|
ان قلت اببعد سحر عينك يقرّبني ان قلت اببعد سحر عينك يقرّبني تصدق اني لمحتك يوم تسلبني لكن تركتك .. عجبني نوع سرقاتك \. مدري بصراحه وش اللي فيك يجذبني صمتك .. هدوءك .. شموخك أو معاناتك في كل صفحة غلا ألقاك تكتبني واصير انا لغز حاير بين ابياتك إن جيت يمك عطش بالحب تشربني ليلٍ سهرته يذكرني بنجماتك ان قلت اببعد سحر عينك يقرّبني عمري ابتدا بين نبضاتك ونظراتك تدري شعورك فرح أو حزن يعجبني بعثرتني بين بسماتك ودمعاتك فرقاك فيها دموع العين تغلبني ياليتني غيمةٍ واعشق مسافاتك وامطر على درب قلبك يامذوّبني واصير غصنٍ حياته دون لمساتك أهجر .. تغلّى .. بكيفك .. صد شيّبني أصلا شبابي عرفته بعد لحظاتك وتصدق اني لمحتك يوم تسلبني لكن تركتك .. عجبني نوع سرقاتك ناي الهوى صار وسط الروح يطربني صوّرت ذاتي سفينه .. في بحر ذاتك لك في ضلوعي يدين الشوق تحطبني يروق جو المسا مع طيب نسماتك ماودي اكذب .. خفوقي فيك تعّبني مدري وش اسمي غرامي في حكاياتك؟ إن كان هذا عذاب .. ارجوك عذبني وان كان حبي غلط .. يازين غلطاتك |
| الساعة الآن 02:31 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 TranZ By
Almuhajir
HêĽм √ 3.1 BY: ! ωαнαм ! © 2010
المواضيع والردود المنشورة لا تعبر عن رأي [ ادارة منتديات عالم الزين ] ولا نتحمل أي مسؤولية قانونية حيال ذلك ويتحمل كاتبها مسؤولية النشر لا يجوز كتابة التعليقات و المشاركات التي تنتهك أيًّا من إرشادات المحتوى. من أمثلة ذلك، المحتوى (الخاص بالبالغين) أو العنف أو تأييد التعصب العرقي و المواد المحمية بموجب حقوق الطبع و النشر / في حال وجود شكوى يرجى مراسلتنا / [email protected] / دمتم برعاية الله