الصفحه الثانيه من مذكراتي << نفس التهديد موب لازم اقول

سلام عليكم ورحمه الله وبركاته

كيف حالكم وشخباركم وشمسوين

اممممممم بصراحه موضوعي اليوم تابع لموضوعي هذاك << اذا فهمتوا علموني

يعني لاتدققون


*****************


هذي انا ليلة العيد كانت رايحه للسوق ابي اشتريلي برقع بلمعه لزوم الفتنه (( اي فتنه انتي وبرقعتس اللي تسنه برقع وضحى اخت مناحي ))

عادفاتحه البلوتوث ومسميه نفسي ! شًوَ بًحَبًكَ لًمَاً بًتَبًسَيً!

اللي صار ماشين في السوق انا واختي ..

مادرينا الا هاك الشاب المرسم مار يتميلح من جمبنا ويغني :

مادريت ان البراقع يفتنني ***** لين شفت ضبا النفود مبرقعاتي



عصبت اختي منه

قلت لها : الا جزاه الله خير ماطيح وجيهنا وغنالنا :

مادريت ان البراقع يخدعني ****** لين شفت ضروس سلمى طافحاتي

جيت ابسلم عليها ونطحني ****** وحمدت ربــي يوم سلمت لهاتــــــي



قالت: امااااا عااااد

قلت ايه وش عندتس ؟لايكون متسذبتني

فاصـــــل ونواصـــــل ...



قبل امس كنت في السوق وموقفه استنى امي تطلع من المصلى ..

قام مر من عندي واحد مشخص ومرسم ورزه وشكله بصراحه يشهب القلب

وقالي :

يابنت ياام العيون السود ,,,, خوفي من الله وحبينــي

وان ماحصل حبتن بركود ,,,,لاموت وانتي تشوفينـي



طبعاً انا صرت تسذا >> :blushing: وثم تسذااا >>> :blushing:

وقلت له :

ياولد ياللي براطمك من شرب التتن سود,,,,خوووف من ربــــك واعفينـــــي

وان ماحصلك نحشتن بستر وركود ,,,, لزهم الهيئه وهي من شرك بتكفيني



وهواللي يضحك ذيك الضحكه اللي من حلاتها جاني ضعف في عضلات القلب وارتخاء في المفاصل وشد عضلي في ساقي وشلل رعاش

الله يرحمك يابو عمار شكلك شايفني وسامع ضحكتي عشان كذا جاك هالرعاش <<< يحلفون ان ضحكة علي المفيدي انعم منها

طبعاً الولد حط رجله خاف من الهيئه


راح نواصـــــل بس بعد الفاصــــل



مرررره من المرات اتصلوا علينا جيرانا وقالوا بيجونا ...

طبعاً قلت بروح اسوي بيتزاء ..لانه مو معقوله كلش بنطلبه من برا لازم نذوقهم شي من شغلنا

اللي صار اني جهزت البيتزاء وقلت ماراح ادخلها الفرن الا اذا جو عشان نقدمها حاااره ..

اول ماجو دخلتها الفرن ورحت اقدم العصير ومع السوالف والبسطه نسيت الطبخه

المهم قالت جارتنا ماتشمون ريحة حريق

قلت : البيتزاءءءءءء

وانا اقحص واروح اشيك عليها الينها متفحمه

قمت طلعت الصينيه وجبتها معي وقلت لهم : تراني اليوم مسويتلكم بيتزاء عالفحم


قالوا الله يرجتس شبعنا من الضحك

**************

على طاري الضيوف والضحك مره كانوا جيرانا جايينا وامي تزهمني تبيني اجي اسلم عليهم

وانا كنت مشغوله معي تليفون ويوم خلصت وانا اروح لهم ركض واول مادخلت بدال مااقول هلا والله والا حياكم الله او السلام عليكم قلت الووووووو

قالوا لي : حول

خخخخخخخخخخخخخخ

*********************



مررره جالسه اتطاق مع اخوي ..

المشكله اني ادبجه ادبجه ادبجه وهو ببرود يدزني اليني حابه الزاويه


اعصب واولع وارجع اتشدد بذراعه واعضعضه ابيه يصيح او يقول آآآي او يحرك ساكن

وهو يخزني بطرف عينه ويقولي :هذا اقوى ماعندك ؟

انا حزتها استسلم واجلس اصيح من القهر


برايفت للشباب عشان مايشوفون نفسهم علينا :



هالموقف مايدلل نهائياً على ان البنات ضعيفات ..

بالعكس يدلل على ان العيال جلوف


خخخخخخخخخخخخخخخخخخ


فـــــاصل ونواصــــــل <---- الموضوع صار ماراثون ركض ياجماعه



هذي وحده من صديقاتي تعلمني سالفتها تقول :منسدحه قدام التلفزيون وجوالها فاضيه بطاريته وتبي اخوها يقوم يشبكه في الشاحن وقالت له تكفى ياعزوز قم اشحنه يابعد قلبي انت

قال انطمي بس <<< ريلاكس اخوهاااا ويموووون عليها

قالت له: قم وابقول فيك قصيده

وهو يطمر يشبكه

ويرجع يستقعد بجمبها ويقول سمعيني

والله يوم توهقت خويتنا وقعدت تخرمط عليه وتقول


لا صرت بدنيتك محيوس

وحدك واصل وطفران

ترى ما يحلها الا عزوز

وهو والله اشجع الفرسان >>>هع

بس لو يخلي عنه المصاخه في بعض الاحيان >>> خربتها خخخخ

وحركات النص كم ومطاردة الورعان

والقنص والتفحيط والركض بالشعبان

والسكاكين والخناجر وبلاوي البدوان <<< كان شاري خنجر بنفس اليوم

الله يستر لا يجيينا بكره بدخان <<< يابريئه

وتجينا من بعده سكران

ما اقول الا يالله المستعان

وسلامتكم



طبعاً اخوها وجهه صار تسذا >>> <<< الله لايلومه على باله بيسمع معلقه كلها مديح على الخدمه اللي سواها

انا اول ماسمعت قصيدتها قلت : راحت عليك ياحامد زيد


ابشركم ,,اخر فــاصــــــــل



هذي بنت خالتي راجعه الضهر في عز القايله لبيتهم ..

ويوم وصلت وهي تعلق الجرس وترجف الباب برجلها اربهم يفتحون لها بسرعه

وهو يفتح لها واحد مجنتل واسمراني وهي تدخل وتقعد تخزه بعيونها وتعطيه نظرتين وتقوله ساعه الين تفتح الباب

والله وهي تدخل للبيت وتفسخ عباتها وتروح للمطبخ وتلقى امها واخوها والشغاله وتقعد تحلطم عليهم وتقول : الهندي راعي الرسيفرات مسوي يمون وفاتح لي الباب ..

لا والنحس لاطعني ساعتين بغيت افرشبه البلاط هو ودهنته

قال اخوها: اي هندي ؟؟!!!

واي راعي ريسفرات اللي تتكلمين عنه ؟؟!!!!

قالت الهندي اللي بالملحق .. مو جايبينه عشان يصلح ريسيفركم

قال : ياملعووووونه هذا صديقي :11bomb:

ههههههههههههههههههههههههههههههههههههههههههه

بجد ياعزتي لخوها

والله موقفه مدري وش يبي

وموقف زميله تلقونه اخس وانكس


************************


يلا عاااد العمر يخلص والسوالف ماتخلص وسامحونا على القصوور والله الله بالردود :11umbup:

المواضيع المتشابهه:

• مذكراتي في جوانتنامو
• محاولة سلب تحت التهديد بمسدس لُعبة بالعاصمة السعودية
• اقول الي فيه خير يخش قال هلال قال النصر اقول خش بس

__________________
:blushing: كٍُِّـ‡ـُِّلٌٍِّ اًٍِّلٌٍَـ¾َِـٍِّحًٍُّكَُِـ¾ًٍـاًِّيٍُّهَُّ مٍُِّشٍّـ¾َِـتٍُِّاًٌِّقَُِّهَُّ لٍُِّكَُّمً :blushing:

رد مع اقتباس

هذي انا ليلة العيد كانت رايحه للسوق ابي اشتريلي برقع بلمعه لزوم الفتنه (( اي فتنه انتي وبرقعتس اللي تسنه برقع وضحى اخت مناحي ))

عادفاتحه البلوتوث ومسميه نفسي ! شًوَ بًحَبًكَ لًمَاً بًتَبًسَيً!

مادريت ان البراقع يخدعني ****** لين شفت ضروس سلمى طافحاتي جيت ابسلم عليها ونطحني ****** وحمدت ربــي يوم سلمت لهاتــــــي

قالت الهندي اللي بالملحق .. مو جايبينه عشان يصلح ريسيفركم قال : ياملعووووونه هذا صديقي

ههههههههههههههههههههههههههههههههههههههههههههههههههههههههههههههههههههههههههههههههههههههههه

>>>>>>>>>>>>>> متمزعه من الضحك الله يرجتس مثل مارجيتي بطني هع هع هع

امي اطلعت من المطبخ تركض وبيده مغرفت الجريش على باله انووه انفضن الكهرب يوم اسمعتن اضحك

عااد معروووف ضحكي انواااااااااااااااااااع النعووووووووومه تف تف بسم الله علي

والله كل مووقف احلى من الثااني الله يسلمتس مير وسعتي اصدوورنااا ومشكووره اخيتي