العودة   منتديات عالم الزين > منتديات القصائد والخواطر - قصائد جديده - خواطر جديده - قصص منوعه - روايات طويله > قصائد اشعار - عبارات - حكم وامثال - poems > ديـــوان عالـــم الــزيـــن للشعــــــــراء




المواضيع الجديدة في ديـــوان عالـــم الــزيـــن للشعــــــــراء


إضافة رد
 
LinkBack أدوات الموضوع انواع عرض الموضوع
  1  
اّسر


شاعر عتيبي من قبيله الغنانيم الروقه كويتى الجنسيه

ابدع وكتب اروع القصائد ويسمى دكتور الشعر ويسمى شاعر الحدث

ربماا البعض لايعرفه لااااكن لانه مدير للشهره والاعلم ظهره فلم يومن بالترزز فى القنوات ولم يظهر نفسه كالشعراء الباقين اثبت نظرررررررررررررريه مهمه جدااااااااااااااا وهى

ان الشااعر ليش باسمه ولاشكله ولاقبيلته ولابالقنوات الى تعطى توهج ونجوميه وتنصبه على همه الشعر

الشاعر الحقيقى هو من تشتهر قصاائده ويبحث الجمهور عنه والاعلام عنه فى كل مكان

نعم سداح بنشر قصائده فى المرقاب المنتدى الشهير من عام 2003 تقريباا

سطع نجمه وعلاا سماءه خلال هذه الفتره ولم يظهر فى لقاء تلفزيونى ولافى جريده


هو يريد هكذاا لايريد الشهره يريد ان تصل القصيده فقط
الكثير والكثير يسال اين الاعلام عن هاذ الشاعر ولماذا لانراه
ربماااااااااااا لان الاعلام لايبحث فعلا لان المستشعرين يملاون الطرقات والشوارع
القريبه من مكاتب الصحف ومكاتب القنوات الفضائيه

لاكن هيهات يبقى الشعرويذهب المستشعرون


شعررررررررررررر سداح وصل للملايين فى عالم النت ومن يتابعون الساحه الادبيه ويستخدمون الشبكه العنكبوتيه عرفوا قصائد هذا الشاعر وبدا المتذوق يعرف قصيده سداح من غيرهاا من القصائد عندماا يجدهاا مع مجموعه قصائد

هكذا هو الشاعر الحقيقى له نكهته له بصمته له توهجه من خلال شعره وموهبته الفطريه
لااااااااايحتاج تطبيل اعلامى ولاااااقنوات ولااااااابرامج ولااااااجوايز ولاااااااا صداقه وعلاقات فالساحه
الشعبيه التى ملاوهاا المستشعرين واهل امسكى لى واقطع لك ...الاماندر..




يتبع

المواضيع المتشابهه:




  2  
اّسر
بقى ان اقول ان الشاعر له ديوان صوتى صدر عن المرقاب مجموعه من قصائده بعده اصوات

ويترقب الجمهور على لهف ديوانه المطبوع

.................................................. ......












  3  
اّسر
عفواا الاخراج ماساعدنى هناا اعاده

1.....القصيده الاولى الساحه المسيوحه

أعذرونـي عـن غيـاب ٍ زلّتـه مدموحـه
وأسمحوا لي لين أراجع سيرتـي وسجلّـي
غبـت كلـيّ والدوافـع كلّهـا مشروحـه
أفتحوا كشف الحضـور وسجلّونـي كلّـي
هكذا طعـم المحبّـه .. حلـوه ومملوحـه
وهكذا الفرقا مملّـه .. والوصـال مسلّـي
العلم مرفوع يـا اللـي ترفعـون اللوحـه
الشحيـح يصـدّ عنـيّ والكريـم يهـلّـي
دام باقـي فـي ضميـري نافـذه مفتوحـه
عبرها ينفـذ شعـوري ليـن يبـرد غلّـي
قلبي المجروح مـدري كبـدي المجروحـه
جرّ عمرك يا النسم بيـن الضلـوع وقلّـي
دمعتي تبحث خفـاي وضحكتـي مذبوحـه
هيّنـه والصبـر طبعـي والقناعـه دلّـي
ما بقا للشعر واهس والهجـوس تشوحـه
بين منقود الرفيق وبيـن شرهـة خلّـي !
أنقرض نسل القصيد وراح راحـت روحـه
وأكثـر الشعّـار ولّـت والزمـان مـولّـي
أنتكس حالـه وحـال الساحـه المسيوحـه
الحصن تضبـط وتربـط والكديـش تفلّـي
يا معيـن الصايبـه والمخطيـه مسموحـه
قام يمشي مع رصيف الشمس..راكب الليّ !
جـاك وقـت الـذرّه المفتـرّه الدرموحـه
عقب باد ( المارتين ) وبادت ( العصملّي )!
يفزع الطحطـوح وألاّ تفـزع الطحطوحـه
الدعـاوي حطّهـا وأشتالـهـا بامجـلّـي
كيف صدّرت الفتـاوي يـا بناخـي توحـه
( وأنت لا تعرف تصوم ولا تعرف تصلّي ؟ )
كلّ ما هـبّ النسيـم أستنزلـت منفوحـه
والعليّـا يـا ماشـاء الله حظّهـا متعلّـي
القضيّـه بيـن شمطـان اللحـا مطروحـه
ينقطـع حبـل النفـاق وعقدتـه تنحـلّـي
طاوله وأربع كراسي وأمسيـه وأصبوحـه
والله الله .. مير حلّي يـا حـلاوه حلّـي !



2... القصيده الثانيه


عميا تمشط راس مجنونه


يـا ميّـت النـار ولّـع نـورك الطافـي
خيّـم عليـك الظـلام وسـبّـل ردونــه
هبـت هبـوب البـراد ومرقـدك دافــي
لا تبتـرم مـن وراه وتنـسـدح دونــه
أن كان ماهـوب صاحـي قلبـك الغافـي
الناس لـو صوّتـت لـه مـا يصحوّنـه
تبغـا تسنّـف علـيّ وتصبـح سنـافـي
هيهـات واللـي سواتـك نكحـل عيونـه
شـواربـك جالـهـا حـالـق ونتـافـي
حتيـش لـو لحيتـك بالسّمـن مدهونـه
رميتنـي بالتهايـم مـيـر يــا كـافـي
الشعر ماهوب أنـا اللـي يسـرق لحونـه
ديوانـي اليـا عرضتـه عنـد عـرافـي
ما شكّ في شكلـه ولا شـكّ فـي لونـه !
من فضـل ربـي وأنـا شاعـر ومتعافـي
مغنينـي الله عــن الفـنّـان وفنـونـه
أقـدح بزنـدي وأعـدّي كـلّ مشـرافـي
وأخلـيّ المنبطـح يزحـف علـى هونـه
مثلك وشرواك مـا يصعـد علـى أكتافـي
شف غير راسي .. وروح أصعد على متونه
ميـر الحقيقـه بعـد غنيّـت بـك قافـي
لك الشـرف وأغسـل لسانـك بصابونـه
راحت علومـك بعـد مـا بيّـن الخافـي
ماغيـر عميـا وتمشـط راس مجنونـه !



3 ..القصيده الثالثه
الانتخابات

إنتخابات وشعـارات وهوايـل
وإتفاقيّات .. وكل ٍ مع خويّـه
راحت الغايات مع شتّى الوسايل
تظهر المدسوس والذمّه بريّـه
الدواير خمس والتوزيع مايـل
والبلد مليان ظلـم وعنصريّـه
و الحكومه زايله والشك زايـل
تبحث الموضوع وتحلّ القضيّه
حرّمت فرعيّة عيـال القبايـل
ولا لها عنـد القبايـل قابليّـه
والقبيلي طيّب ويابـس بلايـل
يكسر القانون ويـدقّ التحيّـه
مير جاته بالسلاسل والحبايـل
لين فوقه حوّلت بالمروحيّـه !
من نجوم الليل ونجوم القوايل
كل شارع فيه فرقـة عسكريّـه
يا وليّ الأمر عينك وش تخايل
يا عساك بخير وأيامـك مديّـه
مستشارينك ترا مانيـب قايـل
البطانه بين داب وبيـن حيّـه
أنتبه من لا يعيل يجيه عايـل
عقب خرّبها وزيـر الداخليّـه

4 القصيده الرابعه



واحرّ كبدي وقلبي مـا طفـت نـاره
القلب في لاهبه .. والكبـد ممـروره
زادت عليّ الغبـون وشنّـت الغـاره
والصبر سلّم سلاحـه وأنتهـى دوره
الدار ماهيـب سلعـة نـاس بـوّاره
ما باقي إلاّ نصيـح ونعلـن الثـوره
لو أنّها مـن قديـم الوقـت صبّـاره
الجرح مـا زاده إلاّ طـب دكتـوره !
قامت عليها الثعالب تركـز الشـاره
وذيابها السحـم منهيّـه ومامـوره
عدنان عبدالصمـد يـا لعنبـو داره
علـى حـرار البـلاد يـرزّ دنقـوره
يزمر ويلمز ويهمز حسـب مقـداره
وشيوخنا خايفه لا تجـرح شعـوره
داخـل حسينيّتـه صفّـر بصفّـاره
وصفّوا وراه العجم وأستاق طابـوره
مندوب روس الروافض عمدة الحاره
العام لـه قصـةٍ بالشـرّ مشهـوره
خطـط يفجّـر بيـوت الله بأفكـاره
وأستفزعوا له وجابوا عفو أخو نوره
تاريخه المعتمد مـا فوقـه ستـاره
والسيره البايـره ماهيـب مستـوره
وبعد عطوه الأمـان ومـدّ منظـاره
عوّد يثير الفتن بالصوت والصـوره
أصبح عضو مجلس أمّه توخذ أشواره
فرّع وشـرّع وقـدّم رايـه وشـوره
منبوذ تاره يهوش .. وينتفـخ تـاره
حبله على غاربه والحـال مخبـوره
دافع عن المجرم اللي خابت أذكـاره
عماد مغنيه ومن يمشي على طـوره
والله ما يرضا بفعلـه غيـر تيّـاره
عسى شياطيـن خلـق الله مدحـوره
ماهيب مقصورة ٍ في خطـف طيّـاره
لكنّهـا يـا طـوال العمـر مذكـوره
ما يحفظ الحكم غير سيـوف بتّـاره
لا شافها المنحرف يبرك على زوره !



القصيده الخامسه



عليك حقّي كان .. طـوّل تغليّـك
وعليّ حقك كان .. منتـه بغالـي
لا تختبرني تحسب أنيّ ما أراعيك
وأنـا نمـوذج للحبيـب المثالـي
مبرمـج ٍ قلبـي يحبّـك تماتيـك
حاسب طبيعي ماهو بحاسب آلـي
لا ضخّ دمه بين ذكـرك وطاريـك
لا عاد تنشد عقبها كيـف حالـي
أروح في دوامـة ٍ مـن تجافيـك
وأستحضر اللي حافظه في خيالـي
صوتك وضحكاتك وقسوة تعاليـك
همسك وحـدة لهجتـك وانفعالـي
عينك ودمعك يوم تزعل واراضيك
صمتك وتفكيـرك بسـود الليالـي
غيرتك لو مافيـه حـي ٍ يحاليـك
حيرتك ما بين الجفـا والوصالـي
كم كلمة ٍ خبيّتهـا عـن محاكيـك
وكم كلمة ٍ في خاطرك قلتهـا لـي
إليا تركتك قلـت بانـت مواريـك
واليا سألتك ما تجاوب سوالـي !
أقول وش فيّه .. ولا قلت وش فيك
ياما وياما .. من غرامك جرالـي
اشياء كثيره تثبت انـي مهاويـك
أزريـت أحـلّ معقّـدات الحبالـي
تغيب ما علّمتني ويـن أراضيـك
والهجر حاظر والغيـاب ارتجالـي
الشوق يدفعني لحضـرة معاليـك
يا اللي غرامك زاد فوق احتمالـي
خف ربك بقلب ٍ يحبّـك ويغليـك
ماهو حرام الحبّ يا بن الحلالي !



القصيده السادسه



ا ضلعنا الشاهـق علومـك شواهيـق
عـزّ الله أنّـك تستـحـق المديـحـه
أطول من أبانات وأعرض مـن طويـق
ماهوب ضلـع ٍ مـن يهـوزه يزيحـه
لك ميـزة ٍ مـن عنـد رب المخاليـق
تضحك على المعصيـر لا هـبّ ريحـه
وأن ناطحـوك محرّفيـن المواثـيـق
وش حيلـة المتـرديّـه والنطيـحـه
راسك طويـل وفـي حيـوده ملابيـق
شال الطيـور الجارحـه والجريحـه !
والخلق من نوعين .. مؤمن وزنديـق
ولا تصـحّ إلاّ العـلـوم الصحيـحـه
علم ٍ يجي تلفيـق .. ويـروح تلفيـق
يرجع علـى راعيـه مثـل الفضيحـه
يا كبرها يا أهـل الوجيـه المطاليـق
ويا صغرها يا أهـل الوجيـه القبيحـه
مـا عندنـا بيـن المناعيـر تفريـق
الصـفّ واحـد والنوايـا صريـحـه
ولا نحـطّ لـمـا نقـولـه معالـيـق
ونرفع شريحه .. ونتجاهـل شريحـه
مـا ودّنـا نفتـح قفـول الصناديـق
إلاّ بعـد مــا ســال دمّ الذبيـحـه
الرجـل حسـب المعرفـه والتوافيـق
أمّـا يحـوز النّعـم وإلاّ القميـحـه !
يا اللي تشوف النار من غيـر تعليـق
شبّت في ثوب اللـي يشيـل القديحـه
خلّـه لعلّـه يطعـم العلـم ويفـيـق
لو ما اعتبرهـا مـن دوافـع نصيحـه
يضرب براسه فأقرب جـدار ويضيـق
وأن ضاق صدره ما تضيق الفسيحه....


القصيده السابعه



سألتني يـا سعـود جديـع
وجـواب سؤالـك إلزامـي
ويش اصلي وفالعرب تنويـع
وفالشّعر ويش أكبر أحلامي ؟
وحطيّـت بمربّـع التوقيـع
توقيعـي وبصمـة إبهامـي
أصلي منقّـا عـن التجميـع
ماخش به زيـدي وشامـي
مـن لابـةٍ والمذيـع يذيـع
تعلّـت المنـزل السـامـي
عتيبـي مـردّد التسنـيـع
من روق .. والفخذ غنّامـي
شاعر ولأمر الهجوس مطيع
والموهبـه جوّهـا حـامـي
ما أداني النشـر والتوزيـع
مغمـور وترفـرف أعلامـي
سياسـة الدهـن والتلميـع
ما شوّقت مصـدر إلهامـي
وأكبر طموحي لا ذبّ الرّيـع
الله يسعـد لــي أيـامـي
شريط صوتي ماهـو للبيـع
شيلات .. بأصوات وأنغامي
ماهـوب للكسـب والتنفيـع
نتـاج مـا خطّـت أقلامـي
جاك الخبر يا سعـود جديـع
مـدام سؤالـك إلـزامـي !




















  4  
اّسر
القصيده الثامنه


المعذره يا أصحابـي ويـا أحبابـي
صـاب البريـد الألكترونـي علّـه
فـي كـل ليلـه يستفـزّ أعصابـي
وقلبي يقـول أصبـر عليـه وخلّـه
والصبر فاض وفـصّ ملحـه ذابـي
وأنـا ماغـيـر أجامـلـه لعـلّـه
يخجـل شـوّي ويفتـح الأبـوابـي
ويستقبـل مـن المرسـل ويرسلّـه
والناس ما تـدري عـن الأسبابـي
والعـذر عيّـا لا يـزيـح الـزلّـه
يا الآت مرقاب .. الهـوى غلابـي
لازلـت أحبـك والقبـول مـن الله
لكنّ شبـت ومنـك راسـي شابـي
واللي عقـد حبلـك عسـاه يحلّـه
أرتاح ليـن أدفـع جميـع أتعابـي
من بعد ما ضاقت عليـك الشلّـه !
أبنتـقـل للـصـادق الـكـذّابـي
اللـي يقـول أهليـن يـا هالطلّـه
هوت ميل .. والهوت ميل مثل الدابي
من جـاه يبغـا الهتملـه هتملّـه !
عز الله أنـه لـو يحـوز إعجابـي
يبقـا جنابـك مختلـف فـي دلّـه
أنـا كــذا وإلاّ كــذا مرقـابـي
حبّك علـى الثانـي نقلتـه كلّـه !






القصيده التاسعه







يا جعـل شعّـار الغـزل يفدونـك
اللي علـى روس الضبـا لعّابـه
ناس ٍ على .. يا عميّ وياعونـك
تخـمّ كـل المعتـرض بثيابـه !
تسـرد وتمـرد ميـر لا يغوونـك
مهمـا تقـول قلوبـهـا كـذابـه
وان قلت يـا سـداح لا يوحونـك
اقـول راسـي مـا عليـه رقابـه
هـذا كـلام ٍ ثابـت ٍ مـن دونـك
ماهو كلام ٍ مـا حسبـت حسابـه
مير المهم اللـي يثيـر شجونـك
عطنيـه أغنـي بـه ولا تشقابـه
القـاف قافـي واللحـون لحونـك
يا اللي عليـك القافيـه منسابـه
أنـا ليـا هلّـت علـيّ مـزونـك
يقطع ضمـاي المزنـه الصبّابـه
لو ما أتغزّل فـي سـواد عيونـك
ملكت قلبي وانـت سيـد أحبابـه
في جرهديّه لو تسـوق ضعونـك
ما شفت غيـرك معتلـي مرقابـه
مـا ودّي أكشـف للعبـاد فنونـك
وأنشـر مفاهيـم الغـلا وأسبابـه
سـرّ المحبـه حافظـه مجنونـك
قفلت بالسلـك المكهـرب بابـه !
وان كان تبغا تستريـح ضنونـك
بصمـت بالإبـهـام والسبّـابـه
والبصمتيـن أظنـهـا يكفـونـك
اللي يحبـك لا تحـرق أعصابـه
أنا الوحيد .. اللي عجبنـي لونـك
وأنت الوحيد .. اللي كسبت إعجابه






القصيده العاشره





أستسمحك يا مخّ راسي بعـد مـا جالـي مجـال
لو منت في حـلّ العلـوم اللـي تهـبّ أرياحهـا
لكنّ خلّـك متّصـل .. وأفطـن لخـطّ الإتصـال
لا ينقطـع ليـن أفتـح المقفـولـه بمفتاحـهـا
مالي ومالـك مـن وراهـا لا نيـاق ولا جمـال
هوايـةٍ بينـي وبيـنـك ولّـعـت مصباحـهـا
غنيّت من وحي الحدث .. ماهوب من وحي الخيال
عسى بحور الشعر مـا تزعـل علـى سبّاحهـا
حسبـي وحسبـك واحـدٍ عليـه نعـم الإتكـال
شفنا مـن الدنيـا وعفنـا .. جدّهـا ومزاحهـا
المسلميـن اللـي منـوّل لا فسـوق ولا جـدال
فسقت ومن زود الجـدل قامـت تـرزّ ألواحهـا
من بعد ما كانت علـى روس المراقيـب الطـوال
تدحدحـرت واللـي مدحدرهـا نـزل بمراحـهـا
يا عالم الإسلام .. يا قرب الجواب مـن السـؤال
خربت نواياكـم وشـاب اللـي يريـد إصلاحهـا
أغلـب دولكـم قايمـه بالتّصفيـه والإغتـيـال
وأعلامها ما رفرفـرت غيـر بخشـوم سلاحهـا
الحكم فيها عسكري عايـش علـى روح القتـال
وأكبر دليل اللـي مـن البـارح تجـرّ صياحهـا
شيخة بنات اسلام أباد .. أغتالها شيـخ العيـال
أطلق عليهـا طلقتيـن .. وشاحهـا بوشاحهـا
كم له وهو ينوي بها وتقول لـه .. روح وتعـال
يا كبر طمعتهـا وهقوتهـا يـا بعـد أشباحهـا
بالأولّه والثانيـه سلمـت مـن سهـوم الليـال
لكنّهـا بالثالثـه جـاهـا المـمـات وزاحـهـا
لـوّ أنهـا تريّحـت وأستسلمـت بنـت الحـلال
ماشفت معها الأبرياء قامـت تفيـض أرواحهـا
دايم هجوم المنتحـر عجـل وسريـع الإشتعـال
تحصّلتهـا ( بنـت بوتـو ) وأنتحـر ذبّاحـهـا
وأمسى الرئيس مشرّف يسجّل لجمهـوره مقـال
ويرسـل لأهلهـا تعزيـه ومشاركـه بأتراحهـا
ما كنّه اللـي قـد نفاهـا بالجنـوب وبالشمـال
يوم أنّها قامت تسبّـح .. وأنفـرط مسباحهـا !
يمكـن يـدوّر عذرهـا حكـم القوامـه للرجـال
وإلاّ يـدوّر عذرهـا علـى الفـسـاد كفاحـهـا
قامت تمايل شجرة التفاح .. ومـال الفـيّ مـال
واللي جلس في فيّهـا .. عينـه علـى تفاحهـا
مير الحقيقه واضحـه وموثٌّقـه فـي كـل حـال
الكرسـي المذنـوب شعلـه والطمـع قدّاحهـا !






القصيده الحاديه عشره





يا ثروة بلادي سامحينـا عـن التبذيـر
عسى الله على ما ضاع لـك لا يعاقبنـا
كبرتي .. وسلّمنـاك للغـش والتزويـر
وبإسمـك تغافلنـا النظـام وتلاعبـنـا
ورحتي هباء منثور ومن يكشف التقرير
يشوف التجاوز ناشـب ٍ فـي مذاهبنـا
نسوقك ما بين الهند والسند سوق بعير
وحنا الديـون مشيّـده فـي مضاربنـا
لو أناّ فقارى كان طبنا وتبنـا .. ميـر
ذبحنا الغناء والبخل غثـرب مشاربنـا
نعاتب حكومتنا الرشيده عـن التقصيـر
وتقول المشاكـل كلهـا مـن سبايبنـا
نطيح ونعلّق حلمنا فـي جنـاح الطيـر
ونقوم وذعاذيع الهبايـب تطيـر إبنـا
غلاء المعيشه فاحش ولا يبـي تبريـر
لا شابت لحانـا مـن يدسّـم شواربنـا
و وليّ الأمر قال أصبروا وأبشروا بالخير
وجزنا عن الإضراب من خوف يضربنا !
ألا ياطويل العمـر خذهـا بـلا تشفيـر
ترا من جنابك لا غدا الشـر ولا طبنـا
نمـرر مطالبنـا ولا تقبـل التمـريـر
ما ينقص من الثـروه زيـادة رواتبنـا






القصيده الثانيه عشره




لله حسيب النـتّ مالـه قوانيـن
فيه البـدواه تستغـلّ الحضـاره
تطوّر ٍ بين الحضـر والبداويـن
كثرت خطوطه بين تـاره وتـاره
نوافذه مـا شرّعـت بالبراهيـن
تفتح على لوحه وشاشـه وفـاره
حتيّش لو قامت تهوش المساكين
بنت الفرس لقحت وجابت ****ه
آخر زمن كـل ٍ يـدقّ الجواليـن
والبسّ ينقز في حلـوق النمـاره
يا كبر عينك مير يا بـارد العيـن
ماهي شجاعه يوم تقدح شـراره
الحقد منك وفيك والناس داريـن
والنجس ما يرضا تجيه الطهـاره
والله لوّ أنك من عيال السلاطيـن
شفت الدناسه في بشوت الإمـاره
شاوي ولو تسمع هدير البعاريـن
قامت على كبدك تزيـد الحـراره
لا عامر ٍ دنيا ولا حافـظ ٍ ديـن
خلّك مع اللي يحفـرون الجحـاره
وش دخلّك بين الرجال المسميّـن
حتى على المرقاب تشتم حـراره
دسيّت راسك مير رايح على ويـن
حوّل من الصندوق وسط الغمـاره
مبروك يوم أنّك في كل المياديـن
حزت الرخامـه كلّهـا بالجـداره
أسمك ثلاث حروف مابين قوسين
واللي قراهـا يفتهـم بالإشـاره
البربره ما عمرها تقضـي الديـن
والرجل تعرف هيبته مـن وقـاره
و المشكله ماهيب لجّة وراعيـن
في كل حاره فيه ورعـان حـاره
المشكله عيّـت تقـر الموازيـن
يا كبرها كبراه يا أعضـاء الإداره



القصيده الثالثه عشره



يا مطاليـق الوجيـه الحـرّ تكيفـه الإشـاره
والإشاره والعه .. والحـرّ مغـروم بغريمـه
إسمي اللي تعرفونه بين الأسمـاء المستعـاره
ما أستعرته غير في نهج الدروب المستقيمـه
كلّ ما جيت أكشفه وأرتاح .. صليّت إستخاره
وقلت خيره .. وإستعذت من الشياطين الرجيمه
يوم أغنّي ما عليّ خـلاف ولا فيهـا شطـاره
وأكثر الشعّار شطّار .. ومواقفهـم عظيمـه !
ينكمش وقت البراد .. وينفرد وقـت الحـراره
ويدهن الكف البخيل .. ويكحل العين الكريمـه
من نطحني يوم أمشيّهـا بلوحـه وإستمـاره
أن دعسته ليه ينقز ؟ وأن سلم يآخذ قسيمـه
لو فصول المسرحيّـه ميّتـه خلـف الستـاره
كان ما شفت الحموضه دابله كبـد الصتيمـه
ودّي آخذ لي مـع الباكـور لفّـه وإستـداره
من غزال شداد ريمـان لغـزال شـداد ريمـه
في بلدنا قـام الأدنـى فوقنـا يصـدر قـراره
بارك الله في جهودك يـا حكومتنـا الحكيمـه
ومجلس الأمه على ما قيل من رمز الحضـاره
مير جلساته تغيض وتمتلي سـبّ وشتيمـه !
يا نزيهين الضمير .. ويا صريحيـن العبـاره
أمست النيّه سليمه .. وأصبحت ماهي سليمـه
أنفضوا بشت الوزير وشرّعوا بـاب الـوزاره
المشاكـل تشـرب وتآكـل وعلّتنـا قديـمـه
جوك تجّـار الإقامـه لعنبـوا هـاك التجـاره
شرّفوا عنـد المواطـن بالمقيـم وبالمقيمـه
كيف يآمن والبلاوي خامـده فـي عقـر داره
وكلّ بادي ليل يسمع فـي عقـر داره جريمـه
يدخل الزايـر بحجّـة زايـر بكـرت الزيـاره
وينهب اللي تلحقـه يمنـاه ويـذبّ الخريمـه
هيبة القانون عيّـت تهـدم بيـوت الدعـاره
الليالي الحمر طالت والهوى ذعـذع نسيمـه
سهره وخمره ومـا يتبـع وتوليعـة زقـاره
وحفل صاخب وأغتنم فرصتك يا مال الغنيمـه
لا تخلوّن المصايب تنتشـر فـي كـلّ حـاره
ألتهيتـوا ف المصالـح والعلاقـات الحميمـه
البدايه .. في حولّي وحش في سطح العمـاره
والنهايه .. كم مقيم ٍ جايك من أم ٍ عقيمـه !
يا الله أنك تحفظ اللي يرفعـون إلـك المنـاره
كلمة ٍ مـن حـرّ مابـي لا تسجلّهـا ظليمـه








القصيده الرابعه عشره





يا مخاوي الشعّار عيّنـت الأطمـاع
شابت رموشك ما كسبـت الجمالـه
بانت مواهبهم على طـقّ الأصبـاع
وأنت أجودي عن طقّ الأصباع دالـه
هل تعلم أن الشّعر حرفـه وصنّـاع
مجـال نسعابـه لـحـل البطـالـه
وهل تعلم أن اللـي يغنّونـه أنـواع
وأن ما صلح لـك نـوع دوّر بدالـه
فيهم جمال كبار .. وسباع .. وضباع
وكديش ..وخيول .. وغزال وغزالـه
وزواحف ٍ تزخف على روس الأكواع
وطيـور وكـلٍ يكفـخ بمـا طرالـه
ميدان واللـي يدخلـه يهبـد القـاع
والكـذب يهـذب والمجامـل برالـه
تزبّـروا مابيـن شاشـه ومـذيـاع
ومن يشرب الفنجـال كـبّ البيالـه
واللي طويل لسان وعيونـه وسـاع
يآخذ مـن الباقيـن صـك الوكالـه
وعقب احتمت والذائقه زبدهـا مـاع
طاح العشاء بين الرشـا والمحالـه
ساحة وباء غاضت وفاضت بالأوجاع
وكم يدفع الوجعان مـن حـرّ مالـه
اليوم كـل ٍ يبـدع وبدعـه إبـداع
والبدع بعضه بدعـة ٍ مـن ضلالـه
لو أن وجه الشّعـر مافوقـه قنـاع
ما قدمّ ابـن عـون قـاف إعتزالـه






القصيده السادسه عشره



حبيبتـي .. حبّهـا مجـنـون
والعقـل قفـلـه ومفتـاحـه
يجتـاح قلبـي وأنـا ممنـون
ما قلـت لـه ليـه تجتاحـه !
منهـا وفيهـا الجمـال فنـون
ذوق .. و ذكيّـه .. ولمّاحـه
زود ٍ على حجاجهـا المقـرون
عيونهـا الـسـود ذبّـاحـه
مزيونـه .. وطبعهـا مزيـون
والزيـن لا بسـة ٍ وشـاحـه
لـو أنّ سـرّ الهـوى مدفـون
لاشـكّ الأشــواق فضـاّحـه
أجي لهـا خاطـري مشحـون
وأروح والنـفـس مرتـاحـه
تسهر علـى شاعـر المليـون
وتشـطّ مـع شاطـي الراحـه
ريمـوت تلفازهـا مـرهـون
مابين ( أبوظبي ) و ( الواحه )
أخـاف يـا قلبـي المفـتـون
يسري بها شاعـر الساحـه !
بلهون .. يومي لها .. بلهـون
ثم عاد .. عط عمرك الراحـه











القصيده السابعه عشره



القريحه عدّها .. بير إرتـوازي
كل يوم أمرّها وأغـرف قصيـده
يوم أغنيّ وأكتب العلم المجـازي
بالفصاحه تظهر الجملـه مفيـده
وأن تعليّت المشاريف النـوازي
ما يموت الشعر وأغراضه عديده
يا مباريني على الخط المـوازي
الوعد قدّامنا .. والـدرب سيـده
تحسب أنك حزت ودّي وإعتزازي
يوم تنشـر فالمجلّـه والجريـده
ليه ترمي سيرتي رغم إنحيـازي
حافظ ٍ نفسي عن رهاط وعبيـده
قلت ضلعك من حجر وإلا قزازي
قال أنا كلي على بعضي حديده !
واحد ٍ يرقص على نغمة عزازي
قام يزمـر بالقديمـه والجديـده
هب لو ّ أنّه على وقت المغـازي
ما يخليّ مـن قبايلنـا شريـده
كان يحكم نجد كلّـه والحجـازي
ويمنع ابن سعود عن شي ٍ يريده
دايم المغرور أنانـي وإنتهـازي
منتفخ وأن مـرّه الهيّـن يكيـده
صايبه في مخّ راسه خاز بـازي
لين فاح الدمّ الأحمر في وريـده
رح تمخطر عند صياّد الجـوازي
وكان ما ودّه يصيدك .. لا تصيده
خابرينك لا تهـوز ولا تهـازي
لك ذراع ٍ مثل مصواط العصيـده
مير لو تنشد تلاميذ ابـن بـازي
علّموك الدين يا مطـوّع بريـده
في قنوات الفضاء دايـم تنـازي
ويا سعيـد الله يهنيّـك بسعيـده





القصيده الثامنه عشره




أثر طويل العمر ماهوب متوفّـي
وأنا أحسب أنّه وفاة الحيّ وافاها
اليوم شفته يشبّ النور ويطفّـي
مجنون والنار ولّعهـا وطفّاهـا
تصفّحه من ثلاث شهور متخفّـي
واللي كتبها شطبها قبل يقراهـا
في كل موقع قصيد يدور ويلفّـي
المنتديات جاها منه ما أكفاهـا !
لوّ أن ماله سنام ولا معه خفّـي
يهدر هدير الجمال ويرغي رغاها
قصايده تشبع الجمهور وتكفّـي
يقطر دسمها من أوّلها ليا أتلاها
مفلتره ما تبا تعقيـم ومصفّـي
دوّر لحنهـا ولحّنهـا وغنّاهـا
لكنّ ليته مخليّهـا علـى الرفّـي
ما كان شبنا ورا تحليل معناهـا
متمرجح العقل بين الثقل والخفّي
خلوّا كريّات دمّه فـي خلاياهـا
عز الله أنّه يكيل الكيـل ويوفّـي
وافي وعن نص كفّه يآخذ إملاها
لاحت عليه البروق وجالها رفّـي
وسمّت عليه السحابه وأنتثر ماها
أشوفه ويا عسى شفّه ماهو شفّي
مشفوح والنرجسيّه تبّت يداهـا




القصيده التاسعه عشره



يا الهكر حودب وحملك ما يطاق
وأرفع رموش العيـون الرايبـه
رح تهيكر خارج حدود النطـاق
وأرم سهمك فالبـلاد السايبـه
دس راسك وابرم السلك الدقاق
ما تمد العيـب غيـر العايبـه
لـو تعلّمنـا فنـون الاختـراق
نخرقك وتروح نفسـك طايبـه
كان قلبك ممتلي حقـد ونفـاق
خابرين منيـن حقـدك جايبـه
لو تحاربنا مثل حـرب العـراق
ما كسبت الا العلـوم الخايبـه
منتدى المرقاب في هذا السياق
صاحب الموقـع موّكـل نايبـه
ما تغرّ العولمه غير ابن عـاق
مير يا ربـيّ تعـوّض شايبـه
لا تصيبك عقب تضييق الخناق
من رجال الدين دعوه صايبـه







القصيده العشرون




شلة ٍ من عرض يا عالم يا هـوه
ما جهلنا وش يبـون وش نبـي
عارضوا وجه القصيد وشوّهـوه
يسرقون الكحل من عين الضبي !
دوّرا من يلحـس الريـح ولقـوه
بارد الهمـه عريـض المنكبـي
أفتحـوا بنـد الاجـور وأجّـروه
ولبسّوه مـن المشالـح والعبـي
كلّبووهـم يدفعـونـه كلّـبـوه
وغن يا روحي وغايـة مطلبـي
فالخطـوط المستديـره لولبـوه
وجـاك كلّـه مستديـر ولولبـي
وش تقول افواههم يوم أمدحـوه
النفاق يساق والكـذب أحلبـي !
عقب حطـوّه متنبّـي وأنفخـوه
يا الله أستـر لا يحطّونـه نبـي
قال يوم انـه تحيـزم وأدفعـوه
خلوا الابداع فـي سـد أشنبـي
وعقب فضفض فالقصيده فضّ فوه
وشلّعت عظمة لسـان اليعربـي
والنتيجـه فالنشايـب ورّطـووه
شاعر ٍ معتوه وجمهـوره غبـي
الشعر خلوّه بيـن أمّـه وأبـوه
المواهب من متى توخـذ سبـي




القصيده الحاديه والعشرون



يا معنيّ الشعر مدري يـا معنيّنـا
موهوب والموهبه يا كبـر بلواهـا
إليا حفظت ( المقوّل ) جيت ناصينا
وغيرّت حرفين فأوّلهـا وفاتلاهـا
يا اللي من دلال خلق الله تقهوينـا
عندك قصيده عليها طـول يمناهـا
راحت على الباب الأيمن فوق لومينا
وسوّاقها الورع مدري وين ودّاها !








القصيده الثانيه والعشرون



ماعندي اسلوب اجامل فيه خلـق الله
طريقتي فالتعامـل تكشـف عيوبـي
المنطق المعتبر ماهـوب مـن قلّـه
لا شك مع حضرته مانيـب موهوبـي
من عنده من الكلام اللي علـى حلّـه
يعطيني اسلوب زين ويآخذ اسلوبـي
يمكن يبيـن الخلـل ونحـددّ العلّـه
بالحقّ .. والحق مطلوبه ومطلوبـي
لي من جناب السجيّه طبـع وجبلّـه
يشهد عليها عـدّوي قبـل محبوبـي
علقّت قلبـي مابيـن العـذر والزلّـه
والموت ما ينومن والعمر محسوبـي
لو تضحك الشلّه ولو تبكـي الشلّـه
الصمت بيني وبين اللي تهـزوّ بـي
شـدوّا حـزام الأمـان وزادت الذلّـه
وأنا بأمان الولـي كمّلـت ماجوبـي
مافيه داعـي نحـدّ السيـف ونسلّـه
حـظ اليتيمـه ليـا لبسّتهـا ثوبـي
الطيـن مبلـول ليـه نـزوّد البلّـه
الله يغيـث العبـاد ويغفـر ذنـوبـي
لو أن كل العرب مـا تخلـف الملّـه
ما روّح القدس خمس عقود منهوبي !










القصيده الثالثه والعشرون



اهواي .. وشفّ بالي .. ومطلوبي
كل كلمة حبّ فـي خاطـرك قلهـا
سولف ولا يزعجك منطق أسلوبي
لو علومي كلّهـا خيّـل البلهـا !!
خلّهـا مابيـن غالـب ومغلوبـي
ومدّ لي عذب السواليف وأزهلهـا
وأن قضا هرج المحبّه يا محبوبي
مفردات الحبّ .. عدها من أوّلهـا
ألبس اللي تنطقه .. لبسة الثوبـي
ماتقـول إلاّ علـيّـه مفصلـهـا
معك نفسي تجمد شـويّ وتذوبـي
كنّهـا صلصـال وأنتـه تشكّلهـا
المحبّه .. حطّها دوبـك ودوبـي
والجفيّا لـو تجـي بيننـا شلهـا
من كثر قلبي من الشوق مشبوبي
خايف ٍ من لحظـة ٍ مـا أتحمّلهـا
يمكن عيونـك لا لديّتهـا صوبـي
تنقز عيوني عليهـا .. وتآكلهـا




القصيده الرابعه والعشرون



لجيل هذا فيه مـن كـلّ الأشكـال
والطالحين أكثـر مـن الصالحينـا
عز الله أنّه غير عن كـلّ الأجيـال
الله يعـافـيـنـا ولا يبتـلـيـنـا
فيه الولد ناعم ولـو تزهمـه مـال
مدهـون راسـه بالولـع والحنينـا
مراجلـه علـى بلوتـوث جــوّال
خالي من الثنتيـن دنيـا .. ودينـا
والبنـت مكشوفـه تلـوّا وتختـال
ولا أدري تلوّا ليه بنـت اللذينـا ؟
واللبس بنطال المشاهيـر الأبطـال
ماعاد يصلح لبسنـا اللـي علينـا
موضه قديمه .. ثوب وشماغ وعقال
يا اللي تبنطلتي معـك بنطلينـا !!
الرجل عوّد بنت .. والبنـت رجّـال
قمنا نعيب الوقـت والعيـب فينـا
واشيب عيني مير سقها يـا هـذّال
ولا عاد تآخذني لسوق المارينـا !






القصيده الخامسه والعشرون



شكلك يا ماشاء الله الخلاّق
فتنه من أقدامـك لراسـك
مليان وأطباق فوق أطباق
تعزف بعودك ومرواسـك
تضرس تضاريسك بما لاق
والتعريه ميزة إلباسـك !
بالمختصر تشبـع الأذواق
عسل مجمّـد ومتماسـك
ببلاش معروض بالأسواق
منته بحصري على ناسـك
صفوّا على دربك العشـاق
وأهدوك ما يروي أحساسك
راضي ومسموح للمشتاق
حتى ولوّ خمّـك و ......
مخلوق لكن بدون أخـلاق
يا جعل ما تكثر أجناسـك






القصيده السادسه والعشرون



طاب الرجاء منّي .. وخاب الرجاء فيك
وأن قمت أحاول فيك .. مافيك حيلـه
تشـوف بعيونـك وتسمـع بأذانيـك
وبلسانك اللي يعتـرض لـك تشيلـه
يا مربّي اللحيه .. تبـا مـن يربيّـك
صاحب نميمه منت .. صاحب فضيله !
ربيّتهـا مـن شـان كلّـن ينـاديـك
يا شيخنـا اللـي مـا لقينـا مثيلـه
وأهل اللحا محشومة ٍ عـن مساعيـك
ولا تجتمع معهـم بنفـس الفصيلـه
في مرتـع الغيبـه جمالـك مباريـك
وأبليس ينفض فـوق راسـك شليلـه
راعي مسابيـح وبشـوت ومساويـك
صممت ديكورك على أهـون وسيلـه
وقصّرت ثوبك ميـر طالـت دعاويـك
وتناقلوهـا أهـل الثيـاب الطويـلـه
ماعاد لـك عنـدي جنـاب ٍ يحييـك
حتى لو أنّـك مـن شيـوخ القبيلـه
جبها على الطاير .. وأخذها دبل كيـك
وأفلـح ومثلـك خوّتـي لـه فشيلـه



القصيده السابعه والعشرون




يا خادم البيتين يا طّيـب الـذات
ما تلحقك غيبـه وريبـه وشكّـه
مسعاك واضح في جميع المسارات
والمملكه رمـز الوئـام ومحكّـه
سجّل لها التاريخ وشهود الإثبات
وثيقة الطايف .. وميثـاق مكّـه
مير المـروّه ضايعـه فالزلمـات
شمل ٍ عسى الله يرسل اللي يدكّه
ورث ٍ لهم من قبل ياسر عرفـات
كل ٍ على الثاني جنوبـه تحكّـه
شلّة عصابه عايشـه بالخيانـات
وحبل المصالح قاضبه مـا يفكّـه
يا ما بنينا البيت وأبليس ما مات
وقاموا يهدوّنـه بلكّـه .. بلكّـه






القصيده الثامنه والعشرون





جامع الأزهر بعـد زاد ارتفاعـه
الدكاتر فيه صـاروا عربجيّـه !
صرح ديني مير من راسه لقاعه
ما يقوم إلاّ على حسنـه وسيّـه
آخر الصيحات فتوى للرضاعـه
من وسيع المعرفه عزّت عطيّـه
قال يوم أنه لبس ثوب الدناعـه
وشمّ ذعذاع الريـاح الموسميّـه
الزميله في عملهـا وبشجاعـه
تنحنـي للـي يزاملهـا شويّـه
ترضعه من صدرها لو ربع ساعه
لين حتى تصبح الخلوه نقيّـه !
قام يعرضها مثل عرض البضاعه
خالف وتعرف .. وسوّا له قضيّه
ول يا استاذ الاحاديث المشاعـه
قمت تنقز بالسريعـه والبطيّـه
انت لو عندك عن الدنيا مناعـه
ما تلوّا بين ذيـك وبيـن ذيّـه
لا تدوّر عندنا سمـع ٍ وطاعـه
ديننا محفـوظ مـن رب البريّـه
علة الشيخ المسمّى في نخاعـه
يفتي وقلبه كبـر قلـب المطيّـه
مير يا ليته يعلّق مـن كراعـه
بين برج المملكـه والفيصليّـه
الفتاوي من مشايخة الصياعـه
لاهي من الله ولا هي عن نبيّـه





القصيده التاسعه والعشرون




يا طير عقب البطا هاك اللحن غنّـه
ضاعت عليك اللحون اللـي تغنيّهـا
غرّد بصوتك على اللي ما ضحك سنّه
ودوبك على نون عينـه لا تبكيّهـا
لو أن شعر النبط ما يدخـل الجنّـه
الكلمـه الطيبـه طابـت معانيـهـا
المنطقه والعه .. والنـاس منجنّـه
والأرض بأحداثها فيها ومـا فيهـا
واللي قضـا دورة الأقـدار قاضنّـه
وروحه على مايشاء ربّه يقاضيهـا
مانيب ويّاه لـوّ أنّـه .. ولـوّ أنّـه
روايتـه بيـن كاتبهـا وقاريـهـا
من ظن فينا المصيبه ما كذب ظنّـه
كثرت علينا الطوايف كيف نحصيهـا
الفرس قامت تحد السيـف وتسنّـه
فزة عيال الخمينـي مـن مفاليهـا
قوم العمايم علينـا جـات مستنّـه
تومي علـي ملـة محمـد بأذانيهـا
بإسم العراق الموحد تقـرع الشنّـه
والغرب يرقص وحاميهـا حراميهـا
لو مقتدى الصدر صدره دقّـه ودنّـه
الملّه الخايبـه مـن حـظ راعيهـا
و الرافضي لحيته من هيلـه وبنّـه
يكّدها أبليـس .. وامريكـا تحنيّهـا
وطهران تدعو لخوض الحرب وتشنّه
خلف الكواليس مكشوفـه مراميهـا
يا بوش ماعاد لك عند العرب منّـه
سرّح جيوشـك وراك ولا تضويّهـا
والمالكـي لا تـردون الخبـر عنّـه
عميل لـه وقفـة ٍ بانـت مواريهـا
قام يتفنن وبـان الشـرّ مـن فنّـه
حاكم وكل الحكومـه تبّـت يديهـا
الدار منهـوب والمنصـوب يعننّـه
منحـاز والعنصريّـه مـا يدانيهـا
وأزرت تشيل الجنايز حملـة الدنّـه
فاضت من أخواننا السنّه عراويهـا
عسى سهـوم المنايـا مـا يخلنّـه
تصيبه وجنّـة الفـردوس يخطيهـا
تكفون لا ننشغـل والخيـل منعنّـه
الوقفـه الثابتـه هـاذي حراويهـا
الله يعز الصفـوف وينصـر السنّـه
ويدمّر الرافضه عـن بكـرة أبيهـا

القصيده الثلاثون


قـام العقيـد معمـر القـذافـي
يقذف خطابه والعـرب يوحونـه
يقول انـا راع العـلاج الشافـي
والمشكلـه وحلولهـا مضمونـه
أعلن بيانـه واستبـان الخافـي
وقررّ علـى حجّانـه المقرونـه
أبنسحب عـن جامعتكـم جافـي
حلّ الجفا .. يا جمعة المهونـه !
وقفت لكـن .. مانفـع ميقافـي
روحوا وكلّن يصلـح الله شونـه
تجمعـوّا فـي قمـة المشرافـي
وتفرقـوّا والـسـرّ لا تبـدونـه
أطيبكم .. اللي لا نخيتـه خافـي
وأرداكم .. اللـي نيّتـه ملعونـه
عز الله اني ف اللـزوم سنافـي
وانتم عرب والبربري تشنونـه !
لو دولته عظمى وبشتـه ضافـي
ودرموح راسه ناشبن ف امتونـه
يصيح وعند الهوش ما ينشافـي
مجنون حاكـم دولـة ٍ مجنونـه
واصبح مع اهل المعرفه عرافـي
دلاّ لسانه .. ثـم صـرّ عيونـه
يمسي ويصبح ف الفراش الدافـي
وأم الجديل يصونهـا وتصونـه
ناديت للثوره يـا ثـوري كافـي
وشلونك وراس الحنش وشلونـه
من خلقتك يسفى عليـك السافـي
والبيت الأبيض يمسحك ف اركونه
ياكم لفاك امـن الخزينـه لافـي
ثوبك وسيـع وطايـلات اردونـه
محسونه اشنابك وضـوّك طافـي
وان ضقت منها لحيتك محسونـه
النقص يبقا نقص مـا ينضافـي
وابو جما يقضب جمـاه سنونـه
يا عمر موسى ماعليـك خلافـي
تنقز وراه ونظرتـك مـن دونـه
امين عام .. وكامـل الأوصافـي
ومعك الأمانه ماهي اب مامونـه
والشرق الأوسط حذفـة الحذافـي
أحذف عرفاته علـى شارونـه !!
يازارعين السـدر والصفصافـي
نعناع .. لايزعل علـى ليمونـه
عسا الجزيره ما تروح انصافـي
ولمّ الشمل مغسـول بالصابونـه
أمن المحيط اليا الخليج الضافـي
رحنا وجينا .. حبّـة ٍ مطحونـه




القصيده الحاديه والثلاثون



أنطلق يا اللي تحـب الإنطلاقـه
البرا مـردود والطرقـه قصيـره
لو لحمك جلال واعظامك دقاقـه
ألحق الأولى وتلحقـك الأخيـره
ومثلك اليا حط رجله شال ساقـه
وقام يصلب عظم ساقه في مسيره
أصفر العرقوب لعلومـه لحاقـه
ليه نكسر خاطر النفس الكسيـره
سقت له خيري وخيره وين ساقه
كثرّ الله بيننا .. خيـري وخيـره
يا صديقي عاد .. لاعادت صداقه
ما نحبّ من الوجيه ألاّ السفيـره
ميّزك ربي عـن وجيـه الرفاقـه
وجهك مربّع .. وعينك مستديره !
لا تراودني علـى قطـع العلاقـه
ثايرن دميّ وسيفي فـي جفيـره
كل ما مريّت لـك مبـراك ناقـه
تنشد الجمّال عن مبـرك بعيـره
من يشيل الحمل ويشيل الوساقـه
صرّ عينك وأرخ سمعك مع هديره
استحي من تالي أسمك ف البطاقه
وأنقل الشرهه على شيخ العشيره
الله أنّه لا يعوقـك وأنـت عاقـه
خلقه مفتّح بصر وأعمى بصيـره
ما تسولف غير من باب الحماقه
هكذا الأحمق يعبرّ عـن ضميـره
طال راسك وأبشر بموس الحلاقه
من نوينا نقلعـه مـا نستشيـره
أنت واللي قادهـا قطّـاع ساقـه
شلة ٍ ترقص على نفس الوتيـره
لو سميره ما عشقتوها عشاقـه
ما تداحمتوا على شامة سميـره
مير باقي من ذبال الـورد باقـه
أعرضوها في تلفـزون الجزيـره






القصيده الثانيه والثلاثون



أسمع خبر عاجـل ودوّر غيـره
سلّة قنوات الفضـاء .. مليانـه
خل الريموت الله لا يكثر خيـره
يطوي لك الشاشات حسب إمكانه
وأنته معه .. في لفّه وتدويـره
وتشوف حكمة خالقك سبحانـه
هاذي مع العجّه تجيـك أمغيـره
وهاذيك مع صفق الهوى بلشانه
اللّه يدمّر .. شاشـة الجزيـره
مشبوهه .. ومنبوذه .. وخوّانه
تبغى لها حسن سلوك وسيـره
دايـم قمرهـا ثابتـن مكـانـه
فيها المذيع يصفّـر أب صفيّـره
وما للعلوم اللي سردهـا خانـه
يمسي بعلمه والشهـود تديـره
ويصبح ويثبت زيفه وبطلانـه !
ويلمس شعور المستمع ويثيـره
ويعدّ علمـن ضايعـن برهانـه
وشعب العرب أدنى ما طيرّ طيره
وأليا كفخ .. تكسـرّت جنحانـه
على الدعايه يشعمـون النيـره
وبلدانهـم مسلوبـه ومنهانـه
يا الشرذمه .. يا الزمره الشريره
لقايـط التشريـد مـن ميدانـه
قولوا ل(بن عطوان) ينفخ كيره
ويرقص لشعلة عـوده ودخانـه
ماهوب عبدالباري .. عبد الليره
عميل مستآجـر كـلام لسانـه
مشرّد وشارد عن أهـل الديـره
ما ينومن لا رحم أبـو جدانـه
عبرّ بحقده .. وأنتهـى تعبيـره
وعوّد على تجريحـه وبهتانـه
يا خاينيـن المعرفـه والجيـره
كلّن علينـا ينغـزه شيطانـه !
يا جعلكم من جرف في دحديـره
ترا خراب البيت مـن عمدانـه
نعوذ بالله .. ما نعـوذ بغيـره
يسبّنا اللـي قاصـرات أيمانـه




القصيده الثالثه والثلاثون



( البقا لك يا زعيم الثـوره الليبيّـه )
يا المهيب المستهيب الوافي المستافي
أبدعت بنت الحلال وصاغـت القافيّـه
وأبتسم حضرة جناب معمّـر القذافـي
سلهمت والعين فيها خلطـة ٍ سريّـه
بين رمش ٍ مستفيق وبين رمش ٍ غافي
يا ماشاء الله يا نجاح الساحه الشعبيّه
تمدحين وترزحين ولا عليـك إخلافـي
والقصيده لـو نقـول بيوتهـا قطيّـه
كثرّ الله خير قوم ٍ يبدعـون القافـي !
راسك المعصوب والدرّاعـه العاريّـه
هكذا ما تقتضيه المصلحه يـا كافـي
تجمعين من الخليـج العملـه النقديّـه
دوّري لك ف المحيط الأطلسي صرافي
قدّمي ( دانات ) وأنتي ف البحر حوريّه
وكل دانه من يدينـك لونهـا شفافـي
كبّروك وصـوّروك بمحـزم وجنبيّـه
وأستلمتي ورث أبونا والسنين عجافي
ما بقا الا تعتزيـن وتنطحيـن الهيّـه
كل بادي ليل رجلك تبـدي المشرافـي
لو ما حققتي جميع أحلامـك الورديّـه
الوكاد أنـك سنافيّـه وبنـت سنافـي
الله الله .. واحليل الشاشـه الفضيّـه
ما بقا في عرضها شي ٍ علينا خافـي
يا معمرّ من يضيفك .. ضافته جنيّـه
والله أنك لا تضيف ونقص ماتنضافـي
لعنبو شعر ٍ تعرفه يـا زقيـم الحيّـه
الأديب اللي سواتـك منطقـه ينعافـي
من كبر راسك ما تلبس غتره وطاقيّـه
تنفض الشوشه وحظّك طيّب ومتعافـي
تحكم الشعب المعنّا بين شمس وفيّـه
وتحسب أنك ف المواقف تحكم الميقافي
من ثلاث عقود حسب السيره الذاتيّـه
بارد ٍ وجهك ورابض ف المراح الدافي
يا الله أنّـك لا تسجلّهـا عليّـه سيّـه
مير مدري كيف يحكم كاهن وعرّافي ؟
لا قضيتي من زعيـم الثـوره الليبيّـه
أستضيفي يا نجاح .. محمد الصحّافي

============================================
يتبع لاحقاا المزيد من قصائد غزليه واخرى اجتماعيه

  5  
اّسر
أتحصّـن ميـر ماعنـدي منـاعـه
يستر الله مـن دواي ومـن طبيبـي
خاطري مشحون من كثـر إلتياعـه
يجحد العلّـه وأنـا جرحـي عطيبـي
منكسر مـا بيـن حبسـه وإندفاعـه
و واقف ٍ بيـن المنـادي والمجيبـي
وأنت يا اللي بينـي وبينـك طماعـه
لا تسلّمنـي ظنونـي وأتغـدي بـي
فرّد جروحـي ليـا جاتـك جماعـه
ولا تخليّهـا تجمّـع ليـن أطيبـي ؟
لا تجاملنـي وحبـك عـن قنـاعـه
ما غصبتـك بالمحبّـه تنتحـي بـي
فيك روعه للغرام .. ومنـك راعـه
وأصدق العشّاق مقطوع النصيبـي !
سمّ وأسلم وأبشر وسمـع ٍ وطاعـه
ضارب ٍ سمعي على صوتك صليبـي
راح قلبي مثل أخوك مـن الرضاعـه
ورحـت عنـيّ لا بعيـد ولا قريبـي
ما لحقني شك غيـر مـن القطاعـه
يا الله أقطع ف الهوى شكيّ وريبـي
لا تقول الحـبّ يبغـا لـه شجاعـه
وأنت يا طيبك .. وأنا يا طيب طيبي !
حافـظ ٍ تاريـخ ميـلادك وداعــه
والزمان يدور والعمـر يعـدي بـي
كل عـام وكـل يـوم وكـل ساعـه
وأنت طيـبّ ومتعافـي يـا حبيبـي
وألاّ أنا عمري يخلـف الله ضياعـه
كلّ ما عيّد شبابـي .. عـاد شيبـي
سيّـدي كـل ٍ بطبعـه وإنطبـاعـه
كان ما طريّت جيبـك طـرّ جيبـي ؟
وأعتبرني شاعر وراعـي بضاعـه
يابس ٍ عرقي على الغصن الرطيبـي
وأن سمعت اللي يطيب إلك إستماعـه
قول صـح لسـان سـداح العتيبـي


==========================
الله يشتت شملكـم يـا الصعاليـك
يا البالشيـن المبلشيـن المـواذي
بالحقد والغيـره وعقـد الشرابيـك
صفوّا ( حذا ) على الطريق المحاذي
يا اللي تراهنتوا على بيضة الديـك
حمر الطواقي فوق روس الشواذي
رعّادكم عادي .. وبرقـه تماتيـك
ولا أدري مطركم سيـل وألاّ رذاذي
النور ما يحجب ولا فيـه تشكيـك
لاشكّ غاذيكم مـن الشـرّ غـاذي
ياقافل البيبـان .. فـكّ الشبابيـك
يمكن ينوشك من شذا الورد شاذي
الفرق شاسع بين هـاذي وهاذيـك
يا اللي على هاذيك فازع بهـاذي ؟
هاذيك ماشاء الله بعيـدة مداريـك
وهاذي معـاذ الله ونعـم المعـاذي
قامت على الطاير وطاحت دبل كيك
يوم الحكـم بيـن الجماهيـر لاذي
كلمة وفـا ماهيـب شبيّـك لبيّـك
يـا شلـة ٍ يـا جعلهـا للنفـاذي
متكتـكه ماعـاد تحتـاج تكتيـك
كلّ ٍ يـدّور عـن رفيقـه مـلاذي
=========================

مافيه داعي تهلّ الدمع مـن شانـي
بكره يقولـون ليـه الحـبّ بكيّتـه
أنـا تمنيّـت تذكرنـي وتنسـانـي
وأنته يا ليتك تمنـىّ اللـي تمنيّتـه
رسايلك جات .. بين أسمي وعنواني
وتعلّقـت بيـن .. ضيّعتـه ودليّتـه
بعض البشر لو يدوّرني مـا يلقانـي
وبعض البشر لو يجاذب سيرتي جيته
لا تنشغل خلّنـي يـا سيـد خلانـي
استسمحك وقتي اللي معـك مضيّتـه
قل فارس الحلم .. خليّتـه وخلانـي
أو قول بالعكس .. خلانـي وخليّتـه
ياسيفي ودرعـي وخيلـي وميدانـي
البيـرق المنكسـر لرضـاك رزيّتـه
أموت من ضيقتي ميـر الله أحيانـي
وجوارحي نـوب لا حيّـه ولا ميتـه
رغم اني اعاني من الوقت ما اعانـي
مسحت صبري على جرحي وداويتـه
يا اللي تبيها سوى وصلي وهجراني
الأوّلـه زلّهـا .. والثانيـه ليـتـه
فرشت لك قلبي وشلتك في وجدانـي
وأرتحت في قلبي المفروش وأذيّتـه
في ذمتك لا تراودني علـى أجنانـي
وصلـت حـدّ الجنـان ولا تعديّتـه
وان قلت وشجاك مدري منك وشجاني
مغير مديّـت لـك كفـيّ وعضيّتـه
ماعاد مع راسي الا روس جنحانـي
والريح لاهـبّ مـع طاريـك هبيّتـه
اسمح لي اجرّ صوتي واسحب الحاني
والشعر .. لا ضقت غنّاني وغنيّتـه
العام انا .. مبتلش في عقدة السانـي
واليوم انا .. شاعرن ما ينهدم بيتـه
=======================================

وش نسيت و وش ذكرت ووش طرا في بالي
والكلام اللي في صدري ما قدرت اقوله
زادت سهــوم المنايـــا فـ الزمــــان التالي
واختلف وجــه الزمـان وعلتــّه مجهوله
مــا غـدا بالحــقّ غيـــــر الباطل البطّالي
هكذا .. وابليـس يقــرع للعباد اطبوله
جنبــوّاا جنب الجمل .. عن مطرق الجمّالي
واتركـوه يشدّ ظهره ثم يشيل حموله
ودّي أهجـرس علـى صفق الهـوا وألالي
في ضميري جرّتين وضحكتن مقتوله
شاعـرن واللــه وكيلي رايحن في فالي
راس مالي سبحتي واشنابي المفتوله
مسلمن .. مانيــب علمانـي ولا ليبـرالي
والتطرفّ ماهو أبحولي ولاني حوله
مــن كثـر ما اقول قولن صعب ماينقالي
مابقا الاّ يقطعون الساني (أمن الدوله) !
اتبــع الأحـــداث .. وامــوّل لها موّالي
شايلن مفتـــاح بـاب الخـــزنه المقفوله
مع جزيرة (فيلكا) صاحت جزيرة (بالي)
والجزر في باقي اقطار الوطا مذهوله
الله اعلــم في شهادة مرخصين الحالي
يوم ساقوها وقالـوا .. ذلنا وش هوله
للجهاد أصول في شرع العزيز الوالي
والمشايخ بعضهم ما يعرفون اصوله
التطـرفّ والتشـدّد .. ضيّــــع الأجيالي
والغلو فـ الدين ماهو رغبتن مقبوله
كيف صرنــا بــؤرة الإرهاب واعزالي
واليهود اهل السلام العالمي معقوله ؟
المصايب فـ القرايب .. بين عمّ وخالي
ومشكلتنا لو سكتنا .. ماهي ابمحلوله
يا الله استر حال الأمه فـ الزمان التالي
رايــة الأســلام تبقــى بالفخر محموله
==================================================

عرّضت صدري لـ الهــوا عسا تناهيتي تطير
ملّت تحايلني .. وأنا مليّت أحايل كبتـها
هاذي ثلاث شهور كابتها وصارت ما يصير
الى متى تزرع وتحصد في ضلوعي نبتها
مابه زفير إبلا شهيق ولا شهيق إبلا زفير
تركيبة أنفاسي كذا .. خلقه ولا ركّـبـتها
آقـف على جرّ النسم وامشي على سلك الحرير
واقص درب الذاهبه وان جابها الله جبتها
مالي صحيب ولا نديم الاّ العنا .. فقط لاغير
واللي تلوّت في حبــال المعرفه حاربتها
والعبره اللي سقتها وعيّا يعبرّها النظير
دحدرتهـــا مع مسلك البلعوم لين أنشبتها
وعقارب الساعه على ذبحي تلفّ وتستدير
وأيامي الغبرا قهـــر .. من سبتها لا سبتها
واليا ضواني ليل ذقت الويل فـ الثلث الأخير
أرقب نجومه وأن بدت شمس الضحى راقبتها
اورّد التوبـــه .. ليا صدّرت تأنيب الضميـر
وأكثــــر ذنوبي لا تتوبني ولا توبــّتها
واطوّل المحراف واردّه على اللحن القصير
وأنا هناديبــي على مــدّ النظــــر هندبتها
وأدوّر الخيره .. وأنا خيرّ ولا عيّنت خير
مصلاح وأسعى في صلاح ظنوني وخربّتها
الحال مقطوع الرجا .. والهمّ منقطع النظير
ياربّ نفسي لا تعذبّهـــا .. بعــد عاقبتها
يارب لا تجعلني ( الأشقى) موالف زمهرير
والطيبّه ما أخطيتها .. والخيبّه ما صبتها
الخاطر المكسور لا يضحك على العظم الكسير
العظم يجبر والخواطر سايبه .. لا سبتها
لكن يا الرب الغني .. يلوذ بك عبد(ن) فقير
عساك ترحم نفسه وتلطف ليا حاسبتها
===========================================

يا اللي ترد العلم وترزّ الأعلام
سولف وأمانه لا تعكرّ مزاجي
قليّ علامك ليه وأقول منضام
والضيم علّه ما نفعها العلاجي
تقول لاجمني عن علومي لجام
ومن عقدة لساني تعقّد حجاجي
تجمّعت في صدري وراحت أقسام
وأزريت أمدّ الشوف وأعرف خراجي
مغير أغنيّ مع ذعاذيع الأنسام
وأعلن على صفق الهبوب إحتجاجي
شاعر ولا أدري كيف حطمّت الأرقام
ومعناي في بعض البيوت إزدواجي
ثبتّ تاجي فوق راسي من العام
وأخاف أهزّ الراس .. ويطيح تاجي
آخذ من أحداث الزمن مصدر إلهام
مرجوج .. وأحداثه تزيد إرتجاجي
وكسبت معلومه على مرّ الأيام
بين السياسه والنجاسه تناجي
يزمر علينا بوش ويصيح صدام
يا الله تكافي شرهم يا مناجي
لعبه خبيثه .. مالها شرع وأحكام
تضيق منها واسعات الفجاجي
مصالحن مابين بايع وسوام
منتوجها جلب العرب للحراجي
صفارة إنذار .. وطواري وكماّم
وخطـّـه لـ تطويق البلد بـ الملاجي
نصب حقل النفط في حقل الإلغام
ونفتح منافذ فـ الشريط السياجي
ونمشي خلاف ونظرة العين قدام
من خوف يلحقنا الهجوم المفاجي
ونستورد من الهند والسند خدام
ومن العراقيين .. مليون لاجي
وبكره تبثّ العلم شاشات الأعلام
طار الحمام .. وبيضّن الدجاجي
=========================================

تكفا طلبتك طلب يا جورج قرداحي
مع كلّ حلقـــــــه تسجلـّـها تناديني
أزهمني اطير لك واسابق جناحي
والله له المنّه .. ولحــــــدن يوديني
(الأرض يمشي بها المجنون والصاحي)
قافـــن .. ودايم تغنيّ به جناحيني
أبنفض الريش والبس للهوا وشاحي
والشمس لا غمضّت ما غمضّت عيني
في ظرف خمسة دقايق تسمع فياحي
وصلت سالم عسا ربـــي يعافيني
قل مرحبا ياهلا بالشيخ سداحي
واقول دام البقــــا والله يحييني
مستنكر اصراري ومستغرب الحاحي
ابكسر الحاجز اللي بينك وبيني
هوايتي قفلّت .. بابــي بمفتاحي
وطموحي ارد دمي في شراييني
مغير اجر اللحن واومي بمسباحي
دخـّـلني أمسابقتـــــك ولا تخليني
أسأل وأنا أجاوبك واثق ومرتاحي
وفي ذمـّـتك لا تغش ولا تخاشيني
ما ابغا اختيارات ولا جمهور صداحي
يكفيني اصدح لحالي وانت توحيني
ولا تتصل في مناحي سافر مناحي
ولا فيه غيره يعرف الجيم والسيني
دايم جوابي نهائي لاح ياملاحي
مقرود خلقه والاحي من يلاحيني
بالك تفلسف عليّ وتنبش اجراحي
قل صح ولا خطا والحظ يرضيني
ياثقــــل دمــــك ليا عودّت مزاحي
لبناني المرجع ودمـّـك فلسطيني
مليونك ابـ شنطتك وكفوفك شحاحي
وانا ديونــي تعدّن الملاييني
وان كان مال النصيب وحظّها طاحي
ماقلت لك عطني ولا ابغاك تعطيني
اسمع صحيح النبا ياجورج قرداحي
ان كان ما اغناني الله منت مغنيني
==========================================
الشرهه اللي تعدل العذر ويميل
مالت .. وعذر المخطيه ما عدلها
واللي شرب من (ماء وجيه) المشاكيل
ملامة اصحابه شربها واكلها
السالفه راحت حقوق ومعاديل
يا اللي تزم بكلمة الحق قلهااا
مادامها شاشه بطوله وتمثيل
مافيه غيرك يا بطلها بطلها
يقول انا الأستاذ ومدرس الجيل
واضيعة الأجيال وخيبة أملها
قامت تخلخل فوقه ام الخلاخيل
تمسح على النحله وتلحس عسلها
دايم معه مطرق وبندق ودربيل
ويقصّ درب الغافله وأيختلهاااا
ضيّع حلاله بين زهران وهذيل
وأمسى يفك اعقالها ويعقلها
ضيقتني بالحيل يابارد الحيل
واللي يجيك امن العلوم احتملها
( لطّامة العايل وذباّحة الحيل )
ما سرّحت مع ذودها الاّ فحلها
مادمت ما تقدر على الحط والشيل
لا تعترض بين الحمول وجملها
أفرد لسانك مع هل القال والقيل
وأجمع حروف السالفه وارتجلها
بطنك بطن عقرب وظهرك ظهر فيل
واتـّـقدم الوحده وتآخذ دبلها
قدّام لا تضحك عليك الرياجيل
خل العلوم الهابطه وأعتزلها
قال المثل هجيّ يا شقرا مع الخيل
وهذا المثل لا يق لك ولا يق إلها

  6  
اّسر
قصيدة ..جناب الود

ليــّن جناب الود يا ليـّن العود
_______________ وألطف وأساليب المحبـّه عديده

خل القسـا لاهبّ تستاقه النود
_______________ وأحذر بعد ما ساقتـه تستعيده

بإسم الوفا والحب والطيب والجود
________________ الصح عيده والخطــا لا تعيده

عليك حلّ الحبل والحبل معقود
_______________ تعقــّدت روس الحبال الجويده

وراك ساكت والسما بروق ورعود
_______________ والليل موحش والهبايب شديده

مدري حداك الصمت وأصبحت محدود
_______________ وألاّ أنّ صوتك فيه نبره جديده

تنقل كلام شفـاك بعيونك الســود
_______________ وفي كل نظره منك .. جمله مفيده

كم قلت لك مأمون والسدّ مسدود
_______________ والشك زايل والهقاوي بعيده

خوفي من اهل الرقص والنقص والزود
_______________ وبثـّي يا إذاعه وأنشري يا جريده ‍

قلبي لهد كبدي وعبرّت ملهود
_______________ وأنته حجر قلبك وكبدك حديده ؟

خليّتني فـ الشعر حاوي ومردود
_______________ وعلــّـقتني في باب بيت القصيده

وأزريت أغنّي فيك يا باشة الخود
_______________ مما بدالي .. ما بقا لي شريده

جوارحي لرضاك مقتادها قــود
_______________ تقول حاكمني بشرع وعقيده

لاشك حكم العشق ماعنه منشود
_______________ وحكومة العشــّاق ماهي رشيده

أنت اعتبر ما صار ماهوب مقصــود
_______________ وأنا أعتبر ما صار فرصه سعيده




=====================================





قصيدة معشر العشاق





العـفـو يــا معـشـر العـشـاق
قلبـي نـفـض عـنـي اوهـامـه



نتـايـج العـشـق مــا تـنـطـاق
والــشــر خـلـفــه وقــدامـــه



قلـق وهــم وسـهـر وإرهــاق
طــابــع .. لـيـالـيــه وأيــامـــه



وقفـة لـقـاء وإنكـسـار فــراق
دوّامـــــة ٍ وســـــط دوّامـــــه



مـن يـوم مـا خربـت الأخـلاق
قــام الـوهـم يـطـوي خيـامـه



أقفيت عـن مدمجـات السـاق
والرمـش والـخـد ابــو شـامـه



مالـي بهـنّ لـو يجـنّ أطـبـاق
قـنـعـت .. والـنـفـس عـزامــه



دايـم سلـوك الظـنـون دقــاق
ومــن تبـرمـه تحـكـم ابـرامـه



واللـي فـي غيبوبتـه مـا فـاق
بـكـره نـفـسّـر لـــه أحـلامــه



يـا معـتـرض لــي وانــا تــواق
الــحــب لا تــركــز أعــلامـــه



القلـب صـايـم عـلـى ميـثـاق
وأرجـــوك لا تـجــرح صـيـامـه



يلعب بيّ الشوق لين أشتاق
ويـمـثّــل ويــعــرض أفــلامــه



الكافـر .. الـمـازح .. الـسـراق
مدري متى يعلـن إسلامـه ؟



الــيـــووه .. والآه بـالـطـقــاق
والجـرح واقـف عـلـى أقـدامـه



والعاشـق الصـادق اليـا ضـاق
وقّــع عـلـى بصـمـة إبـهـامـه



مانيـب مــن يكـشـف الأوراق
حـتـى ولــو جـفّــت أقـلامــه



بديـت فـي قـمّـة الشـوهـاق
والـشـاعـر ومـصــدر إلـهـامـه



ولقيـت فـي هامـتـه مــا لاق
وتـوافـقــن هــامــه وهــامــه



محـبـة الـغـش مــا تـنـسـاق
ومـن ساقهـا يـربـط حـزامـه !



وجهـة نـظـر وإخـتـلاف أذواق
وكـل ٍ علـى همّـه هيـامـه !!





يتبع المزيد لاحقا..

  7  
اّسر
الفضائيات



يا صبح نورك عليـه إثبـات
شمسك على الكـون شعّالـه
.
والليـل لـو يستـر الغـرات
يبدي مـن اسـراره لحالـه
.
البارحه والهجـوس أفـوات
مابيـن رجـلـي وخيـالـه
.
شالن في صدري ثلاث اصوات
ونوم العوافـي بـرن حالـه
.
عقلت قلبـي عـن السجـات
وعـوّدت أسريّـه بعقـالـه
.
وروابعه عقب راحـت جـات
تحـط حمـلـه وتشتـالـه
.
وأمسيت أجرّ النسم بسكـات
وكبرت على القالـه القالـه
.
يا طول صبري على الميـلات
وقت العنـا فـاض مكيالـه
.
حنا في وقت ٍ مـن الاوقـات
يضفي على الخلـق سلالـه
.
زادت دشـوش الفضائـيـات
وانا الفضـا مالـي ومالـه
.
جاء مع عرب سات نايل سات
يرسـل وزانــه ويبـرالـه
.
موجة تطور على الشاشـات
ريموتهـا يكـبـس الآلــه
.
والمجد مـن بدهـا بالـذات
يا جعل مـا يقطـع ارسالـه
.
ما تعرض ألا ّ عبـر وآيـات
وصلّوا علـى محمـد وآلـه
.
والسلّـه الباقيـه هيـهـات
ماهـيـب لله وإنّــا لــه
.
قمصان نوم وعلـوم وشـات
بـث ٍ فـال الله ولا فـالـه
.
ارسل سلامك وهاك وهـات
وكـلٍ محـضّـر بجـوالـه
.
عسل وصل والحنونـه جـات
دجـال يضـحـك لدجـالـه
.
ناس ٍ بلاهـا حياهـا مـات
شبـاب الاسـلام يرثـالـه
.
الفن مـع كاشـف العـورات
يصلـح لشـرواه وامثـالـه
.
يـا الله لاتقطـع الهـقـوات
وتبلّـغ الـعـود فـعيـالـه


  8  
اّسر
مخرج 3


يا مخـرج 3 عقـب دار الزمـان ومـال
على الدايري يا ليت ما شفت لـك لوحـه

لمحتك وأنا سالي وفـي طرقتـي رحّـال
ودقّ الجرس في صدري ونقّض جروحـه

يا ليتك مجـرد لوحـه وكبـري ومدخـال
ولا لك من الذكـرى مسـارات مفتوحـه

بديت أستعيد اللي مضـى وأفتـح الاقفـال
عسى نعمة النسيـان ماهيـب مذبوحـه

علاقـه وزالـت مـيـر تأثيـرهـا لازال
أكابـد نتايجهـا والأشـواق مسمـوحـه

تخاطف عيوني كيف أحيل الغـلا وأحتـال
ولي عين مستوره .. ولي عين مفضوحه !

علشان من حطّت في قلبـي لهـا منـزال
تعلّت عروشـه وأبتـدت تهـدم صروحـه

لها بالوصوف الفارقـه مضـرب الأمثـال
ذكيّـه ولمّاحـه وحـلـوه و مملـوحـه

تمازحني وترمي علـيّ المـزوح أشكـال
وأسيـرّ لهـا قلبـي بجـدّه وبمـزوحـه

تقول أنت شاعر والمشاعر على مـا قـال
ما باقي تغنيّ غير فـي حـيّ منفوحـه !

سقى الله قصيد ٍ كان فـي حبّهـا يختـال
أغطيّـه بوشـاح المحبيّـن وأشـوحـه

قضينا وبأحكـام القضـاء تقنـع العقّـال
وكل ٍ عن الثاني سحـب روحـه بروحـه

لوّ أن الجفاء قاسي يهون الجفاء لا طـال
عسى الله يوفّق كـل مسلـم لمصلوحـه

أبدفـن محبّتهـا تحـت هيبـة الـرجـال
وأبدعي لهـا وتـروح بالستـر مبيوحـه

عساها تدوم بخير وتعيش بأحسـن حـال
وتبادلنـي الدعـوى والأعمـار منقوحـه

عليها السلام ورحمـة الله مـن الأهـوال
ومن شـرّ وقـت ٍ يعترضهـا بساموحـه


  9  
اّسر
Youtube)

للمعرفـه والعلـم طالـب ومطـلـوب
وللعولمـة طفـره وسرعـه مخيـفـه
وللتقنيـة حاسـب وللذنـب حاسـوب
وللشّـر وازع بالنفـوس الضعيـفـه
وللناس طمعة روس وأحساس وقلـوب
وللـراس مـخّ وللجـوارح وظيـفـه
قام التطـوّر بينهـم ينفـض الثـوب
ويومي علـى روس الجبـال المنيفـه
على ما قالوا كـلّ ممنـوع مرغـوب
و مـدّور الممنـوع يلـقـى حليـفـه
يا مولّعين اللايت في سايت ( يوتيوب )
عليـكـم أوزار الخـلايـق لفيـفـه
ما يمنعـه حاجـب ولا فيـه محجـوب
واللي معـه مقطـع فضيحـه يضيفـه
العرض وافر والحيـاء منـه مسلـوب
بيـن العلـوم المحزنـه والطريـفـه
بالصوت والصوره من بلاي لستـوب
من خشّ به جت له على كيف كيفه !!
جلسة شباب أشناب مع خمر وحبـوب
والبنـت ترقـص بالثيـاب الخفيـفـه
والمطرب المشهور بأحضان رعبـوب
والكبتـن الطيّـار ويــاّ المضيـفـه
فضايح ٍ في وقـت ماهـوب معيـوب
العيـب فيـنـا والبصـايـر كفيـفـه
يـا أمـة الإسـلام والعـزّ منـهـوب
يضحـك علينـا الـذلّ ويسـلّ سيفـه
وحنا نجي ونـروح ونقـول مكتـوب
ونعمل على هـدم البيـوت الشريفـه
متـى نعـود لخالـق الخلـق ونتـوب
ونعامـل الله بالقـلـوب النظيـفـه !


  10  
اّسر
(خامس أحبابي)


القلب في سوق الهوى لجلك يغيـض ويمتلـي
ماهوب راع مساومـه أمّـا أشتـره وإلاّ بعـه
يوم الشعور مداوله .. وش قلت لك وش قلت لي
راجع حديث العاطفـه وأقتـصّ دربـه وأتبعـه
وألاّ بلاش أنسى مافات ومات .. وأسمع ما يلي
لا تترك الملتاع واقف لك على راس أصبعـه !
لا تكسر شداد الجمل .. لين آكل لسـان الطلـي
وإليا نهض حظي وحظك شقّ صـدري وأجبعـه
من قال لك ( ما الحـبّ الآّ للحبيـب الأوّلـي )
يا خامس أحبابي معك نسيـت حـبّ الأربعـه !
أضحك معي .. وأضحك معك لكنّ لا تضحك علي
طبعـي علشانـك تعبـت أعوبلـه وأطوبـعـه
شتّتني وأنـا عليـك .. أميـح ميحـات الدلـي
ودخّلتني فـالزوبعه وأنا مـا أعـرف الزوبعـه
وغنيّت لك قافين والمعنى علـى وجـه ٍ جلـي
أختر حداها وأحفظه وأفتـح ضلوعـك وأطبعـه
أقولها .. وأن مـا تلقيّتـك .. تلقيّـت الخلـي
يا منبع الحـب الحقيقـي علّنـي مـن منبعـه

إضافة رد

مواقع النشر (المفضلة)

الكلمات الدلالية (Tags)
العتيبي, زجاج

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



مواقع صديقة

Bookmark and Share

RSS RSS 2.0 XML MAP HTML

الساعة الآن 10:21 AM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 TranZ By Almuhajir
HêĽм √ 3.1 BY: ! ωαнαм ! © 2010
المواضيع والردود المنشورة لا تعبر عن رأي [ ادارة منتديات عالم الزين ] ولا نتحمل أي مسؤولية قانونية حيال ذلك ويتحمل كاتبها مسؤولية النشر لا يجوز كتابة التعليقات و المشاركات التي تنتهك أيًّا من إرشادات المحتوى. من أمثلة ذلك، المحتوى (الخاص بالبالغين) أو العنف أو تأييد التعصب العرقي و المواد المحمية بموجب حقوق الطبع و النشر / في حال وجود شكوى يرجى مراسلتنا / [email protected] / دمتم برعاية الله

Security team

This Forum used Arshfny Mod by islam servant