السيل....والاخ ماجد العردان الشمري

السيل حرّك سكون الداله الهاجد=مشاعري يوم يقبل به ويقفي به
جاشي للأمثال لامنه نوى راجد=أحلى المعاني وعذبه زان ترتيبه
ذكّرني السيل يوم أنه جرى " ماجد "=به من طبوعه ومن وصفه وتقريبه
يحيي قلوبٍ بوسطه دوم متواجد=هو تاجها من ملكها صدقه وطيبه
ويجرح قلوب العدا لا عض بالناجد=هو ليثها والمنايا في مخاليبه
العزم والحزم كلٍ راكع وساجد=في حضرتك "يابو خالد" تعلن الهيبه
شفنا بهالأرص من خلق الله الواجد=غيرك من الناس يابن الجود وش لي به
أنت الكريم العظيم النادر الماجد=ابن الأماجد ليا عدّت مناسيبه
من " آل عردان "قل لي ويش أنا واجد=حرار وأحرار ياما أشرف مجاذيبه
السيل حرّك سكون الداله الهاجد=مشاعري كلها تقبل وتقفي به

المصدر: منتديات عالم الزين