| عـجـايـــب |
| السلآم عليكُم .. .. ورحمــة اللـه وٍبركآته .. حبآيبي .. مسآئكم / صبآحكُم .. إْيآمكُم .. طُهر ..وٍَ.. نقـآء للـوٍَرٍَقْ حُبرٍَ .. وٍَللحرٍَفْ كلمهـ .. وٍَللـ الأسرآر شآعرٍَ .. وٍَمآلهآ إلآ فـهـد .. فِيَ الـبــدآية .. حَبِيتْ أقدم دبوان فـ مآلقِيتْ أروٍَع .. وٍَأجمل .. مِنْ ديوآنْ .. الشآعر المُرهفْ ..  الشآإعِرٍَ .. الغيرٍَ .. الشآإعرٍَ .. المُترٍف .. الشآعرٍَ ..  فـهـد المسـآعد ..       ...ديوآإنْ الآسرآر ..  فـ حبيتْ أنــزٍَل الديوآنْ .. علىْ إْمل يلآقِيْ إْستحسـآن الجميع .. وٍَأنْ أصِـل لـذآئقتكُم .. لوٍَ قليلآ" .. الديوٍآن يضمْ 18 قصيدهـ .. { / حَبيتْ أوضِح لكـ / الآسرآر / سكة الذكـرى الحـزينة / تعآل / العـذر / آخر دروبيْ / سحآبة / الغربـه / تحتْ الآرض أحبك / التفآصِيل الصغيرٍهـ / 19 عآم / وحدهـ بوحدهـ / ســؤال ؟ / عين بدوٍَيْ / بسم آلله عليك / تمنيتْ موٍَتك / صلآة وعـنـآقـيـد مشـآوير ..** وِمْن هُنآ .. للرٍَحيل فِيْ عآلمه مشـوٍآرٍَ .. ---------------------------- حبيت أوضـح لك في عز ماكنت أهوجس فيك وافتح لـك أبـواب قلبـي خذتنـي رجلـي لبابـك وجيتك وأنا مااذكر إني كنت رايـح لـك بس اذكـر انـي كـذا لاطـول غيابـك ياما ترددت مدري كيـف بشـرح لـك أجيك وارجع .. أبيك تقول وش جابـك ياابن الأوادم تـرى مليـت ألمـح لـك أنا أعزك .. وأحبك .. واعشق ترابـك لاضقت اضيق .. ومتى ماتفرح أفرح لك ولاغبت أموت ومتى ماشفتـك احيابـك ان كـان ودك ترسيّنـي علـى كحلـك لمّيت عمري .. وخاويتك على أهدابـك لكن قبل تنجرف .. حبيت أوضـح لـك مستقبلي في يدينك .. وأعمـل حسابـك لوضاع مستقبلي مانيـب سامـح لـك يكفيني الماضي اللـي ضـاع بأسبابـك للإستمآ‘ع ,,. ---------------------------- الآســرآر .. يا رفيف الماء .. وفجر العيـد .. وأحـزان الموانـي يا أكثر أهل الأرض طيبـة قلـب .. وأسـرار دفينـه المكـان اللـي هنـا .. مليـان ضحكـات ، وأغانـي والكـلام اللـي بغيـت أقـول .. يحتـاج ل سكينـه ! شوفي الركـن البعيـد هنـاك .. كنـه صـدر حانـي هـذا هـو اللـي يليـق ب شاعـر وبنـت حزينـه! أنسـي الشـارع ، وعتمـات الزوايـا، والمبـانـي هاتـي يدينـك نلـف الغـيـم ونشـكـل مديـنـه !! عنـدي الليلـة كـلام وصمـت .. وأخـاف الثوانـي تظلمه .. أو تظلـم اللـي فيـه كـم ضاعـت سنينـه بـس لازم تسمعـيـن الـلـي أبــي ولا تـرانـي لو ب أعيده لك .. نسيت .. ورحت أقول اللي تبينـه شي واحد قبل ما أبـدأ .. مـا أبـي أي شـي ثانـي يخطر ف بالك .. وأنا أكشف لـك شعـور تجهلينـه ! إن أنا .. وبكـل مـا تحملـه "أحبـك" مـن معانـي كنت،وراح أبقى أحبك .. لين .. مدري وش هو لينه !! بـس والله ماقـدرت أنسـى .. ولا همـي نسـانـي لا ذكـرت إنسـان .. فيـه أسـرار مابينـك وبينـه كـل مـا تطـري علـي فكـرة هــواك الأولانــي أشعـر إنـي أنطعـن مليـون مـره مـن يديـنـه! أشعـر إن عيونـك.. الله مـا خلقهـا إلا عشـانـي كيف كانت تبتسـم لـه؟!.. قولـي إنـك تخدعينـه !! صورة إنـه كـان يمسـح دمعـك .. تزلـزل كيانـي وكيف كـان يلـم شعـرك .. ويتبعثـر فـي يمينـه حتى اسمـك يـوم رحـت أدلله .. حظـي رمانـي.. بنفس الاسم اللي يقول .. بذمتـك ماهـي غبينـه !؟ وكنـي اللـي .. كـل مـا أناديـك بالاسـم الفلانـي أطلـب النسيـان .. يتـرك منـه شـي تذكرينـه !! لا تظنينـي أنانـي .. لا .. أنـا مانـيـب أنـانـي لو سلمت من الغرق . بأمـوت فـي ظهـر السفينـه! يا إني ما أكمـل وأعانـي .. أو أكمـل ثـم أعانـي.. كل ما اسمع طاري اسمه .. أو تجي عيني في عينـه! أينا كـان الضحيـه ؟.. وأينـا اللـي كـان جانـي ؟ مـدري !.. ولكـن قـراري لازم إنــك تقبليـنـه: مثـل مـا أكـره فكـرة إنـه واحـدٍ ياخـذ مكانـي ما أقدر أجلس في مكـان إنسـان.. كنتـي تعشقينـه! { ---------------------------- سكة الذكري الحزينه .. مرّني طيفـك .. وطيفـك صاحبـي مـدري عـدوّي جايبٍ صوتك .. وصوتـك سكـة الذكـرى الحزينـة قال أنا جوّي تكـدّر .. قلـت : ماهـو كثـر جـوّي قال فرقانا غبينـة .. قلـت : وأكثـر مـن غبينـة قال : أنا بأموت من غيبتك قل لـي ويـش أسـوّي؟ قلت : أنا أبغى الموت في غيبتك .. قل لي بس وينه؟! قبل ترحل .. كنـت أقـول بيسـرح أيـام ويضـوّي مثـل ماعودنـي اليـا اشتقـت لـه جابـه حنينـه بـس هالمـرة ثمـان شهـور وضلوعـي تــدوّي كل يوم أشتاق لك .. يلعـن أبـو الشـوق وسنينـه كـل ماعشمـت قلبـي .. قـال ياضلوعـي تقـوّي ورحـت أنـا ويـاه نرقـب رجعـة اللـي فاقدينـه نوب أقـول اليـا رجـع بكـون فـي قمـة هـدوّي ونـوب أقـول الا أبزعـل وأتلـى مابينـي وبينـه كل يوم أجلس علـى جـال البحـر وأقـول تـوّي .. .. لاسألني : مافقـدت الحلـم فـي لمسـة يدينـه ؟! مادريـت أن البحـر ماقـال لأمـواجـه تــروّي ! و مادريت أن الغـرق هـو حجّـة غيـاب السفينـة مادريت .. أو مابغيت أدري .. ولاأدري وش بسوّي لو رجعت .. وشفت طيفك فـي الممـرات الحزينـة وين ابنسى وانت طيفـك صاحبـي مـدري عـدوي مارضى يتـرك لغيـره شبـر واحـد فـي المدينـة! ---------------------------- **تعــآل.. من عز نومي صحيت وشفت في عينـي دمع تهادى علـى جفنـي وأنـا غافـي ستـرت دمعـي بكمـي قبـل يغرينـي وأخذت هذا الجسد مـن باقـي لحافـي وسريـت تايـه ورا خطـوات رجلينـي لا الوجه وجهي ولا أوصافي هي أوصافي أمشـي وأقـول لطريقـي لا توديـنـي لعيون ناس تبي تـدري عـن الخافـي أمانتـك.. خلهـا مـا بينـك وبيـنـي خابرك يالـدرب خـوة عمـر وسنافـي مـا ودي النـاس تـدري وش يبكينـي كرامة النفـس ورث أبـوي وأسلافـي أمشي وأحس الخناجـر فـي شرايينـي والبرد يمشي وراي وينهـش اطرافـي وحيـد واللـيـل بـردونـه يغطيـنـي تقـول كـن البلـد روح بهـا السافـي إلين ما أوحيـت لـي صـوت ينادينـي صوت أعرفه مثل ما أجهل وش خلافـي قمـت أتلفـت وانــادي لا تخليـنـي ما غيره.. الصوت هذا صوتـه الدافـي ولمحت زوله من أقصى الـدرب لافينـي مدري وش اقول لكن حـي هـا اللافـي تعال.. شف غيبتك كيـف أثـرت فينـي تعال.. شفني وأنا أغرق عقب مجدافـي تعال.. خذنـي ورحبـي مـن عناوينـي تعبت أعدي على جمـرك وأنـا حافـي تعال واقطف بصوتـك زهـرة سنينـي كـل المواعيـد عقبـك شمعهـا طافـي تعـال وازرع خصـل شعـرك بكفينـي بضمهـا ليـن أحـس بليلـك الظافـي تعال وشفيـك خايـف؟ أنـت ناسينـي؟ قطعت صوتـي عليـك وطـال ميقافـي حتى بديت أشعـر أن الحـب معمينـي وان أنت حلم عثى فينـي وأنـا غافـي لكن أمانـة تـرى اللـي فـي كافينـي إن رحت منك كذا مـا رحـت متعافـي بصـدق الحلـم وأحـذر لا تصحيـنـي في خاطـري كلمتيـن إن قلتهـا كافـي أمانة الله عليك إن غبـت عـن عينـي لا يكون قلبك مثل قلـب الزمـن جافـي مع كـل دمعـة تذكـر رعشـة يدينـي ومع كل ضحكـة تذكـر قلبـي الوافـي ---------------------------- **الــعــذر.. يعني كـذا يـاأم الوفـا والمحبـه كـذا المحبـة والوفـاء ياوفـيـه أغيـب عنـك أيـام ولا أتنـبّـه إلا وانـا أشوفـك زعلتـي عليـه وش زعلك ؟ وش هز قلبك وشبه ؟ يعني عشاني غبت صارت قضيه ! ياام القوام اللي مـن أدنـاه هبـه يميـل كـن الخيـزران أدمـيـه وأم العيون اللي من يخـاف ربـه يذكـر عليـه الله ويذكـر نبـيـه إن كنت مخطـي فالخطـا مايجبـه إلا العذر وانـا اعتـرف بالخطيـه وهذي بعد من فوق الأعذار حبـه لاتزعلـيـن الله يخلـيـك لـيـه { ---------------------------- اخر دروبي .. يا بشر تكفـون حلّـو عـن سمايـه ما يصيب الهرج لو الهـرج صوبـي كـم سكـت لكـم بمـا فيـه الكفايـة اشتموني لو زعلتـوا واشمتـوا بـي عيبونـي واتركونـي فـي عمـايـه واتركوا لي واحـد يرضـى عيوبـي اتركـوا لـي واحـد يمسـح شقايـه كل ما حـط الزمـن دوبـه ودوبـي ذاك والله لآ ذكـرت انـه ورايــه اشعر إن الكـون كلـه وسـط ثوبـي يكفـي انـه لـو يسولـف للمرايـه كن صوته يهمس لصورتـه.. ذوبـي كيف أنا مـا أذوب مـا دامـه معايـه اسمعه وأسهر معـه لآخـر دروبـي كل مـا قـال السهـر درب الغوايـة قلت كلـه مـن عيونـك هبّلـوا بـي وكل ما قـال الخطـا ماهـو خطايـه قلت له قـل للعيـون السـود توبـي ضيعتـنـي واســأل الله الهـدايـة وين أجيب العقل.. أجيبه من جيوبـي من يعرفـك مـا يـدل العقـل رايـة يا شروق العمر.. مدري يـا غروبـي أذكر انك كنـت لـي مثـل الهوايـة لو تروح ولو تجـي يبقـى شحوبـي بس مدري كيف صرت اليـوم غايـة وصرت أجي وأروح مدري عن دروبي يـا بعـد عمـر الكتابـة والقـرايـة يا الشمالـي يابـو الملـح الجنوبـي لا قريـت اللـي كتبتـه يـا رجايـه رح وبلغ ربعـي اللـي جننـوا بـي قلهـم يمكـن يخـلـون الوشـايـة و إن تمادوا خلهم مهمـا حكـوا بـي أنت خلك بـس فـي الدنيـا عزايـه لا تفكر في العـواذل وأنـت صوبـي ادري إن كـل درب ولــه نهـايـة بس أنا باقـي معـك لآخـر دروبـي يُتبــــــــــع ..  **المواضيع المتشابهه:
المصدر: منتديات عالم الزين
__________________  :11rob:السمـوحه كل شي إلا شعوري:11rob: :11rob:مــو لأي إنــسـان شفي وإلتياعي:11rob: |
| عـجـايـــب |
| سحـآبة... جف الكلام ومـدت يدينهـا فـوق : .. .. أخترت هذي .. وأنت شف لك سحابه قلت .. ويديني تحتضنها مثل طوق .. : أختـرت هـذي هـذي أكثـر رحابـه هذي دفا صوتٍ مـن البـرد مخنـوق هذي سـؤالٍ نصـف عمـري جوابـه هذي هي اللي عرّفتني علـى الشـوق هذي قدر .. ماكنـت حاسـب حسابـه قطعة حزن في جيب بالـي ومشقـوق ومضة فرح في عيـون نـاسٍ غلابـه أن سولفت فـي ثغرهـا لمعـة بـروق وإن سرّحت في عيونها صمـت غابـه واليا اضحكت نورٍ من الفجر مسـروق واليـا بكـت تحـزن عليهـا الكآبـه حبي لهـا لـوأدري ان فيـه مخلـوق قدّ حبّ مثلـه .. قلـت : "ياللغرابـه" هالآدمي من وين له قلـب وعـروق؟! والصبر هالمسكين مـن ويـن جابـه؟ وأنـا أتكلّـم .. ردّت عيونهـا فـوق ثم تمتمت : من هي هالأكثـر رحابـه؟؟ قلت ويدينـي تحتضنهـا مثـل طـوق فـي ذمتـي ماشفـت غيـرك سحابـه للآستمآ‘ع ---------------------------- الغربة.. أيـوالله أن شوفتـه تستاهـل عنـادي اللـي عشانـه تركـت الـدار والتربـه مااقـول لـك شوفتـه نستّنـي بـلادي لكنّـهـا يافـهـد نستّـنـي الغـربـه وش عاد لو قلت عني ضايع وغـادي ؟ وش أبركه مـن ضيـاعٍ دلّنـي دربـه تبغاني ارجع ! وأنا ياصعـب معـوادي مـادام همّـي نسانـي وأنقلـع سربـه الهم هاللي تشـوف انـه علـيّ بـادي ياليتك تشوف كيف يصيـر فـي قربـه الله يحـرم ... عيونـي لّـذة رقـادي أنّي معه .. مااعرف حزني ولااشعربـه هرجك فوادي وأنـا ياخـوك فـي وادي الله يخلّـيـك ... حـالـي لاتعّـذربـه راضي بحالي كذا ... واللي يجي عـادي لعيون منهو ركـز فـي قلبـي الحربـه بصوته , شقاوته , مزحه , طبعه الهادي يملا عليّ الفضا .. من شرقـه لغربـه يكفيني أنـه غـدا هـو شربـي وزادي أو تقدر تقول أنـا اللـي زاده وشربـه ياخي أذا الحب عيب ! فشفني آنـادي : سجل ..... أنا من عرف عيبه وجاهربه وسجّـل هنـا كلمـةٍ تستاهـل عنـادي بقولها قبـل أسافـر وأتـرك التربـه : والله ماأقسى من الغربـه عـن بـلادي الا .. شعوري وانا في بـلادي بالغربـه للآستمآ‘ع ---------------------------- تحت الارض أحبك مي هذي مثل طلّ الصبـح لأغصـان الحدايـق يبتسـم قطـر النـدى لاباسـتـه أو باسـهـا مي هذي بنت لامن شفت صدر الليل ضايـق .. أدري ان عيون مـيّ اليـوم طـال نعاسهـا ! من هنا تصحى ويصحى الحب في عيون الخلايق ومن هنا تغفى وتنسى الارض ضحكـه ناسهـا يسعد الله قلب ميّ اللي كثـر ماهـوب بايـق .. ..من قلوب الخلق..مااذكر مـرّ يـوم وداسهـا لأن مي أرق بنت..ولو قسـت ماهـوب لايـق حيّرتني مي..الأجمل : هـي..والا أحساسهـا !؟ بالها لاضاق زانت..كيف لامن صـار رايـق!؟ في انتباهتها براءه..كيـف اجـل هوجاسهـا !؟ العمر لو كـان ضحكـه مـي تكفينـي دقايـق بس اخاف ان مت..تحني مـي فوقـي راسهـا مي لـو تبكـي لموتـي مالـي الا افـز فايـق من قبل لاامـوت أكثر..مـن نشيـج انفاسهـا مي .. لاتعطين بال لمن يقـول المـوت عايـق الجسـد موتـه يفـك الـروح مـن حراسهـا ماأحبك فـوق الارض وبـس ياكـل الخلايـق حتى تحت الارض أحبـك يابعـد مـن داسهـا مي لو ماقلـت فيهـا بيـت واحـد ماتضايـق لأن مالي شعـر ينشـر لـو رفـض كراسهـا للأستمآ‘ع ---------------------------- **التفاصيل الصغيره ازعل عليك احيان وأزعل على نفسي قبل ماأزعل عليك وأرضى عليك احيان وأرضى على الدنيا وانا راضي عليك وأنت عمرك مازعلت .. وماعتبت ... ومارضيت أزعل علي لو كذب أعتب علي لو كذب هذي التفاصيل الصغيره اللي تخلينا نحب ماأحب انا ازعل عليك ازعل انا لأني احب *** ياأدفي من حروف الشعر ياأرق من حلم السنين إذا تركتك تنتظر حسسني إن انتا حزين مابي تقول مسامحك قل : ماأبيك وإذا رجعت اصافحك أبعد يديك أنا انجرح قبل اجرحك وأبكي عليك لكن أبي مره تحس وشلون أنا أمووت فيك هي التفاصيل الصغيره اللي تخلينا نحب ماأحب أنا أقسى عليك أقسى أنا لأني أحب *** أدري فيك تموت فيني وأنا ميت من برودك لي متى وانتا تبيني وماتحسني بوجودك ايه ... حسسني بوجودك لمّ صوتي بعثر حكاية سكوتي لاتخلي الحب يفقد همسك العذب ويمووت قل احبك .. قل احبك بأعلى صوت انا مليت السكوت *** ياإبتسامة قلبي ولهفة حنينه ياشقاه وياحنانه يابعد كل المسافات الحزينه معك امانه الدروب اللي مشينا .. لاتضيع وتغترب بالتفاصيل الصغيره نقدر نعيش ونحب ---------------------------- **19 عــــآم.. 19 عــــام .. وبــقــى لك بــعـــد عـــام ويــصــير عـمــرك مـثـل مـاأنـتي تحبين عـقـبـال مـاتـمـضـي اللـيـالـي والأيــــام ويـمــر يـوم ٍ فــيــه اشـوفــك تـقولين : .. ياشــاعـــري قـــل للـدفـــــاتر والأحـلام مـرت سـنـه والـيـوم كـمـلت عـــشــرين قـلـّـي كبرتي .. قـل كبرتي .. من العام .. وأنا احتريها .. وأنت ساكت لهالحين ؟! وأقــول هـذي كـلـهـا حـسـبـة أرقــــام هو للسحابه عمر ! ردي ؟! وبعدين .. مـهـمـا تكـبـّـرك اللـيـالـي والأيــــــام تـبـقـين طـفـلـة قـلـبـي اللـي تـحــبين للأستمآ‘ع { ---------------------------- وحده بوحده.. ياغايـبـه وان كــان فيـهـا جمـالـه تجمّـلـي يــاام الـحـلا والظـفـايـر بالله شوفـي صاحـبـك كـيـف حـالـه شوفيه فـي غيبتـك وشلـون صايـر ؟! صارت حياته ضيـق خلـق .. و بطالـه هم .. وسهر .. واوراق شعر .. وزقاير !! يعنـي حبيبـك صـار حالـتـه حـالـه مابـاقـي الا انــه يــدّن العـبـايـر الله لامـنّــه ذكـــر مـامـضـالـه قـبـل الـدوايـر ماتـجـر الـدوايــر يـوم الطفـولـه والشـقـا والجهـالـه يـوم الصغايـر فـي عيـونـه كبـايـر ايــام كــان معـانـده راس مـالــه ويسـوق لهـبـال الشـقـاوه بشـايـر يامـا امتلـى بالحـب والطيـش بـالـه ويامـا امتلـت مـن شخبطتـه العوايـر يكتـب عليهـا : ( عااااشقـك للثمالـه ) ويخـطّ توقيعـه : ( جريـح الضمايـر ) يامـا اشتكـاه ابـوك فـي بيـت خالـه ويامـا تحصّـل مـن هـواك العـزايـر مـره حـلـف بـأنـه يبّـطـل هبـالـه وقبـل يكمّـل .. فـك اخـوه الستـايـر ثـم طالـع الشـبـاك.. ليـنـك قبـالـه وفي اقل من لمـح البصـر جـاك طايـر علـى صغـر سـنـه ممّـيـل عقـالـه كااااشـخ وناسـي لايـصـك الـزرايـر لاشـافـك يتمـتـم لحـالـه بـحـالـه لعيـون هالشوفـه تـهـون الخسـايـر ولاشـاف زول ابـوك حــذّف نعـالـه الحـب جايـر .. لكـن الـعـود جـايـر طفـلٍ يتيـم ورغـم الأحــزان دالــه مايـدري ان حظـه مـع الوقـت بـايـر كنتـي طموحـه .. كنتـي أغلـى حلالـه كنتـي وصرتـي بـس يـاام الظفـايـر طفـلٍ زرع مـن ضحكتـك فـي خيالـه ليـن اثمـرت شعـرٍ هـزالـه حـرايـر لاتتركيـنـه فــي غيـابـك لـحـالـه بالله شوفـي كيـف هالطـفـل صـايـر ووحـده بوحـده كـان عنـدك عـدالـه اتبّطلـي غيـبـه .. و ابـطّـل زقـايـر للأستمآ‘ع ---------------------------- **يُتبـــــــــع .. ** |
| عـجـايـــب |
| ---------------------------- **ســؤال.. لاتكّدر خاطـرك ضيقـة حبيبـك يـوم قـال أيه أحبك يابعدهم بـس أنـا ويـن آغـدي ضيقتي ماهيب بس اليـوم يابنـت الحـلال ضيقتي لها ثلاث سنيـن تاكـل مـن يـدي ضيقتي مافي وفاهـا يابعـد عمـري جـدال كل ليلـه تبسـط يديهـا وتفـرش مرقـدي ودي أسكت بس أعرف الحظ لامن مال ..مال لي متى والصمت ينهش في ضلوعي وجسدي شوفة عيونك..هموم وضيق خلق وقل حـال وش أسوي دام حظـي يابعـد عمـري ردي هي كذا عيشة حبيبك لـو تظاهـر بالكمـال أقرب أيامـه سعـاده بعدهـا بعـد الجـدي هي كذا وأنتي بكيفك ..بس باقي لي سـؤال فيه دمعه في عيونـي تنتهـي أو تبتـدي؟! كلهـا مابيـن كلمـة روح أو كلمـة تعـال كلمةٍ منها أضيـع ..وكلمـةٍ فيهـا آهتـدي هذا كل اللي بقوله..وأعـذري قـل الوصـال والله أدري بك زعلتي بس أنا ويـن آغـدي ---------------------------- **عين بدوي .. وأتذكر كيف عشت اللي مضى لي من غيـا من غيابك لين هذا اليـوم والهـم اسـروي حالتي صعبه وضيقـة خاطـري قلـة حيـا منطوي وأحس فيني شـي مثلـي منطـوي من بعد ماكان هـذا القلـب مربـاع أخويـا ضاقت الدنيا عليـه ولابقـى منهـم خـوي هيه ياللي همس صوتك نور..وحروفك ضيا ليت صمتك موت وأشرب من فراقك وأرتوي ودي أدري قبل ماأحيا كيف أموت ولا حيـا كم تعبت أموت وأرجع مثل خلق الله سـوي يالحقيقه في الزمان الممتلـي كـذب وريـا مابقى لي غير كلمه قبل ماالصـوت يهـوي أقسم برب البروق اللـي كمـا مبسـم هيـا أنك أغلى من بكور الوسم في عين بـدوي { ---------------------------- بسم الله عليك.. جيـت فـي ليلـة وداعـه تـايـهٍ بـيـن البـيـوت وصحت : "وينك؟!.. جيت اوادع عمري اللي ضاع فيك" مـا سمعـت الا صـدى صوتـه وكـان آرقّ صـوت ينطق اسمي..ثم يهمس : "من متـى وانـا احتريـك؟!" قلـت وهمومـي تغافـل زفـرة الـحـزن وتـفـوت : "هذا انا جيتك..يا ليـت المـوت جانـي قبـل اجيـك" بعدهـا يـا دوب عـدّت عبـرتـه حــد السـكـوت قـال وعيونـه تغـارق دمـع : "بسـم الله علـيـك" قلت : "يا ابن الناس عـادي مـاورى هالمـوت مـوت وش وراهـا لا فقـدت عيونـك ولمـسـة يـديـك"؟! للأستمآ‘ع ---------------------------- **تمنيت موتك .. اللي بقا لـي فـي غيابـك .. سكوتـك واللي فقدتـه مـن غيابـك .. حنانـك عـذرك معـك لوخبـرونـي بمـوتـك وحقي عليك ان كـان عـذرك زمانـك ماكان موعد .. وأعـذرك لـو يفوتـك أنـا انتظـرت العمـر كلـه عشـانـك غبت ورضيت .. وبعدها .. غاب صوتك وأبطيت أكذب .. من يقولـون : خانـك بالله كيـف تحـس فـي طعـم قوتـك لامن ذكرت إنسان .. خنته .. وصانـك ماكـن قلبـه واحـد مــن بيـوتـك من تحت سقفه كـم شعـرت بأمانـك؟ وراك خليتـه .. لعتـمـة سكـوتـك؟ وأنا مـا غيـر أعشمـه فـي حنانـك فـي غيبتـك ياكـم تمنيـت مـوتـك أقل شـي .. أرتـاح وأعـرف مكانـك ---------------------------- **صلاة وعناقيد.. عدّى عمر .. ياليت الأعمار تنعـاد وأرجع بلا شيـب وبليـا تجاعيـد أرجع وأضم أبوي وأقـول: لا عـاد تموت وتتركني مثـل ليلـة العيـد يوم اسألوا عنـك الصبايـا والأولاد وقلت:أمي تقول انه مسافـر بعيـد بكيـت ليلتهـا وناديت..مـا فــاد وظليت أصوت لك .. وأناديك وأعيد عوّد يا بوي وجب لي ثيـاب جـداد يا كثر ما تنسى يا بـوي المواعيـد بكيتك لحالـي وأنـا كنـت معتـاد تكف دمعـي بإيـد وتضمنـي بإيـد كم كنت محتاجك تجـي كنّـك رقـاد تمطر من كفوفـك صـلاة وعناقيـد احتجت لك طفلٍ كسر قلب الأعيـاد واحتجت لك طيش وشباب وتناهيـد واحتجت لك شاعر له أحباب وأضداد واحتجت لك رجال يخشـى المناقيـد احتجت لك .. واحتاج لك ظل وسناد العمر ينقص واحتياجي لـك يزيـد { ---------------------------- مشــآوير ياقلب طالـت قسوتـك وأنـت ليّـن في قسوتك ياقلب ويش انت لاقـي !؟ اللـي تعـدّى عمـر ماهـوب هيّـن والعالم الله كـم مـن العمـر باقـي ! يمكن يطول .. ويمكن اليـوم أعيّـن موتي .. ويبكـون الحبايـب فراقـي وش عاد أسوي وسط قبري وأزيّن ؟! لاجفت عروق .. وعيون .. وسواقي لا عاد بـه فرصـة عشـان آتحيّـن ولا عاد بـه زفـرة وأفـك اختناقـي باكـر وكـل اللـي سترتـه يبـيّـن وانا علـى هالحـال ميّـس وهاقـي مـدري متـى يهدينـي الله وأديّـن وأكف عن بعض المشاويـر ساقـي ! __________ إْمنيآإتيْ أنْ يكوٍَنْ االديــوان قد رآق لكُم  فــآـآئق إحترآمي .. للجميع .. |
| السنعوسي |
| عجآيب: رآئعه بنقلك لرآئع..!! قصآئدٌ جميلة..مواضيعها اجمــل ..بمنتدى جمـيل..!! اشكرك على اجتهادك ا ل س ن ع و س ي ؟
__________________ [img]http://zorooo.***********/tala2.jpg[/img] |
| عـجـايـــب |
| بوجودكـ عزيزي أضفت الجمال لصفحات موضوعي... تسلم يالغلاااا وماأنحرم منك يااارب. |
| H o r i a h | |
| كــم تعجــبني شــآعريــتـــه .. وهــذهـ من قصــآئــدهـ التي أفضلهــآ كثيرآ : اقتباس:
شكــرآ لــكِ غآليتــي ..
__________________  . حيْن يتعـمْد الآخرينْ فهمك بطريقهْ خآطئةْ لآ ترهْق نفسكْ بـ التبريرْ فقطْ أدر ظهركْ وْ استمتعْ بالحيآة .  |
| عـجـايـــب |
| العفووو يالغلااااا ربي لايحرمني من هالطله. |
| الاواكس |
| عجايب يسلمو يالغلا على تنزيل الديوان تقبلي مروووري: الاواكس
__________________ الاواكــــــــــــــــــــــــــــــــــــــــــــ ــــــــــــــــــــــــــــــســو |
| عـجـايـــب |
| الأواكس ... ربي يسلمك من عذاب النار ... أسعدني مرورك يالطيب. |
| حظـ A ــ عيني |
| عجاايب تسلمي على تنزيلك لديوان الشاعر الكبير ربي يعطيك الف عاافيه |
| إضافة رد |
| مواقع النشر (المفضلة) |
| الكلمات الدلالية (Tags) |
| المساعـــد, الشاعر or, ديــوان, فهـد |
| أدوات الموضوع | |
| انواع عرض الموضوع | |
| |
 مواقع صديقة | |
العرض العادي
