|
| |
|
|
|
| |||||||
| النقاش الجاد - الرأي و الرأي الاخر - الاتجاه المعاكس منتدى النقاش الجاد ، منتديات للنقاش الجاد ، منتدى ومنتديات النقاش الجاد ، نقاش جاد ، مواضيع للنقاش الجاد ، مواضيع نقاش مهمه ، الراي والراي الاخر ، مواضيع للجدال والنقاش ، مواضيع للمناقشه مهمه ، مواضيع جيده للنقاش ، مواضيع ساخنه للنقاش الجاد |
| |
| |
| إضافة رد |
| | LinkBack | أدوات الموضوع | انواع عرض الموضوع |
| $$ عمـــري $$ |
| اول شي السلام عليكم ثاني شي بصراحه انا كرهت نفسي بقووه  لاوضيفه ولا حتى خلوني اكمل دراستي طردوني مع اني جايب احسن الدرجات انا في خاطري كلام بقوله لكم وانتم عطوني رايكم يمكن استفيد ويستفيد غيري من الشباب انا واحد من الشباب الي ضلمووو في هذا الوطن من خلال الوظائف وغيري كثييييييييير من الشباب ضلمووو بعد انا تخرجت من الكليه التقنيه من قسم المحاسبه ومعدلي 3.52 يعني استحق اني اكمل البكالريوس بس المصيبه اني يوم رحت قدمت عقب مافتحو المجال باب القبول للبكالريوس ان قسم المحاسبه الي انا درسته لايجود بكالريوس بس الاقسام العلميه طيب ليه انا من حقي اني اكمل دراستي واخذ اعلى الشهادات ليش توقفون مسيره الطلاب بحجه ان القسم الي انا درست فيه مافيه بكالريوس ليه ماقلتو لنا قبل مانسجل او حتى خلال دراستنا سنتين راحت من عمري بالغربه شقيت فيها ودرست وضغطت على نفسي ودفعت الي وراي ودوني بخلال هالسنتين وبالاخير وقفوني اخذت ملفي ورحت لجامعه الملك سعود وقدمت لهم شهاده الدبلوم قالو لي ماناخذ فيها لازم تقدم بشهاده الثانويه العامه !!!!! ياناس والله حرام انا توظفت اكثر من وظيفه بس رواتبها قليله مره ماتساعدني ابد الفين ريال او الف وخمس ميه ريال وش تسوي بهالوقت هي لبنزين السياره او مصاريفي انا او اصرف واعطي اهلي منها بالله قولو لي وش تسوي ؟؟ تكفووون عطوني حل الحين كل الوظائف تطلب بكالريوس وان طلبو دبلوم طلبو مع الدبلوم خبره اكثر من ثلاث سنوات طيب حنا كيف ناخذ خبره وحنا مانتوظف وناس مسوين فاهمين يعلنون بالجرايد يطلبون موظفين حديثين التخرج مع خبره سنتين ولا ثلاث ؟؟؟ كيف حديث تخرج وتطلب منه خبره وين تجي هذي انا طرحت قدامكم قضيه مو انا الي اعاني منها صدقوني كثير بل اغلب الشباب الحين يعاني منها وحبيت اخذ رايكم يمكن احد منكم ينفعني واخذ برايه <<< وقصصصم من القهر الي فيه لاتواخذونه تراه يحب الهذره :d المواضيع المتشابهه:
المصدر: منتديات عالم الزين
__________________ |
| نوووف |
| اخوي عمري هذه حال اغلب الشباب حتى الي معهم بكالوريس جالسين ارتفعة نسبة العاطله بالسعوديه بشكل كبير لا تتوقع هذه حالك انت لوحدك اغلب الشباب كذه بس خذ دورات كمبيوتر صارت اضمن من الجامعه انا معي بكالوريس قدمت اوراقي بالديون ردو علي بدون دبلوم كمبيوتر وخبره علقيها عندك بالمطبخ والحمد الله حصلت وظيفه في المنتدى مشرفه قد الدنيا يعني الشغله مهب شهاده الشغله لاتوجد وظائف معا ان اغلب الدوائر والمدارس عندهم نقص لكن مافي رواتب الميزانيه لا تسمح لكن اخوي انت رجال ابحث عن الاعمال الحره ابحث عن مشروع صغير وابد حياتك فيه لا تتنظر الوظيفه بعلمك بسالفة اخو صديقتي له ثمانيه سنين متخرج من الجامعه قسم تاريخ مافي وظيفه اشترك معا صديق له بمشروع صغير تعرف وشو مزرعة جح ( بطيخ ) والحمد ربي فاتح له باب رزق اخوي مهب ضروري الوظيفه استخير الله في مشروع صغير لو كافتريه صغيره اي حاجه والرسول صلى الله عليه وسلم ان اكبر باب الرزق في التجاره يولد النجاح من رحم الفشل. لكن ذلك يحدث فقط للذين يتعلمون من تجاربهم وتجارب الآخرين
__________________ * - سبحانك اللهم وبحمدك .. اشهد ان لا اله الا انت استغفرك واتوب اليك -* |
| عذب الكلام |
| مساك الله بالخير اخوي عمري00 قبل كل شيء لك اتمنى ان تقرأ ردي هذا على موضوعك او بالاصح معاناتك التي هي جزء من معاناة كثير من شباب مجتمعنا وانت في اتم الصحه والعافيه 0 وانشاء الله تكون رايق بعد عشان ما تتمنى تشوفني اذا قرأت الرد وتلطشني 0 اولا اخي الحبيب نصيحتي لل بان تستعين بالله قبل كل شيء وتتوكل على ربك وصدقني ما تاخذ الا نصيبك سواء تقدم او تأخر وربك سبحانه موزع الارزاق ما راح احد يقدر يمنع عنك شيء كتبه ربك لك 0 اخي الكريم لدي اقتراح بسيط لك وهو عدم العجز وان تسعى وراك كسب رزقك وترضى بالقليل 0 بعدين اخوي فيه شغله بسيطه ودي انبهك عليها وهي التجاره ولا تقولي ان ماعندك راس مال لاني راح اوضح لك وشلون تسوي وتكون لك راس مال جيد تقدر تعيش وتبني عليه مستقبلك واعلم اخي الكريم ان الرزق بيد الله وان التجاره هي تسعة اعشار الرزق يارب اني جبت الحسبه صح الرجال عنده دبلوم محاسبه واخاف يشره علي يقول هالفاغر وش عنده المهم اخوي احنا الان نعيش بطفره صدقني الخير موجود بس يبي له عزيمه واصرار على النجاح والشغله الي ابي الفت انتباهك لها وتكون هي بدايتك انشاء الله هي الاسهم اولا اذا كان معك مبلغ بسيط وخلنا نقول عشره الالف ريال صدقني بعد توفيق الله راح تقدر تطلع منها شهريا مالا يقل عن ثلاثه الاف ريال بس يبي لك شوي شطاره وانا مستعد اخوي اوضح لك كل شيء عنها بس عطني اي وسيله اتصال اقدر اوصلك فيها وراح ابين لك كل شيء يمكن اخوي لو احد يشوف ردي هذا يستغرب لاني اول مره ارد على احد واستخدم اسلوب المزح معه بس صدقني عشان ابي شيء واحد انك تتبسم وانت تشوف الرد 0 اتمنى لك التوفيق من كل قلبي ولك مني صادق الدعاء بالرزق المبارك الحلال 0 اخوك 000 سعود
__________________ [align=center]  [/align] |
| بسبوسة |
| اخوي عمري الله يوفقك ان شاء الله وتلقى افضل الوضائف انت وباقي الشباب وفعلا هالشيء حال الكثير من شبابنا مع الاسف وليس الشباب فقط بل النساء حتى ولكن نقول ان شاء الله تتيسر الأمور ويلاقي الكل وضيفة تناسب مؤهلاته وطموحه ويعطيك العافية والله يكون بعونك وبقية الشباب اختك بسبوسة
__________________ [flash=http://www.smaaa.com/upload/uploading/nknknk.swf]WIDTH=400 HEIGHT=300[/flash] تسلم الأنامل ختي نووف  انت الزائر رقم |
| $$ عمـــري $$ |
| هلااا فيك اختي نووف :d <<< منجرح بقووه :d خيتوو نوف صدقيني انا ماوقفت من تخرجت ماجلست يوم كامل في بيتنا انتظر احد يصرف علي بالعكس اروح وادور اروح ادور على وظيفه ولا اروح اترزق الله بالكد :d ثاني شي انا فتحت لي محل صغير الوالد كان قديم عنده محل وكنت اجلس فيه يعني اخذت الشغله من الوالد وفتحت محل بس محد وقف معي بعت سيارتي الي هي الشي الوحيد الي املكه بهالدنيا بعتها وفتحت المحل طبعن الفلوس ماكانت تكفي بس فتحت على قد فلوسي بس الحمد لله على كل حال الله ماوفقني فيه ولاقدرت اجمع فلوس حتى ايجار القسم الثاني من السنه لاني استأجرته ست شهور بس ماقدرت اجمع الفلوس حقت الست شهور الباقيه ضليت ادور وظيفه ولقيت بس هنا الامه الكبرا بقولك سالفتي مع اخر وظيفه لي توظفت عند واحد كان المحاسب السوداني بيسافر اجازه قالي تعال محاسب عندي توظفت ويوم توظفت عطاني اكثر من شغله مع المحاسبه وصبرت مع ان الراتب الفين ريال بس بس وش اسوي تدرين وش سوا بالاخير يوم صار باقي على السوداني ثلاث ايام ويجي جاني وقال هذا راتبك يوم ناظرت الا هو 800 ريال بس قلت ليه قالي خصم عليك عشات غيابك انا مانكر اني ماغيب بس الي غبته كله ماينعد على اصابع اليد الوحده وخاصم علي 1200 ريال بس عشان يخليني اطلع وفعلن طلعت وحتى ماستلمت الفلوس الي هي من حقي بس والله قهرني لاكن ان شاء الله تجي معي فلوس وافتح مشروع صغير احسن من الاول وربك يحلها مشكووره اختي نوف على ردك وعلى تفاعلك وماقصرتي :d |
| $$ عمـــري $$ |
| هلااا اخويعذب الكلام او بالاصح سعود قلبي :d بالعكس ياقلبي ليش تقول عن نفسك كذا والله ثم والله يشرفني ردك على موضوعي وكلامك حلووو والله وصدقني انا اشتغلت بالتجاره وسويت كل شي بس الله مارزقني واناماعترض لا والله الحمد لله على كل حال والاسهم اممممممممم مدري وش اقولك الاسهم يبي لها راس مال وانا والله العظيم كل الي كان معي حطيته في دراستي بالقصيم ومابقى معي الا سيارتي وبعتها عشان افتح محلي الحين معي بس مامعي الي يدخلني الاسهم صدقني اتمنى اني ادخل الاسهم هذي لاني اشوف كثير ناس تتكلم فيها وتتكلم عن الربح الي فيها بس المشكله من وين راس المال هذا على العموم ياقلبي مشكوور على ردك وصدقني يشرفني انك ترد علي وان شاء الله راح يكون بيني وبينك كلام :d |
| $$ عمـــري $$ |
| هلااا خيتو بسبوسه الله يسمع منك يالغاليه ونلاقي انا وباقي الشباب وظايف على مؤهلاتنا بس المشكله الي يقدم على وظيفه ومؤهله محاسبه مثلن ويقولون له كاشير ولا موظف استقبال وراتب الف وخمس ميه ريال ولا الفين ريال ؟؟؟ لاكن ماعلى الله شي بعيد مشكووره على ردك خيتووو وماقصرتي :d |
| رايق بلحيل |
| اخي العزيز : عمري ركعتين في جوف الليل مع دعوة صادقه مع الثلث الاخير الذي ينزل به رب العباد فيسأل عن حاجات خلقة , كفيلة بان تنهي كل معاناتك دعائي لك من كل قلبي بالتوفيق والنجاح0
__________________ [img]http://bandar400sa.***********/cards/aseer.JPG[/img] |
| شموووخ العز |
| والله قطعت قلبي اخوي فعلاً الحين ياواسطه يا ابوا يسندك بالمال بس يقولون 77 من ابواب الرزق بالتجاره والله يفتح ابواب الرزق الصبح عقب الفجر ادعو لك دعوه صادقه ان الله يفرج همك وغمك ويسر امرك ويكثر رزقك |
| $$ عمـــري $$ |
| هلا فيك اخوي رايق بالحيل جزااااك الله الف خير نصيحه تغني عن الكلام والله مشكور من كل قلبي وماقصرت يالغالي |
| إضافة رد |
| مواقع النشر (المفضلة) |
| الكلمات الدلالية (Tags) |
| نفسي, كرهــــت |
| |
 مواقع صديقة | |
العرض العادي
