مشعل بالمجلس وكان واضح عليه القلق والتوتر

جلس وبيده جريده مطلق وهو يبتسم / يالمثقف ليه جايب معك جريده

مشعل مد الجريده وفاتحها على الصفحه الي فيها الخير يبي مطلق يقراها

اول ماقرا خبر وفاة هند الفهد بسببا تعرضها لا طلاق ناري مطلق مستغرب شلون ميته وهي عند بيت ام راشد فيه لبس بالموضوع

مشعل بحزن / شكلك كنت تحلم وخليتني احلم معك واصدق الحلم

مطلق مستغرب / الي قلته علم ماهو حلم لكن اكيد فيه لبس بالموضوع

مشعل بتفكير / ليكون جايه الديره منحاشه من المجرمين

سمعو صراخ من بيت ام راشد وصوت وحده معصبه

مطلق ومشعل انفجعو من الصوت وركزو بالصوت فتاكدو انه صوت حرمه

مطلق عرف الصوت من يقدر ينسى رنة صوتها العذبه

خاف مطلق عليها لاينكر انها غزت قلبه وزاد حبها بقلبه بعد تصرفها معه لكن دايما يحاول يبعد حبها وانه حرام يفكر بوحده متزوجه

طلع من عند مشعل وطلع لسطوح توجه بنظره الى مكانها المعتاد ما شافها طلع من الجهه الثانيه الي تطل على الباب شافها





عند هند


جاء عمران وجاب معه الجرائد الي فيها خبر وفاتها اول ما تصفحتها انهارت وجلست تصارخ

هندبصراخ / الكلاب موتوني وانا عايشه والي خلقني لوريهم من هند

ريتا تحاول تهديها لكن مافيه امل




عند مطلق


شافها منهاره بالحوش وتصارخ بهستيريا وبيدها الجريده عرف انه بخصوص خبر وفاتها وسمعها تقول



عند هند


هند بصراخ / كله منك يا جاسم النذل بتموتني يا الحقير علشان تورثني حريمتك تشوف مني فلس واحد




عند مطلق


مطلق انصدم منت الي يسمعه مستغرب كيف ان جاسم يسوي فيها كذا علشان يورثها يعرف جاسم اخلاقه تمنعه انه يتصرف هالتصرف ومتاكد انه يخاف ربه ما يفوت ولا فرض هز براسه وقال كل شي جائز

نزل على طول ودخل المجلس لقى مشعل يتقهوى

مشعل / وين تركتني وطلعت من غير لاكمل كلامي

مطلق / عندي شغله داخل خلصتها وجيت

مشعل متردد / شخبار خالتي وخواتك

مطلق يطالعه بنص عين / بخير هات من الاخر اعرفك ما تخلى

مشعل بخوف / انت تعرفني وتعرف حبي الطفولي لاختك منيره ابيها زوجه لي

مطلق بحب / وانا اتمناك لها لكن اول توظف وبعدين يصير خير وانا رافض ان منيره تتزوج قبل فاطمه يا خوي مابي نكسر بخاطرها

مشعل بحزن / حرام توقف بنصيب منيره علشان فاطمه فاطمه بيجيها نصيبها

مطلق بحزم / هذا اخر كلامي ولما تتوظف لكل حادث حديث

مشعل غصب عنه سكت وهو مقهور ان حياته مع منيره مربوطه بزواج فاطمه








عند عبدالرحمن


جالس بمكتبه يغلي من القهر نفسه يكون راشد قدامه مراح يفكه منه الا الموت كلم ولده وطلب منه يجيه لشركته علشان موضوع مهم

خالد طلع من مكتبه وهو يفكر وش الشي الضروري الي ما خلى ابوه ينتظر لين يجيه للبيت


اول ما وصل دخل مكتب ابوه شاف ابوه يدور بالمكتب ومنفعل

ركض له خالد بخوف / يبه وش فيك ليه منقلب حالتك

عبدالرحمن بعصبية / من راشد الكلب

خالد بستغراب / ما تربى من قرصة هند له ولزوجته

عبدالرحمن بعصبية / ذيل الكلب دايما عوج

خالد / وش مسوي من مصايب بعد

عبدالرحمن / رافع علينا قضيه

خالد / ههههههه قصيه خير ليش

عبدالرحمن / لما قرا خبر وفاة هند جاي يركض يبي ممتلكاتها

خالد بعصبيه وبقهر / هذا وينه ليه ما يقابل الرياجيل ويقول ذا الكلام بوجيهم علشان يعلمونه قدره صح

عبدالرحمن / الي يقهر امس منتشر الخبر واليوم رافع قضيه عمرك شفت خسيس ونذل كثره ماكان الي ميته بنته


خالد بخوف / يبه القضيه مضمونه بصفه

عبدالرحمن بثقة / ما يخسى الا هو حلها جاسم والحين رايح لديره

خالد رفع حاجبه باستغراب / وشلون حلها

عبدالرحمن / قاله الفكره الي قالها جاسم

خالد بفرح وتغيرت نظرته لجاسم / ودي اشوف وجه راشد لما يشوف اوراق البيع والتنازل

عبدالرحمن / جبان مراح تشوفه

خالد بحب / يبه اطلع للبيت ارتاح لاحق على الشغل شكلك تعبان

عبدالرحمن / ابيك توصلني للبيت مالي خلق اسوق

خالد / حاضرين لطيبين

طلعو من الشركه وطول طريقه للبيت سوالف واغلبيتها عن هند وراشد وصلو للبيت






عند زياد

كان جالس على مكتبه طلب من السكرتير يجيب له البريد استلم البريد وكان معه جرائد متعود يقراها

اخذ الجريد وفتحها صعق من الخبر الي منشور مقتل الملايارديره هند الفهد بالمستشفى اثر اطلاق ناري

صرخ باعلى صوته / كلاااااااااااااب سوها انا الي استحق الموت وهند تستاهل انها تعيش

على صراخه دخل عاصم خاف لما شاف شكل زياد على طول ركض له

عاصم بخوف / وش فيك يا طويل العمر

زياد بحزن / هند انقتلت تعرف اش معنى انقتلت

عاصم بفرح / ريحت وستراحت

زياد بعصبيه بصراخ / معناته اسطورتي ماتت المراه الحديده ماتت الي تحدتني وكسرت كلمتي ماتت وضرب على صدره الي قدرت على قلبي ماتت

انصدم عاصم من انفعال زياده واكبر صدمه له اعترافاته واتاكد ان العصابه كاشفته علشان كذا هم الي نفذو العمليه من وراه

عاصم / معقوله تحبها يا طويل العمر

زياد بحزن / ليه مالي قلب يحب ولا بيشكلونه على كيفهم من عرفتها شفت نفسي صغير يا ليتني انا الي مت يا عاصم

اطلع يا عاصم اتركني لحالي وسكر الباب وراك ولا تخلي احد يدخل علي


طلع عاصم وجلس زياد على مكتبه وحط وجهه بين ايدينه وصار يبكي من قلب

زياد بقوة / والله ولي خالق سابع سماء وسابع ارض اني لنتقم لك منهم لو حياتي الثمن


يتبع










عند هند
بعد العصر


من قرت الجريده وهي بثوران وغضب رفضت تتغداء تتمنى ان جاسم قدامها علشان تقطعه


هند بقهر / هين ياجاسم النذل انا هند تلعب معي العبه الخسيسه بتفهم الناس اني مت ولا بعد قاطع عني الاتصال قال ايش قال بيحميني استغفلتني وضربت ضربتك



عند جاسم


وصل لديره على صلاة العصر صلى بمسجد الديره وعلى طول اتجه لبيت جدته وكله شوق ولهفه لها له يوم عنها كانه سنه معترف انه يحبها يعشقها دخل البيت ولهفته تسبق خطوته لين وصل لغرفتها حط يده على مقبض الباب وفتحه وهو يغلي من الشوق


فتح الباب شاف فاتنته على طول دخل

جاسم \ السلام

التفتت عليه هند بكل ثورانها ماحس جاسم الا بقوة الكف على خده وقف ربع ساعه منصدم من هول الصدمه

هند بصرااااااخ / يا النذل يالخسيس يالحقير انا تلعب معي لعبه خسيسه وتفهم العالم اني ميته علشان الورث ههههههههههه لا وتكذب علي انك بتحميها حاميها حراميه كلامي حطه براسك يا جاسم والله ما تلمس مني ريال واحد مدام ينبض فيني عرق


جاسم قرب منها بيد الملف بيده الثانيه لف يدها بقوه يبي يشوف الوجع بوجهها لكن قوتها ابهرته
على طول رماها بكل قوته على السرير ورمى على وجهها الاوراق

جاسم بقرف / خذي الاوراق وقريها خالك كاتب بخط يده اتوقع تعرفين خطه مو بعيده عنك تقولين مزور خطه
انتي مستحيل تكونين انسانه حطي في بالك يدك هذي اذا مديتيها مره ثانيه بقطعها لك ما عرفتي جاسم عدل مو انا الي انزل نفسي لفلوس الحريم

قرب من عند الباب بيطلع التفت عليها وهي تطالعه بكل قوه وتحدي نظراتها الي عذبته

جاسم بعصبية / ياليت توقعين على الاوراق قبل لا غيري يسرقك

طلع وسكر الباب بكل قوه وهو منهار هند دمرته وبعثرت كرامته

جاسم بنفسه / اااااااه ياعذابي انا متلهف على شوفك وتستقبلي بكل قسوه وبطعنه من اقوى طعناتك ذبحتي أي امل فيك
اااااااااه ياقلب اش كثر بتصبر ياليتك تشيلها من بالك وتعرف مستحيل يكون طريقنا واحد خلاص لا بد من الزواج



عند هند


افركت يدها الي توجعها من مسكت جاسم وقامت من سريرها تجمع الاوراق المتبعثره على السرير والارض طلعت لها ورقه بخط خالها مشتاقه له ولاخوانها رفعت الاوراق شمتها وباستها


هند بحب \ يكثر شوقي لك يا خالي ليه بعدتني عنكم ما تدري اني ما قدر على بعدكم

قرت اوراق التنازل الي خالها يطلب منها توقع عليها من غير أي سؤال واذا تثق فيه تنفذ كلامه

وقعت على الاوراق بسرعه لانها عارفه ان فيه شي كبير مخبيه خالها عليها مستحيل تشك 1% بخالها

طلعت من غرفتها لغرفة جاسم طقت الباب


عند جاسم


جاسم متكي على السرير منقهر وكل تفكيره منصب على زواجه الثاني طقت الباب سمح لها بالدخول
من غير أي كلام حذفت عليه الاوراق بنفس طريقته


جاسم في نفسه / الله يلعنك يقلب الي لعبت فيني لعب ما لقت الا هذي تحبها وتعشقها وغيرها يتمنون مني نظره ولاني معبرهم

هند بقوة / استلم الاوراق مثل ماسلمتها لي وصدت بتطلع وقفها صوت جاسم يصرخ عليها


جاسم بعصبية وبصراخ / تعالي جمعي الاوراق الي رميتيهم

هند طالعته بستحقار / جمعهم انت هذي وظيفتك


من غير شعور وبعصبيه شدها من شعرها ورماه على السرير

جاسم ووجهه احمر من العصبيه / مو انتي تبين رجال قوي سحب حزامه من البنطلون من القهر الي ذاقه منها ضربها

وهي متجمده من الصدمه انفجعت وهي تشوف يسحب حزامه وانصدمت يوم ضربها ضربها بكل قوته على جسمها يحاول يبعد الضرب عن مكان العمليه خايف يضرها

هند بعصبيه / بعد عني يا حقير مو انا الي انضرب من واحد مثلك

لما تكلمت اقهرته اكثر و زادها ضرب وانقهر منها كانها جبل ما تاثرت ولا توجعت من ضربه


جاسم بعصبيه وبوجع وقهر / وانا اشهد اني حقير لاني سلمت قلبي لوحده حقوده مثلك قومي انقلعي عن وجهي ولا وربي لدفنك بالديره

شدها بشعرها وفتح باب غرفته ورماها وطالعها بحقاره وسكر الباب بوجهها



عند جاسم

رمى نفسه وهو منهار كان يتوجع مع كل ضربه يضربها لهند لكن خلاص يكفيه ضعف الي صارت تعايره فيه

جاسم في نفسه / ااااااااااااااااه والله ما نقص من حبها بقلبي شعره لكن لازم ارجع رجولتي المنهانه مو هي تبي رجال قوي غصب عنها تهابه بفضلها انولد جاسم جديد

كمل في نفسه / بتقدر يا جاسم تقسى عليها ولا بيخونك قلبك مثل العاده ويرضى لك بالمذله عشقك لها هو الي يسيرك انت يا جاسم مسير منت بمخير

طالع بحزامه الي ماسكه بيده كرهه لانه ضربها فيه اخذه ورماه بالزباله



عند هند

قامت وهي تتوجع وحست كل جسمها يوجعها ومكسر بسبب ضرب جاسم قامت تمشي وهي منصدمه وكان الي صار حلم مزعج صارت تمسج جسمها بتخفف من الوجع

هند في نفسها بقهر / من متى احد يتجرء يحط عينه بعيونها شلون يمد يده مدري ليش استسلمت له وخليته يضربني انا ماني ضعفيه اخاف منه

دخلت غرفتها دخلت الحمام وهي في الا وعي اخذت شور بارد تبيه يخفف من الوجع الي بروحها قبل جسمها




في بيت عبدالرحمن


عبد الرحمن ونوره جالسين بالصاله يناقشون موضوع رفع راشد لقضية ضدهم يبي الورث و غاده ما يقدرون يصارحونها بالموضوع لانها حساسه بيرعبها فكرة ان ابوها رافع قضيه عليهم يبي يورث هند وهي حيه من غير ما يهتم بفكرة موت هند

طلعت غاده من غرفتها وواضح عليها ان على لسانها كلام بتقوله ومحتاره شلون توصله لهم لانها معزمه على الي براسها

قربت غاده من خالها وخالتها جلست بوسطهم وهي تسند راسها على كتف نوره ومسكت يدها

غاده وهي تلعب بيد نوره خايفه ان الكلام الي بتقوله يا ثر فيهم هي متاكده انهم بيوافقون لكن تبي برضاهم

نوره بحب / قولي غدويه حاسه ان عندك كلام تبين تقولينه ومتردده

غاده وهي اطالع بوجه خالها / خالو من راحت ماماتي مع جاسم وانا تعبانه ماني قادره اركز بدراستي لان كل شي يذكرني فيها

عبدالرحمن / كملي يا غاده

غاده برتباك / بكمل دراستي عند فهد

نوره بالم ما خفى عن غاده / وبتتغربين عنا البيت فضى علينا يا غدويه

حاولت غاده تصير قويه مصره على السفره لانها مخنوقه

كملت غاده / خالتو ليه الحزن انتي تهمك مصلحتي وانا مصلحتي اني ادرس هناك وباست خد نوره الي غصب عنها نزلت منها دمعه حاره

مسحت غاده دمعة خالتها غاده / خالتي ليه الدموع وعد مني كل يوم اتصل عليك وانتي تعالي عندنا اول ما يخلص عدنان دراسته

نوره تطالع بعبد الرحمن تتمنى انه يجبرها على الجلوس لان نوره ما تقدر تمنع غاده عن الي تبيه

عرف عبد الرحمن الي بقلب نوره لكن غصب عنه لازم يوافق لاسباب ما يقدر يقولهم عنها

عبد الرحمن / انا موافق ياغاده مدام هذا اختيارك لكن لاتجينا بكره وتشكين وتبين ترجعين خلاص قرارك تتحملين نتايجه

رفعت غاده راسه عن كتف نوره وقربت من خالها وباست راسه

غاده بفرح / مشكور يا خالو من بكره بسحب اوراقي من الجامعه لازم الاسبوع الجاي اداوم هناك

نوره وبحزن والم / بهذي السرعه وقامت وتركتهم وطلعت فوق لغرفتها

غاده بحزن على نوره / خالو خالتو شكلها مو راضيه اني اسافر عفيه خالو حاول تقنعها ابيها رضها وابي اشوفها فرحانه حزنها يوجعني

عبد الرحمن يطبطب على كتف غاده / ولا يهمك نوره بتزعل لها كم يوم وبترضى هي ما تقدر على بعدكم لانكم من ريحة ساره وهي فقدت هند ولا تبي تفقدك

غاده بحب / طيب خالو علشان خاطري اطلع لها طيب خاطرها

عبد الرحمن / طيب وانا اقدر ارفض طلباتك

غاده / انا براضيها بعد ما تروق مستحيل اسافر وهي زعلانه


يتبع








عند نوره

جالسه بغرفتها وبيدها صورة ساره الي مخبيها عن غاده اسمعت صوت الباب يفتح لكنها مستمره تطالع بالصوره من غير لا تلتفت قرب عبد الرحمن منها وجلس بجنبها اخذ الصوره ودخلها بدرج الكمودينها لفها بجهته انصدم وهو يشوف دموعها

نوره وهي تبكي / ليش يا عبد الرحمن بعدت بنات الغاليه عني انت اكثر واحد تعرف اني اشوفها فيهن

عبدالرحمن بحزن / ادري يا لغاليه لكن الظروف اجبرتنا

نوره / هند وعرفت واقتنعت عن سبب موافقتك انها تبعد لكن غاده قولي ليه وافقت

عبدالرحمن / غاده لازم تبعد ما نبي يوصل لها فعايل ابوها مع هند انتي تعرفينها حساسه بتنهار وانا خايف عليها والسبب الثاني خايف العصابه لكتشفو كذبتنا ياذونها خليها تبعد يا لغاليه وهي سالمه احسن ما يبعدها الموت عنا

نوره بخوف / بسم الله عليها جعل يومي قبل يومهن

عبدالرحمن بحب / روحي طمنيها انك موافقه على سفرتها هي طلبت مني اطيب خاطرك وقالت مستحيل اتسافر وانتي زعلانه منها

هند بحب / فديتها غدويه بروح لها

طلعت من غرفتها نزلت تحت طقت على باب غرفة غاده ودخلت اول ما شافتها غاده ركضت لها وضمتها

غاده بحب / خالتو انتي تعرفين غلاك عندي ولا ابي اروح وانتي زعلانه

نوره بحنان / من قال اني اقدر ازعل عليك لكن تعرفين ان قلبي ما يقوى على بعدكم اولهم فهد وبعدين هند والحين انتي

غاده / خالتو كل اجازه تزوريني و ازورك تعرفين ما قدر على البعد

نوره بحب / لا وصيك على اخوك هناك وانتبهي على نفسك

غاده باست راس نوره / لا توصين حريص باهتم بنفسي وبفهود

نوره / يله بطلع انام نامي خلي السهر عنك وراك دوام ولا تنسين اسحبي اوراقك علشان ما يتاخر تسجيلك

غاده بفرح / ا ن شا ء الله و بكره العصر بودع الجوهره بروح لها في بيتها

نوره / خلي محمد يوصلك بكره ما عنده شي ولا تطولين يدوب تجهزين اغراضك وتشترين ملابس شتويه لان الجو هناك بارد

غاده / ان شاءالله

طلعت نوره من غرفة غاده ارجعت لغرفتها لقت عبد الرحمن نايم غيرت ملابسها ونامت



عند غاده

غاده بغرفتها متضايقه بسبب قرارها الي معتبرته هروب قررت تتصل على الجوهره وتقول لها قرارها


عند الجوهره

الجوهره كانت تشتغل بالمطبخ تسوي عشاء لنواف اذا جاء من الشغل شافت رقم غاده على طول ردت

الجوهره / هلا بالقاطعه

غاده / منهي القاطعه من تزوجت وهي مطنشتني صرت اكره نواف بسبتك

الجوهره / اكلتيني انا بعذري مشغوله بين زوج وبيت وجامعه والحمل متعبني انتي وش وراك من تزوجت ماجيتيني

غاده / استحي من ام نواف

الجوهره / هههههههههههه قولي غيرها انك تستحين من خالتي ماتدرين اش كثر غلاك عندها

غاده بجديه / انا قررت اسحب اوراقي من الجامعه وبكمل دراستي برا عند فهد

الجوهره بحزن / ليه الهروب يا غاده اذا تحبينه مره هو يحبك مليون مره لا تعذبينه يا غاده وتكسرينه

غاده تكابر / من قالك هالخرابيط انا بسافر علشان ماماتي ماقدر اعيش من غيرها

الجوهره / الكلام هذا قوليه لغيري لكن بكذب نفسي واصدقك

غاده / لازم اقابلك قبل لا سافر

الجوهره / الله يحيك باي وقت البيت بيتك

غاده / انا مسافره بعد يومين ووراي شغلات بسويها قبل لا اسافر

الجوهره / تعالي عندي بكره العصر يكون نواف توه طالع من البيت

غاده / خلاص بكره عندك لا وصيك بالحلى الي احبه

الجوهره / ولا يهمك ما طلبتي شي بكره لما تجيني بيكون قدامك

غاده / لازم اسكر سلمي على خالتي ام نواف والبيبي

الجوهره / ما تبيني اسلم على ناس ثانيه ووصل لهم خبر سفرك

غاده بصراخ / الجووووووووهره

الجوهره / وجع قصري صوتك اذني ابيها

غاده / تستاهلين يله مع السلامه

سكرت غاده الجوال و تفكيرها راح بعيد



عند الجوهره

سكرت التلفون وهي منقهر من غاده ليه تنكر حبها لفيصل وهو واضح وضوح الشمس وتفكر بفيصل الي عنده امل فيها وكل يوم والثاني ناشب لها علشان يسالها عنها وتشوف بعيونه العشق والحرمان لو بيدها اجبرتها على اخوها لانها متاكده محد بيسعدها كثره لكن ما باليد حيله وهي بتفكيرها سمعت صوت الجرس استغربت من الي جاي وباقي على رجوع نواف ساعه


ارسلت الشغاله تشوف من عند الباب وتفتحه وهي سرحانه بالمطبخ سمعت صوته وراها


فيصل / السلام ساعه وان ادق الجرس

الجوهره / حياك الله الاجودي عند طاريه

فيصل / اعترفي كنتي تحشين فيني قولي مع من التفت ما شاف الا الشغاله ليكون مع شغالتك

الجوهره / هههه لا كنت احش فيك مع حبيبت قلبك

فيصل لا شعوريا / غاده

الجوهره بحزن / انساها يا خوي غاده بتسافر تكمل دراستها برا ويمكن في الفتره الي بتسافر فيها تتزوج غيرك

فيصل اوجعه كلام اخته ورجعته لواقعه المرير وهو متاكد من هالشي لكن يحاول يتناساه ما قدرت اعظامه تشيله جلس على كرسي بالمطبخ

فيصل بالم / تبيني انسى روحي غاده روحي يا الجوهره حاولت اشيلها بعد الي سوته فيني وضرب على صدره بقوه لكن هذا متعلق فيها

ركضت له الجوهره ومسكت يده

الجوهره وهي تبكي / خف على نفسك يا خوي خل امي تخطب لك الريم يمكن تنسيك غاده

فيصل بوجع / لا ريم ولا غيرها بينسيني حب عمري الي من عرفتها ما شوف من الحريم غيرها مابي اظلم بنت الناس معي

فيصل بصوت كسير / طالبك وانا اخوك ابي اشوفها

الجوهره انفجعت من طلب اخوها / اسمح لي ما قدر تبيني اخون صديقتي وخليك تشوفها من وراها

فيصل قرب منها ومسك يدها وبرجاء / ارحمي حال اخوك اعتبريه اخر واهم طلب بطلبه منك تستخسرينه علي

الجوهره بالم / مامن شوفتها فايده بتضرك اكثر وبتزيد العشق والشوق بداخلك يا خوي مابي لك العذاب وشوفتها عذاب لك

فيصل بحب / انا متحمل العذاب لكن ما تسافر من غير لا شوفها اذا سافرت من غير لا شوفها هذا هو موتي

الجوهره باستسلام / سلامتك من الموت بتجيني بكره بعد العصر

اشرق وجه فيصل ونور / من الظهر وانا عندك

الجوهره حزنت على تغيره واشراق وجهه

بسبب وهم / لا تعال بعد صلاة العصر مابي نواف يلاحظ وانت تعرف نواف ضد حبك لغاده

فيصل بفرح / فكينا من نواف بجيك العصر وبجيب معي حلويات علشانها واذا ناقصك شي كلمني اجيبه لك

الجوهر طالعته بعيون حزينه / والله ما تستاهل حبك ولا احد يلاقي احد يحبه كل هالحب ويطنش

فيصل بحب / تستاهل واكثر لا تنسين قبل كل شي انها بنت عمنا



عند جاسم


بعد الي صار بينه وبين هند طلع من غرفته وركب سيارته وهو متضايق حزين على تهوره وضربه لها

رجع للبيت لقى جداته جالست جلس معهن بالجسم لكن قلبه وروحه معها نفسه يشوفها بعد ما ضربها خاف ان عمليتها تاثرت من ضربه شاف الجدات ينعسن فيهن النوم وقف

جاسم / انا طالع بنام لازم بكره الصباح اطلع لرياض وبرجع بالليل

ام راشد / يوليدي ارحم نفسك من هالمشاوير

جاسم قرب منهن وباس راسها / الي ربي كاتبه بيصير لو نايم بفراشي

طلع فوق وطلع لغرفته دخل الحمام اخذ شور ولبس بجامته وانسدح على سريره وحاس بضيقه وتانيب ضمير وخوف عليها من بعد الي صار بينهم ما شافها




عند هند


من بعد ما ضربها جاسم وهي معتكفه بغرفتها مالها خلق تشوف احد حست بالمهانه والقهر لو الجدات شافن اثار الضرب مراح تسلم من السانهن وعارفه ان كفة جاسم الرابحه

لكن مستحيل تخلي الي سواه يمر بالساهل بتخليه يدفع ثمن ضربه غالي هذي ثاني مره يضربها للحين ما هي مستوعبه شلون استسلمت له وخلته يضربها

قامت اخذت حبتين من المسكن الي فيه نسبة منوم تبي تنام وتريح جسمها ومخها من التفكير رجعت لسريرها دقائق نامت



عند فيصل

بعد ماطلع من بيت نواف ركب سيارته متجه لبيتهم دخل البيت لقى امه جالسه تنتظره

ام جاسم / وينك فيه اتصل عليك جوالك مغلق

فيصل / كنت عند الجوهره وجوالي يمكن مخلص شحنه

ام جاسم / احط لك عشاء

فيصل / تسلمين يالغاليه تعشيت

ام جاسم / وانا امك ما تدري عن اخوك

فيصل / مرني اليوم مضطر يرجع لديره

ام جاسم بخوف / ليكون جداتك ولا هند فيهم شي

فيصل / تطمني ما فيهم الا العافيه نسيتي انه معرس جديد ما يقدر على فرقى عروسه

ام جاسم بحسرة / الله يهنيه واشوف عياله

فيصل في نفسه / من وين يجون العيال من الهواء الله يكون بعونك يا خوي

فيصل / امين واصير عم اسمحي لي يالغاليه بطلع

طلع فيصل لغرفته دخل الحمام اخذ شور ولما انسدح على سريره وهو كله شوق ولهفه لبكره مشتاق يشوفها قبل لا تغيب عنه طلع اااااااه طويله تحكي عن معاناته

يتبع








في بيت خالد


غاده جالسه بغرفتها زهقانه متضايقه من خالد لانه تاخر عند ربعه بالاستراحه من بعد غياب هند وهو متغير ماله خلق لها وكل يوم سهران مع ربعه ومطنشها يجي ينام يقوم يروح لشغله وملامح الحزن مرسومه على وجهه هي متاكده الي مضايقه غياب هند وشوقه لها لانه ما تعود على بعدها لانهم روحين بجسد وحده

سمعت صوت الباب يفتح يوم تطمنت برجوع خالد تظاهرت بالنوم


خالد دخل الغرفه والتفت لسرير شافها نايمه وهو متاكد انها تتظاهر بالنوم ما تبي تضايقه قرب من السرير وجلس بطرف الثاني قرب منه وحضنها

خالد بحب / اعرف انك صاحيه وتتظاهرين بالنوم

غاده لما سمعت نبرة صوته بكت دموعها بللت جسمه بعدها عن حضنه

خالد بحب / كل هذا انا مسويه ونزلت دموعك
قرب منها وباس عيونها غاده مستمره بالبكاء ما اصدقت ترتمي بحضنه لها فتره محرومه منه

خالد بحب / حبيبتي سامحيني والله مدري ليش انا اسوي كذا ومهملك ابيك تتاكدين انك بالقلب والروح من غابت هند وانا كاره نفسي مدري هي مبسوطه زعلانه محتاجه شي

هند بديره عمرها ماجتها عند ناس توها متعرفه عليهم وانا خايف ان جاسم يخذلنا وخايف عليها من العصابه
غدويه على قلبي هموم ما يعلم فيها الا رب العباد غير ضغط الشغل الي متعودين نتقاسمه بينا صار علي لحالي

غاده بحب / حبيبي والله عاذرتك بكيت من شوقي لك من زمان ما سولفنا وضيقتك ضيقتي ياروح غاده
ابي لا ضايقك شي اشاركك فيه تفضفض لي مابي تكتم بنفسك خايفه عليك
حياتي ما صار لها طعم الا بعد ما تزوجتك

خالد يرجعها لحضنه ويضمها بقوه / هذا عشمي فيك ما بي اضايقك بهمومي

قاطعته غاده / همومك همومي مثل ماهمومي همومك ولا انا غلطانه

خالد بيغير الموضوع يبتسم بخبث / وش ها لزين بها ليومين محلوه لا والقميص الي لابسته خطيرر ما يتقاوم

غاده حمر وجهها / خلود

خالد / عيونه وروحه وقلبه

غاده بحياء / تسلم عيونك




عند جاسم

بغرفته على سريره يتقلب وهو محترق بداخله طالع بساعته شاف الساعته 4 الفجر قلبه وعشقه سيره وطلعه من غرفته دخله غرفتها بيتطمن عليها كانت الاضاء خافته والغرفة بارده وريحتها الي يعشقها ماليه المكان

قرب منها اكثر متاكد مستحيل بتحس فيه رفع على الاضاء بيتطمن على عمليتها خاف انها تاثرت من ضربه

قرب منها وهي نايمه نزل بخفه بلوزتها انصدم من اثار الضرب وعلاماته الواضحه بجسمها حس بوجع بقلبه وانقهر من نفسه قرب اكثر ونزل راسه مكان علامات الضرب وباسها بحب وعشق

جاسم في نفسه بحزن / اااااااااه يا روح جاسم ليه طلعتيني من طوري وخليتي افقد اعصابي وخليتي يدي تنمد عليك

ليه عايرتيني بعشقي وخليتيني اصير وحش هذا الي تبينه رجال قاسي ما يرحم يجعل يدي الي مديتها انكسرت قبل لا تنمد عليك

غصب عنه دمعت عيونه صاير يتصرف تصرفات بعيده عن شخصيته اخذ البلوزه ولبسها وطلع من عندها حزين كئيب قلبه ما يقوى يشوفها تتوجع كيف وهو سبب ها لوجع


في بيت نواف


نواف منسدح على سريره يقرا كتاب في يده اطلعت الجوهره من الحمام بعد ماخذت شور واضح على وجهها التعب والارهاق دخلت في سريرها انسدحت جنب نواف الي ترك الكتاب وقربها منه

نواف / الجوهره فيك شي يوجعك شي

الجوهره بحزن / ذبحني التفكير بحال اخواني جاسم اللهم لك الحمد استقر لكن فيصل عايش على وهم وحاله ماله بالنازل

نواف بحب / حبيبتي اخوانك كبار لا تشيلين همهم والي عقله براسه يعرف خلاصه ترى التفكير مضر لك وللجنين

الجوهره غصب عنها نزلت دموعها من يوم طلع من عندها فيصل وهي خانقتها العبره

نواف مسح دمعتها / افا يذا العلم جوهرتي تبكي لا تخليني اقوم وتوطى ببطن فيصل الي سبب دموعك

الجوهره تبتسم / لا فديتك تعرف الحامل النفسيه زفت وخاصه بشهرها الاخير بسرعه تبكي

شدها نواف لحضنه / متى يجي ولي العهد مشتاق له

الجوهره / ابي بنت

نواف باس جبينها / الي يجي من الله حياه الله قومي تعوذي من ابليس وسكري النور ونامي تحتاجين لراحه





عند جاسم

دخل غرفته حاول ينام لكن حاس انه مخنوق قرر يرجع لرياض شال شنطته واخذ الملف وطلع من غرفته وركب سيارته راجع لرياض





في بيت نواف


الجوهره تتقلب على سريرها وهي تحس بمغص سهرانه طول الليل بسبب الوجع كل ماجت بتصحي نواف انكسر خاطرها عليه ما تبي تنكد عليه نومته معاد تقدر تصبر اول ما شافته صحى

الجوهره / نواف شكلي بولد طول ليلي اتوجع من بطني وظهري

نواف مستغرب / توك داخله التاسع

الجوهره وهي تبكي من الوجع / نواف خلك من السوالف ودني المستشفى

نواف رحمها / ياله البسي بسبقك لسياره

الجوهره لبست عباته وركبت السياره جنب نواف وهي تتلوى من الوجع

نواف / الجوهره كلمي امك خليها تروح معنا انا وش يفهمني بسوالف هذي

الجوهره / لا كلم امك امي فيها سكر وتحاتي اخاف يصير فيها شي

نواف اخذ جواله وتصل على امه

نواف / صباحك الله بالخير يالغاليه ياليت تطلعين برا انا بسيارتي

ام نواف بخوف / وش فيه صاير شي

نواف / لا بس الجوهره شكلها بتولد وهي طالبتك


ام نواف / يله بالبس عباتي

انزلت الجوهره ورجعت وراء احترام لام نواف

فتحت ام نواف الباب ودخلت التفتت على الجوهره وراء

ام نواف بحب / ما تشوفين شر يا بنتي الله يقومك بالسلامه وتجيبين الحفيد الي طول عمري انتظره لكن الله يهدي ابوه

نواف / الله يقومها بالسلامه

رفع نواف جواله وتصل على الدكتوره ليلى دكتوره شاطره وكبيره بالعمر طلب منها تجهز غرفة الولاده ويجهزون كرسي للجوهره اول ما وصل نزل ونزلت امه فتح نواف الباب الي وراء سند الجوهره جلسها على الكرسي والممرضات دفوها لغرفة الولاده

نواف وامه واقفين قدام الغرفه

الدكتوره ليلى / يا بني خذ الوالده خلها ترتاح شكل الولاده بتطول هي بكريه


ام نواف / لا وانا امك بجلس بالكراسي الي هنا

نواف استسلم لطلب امه مو رايق يجادلها يكفيه التوتر الي فيه

ام نواف / كلمت امها يمكن تبيها عندها

نواف / الجوهره خايفه عليها من السكر

ام نواف / الله يقومها بسلامه




بالديره
عند هند

صحت من النوع شافت النور طالع من شباك غرفتها قامت وهي تحس بصداع وكل جسمها يوجعها

دخلت الحمام توضت وصلت وبعد رجعت تاخذ شور وقفت قدام المرايه شافت بلوزتها مقلوبه منصدمه شلون مانتبهت انها لابستها مقلوبها بعمرها ما صارت معها هي دقيقة وحريصه بكل شي

هند في نفسها / كله من جسوم النذل حتى صرت اقلب ملابسي لكن هين ما كون بنت الفهد ان ما بردت حرتي فيك

نزلت بلوزتها انصدمت من اثار الضرب من حسن حظها انه كل بالجسم باماكن مخفيه مستحيل احد يشوفها لكن فيه بعض الضربات الخفيفه على الكتف والذراع

هند بصوت عالي / جعل ايدك للكسر انا انضرب من واحد حقير مثلك الي مقهوره منه للحين شلون استسلمت لضربه شكل صاير بعقلي شي مردوده لك

شلون بشوف شغلي وجسمي مكسر و عمليتي تنغزني لبست وانزلت عند جداتها الي واضح عليهن انهن على زعلهن من امس

قربت منهن وهي تتظاهر انها مو منتبه لهن سلمت على روسهن

ام راشد بزعل / وينك من امس ما شفناك ولا زعلانه من نصيحتنا وخوفنا عليك

هند بحزن / ما بغيت اضيقكم بشوفتي الظاهر اني صرت ضيفه ثقيلة

ام موضي بحب / انتي تعرفين فرحتنا بوجودك عندنا والله يابنتي الي نسويه من خوفنا عليك

هند / عارفه وانا مبسوطه عندكم لكن مابي تغثني بجاسم

ام راشد / جاسم زوجك وله حقوق عليك

هند بطمن جداتها / انا وجاسم كبار بنحل مشاكلنا بينا انتن ارتاحن ولا تشيلن همنا ولا تضيقن صدوركم كل زوجين تصير بينهم مشاكل في بداية زواجهم لانهم ما تعودو على بعض مع الوقت بتزول

الجدات / ارتاحن من كلام هند وهن عارفات ها لشي لكن يضايقهن حال جاسم

هند / افطرتن تراني ميته جوع

ام راشد ابتسمت من تحت برقعها / من جيتينا اول مره اسمعك تقولين انك جوعانه

هند ابتسمت / اجل قايمه اجيب الفطور

دخلت عند الشغلات جابت الفطور افطرت مع جداتها وجلست تسولف معهن



بالرياض
في بيت ام جاسم
عند فيصل


صحى من نومه صلى الفجر بالمسجد ومن بعده جفاه النوم وتفكيره كله في غاده مشتاق لشوفتها قرر انه يكلمها ويحنن قلبها عليه معاد يقدر يصبر عن البعد اكثر من كذا يمكن الله يهديها وتبرد نار شوقه

تقلب على سريره بينام مقابلتها يبي لها استعدد يبي يكون متهيئ لشوفتها وللكلام الي بيقوله لها
فيصل في نفسه بحب / متى يمر الوقت واشوفك والله ندمان على قد شعر راسي على الكف يليت يدي انكسرت قبل لا مدها عليك

اكيد كرهتيني اكثر من قبل لكن انا زاد حبي وعشقي لك يا ليت يقلب فيصل ترحمين حالي وترجعين لي وتنسين فكره السفر ما قدر اعيش بمكان انتي منتي فيه على الاقل نتنفس نفس الهواء انتفض من مجرد فكرة انها بتسافر وتبعد

طار النوم من عينه قرر ينزل يجلس عند امه ويروح لشركته يضيع عليه الوقت لين يجي الموعد بينجن لجلس بغرفته لحاله صار يكلم نفسه طالع بساعته شافها 6 الصباح

نزل شاف امه جالسه تطالع ببرنامج ديني في التلفزيون دخل عليها قرب منها سلم على راسها

فيصل / صباحك الله بالخير يا لغاليه

ام جاسم / الله يصبحك بالخير

فيصل / افطرتي يالغاليه

ام جاسم / لا ماشتهي لحالي

فيصل بحب / انا بفتح نفسك للفطور

طلبت ام جاسم من الشغاله تجيب الفطور بعد الفطور طلع لشركته









في بيت عبدالرحمن

بالصاله جالسه نوره مع ولدها عدنان يفطر بيوصله السواق لمدرسته

عدنان / يمه قولي لابوي يجيب لي سياره

نوره / سياره ما فيه الا لما تدخل الجامعه

عندنان / يمه صرت اتفشل وانا مرتز قدام السواق كاني بزر يوصله لمدرسته تراني رجال

نوره / وعد مني لما تدخل الجامعه اخلي ابوك يا خذك للمعرض وتختار احلى سياره

عدنان بفرح / بصبر الله يعيني كلها سنه مو بكره تقولين ما وعدتك

نوره / وانا قد وعدتك بشي ولا نفذته

عدنان بحزن / هند الي كانت تنفذ طلباتي يمه مشتاق لها خلينا نزورها بالديره

فتح عليها المواجع مشتاقه لها اكثر منهم كلهم من طلعت من البيت وهي تحس البيت خالي شايله هم سفر غاده بعدها بيكون البيت مظلم بارد هي الي مصبرتها على غياب هند

غصب عنها نزلت دمعها ما قدرت تمنعها

نوره بحزن / عدنان قوم روح لمدرستك لا تتاخر

طلع عدنان من الصاله وهي باحزانها دخلت عليها غاده

قربت منها غاده ونوره بسرحانها باستها على راسها

غاده بحب / الجميل سرحان ولا معبرنا

نوره طالعته بحب وبصوت حزين / تعالي غدويه بحضني

قربت غاده منها ورمت نفسها بحضن نوره وهي متاكده ان الي فيها بسبب سفرها شدتها بقوه لحضنها

نوره بحزن / بيفقدك حضني لسافرتي

غاده / خالتو الي يسمعك تقولين ها لكلام يقول بهاجر انتي تعرفين ما قدر اصبر عنكم يا تجوني يا جيكم كلها ثلاث سنوات وبتمر بسرعه الا انا جايه ومعي شهادتي الي برفع فيها راسكم

نوره / الله يعديها ويرجعك لي بالسلامه

غاده رفعت نفسها عن حضن نوره

غاده / خالتو تعالي معي انا وفهودي نحتاجك

نوره / ما قدر اترك عدنان واسافر

غاده / خالتو عدنان كلها سنه وبيسافر يكمل جامعته برا

نوره / لاخلصت السنه يصير خير

غاده طالعت بنوره بحزن / خالتو بسافر من غير لا اودع ماماتي

نوره بحزن / سافري متى مازال الخطر عنها بتجيك

غاده / لا تنسين اليوم موعدي بعد العصر مع الجوهره

نوره / لا ما نسيت اذا طلعتي من عند الجوهره بنمر السوق كله بكره ولا الي بعده وبتسافرين

غاده باستها بقوه / فديتها الي مانست





في المستشفى

نواف جالس على اعصابه طلعت الدكتوره ليلى من الغرفه

نواف ركض لها / هاه بشري يا دكتوره

الدكتوره تبتسم / يا بني جاتك عروسه حلوه مثل امها

نواف بفرح / الله يبارك فيك شلونها الجوهره

الدكتوره / بخير لكن تعبانه شوي لانها بكريه

نواف ركض لامه الي منسدحه بغرفة الانتظار بعد ما غصب عليها نواف انها ترتاح

نواف / يمه ابشرك الجوهر ولدت وجابت بنت

ام نواف بفرح / الله يبشرك بالخير شلونها

نواف / بخير

ام نواف / بروح اتطمن عليها

نواف انتظري شوي بينقلونها لغرفة عاديه

ام نواف / يمك كلم عمتك بشرها
طلع جواله من جيبه واتصل على فيصل


عند فيصل

جالس بمكتبه مهموم يفكر كيف بيقدر يشوفها كان حاط امله بزيارتها للجوهره

سمع صوت جواله شاف رقم نواف

فيصل / الو هلا نواف

نواف بفرح / ابشرك الجوهره جابت بنت وهي بخير

فيصل حس بخيبت امل انه مراح يشوف غاده

فيصل ببرود / مبروك بكلم امي ابشرها

سكر من نواف اتصل على امه


عند ام جاسم

الي كانت بالمطبخ تجهز الغداء شافت رقم فيصل على طول ردت

فيصل / السلام على الغاليه

ام جاسم / الله يسلمك انت وينك فيه تاخرت

فيصل / بالشركه البشاره يالغاليه

ام جاسم / ابشر بالي تبي

فيصل / ابشرك الجوهر ولدت وجابت بنت وهي بخير

ام جاسم كانت ماسكه ملعقة بيدها طاحت لما سمعت الخبر

ام جاسم / تعال ودني لها المفروض رايحه معها وقت الولاده لكن حسابهم عندي بعدين

فيصل / يا لغاليه ما يبون يشغلونك

ام جاسم بفرح / اهم شي انها قامت بسلامه

فيصل / خليها الظهر نزورها توها ما نقلوها لغرفتها

ام جاسم / لا تتاخر علي

قفل من امه وهو حاس بخيبت امل على كثر فرحه بولادة الجوهره على كثر حزنه انه بينحرم من شوفتها



في المستشفى
عند نواف

نقلو الجوهره لغرفتها دقائق دخل عليها ام نواف

ام نواف بفرح / مبروك العروسه

الجوهره / الله يبارك فيك خالتي السموحه اني تعبتك معي

ام نواف بزعل / انتي بنتي غلاك مثل نجلاء

الجوهره بحب / الله لا يحرمني منكم

ام نواف / انتبهي على نفسك يمه انا راجعه للبيت وترى نواف بشر امك ويمكن الحين جايتك بالطريق

طلعت ام نواف من عند الجوهره وصلها نواف البيت دخل البيت شاف ابوه بالصاله مستغرب من غياب ام نواف من غير لا يكون عنده خبر خاف ان صاير شي

قرب نواف من ابوه وباسه على راسه

نواف / ابشرك الجوهره ولدت جابنت بنت

ابو نواف بفرح / يجعله مبارك وتتربى بعزك

ام نواف / اكلت شي ولا اسوي شي تاكله

ابو نواف / لا والله ماشتهيت وانا مدري وينك فيه خفت صاير شي مو زين

ام نواف رمت عباتها على الكنب ودخلت المطبخ جهزت فطور ابو نواف افطر معه نواف وطلع لشركته ونواف رجع للمستشفى يبي يشوف الجوهره




في بيت عبدالرحمن

غاده في غرفتها تستعد لزيارتها الجوهره مسكت جوالها اتصلت على جوال الجوهره

الجوهره كانت بغرفتها لي انقلوها لها جالسه لحالها بعد ما طلع نواف يوصل امه شافت رقم غاده ابتسمت

غاده / وينك عن جوالك كسرته من كثر ما تصلت ولا تردين

الجوهره بفرح / بارك لي

غاده مستغربه / على شنوا ابارك

الجوهره / ولدت وجبت بنت

غاده بمزح / مبروك هذي ما عرفت تطلع الا لما جيت بزورك حرمتني من حلاك

الجوهره / فديتها قلبها على امها ما تبيها تتعب

غاده / ههههههه مالت عليها وعلى امها الي كشختي بتروح خساره

الجوهره / غدويه تعالي زوريني الحين بالمستشفى تعرفين مستشفى نواف والزياره مسموحه لي باي وقت تعرفين واسطه

غاده / ازورك الحين استحي اشوف احد من اهلك

الجوهره / تطمني الي خايفه وتتهربين من شوفته مراح تشوفينه

غاده / يكرهي لك لحطيتي نفسك فاهمه بسكر بحاول بخالتي تجي معي

الجوهره / انتظرك لا تتاخرين

غاده / ان شاء الله


عند غاده


طلعت لغرفة خالتها دقت الباب سمعت صوت نوره تسمح لها بالدخول دخلت قربت من خالتها باست راسها

غاده / خالتو الجوهره جابت بنت

نوره اطالع فيها وشافتها كاشخه نوره / ههههه خربت الزياره اكيد

غاده / بزورها بالمستشفى لازم اودعها

نوره / قولي لمحمد يوصلك لها ويردك ورانا سوق

غاده / استحي ابيك تروحين معي

نوره / متى تبينا تروحين

غاده / الحين

نوره / روحي غسلي عيونك من الكحل

غاده / اكيد بمسحه تعرفين مستحيل اروح سوق او مشاوير وانا متكحله اخاف افتن العالم

نوره / هههههههه يا واثق

غاده / يله لا تاخريني البسي وانتظريني تحت

طلعت غاده من غرفة خالتها دخلت غرفتها غسلت وجهها من المكياج وشالت الكحل ولبست تنوره سوداء وبلوه شيفون اخضر


نزلت لقت خالتها لابسه عباتها تنتظرها

نوره / تاخرتي

غاده / انتي الي بسرعه خلصتي

طلعو ووصلهم جابر للمستشفى



عند فيصل

وصل للبيت دخل لقى امه جالسه بعبايتها طلعو ركبو السياره رايحين للمستشفى





عند الجوهره

دخل عليها نواف بلبس المستشفى ومعه باقة ورد قرب من سريرها باس جبينها

نواف / الف مبروك حبيبتي على البنوته

الجوهره بحب / نواف شفتها كيف صحتها

نواف يبتسم / تشبهني شكلك متوحمه علي

الجوهره اطالع فيه ودققت بملامحه / لا تقول عاد

نواف يتظاهر العصبيه / لا يكون شكلي مو عاجبك

الجوهره بحياء / اكيد عاجبني ونص

نواف / تبين تشوفينها خليت الممرضات يجبونها لك وترضعينها رضاعه طبيعيه

الجوهره / عفيه نواف متلهفه بشوفها وابي ارضعها

دق جرس الممرضه جته بسرعه

نواف طلب منها تجيب له البنت دقايق دخلت الممرضه تدف سرير

فز قلب الجوهر وبدات تحس باحساس الامومه رفعتها الممرضه من سريرها وحطتها بحضن امها الجوهر اخذتها بين احضانها بحب وطلعت لها صدرها وبدت ترضعها

الجوهره / نواف وش فيه صغيره ولونه احمر

نواف قرب من بنته / كل الي بالحضانه لونهم احمر و حجمها زين

الجوهره / ليه عيونها منفوخه تقول صيني

نواف / ههههههههههه شكلها ماعجبتك

الجوهره بحب / الا حلوه لكن اشباهه ماهي واضحه

سمعو طق على الباب الا بفيصل يطل براسه

فيصل / شكلي خربت الجلسه عليكم امي معي تبي تطمن على بنتها

الجوهره بحب / فديتها اكيد بتزعل مني

فيصل / تهدد فيك وتتوعد بنواف

ام جاسم وراء فيصل / شغلهم عندي بعدين خليني اتطمن عليها وشوف حفيدتي

فيصل / اخيرا صرت خال

تقدم من الجوهره وسحب بنتها منها وصار يبوس فيها

الجوهره بعصبية / فيصل اترك البنت نواف شوفه اخاف يذبحها

نواف سحبها من فيصل ومدها لام جاسم

نواف / البنت تبي جدتها

ام جاسم باستها بحب / الله يخليها لجدتها

ام جاسم التفتت لفيصل / كلمت جاسم قلت له

فيصل طلع جواله بيتصل على جاسم


يتبع









عند جاسم

كان بسيارته ضايقه فيه الدنياسمع صوت جواله شاف رقم اخوه طنش ماله خلق يسمع صوت احد الي فيه من هم يكفيه

شاف اصرار فيصل بالاتصال خاف وبسرعه رد

جاسم ببرود / الو

فيصل / جاسم وينك فيه

جاسم بحزن عميق / جاي بالطريق

فيصللحظ الحزن بصوت اخوه ماحب يطول عليه

فيصل / ابشرك الجوهر ولدت وجابت بنت

جاسم ببرود / مبروك وانا بمرها بعد مامر عبدالرحمن بسلمه اوراق التنازلوبجيكم

فيصل متاكد ان في جاسم شي وشي كبير قالب حاله

فيصل / تجيبسلامه فمان الله وانتبه على الطريق



عند فيصل

كانبرا الغرفه وهو يكلم اخوه دخل شاف الجوهره رافعه جوالها تكلم غاده الي كلمتها بتاخذوصف الغرفه
الجوهره قفلت من غاده وتبي تدور أي طريقه يبتعد فيها فيصل عن المكانلين تروح غاده

الجوهره بارتباك / فيصل فديتك ابي شغله من بيتي ونواف عندهشغل ياليت تروح تجيبهم

فيصل حاس ان الجوهره تصرفه من المكان وهو ماسك مقبضالباب كانت غاده ماسكته من الجهه الثانيه فتح الباب تفاجئ وهو يشوف حرمتين متغطياتنزل راسه وطلع


عند غاده

غاده اول ما شافته زادت دقاتقلبها من قوها خافت تنفضح ويسمعها انصدمت من شكله تغير عن اخر مره شافته فيها زادجمال ورزه حاولت تكون طبيعيه دخلت بسرعه وبيدها باقة ورد كبيره مع سله فخمه حلوياتمع نوره


عند فيصل

فيصل قلبه دله انها حبيبته الي مستحيليضيعها نفسه يسحبها من المكان ويقول لها كل الي بخاطره

دخلت غاده عندالجوهره تاركه وراها فيصل جسم وروحه دخلت معها مشتاق لكل شي فيها صوتها شكلهاعنادها قوتها


وقف متسند على الجدار قريب من الباب يبي يسمع صوتها


عند غاده


دخلت وهي بارتباكها حطت الورد على الطاولهبجنب الجوهره


وام جاسم اخذت سلة الحلويات من نوره

الجوهرهتكتوي وجع على حال فيصل تمنت انه استجاب لكلامها وطلع من غير لا يشوفها

ابتسمت ابتسامه مصطنعه وهي تشوف غاده

قربت من الجوهره وضمتها بحب / الف مبروك


الجوهره / الله يبارك فيك

غاده بحزن / ما قدرت اسافرمن غير لا ودعك بعد بكره طيارتي وبنشغل عن زيارتك


الجوهره بادلتهاالحزن / تروحين وترجعين بالسلامه

قربت نوره من الجوهر وسلمت عليها وعلى امجاسم وباركت لهم

بعد فتره بسيطه من الزياره والسوالف

نوره / مضطريننطلع ورانا مشاوير وان شاء الله بزورك بالبيت

غاده / الجوهره ابي اشوفالبنوته

الجوهره / نواف طلب من الممرضه توديها الحضانه خايف عليها

غاده بترجي / خالتو بروح اشوفها قبل لا نطلع



عند فيصل

سمع الكلام الي قالته غاده للجوهره وهو مع كل حرف ذايب مغرم فيها حتىالنخاع حاول يكابر لكن من يشوفها يتجدد العشق الي بقلبه ما كان يتوقع بيجي يوم بنتتسلب له قلبه ويعشقها حتى الجنون

فيصل في نفسه / ااااااااااه منك يا غادهارحميني كافيني عذاب بتسافرين وتاخذين روحي معك ارحميني وردي علي روحي يا بعد روحي


عند غاده


طلعت غاده والقت نظره وداعية على فيصلوتلاقت العيون الي تحكي كلام كل واحد فيهم يجهل لغة عيون الثاني

استحت غادهونزلت عيونها وسحبتها نوره بيدها


تمشي جسم بدون روح تركت روحها عندفيصل الحين تاكدت انها تحبه تحاول تتهرب من احساسه بحبه

غاده في نفسها / اكذب على الناس واقول اكرهه لكن بقلبي اموت فيه


قطع عليها افكارها صوتنوره تكلمها

نوره / وصلنا للحضانه يله ندخل نشوف البنت ونطلع

دخلوشافو البنت وطلعو طلعت عكس ما دخلت طلعت وهي مهمومه وحزينه




عند فيصل

من بعد ما تركته لحقها يبي أي فرصهلكن امله تبخر وهو يشوفها راكبه السياره راقب بعيونه السياره لين اختفت

ركلالجدار برجله من القهر الي بداخله ماحس بالوجع واصبعه الي ينزف دم

فيصل فينفسه وبحزن عميق/ مو معقوله يكون هذا الوداع ولا راح اشوفها الا بعد ثلاث سنين هذااذا شفتها وش يصبرني كل هالسنين

يويل حالك يا فيصل والحل لازم اشوفها لازمباي طريقه لو سافرت قبل لا شوفها بيصير فيني شي

قرر انه يطلع من المستشفىحاس انه مخنوق يمكن بالصدفه يشوفها

ما حس بنفسه الا واقف بالشارع الي مقابلقصر عبد الرحمن وانصدم وهو يشوف البيت خالي من السيارت تاكد ان غاده بر للحين ماوصلت


بيجلس بسيارته بينظر لين تجي يبي يلمحها من بعيد يكحل عيونهبشوفتها ما يقدر على نار البعد وهيبتغيب ثلاث سنين يا طولها بقلب العاشق



عند جاسم

وصل لبيت عبد الرحمن نزل من سيارته دقالجرس وهو ماله خلق لمقابل احد فتح له محمد سلمه الاوراق وطلب منه يسلمها لبوه طلبمنه محمد يدخل لكن رفض وتحجج بالتعب من الطريق واتصل على عبدالرحمن ياكد له انه جابالاوراق

ركب سيارته بيزور الجوهره يمكن تتغير نفسيته وصل للمستشفى سال عنغرفة الجوهره دخل وهو يحاول يكون طبيعي طق الباب كانت الجوهره بالغرفه وبحضنهابنتها دخل جاسم وقرب من الجوهره وباس راسها

جاسم يتصنع البسمه / مبروك منيصدق اني شفتك ام

الجوهره / الله يبارك

اخذ جاسم البنت منهايلاعبها ويبوسها بخدها الناعم

جاسم / سميتوها

الجوهره / باقيمحتارين بالاسامي

جاسم في نفسه / ياليتكم تسموها هند يمكن لما اسمع اسمهايعوضني عن حرماني منها

الجوهره / شخبارها هنوده

جاسم بالم / طيبهانتبهت الجوهره لحال اخوها


الجوهره / جاسم وش فيك

جاسم / مافيني شي تعبان من مشوار الطريق وينها امي وفيصل

الجوهره / امي طلعت بتجيبلي اغراض وبترجع وفيصل كان عندي ومن دقائق طلع

جاسم / وينه نواف



الجوهره / من شوي عندي تلاقيه بمكتبه

جاسم / بطلع ابارك له



عند جاسم


طلع من عند الجوهر وصل لمكتب نواف دخل نواف جالس يوم شافه من الصدمه وقف

نواف / وش في شكلك كذا عسى ماشر

جاسم / مبروك قبل لا تاخذني بالسوالف

نواف / الله يبارك فيك ةين الي بيغيب شهر كل ماخذت اجازه قطعتها

جاسم بقهر/ من خبالي الي اظن الامور بتتعدل مع بنت العم

نواف / شي مو جديد من اخذتها وهي تعذبك

جاسم بوجع وقهر / طلعتني من طوري وضربتها

نواف منصدم مبقق عيونه من الصدمه / يكبرها كبراه تضرب بنت الفهد وشلون قدرت عليها ليكون تحلم

جاسم بوجع / ضربتها بحزام بنطلوني سلخت جلدها من الضرب

نواف / انت يوم شطح نطح يا رايح بخرايطها مع بنت العم ولا تضربها بوحشيه من متى الرجوله بضرب الحريم

جاسم بوجع/ الي عندي جبل مو حرمه وربي يانواف يوم اضربها اتوجع اكثر منها لكن زودت الضرب عليها ابي اسمع الااااااه منها ماسمعتها يقوها قواه يمكن لو الجدار الي وراك حس هي حست

نواف بجديه / وبتتزوج عليها تبيها تكتوي بنار الغيره وتحرقها بتحرق نفسك قبل لا تحرقها حبها وعشقها متمكن منك
اسمع نصيحتي وبطل من فكرة الزواج وخلك قوي وواجها بدال ما تجيب طرف ثاني وتظلمه معك

جاسم بوجع / اول كنت متردد بفكره الزواج لكن بعد الي صار مصر اكثر علية

نواف مستغرب / الي مستغربه شلون قدرت تضربها وشلون جيتني سالم من غير اصابات

جاسم يبتسم بالم / ما طاوعني قلبي خفت على عمليتها دخلت بغرفتها وهي نايمه تفقدت جرحه شفت علامات ضربي واضحه ما صدقت اني قسيت عليها وضربتها كل هذا الضرب تصدق شكيت اني ما ضربتها الا لما شفت العلامات مدري شلون طاوعني قلبي وضربتها من غير رحمه

نواف بجديه / انت ينطبق عليك اتقي شر الحليم اذا غضب
جاسم وقف / انا طالع لمكتبي



عند جاسم



طلع لمكتبه جلس وهو طفشان ومن حسن حظه ان ما عنده حالات لانه بايجازه حط راسه على مكتبه

سمع صوت الباب يطق سمع فتحت الباب رفع راسه شاف قدامه الدكتوره سعاد بتبرجها المعتاد

جاسم في نفسه / والله حرام تصير هذي بديله لهند حرام تصير ام لعيالي المشكله على كل الي حاطته ما ثرت فيني عكس هند وهي بطبيعتها املكت القلب

جاسم انتبه لنفسه / خير دكتوره سعاد اذا عندك شي ضروري قوليه ولا اطلعي لاني تعبان

الدكتوره سعاد جلست بكل ثقه / الحمد لله على السلامه

جاسم بملل / الله يسلمك

جاسم في نفسه / شلون بتزوجها وعيش معها طول عمري ودقيقتين طفشان من مقابلها الظاهر عشقي لهند صرت ماشوف غيرها


قطعت تفكيره صوتها سعاد بغرور / جيت من يومين اسئل عنك كنت ابي اعزمك على ملكتي لكن خساره صارت من غير وجودك

جاسم تفاجئ وهو ما ينكر انه انبسط انها تملكت ورحمته من الي كان ناوي يسويه يمكن الي صار خيره له ورساله ان تفكيره بالزواج غلط

جاسم بابتسامه / الف مبروك ان شاء الله احضر زواجك ومعي المدام

سعاد بقهر / الله يبارك ما سالتني من زوجي

جاسم بعدم اهتمام / على انه ما اهتم بها السوالف من هو زوجك

سعاد بكل غرور بتقهره / الوزير ال..........

جاسم طالعها بقرف عرف ان شخصيتها تافه جايه بتحره وتكايده انها تزوجت افضل منه

جاسم بغرور/ الله يهنيك يكفيني بنت الفهد الي ما بدله بصنف الحريم

سعاد كانت بتغيضه غاضها مقهوره منه

سعاد بوقاحه / كفوك بنت الفهد

جاسم انقهر منها بيغيضها / الطيبات لطيبون وطالعها وكمل والخبيثات للخبيثين

وقفت بكل عصبيه صكت الباب بكل قوتها و طلعت من غرفته وهي مولعه قهر

هي ما وافقت على زواجها من الوزير الشايب الا بتقهر جاسم لانه طنش حبها وتزوج غيرها لكن الي تشوفه هو الي قهرها

جاسم في نفسه / يارب لك الحمد انك انقذتني منها شلون كنت بتهور واتزوجها شلون كنت
باستبدل الثرياء بالثرى




عند نواف


__________________


اضحك مع الناس واخفي همً قتلني*.*
همٍ بوسط العين بين ومفضــــــــــــوح
اخفي دموعي بأبتسامه وكــــــــني *.*
كني سعيد بدنيتي بضحك ومـــــــــــزوح

وانا اللي فيني هم وحزنٍ سكـــــني *.*
لو سكن غيري من القهر مات مذبــــوح


[flash=http://www.jewelsf.com/up/uploads/0fac216a0c.swf]WIDTH=500 HEIGHT=200[/flash]