مــنــصــور بن ســعــدي الــرمــالــي
_
١١_(أمــوت وأحــيــاء )
أموت وأحياء وأنت فارس للأحلام ...... أرتاح وأشقى وأنت غاية مرادي
وأسهر على شانك ليالي ولا أنام ....... وسهر الليالي عقبكم صار عادي
عذبتني وأشقيتني عام وأعوام ......... ماتدري أن الصد جرح فؤادي
وأدخلت في قلبي وساويس وأوهام ....... وخليتني عقبك طريح الوسادي
عدي سجينً ينتظر حكم ألاعدام .......... حطو برجلينه ثقيل القيادي
ولاأنساك أنا مع مر الليالي والايام.... ودونك فلا يهنا منامي وزادي
أنسى هلي وأنسى الجماعه والالام .... ولاانساك لوتنسى الصلاة العبادي
مــنــصــور بن ســعــدي الــرمــالــي
_
١٢_(إن ضـحـكــنـا يــوم)
يابو قاسي شفت ماشفته وعفت
عفت انا من ماشفت حتى النظر
إن ضحكنا يوم عشر أيام زفت
وإن رقدنا ليل مانمنا شهر
يابو قاسي من زمان اليوم خفت
وصرت أخاف حتى من إبتسامات البشر
لاتلومن لو عقب قوه.... ضعفت
ولاتلوم القلب .... ماقلبي صخر
يابو قاسي في بلاد الله طفت
واغتربت وشبت في سن الصغر
راس مالي من ورى الغربة عرفت
إنني مخلوق لجل أشبع قهر
مــنــصــور بن ســعــدي الــرمــالــي
_
١٣_(ان مـارحـمـت الـحـال)
لاتترك المجروح يشكي ويشقى
وإعرف ترى كثر الجفا منك جراح
وإن مارحمت الحال وش عاد يبقا
غير الرحيل لعالم فيه نرتاح
كلن يدور عن حبيب ويلقا
شخصٍ بلقياه الهواجيس تنزاح
وإنت البحر لو منه الزرع يسقا
يموت حتى لو يحاضيه فلاح
مــنــصــور بن ســعــدي الــرمــالــي
_
١٤_(أنــا مــن يـعـانــي)
أنا من شقى وإهتم..أنا من طواه الياس
أنا من سهر وأصل السهر ساكنن عينه
أنا من يعاني شيء مامنه عانوا ناس
أنا من خسر دنياه وأيضاً خسر دينه
أنا من عذابٍ لي جرى بان شيب الراس
أنا من تعرض للقهر من موالينه
أنا من وطاه الحظ الأقشر وفوقه داس
أنا من طعنه الوقت الأغدر بسكينه
أنا من سرى ليله مع الهم والهوجاس
وأنا من خطاه الوقت وأيامه الشينه
أنا أضحك وأجامل ناس من شان خاطر ناس
وأنا أحس في جسمي تفجر براكينه
شكيت وبكيت وصرت أنا أمشي بدون إحساس
ولا أقول غير الله يعدل موازينه
أنا أخاف من ريشه تلامس وتر حساس
ومن ثم يبحث كل خافي بتلحينه
مــنــصــور بن ســعــدي الــرمــالــي
_
١٥_(أنــت الــبــحــر)
الناس ربي من تراب خلقها........وانت الذي من جوهر الماس مخلوق
والناس ساواها الولي مافرقها.....بس انت عن كل البشر صاير فوق
أنت البحر فيك البواخر غرقها.....وانت السحاب اللي به امطار وبروق
وانت الجحيم اللي حياتي حرقها.... وانت النعيم اللي يشدن له الشوق
ألطف بحالي لاتسبب زهقها.......... وألطف بقلبٍ من عنا الود محروق
وأسق الورود اللي تساقط ورقها.... والحق على جسمٍ غدى جلد وعروق
مــنــصــور بن ســعــدي الــرمــالــي
_
١٦_(أنــت الــجــمــال )
انت القمروالشمس والأرض والكون ...وأنت السماءوأنت النجوم الرفيعه
وأنت الذهب والماس غالي ومكنون....... يادرةً خسران منهو يبيعه
وأنت الجمال اللي به القلب مفتون .... وأنت الحلا يانور كل الطبيعه
وأنت ألأمل في كل دنياي يانون ........ بعدك مرض قلبي وقربك ربيعه
عندي فلامثلك مع الناس مزيون ...... ياكوكبً غطى الكواكب لميعه
مأنساك لا مانساك وأبليس ملعون ....... أرجع علي فرقاك أنا ماستطيعه
ماجفاك لو تجفى ولو خنت ماخون ....... أدور وصلك لو تدور القطيعه
مــنــصــور بن ســعــدي الــرمــالــي
_
١٧_(أول قـصـيـده)
أول قصيده قلتها فيك قرب000000000وأخر قصيده قلتها منك هارب
ماقوى على التدريب وأنت المدرب..... ولا يحتمل موج البحر كل قارب
لاجيب أصلح جيت بعدي تخرب ...... وبعد أتفاق الصلح ترجع تحارب
وأن رحت يمك شرق ترجع تغرب ...... وشوهتني بين الأهل والأقارب
والناس كله تستشير المجرب ....... وأنا نصحوني عنك سابقين التجارب
مــنــصــور بن ســعــدي الــرمــالــي
_
١٨_(بـدايـة نـهـايـتـنـا)
متى ياعرب نمشي على راي بالإجماع
وحـنا بايـاديـنـا نـفــرق تــجــمـعـنــا
متى ياعرب نسترجع الماضي اللي ضاع
وحنا السبب في كل شيء مضيعنا
متى ياعرب جسم العرب يشتكي الأوجاع
وحنا بنار الغدر نكوي مواجعنا
لأمر بعضنا نرفض ولأمر العدى ننصاع
نتواضع للأعداء ولبعض ماتواضعنا
تعبنا .. تعبنا نطرد المظهر اللماع
وعلى ركضنا الفاشل عدانا تشجعنا
تعبنا من التمثيل والشجب بالمذياع
من الشجب ياأهل الشجب ملت مسامعنا
كبيره .. كبيره ياعرب نشترى ونباع
وأيادي عدانا لقتلنا بعض تصنعنا
كبيره وحنا اهداف بمخطط الأطماع
وعلى بعضنا تظهر وتكمن مطامعنا
كبيره .. كبيره والكبيره يصير صراع
على يد بعضنا للأسف صار مصرعنا
شرينا المدافع ندّعي نقهر الطماع
ولكن ندري موتنا من مدافعنا
شرينا نهاية بعضنا من يد الصناع
وشرينا الخيانه والأمانه لها بعنا
غريبة .. غريبة مابنا واحد جزاع
تموت الألوف ولاتذرف مدامعنا
إذا كان دم إبن العرب سال منه القاع
ولا منّه نجزع .. ياعرب وش يجزعنا؟؟
فلا أدري ولا أدري كيف نرقد ولا نرتاع
رغم مانشوفه نهتني في مضاجعنا
ننام ونقوم وهكذا يعزف المذياع
ولا شيء يشغلنا سوى الأكل اذا جعنا.؟
!!!
كأننا نعيش بكهف مانعرف المطلاع
ونبي ننتظر لعل الأقدار تطلعنا
تلاشت عزيمتنا وحب المظاهر شاع
بـدايـة نــهــايـتـنـا ..... حياة بلا معنى
رضينا الغدر منهج وسابق وفانا ضاع
وإذا كان ضيعنا الوفا ياعرب ضعنا
نسينا .. نسينا ديننا لين صرنا أتباع
ضعفنا .. ضعفنا والسبب ضعف وازعنا
تعبنا .. تعبنا نحترق ياعرب نلتاع
تعبنا وملينا من الكذب والتعنا
على فوهة البركان نصنع هدوء أوضاع
شكت كذبنا أقلام بكت بين أصابعنا
نبي نفرض الكذبة على الواقع الملتاع
وعلى صيغة الكذبة نبرمج مطابعنا
وعملنا لها تضخيم حتى خبرها ذاع
وسكتنا عليها وإشتكى الضيم واقعنا
مــنــصــور بن ســعــدي الــرمــالــي
_
١٩_(تـصـبـح مـن وضـعـك)
وافق معي وأرفق بشخصٍ لكم طاع
وألطف بذات ينتظر لطف ذاتك
إلحق غريق في بحر حبكم ضاع
وأنقذ حياة اللي تهمه حياتك
تصبح من وضعك وأنا أعيش بأوضاع
أخفهن لو جاك سبب وفاتك
عطني شقا عمرك وهمك والأوجاع
وخذ السعاده وأعطني مشكلاتك
وأحرق بقلبي وأترك القلب يلتاع
.................
يحرق شفاتك
الله خلقك وبك خلق سر الإبداع
ملاك ماحدن به صفه من صفاتك
ياأعز وأغلى خلق ربي على القاع
وشلون أنا اسهر منك وانت بمباتك
أنا وفي يوم الوفا يالوفي ضاع
وأبغى وفا وأعطيك كل أمنياتك
أموت منك ولك ترى القلب ماباع
وأبعث بعد موتي معي ذكرياتك
مــنــصــور بن ســعــدي الــرمــالــي
_
٢٠_(حــض الــردى)
الراس شاب وشيب الراس من شيء ......شيُ خفى غيري وأنا ماخفاني
حسبي على حظن دفني وأنا حي .......... في عالم النسيان حظي نساني
حظ الردى اللي جابني من جبل طي ....... ومابين جدران الكتيبه رماني
متعلقُ لاني بشمس ،،،، ولافي ........... بين اللحوج وبين وقتُ جفاني
حظي وضعني بظلمةٍ مابها ظي .... وعشت بشقاء مع مابقاء من زماني
مــنــصــور بن ســعــدي الــرمــالــي
_
٢١_(حــل الــحــرام)
كنت أنتظر من وقت ألاقيك يازين ....... وصدفه تحقق حلمنا واجتمعنا
وصار اللقاء الساعه من الليل ثنتين....... بفعل التناهي للحواجز قطعنا
وتم أجتماع الود بين المودين ........ ماحدُ سوى الله غيرنا كان معنا
حل الحرام وصار مابين الأثنين ........ أخذ وعطاء من نفس فيه أقتنعنا
لين أذن التالي ونادى المصلين........ قمنا عقب وقتٍ قصيرٍ جمعنا
وياناس أساس الحب وصل المحبين........ حتى يصير لكلمة الحب معنا
مــنــصــور بن ســعــدي الــرمــالــي
_
٢٢_(حـلـفـت أنـامـاأشكـي)
حلفت انا ماأشكي على الناس همي 0000 ألا على رب البشر جالي الهم
عناي أنا مشكيه حتى على امي 0000 لو كان مابه حي أرحم من الام
وعندي خبر صفو الزمن مايتمي 0000 لو يستمر سنين وشهور ماتم
دنـيـا تـفـرق ياسعد ماتلمي 0000 شره يعم وخيرها خص ماعم
ياخوك أنا منها أرتفع ضغط دمي000 حتى نحلت وصرت عظماً بلا دم
مــنــصــور بن ســعــدي الــرمــالــي
_
٢٣_(حــمــام يالـلــي)
حمام ياللي بيح السد نوحه ............ علمتني حسبي عليك الله النوح
أنوح من قلبُ طونه جروحه ......... القلب جرح وجسم راعيه مجروح
سهران لين الشمس يكمل وضوحه.......مأنام ليل ولاقدر أمشي ولاأروح
مجروح روح والعزاء بان بوحه.......وأخاف سدي من العنا يعلن البوح
وكلُ يموت ليا طلعت منه روحه.....بس البلاء من مات جسمه وبه روح
يتعب ويشقى ماتحقق طموحه .........ولاله بها الدنيا ولو عاش مصلوح
مــنــصــور بن ســعــدي الــرمــالــي
_
٢٤_(رغــم هـذايـاحــلــو)
التغلي والدلع عيبين فيك 00000 نزلن يانور عيني مستواك
رغم هذا ياحلو قلبي يبيك 00000 راضي بك مارضى باحدً سواك
من جميع الناس قلبي مهتويك 00000 واعسى تلطف بحال اللي هواك
غيبتك طالت ولا زلت أرتجيك 00000 والرجاء إنك ماتخيب من رجاك
حاول الرجعه تراني محتريك 00000 وكان ماجيت إنت سافرنا وراك
لو يطول الوقت قلبي مانسيك000000 وكيف تنساني وقلبي مانساك
مــنــصــور بن ســعــدي الــرمــالــي
_
٢٥_(ســئـلــت بـالـهــاتـف)
مالوم صدري لوتضايق وأنا ضقت....دام الفضاءرغم أتساعه علي ضاق
ياناصر من رحت أتصل ماتوقفت ......حظ التعاسه ماسعى لي بالأوفاق
سئلت بالهاتف عن اللي له أشتقت.......من زود مابالقلب من ود واشواق
قالوا حبيبك من وفاته مضى وقت .......عنا ...وعنك بدل القرب بفراق
كذبت ماقالو..ورديت صدقت .....وعند الكبينه صحت انا وسط الاسواق
بغيبوبتي مضيت يومين مافقت .........واللي فقد نصفه ... معذب ولو فاق
للموت من شيء جرالي .. تشفقت......عفت الحياة وصرت للقبر مشتاق
وياخوك عقب صويحبي الكدر ذقت ......وياليته العايش وانا ذقت ماذاق
مــنــصــور بن ســعــدي الــرمــالــي
_
٢٦_(ســــعــــوديــة)
قال هذة القصيدة عندما كان عسكري في قطر عـام 1988
يادار من دوربك الرزق غلطان .... ياديرةٍ بك يامرون الهنودي
ليا صارمن دوربك الحق ينهان .... نقص بنقص ولايجي منك فودي
يادار فيك الفار منعم وشبعان .... والذيب يشكي قصته للأسودي
فيك الثعالب صايرٍ شانها شان .... تشره على قصت يمين الفهودي
يادار ماجيتك من العز عريان .... ولاني من اللي شردوه اليهودي
يادار ماجيتك مشرد وسكران .... ولاني من اللي خاينين العهودي
لي ديرتن يشبع بها كل جيعان .... داري لمن حده زمانه تجودي
دارعلااسمه وأعتلى فوق الاوطان .... الضيف به يعطى له الحق زودي
في حكم طلقين الشوارب والأيمان .... اخوان نوره قاهرين الضدودي
من باب جيزان ليا باب عمان .... حالو عليها بمرهفات الحدودي
دار لها في صفحة المجد عنوان .... أمن وأمان برها والنفودي
ســعــوديــة ٍتبقى على طول الأزمان ....في ضل ابو فيصل عريب الجدودي
فـهـد فـهـد قايد مسيره وشيهان .... ماسجل الباتان هم والزيودي
شجاع ضيغام من نسل شجعان .... سيفن على العدوان مرهف حدودي
سلم ٍلمن سالم وشين ٍلمن شان .... هو مزبني ليا شفت الأيام سودي
والحر مايرضى الأهانه ولايهان .... وللمعركه مايقدمون الشرودي
ومن عاش بالذلات يموت ندمان .... ويندم وهو في مظلمات اللحودي
مــنــصــور بن ســعــدي الــرمــالــي
_
٢٧_( سـيـنـاريـو حـبـي )
سيناريو حبي معك فلم كرتون000000 تجي النهايه ماعرفت البدايه
قصة غرامً بين فاتن ومفتون 000000 صارت وسارت بينهم دون غايه
قصة غريبه بين عاقل ومجنون 000000 وصاروا مجانين سوا بالنهايه
تعرفوا صدفه وماكان يدرون 00000000 وتقابلوا صدفه بدار الرعايه
قصة غرام كلها ألام وحزون 000000 أحسن لها تنشر وتعمل دعايه
مــنــصــور بن ســعــدي الــرمــالــي
_
٢٨_( شـفـت الـجـمـال )
قابلتها في ملتقى بين بابين 000000 بابً عذابً له وبابً عذابي
سلمت وأبديت التحيه على الزين00000 وتبسمت لي بالثمان العذابي
شفت الجمال وشفت اناالكحل بالعين00وشفت النهودوشفت اناالردف نابي
قربت منها وقلت يابنت تكفين 00000 حبه على الطاير ترى القلب ذابي
طالع وانا طالعت بالعين شخصين 00000 وصاح الوليف وقال لي ياخرابي
مادري من الخفرات ولا حسودين 00000 ياعلهم
لـ النار يوم الحسابي
مشيت أنا والقلب يطعن بسكين 00000 حتى شعر راسي توقف وشابي
والله منسى ماحدث يوم الاثنين 0000 ياما على راسي يهال الترابي
مــنــصــور بن ســعــدي الــرمــالــي
_