٤١_(لــيـت الــزمــن)

كم كنت أعاني .. وكم كنت أخفّي
وكم إشتكى قلبي وأنا أقول خفّه
أدري لو إني قلت ماحدنٍ بصفي
الحظ عاند والزمن صار صفه
كم واحد صار له شف يشبه لشفي
وحال الزمن بينه ومابين شفه
من ضيم وقتي جاني اللي يكفي
ياخذ ولامدت لي الخير كفه
وقتٍ كتب "لا" للفرح في ملفي
وأحدٍ كتب خذ ماتبي في ملفه
مــنــصــور بن ســعــدي الــرمــالــي

_٤٢_( مــافــيــه شــيء )

مافيه شيء تجرحه كلني جرح ...... ولاعاد للرحمه ترى اليوم داعي
خل التغلي وأترك الجمع والطرح ... مكشوف خل المهزله والخداعي
شرحت لك كنت أحسبك تفهم الشرح ....... وخيبت يالغدار كل المساعي
فيك أنخدعت ولك وضعت الحشاء صرح...تامرعلي وأمرك علينامطاعي
واليوم أبا ابعدعنك وارحل وأنا فرح...ويحرم على عيني لصوبك تراعي
مــنــصــور بن ســعــدي الــرمــالــي

_٤٣_(مــالــي جــدى)

ارجوك خل الباب يازين مفتوح
لاتقفله في وجه من جاك عاني
إلطف بحالي يابعد كل مملوح
جفيتني والنوم بعدك جفاني
مالك وزين وبالغلا أغلى من الروح
لك خافقي من دون غيرك دعاني
مالي جدى غير السهر منك والنوح
من يوم ربي في غلاكم بلاني
حيران فيك ولا أقدر أمشي ولا أروح
وأسري مع الهاجس وأنا في مكاني
شفني جريح وضمّدوا جرح مجروح
والى أتركن لاتجرحن جرح ثاني
مــنــصــور بن ســعــدي الــرمــالــي

_٤٤_(محتار فيك اليوم)

محتار فيك اليوم واحترت مبطي 000 وش قصتك بالضبط حيرتني فيك
تخطي تجيني تعتذرثم تخطي 000 وتزعل وترضاء قبل أجيلك وأراضيك
أطلبك ماتعطي وتبغاني أعطي 000 وياما عطيتك بس ماعدي أعطيك
وأحكي معك باسلوب للصوت أوطي000وأنت بكلامك تزعج اللي حواليك
لاشك رايح نكشف اللي تخفي 000 وأفهم حقيقة حاضرك قبل ماضيك
بقلبي سطيت ورايح بقلبك أسطي 000 وأخذ بثار جروح قلبي وأخليك
مــنــصــور بن ســعــدي الــرمــالــي

_٤٥_(مـــن خــوفـــي)

أمــرْ مــْرٍ مــرً فــي دنـيــتـي لــي
وأمــر مــر مــرلــي فــي حــيـاتــي
لـيـاجـانـي الــعــانــي وانـا مـامـعـي شــيء
ودي تــجـيـنــي قـبـل يـاتــي وفـاتــي
إن إعــتـــذرت ظــن ظــن الـردى فــي
وأنـا الــردى مـاهـو صــفــه مـن صـفـاتــي
أضـحــك وأهــلــي بــه وانــا مـنـكـوي كــي
مــن خــوفــي الـتـقــصـيـر فـي واجــباتــي
ومــن لاإشــتــهــر بـاالــجــود صـيـتـه وهـو حــي
مـاطـالـعٍ لـه صــيـت عـقــب الـمــمـاتــي
مــنــصــور بن ســعــدي الــرمــالــي

_٤٦_( نــــاح الــحــمــام )

ناح الحمام وصاح منصوربالصوت00باسمك يجاوب نايح الورق باصوات
يونس دعا الله وأخرجه من لجاحوت 00وأنادعيتك بين الاحياء والاموات
أبغاك ترجع لي قبل فايت الفوت 000 أرجع على اللي يسهرالليل مابات
لوخيروني بين فرقاك والموت 000 لا ختاراناموتي ولا أعيش بأهات
مــنــصــور بن ســعــدي الــرمــالــي

_٤٧_( هـي وحـدهـا )

لا تسئلوني عن عناي أسئلوها 0000 ولا تسئلوني ياهلي ليه مكسوف
هي وحدهاتعرف بلاي أنشدوها 0000هي وحدها اللي عندها السرمكشوف
واليا عرفتو علتي عالجوها 0000 وعلاج خافي علتي ياهلي (نــوف)

والكان ماتقوون بس خبروها 0000 في حالتي قولوا تجي يمي تشوف
مــنــصــور بن ســعــدي الــرمــالــي

_٤٨_(يــازمــن)

النهايه فين يادرب العناء ........ طال مشواري تعديت الحدود
يوم كلٍ عاش بفراح وهناء ...... كل شيء صار ضدي بالوجود
يازمن بالله قلي من أنا ....... من عرب وأسلام ولامن يهود
من أكون؟؟ومن يكون اللي بنا ....... بين حزني والفرح شيد سدود
مــنــصــور بن ســعــدي الــرمــالــي

_٤٩_(يــاســـعـــد)

قم ياسعد هات لي حبر وقرطاسه
النوم ياخوك عيّا يقرب عيوني
شف حالتي من عناء الأيام ملتاسه
سهران أنا الليل والعالم يناموني
وعودت انا للقلب هاجوسه وهوجاسه
وأكوي هواجيس قلبي بأشقر اللوني
أبي اشرح الواقع اللي تجهله ناسه
ولاهمن الناس من يزعل ويرضوني
مايقطع الراس غير اللي غرس راسه
الواحد اللي له عباده يصلوني
وياحيف ياناس أول عالي ساسه
اليوم للبن بالمجلس يعدوني
وياحيف ياناس جددوه كانوا بساسه
اليوم صاروا شغابيب ويدروني
المال خلاّ الحصاني يكبر قياسه
وخلاّ هل العرف والشيمه يهانوني
وخلاّ الحمايل جواسيس وبلاسه
كم واحدٍ من بلى الدانين مسجوني
الناس تشكي وشر الناس من ناسه
ولولا الحسد بينهم ماكان يشكوني
مــنــصــور بن ســعــدي الــرمــالــي

_٥٠_( يـــانــــــــجــــــم )

يانجم ياللي غبت من غبــت مابنت
وش حال بين ايام مجدك وبينــك
الشمس تطلع واسئل الصبح وين انت
وتغيب شمسي واسئل الليل وينك؟؟
وين انت؟؟ انا منهان منهان لاهنت
منهان من شخص..عجز لايهيـنك
ارجع متى ترجع انا انهنت وسجنت
واللي سجني كان قبلي سجينك!!

ارجع ورى مجد ماضي كما كنت
ورجع من المديون للناس دينك
ياقاسي في وجه الاضداد مالنت
ومن صاحبك ينعم بعطفك ولينك
حتى على خصمك من احسانك احسنت
وياما عطت من كل غالي يمينك
بالسيف في شبه الجزيره تسلطنت اخضعت اهلها وملكنه يدينك
مثلك ولد والله فلا جابته بنت لا شك عين يـمـهـلنك سنينك
اقولها وين انت وانا ادل وين انت
لا شك من زود القهر قلت وينك
وياقصر ياللي بدلوا طينك اسمنت
احذر تخون وتنكر اصحاب طينك
الله يخونك كان لاهل الوفا خنت
واوفيت للي بالخفى خاينينك
ياقصر لاتسكن وان انظمت وسكنت
اخفس قهر واخفس معك ساكنينك
ياقصر مهما زينوا فيك مازنت زينك رحل وان عاد لك عاد زينك
مــنــصــور بن ســعــدي الــرمــالــي

_٥١_(يـانـفـس صـبـرك)

ياقلب مادام الزمن متحديك00000000 أصبر على ميلات وقتك وجوره
ويانفس صبرك والفرح عند واليك 00000 كوني على ماقدر الله صبوره
هذي هي الايام لابد تسقيك 0000000 عقب الحلا كاس الكدر والمروره
وهذي هي الاقدار لابد ترميك 0000000 من بره الامن لمظلم بحوره
لاتجزعي دام الممات متقفيك 0000 وكوني على صعب المواقف جسوره
ولاتيئسي من رحمة الله يخليك 00000 الله هو القادر على حل أموره
مــنــصــور بن ســعــدي الــرمــالــي

_٥٢_(يــانـــوف)

ياللي جرحت القلب بيدك وانا أشوف.... حرام قلبك ليه مابه مرافه
ارحم جريح طاح وبحالته روف ........ اللي حياته لاجل فرقاك عافه
تركتني في ظلمة الخوف مكسوف........ والبستني ثوب الشقاء والكسافه
يابو جديل فوق الأمتان منسوف........ تلحق على روس الشطايا ضفافه
وعيون سود..وخد..ونهود..وردوف..... واليا ابتسم تجذب عيوني رهافه
وجسمٍ حسين الطول والخصر منحوف....عليه من تفصيخ ثوبه كلافـه
والورك..والفخذين..والساق ملفوف.... والوجه ناعم ماشتكى من جفافه
أدعج..غنج.. بالملح والزين موصوف... من ينهبه يملك عذر لأختطافه
في حب ذاك الزين مغرم ومشغوف........ اللي جمع بين الجمال وعفافه
تبدأ حياتي ليل لي كان مزفوف...... ونهايتي ليله لغيري زفافه
واوجد حالي وجد من جيب مكتوف ...... وحطوه في سجنه وشدو كتافه
مطلوب دم ولحظة الجرم مشيوف........ وأخو القتيل اللي له الثار شافه
ومن جيب للتحقيق بادوه بكفوف....... وسجل بتقرير السجون أعترافه
عليك ياللي لأجلك الدمع مذروف....... دمعي على فرقاك زاد أنذرافه
أنا على لقياك يانوف ملهوف......... والقلب هم الود والبعد لافه
بالقلب من فرقاك هاجس ولافوف........ يزود مع زايد جفاك التفافه
صارن دقاته لهن رجف ورجوف ...... زود الجفاء والصد زاد أرتجافه
يانوف باسمك صرت البي وانا أطوف.... وكلً يلبي للولي في طوافه
هم يرتجون الله وانا أرجيك يانوف... ارجيك انا رغم ابتعاد المسافه
ارجيك رجوى اللي مع الموج مجروف.... والموج حطم مركبه بأنجرافه
في ليل مظلم واعتلى فوقه الطوف..... وأطلق عنان الموت باخر مطافه
سوي ولو مره بدنياك معروف ......... تماكني قلباٌ بدابه تلافه
أجاوب النايح ليا ناح برفوف ....... واقلب كما ذيبٍ عنا الجوع حافه
روفي بحال اللي طعنتيه بالجوف ..... اللي على شانك حلا النوم عافه
أعفي عن اللي بين اياديك موقوف .... فكي قياده وأسمحي بأنصرافه
وردي علي وبددي ظلمة الخوف ........ لاتتركيني في هوان ومخافه
وأن مارجعتيلي انا أموت يانوف..... ولا على دنياي بعدك حسافه
مــنــصــور بن ســعــدي الــرمــالــي

_٥٣_(يــاهـــلـــي)

ياهلي لاتلومون العيون السهيره
لوموا اللي تسبب ياهلي في سهرها
وإن سئلتوا علام الحال صارت خطيره
ياهلي نوف حالي هي سبايب خطرها
ياهلي خبروها بإن حالي ضريره
قولوا الحال من فرقاه صابه ضررها
وقولوا إني عليها أنثر دموعٍ غزيره
وخايف العين من فرقاه تفقد بصرها
خبروا ياهلي ذاك العشير بعشيره
وقولوا البيض غيره مايساوون أثرها
وياهلي لو يجن البيض من كل ديره
يختفي نورهن من يوم تكشف نحرها
إرتجوها تفك القيد من رجل اسيره
وإلحقوا قبل ماأغرق ياهلي في بحرها
مــنــصــور بن ســعــدي الــرمــالــي